அமெரிக்கச் சிறைகளுக்குள் இஸ்லாம் பரவி வருகிறது…

 

அமெரிக்கச் சிறைகளுக்குள் இஸ்லாம் பரவி வருகிறது… கைதிகள் சிறைக்குள் நம்பிக்கையையும் மனந்திரும்புதலையும் கண்டடைகிறார்கள்! 🇺🇸☪️❤️

 

ஆயிரக்கணக்கான மக்கள் தங்கள் குடும்பங்கள் மற்றும் சமூகங்களிலிருந்து பிரிந்து பல ஆண்டுகள் செலவிடும் அமெரிக்கச் சிறைகளின் சுவர்களுக்குப் பின்னால், சில கைதிகள் முற்றிலும் மாறுபட்ட ஒரு பயணத்தைத் தொடங்குகிறார்கள்... அது சத்தியம், மனந்திரும்புதல் மற்றும் எல்லாம் வல்ல அல்லாஹ்விடம் திரும்புதல் ஆகியவற்றைத் தேடும் ஒரு பயணம்.

 

பலர் துன்பம், தனிமை மற்றும் வருத்தம் ஆகியவற்றுடன் மட்டுமே தொடர்புபடுத்தும் இடங்களில், சில கைதிகள் புனித குர்ஆன் மற்றும் முஹம்மது நபி (ஸல்) அவர்களின் போதனைகளைப் பற்றி அறிந்த பிறகு, இஸ்லாத்தின் மூலம் ஒரு புதிய தொடக்கத்தைக் கண்டறிகிறார்கள்.

 

அமெரிக்கச் சிறைகளில் இஸ்லாம் பரவுவது குறித்து ஆய்வுகள் என்ன வெளிப்படுத்துகின்றன?

 

அமெரிக்கா முழுவதும் உள்ள சிறைச்சாலை மதகுருமார்களிடம் நடத்தப்பட்ட ஒரு கணக்கெடுப்பின் அடிப்படையில், பியூ ஆராய்ச்சி மையம் 2012-ல் வெளியிட்ட ஒரு ஆய்வில், பங்கேற்ற மதகுருமார்கள் பகிர்ந்துகொண்ட அவதானிப்புகளின்படி, சிறைகளுக்குள் மதமாற்றங்கள் மூலம் முஸ்லிம்களின் எண்ணிக்கை அதிகரித்துள்ளதாகத் தெரிவிக்கப்பட்டுள்ளது.

 

ஆயிரக்கணக்கானோர்மதம் மாறியதாகக் கூறும் மதிப்பீடுகள் பரவி வந்தாலும், சரியான எண்ணிக்கையை உறுதிப்படுத்த நாடு தழுவிய விரிவான அதிகாரப்பூர்வ புள்ளிவிவரங்கள் எதுவும் கிடைக்கவில்லை.

 

இஸ்லாம் சில கைதிகளின் வாழ்க்கையை எவ்வாறு மாற்றுகிறது?

 

புனித குர்ஆனைப் படிப்பதன் மூலமும், இஸ்லாமிய போதனைகளைப் பற்றி அறிந்துகொள்வதன் மூலமும், வாழ்க்கை, மரணம் மற்றும் அல்லாஹ்விடம் பொறுப்புக்கூறுதல் ஆகியவற்றின் அர்த்தத்தைப் பற்றி சிந்திப்பதன் மூலமும், சில கைதிகள் தங்கள் கடந்த காலத்தை மறுபரிசீலனை செய்யவும், தங்கள் எதிர்காலத்தைப் பற்றி சிந்திக்கவும் தொடங்குகிறார்கள்.

 

பிரார்த்தனை, மனந்திரும்புதல் மற்றும் அல்லாஹ் மீதான நம்பிக்கை ஆகியவற்றின் மூலம், அவர்கள் உள் அமைதி, புதுப்பிக்கப்பட்ட நம்பிக்கை மற்றும் தங்களைத் தாங்களே சீர்திருத்திக்கொண்டு தங்கள் கடந்தகால தவறுகளை விட்டுவிடுவதற்கான உந்துதல் ஆகியவற்றுக்கான ஒரு பாதையைக் கண்டறிகிறார்கள்.

 

பாவம் செய்தவர்களுக்கு இஸ்லாம் கருணையின் கதவை மூடுவதில்லை. மாறாக, ஒவ்வொரு மனிதனும், அவர்களின் பாவங்கள் எவ்வளவு பெரியதாக இருந்தாலும், மனப்பூர்வமாக மனந்திரும்பி தங்கள் படைப்பாளனிடம் திரும்புமாறு அது அழைக்கிறது.

 

எல்லாம் வல்ல அல்லாஹ் திருக்குர்ஆனில் கூறுகிறான்:

 

“கூறுங்கள், ‘தங்களுக்குத் தாங்களே அநியாயம் செய்துகொண்ட என் அடியார்களே! அல்லாஹ்வின் கருணையைக் குறித்து நீங்கள் நம்பிக்கை இழக்காதீர்கள். நிச்சயமாக அல்லாஹ் எல்லாப் பாவங்களையும் மன்னிக்கிறான். நிச்சயமாக அவனே மன்னிப்பவனாகவும், கருணையாளனாகவும் இருக்கிறான்.’”

 

குர்ஆன் 39:53

 

ஒவ்வொரு மனிதனுக்கும் எப்பேர்ப்பட்ட சக்திவாய்ந்த நம்பிக்கைச் செய்தி!

 

ஒருவர் சிறைக்கம்பிகளுக்குப் பின்னால், உடல்ரீதியான சுதந்திரம் பறிக்கப்பட்ட நிலையில் இருக்கலாம், ஆனாலும் அல்லாஹ்வின் கருணையைத் தேடுவதற்கும், மனப்பூர்வமான மனந்திரும்புதலுக்கும், தங்களைத் திருத்திக்கொள்வதற்கும், நேரான பாதைக்குத் திரும்புவதற்கும் உள்ள வாய்ப்பு அவர்களுக்கு ஒருபோதும் மறுக்கப்படுவதில்லை.

 

மனிதர்கள் மூடும் கதவுகள், ஒரு அடியான் தன் படைப்பாளனிடம் திரும்புவதைத் தடுக்க முடியாது. வழிகாட்டுதல் அல்லாஹ் ஒருவனுக்கே உரியது, மேலும் அவன் தன் ஞானத்தாலும் கருணையாலும் தான் நாடியவர்களுக்கு வழிகாட்டுகிறான்.

 

நம்பிக்கை, மனப்பூர்வமான மனந்திரும்புதல் மற்றும் நற்செயல்கள் மூலம் ஒருவர் வாழ்க்கையில் ஒரு புதிய அத்தியாயத்தைத் தொடங்க முடியும் என்பதை இந்த அனுபவங்கள் நமக்கு நினைவூட்டுகின்றன. அவர்கள் மனப்பூர்வமான மனந்திரும்புதலுக்குத் திரும்பினால், அவர்களின் கடந்த காலம் அவர்களின் எதிர்காலத்தைத் தீர்மானிக்க வேண்டியதில்லை.

 

எல்லாம் வல்ல அல்லாஹ், இஸ்லாத்தைத் தழுவியவர்களை அவர்களின் நம்பிக்கையில் நிலைத்திருக்கச் செய்யவும், சத்தியத்தைத் தேடுபவர்களுக்கு வழிகாட்டவும், அவனை நோக்கித் திரும்புபவர்களின் பாவமன்னிப்பை ஏற்றுக்கொள்ளவும், அவர்களின் சூழ்நிலைகளைச் சீராக்கவும், மேலும் அவர்களைச் சிறந்த, நீதியுள்ள தனிநபர்களாக அவர்களின் குடும்பங்கள் மற்றும் சமூகங்களுடன் மீண்டும் ஒன்றிணைக்கவும் நாங்கள் பிரார்த்திக்கிறோம்.

 

அல்ஹம்துலில்லாஹ் - எல்லா புகழும் இறைவனுக்கே

உங்களைப் பற்றி தவறாக அவதூறு பேசுபவர்களுக்கும் நீங்கள் நன்றி சொல்லுங்கள்.

 

உங்களைப் பற்றி தவறாக அவதூறு பேசுபவர்களுக்கும் நீங்கள் நன்றி சொல்லுங்கள். அவர்கள் உங்கள் பாவங்களை அழிக்கிறார்கள் - ஏ.ஆர்.ரஹ்மான்

 

'ராமாயணம்' படத்தில் சூஃபி இசையை கொண்டு வந்துள்ளார் ஏ.ஆர்.ரஹ்மான் என்று பலரும் குற்றச்சாட்டை வைக்கின்றனர். அவர்களுக்கு பதிலளிக்கும் விதமாகத்தான் 'உங்கள் மீது அவதூறு சுமத்துபவர்கள் உங்களின் பாவங்களை அழிக்கிறார்கள். அல்லது அவர்களின் நன்மையை இழக்கிறார்கள். எனவே அவர்களை அலட்சியப்படுத்தி விட்டு உங்கள் பாதையில் பயணியுங்கள்’ என்கிறார் ரஹ்மான்.

 

இவரை இவ்வாறு பேச வைத்ததற்கு ஒரு நபி மொழியும் காரணம். அந்த நபி மொழியை பாருங்கள்.

 

நபிகள் நாயகம் அவர்கள் தம் தோழர்களிடம், "திவாலானவர் (ஏதுமற்ற ஏழை) யார் என்று உங்களுக்குத் தெரியுமா?" என்று கேட்டார்கள்.

 

அதற்குத் தோழர்கள், "எங்களைப் பொறுத்தவரை யாரிடம் திரஹமோ (பணமோ) அல்லது எந்தப் பொருளோ இல்லையோ அவர்தான் திவாலானவர்" என்று விடையளித்தனர்.

 

அதற்கு அல்லாஹ்வின் தூதர் கூறினார்கள்:

 

"என் சமுதாயத்தாரில் உண்மையான திவாலானவர் ஒருவராவார்; அவர் மறுமை நாளில் தொழுகை, நோன்பு, ஸகாத் ஆகியவற்றுடன் வருவார். அதே நேரத்தில் அவர் உலகில் ஒருவரைத் திட்டியிருப்பார்; மற்றொருவர் மீது அவதூறு சுமத்தியிருப்பார்; ஒருவரது பொருளை அநியாயமாக விழுங்கியிருப்பார்; மற்றொருவரது இரத்தத்தைச் சிந்தியிருப்பார்; இன்னும் ஒருவரை அடித்திருப்பார்.

 

எனவே, அவருடைய நன்மைகளிலிருந்து பாதிக்கப்பட்டவருக்கு இழப்பீடாக வழங்கப்படும்; இவருக்கும் இழப்பீடாக அவருடைய நன்மைகளிலிருந்து வழங்கப்படும்.

 

பாதிக்கப்பட்டவர்களின் உரிமைகள் வழங்கப்படுவதற்கு முன்னால் அவருடைய நன்மைகள் தீர்ந்துவிட்டால், பாதிக்கப்பட்டவர்களின் பாவங்கள் எடுக்கப்பட்டு, இவர் மீது சுமத்தப்படும். பிறகு அவர் நரக நெருப்பில் எறியப்படுவார்."

 

📚 ஆதாரம்: சஹீஹ் முஸ்லிம் (ஹதீஸ் எண்: 2581 / 6744).

 

பல பிரச்னைகளுக்கு தீர்வளிக்கக் கூடிய அழகிய அறிவுரை.

 

இந்த அறிவுரையை எனக்கும் பொருத்திப் பார்க்கலாம்.

 

ஒரு சில சங்கிகள் நாம் கேட்கும் கேள்விக்கு பதலளிக்காமல் என்னைப் பற்றியும் எனது குடும்பத்தைப் பற்றியும் ஆபாசமாகவும் அவதூறாகவும் பின்னூட்டம் இடுகிறார்கள். அப்படி ஆபாசமாக எழுதினால் நான் எழுதுவதை நிறுத்தி விடுவேன் என்பது அவர்கள் எண்ணம். ஒரு முஸ்லிமாக இருந்து கொண்டு நீ எவ்வாறு இந்து மதத்தை விமரிசிக்கலாம் என்பது அவர்கள் வாதம்.

 

ஆனால் இவர்கள் பலதார மணம், ஜீவனாம்சம், நபிகளின் திருமணம், ஹிஜாப், தீவிரவாதம் என்று சகட்டு மேனிக்கு இஸ்லாத்தின் மேல் அவதூறுகளை பரப்பி வருவார்கள். அவர்களுக்கு பதிலளிக்கும் விதமாக நாம் இந்து மதத்தை ஒப்பீடு செய்தால் 'நீ முஸ்லிம். எப்படி இந்து மதத்தைப் பற்றி எழுதலாம்?' என்று கேட்பார்கள். ஆபாச அர்ச்சனைகளை தொடர்வார்கள்.

 

அவர்களை அலட்சியப்படுத்தியே செல்கிறேன். காரணம் அவர்கள் என்னை அவதூறாக திட்டுவதால் நபிகளின் வாக்குப்படி எனது பாவங்களை துடைக்கிறார்கள். அவர்களின் நன்மைகளை இழக்கிறார்கள்.

 

கருத்தை கருத்தால் சந்திக்க முடியாத கோழைகள் இவர்கள்.

 

 

 

 

 

 

1618 ஆம் ஆண்டு இதே நாளில், குஜராத்தில் உள்ள தஹோத் என்ற இடத்தில் அவுரங்கசீப் பிறந்தார்.

 

1618 ஆம் ஆண்டு இதே நாளில், குஜராத்தில் உள்ள தஹோத் என்ற இடத்தில் அவுரங்கசீப் பிறந்தார்.

 

அக்காலத்தில், அவரது தந்தை ஷாஜஹான் குஜராத்தின், அதாவது மேற்கு இந்தியாவின் ஆளுநராக இருந்தார். அவரது தாயாரின் பெயர் மும்தாஜ்.

 

1658 ஆம் ஆண்டில், அவுரங்கசீப் முகலாய சுல்தானியத்தின் பேரரசரானார். இந்தியாவில் அவுரங்கசீப் ஒரு வில்லனாகக் கருதப்படுகிறார்.

 

அவுரங்கசீப்பின் அரசவையில் இருந்த இந்துக்களின் எண்ணிக்கை பின்வருமாறு.

 

• அக்பரின் ஆட்சிக்காலத்தில், மொத்தம் 98 மன்சப்தார்கள் இருந்தனர். அவர்களில் 22 பேர் இந்து மன்சப்தார்கள், அதாவது 22.5%.

 

• ஷாஜஹானின் ஆட்சிக்காலத்தில், 437 மன்சப்தார்கள் இருந்தனர். அவர்களில் 98 பேர் இந்து மன்சப்தார்கள். 22.4%.

 

• அவுரங்கசீப்பின் ஆட்சிக்காலத்தில், 575 மன்சப்தார்கள் இருந்தனர், அவர்களில் 182 பேர் இந்துக்கள். அதாவது, 31.6%.

 

ஔரங்கசீப்பின் ஆட்சியில், ஒவ்வொரு மூன்றாவது மன்சப்தாரும் இந்துவாக இருந்தார். ஔரங்கசீப் என்ன செய்தாலும், அதை இந்த மன்சப்தார்களைக் கொண்டே செய்தார். ஔரங்கசீப் ஒரு வில்லனாக இருந்திருந்தால், எந்த மன்னர்களும் சமஸ்தானங்களும் அவருக்கு ஆதரவளித்திருக்க மாட்டார்கள்.

 

இராஜபுத்திர இளவரசிக்குப் பிறந்த ஷாஜஹான்!

முகலாயப் பேரரசர் ஜஹாங்கீர் மார்வாடா மன்னர் ராஜா உதயசிங்கின் மகளை திருமணம் செய்தார். அந்த இராஜபுத்திர இளவரசி ஜகத்கஸாயினி என்பவரின் வயிற்றில் பிறந்தவர்தான் முகலாயப் பேரரசர் ஷாஜஹான்.

ஷாஜஹானின் தந்தையார் ஜஹாங்கீர், அக்பருக்கும் இராஜபுதன இளவரசிக்கும் பிறந்தவர். ஜஹாங்கிருக்கும் இராஜபுதன இளவரசிக்கும் பிறந்தவர் சாஜஹான். ஷாஜஹானின் உடலில் ஓடிய ரத்தத்தில் முகலாய ரத்தத்தை விட இந்திய ரத்தமே அதிகமாக இருந்தது என்பர் வரலாற்றாசிரியர் லேன்பூல்.

குலாம் ரசூல், இந்தியாவை ஆண்ட முஸ்லிம் மன்னர்கள், தஞ்சாவூர்.
1998, page 461.

“Like his father Shah-jahan was the offspring of a union with a Rajput princess, a daughter of the proud Raja of Marwar, and had more Indian than Mughal blood in his veins.”

Stanley Lane-poole, Aurangzib, New Delhi, Page 14.

************************************

ஹிந்து ராணியின் பேரன் ஒளரங்கஜேப்!

இத்தகைய ஷாஜஹானுக்கு மகனாகப் பிறந்த மஹா சக்ரவர்த்தியாகிய ஒளரங்கஜேப் ஒரு ஹிந்து ராணியின் பேரனாயிருந்தும் மதத் துவேஷிகள் அவரையும் சும்மா விடவில்லை. அபாண்டப் பழிகளை அவர் மீது அடுக்கிக் கொண்டே செல்கிறார்கள் என்பதனை அறிகிறபோது வேதனையான விசித்திரமாகத்தான் இருக்கிறது. அது மட்டுமா?

நவாப் பாயின் கணவர் ஒளரங்கஜேப்!

ஒளரங்கஜேப்புக்குப் பின் முகலாயப் பேரரசில் அரியணை ஏறிய பகதூர்ஷாவின் தாயார் நவாப் பாய் (Nawab Bai)காஷ்மீர் இந்து அரசரின் மகள். (She was the daughter of Raja Raju of the Rajuari State of Kashmir) இராஜ புதன வழியில் வந்த நவாப் பாயின் (ரஹ்மத்துன்னிஷா) கணவர் யார் தெரியுமா? மாமன்னர் ஒளரங்கஜேப்தான்.

பரூக்கி, இந்தியாவை ஆண்ட முஸ்லிம் மன்னர்கள்,
page 545.

உதயபுரி மஹல் அல்லது பாய் உதயபுரி (Udai Puri Mahal) என்ற மனைவியும் ஒளரங்கஜேப்பிற்கு இருந்ததாகச் சொல்லப் படுகிறது. (Kam Baksh) காம்பக்ஸ்என்ற ஆண் குழந்தையைப் பெற்றெடுத்தவர் இவர்தான்.

டி.எப்.ஆர். மஆலிசாஹிப், முஸ்லிம் மன்னர்களின் இந்து ராணிகள், பத்ஹூல் இஸ்லாம்.
1957, November, Chennai.

ஐம்பது வயதைத் தாண்டிய நிலையில்.....

ஹிந்து இராஜபுத்திர ராணியார் ஷாபாய், ஜகத் கஸாயினி ஆகியோரின் வழியில் கி.பி.1618 ல் தோன்றியவர் ஒளரங்கஜேப். அவரது வாழ்வில் நவாப் பாய், உதயபுரி மஹல் என்ற இரு இந்துப் பெண்களை திருமணம் செய்து கொண்டவர் ஒளரங்கஜேப்.

ஹெச்.எல்.ஓ.காரட், சீதாராம் கோலீ, இந்து தேச சரித்திரம்,
1942, Page 170, Chennai.

இது போல் இந்துக்களோடு ரத்த உறவும், திருமண பந்தமும் உடைய ஒரு அரசர் இந்துக்களை கொடுமை படுத்தினார் என்று நம் வரலாற்றுப் பாட நூல்களில் தொடர்ந்து படித்து வருகிறோம். அதோடு இந்த மன்னர்கள் இந்த தேசத்தை எந்த அளவு நேசித்திருந்தால் திருமண உறவு முதற் கொண்டு நம் நாட்டிலேயே ஏற்படுத்திக்கொண்டு இங்கேயே இறக்கவும் விருப்பம் தெரிவித்திருப்பார்கள். இன்று இவர்களின் உறவுகள் இந்தியர்களை மணந்து இந்நாட்டு இரத்தம்ஆகி விட்ட பிறகு எப்படி இவர்களை நாம் அன்னிய தேசத்தவர் என்ற வார்த்தையை பிரயோகிக்க முடியும்?

உம்ரா கடமையை முடித்த நைஜீரிய ஆட்சித் தலைவர்.

 

உம்ரா கடமையை முடித்த நைஜீரிய ஆட்சித் தலைவர்.

 

“நான் சவூதி அரேபியாவுக்கான எனது பயணத்தை நிறைவு செய்துள்ளேன். அங்கு, எனது தூதுக்குழுவினருடன் சேர்ந்து, புனித கஃபாவிற்குள் நுழைந்து தொழுவதற்கும், உம்ரா செய்வதற்கும் கிடைத்த அரிய பாக்கியத்தைப் பெற்றேன்.

 

இந்த பாக்கியத்தை எங்களுக்கு வழங்கியதற்காகவும், அவர்களின் கனிவான விருந்தோம்பலுக்காகவும், சகோதரத்துவ அக்கறைக்காகவும், இரு புனித மசூதிகளின் பாதுகாவலரான மன்னர் சல்மான் பின் அப்துல் அஜிஸ் அல் சவுத் @KingSalman அவர்களுக்கும், பட்டத்து இளவரசரும் பிரதமருமான முகமது பின் சல்மான் அவர்களுக்கும் எனது ஆழ்ந்த நன்றியைத் தெரிவித்துக் கொள்கிறேன்.

 

இது நைஜீரியாவுக்கும் சவூதி அரேபியாவுக்கும் இடையிலான நீடித்த நம்பிக்கை மற்றும் நட்புறவுப் பிணைப்புகளைப் பிரதிபலிக்கிறது.

 

அந்தப் புனிதமான தருணங்களில், நமது அன்பு தேசத்திற்கும் அனைத்து நைஜீரியர்களுக்கும் அமைதி, ஒற்றுமை மற்றும் செழிப்புக்காக நான் பிரார்த்தனை செய்தேன்.”

 

போலா அகமது தினுபு, ஜி.சி.எஃப்.ஆர்

நைஜீரியக் கூட்டாட்சிக் குடியரசின் தலைவர்

 

இங்கு அவரது உருவத்தையோ அவரது நிறத்தையோ அவரது இனத்தையோ பார்க்கவில்லை. ஏக இறைவனை ஏற்றுக் கொண்டார். அந்த இறைவனின் கடைசி தூதரான நபிகள் நாயகத்தையும் ஏற்றுக் கொண்டார். இதனால் அவர் கஃபாவில் தொழுவதற்கு அனுமதிக்கப்பட்டார். 

"ஓத்தாராம் அய்யிரு உள்ளான் மீனைத் தின்னுட்டு..."

 

"ஓத்தாராம் அய்யிரு உள்ளான் மீனைத் தின்னுட்டு..."

 

தமிழ்நாட்டின் கிராமப் பகுதிகளில் இன்றும் வழங்கப்படும் ஒரு சொலவடை (பழமொழி) தான் இது. இது ஓர் ஆபாசமான சொற்றொடர் என்றோ, ஒரு குறிப்பிட்ட சாதியினரைக் குறிப்பிடும் சொல் தொடர் என்றோ கருதக் கூடும். ஆனால் உண்மை அதுவல்ல. இது சங்க இலக்கியத்தின் புழங்கு சொற்களைக் கொண்டு எளிய மக்களால் உருவாக்கப்பட்ட ஒரு பழமொழி.

 

வேதங்களில் தோத்திரம் இருக்கிறது. அந்தத் தோத்திரம் பாடக் கூட நாடோடிகளுக்குத் தெரியாது. சிந்துவெளிப் பகுதியின் அன்றைய மக்கள் தங்களின் 'முன்னோர்' மற்றும் 'ஞாயிறு' வழிபாடுகள் செய்வதைப் பார்த்து, கேட்டு, ஓத்துக் (ஓதி) கொண்டதே வேதத்தின் தோத்திரப் பாடல்கள். ஓதல், ஓதுவித்தல் என்னும் வினைகளின் மருஉச் சொல்தான் 'ஓத்து' என்னும் பெயர்ச்சொல்.

 

"மறப்பினும் ஓத்துக் கொளலாகும் பார்ப்பான் பிறப்பு ஒழுக்கம் குன்றக் கெடும்" (134) என்கிறது கடைச் சங்க இலக்கியமான திருக்குறள். கற்றதை மறந்து போனாலும், வேறொருவன் வழியாக ஓதச் செய்து (ஓதச் செய்து - ஓத்து - கற்பித்து) மறுபடியும் கற்றுக் கொள்ளலாம். ஆனால், அந்தணர்களின் (சமண, பௌத்த, ஆசிவக ஞானிகளின்) பிறப்பினால் நிகழும் அறச்செயல்கள், அவர்களின் ஒழுக்கம் குன்றினால் கெடும் என்பதே இதன் பொருள்.

 

பார்ப்பனர்கள் மீன் போன்ற அசைவ உணவுகளை மறைமுகமாகச் சாப்பிட்டு விட்டு மறையையும், கல்வியையும் ஓதுகிறார்கள். அதாவது, ஓத்துகின்றார்கள் (கற்பிக்கின்றார்கள்) என்றால், அவர்களிடம் ஓதிக் (ஓத்துக்) கொண்டவன் எப்படி அறநெறியில் நிற்பான். அதனால், அறநெறியில் வாழும் பெரியோர்கள் அப்படிச் செய்யக்கூடாது என்னும் சிறந்த பொருளமைந்த, சங்க இலக்கியச் சொற்களைக் கொண்டு உருவாக்கப்பட்ட பழமொழி தான் இது.

 

மேற்குறிப்பிட்ட குறளுக்கு இன்னொரு விளக்கமும் உண்டு. 'பார்ப்பான் பிறப்பொழுக்கம்' என்றால், அவன் பிறவியே ஒழுக்கமானது என்றும் பொருள் தொனிக்கும். 'பிறப்பொக்கும் எல்லா உயிர்க்கும்' என்று சொன்ன திருவள்ளுவரா இப்படிச் சொல்லியிருப்பார்? அவ்விடத்தில் "பார்ப்பான் பிறப்பு, ஒழுக்கம் குன்றக் கெடும்" என்று பிரித்துப் பொருள் கொளல் வேண்டும். அதாவது அறநெறியில் வாழ்பவன் ஒழுக்கம் குன்றினால், அவன் பிறப்பின் பயனான 'ஓத்து' என்னும் கற்பிக்கும் ஒழுக்கம் கெடும் என்பதன் நேரடிப் பொருள்.

 

மேலும், பார்ப்பான் என்ற அன்றைய சொல், இக்காலத்தில், சாதியைக் குறிக்கப் பயன்படுத்தும் சொல்லல்ல. அக்காலத்தில் பள்ளி ஏற்படுத்தி, கல்வி கற்பித்து, மருத்துவம் முதற் கொண்டு மக்களுக்குச் சேவை செய்தவர்களைத்தான் அறவோர், துறவோர், திறவோர், தாபதர், அந்தணர், பார்ப்பனர் என்று அழைப்பது வழக்கம். ஆரியர் வருகைக்குப் பின், சமுதாயத்தில் மேற்குறிப்பிட்ட அறவோர்களுக்கு இருக்கும் மரியாதையைக் கண்டு, அதைத் தாங்களும் அடைய விரும்பி, மாடு, மாமிசம் தின்பதைக் கைவிட்டுத் தங்களையும் அந்தணர், பார்ப்பனர் என்று அழைத்துக் கொண்டனர் ஆரியர்கள். இதனால்தான் "அந்தணர் என்போர் அறவோர்" என்று விளக்கமாக எழுதி வைத்தார் வள்ளுவர்.

 

இந்திரன், வாயு, வருணன், அக்னி என்று பசுவின் கொழுப்பூற்றி வேள்வி செய்பவனுக்குத் தொல்காப்பியமும், அதன் சூத்திரமும் எப்படித் தெரியும்? அகர முதல எழுத்தெல்லாம் என்பது எப்படிப் புரியும்? மானம் என்ற ஓர் அதிகாரம் முழுமையும், மானமிழந்தால் வாழாத தமிழ் மரபைக் கூறும் திருவள்ளுவர், அவ்வாறு மானம் போன நிலையிலும் வாழ்வது வடமரபு என்றும் கூறாமல் கூறுகிறார்.

 

உயிருக்கு ஆபத்து வருமானால், எப்படிப்பட்ட பஞ்சமா பாதகங்களையும் செய்யலாம் என்கின்றன வடபுலத்து மனுநீதியும், சாத்திரங்களும். ஆனால் நம் மக்களோ, ஆரியர்கள் செய்யும் தவறுகளைக் கூட நாகரிகமாக, 'ஓத்தாராம் அய்யிரு' என்று இலக்கிய நயத்துடன் சொல்லி இருப்பதைக் கேட்டுக் கேட்டு அப்பிறவிகள் இன்புறக் கடவதாக....

முனைவர் சிவ இளங்கோ, புதுச்சேரி.