லண்டன் மேயர் சாதிக் கோவிலுக்கு வந்தார்!

லண்டன் மேயர் சாதிக் கோவிலுக்கு வந்தார்!
--------------------------------------------
லண்டன் மேயராக தேர்வு செய்யப்பட்டிருக்கும் சாதிக் தனக்கு ஓட்டளித்த மக்களின் நம்பிக்கைக்குரிய இடங்களுக்கு சென்றுள்ளார். ஸ்வாமி நாராயணா கோவிலுக்கு தேர்ந்தெடுப்பதற்கு முன்பு சென்றுள்ளார். தனக்கு ஆதரவளித்த மக்களின் நம்பிக்கையை மதிப்பதில் தவறில்லை. ஆனால் அந்த நம்பிக்கைகளை தனது வாழ்வில் சுவீகரித்துக் கொண்டால் இஸ்லாத்தை விட்டு வெளியேறியவர்களாகி விடுவோம்.

இஸ்லாமிய நம்பிக்கையை பொருத்த வரை ஒரு இறைவன் என்பதையும் பல கடவுள்கள் என்பதையும் ஒன்றாக்குவதை அனுமதிக்கவில்லை. கொள்கையில் முதலில் உறுதி வேண்டும். எனவே சாதிக் அவர்களின் நம்பிக்கை என்னவென்று தெரியவில்லை. அதனை இறைவனே அறிவான். எம்மதமும் சம்மதம் என்ற கொள்கையை இஸ்லாம் அங்கீகரிக்காது என்பதை மட்டும் சாதிக் போன்றவர்களுக்கு சொல்லிக் கொள்கிறோம்.

தலையில் தொப்பி போட்டுக் கொள்வது, நோன்பு கஞ்சி குடிப்பது, தர்ஹாவுக்கு சென்று போர்வை போர்த்துவது போன்ற நாடகங்களையும் நாம் அங்கீகரிக்கக் கூடாது. ஒரு மனிதனுக்குள் இரண்டு நேரெதிர் கருத்துக்கள் குடியேற வாய்ப்பில்லை.

தேர்தலில் நின்று வெற்றி பெற வேண்டுமென்றால் இது போன்ற சமரசங்களை எந்த நாடாக இருந்தாலும் அவசியம் செய்துதான் ஆக வேண்டும் போல் இருக்கிறது.

இறைவன்தான் நம் அனைவரையும் உலக ஆசா பாசங்களிலிருந்து காத்து ஏகத்துவ சிந்தனையில் நிலைத்திருக்கச் செய்ய வேண்டும்.