நரேந்திர மோடியின் பொய் குற்றச்சாட்டு அம்பலம்!

நரேந்திர மோடியின் பொய் குற்றச்சாட்டு அம்பலம்!



"The figures Mr Modi has given today is Rs 1800 crore. The government has not given any response to it. I never got any such information from the RTI I had filed. I have not got any figure of Rs 1800 crore. I don't know where Mr Modi is referring to it", Verma said from Hisar.

"I can say that that I haven't got any figure of Rs 1800 crore because I haven't received any information...", he added.

He claimed he was never contacted by Modi.

Verma said the information he has got was about the expenditure of Rs 80-85 lakh.

"The figures that I have I had obtained through the Foreign Ministry or the Ambassadors that the Ambassadors have spent on Sonia Gandhi's tours at their level", he said.

http://news.outlookindia.com/items.aspx?artid=776965-

ஒரு நாட்டின் முதலமைச்சர் பொது மக்கள் மத்தியில் இந்தியாவையே வழி நடத்திச் சென்று கொண்டிருக்கும் ஒரு தலைவியைப் பற்றி ஒரு செய்தியை தெரிவிக்கும் போது அது நம்பகமானதுதானா? கேள்விப்பட்டதாக சொன்ன செய்தியை சொன்னவர் உண்மையிலேயே சொன்னாரா என்றெல்லாம் சிந்திக்காமல் போகிற போக்கில் இவர் அடித்து விட்ட பொய்களின் லிஸ்டில் தற்போது புதிதாக சேர்ந்துள்ள பொய்யையும் சேர்த்துக் கொள்ளுங்கள்.

காங்கிரஸ் தலைவர் சோனியாவின் வெளிநாட்டு பயணத்திற்காக ரூ. 1880 கோடி செலவிடப்பட்டுள்ளதாக, குஜராத் முதல்வர் நரேந்திர மோடி கூறுவது சரியல்ல என ஆர்.டி.ஐ., ஆர்வலர் ரமேஷ் வர்மா தெரிவித்துள்ளார். பிரபல தகவல் அறியும் உரிமை சட்ட ஆர்வலர் ரமேஷ் வர்மா. அரியானா மாநிலம் ஹிசாரைச் சேர்ந்த இவர், காங்கிரஸ் தலைவர் சோனியாவின் வெளிநாட்டு பயணங்களுக்கு பணம் எங்கிருந்து வருகிறது, எவ்வளவு செலவாகிறது என்பது குறித்து தகவல் அறியும் உரிமை சட்டத்தின் கீழ் கேள்வி எழுப்பியிருந்தார். இந்நிலையில், இவரது கேள்வியை ஆதாரமாக கொண்டு, ராஜ்கோட்டில் நடந்த பொதுக்கூட்டம் ஒன்றில் பேசிய நரேந்திர மோடி, சோனியாவின் வெளிநாட்டு பயணத்திற்காக ரூ. 1880 கோடி செலவிடப்பட்டுள்ளது என தெரிவித்தார். மோடியின் இந்த அறிவிப்பு தன்னை ஆச்சரியப்படுத்தியுள்ளதாக வர்மா தெரிவித்துள்ளார். தான் எழுப்பிய கேள்விக்கு இதுவரை மத்திய அரசிலிருந்து எவ்வித பதிலும் வரவில்லை. மேலும், இது தொடர்பாக தான் மோடியுடன் எவ்வித தொடர்பும் கொள்ளவில்லை. இந்நிலையில், மோடி இவ்வாறு அறிவித்திருப்பது ஆச்சரியமளிப்பதாக வர்மா தெரிவித்துள்ளார். பொய்யிலேயே தனது வாழ்வை ஓட்டிக் கொண்டிருக்கும் இவருக்கு இது ஒன்றும் புதிதல்லவே!

தான் திரும்பவும் ஆட்சியில் அமர்வதற்காக தனது மக்களையே பலி கொடுத்த நரேந்திர மோடிக்கு இந்த பொய்கள் ஒன்றும் நம்மை ஆச்சரியப்படுத்தவில்லை. ஒரு பெண்மணியின் உடல் நிலையை வைத்து அதிலும் ஓட்டு அறுவடை செய்ய முயலும் நரேந்திர மோடியின் நாலாந்தர அரசியல் இன்று பல்லிளிக்கிறது. இந்த பொய்யரை சிறந்த நிர்வாகி என்று தூக்கி பிடிக்க பலர் நாட்டிலே உள்ளதுதான் மேலும் ஆச்சரியப்பட வைக்கிறது. குஜராத் ஏற்கெனவே வளமுள்ள மாநிலம். நம் நாட்டில் எவரை குஜராத்தின் முதல்வராக ஆக்கினாலும் இதே வளர்ச்சிதான் நமக்கு கிட்டும். ஆனால் மோடியால்தான் இந்த வளர்ச்சி என்று வானத்துக்கும் பூமிக்கும் சிலர் குதித்துக் கொண்டிருப்பது வேடிக்கையாக உள்ளது. ராம ராஜ்யம் நரேந்திர மோடி மூலம் கொண்டு வர பிரியப்படுகிறார்களோ என்னவோ? :-)

-----------------------------------------------------

நரேந்திரமோடி ஆட்சியின் அலங்கோலம்!

தான் ஒரு பார்லிமென்ட் எம்.பி., என்று கூறியும் தன்னை குஜராத் போலீசார் கடத்திச் சென்று சித்ரவதை செய்தனர் என்று காங்கிரசைச் சேர்ந்த ஆதிவாசி பெண் எம்.பி., ஒருவர் குற்றம் சாட்டி அழுததால், லோக்சபாவில் பரபரப்பு ஏற்பட்டது. இதுகுறித்து நடவடிக்கை எடுக்க வேண்டுமென்று எம்.பி.,க்கள் பலரும் வலியுறுத்தினர்.

எம்.பி.,க்கே இந்த கதியா:லோக்சபாவில் ஜீரோ நேரத்தின்போது, காங்கிரஸ் எம்.பி.,யான கிரிஜா வியாஸ் பேசினார். அப்போது, தனக்கு அருகில் அமர்ந்திருக்கும் பிரதீபா என்ற பெண் எம்.பி.,யை சுட்டிக்காட்டி பேசினார். குஜராத்தைச் சேர்ந்த காங்கிரஸ் எம்.பி.,யான பிரதீபா, ஆதிவாசி வகுப்பைச் சேர்ந்தவர். பிரதீபாவுக்கு நடந்ததை விளக்கி கிரிஜா வியாஸ் பேசினார். அப்போது, குஜராத் மாநிலம் ஆரம்பிக்கப்பட்ட தினத்தை முன்னிட்டு, தனது தொகுதிக்குட்பட்ட இடங்களில் ஏற்பாடு செய்யப்பட்டிருந்த சில நிகழ்ச்சிகளில் கலந்து கொள்வதற்காக பிரதீபா கிளம்பினார். ஆனால், குஜராத் போலீசார் அவரை மிரட்டி தங்களது வாகனங்களில் ஏற்றிக் கொண்டு கடத்திச் சென்றுள்ளனர். தான் ஒரு எம்.பி., என்றும், பார்லிமென்ட் கூட்டத்தொடரில் கலந்து கொள்ள வேண்டுமென்று கேட்டுக் கொண்டும் கூட, போலீசார் அவரை விடாமல் வைத்திருந்து சித்ரவதை செய்துள்ளனர்.

மோடியே காரணம்:பிறகு ஒரு வழியாக, அவரை ரயிலில் ஏற்றிவிட்டுள்ளனர். ரத்லம் என்ற ஊரில் தான் ரயிலில் கிளம்பியிருக்க வேண்டும். ஆனால், 200 கி.மீ., தூரத்தில் உள்ள பரோடாவில் இருந்து பிரதீபாவை போலீசார் ரயிலேற்றி விட்டுள்ளனர். இதனால் அவர் அலைக்கழிக்கப்பட்டு, மனம் மற்றும் உடல் உளைச்சலுக்கு ஆளாகியுள்ளார். ஆதிவாசி எம்.பி.,யான இவருக்கு இந்நிலை ஏற்படுவதற்கு, குஜராத் முதல்வர் நரேந்திர மோடியே காரணம். அவரது உத்தரவின் பேரில் தான் அனைத்துமே நடந்துள்ளன.
இவ்வாறு கிரிஜா வியாஸ் பேசியதும், காங்கிரஸ் எம்.பி.,க்கள் அனைவரும் எழுந்து, மோடிக்கு எதிராக குரல் கொடுத்தனர். அவையில் அமளி காணப்பட்டது.

இதையடுத்து எழுந்து பேசிய எதிர்க்கட்சித் தலைவர் சுஷ்மா சுவராஜ், "இதுகுறித்து குஜராத் மாநில முதல்வரிடம் விளக்கம் கேட்கப்படும். இந்த சம்பவம் குறித்து முழு தகவல்களும் கிடைத்த பிறகு, இதுகுறித்து விளக்கம் அளிக்கப்படும். இருப்பினும் ஆதிவாசி எம்.பி.,க்கு அது போன்ற அநீதி இழைக்கப்பட்டிருந்தால் அதை ஏற்றுக்கொள்ள முடியாது. இப்பிரச்னையை அவை ஒழுங்கு நடவடிக்கை குழுவுக்கு அனுப்பலாம்' என்றார்.

முன்னதாக கிரிஜா வியாஸ் பேசும்போது, அருகில் இருந்த பிரதீபா கண்ணீர் விட்டபடி அழுது கொண்டும், தனது கைகளில் ஏற்பட்ட காயங்களை காட்டியபடியும் இருந்தார். இதனால், அவையில் பரபரப்பு காணப்பட்டது. எம்.பி.,க்கள் பலரும் உணர்ச்சிபூர்வமாகக் காணப்பட்டனர்.

நரேந்திர மோடி பிரதமரானால் என்னவெல்லாம் அரங்கேறும் என்பதற்கு இந்த ஆதி வாசி எம்பியின் நிகழ்வு ஒரு சிறந்த உதாரணம்.