சுடப்பட்ட மலாலா யூசுஃப் பிழைத்துக் கொண்டார்!

Video Portal Geo TV Network : Bullet Removed From Malala


தற்போது குண்டு எடுக்கப்பட்டு அபாயகட்டத்தை தாண்டி விட்டதாக செய்திகள் வருகின்றன. எல்லாப் புகழும் இறைவனுக்கே!

Video Portal Geo TV Network : Nation Prays For Malala

பாகிஸ்தான் முழுவதும் சிறு சிறு குழந்தைகள் மலாலா யூசுஃபின் உடல் நலத்திற்காக பிரார்த்தனையில் ஈடுபட்டன. சிறிய குழந்தைகளின் பிரார்த்தனையை இறைவன் ஏற்றுக் கொண்டான். ஆம். மலாலா தற்போது குண்டு எடுக்கப்பட்டு அபாயகட்டத்தை தாண்டி விட்டார். எல்லா புகழும் இறைவனுக்கே!

ஒரு மலாலா யுசுஃபை கொல்ல திட்டமிட்டனர். இன்று பாகிஸ்தான் முழுக்க லட்சக்கணக்கான மலாலாக்களை இறைவன் உருவாக்கியிருக்கிறான். பெண் கல்வியை இஸ்லாம் ஊக்குவிக்கிறது. இஸ்லாமிய வட்டத்துக்கு உட்பட்டு ஆணும் பெண்ணும் தனியாக கல்வி பயில்வதை இஸ்லாம் அங்கீகரிக்கிறது. தாலிபான்கள் தாங்கள் செய்த தவறை உணர வேண்டும். மலாலா யூசுஃபை சுதந்திரமாக தனது படிப்பை தொடர அனுமதிக்க வேண்டும். தாலிபான்கள் இதில் முரண்டு பிடித்தால் பொது மக்களின் ஆதரவை இழக்க நேரிடும். அது அமெரிக்காவுக்கு மேலும் தைரியத்தைக் கொடுக்கும்.

சில மாதங்களாக அமெரிக்க படைகளுக்கு மிகுந்த பின்னடைவைக் கொடுத்துள்ளது. அது தொடர வேண்டும் என்றால் இஸ்லாம் என்ன கட்டளையிடுகிறதோ அதன் வழிக்கு தாலிபான்கள் வர வேண்டும். தாலிபான்கள் வழிக்கு இஸ்லாத்தை வளைக்க எந்த முஸ்லிமும் விரும்ப மாட்டான். மிக உயர்ந்த எண்ணத்தில் உதித்த தாலிபான் அதன் இலக்கை அடை;ய வேண்டும் என்றால் பெண்களுக்கு இஸ்லாம் கொடுத்த உரிமைகளை தாராளமாக கொடுத்து சமூகத்தில் தாலிபான்கள் இரண்டற கலக்க வேண்டும்.

Video Portal Geo TV Network : PTI Peace March Kicks Off

கிரிக்கெட் வீரர் இம்ரான்கான் சமீபத்தில் தாலிபான்களோடு அமைதி பேச்சு வார்த்தைக்கு செல்லவிருப்பதாக கூறியிருந்தார். அதன்படி அமைதி பேச்சு வார்த்தை வெற்றியடைந்து ஆப்கானிஸ்தானிலும் பாகிஸ்தானிலும் அமைதி திரும்ப வேண்டும். ஆனால் இப்படி ஒரு பேச்சு வார்த்தை நடந்து அமைதி ஏற்பட்டு விட பாகிஸ்தான் அரசியல்வாதிகளோ அல்லது அமெரிக்காவோ அனுமதிக்காது என்பதுதான் நிதர்சனமான உண்மை. என்ன நடக்கிறது என்று பார்ப்போம்.


மலாலா யூசுஃப் போன்ற இளம் பெண்களுக்கு எனது சிறிய அறிவுரை. இந்த உலகம் போலியானது. பெண் உரிமை என்ற பெயரில் பெண்களை போகப் பொருளாக பார்க்கவே ஆண் வர்க்கம் விரும்புகிறது. பெண்கள் வெளியில் ஆபாசமாக உடை அணிந்து வருவதும் ஆணும் பெண்ணும் திருமணத்துக்கு முன்பே கூடிக் குலாவுவதும் தான் பெண் உரிமை என்று உலகம் முழுக்க பொது நியதியாக பார்க்கப்படுகிறது. இதனால் பாதிக்கப்படுவது பெண்களே என்ற உண்மையை அறியாமல் தங்களுக்கு தாங்களே சில பெண்கள் குழி பறித்துக் கொள்கின்றனர். ஐரோப்பிய நாடுகளில் ஊர்பேர் தெரியாத எத்தனையோ குழந்தைகள் இன்று அநாதைகளாக மேலும் மன நோயாளிகளாக வலம் வருகின்றனர். கற்பழிப்புகள் மிக சாதாரணமாக நடந்து வருகிறது. நமது நாட்டிலே கூட ஹரியானாவில் ஒரு மாதத்தில் 13 பெண்கள் வன் புணர்வு செய்யப்பட்டு கொடுமைபடுத்தப்பட்டுள்ளார்கள். இஸ்லாம் சொல்லும் வழி முறைகளை இந்த நாடுகள் கடைபிடித்தால் பெண்களுக்கு எதிரான குற்றங்கள் மிக விரைவாக குறைய வாய்ப்புள்ளது.

இஸ்லாம் கொடுத்த வரம்பிற்குள் தங்களது உரிமையை இஸ்லாமிய பெண்கள் பேணிணால் அது அவர்களுக்கும் நல்லது. இந்த உலகுக்கும் நல்லது.

அடுத்து ஒரு பெண் சுடப்பட்டதற்கு இன்று உலகம் முழுவதும் பயங்கர எதிர்ப்பை ஊடகத்துறையினர் மக்களிடம் எடுத்துச் செல்கின்றனர். ஹரியானாவில் 13 பெண்கள் வன் புணர்வு செய்யப்பட்டு ஒரு பெண் தற்கொலையும் செய்து கொள்கிறார். ஆனால் அது மீடியாவால் முக்கியத்துவம் கொடுக்கப்படவில்லை. எந்த வகையிலாவது இஸ்லாத்தை கேவலப்படுத்த வேண்டும் என்ற நோக்கமே இங்கு வெளி வருகிறது. தாலிபான்கள் தங்கள் தவறை உணர்ந்து இஸ்லாம் கூறும் பெண் உரிமைகளை அந்த மக்கள் அனுபவிக்க விட வேண்டும். அமெரிக்காவை எதிர்த்து போராடி வரும் தாலிபான்களை பொது மேடைகளில் குறை கூறும் மலாலா யூசுஃபும் தனது நிலையை மாற்றிக் கொள்ள வேண்டும்.

தாலிபான் இயக்கம் ஒப்புதல்

முன்னதாக தெஹ்ரிக்- இ- தலிபான் பயங்கரவாத இயக்கத்தைச் சேர்ந்த செய்தித் தொடர்பாளர் இக்ஷானுல்லா இக்ஸன் கூறுகையில்,

மாணவி மீது தாக்குதல் நடத்தியது நாங்கள்தான்.

தலிபான்களுக்கு எதிராக மலாலா தொடர்ந்து பேசி வந்தார்.

அதனால்தான் தாக்குதல் நடத்தினோம்.

அவர் உயிர் பிழைத்தாலும் மீண்டும் தாக்குவோம் என்று தெரிவித்துள்ளார்.

தாலிபான்களின் இந்த அறிவிப்பு மடத்தனமானது. அந்த பெண் தாலிபான்களுக்கு எதிராக பேசினால் அந்த குற்றச்சாட்டுகளை மறுத்து இவர்களும் அறிக்கை விடுவதுதான் இஸ்லாம் காட்டும் முறை. அதை விடுத்து திரும்பவும் கொல்வோம் என்று அறிக்கை விடுவது தங்களுக்கு தாங்களே குழி தோண்டிக் கொள்கிறார்கள் என்று தான் நினைக்கத் தோன்றுகிறது.

தாலிபான்களிடம் சில பல குறைகள் இருந்தாலும் அமெரிக்காவை எதிர்ப்பதில் இன்று அவர்களே முன்னிலையில் உள்ளனர். தாலிபான்கள் பெண்கள் விஷயத்தில் பிடிவாதம் பிடித்தால் உலக முஸ்லிம்களால் அந்நியப்படுத்தப்படுவார்கள் என்று மட்டும் சொல்லிக் கொள்கிறோம்.

இந்த நிலையில் மலாலாவை சுட்டவன் குறித்து தகவல் தரும் நபர்களுக்கு ஒரு கோடி ரூபாய் பரிசளிக்கப்படும் என்று பாகிஸ்தான் அரசு அறிவித்துள்ளது.

பெஷாவரில் நடைபெற்ற கூட்டத்தில் பேசிய அந்நாட்டு அமைச்சர் இதனை அதிகாரப்பூர்வமாக தெரிவித்துள்ளார்..