இந்து, சீக்கிய, ஜைன, கிருத்தவ அகதிகள் பயப்பட தேவையில்லை

இந்து, சீக்கிய, ஜைன, கிருத்தவ அகதிகள் பயப்பட தேவையில்லை: இஸ்லாமிய அகதிகள் இந்நாட்டை விட்டு வெளியேற்றப்படுவார்கள்' என்று வெளிப்படையாக அமித்ஷா கூறுகிறார். இன அழிப்புக்கான விதைகள் எல்லோரும் பார்க்கும் வண்ணம் தற்போது விதைக்கப்படுகிறது'

-நடிகர் சித்தார்த்

ஆக... இந்துத்வாவுக்கு எதிரி யார் என்பதை அமீத்ஷா நன்றாகவே விளங்கி வைத்துள்ளார். மனு தர்மம் இந்த நாட்டை ஆள வேண்டும் என்றால் இஸ்லாமியர் அனைவரும் துடைத்தெறியப்பட வேண்டும் என்பது அவரது ஆசை. ஒருவரை வெளியாக்கினால் 10 பேர் புதிதாக இஸ்லாத்தை ஏற்றுக் கொள்கிறார்கள். எந்த காலத்தில் இஸ்லாமியர் இல்லாத இந்தியாவை அமீத்ஷா உருவாக்கப் போகிறார்?

அமீத்ஷா எடுக்கும் இந்த பைத்தியக்காரத்தனமான முடிவால் நாடெங்கும் கலவரம் வெடிக்கும். உலக நாடுகள் தங்கள் முதலீடுகளை வாபஸ் பெறும். இந்தியா என்ற நாடு மொழி வாரியாக தனி நாடுகளாக மாறவும் வாய்ப்புண்டு. பொருளாதாரத்தை அதள பாதாளத்தில் வீழ்த்திய பெருமையை மோடியும் அமீத்ஷாவும் பெறுவார்கள். இத்தனையும் நடந்தாலும் உலக முடிவு நாள் வரை இஸ்லாமியர் இல்லாத இந்தியா என்ற கனவு நிறைவேறப் போவதில்லை.

மோடி, அமீத்ஷாவை விட கொடுங்கோலர்களான பிர்அவுன், ஹாமான், நம்ரூத் போன்ற மன்னர்களை எதிர்த்து வளர்ந்த சமுதாயம் இஸ்லாமிய சமுதாயம். எங்கு எதிர்ப்பு இருக்கிறதோ அங்குதான் இஸ்லாம் வீரியம் பெரும். இது உலக வரலாறு. அதனை இந்தியாவிலும் பார்க்கத்தான் போகிறோம்.

இது போன்ற மூடத்தனமான கருத்துக்கள் பரப்பப்டும் போது இந்து பெருங்குடி மக்களும் இந்துத்வாவுக்கு எதிராக குரல் கொடுக்க வேண்டும். ஏனெனில் முஸ்லிம்களை அழிக்க அமீத்ஷா பார்பனர்களை களம் இறக்கப் போவதில்லை. மாறாக... ஆர்எஸ்எஸ் மூலம் பிற்படுத்தப்பட்ட இந்து இளைஞர்களுக்கு தவறான வரலாறுகள் புகட்டப்பட்டு இஸ்லாமியருக்கு எதிராக கொம்பு சீவி விடுவார்கள். கோர்ட், வழக்கு, சிறைவாசம் என்று இந்து பிற்படுத்தப்பட்ட மக்கள் அலைக்கழிக்கப்படுவார்கள். எனவே வாய் மூடி மவுனமாக உள்ள இந்து பிற்படுத்தப்பட்ட மக்கள் அநீதிக்கு எதிராக குரல் எழுப்ப வேண்டும். மனு தர்மத்தால் பாதிக்கப்பட போவது இஸ்லாமியர் அல்ல. தலித் மற்றும் இந்து பிற்படுத்தப்பட்ட மக்களே என்பதையும் கவனத்தில் கொள்ள வேண்டும்.

உண்மையை தட்டிக் கேட்கும் ஒரு சில இந்துக்களை சிந்திக்க விடாமல் பாகிஸ்தானைக் காட்டி பயமுறுத்தி ஒடுக்கி விடுகிறார்கள்.

நம்மோடு ஒப்பிடும் போது பாகிஸ்தான் ஒரு சுண்டைக்காய். ஆனால் அதனை ஊதி பெரிதாக்கி நமக்கு சரி சமமான பலமுள்ளதைப் போல் காட்டி இந்துக்களை பயமுறுத்தி அதில் வெற்றியும் கண்டு விடுகின்றனர் மோடியும் அமீத்ஷாக்களும். மோடியும், அமீத்ஷாவும் அவிழ்த்து விடுவது வெறும் புளுகு முட்டைகள் தான் என்பதை என்று இந்திய மக்கள் உணருகிறார்களோ அன்றுதான் இந்தியாவுக்கு விடிவு காலம். அது சமீபமாக நெருங்கி விட்டதாகவே உணருகிறேன்.