ஒரு பவுத்தன் என்ற வகையில் வெட்கித் தலை குனிகிறேன்!

எல்லா நாட்டிலும் எல்லா மக்களும் என்றுமே அக்கிரமத்துக்கு துணை போனவர்களாக இருந்ததில்லை. ஆங்காங்கே இருக்கும் சில நல்ல உள்ளங்கள் அக்கிரமத்துக்கு துணை போகாததனால் பல இன அழிப்புகள் தடுக்கப்பட்டுள்ளன. சமீபத்தில் இலங்கையில் சில விஷமிகளால் தம்புளை பள்ளிவாசல் பொய்யாக புணரப்பட்ட காரணங்களை வைத்து அகற்றுவதற்கான முயற்சி மேற் கொள்ளப்பட்டது. இலங்கையரான ஒரு பவுத்த காவல்துறை அதிகாரி இதற்கு என்ன மாதிரியான விமரிசனங்களை கொடுத்தார் என்பதை இனி பார்ப்போம்.
"எனது நிர்வாகத்தின் கீழுள்ள பகுதிகளில் முஸ்லிம்களுக்கு அநீதி இழைக்கப்பட்டால் காக்கிச் சட்டையைக் கழற்றி விட்டு பதவியையும் இராஜினாமா செய்வேன்" என அம்பாறை மாவட்ட காவல் துறை அதிகாரி பிரேமலால் ரணகல தெரிவித்தார்.

"உருவ வழிபாடற்ற உள்ளத்தையும் சிந்தயையும் ஒருமுகப்படுத்தி ஏக இறைவனை வணங்குபவர்கள் முஸ்லிம்கள் மாத்திரமே. உண்மையில் இஸ்லாம் ஒரு சிறந்த மார்க்கமாகும்" ஜனாதிபதிக்கும் நாட்டு மக்களுக்கும் நல்லாசி வேண்டி அண்மையில் வரிப்பத்தான் சேனை ஜும்ஆப் பெரிய பள்ளிவாசலில் ஏற்பாடு செய்யப்பட்ட அன்னதானம் வழங்கும் நிகழ்விலும் பிரார்த்தனையிலும் கலந்து கொண்டு உரையாற்றும் போதே அவர் இவ்வாறு தெரிவித்தார்.

இந்நிகழ்வில் அவர் மேலும் தெரிவித்ததாவது, "முஸ்லிம்களின் வேத நூலான புனித அல்குர்ஆனை நான் படித்து வருகின்றேன். முஸ்லிம்களின் சமய விடயங்களை தினமும் விளங்கி வருவதுடன் அவர்களின் சமயத் தலங்களையும் தரிசித்து வருகின்றேன். புனித மக்கா நகர் செல்லவும் பேரவா கொண்டுள்ளேன். மரணித்தவுடன் எவ்வித தாமதமுமின்றி இறந்த உடல்களை அடக்கம் செய்யும் முஸ்லிம்களின் பணியை ஏனைய சமயத்தவர்கள் இன்று வரவேற்றுப் பேசுகின்றனர். "


"இதுபோன்ற இஸ்லாத்தின் சிறந்த பழக்க வழக்கங்களால் இஸ்லாம் மார்க்கம் எதிர்காலத்தில் வேகமாகப் பரவும் நிலை ஏற்பட்டுள்ளது. இலங்கைத் திருநாட்டில் முஸ்லிம்கள் காலா காலமாக சிங்களவர்களுக்கும் தமிழர்களுக்கும் உதவிக்கரம் நீட்டி வந்துள்ளனர். ஒரு சமயம் கொழும்பு புதுக்கடைப் பகுதியில் பௌத்த பிக்கு ஒருவர் வாகன விபத்துக்குள்ளான போது அவரின் உயிரைக் காப்பாற்றுவதற்காக இரத்தம் வழங்கியவர் முஸ்லிம் சகோதரர் ஒருவரேயாவார்."

"இவற்றையெல்லாம் மறந்து இன்று தம்புள்ளை போன்ற பிரதேசங்களிலுள்ள முஸ்லிம்களின் பள்ளிவாசல்களை அகற்றுவதற்கு எனது இனத்தைச் சேர்ந்த சில தீய சக்திகள் முயற்சிப்பதையிட்டு ஒரு பௌத்தன் என்ற வகையில் நான் வெட்கித் தலை குனிய வேண்டியுள்ளது."

"ஒற்றுமையுடன் வாழ்கின்ற சிங்கள, முஸ்லிம் மக்களிடையே பிரிவினையையும் குழப்பத்தையும் ஏற்படுத்த முயற்சிக்கின்றனர். இதனை இலங்கையின் எந்தவொரு குடிமகனும் அனுமதிக்க முடியாது. ஒவ்வொருவரும் தத்தமது சமயக் கடமைகளை நிறைவேற்றும் பொருட்டு இலங்கையின் எப்பாகத்திலும் சமயத் தலங்களை நிர்மாணிக்க உரிமை பெற்றுள்ளனர் என்று அரசியல் யாப்பில் குறிப்பிடப்பட்டுள்ளது' என்றும் அவர் குறிப்பிட்டார்.

ஒரு காவல் துறை அதிகாரி எவ்வாறு செயல்பட வேண்டும் என்பதற்கு சிறந்த உதாரணமாக திகழ்கிறார் பிரேமலால் ரணகல .

-----------------------------------------------------------------------------------

//வாங்க மக்கள்ஸ்...சிங்கள இனவாதிகளுடன் முஸ்லிம் மக்கள் ரொம்ப நாளா ஒண்ணா வாழ்றாங்களாம்! அது போல தமிழ் மக்களும் வாழப் பழகிக்கனும். ஈழ மக்கள் சிங்களவர்களை எதிரிங்க போல பார்ப்பதை நிறுத்திட்டு, ஓடும் புளியம் பழமும் போல ஒண்ணா இணைஞ்சிருக்கிற முஸ்லிம் மக்களைப் போல வாழக் கத்துக்கனும்! இப்படிச் சொன்னவர் வேறு யாரும் இல்லைங்க! நம்ம பதிவுலக தீர்க்கதரிசி - சமாதானத்திற்கான நோபல் பரிசைப் பெறப் போகிற அண்ணன் சுவனப்பிரியன் தானுங்க! அவர் போன வருசம் அக்டோபர் மாசத்துல சொன்னாரு! இப்போ தானுங்க அந்த வார்த்தையை நம்ம சிங்கள இனவாதிங்க நெசமாக்கியிருக்காங்க.//

நான் நோபல் பரிசு வாங்குவது அல்ல இங்கு பிரச்னை. வன்னி காடுகளிலும் யாழ்ப்பாணத்திலும், கொழும்பிலும், பல ஐரோப்பிய நாடுகளிலும் கடந்த 30 வருடங்களாக அலைந்து திரியும் இலங்கை தமிழர்களுக்கு என்ன செய்வது என்று யோசித்து ஒரு தீர்வு கண்டால் உங்களுக்கு நோபல் பரிசு கொடுக்க பலர் சிபாரிசு செய்யலாம். :-) அதை விடுத்து எஃப் எம்மில் வித விதமான பாடல்களை போட்டுக் கொண்டு, சில்மிச கதைகளை நாளொரு பதிவாகவும் போட்டு, ஒரு கையில் பெப்சியையும் மறு கையில் ஹம்பர்கரையும் வைத்துக் கொண்டு ஐரோப்பிய வீதிகளில் ஜோடியாக வலம் வந்தால் இன்னும் 100 வருடம் ஆனாலும் ஒரு தீர்வும் கிடைக்கப் போவதில்லை. :-(

நிரூபன் நினைப்பது போல் முஸ்லிம்களை அவ்வளவு லேசில் கை வைத்து விட முடியாது. அது ராஜபக்ஷேவுக்கும் நன்றாகவே தெரியும் என்பதால் நிரூபனின் கருத்துக்களை லேசாக எடுத்துக் கொள்வோம். இலங்கையைப் பொறுத்த வரை முஸலிம்களின் மேல் கை வைத்தால் அரபு நாடுகளின் விசாக்கள், உதவிகள் அனைத்தும் நிறுத்தப்படும் அபாயம் உள்ளது. இது ஏற்கெனவே நொடித்துக் கொண்டிருக்கும் இலங்கை பொருளாதாரத்தை அதள பாதாளத்தில் தள்ளி விடும். அடுத்து 90 சதவீதமான தமிழ் முஸ்லிம்களுக்கு சிங்களமும் தெரியும். அவர்கள் முஸ்லிம்களுக்கு எதிராக பண்ணும் எந்த ஒரு ரகசியமும் அடுத்த நிமிடமே முஸ்லிம்களை வந்தடைந்து விடும் என்று ஒரு சிங்கள முஸ்லிம் சிரித்துக் கொண்டே என்னிடம் சொன்னார். தற்போது சிங்கள பவுத்தர்கள் அதிகம் இஸ்லாத்தை ஏற்பதும் அதிகரித்திருக்கிறது. இதனால் அரண்ட பவுத்த பிக்குகள் ஆங்காங்கே சில பிரச்னைகளை உண்டு பண்ண முயற்ச்சிக்கிறார்கள். அது அரசாலேயே தடுத்து நிறுத்தப்பட்டுள்ளது. ஏற்கெனவே முள்ளி வாய்க்கால் பிரச்னையில் உலக நாடுகளிடம் வாங்கிக் கட்டிக் கொண்ட இலங்கை இனி அத்தகைய ஒரு ஏற்பாட்டை தற்போது கையிலெடுக்காது. திராவிடக் கட்சிகள் ஹிந்தி படிக்க விடாமல் தமிழர்களை எவ்வாறு தடுத்ததோ அதே போல் இலங்கை இந்துக்களையும் மொழி வெறி ஊட்டி சிங்களத்தை கற்காமல் ஆக்கி விட்டது புலி நிர்வாகம். இந்த வகையிலும் தமிழ் இந்துக்கள் பாதிப்புக்கு உள்ளாகி இருக்கிறார்கள். தனி ஈழம் அமைந்து அதன் பிறகு நடக்கும் சாதி வெட்டு குத்துகளுக்கு பதில் சிங்களவர்களோடு சமாதானமாக சென்று அதிகார பகிர்வோடு ஆட்சி அமைப்பதுதான் சிறந்தது. எனக்கு தெரிந்த நிரந்தர தீர்வு இதுதான்.

-----------------------------------------------------------------------------------

அதேபோல் ஒரு தமிழ் முஸ்லிமின் சிறை மீட்புக்காக போன பதிவில் நான் கோரிக்கை வைத்த போது அதையும் கொச்சைப் படுத்தி 'இலங்கையில் இவர்கள் தமிழர்களோடு ஒட்டுவதில்லை. உதவி என்று வரும் போது தமிழன் என்ற போர்வையில் சுவனப்பிரியன் வருகிறார்' என்று கோவி கண்ணன் தனது கருத்தை வழக்கம் போல் வைத்தார். கமருதீன் என்ற பெயரைப் பார்த்தவுடனேயே அவர் ஒரு முஸ்லிம் என்பது யாருக்கும் தெரியும். எனவே உதவுபவர்களும் பெரும்பாலும் முஸ்லிம்களாகவே இருப்பர். நான் அந்த வார்த்தையை உபயோகப்படுத்தியதற்கான காரணம் இது போன்று வேறு யாரும் தமிழர்கள் சிரமப்பட்டால் உதவ ஒரு அமைப்பு உள்ளது என்பதை மற்றவர்களும் தெரிந்து கொள்ள வேண்டும் என்பதற்காகவே. கோரிக்கை வைத்து இரண்டு நாட்களில் 5000 ரியாலுக்கு மேல் ரியாத்திலேயே வசூலாகி அவரை மீட்கும் முயற்சியும் துரிதமாக்கப்பட்டுள்ளது. இன்னும் பலர் உதவி செய்ய தயாராகவே உள்ளனர். எனவே கோவிக் கண்ணனைப் போன்ற காவி சிந்தனை உடையவர்களிடம் இருந்து எந்த உதவியும் எதிர்பார்க்கவில்லை என்பதையும் கூறிக் கொள்கிறேன்.

அடுத்து இலங்கையைப் பொறுத்த வரை ஆரம்ப காலங்களில் முஸ்லிம்கள் விடுதலைப் புலிககளை ஆதரித்தே வந்தனர். இளைஞர்களில் பலர் தீவிர உறுப்பினர்களாக பிரபாகரனுக்கு மிக நெருக்கமாகவே இருந்துள்ளனர். ஆனால் காலம் போகப் போக தனது தலைமையை எதிர்ப்பவர்கள் இந்துக்களாக இருந்தாலும் முஸ்லிம்களாக இருந்தாலும் அவர்கள் உயிரையும் எடுக்க தயாராக இருந்ததை நேரில் பார்க்கின்றனர். புலிகள் மட்டத்தில் எங்கு பார்த்தாலும் சர்வாதிகாரம் தலையெடுக்கவே இவர்களை நம்பி போனால் நிர்கதிதான் என்ற நிலைக்கு தள்ளப்பட்டு புலிகளிடம் இருந்து முஸ்லிம்கள் ஒதுங்க ஆரம்பித்தனர். பெரும் பெரும் வல்லரசுகளுக்கே தலைவணங்காத முஸ்லிம்கள் இந்த தீவிரவாதக் கும்பலுக்கு முன்னால் மண்டியிடுவார்களா என்ன? இதை பொறுத்துக் கொள்ளாத புலித் தலைமை அப்பாவி முஸ்லிம்களை நூற்றுக் கணக்கில் சுட்டுத் தள்ளியது. காத்தான்குடியில் இவர்கள் நடத்திய கோர தாக்குதலின் நினைவு நாள் இரண்டு நாட்களுக்கு முன்பு கூட அந்த மக்களால் ரமலானில் நினைவு கூறப்பட்டது. கோடிக் கணக்கில் சொத்துக்களை வைததிருந்த ஆயிரக்கணக்கான முஸ்லிம்களை ஒரே நாளில் கையில் 500 ரூபாய் செலவுக்கு கொடுத்து அவர்களை மண்டபம் முகாமுக்கு அனுப்பி வைத்தது புலித் தலைமை. கோடிகளில் புரண்ட பல முஸ்லிம் தொழிலதிபர்களை அகதியாக வரிசையில் உணவுக்காக நிற்க வைத்தது புலித் தலைமை.

இவ்வளவு கொடுமைகளை புலிகள் முஸ்லிம்களுக்கு செய்தும் தனது இனமான தமிழ் மக்களோடு இன்றும் பரஸ்பரம் நட்பு பாராட்டியே வருகின்றனர் முஸ்லிம்கள். முஸ்லிம்களுக்கு எதிராக உள்ளது புலித் தலைமைதானே ஒழிய அப்பாவி இந்துக்கள் அல்ல. எனவே ஒருவனுக்கு இனம் என்பது அவன் இறக்கும் வரை அழியாத ஒன்று. அவன் முஸ்லிமாக மாறினாலும், கிறித்தவனாக மாறினாலும் தமிழன் என்ற மொழி அடையாளமும், திராவிடன் என்ற இன அடையாளமும் என்றுமே அழியாது என்பதை கோவிக கண்ணன் போன்றவர்கள் விளங்கிக் கொண்டால் நல்லது.

-----------------------------------------------------------------------------------

அமைச்சர் ரிஷாத் பத்ருத்தீன் நீதிபதியை மிரட்டினாரா?

இலங்கை அமைச்சர் ரிஷாத் பத்ருதீனைப் பற்றி ஒரு செய்தி வந்தது. அவர் நீதி மன்றத்துக்கு நேரிடையாக சென்று நீதிபதியை மிரட்டினார் என்றும் எனவே அவரது அமைச்சர் பதவியை ரத்து செய்து அவரை கைது செய்ய வேண்டும் என்ற கோரிக்கை பரவலாக எழுந்தது. அமைச்சரைப் பற்றி பல செய்திகளில் சிறப்பாக படித்திருந்த எனக்கு இந்த செய்தி ஆச்சரியமாக இருந்தது.

இதன் உண்மை நிலையை அமைச்சரே இந்த காணொளியில் விளக்குகிறார்:


http://player.vimeo.com/video/46406829

இலங்கையில் நீதிபதிக்கும், நீதிமன்றத்திற்கும் அச்சுறுத்தல் விடுக்கப்பட்ட சர்ச்சைக்கு காரணமான மன்னார் உப்புக்குளம் பகுதிக்கு சென்ற நீதி அமைச்சர் ரவூப் ஹக்கீம் பிபிசி தமிழோசைக்கு அளித்த செவ்வி.

-------------------------------------------------------------------------------

மனக்குழப்பத்திற்கு மகத்தான தீர்வு -15