பிச்சை புகினும் கற்கை நன்றே!

பிச்சை புகினும் கற்கை நன்றே!

கற்கை நன்றே கற்கை நன்றே
பிச்சை புகினும் கற்கை நன்றே 35

கல்லா ஒருவன் குல நலம் பேசுதல்
நெல்லினுள் பிறந்த பதர் ஆகும்மே 36

-வெற்றி வேற்கை (நறுந்தொகை)

கல்வியைப் பற்றி கல்வியின் அவசியத்தைப் பற்றி நமது முன்னோர்கள் எந்த அளவு கவலைப்பட்டுள்ளனர் என்பது மேற்கண்ட பழமொழிகளிலிருந்து தெரிந்து கொள்ளலாம். கல்வி கற்பதில் மற்ற மாநிலங்களோடு ஒப்பிடும் போது நாம் ஓரளவு பெருமை பட்டுக் கொண்டாலும் தற்போதய மாணவர்களின் கல்வித் தரத்தைப் பார்த்தால் சொல்லிக் கொள்ளும்படியாக இல்லை. பத்தாம் வகுப்பும் பன்னிரண்டாம் வகுப்பும் படிக்கும் மாணவர்களில் பலர் சில கெமிக்கல்களில் தண்ணீர் கலந்து தங்களுக்கு போதை ஏற்றிக் கொள்வதாக பத்திரிக்கை செய்தியை படித்து பதறி விட்டேன். நமது தமிழ் நாட்டு மாணவர்களிடமா இப்படி ஒரு பழக்கம் என்று ஆச்சரியப்பட்டேன். போலீஸ் கஸ்டடியிலிருந்து மாணவர்களின் எதிர்காலம் கருதி கேஸ் பைல் பண்ணாமல் அனுப்பியிருக்கிறார்கள். இதை நான் இங்கு குறிப்பிட காரணம் தனி மனித ஒழுக்கம் என்பது தலையாய பிரச்னையாக இன்று பரிணமித்திருக்கிறது.

'நுண்மாண் நுழைபுலம் இல்லான் எழில்நலம்
மண்மாண் புனைபாவை அற்று.'
-கல்லாமை 41:407

ஆழமும் அகலமும் கூர்மையும் பொருந்திய கல்வி அறிவு இல்லாத ஒருவன் பார்வைக்குக் கவர்ச்சியாகவும் அழகாகவும் தோன்றினாலும் உள்ளம் கெட்டதால் மண்ணால் அழகாக செய்யப்பட்ட பொம்மையைப் போன்றாவான் என்கிறார் வள்ளுவர்.

இந்த குறளை படித்த போது அந்த பள்ளி மாணவர்களின் ஞாபகம்தான் எனக்கு வந்தது. எதிர்காலத்தை வளமாக்கிக் கொள்ள வேண்டிய இந்த பருவத்தில் வாழ்க்கையை தொலைக்க நினைக்கும் இவர்களால் நாட்டுக்கும் கேடு: சொந்த வீட்டுக்கும் கேடு.

'என் இறைவா! எனக்கு கல்வியை அதிகப்படுத்து' எனக் கூறுவீராக!
-குர்ஆன் 20:114

கல்வி ஞானத்தை அதிகப்படுத்தச் சொல்லி நாம் இறைவனிடம் கேட்க வேண்டும் என்று இறைவன் கட்டளையிடுகிறான்.

'அறிந்தோரும் அறியாதோரும் சமமாவார்களா?' என்று கேட்பீராக! அறிவுடையோர்தான் நல்லறிவு பெறுவார்கள்.

-குர்ஆன் 39:9..
இங்கு கற்றவரும் கல்லாதவரும் சமமாக மாட்டார் என்கிறான் இறைவன். கல்வியின் அவசியம் பற்றி மேலும் சில தகவல்களைப் பார்ப்போம்.


'தன்னை மறந்துவிட்டுப் பிற மனிதர்களுக்குப் போதிக்கும் மனிதன், பிறருக்கு ஒளியைக் கொடுத்து, தன்னை எரித்துக் கொள்ளும் திரியைப் போன்றவனாவான்.'

'முஃமின் தேனீயைப் போன்றவனாவான். அது நல்லதைச் சாப்பிடும், நல்லதையே வெளியேற்றும். அது ஒரு கொடியில் அமர்ந்தாலும் அதனை முறித்து விடாது.' (அத்தபரானி, அல் பஸ்ஸார்)

'இலகு படுத்துங்கள், கஷ்டப்படுத்தாதீர்கள். ஆசையூட்டுங்கள், வெறுப்படையச் செய்யாதீர்கள்' (புகாரி , முஸ்லிம்)

'கல்வியூட்டுங்கள், கடுமையாக நடத்தாதீர்கள், கல்வியூட்டுபவன் கடுமையாக நடப்பவனைவிடச் சிறந்தவன்.' (அல்-பைஹகீ -ஷுஅபுல் ஈமான்)

'ஒருவர் அறிவைத் தேடி ஒரு பாதையில் சென்றால், அல்லாஹ் அதனைக் கொண்டு அவருக்கு சுவனம் செல்லும் ஒரு பாதையை இலகுபடுத்திக் கொடுக்கின்றான்.' (முஸ்லிம்)

மேற்கண்ட திருக்குறள், திருக்குர்ஆன் வசனங்கள் நபி மொழிகள் மனிதன் கல்வி அறிவு பெறுவது அவசியம் என்று போதிக்கிறது. அந்த கல்வியும் மனிதனின் வாழ்வை சீர்குலைக்காமல் நேர்படுத்தும்படியாகவும் இருக்க வேண்டும். இன்று உலகில் படித்தவர்கள்தான் குற்ற செயல்களில் அதிகம் ஈடுபடுகின்றனர். மகா ஊழலான 2ஜி அலைக்கற்றை ஊழலை செய்தது அனைவருமே மெத்த படித்தவர்கள். எனவே இத்தகைய கல்வியால் சமூகத்துக்கு கேடுதான். இறை நம்பிக்கை சார்ந்த கல்விதான் ஒருவனுக்கு நேர் வழியைக் காட்டித் தரும்.

-------------------------------------------

அத்தகைய கல்வியை தேடி செல்வது ஒவ்வொரு மனிதனின் மீதும் கடமையாகும்.

அந்த வகையில் அரசு பள்ளி ஒன்று சிறப்பாக இயங்கி வருவதாக மனிதாபிமானி தளத்தில் ஒரு அறிவிப்பு வந்ததை நாம் அறிவோம்.


கல்வி ஒரு வியாபாரமாகி விட்ட இன்றைய சூழலில் அரசு பள்ளி ஒன்று சிறப்பாக இயங்கி வருவது நமக்கு ஆச்சரியத்தை தருகிறது. வசதி குறைந்தவர்களின் குழந்தைகளுக்கும் சிறப்பான கல்வியை தந்து வரும் இது போன்ற கல்வி நிறுவனங்களை நாம் ஆதரிப்பது மற்றவர்களுக்கு ஊக்கமாக அமையும். அதன் தொடர்ச்சியாக நண்பர் ஆஷிக் அனுப்பிய மெயிலையும் இணைக்கிறேன்.

நம் அனைவரின் மீதும் இறைவனின் சாந்தியும் சமாதானமும் உண்டாகட்டுமாக!

மனிதாபிமானி தளத்தில் வெளிவந்த அரசு பள்ளி குறித்த பதிவை பார்த்திருப்பீர்கள். நம் பிள்ளைகளுக்கு தரமான கல்வி கொடுக்க விரும்பி அதற்காக ஏங்கும் நாம், இம்மாதிரியான அரசு பள்ளிகள் செயல்படும் போது அவர்களை ஊக்குவிக்க நிச்சயமாக கடமைப்பட்டிருக்கின்றோம். ஏழை மாணவர்களுக்கு இத்தகைய தரமான கல்வி கிடைப்பது இப்போதைய நிலையில் எவ்வளவு சிரமம் என்பதை சற்றே சிந்தித்து பார்ப்போம். அரசு பள்ளிகள் இப்படி இருக்கின்றனவே என்று கவலைப்படும் நாம், இம்மாதிரியான பள்ளிகள் சிறந்த தரத்திலான கல்வியை கொடுக்கும் போது அவர்களுக்கு தேவையான அனைத்து உதவிகளையும் செய்ய கடமைப்பட்டிருக்கின்றோம்.

உங்களால் ஆன உதவி மிகச் சிறிதே என்றாலும் விரைவாக மறக்காமல் செய்யுங்கள். நாளைய சமுதாயம் சிறப்பான முறையில் வளரவேண்டிய பொறுப்பு நம்மிடம் இருக்கின்றது. அதற்கான அனைத்து வழிகளையும் நாம் கண்டறிந்து உதவுவோமே. எல்லாத்தையும் விட இதனால் மறுமையில் கிடைக்ககூடிய நன்மைகளை எண்ணிப்பாருங்கள். ஆகவே தயவுக்கூர்ந்து உதவ முன்வாருங்கள் (இந்த பள்ளி குறித்து உங்களுக்கு சந்தேகம் ஏதும் இருப்பின் நேரடியாகவோ அல்லது கிராம பஞ்சாயத்தை தொடர்பு கொள்வதின் மூலமாகவோ அல்லது அப்பள்ளியின் ஆசிரியர்களை தொடர்பு கொள்வதின் மூலமாகவோ நிவர்த்தி செய்து கொள்ளலாம்).

Canara Bank Swift code : CNRBINBBOXC (வெளிநாடுகளில் வாழ்பவர்கள்)
Canara Bank IFSC Code : CNRB0001031 (இந்தியாவில் வாழ்பவர்கள்)
வங்கிக் கணக்கு எண்: 1031101123120
கணக்கு பெயர் : PTA, PANCHAYAT UNION PRIMARY SCHOOL, RAMAMPALAYAM.
வங்கி / கிளை : CANARA BANK / SIRUMUGAI Branch
பள்ளி முகவரி : THE HEADMISTRESS,
PANCHAYAT UNION PRIMARY SCHOOL,
RAMAMPALAYAM, JADAYAMPALAYAM-POST,
SIRUMUGAI- 641302. METTUPALAYAM.

தொடர்பு எண்கள் :
ந.சரஸ்வதி (principal): 99521 64582
து.பிராங்கிளின் (staff behind these activities): 99424 72672

இதுநாள் வரை பல்வேறு சகோதர சகோதரிகள் இறைவனுக்காக பல்வேறு உதவிகளை செய்திருக்கின்றனர். சமயங்களில் எதிர்பார்க்கப்படும் தொகை அனைத்தையும் ஒரு சிலரே கொடுக்க கூட முன்வந்திருக்கின்றனர் (இறைவன் அவர்களுக்கு மேலும் மேலும் செல்வத்தை தந்தருவானாக). ஆனால் இந்த முறை தொகை சற்றே பெரிது என்பதால் நீங்கள் அறிந்தவர்களுக்கு கூறி அந்த தொகை மிக விரையில் அந்த பள்ளிக்கு கிடைக்க பிரார்த்தனை செய்யுங்கள்.

வஸ்ஸலாம்,

உங்கள் சகோதரன்,
ஆஷிக் அஹமத் அ