இது சாதாரண படமல்ல.. ஒரு வரலாற்று ஆவணம் நம் தமிழகத்துக்கு..

 

இது சாதாரண படமல்ல.. ஒரு வரலாற்று ஆவணம் நம் தமிழகத்துக்கு...

 

நம் நாட்டில் உழைக்கும் மக்கள் எப்படி நடத்தப்படுகின்றார்கள் சவுதியில் அதே உழைக்கும் மக்கள் எப்படி நடத்தப்படுகின்றார்கள் என்பதை இரு படங்களும் விளக்குகின்றன.

 

இது போன்ற அனுபவம் எனக்கும் நிகழ்ந்துள்ளது. என் சவுதி முதலாளியின் திருமணத்துக்கு நானும் என்னோடு பணி புரிபவர்களும் அழைக்கப்பட்டிருந்தோம். மண்டபத்துக்கு சென்றவுடன் எங்களை இன்முகத்தோடு வரவேற்று எங்களை இருக்கைகளில் அமர அழைத்துச் சென்றார்.

 

மண்டபத்தில் ஆண்களுக்கு தனியாகவும் பெண்களுக்கு தனியாகவும் தடுப்பு அமைக்கப்பட்டு இருக்கைகளில் அமர வைக்கப்பட்டனர். திருமண ஒப்பந்தம் முடிந்தவுடன் விருந்து உபசரிப்பு.  பல நாட்டவர் அமர்ந்திருந்தனர். எங்கு இடம் கிடைக்கிறதோ அங்கு சென்று அமர்ந்து கொண்டோம். பல கோடீஸ்வர சவுதி நான் பிசைந்த சாப்பாட்டிலிருந்து ஒதுங்குபவைகளையும் எடுத்து சாப்பிடுகிறார். உணவை வீணாக்கக் கூடாது என்ற நபிகள் நாயகத்தின் கட்டளை பின்பற்றப்படுகிறது.

 

அரபு மொழி பேசுபவன் உயர்ந்தவன் என்ற எண்ணம் அவர்கள் மனதில் இருந்தது. முதல் பாங்கு ஒலியை ஒரு ஆப்ரிக்க அடிமையான பிலாலை வைத்து ஒலிக்கச் செய்து அதற்கும் முடிவு கட்டினார்கள். ஒருவன் பிறப்பினாலோ பேசும் மொழியினாலோ உயர்வடைய முடியாது. ஒருவனின் நடத்தையினால்தான் இறைவனின் அன்பைப் பெற முடியும் என்று அறிவுறித்தினார்கள். அது இன்று வரை முஸ்லிம்களால் கடைபிடிக்கப்படுகிறது. 

 

நபிகள் நாயகத்தின் இறுதிப் பேருரையில் சில

 

மக்களே! உங்களது இறைவன் ஒருவனே; அறிந்து கொள்ளுங்கள்: எந்த ஒர் அரபிக்கும் ஒர் அரபி அல்லாதவரை விடவோ, எந்த ஒர் அரபி அல்லாதவருக்கும் ஒர் அரபியை விடவோ எந்த மேன்மையும் சிறப்பும் இல்லை. எந்த ஒரு வெள்ளையருக்கும் ஒரு கருப்பரை விடவோ, எந்த கருப்பருக்கும் ஒரு வெள்ளையரை விடவோ எந்த மேன்மையும் சிறப்பும் இல்லை. இறையச்சம் மட்டுமே ஒருவரின் மேன்மையை நிர்ணயிக்கும். நிச்சயமாக அல்லாஹ்விடத்தில் உங்களில் மிகச் சிறந்தவர் உங்களில் அதிகம் இறை அச்சம் உள்ளவர்தான்.

 

(அஸ்ஸில்ஸலதுல் ஸஹீஹா2700, அத்தர்கீப் வத்தர்ஹீப், அல்பைஹகீ, தஹாவி)

 

 

--------------------------------------

மனிதர்களே! உங்கள் இறைவனுக்குப் பயந்து நடந்து கொள்ளுங்கள், அவன் உங்கள் யாவரையும் ஒரே ஆத்மாவிலிருந்து படைத்தான், அவரிலிருந்தே அவர் மனைவியையும் படைத்தான்; பின்னர் இவ்விருவரிலிருந்து, அநேக ஆண்களையும் பெண்களையும் வெளிப்படுத்தி உலகில் பரவச் செய்தான்; ஆகவே, அல்லாஹ்வுக்கே பயந்து கொள்ளுங்கள்; அவனைக்கொண்டே நீங்கள் ஒருவருக்கொருவர் தமக்குரிய உரிமைகளைக் கேட்டுக் கொள்கிறீர்கள்; மேலும் உங்கள் இரத்தக் கலப்புடைய உறவினர்களையும் ஆதரியுங்கள் - நிச்சயமாக அல்லாஹ் உங்கள் மீது கண்காணிப்பவனாகவே இருக்கின்றான்.

குர்ஆன்: 4:1