எச்சில் இலையில் புரளும் ஏழாம் அறிவு!

'மடே ஸனானா' என்ற ஒரு ஆன்மீக நிகழ்ச்சி கர்நாடக மாநிலம் டும்குர் மாவட்டம் குக்கே சுப்ரமணிய சுவாமி கோவிலில் ஆண்டு தோறும் நடைபெற்று வருகிறது. அது என்ன 'மடே ஸ்னானா'?

பிராமணர்கள் சாப்பிட்ட எச்சில் இலைகளின் மேல் உருண்டு அவ்வெச்சில்கள் தமமேல் படும்போது சுப்ரமணிய சுவாமியின் அனுக்கிரகம் கிடைக்கும் என்றும் இதன் மூலம் தோல் வியாதிகளும் மற்ற சிரமங்களும் தங்களை விட்டு அகலும் என்றும் வேற்றுசாதிக்காரர்கள் நம்புகின்றனர். இதைத்தான் இந்த காணொளி நமக்கு விளக்குகிறது. இது பற்றி பிரபல இந்து நாளிதழ் தனது பத்திரிக்கையில் இதைப்பற்றிய செய்தியை 01-12-2011 அன்று வெளியிட்டதால் இது வெளி உலகுக்கும் இன்று தெரிய வந்துள்ளது.

இந்துவில் வந்த செய்தியை இங்கும் இங்கும் சென்று பார்ததுக் கொள்ளுங்கள். தினமலரில் இது பற்றிய செய்தியை நான் பார்க்கவில்லை.

தோல் வியாதி வந்தால் தோல் மருத்தவரிடம் சென்று வைத்தியம் பார்ப்பது ஆறறிவு உள்ள மனிதனுக்கு உகந்தது. முஸ்லிம்களிலும் சிலர் வயிற்று வலிக்கு நாகூர் தர்ஹாவில் சென்று படுத்து கொள்வது போல் இவர்கள் தோல் வியாதிக்கு எச்சில் இலைகளில் உருளுகின்றனர். இரு மதத்தவரும் செய்யும் இந்த மூட பழக்கத்துக்கு வேத நூல்களிலிருந்து எந்த ஆதாரத்தையும் காட்ட மாட்டார்கள்.

எச்சில் இலையில் புரளும் இந்த பழக்கத்தை விடச் சொல்லி சில தலித் அமைப்புகள் போராட்டத்தில் குதித்தன. இந்த பழக்கத்துக்கு ஆதரவு தெரிவிக்கும் சில நபர்கள் எதிர்ப்பவர்களை எவ்வளவு மூர்க்கமாக தாக்குகிறார்கள் என்பதை பாருங்கள். இதில் ஒரு விசேஷம அடிப்பதும் அடி வாங்குவதும் இங்கு தலிததுகளே! இந்த நிலையை நினைத்து அழுவதா சிரிப்பதா என்றே தெரியவில்லை. படிப்பறிவு இல்லாத இந்த மக்களின் மனதில் பக்தியின் பெயரால் போதையை ஏற்றி தான் என்ன செய்கிறோம் என்பதை சிந்திக்கக் கூடவிடாது செய்கிறார்கள் சில அதி மேதாவிகள்.

இது போல் உடுப்பி மாவட்டத்தில் ஒரு ஊரில் பிராமணப் பெண்களின் 'கழிவுத் துணிகளை' தலித்துகள் சேகரித்து துவைத்துக் கொடுக்கும் பழக்கம் தொன்று தொட்டு தொடர்ந்து வருகிறது.
தயவு செய்து இதையும் யாரும் காணொளியில் ஏற்றிவிட வேண்டாம். :-)

மக்கள் அனைவரும் படித்து விட்டால் சாதி பாகுபாடும் தீண்டாமையும் ஓடி விடும் என்று நாம் எண்ணி இருந்தோம். ஆனால் படித்தவர்கள் மத்தியில்தான் சாதிப் பாகுபாடு அதிகம் காணப்படுகிறது. இதற்கு உதாரணமாக திருமணத்துக்கு வரன் தேடும் பகுதியில் எந்த அளவு படித்தவர்கள் சாதிக்கு முக்கியத்துவம் கொடுக்கின்றனர் என்பதை அறியலாம்.

இதை எல்லாம் சட்டம் போட்டு ஒரு அரசு தடுக்க வேண்டும். ஆனால் ஆளும் பாரதீய ஜனதாவின் உள்துறை அமைச்சர் ''இது போன்ற நிகழ்ச்சிகள் நமது பண்பாட்டை காக்கின்றன என்றும் இந்த நிகழ்ச்சியை சட்டம் மூலம் தடுத்தால் இந்துக்களின் மனம் புண்படும் என்றும்” திருவாய் மலர்ந்தருளியிருக்கிறார். மேலும் ஹிந்துவில் கல்வி அமைச்சரின் பொன்மொழிகளை பாருங்கள்.
Minister for Higher Education V.S. Acharya said on Saturday that it was not possible to ban the ritual of “made snana” followed in Kukke Subrahmanya as a large number of people believed in it.
He was speaking at the valedictory of the one-day “Tulunadu Daivaradhakara Sammelan” titled “Kodiyadi” at Alevoor near here.

Dr. Acharya said that some groups and politicians were demanding a ban on “Made Snana”. “They are speaking as if we have started the ritual of “Made Snana”. But it had been prevalent for a long time,” he said.
He said the seer of Sode Math Sri Vadiraja (1480-1600) had in his work “Tirtha Prabhanda” made a reference to “Made Snana” at Subrahmanya.

-The Hindu 18-12-2011

இன்னும் இவர்கள் கையில் முழு இந்தியாவையும் கொடுத்தால்.....


வேண்டாம்....நாங்கள் இந்துக்கள் எங்களுக்குள் எப்படி வேண்டுமானாலும் இருந்து கொள்வோம். முஸ்லிமான நீ ஏன் மூக்கை நுழைக்கிறாய் என்று பின்னூட்டம் காரமாக வரும். நமக்கேன் வமபு......

'அவர்கள் அவனது அடியார்களில் சிலரை அவனில் ஒரு பகுதியாக ஆக்குகின்றனர். மனிதன் தெளிவான நன்றி கெட்டவன்.'
-குர்ஆன் 43:15

நட்ட கல்லை தெய்வமென்று நாலு புட்சம் சாற்றியே
சுற்றி வந்து மொண மொணன்று சொல்லும் மந்திரமேதடா?
நட்ட கல்லும் பேசுமோ நாதன் உள்ளிருக்கையில்
சுட்ட சட்டி சட்டுவங்கள் கறிச்சுவை அறியுமோ?
ஓசை பெற்ற கல்லை உடைத்து உருக்கி நீர் செய்கிறீர்
வாசலில் பதித்த கல்லை மழுங்கவும் மிதிக்கிறீர்
பூசை பெற்ற கல்லிலே பூவும் நீரும் சாற்றுகிறீர்.
ஈசனுக்குகந்த கல்லு இரண்டு கல்லுமல்லவே..
- சிவ வாக்கிய சுவாமிகள்)