அய்யப்ப பக்தர்களுக்கு முதலுதவி - தமுமுக அலுவலகத்தில்

அய்யப்ப பக்தர்கள் சென்ற வாகனம் தென்காசி மாவட்டம், பன்பொழியில் இரவு விபத்துக்குள்ளானதை அடுத்து அய்யப்ப பக்தர்களுக்கு முதலுதவி செய்து பண்பொழி தமுமுக அலுவலகத்தில் தங்க வைத்து மறுதினம் பாதுகாப்பாக அனுப்பி வைத்தனர்

இதுதான் தமிழ்நாடு

உண்மையை உரத்துச் சொன்ன பா.சிதம்பரம்!

உண்மையை உரத்துச் சொன்ன பா.சிதம்பரம்!

'இந்து ராஷ்ட்ரா நடைமுறை படுத்தப்படுமானால் அது இஸ்லாமியருக்கு மட்டும் பாதிப்பை தராது. கிருத்தவர்கள், சீக்கியர்கள், தலித்கள், மலை வாழ் மக்கள், சிறு தெய்வ வழிபாட்டாளர்கள், நாத்திகர்கள் என்று அனைவருமே பாதிப்படைவார்கள். தங்களை மேல் சாதி என்று கூறிக் கொள்பவர்களின் ஆட்சியும் அதிகாரமும்தான் கோலோச்சும். இதற்கு எதிராக இளைஞர்களும், மாணவர்களும் களத்தில் குதித்திருப்பது உண்மையிலேயே மகிழ்ச்சி அளிக்கிறது.'

ஹங்கேரிய அரசியல்வாதியையும் கவர்ந்த இஸ்லாம்!

ஹங்கேரிய அரசியல்வாதியையும் கவர்ந்த இஸ்லாம்!

ஹங்கேரி நாட்டின் அரசியல் கட்சியான ஜோப்பிக் இயக்கம் அந்நாட்டில் மிக பிரபலமானது. சமீபத்தில் நடந்த பாராளுமன்ற தேர்தலில் மொத்த வாக்காளர்களில் 16.67 சதவீத வாக்குகளைப் பெற்று குறிப்பிடத்தக்க வளர்ச்சியைக் கண்டுள்ளது. சட்டமன்றத்தில் 47 இடங்களை பெற்று சிறந்த அரசியல் கட்சியாக பரிணமித்து வருகிறது. இந்த கட்சியின் தலைவரான கேபர் ஓனா துருக்கி நாட்டுக்கு அரசு முறை பயணமாக வந்தார். இங்குள்ள பல்கலைக் கழகங்களை பார்வையிடுவது இவரது வருகையின் நோக்கம்.

இவர் பல்கலைக் கழகத்தில் நடந்த சொற்பொழிவில் பின்வருமாறு தனது பேச்சை ஆரம்பித்தார்:

'எங்களது பயணமானது துருக்கிக்கும், ஹங்கேரிக்கும் இடையிலான வர்த்தக அரசியல் பரிமாற்றத்தை நோக்கமாக கொண்டதல்ல. எங்கள் பயணத்தின் முக்கிய நோக்கம் துருக்கியின் சகோதர சகோதரிகளை சந்தித்து உரையாடுவதே! சில மேற்குலக நாடுகள் எங்களது இந்த பயணத்தை விரும்பாது இருக்கலாம். ஆனால் துருக்கி, அஜர்பைஜான், துனீஷியா போன்ற நாடுகளில் நடக்கும் அத்து மீறல்களை நாம் கண்டிக்காமல் இருக்க முடியாது. இஸ்லாமிய மக்களைப் பற்றியும் அதன் சட்டதிட்டங்களைப் பற்றியும் தவறான ஒரு பிம்பமே இதுவரை எங்களுக்கு இருந்தது. ஆனால் துருக்கிய மக்களின் குடும்ப அமைப்பு, கலாசார நிகழ்ச்சிகள், குடும்பத்தவர்களிடையே உள்ள பாச பிணைப்பு, இந்த மக்களின் நாட்டுப் பற்று போன்றவை ஹங்கேரிய மக்களுக்கு சிறந்த எடுத்துக்காட்டாக உள்ளது. மனிதாபிமானத்துக்கும் உலக பொருளாதார சிக்கலுக்கும் ஒரு சிறந்த விடையை இஸ்லாம் உலகுக்கு வழங்கிக் கொண்டிருக்கிறது. இந்த பிரச்னைகளுக்கான தீர்வு இஸ்லாத்தில்தான் உள்ளது.

ஆப்ரிக்காவுக்கு உலக அரங்கில் எந்த பவரும் இல்லை. ஆஸ்திரேலியாவும் அமெரிக்காவும் தெளிவற்ற சிந்தனைகளையே தனது மக்களுக்கு வழங்கி வருகிறது. மன நிம்மதியற்று அலை பாயும் மனதைக் கொண்ட பெரும்பாலான உலக மக்களுக்கு ஒரே விடியல்தான் உண்டு. அதுதான் இஸ்லாம். எனது சொந்த வாழ்வில் பல முஸ்லிம்களின் நெருக்கத்தைப் பெற்றுள்ளேன். ஒரு பாலஸ்தீனியரின் திருமண விருந்தில் கலந்து கொண்டதையும் என்னால் மறக்க முடியாது.' என்று தனது அழகிய பேச்சை பல இடங்களில் பதிந்தார் இந்த ஐரோப்பியர்.

ஐரோப்பாவுக்கும் அரேபியாவுக்கும் ஏதேனும் சம்பந்தம் உண்டா? இரு வேறு மாறுபட்ட கலாசாரத்துக்கு சொந்தமான நாட்டிலிருந்து வந்த இந்த ஐரோப்பியரையும் இந்த இஸ்லாமிய வாழ்வு கட்டிப் போட்டுள்ளது.

அடுத்து என்ன.................?

தனது பெயரை அப்துல்லாவாகவோ, அப்துல் ரகுமானாகவோ மாற்றிக் கொண்டதாகவும், தனது வாழ்வு முறை இனி முகமது நபியை பின்பற்றியதாகவும் இருக்கும் என்ற பேட்டியை இன்னும் சில வாரங்களில் எதிர்பார்க்கலாம். :-) இதுதான் இஸ்லாம்.

Sources
Morocco World News

இது ஒரு மீள் பதிவு

நாயைக் கண்டதும் பிடித்திருந்த பேய் ஓடியே விட்டது.....

நாயைக் கண்டதும் பிடித்திருந்த பேய் ஓடியே விட்டது.....

உயிர்களை அவை மரணிக்கும் நேரத்திலும், மரணிக்காதவற்றை அவற்றின் உறக்கத்திலும் அல்லாஹ் கைப்பற்றுகிறான். எதற்கு மரணத்தை விதித்து விட்டானோ அதைத் தனது கைவசத்தில் வைத்துக் கொண்டு மற்றதை குறிப்பிட்ட காலம் வரை விட்டு விடுகிறான். சிந்திக்கிற மக்களுக்கு இதில் பல சான்றுகள் உள்ளன.

திருக்குர்ஆன் 39:42

இந்த வசனத்தைச் சிந்தித்தால் இறந்தவரின் ஆவி பேயாக வரும் என்ற நம்பிக்கைக்கும் இஸ்லாத்துக்கும் எந்தச் சம்பந்தமும் இல்லை என்பதை அறியலாம். இறந்தவர்களின் உயிர்களை இறைவன் தனது கட்டுப்பாட்டில் வைத்திருப்பதாக இந்த வசனம் கூறுகின்றது. இறைவனது கட்டுப்பாட்டை விட்டு தப்பித்து, ஆவிகள் இந்த உலகுக்கு வந்து விடுகின்றன என்று ஒருவர் நம்பினால் அவர் உண்மை முஸ்லிமாக இருக்க முடியாது.

இறந்தவர்கள் மீண்டும் உலகிற்கு வரமுடியாது என்பதற்கு ஹதீஸ்களிலும் ஆதாரம் உள்ளது.

உங்களில் எவரேனும் மரணித்து விட்டால் காலையிலும், மாலையிலும் அவருக்குரிய இடம் எடுத்துக் காட்டப்படும். சொர்க்க வாசியாக இருந்தால் சொர்க்கத்திலுள்ள அவரது இடம் காட்டப்படும். நரகவாசியாக இருந்தால் நரகிலுள்ள அவரது இடம் எடுத்துக் காட்டப்படும். கியாமத் நாளில் அல்லாஹ் உன்னை எழுப்பும் வரை இது தான் உனது தங்குமிடம் என்று அவரிடம் கூறப்படும் என்று நபிகள் நாயகம் (ஸல்) அவர்கள் கூறினார்கள்.

அறிவிப்பவர் : அப்துல்லாஹ் பின் உமர் (ரலி)

நூல் : புகாரி 1379

இறந்தவர்கள் நல்லவர்களானாலும் கெட்டவர்களானாலும் உலக முடிவு நாள் வரை இந்த உலகத்திற்குத் திரும்பி வர வாய்ப்பே இல்லை என்பதை இந்த ஹதீஸ்கள் தெளிவாக உணர்த்துகின்றன. எனவே இறந்தவரின் ஆவி உலகத்திற்கு வந்து பேயாக நடமாடுகின்றது என்று யாரேனும் ஒருவர் நம்பினால் அவர் மேற்கண்ட குர்ஆன் வசனங்களையும், ஹதீஸ்களையும் மறுக்கின்றார் என்று தான் பொருள்.

------------------------------------

இங்கு ஒரு பெண் தலை விரி கோலமாக பேய் பிடித்தவரைப் போல சாமி ஆடுகிறார். ஒரு நாய் குலைத்துக் கொண்டே அவர் அருகில் வந்ததும் அவரிடம் இருந்த பேய் ஓடி சகஜ நிலைககு வருகிறார். அவர் இதுவரை நடித்ததும் அம்பலமாகிறது. உலகில் பேய், பிசாசு என்று எதுவும் இல்லை என்பதற்கு இந்நிகழ்வும் ஒரு எடுத்துக்காட்டு.

ஜேஎன்யுவுக்காக நிற்பது! இந்தியாவுக்காக நிற்பது!

ஜேஎன்யுவுக்காக நிற்பது

இந்தியாவுக்காக நிற்பது!
~
பா.ஜ.க ஆட்சிக்கு வந்தது தொடங்கியே ஜே.என்.யு மேல் அது ஒரு கண்ணாகவே இருந்தது. ஏனென்றால் ஜெஎன்யூவின் பாரம்பர்யம் வித்தியாசமானது. சனநாயகத்தன்மை மிக்கது.

இந்திரா எமர்ஜென்சி கொண்டு வந்தபோது அதை எதிர்த்து தீவிரமாக போராடியவர்கள் ஜேஎன்யூ மாணவர்கள்.

இப்போராட்டத்துக்காக மாணவர்களை திகார் சிறையில் வைத்தது இந்திரா அரசு. இருந்தபோதும் இந்திரா, மொரார்ஜி தேசாய், மன்மோகன் சிங் போன்ற பிரதமர்கள் ஜென்யுவில் போராட்டம் ஏற்பட்டபோது மாணவர்களை நேரில் சந்தித்தனர்.

இன்று பிரதமர் மோடிக்கு அந்த மாண்பு இல்லை.

ஒருமுறை மொரார்ஜி ஜெஎன்யுவை கலைத்துவிடலாமா? என்றுகூட யோசித்ததுண்டு! அந்த அளவு அரசியல்வாதிகள் கண்ணில் விரலைவிட்டு ஆட்டியது ஜேஎன்யு!

ஜெஎன்யு வில் சனநாயகம் தழைத்தோங்குகிறது. அங்கு தேர்தல் நடத்தும் முறையே அலாதியானது. 15 நாட்கள் விவாதம், உரையாடல் நடக்கும். அவை தத்துவங்களுக்கான அலசலாக,தெளிவாக இருக்கும்.

பெரும்பாலும் இடதுசாரி அமைப்பைச் சேர்ந்த மாணவர்களே,ஜெஎன்யுவின் மாணவர் தலைவரானார்கள்.

ஜேஎன்யு ஆர்டியன்ஸ் என்றே தனியான நெறிமுறைகள் இப் பல்கலைக்கென்று உள்ளது.

இங்கு இந்தியாவின் எந்த பகுதி மாணவர்களும் அவர்களது தாய்மொழியிலேயே நுழைவுத் தேர்வை எழுத முடியும்.

பால் ஏற்றத் தாழ்வுகள் விவரிவாக விவாதிக்கப்பட்டு அவை களையப்பட்டிருக்கின்றன.
ஆண், பெண் மாணவர்களுக்கிடையே இங்கு சமத்துவம் நிலவுகிறது.

முழுமையான இட ஒதுக்கீடு இங்கு பின்பற்றப்படுகிறது.

தாழ்த்தப்பட்டவர், மலைவாழ் மாணவர்களுக்கு கட்டணச் சலுகை உண்டு.

இவையே இப்பல்கலைமீது சங்பரிவார்களுக்கு வயிற்றெரிச்சல் ஏற்படக் காரணம்!

நோபல் பரிசு பெற்ற அபிஜித் பேனர்ஜி, சீத்தாராம்யெச்சூரி போன்றோர் இங்கு படித்தவர்களே! நிர்மலா சீத்தாராம், ஜெய்சங்கர் போன்ற தற்போதைய அமைச்சர்களும் இதன் மாணவர்களே.

இந்தியாவின் மாண்புகள் அழிகிற போதெல்லாம் ஜெஎன்யு விழித்து போராடியிருக்கிறது.

தற்போது கல்விக் கட்டணம், விடுதிச் சட்டங்களில் திருத்தம் போன்றவற்றிற்கு எதிராக மாணவர்கள் போராடி வருகின்றனர்.

வலதுசாரி ஊடகங்கள் வழக்கம்போல மாணவர்களுக்கு எதிராக விஷத்தை கக்கி அவர்கள் மீது தவறான அபிப்ராயத்தை பொதுவெளியில் உருவாக்கியது.

ஆனாலும் ஜேஎன்யு போராட்டம் கவித்துவமாக, கவனக் கோரலாகவே நடைபெற்றது. கருத்தைக் கவரும் வாசகங்கள் அடங்கிய தட்டிகள், கேலிச்சித்திரங்கள், நாடகங்கள், உரைகள் என பல வடிவங்களில் இந்தப் போராட்டம் இருந்தது.

கடந்த பா.ஜ.க ஆட்சியில் மாணவர் தலைவர் கன்ஹையாகுமார் மற்றும் அவரது தோழர்கள், இடதுசாரி மாணவர்கள் தாக்கப்படுவதற்கு சங்பரிவார் கூட்டம் காரணமாக இருந்தது.

இப்போது மாணவர் தலைவர்
ஒய்ஷி கோஷ் கொடூரமாக தாக்கப்பட்டுள்ளார்.

சங்பரிவார் கூட்டத்துக்கு ஜெஎன்யுவின் கதவுகளை திறந்துவிட்டதில் மத்திய அரசின் ஆதரவு இருக்கிறது. ஹெச்.ராஜா ஓரிரு நாட்களுக்கு முன்தான் மாணவர்கள் விடுதியில் குண்டு வீசுவோம் என்றது அனைவருக்கும் நினைவிருக்கலாம்.

பணமதிப்பிழப்பு, ஜிஎஸ்டி, காஷ்மீர் சிறப்பு அந்தஸ்து ரத்து, முத்தலாக் தடை, பாபர் மசூதி தீர்ப்பு, குடியுரிமை திருத்தம், கல்வி காவி மயமாவது என அனைத்துக்கும் JNU போராடியுள்ளது.

அதாவது, அது இந்தியாவுக்காக போராடியுள்ளது. நாங்கள் இந்துக்களுக்காக போராடுகிறோம் என்பவர்கள் JNU மீது தாக்குதல் தொடுக்கிறார்கள்.

சங்பரிவார் கூட்டம் பார்ப்பன, பனியா உள்ளிட்ட ஆதிக்க சாதிகள் நலனையே இந்து நலன் என்கிறது என்பதை நாம் புரிந்து கொள்ள வேண்டும்.

நாம் இந்தியாவுக்காக போராடுபவர்களோடு இருப்போம்!

-Karikalan R