யோகியின் தாக்கூர் சாதி இளைஞனின் மிரட்டல் வீடியோ!

 யோகியின் தாக்கூர் சாதி இளைஞனின் மிரட்டல் வீடியோ!

பீம் ஆர்மி தலைவர் சந்திர சேகர் ஆசாத் பாதிக்கப்பட்ட சிறுமியின் குடும்பத்தை சந்திக்கவிருக்கிறார். அவருக்கு மிரட்டல் விடும் முகமாக கோபத்தோடு பேசும் உயர்சாதி இளைஞன். காவல் துறையும் இவனுக்கு காவல் காக்கிறது.

என்ன ஒரு வன்மம்?

என்ன ஒரு தலைக்கனம்?

என்ன ஒரு சாதி வெறி?

இதனை எந்த தொலைக்காட்சியும் ஒளிபரப்பவில்லை என்பதையும் கவனியுங்கள்....

இதற்கெல்லாம் காரணம் இந்த இளைஞன் அல்ல. சிறு வயதிலிருந்து இவனது வீட்டில் புராணங்களையும் இதிகாசங்களையும், மனு ஸ்மிருதிகளையும் சொல்லியே வளர்த்து வந்துள்ளார்கள். நாமெல்லாம் உயர்ந்தவர்கள்: அவர்களெல்லாம் கீழானவர்கள் என்று இளம் வயதிலேயே நஞ்சு விதைக்கப்படுகிறது.

இதெல்லாம் தவறு என்றே அவனுக்கு விளங்கவில்லை. ராமாயணத்திலிருந்து மகாபாரதம் வரை இந்த சாதி விலக்கல் அவர்கள் வணங்கும் தெய்வங்களாலேயே போதிக்கப்படுகிறது. எனவே இதனை தவறாக எண்ணுவதில்லை. எத்தனை ஆட்சிகள் மாறினாலும் இந்த வன்மம் குறையப் போவதில்லை. தமிழகத்துக்கு ஒரு பெரியார் கிடைத்த மாதிரி உபிக்கும் ஒருவர் கிடைக்க வேண்டும். இல்லை என்றால் ஒட்டு மொத்தமாக மதம் மாற வேண்டும். இது இரண்டும் நடக்காத பட்சத்தில் தினமும் இதுபோன்ற கொடுமைகளை நாம் காண பழகிக் கொள்ள வேண்டும். வேறு வழியில்லை.

இதில் ஒரு நல்ல காமெடி என்னவென்றால் இவன் தீண்டத்தகாதவன் என்று தலித்களை ஒதுக்கினால் மற்றொரு நேரத்தில் பார்பனர்கள் தாக்கூர்களையும், யாதவர்களையும் அதே போன்று கீழானவர்களாக நினைத்து ஒதுக்குகிறார்கள். ஏற்கெனவே இவன் தலித்களுக்கு செய்துள்ளதால் இந்த அவமானத்தை கொஞ்சமும் வெட்கமின்றி துடைத்து விட்டு சென்று விடுகின்றான்.

தமிழகத்திலும் இதுதான் நடக்கிறது. படையாச்சியும், தேவரும், கவுண்டரும் தலித்களை ஒதுக்கினால் அதே போல் பார்பனர்கள் இவர்களை ஒதுக்குகிறார்கள். அக்ரஹாரத்தில் நுழையக் கூட விடுவதில்லை. அவ்வளவு ஏன்? வீட்டில் கூட ஏற்றுவதில்லை...