வெட்கப்பட்டு பிறரிடம் கேட்க மாட்டார்கள்!
ஈராக்கில் உள் நாட்டு போரினாலும் வல்லரசுகளின் கயமைத்தனங்களாலும் அமைதியிழந்து காணப்படுகிறது. அந்த மக்கள் உணவுக்கு மிகவும் சிரமப்படுகின்றனர். இதனை உணர்ந்த சில செல்வந்தர்கள் தங்களிடம் உள்ள உணவுப் பொருட்களை தெருக்களில் பொதுவில் வைத்து விடுகிறார்கள். பிறரிடம் கேட்க வெட்கப்படும் சுயமரியாதை உடைய ஏழைகள் பயன்பெறும் பொருட்டு இவ்வாறு பொருட்கள் வைக்கப்படுகின்றன. தேவையுடைவர் இருட்டிய பிறகு பொருட்களை எடுத்துச் செல்கிறார்கள்.
-------------------------------
சிலர் நபிகள் நாயகம் அவர்களிடம் யாசித்தார்கள். நபிகள் நாயகம் அவர்களும் அவர்களுக்குக் கொடுத்தார்கள். பிறகும் நபியவர்களிடம் அவர்கள் கேட்டார்கள். அப்போதும் அவர்களுக்குக் கொடுத்தார்கள். பிறகும் அவர்கள் கேட்க, நபி அவர்கள் மீண்டும் அவர்களுக்குக் கொடுத்தார்கள். இவ்வாறு நபி அவர்களிடம் இருந்தது அனைத்தும் தீர்ந்து போன பின் "என்னிடமுள்ள செல்வதை நான் உங்களுக்குத் தராமல் பதுக்கி வைக்கவே மாட்டேன். ஆயினும் யார் சுயமரியாதையைப் பேணிக் கொள்கிறானோ அவனை அல்லாஹ் சுயமரியாதையோடு வாழச் செய்வான்; யார் பிறரிடம் தேவையற்றவனாக இருக்கிறானோ அல்லாஹ் அவனைத் தேவையற்றவனாக ஆக்குகிறான். யார் பொறுமையை மேற்கொள்ள முயற்சி செய்கிறானோ அவனை அல்லாஹ் பொறுமையாளனாக ஆக்குவான்; மேலும், பொறுமையை விடச்சிறந்த, விசாலமான அருட்கொடை எவருக்கும் கொடுக்கப்படுவதில்லை" என்றார்கள்.
(புகாரி-1469)
