ஆதி மனிதனின் உயரம் என்ன? சில தேடல்கள்.

ஆதி மனிதனின் உயரம் என்ன? சில தேடல்கள்.

முதன் முதலாக கொரில்லாக்களை பற்றிய ஆராய்ச்சியை விரிவான முறையில் மேற் கொணடவர் போஸே தயான் (Fossey Dian) என்ற பெண்மணி ஆவார். இந்த போஸே தயான் அமெரிக்காவைச் சேர்ந்த விலங்கியல் வல்லுனர் ஆவார். இவர் கொரிலாக்களைப் பற்றிய ஆய்விற்காக தன் வாழ்வின் பெரும் பகுதியை அர்பணித்தவர். இதற்கென காங்கோ மற்றும் ருவாண்டாவின் மலைக் காடுகளில் தன் பாதச் சுவடுகளை பதித்து கொரில்லாக்களைப் பற்றிய பல தகவல்களை வெளிக்கொண்டு வந்தவர். இவர் மூலமாகத்தான் கொரில்லாக்களைப் பற்றிய நிறைய தகவல்கள் தெரிய வந்தன. 1967 முதல் 1985 ஆண்டு வரை காட்டில் அமைந்த தன் ஆராய்ச்சி கூடத்தில் மர்மமான முறையில் கொல்லப்படும் காலம் வரை இந்த ஆராய்ச்சியில் மிக ஈடுபாட்டுடன் ஆய்வுகள் மேற்கொண்டார். சில ஆராய்ச்சியாளர்களால்தான் இவர் கொல்லப்பட்டிருக்கலாம் என்று விக்கி பீடியாவே கூறுகிறது. இவரது ஆராய்ச்சி முடிவு டார்வினின் பரிணாமவியலுக்கு குழி தோண்டும் விதமாக இருந்ததால் பரிணாமவியலாரே இவரை போட்டு தள்ளியிருக்கலாம்.

http://en.wikipedia.org/wiki/Dian_Fossey

இவருடைய ஆராய்ச்சிக் கட்டுரைகள் உலக அளவில் கொரில்லாக்களைப் பற்றிய ஒரு நல்ல தெளிவைக் கொடுத்துள்ளது. அவருக்கு பிறகும் இன்னும் ஆராய்ச்சிகள் தொடர்ந்து நடந்து கொண்டுதான் இருக்கின்றன. இந்த கொரில்லாக்கள் டார்வினை மயக்கியதற்கு காரணம் மனிதனுக்கும் இவற்றுக்கும் உள்ள உருவ ஒற்றுமை ஒன்றைத் தவிர வேறு அறிவியல் காரணங்கள் இல்லை. கடவுளை நேரிடையாக காட்டினால்தான் அந்த இறைவனை ஒத்துக் கொள்வேன் என்பவர்கள் பரிணாமம் நடந்து குரங்கு மனிதனாக மாறியதை அறிவியல் பூர்வமாக நிரூபிக்காமலே 'இல்லாமலா சொல்லுவாரு' என்று கற்பனை கதைகளை இன்று வரை ஒப்பேத்தி வருவது என்ன எழவு நியாயமோ தெரியவில்லை.

பரிணாமத்தின் அடிப்படை நியதியே ஒரு உயிரினம் மாற்றங்களை உள்வாங்கி அதனை அடுத்த தலைமுறைக்கு கடத்துவதே, அந்த மாற்றங்கள் உயிரினத்தின் தக்க வைத்தலுக்கு நன்மை பயக்கும் போது அது தொடரும், அதே போல மாற்றங்கள் தேவை இல்லாத போது அது நீக்கப்படும். அதே போல மாற்றங்களை நிகழ்த்துவதாலும், மாற்றங்களை உள்வாங்குவதாலுமே இனம் விருத்தியடைந்து வருகின்றது எனலாம். பரிணாமத்தை தூக்கிப் பிடிப்போர் வைக்கும் வாதங்களே இது.

நாம் கேட்பது ஒரு உயிரினத்திலிருந்து மற்ற உயிரனமாக மாற புறத் தோற்றத்தில் அந்த விலங்கு 1,2,3,4 என்று பல நிலைகளை அடைந்து தற்போதய நிலையை அடைந்திருக்க வேண்டும். இதற்கு பல மில்லியன் வருடங்கள் ஆனதாக பரிணாமத் தத்துவம் கூறுகிறது. ஒரு இனம் ஒன்றாவது நிலையிலிருந்து நான்காவது நிலையை அடைவதாகக் கொள்வோம். இதற்கு இடைப்பட்ட இரண்டு நிலைகளை அந்த உயிர் பரிணாமத்தால் அடைந்திருக்க வேண்டும். இப்பொழுது நாம் பார்க்கும் அனைத்து தாவரங்களும் விலங்குகளும் இன்று நாம் எப்படி பார்க்கிறோமோ அதே போன்ற நிலையில்தான் பல ஆயிரம் வருடங்களுக்கு முன்பும் பல லட்ச வருடங்களுக்கு முன்பும் இருந்துள்ளன என்பதை விளங்குகிறோம். இதற்கு இடைப்பட்ட இனமான இரண்டாம் நிலையும், மூன்றாம் நிலையும் இதுவரை நமக்கு கிடைக்கவில்லை. இதை அவர்கள் சமர்ப்பித்து விட்டால் டார்வினுக்கு ஒரு 'ஜே' போடலாம் :-)

ஜீன்களின் மாற்றத்தினால் உயரத்திலும் பருமனிலும் பல வித்தியாசங்கள் நடந்துள்ளது. இதை அனைவரும் ஒத்துக் கொள்கிறோம். தண்ணீரில் நீந்தியது ஊர்வனவாக மாறியதற்கும், ஊர்வன பிறகு பறப்பனவாக மாறியதற்கும் படிம ஆதாரங்கள் எதுவும் சமர்ப்பிக்கப் படவில்லை.

//முதலில் ஆதி மனிதனின் 10 அடி எலும்புக் கூடுகள் எங்கே எப்போது கிடைத்துள்ளன எனக் கூற முடியுமா ? நல்ல காமடி பண்றீங்க சார் நீங்க.. படித்த உங்களைப் போன்றோரே இப்படியான சதிக் கோட்பாடுகளைப் பரப்ப நினைத்தால் பாமரர் பாடு அதோ கதி தான் !!!// - இக்பால் செல்வன்

மேலும் மனிதன் முன்பு நம்மைவிட உயரமாக இருந்ததற்கும் மனிதனின் எலும்புக் கூடு கிடைத்துள்ளது. அந்த எலும்பும் இப்போது நமக்குள்ள அதே அமைப்பில்தான் உள்ளது. பரிணாம மாற்றங்கள் எதுவும் ஏற்படவில்லை. அளவில் தான் சிறிதாகி இருக்கிறது.

மனிதன் 10 அடிக்கு மேல் உயரமாக முன்பு இருந்துள்ளான் என்பதற்கு இன்றும் சாட்சியாக சவுதி அரேபியாவில் அல் ஊலாவில் உள்ள 'மத்யன் சாலிஹ்' என்ற கிராமத்தை சொல்லலாம். இங்கு நானும் எனது நண்பர்களும் நேரிலேயே பார்த்த இடம் இது. முகமது நபிக்கு முன் அரபுகளுக்கு நபியாக அனுப்பப்பட்ட அரபியரான நபி சாலிஹ் அவர்களை பின்பற்றி மக்கள் வாழ்ந்த கிராமம் இது. கிட்டத்தட்ட ஐந்து கிலோ மீட்டர் சுற்றளவுக்கு இது போன்ற மலை வீடுகளை நாம் பார்க்கலாம். இந்த மக்கள் மலைகளையே குடைந்து தங்கள் வீடுகளை அமைத்துள்ளனர். நானே ஆறடி உயரமுடையவன். என்னை விட மூன்று மடங்கு உயரமாக இந்த வீட்டின் வாசற்படி அமைந்துள்ளது. மலைகளை உடைக்கும் வசதியில்லாத அந்த காலத்தில் கைகளாலேயே உளியைக் கொண்டு இவ்வளவு பெரிய வாசற்படியை அந்த மக்கள் ஏன் உருவாக்க வேண்டும்? அந்த மக்கள் எவ்வளவு உயரத்தில் இருந்தார்களோ அந்த அளவு வாசற்படிகளையும் அமைத்துள்ளார்கள் என்ற காரணத்தைத் தவிர வேறு காரணம் இருக்க சாத்தியமில்லை. நாம் தற்போது சராசரியாக ஆறடி உள்ளதால் 6 அல்லது 7 அடிகளில் வாயிற்களை நமது வீடுகளுக்கு அமைக்கிறோம்.

ஒவ்வொருவருக்கும் தனித் தனி படுக்கை அறைகள். வீடுகளின் சுவர்களில் பூக்களின் படங்களை செகுக்கி வைத்துள்ளார்கள். சில வீடுகளின் சுவர்களில் நம் ஊர் கோவில்களில் காணப்படுவது போன்ற சில உருவங்களையும் செதுக்கியுள்ளனர். நம் ஊர் கடவுள்களுக்கு உறவினர்களாக இருக்கலாம்.

அடுத்து இந்த மக்களின் பிரார்த்தனைக் கூடம் எந்த அளவு உயரமாக கட்டப்பட்டுள்ளது என்பதை பாருங்கள். மனிதர்கள் 10 அடிக்கு மேல் உயரமானவர்களாக இருந்ததால்தான் இவ்வாறான உயரத்துக்கு அவசியம் ஏற்பட்டுள்ளதை அறிந்து கொள்ளலாம்.

https://maps.google.com/maps/ms?ie=UTF8&hl=en&safe=on&msa=0&msid=113753071555606991078.0004748cfea43852a2b4a&ll=27.80021,41.19873&spn=9.322106,14.084473&z=6

மதாயின் ஸாலிஹ் செல்வதற்கு இந்த கூகுள் மேப் உங்களுக்கு வசதியாக இருக்கும்.

3000 அல்லது 4000 வருடங்களுக்கு முன்பு இந்த மக்கள் வாழ்ந்ததாக அறிகிறோம். எந்த ஒரு ஆராய்ச்சியாளரையும் அழைத்து வந்தால் நானே அவர்களை எனது செலவில் அழைத்து செல்கிறேன். எந்த பரிசோதனையையும் செய்து பார்த்துக் கொள்ளலாம். ஒரு கிராமமே இன்றும் ஆராய்ச்சிக்காக காத்துக் கொண்டிருக்கிறது..

கால் பாதத்தின் இந்த படிமமானது டெக்ஸாஸ் மாகாணத்தின் ஆற்றோரத்தில் கண்டு பிடிக்கப்பட்டுள்ளது. இந்த மனிதன் 10 அடி உயரமும் 1000 பவுண்ட் எடை உள்ளவனாகவும் இருந்திருக்க வேண்டும். டெக்ஸாஸ் மாகாணத்தில் பிளாங்கோ அருங்காட்சியகத்தில் இன்றும் இது பார்வைக்கு வைக்கப்பட்டுள்ளது.

இரண்டு கால்களின் அளவுகளில்தான் வித்தியாசம் உள்ளதே ஒழிய அதன் அமைப்புகளில் எந்த மாற்றத்தையும் நம்மால் காண முடியவில்லை. குரங்குகளின் கால்களோடு கொஞ்சம் கூட இவைகள் ஒத்துப் போகவில்லை..

http://www.6000years.org/frame.php?page=giants

1950 வாக்கில் துருக்கியின் யூப்ரடீஸ் பள்ளத்தாக்கில் சாலைகளை பழுது பார்க்கும் பணி நடக்கும் போது ஒரு பெரிய ஒற்றை எலும்பின் பாகம் கிடைத்தது. இதன் அளவு 120 செமீ. பிளாங்கோ படிமங்கள் அருங்காட்சியகத்தின் இயக்குனர் ஜோ டைலர் ஆய்வுக்கு உட்படுத்தி இதனை உறுதி செய்துள்ளார். இந்த காலுக்குரிய மனிதன் கிட்டத்தட்ட 14 லிருந்து 16 அடி உயரம் உள்ளவனாக இருந்திருக்கக் கூடும் என்று சொல்கிறார். அமெரிக்காவின் டெக்ஸாஸ் மாநிலத்தில் இந்த எலும்பு காட்சிக்கு வைக்கப்பட்டுள்ளது.

இந்த எலும்புப் பகுதியும் தற்போதுள்ள மனிதனின் காலெலும்போடு ஒத்துப் போகிறதே ஒழிய குரங்குகளோடு சற்றும் பொருந்தி வரவில்லை. இது ஒன்று மட்டும் அல்ல. தோண்ட தோண்ட பரிணாமத்துக்கு எதிரான தகவல்களே அதிகம் வந்து கொண்டிருக்கிறது.



அனைத்து ஆதாரங்களையும் ஒரே இடத்தில் இந்த யுட்யூபில் பார்த்துக் கொள்ளலாம்.
---------------------------------------------------------------------------------
//ஆதி மனிதன் 60 முழம் என்றால் அவன் சந்ததிகள் இன்று சுருங்கிப் போனதேனோ ??? கடவுள் சிக்கன நடவடிக்கை செய்துவிட்டாரோ ????//

இங்கிலாந்தில் உள்ள கேம்பிரிட்ஜ் பல்கலைக்கழகத்தை சேர்ந்த நிபுணர் டாக்டர் மார்தா லாகர் தலைமையிலான குழுவினர் மனிதனின் பரிணாம வளர்ச்சி குறித்து ஆய்வு மேற்கொண்டுள்ளனர். அவர்கள் ஆப்பிரிக்கா, ஐரோப்பா மற்றும் ஆசிய கண்டங்களில் வாழும் மனிதர்களின் மண்டை ஓடுகள் மூலம் ஆராய்ச்சி செய்து வருகின்றனர்.

சமீபத்தில் இஸ்ரேலில் உள்ள குகைகளில் இருந்து மனித மண்டை ஓடுகள் கிடைத்தன. அது கடந்த 1 லட்சம் முதல் 1 லட்சத்து 20 ஆயிரம் ஆண்டுகளுக்கு முன் வாழ்ந்த குகை மனிதர்களுடையது என தெரிய வந்தது. அவர்கள் நடத்திய ஆய்வின் மூலம் இவர்கள் மிகவும் உயரமாகவும், கட்டுமஸ்தான உடலமைப் புடனும் இருந்தது தெரிய வந்துள்ளது.

அதே போன்று அவர்களின் மூளை அளவு பெரிதாக இருந்தது. அவர்களின் உடல் அமைப்பை தற்போது வாழும் மனிதர்களுடன் ஒப்பிட்டு ஆய்வு மேற்கொண்டனர். கடந்த 10 ஆயிரம் ஆண்டுக்குள் ஆதிகால மனிதனை விட தற்போதைய மனிதனின் உயரமும், உடல் எடையும் குறைந்துள்ளது.

அதே நேரத்தில் மூளையின் அளவும் 10 சதவீதம் குறைந்து சுருங்கி இருப்பது கண்டு பிடிக்கப் ட்டுள்ளது. அதற்கு தற்போது உணவு கட்டுப்பாடு மற்றும் சுகாதாரமற்ற சூழ்நிலை, இதை தொடர்ந்து ஏற்படும் நோய்களும் காரணம் என நிபுணர்கள் தெரிவித்துள்ளனர்.-விக்கிபீடியா

http://www.dinamalar.com/News_Detail.asp?id=258195&Print=1

இத்தனை வருடம் பழமையான மண்டை ஓடுகள் கிடைத்தும் தற்போதுள்ள மனிதனின் அமைப்பில் எந்த மாற்றத்தையும் காண முடியவில்லை. உயரமாக இருந்த மனிதன் புறத் தோற்றத்தில் ஆறடி ஐந்தடியாக குறைவாக்கப்பட்டிருக்கிறான். இதுவும் அவன் வாழ்ந்த சூழலினால் ஏற்பட்ட மாற்றம். இந்த இடத்திலும் வழக்கம்போல் நம் டார்வின் மாமாவின் பரிணாமம் தோற்றுப் போகிறது.

----------------------------------------------------

குகை மனிதனின் தாடை எலும்பு. தற்போதய மனிதனுக்கும் பழங்கால மனிதனுக்கும் அளவுகளில் உள்ள வேறுபாடு. இங்கும் இந்த தாடை எலும்புகள் கொரில்லாக்களோடு ஒதது வரவில்லை. மனிதனோடே ஒத்து செல்கின்றன.


---------------------------------------------------
இந்த படிமங்களின் வரலாறையும் இங்கு லேசாக பார்ப்போம்.

"Ever since Darwin there has been a disturbing void, both paleontological and psychological, at the base of the Phanerozoic eon. If his theory of gradualistic evolution be true, then surely the pre-Phanerozoic oceans must have swarmed with living animals—despite their conspicuous absence from the early fossil record" - N. J. Butterfield, Terminal Developments in Ediacaran Embryology, Science Magazine, 23 December 2011, Vol. 334, no. 6063, pp. 1655-1656, DOI: 10.1126/science.1216125.

தொல்லுயிரியல் ரீதியாகவும், உளவியல் ரீதியாகவும் ஒரு குழப்பமான வெற்றிடம் டார்வினின் காலந்தொட்டே இருந்து வருகின்றது. படிப்படியாக உயிரினங்கள் மாறியிருக்க வேண்டும் என்ற அவருடைய கோட்பாடு உண்மையென்றால், கேம்ப்ரியன் காலத்திற்கு முன்பான காலக்கட்டம் விலங்குகளால் நிரப்பப்பட்டிருக்க வேண்டும். ஆனால் ஆரம்ப கால உயிரினப்படிமங்களில் அவை தென்படவே இல்லை - (extract from the original quote of) N. J. Butterfield, Terminal Developments in Ediacaran Embryology, Science Magazine, 23 December 2011, Vol. 334, no. 6063, pp. 1655-1656, DOI: 10.1126/science.1216125 (simplified for the easy understanding).

உயிரினப் படிமங்கள் சுமார் 500 மில்லியன் ஆண்டுகளாகததான் நமக்கு கிடைக்கிறது. இங்கிருந்துதான் படிமங்களின் வரலாறு தொடங்குகிறது. கேம்பிரியன் காலமான இங்கிருந்து எடுக்கப்பட்ட படிமங்கள் அனைத்தும் முழுமையான நாம் தற்போது பார்க்கும் வடிவிலேயே எடுக்கப்பட்டுள்ளன. எந்த ஒரு உயிரும் பரிணாமம் அடைந்து எடுக்கப்பட்ட தகவல்கள் இல்லை.

இந்த கேம்பிரியன் காலத்துக்கு முந்தய காலமான இடியக்காரா காலம் சென்று படிமங்களை ஆராய்ந்தால் ஏதும் கிடைக்குமா என்று உங்கள் ஆய்வாளர்கள் தேடினர். ஆச்சரியமாக இடியக்காரா காலத்தில் விலங்களின் படிமங்கள் சுத்தமாக இல்லை. அதாவது அந்த காலத்தில் உயிரினங்கள் வாழ்ந்ததற்கான எந்த துப்பும் கிடைக்கவில்லை. இடியக்காரா காலத்தில் மறைந்த படிமங்கள் கேம்பிரியன் காலத்தில் திடீரென எவ்வாறு வந்தது? இதற்கு டார்வின் ஆதரவாளர்கள் என்ன பதிலை வைத்திருக்கின்றனர்?

திமிங்கிலத்தை எடுத்துக் கொண்டால் புறத் தோற்றம் மட்டும் அல்லாது சுவாச உறுப்புகளும் தரைக்கு ஏற்றவாறு பரிணாமம் அடைந்திருக்க வேண்டும். புறத் தோற்றத்தையே அறிவியல் பூர்வமாக நிரூபிக்க முடியாமல் திணரும் நீங்கள் சுவாச உறுப்புகளின் பரிணாமத்தை எந்த காலத்தில் நிரூபிக்கப் போகிறீர்கள்? :-)

http://suvanappiriyan.blogspot.com/2011/06/blog-post_25.html
http://garry-nelson.hubpages.com/hub/Human-Giants
http://mtblanco.com/MtBlancoTour.htm

டிஸ்கி: இன்று வரை எனது இந்த வலைப்பூவுக்கு வந்த மொத்த பார்வையாளர்கள் கணக்கு 206908 என்று கூகுள் கூறுகிறது. ஒவ்வொரு நாளும் படிப்பவர்களின் எண்ணிக்கை சராசரியாக 800 லிருந்து 1000 மாக உள்ளது. திரட்டிகளில் தமிழ்மணத்தின் மூலமே அதிக பார்வையாளர்கள் வந்துள்ளனர். இன்ட்லி, தமிழ்10 போன்ற திரட்டிகளிலிருந்தும் குறிப்பிட்ட பார்வையாளர்கள் வந்துள்ளனர்.

ஆபாசம், சினிமா, மொக்கை என்று வெகுஜன விருப்பத்தை புறந்தள்ளி இந்த அளவு வாசகர்கள் வருவது பெரிய விஷயம். நல்ல விஷயங்களை கொடுத்தால் அதை ஆர்வமுடன் படிக்க வாசகர்கள் உள்ளனர் என்பது இதிலிருந்து தெளிவாகிறது. பதிவுகளை படித்து பின்னூட்டம் இட்டு ஓட்டுக்களையும் வழங்கி வரும் வாசகர்களுக்கு நன்றி. அதேபோல் தமிழ் மணம், இண்ட்லி, தமிழ10 திரட்டிகளுக்கும் நன்றி!