பாகிஸ்தானி அட்டா முஹம்மதுவிடம் பாபர் பள்ளி பற்றி கேட்கப்படுகிறது.

 

பாகிஸ்தானி அட்டா முஹம்மதுவிடம் பாபர் பள்ளி பற்றி கேட்கப்படுகிறது.

 

நெறியாளர்:

 

மண்ணை வணங்க மாட்டோம். ஏக இறைவனை மட்டுமே வணங்குவோம் என்கிறீர்கள். ஆனால் பள்ளிவாசல்களுக்கு பாபர் பள்ளி என்று வைத்து வணங்குவது ஏன்?

 

அட்டா முஹம்மது (பாகிஸ்தானி)

 

பாபர் பள்ளி, அலி பள்ளி, அபுபக்கர் பள்ளி என்று நாங்கள் பெயர் வைப்பது அடையாளத்துக்காக. 1000 க்கும் மேற்பட்ட பள்ளிவாசல்கள் இருக்கும் போது குறிப்பிட்ட பள்ளியை அடையாளப்படுத்த ஏதாவது ஒரு அழகிய பெயர் தேவைப்படுகிறது.

 

அந்த பள்ளிவாசலுக்கு உள்ளே பாபருடைய சிலையோ, அலியுடைய சிலையோ இல்லை. ஏக இறைவனை மட்டுமே நாங்கள் பள்ளியில் வணங்குவோம். நபிகளைக் கூட வணங்க மாட்டோம். இது சிறு பிள்ளைகளுக்குக் கூட தெளிவாக விளங்கும்.

 

ஆனால் பாபர் பெயரைக் கேட்டாலே உங்களுக்கு எரிகிறது. ஏனென்றால் இந்த மண்ணில் சனாதனத்தை முடிவுக்கு கொண்டு வர ஆரம்ப வித்திட்டவர் பாபர். சனாதனவாதிகளின் கொட்டத்தை அடக்கியவர் பாபர். மக்கள் அனைவரையும் சமமாக பார்த்தவர். எனவே உங்களுக்கு பாபரின் பெயரைக் கேட்டாலே எரிச்சல் வருகிறது'

 

 

 

 

 

 

 

உத்தரகாண்டில் கும்பல் தாக்குதலில் இருந்து முஸ்லிம் இளைஞர்களை சீக்கிய வீரன் ககன்தீப் சிங் காப்பாற்றுகிறார்

 

உத்தரகாண்டில் கும்பல் தாக்குதலில் இருந்து முஸ்லிம் இளைஞர்களை சீக்கிய வீரன் ககன்தீப் சிங் காப்பாற்றுகிறார்

 

நைனிடாலின் கிரிஜா கிராமத்தில், ஒரு முஸ்லிம் சிறுவன் ஒரு இந்துப் பெண்ணை ஒரு நெரிசலான கோவிலுக்கு அருகில் சந்தித்துக் கொண்டிருந்தபோது, ​​பஜ்ரங் தளம் மற்றும் விஸ்வ இந்து பரிஷத்தைச் சேர்ந்த ஒரு வன்முறைக் கும்பல் அவரைச் சுற்றி வளைத்து தாக்கத் தொடங்கியது. அந்தக் கும்பல் அந்த இளைஞரை ஒப்படைக்கக் கோரியது.

 

எஸ்.ஐ ககன்தீப் சிங் துணிச்சலுடன் கும்பலை எதிர்கொண்டு, சிறுவன் காயமடையாமல் இருப்பதை உறுதி செய்தார். நீதி மற்றும் அன்பிற்காக நின்ற இந்த துணிச்சலான அதிகாரிக்கு நன்றி, மதத்தின் பெயரால் கும்பல் படுகொலை செய்யப்பட்ட ஒரு துயரமான சம்பவம் தடுக்கப்பட்டது.

 

இக்கட்டான மூடர்களான இந்துத்வாக்களோடு வாழ்ந்து வரும்  இந்திய சூழலில் இஸ்லாமிய இளைஞர்கள் இவ்வாறு வேற்று மதத்து பெண்களை சந்திப்பது காதலிப்பது போன்றவற்றை தவிர்த்துக் கொள்ள வேண்டும். இவர்கள் செய்யும் இந்த காதலால் ஹிந்து முஸ்லிம் கலவரம் ஏற்பட வாய்ப்பாகிறது. உங்கள் உயிருக்கும் உத்தரவாதம் இல்லை. காவல் துறையும் தனது கடமையை சரிவர பல இடங்களில் செய்வதில்லை.

 

அடுத்து திருமணத்துக்கு முன் காதல் பல இடங்களில் தனியாக சுற்றுவது என்பதே இஸ்லாமிய கோட்பாடுகளுக்கு எதிரானது.

தலித்தான நான் எனது குடும்பத்தோடு இஸ்லாத்தை ஏற்க முடிவெடுத்துள்ளேன்

தலித்தான நான் எனது குடும்பத்தோடு இஸ்லாத்தை ஏற்க முடிவெடுத்துள்ளேன்

இலகுவாக தீர்க்க வேண்டிய பிரச்னைக்காக என்னை அடித்தனர்: எனது மனைவியை எனது பிள்ளைகளை வீடு புகுந்து அடித்தனர்.

இனி மேலும் என்னால் பொறுத்துக் கொள்ள முடியாது.

நான் இஸ்லாத்தை ஏற்க விரும்புகிறேன். என்னை தொலைபேசியில் இடத்தை சொன்னீர்கள் என்றால் குடும்பத்தோடு உங்களை வந்து சந்திக்கிறேன்..

சண்டை சச்சரவுகளில் மாட்டி என்னையும் எனது குடும்பத்தையும் இழக்க விரும்பவில்லை.

நான் நிம்மதியாகவும் சுய மரியாதையுடனும் வாழ விரும்புகிறேன்.'

இந்த தலித்தின் உள்ளக் குமுறலுக்கு நமது நாடு என்ன பதிலை வைத்திருக்கிறது. இந்து ராஷ்ட்ரா அமைந்தால் இவர்களின் கதி என்ன? பதில் இருக்கிறதா சங்கிகளே...

#இஸ்லாம் #தலித் #சனாதனம் #சங்கிகள் #hindurastra

பெரியசாமி பல ஆண்டு போராட்டத்துக்குப் பிறகு தமிழகம் திரும்பினார் - ஒரு மீள் பதிவு

 

பெரியசாமி பல ஆண்டு போராட்டத்துக்குப் பிறகு தமிழகம் திரும்பினார் - ஒரு மீள் பதிவு

 

சவூதியில் கடந்த பதினெட்டு வருடங்களாக அலைகழிக்கப்பட்ட அப்பாவி தமிழகத் தொழிலாளி ஒருவருக்கு ஒருவழியாகத் தீர்வு கிடைத்துள்ளது.

 

சவூதியின் ஹைல் மாகாண ஆளுநர் இளவரசர் சவூத் பின் அப்துல் முஹ்சின் என்பவருடைய தலையீட்டால் பெரியசாமி என்னும் அந்தத் தமிழர் கஃபீல் எனப்படும் பொறுப்பாளரிடமிருந்து 85,000 ரியால்களை ஒட்டுமொத்தச் சம்பளமாகப் பெற்று ஊர்திரும்ப வழி ஏற்பட்டுள்ளது. ஜெத்தாவிலுள்ள இந்தியத் துணை தூதரகத்தில் அவருக்கான இத்தொகையை ஷாம்லி காவல் நிலையத்தார் ஒப்படைத்துள்ளனர்.

 

45 வயதான பெரியசாமியை துன்பத்தின் கோரப்பிடியிலிருந்து மீட்க உதவிய ஹைல் மாகாண கவர்னருக்கு இந்திய கான்சல் ஜெனரல் ஃபைஸ் அகமது கித்வாய் வெளிப்படையாக தனது நன்றியைத் தெரிவித்துக்கொண்டுள்ளார். "ஹைல் மாகாண கவர்னரின் தலையீடு இல்லாமல் இருந்திருந்தால், பெரியசாமி தன் துன்பச்சுரங்கத்தின் முடிவில் ஒளியைப் பார்த்திருக்க முடியாது," என்று ஃபைஸ் அஹமது சொன்னார்.

 

நன்றியறிவித்தலின் அடிப்படையில் ஹைல் மாகாண கவர்னருக்கு ஒரு தனிப்பட்ட கடிதத்தை அனுப்ப உள்ளதாகவும் ஃபைஸ் அகமது கூறினார். "ஷாம்லி காவல்நிலைய அதிகாரிகளுக்கும் பாராட்டுக்கடிதம் வழங்கப்படும்"

 

தமிழ்நாட்டின் காரைக்குடியைச் சேர்ந்த பெரியசாமி சவூதி அரேபியாவுக்கு வேலைக்காக வந்த போது, எல்லோரையும் போல அவருக்கும் கனவுகள் இருந்தன.1994ல் ஆடு மேய்க்கும் வேலைக்கு வந்தவருக்கு, கல்யாணமாகி ஒரேஒரு வருடம் தான் ஆகியிருந்தது.

 

கஃபீல் எனப்படும் அந்தப் பொறுப்பாளரின் பொறுப்பற்ற தனத்தால் கடந்த 18 வருடங்களாக சம்பளமோ, விடுமுறையோ கிடைக்கவேயில்லை பெரியசாமிக்கு. மன அழுத்தத்தால் ஒருமுறை தற்கொலைக்கும் முயன்றுள்ளார்.

 

பெரியசாமியின் அவலநிலைக்குத் தீர்வு ஒரு சவூதிக்காரர் மூலம் வந்தது. மனிதாபிமானமிக்க அந்த மற்றொரு சவூதிக்காரர் பெரியசாமியின் நிலையை ஹைல் கவர்னர் இளவரசர் சவூத் இப்னு அப்துல்முஹ்சின் கவனத்திற்கு எடுத்துச்சென்றார். இந்தியத் தூதரக அதிகாரி தட்சினா மூர்த்தியும் சக இந்தியச் சகோதரனான பெரியசாமிக்காக உதவ முன்வந்தார்

 

 

கவர்னரின் ஆணைகளின் படி விசாரணைக்குப் பின்னர், அந்தப் பொறுப்பாளர் ஊதியம் மற்றும் விமான ச் சீட்டை செலுத்த உத்தரவிடப்பட்டது. மேலும் ஊதியங்கள் வழங்கப்பட்டதன் பின்னர் பெரியசாமியை உடனடியாக இந்தியா திருப்பி அனுப்ப உத்தரவிடப்பட்டுள்ளது.

 

அந்தப் பொறுப்பாளர் ஒரு பெரிய தொகையை செலுத்த முடியவில்லை . இறுதியாக தனக்கு சுமார் ஒரு இலட்சம் ரியால் வரவேண்டியது இருந்தும் 85,000 கிடைத்தால் போதும் என்று பெரியசாமி தெரிவித்ததன் பேரில் அத்தொகையை பெற்றுத்தர ஏற்பாடு செய்யப்பட்டுள்ளது.

 

இதற்கிடையில், ஜெத்தா துணைத் தூதரகம் தமிழ்நாட்டில் பெரியசாமி குடும்பத்தாருடன் தொடர்பை ஏற்படுத்தியது."ஜெத்தாவில் உள்ள சில சமூக ஊழியர்கள் எங்களுக்கு அவர் குடும்பத்தார் எங்கிருக்கிறார்கள் என்று கண்டுபிடிக்க உதவினர்.பெரியசாமியின் இளைய சகோதரர் கண்ணப்பன் ஊரில் அவரை வரவேற்பதற்கான பணிகளை மேற்கொண்டுள்ளார் என்று துணைத் தூதர் ஃபைஸ் அகமது கூறினார்.

 

மேலும் இந்திய சமூகஊழியர்கள் சிலர் இந்தியா செல்லும் பெரியசாமிக்கு உதவ 30,000 சேகரித்து உதவுகின்றனர்.

 

பாஸ்போர்ட்டும்  இல்லாத பெரியசாமிக்கு இந்திய தூதரகம் ஒருவழிப் பயணத்திற்கான சிறப்பு அனுமதி அட்டையை வழங்கியுள்ளது

முஸ்லிம்கள் தொழுகிறார்கள் - இந்துக்கள் அவர்களுக்கு பாதுகாப்பாக நிற்கிறார்கள்.

 

முஸ்லிம்கள் தொழுகிறார்கள் - இந்துக்கள் அவர்களுக்கு பாதுகாப்பாக நிற்கிறார்கள்.

 

வரலாற்று சிறப்புமிக்க லால் பரதாரிக்குள் இருந்த மசூதி ரம்ஜான் பண்டிகையின் போது முன்னறிவிப்பின்றி சீல் வைக்கப்பட்டதை அடுத்து, லக்னோ பல்கலைக்கழகத்தில் இந்து மற்றும் முஸ்லிம் மாணவர்கள் நிர்வாகத்துடன் மோதிக்கொண்டனர்.

 

சமாஜ்வாடி சத்ரா சபா, NSUI மற்றும் AISA ஆகிய அனைத்து இந்து மாணவர்களும், பூட்டிய வாயில்களுக்கு வெளியே தொழுகை செய்யும் முஸ்லிம் மாணவர்களைப் பாதுகாக்க மனிதச் சங்கிலியை அமைத்தனர்.

 

"கங்கா-ஜமுனி தெஹ்ஸீப்" என்று பாராட்டப்பட்ட இந்த செயலின் வீடியோ வைரலானது. புனித மாதத்தில் வேண்டுமென்றே குறிவைக்கப்பட்டதாகக் கூறி, அந்தக் குழுக்கள் இரவு முழுவதும் உள்ளிருப்புப் போராட்டத்தில் ஈடுபட்டன.

 

தாயாரின் ஏடிஎம் கார்டை அவரது அனுமதி இல்லாமல் எடுத்துச் சென்று அனைத்தையும் காலியாக்கிய சவுதி சிறுவன்.

 தாயாரின் ஏடிஎம் கார்டை அவரது அனுமதி இல்லாமல் எடுத்துச் சென்று அனைத்தையும் காலியாக்கிய சவுதி சிறுவன்.

மகன் எதற்காக அந்த பணத்தை செலவு செய்தான் என்பதை அறிந்து தந்தை நெகிழ்ச்சி..

பேராசிரியர் தொ. பரமசிவன் எழுதிய **'நான் இந்து அல்ல'**

 

பேராசிரியர் தொ. பரமசிவன் எழுதிய **'நான் இந்து அல்ல'**

 

பேராசிரியர் தொ. பரமசிவன் எழுதிய **'நான் இந்து அல்ல'** என்னும் நூல், இன்றைய சமூக-அரசியல் மற்றும் கலாச்சாரச் சூழலில் மிக முக்கியமான ஒரு படைப்பாகும். மானுடவியல் மற்றும் நாட்டுப்புறவியல் ஆய்வுகளில் வல்லுநரான ஆசிரியர், வரலாற்றை 'மேலிருந்து' பார்க்காமல் **'கீழிருந்து' பார்க்கும் புதிய ஆராய்ச்சி முறையை** இச்சிறு நூலில் கையாண்டுள்ளார். இந்தியா போன்ற பன்முகத்தன்மை கொண்ட நாட்டில், 'ஒற்றைக் கலாச்சாரம்' என்பது பெரும்பான்மை மக்களின் நலன்களுக்கு எதிரானது என்பதை உரக்கச் சொல்லும் இப்புத்தகம், 'இந்து' என்ற பொதுவான அடையாளத்தின் பின்னால் இருக்கும் அதிகார வர்க்கத்தின் நலன்களைத் தோலுரித்துக் காட்டுகிறது.

 

இந்த நூலின் மிக முக்கியமான வாதம், "இந்து" என்ற சொல் வேதம், உபநிடதம், இதிகாசங்கள் அல்லது எந்தவொரு பண்டைய இந்திய இலக்கியத்திலும் இல்லை என்பதாகும். இச்சொல் 18-ஆம் நூற்றாண்டில் ஐரோப்பியர்களால் உருவாக்கப்பட்டு, காலனித்துவ ஆட்சிக் காலத்தில் பிராமணர்களின் மேலாதிக்கத்திற்காக அரசியல் அங்கீகாரம் பெற்றது என்று ஆசிரியர் வரலாற்றுச் சான்றுகளுடன் நிறுவுகிறார்.

 

 

குறிப்பாக, ஸ்மார்த்தர்கள், சைவர்கள் மற்றும் வைணவர்களுக்கு இடையிலான அடிப்படை வழிபாட்டு முறை வேறுபாடுகளையும், ஸ்மார்த்தர்களின் வேத மேலாதிக்கம் எவ்வாறு கோயில்களுக்குள் புகுந்தது என்பதையும் இந்நூல் ஆழமாக அலசுகிறது. தமிழ் மொழியை வழிபாட்டில் இருந்து ஒதுக்கி வைக்கும் போக்கைச் சுட்டிக்காட்டி, தமிழ் ஒரு 'தீட்டான மொழி' என்று கருதப்படுவதை ஆசிரியர் வன்மையாகக் கண்டிக்கிறார்.

 

கோயில் நுழைவுப் போராட்டம், தீண்டாமை மற்றும் சாதியப் படிநிலைகளைத் தக்கவைக்க மத நிறுவனங்கள் எடுக்கும் முயற்சிகளை இந்த நூல் விரிவாக விமர்சிக்கிறது. சங்கர மடம் போன்ற நிறுவனங்களின் அரசியல் குறுக்கீடுகளையும், அவை எவ்வாறு ஒடுக்கப்பட்ட மக்களுக்கு எதிரான நிலைப்பாட்டைக் கொண்டுள்ளன என்பதையும் ஆசிரியர் துணிச்சலாக விளக்குகிறார். 'இந்து' என்னும் பண்பாட்டு மாயையில் இருந்து மக்கள் விடுதலை பெற வேண்டும் என்பதையும், அவரவர் தெய்வங்களை அவரவர் முறைப்படி வணங்கும் உரிமையைக் காக்க வேண்டும் என்பதையும் இப்புத்தகம் வலியுறுத்துகிறது. சமூக நீதி மற்றும் வரலாற்றுப் பார்வையை விரும்பும் ஒவ்வொருவரும் வாசிக்க வேண்டிய ஒரு அவசியமான ஆவணம் இது.

 

"நான் இந்து அல்ல"

ஆசிரியர்: தொ. பரமசிவன்

விலை: ₹60

 

திரிபுரா - பாதிக்கப்பட்ட மூன்று இந்து குடும்பங்களை தங்கள் வீட்டில் தங்க வைத்த இஸ்லாமியர்கள்.

 

திரிபுரா - பாதிக்கப்பட்ட மூன்று இந்து குடும்பங்களை தங்கள் வீட்டில் தங்க வைத்த இஸ்லாமியர்கள்.

 

வடக்கு திரிபுராவில் கௌர்நகர் தொகுதியில் மூன்று இந்து குடும்பங்களின் வீடுகள் தீயில் எரிந்து நாசமானதை அடுத்து, சமூக நல்லிணக்கத்திற்கு ஒரு சக்திவாய்ந்த எடுத்துக்காட்டு வெளிப்பட்டுள்ளது. உள்ளூர் முஸ்லிம்கள் உடனடி ஆதரவை வழங்க முன்வந்தனர்.

 

திரிபுராவின் அகர்தலா மாவட்டத்தில் உள்ள கைலாஷஹரின் கௌர்நகர் பகுதியில் இந்த சம்பவம் நடந்துள்ளது. உள்ளூர்வாசிகளின் கூற்றுப்படி, சில நாட்களுக்கு முன்பு மின்கசிவு காரணமாக தீ விபத்து ஏற்பட்டது. சில நிமிடங்களில், தியோல் பவுலி உட்பட மூன்று இந்து தொழிலாளர் குடும்பங்களின் சாதாரண வீடுகள் தீப்பிடித்து எரிந்தன.

 

முஸ்லிம் வீடுகளை புல்டோஷர் கொண்டு இடிக்கும் இந்துத்வாக்கள் இந்த செய்தியை படிக்கட்டும்.

தொழுகை நடத்தும் அந்த அமெரிக்க சிறுவனின் வயதை பாருங்கள்.

 

தொழுகை நடத்தும் அந்த அமெரிக்க சிறுவனின் வயதை பாருங்கள்.

 

கலிபோர்னியாவின் இர்வைனில் உள்ள போர்டோலா உயர்நிலைப் பள்ளியில், முஸ்லிம் மாணவர்கள் ஒவ்வொரு வெள்ளிக்கிழமையும் பள்ளி உடற்பயிற்சி கூடத்தில் ஒன்றுகூடி கூட்டுத் தொழுகை நடத்துவார்கள். வளாகத்தில் மசூதி இல்லாததால், ஜும்மா சேவைகளை எளிதாக்குவதற்காக இந்த இடம் வாரந்தோறும் மாற்றியமைக்கப்படுகிறது.

 

தொழுகை நடத்தும் அந்த சிறுவனின் வயதை பாருங்கள். இன்ன சாதிதான் தலைவராக நிற்க வேண்டும். இங்கு சென்று படித்திருக்க வேண்டும். இந்த நிறத்தவனாக இருக்க வேண்டும் என்ற எந்த கட்டுப் பாடும் இல்லை.

 

எனது வாழ்நாளில் 100 முறையாவது இங்கு சவுதியில் தலைவனாக நின்று தொழுகை நடத்தியிருப்பேன். எல்லா புகழும் இறைவனுக்கே!

டெல்லியில் நேற்று இஸ்லாமிய சிறுவன் இந்துத்வ தேச விரோதிகளால் அடித்து மண்டை உடைப்பு..

 தலைநகர் டெல்லியில் நேற்று இஸ்லாமிய சிறுவன் இந்துத்வ தேச விரோதிகளால் அடித்து மண்டை உடைப்பு..

தடுக்கப்போன தந்தை உமர்தீன் (வயது 35) இந்துத்வ தேச விரோதிகளால் கொலை செய்ய பட்டுள்ளார்.

தாய் கதறி அழுகிறார். தனது மகன் தஹ்ஜீமின் மண்டையை உடைத்துள்ளனர். தடுக்கப்போன எனது கணவரையும் கொன்றுள்ளனர்...' என்று கூறி மயங்கி விழுகிறார்.

அமைதியாக இருந்த இந்த நாட்டை கேவலம் வாக்குகளுக்காக இந்து முஸ்லிம் பிரிவினையை தூண்டி குளிர் காய்கின்றனர் பிஜேபியினர்.

இந்த வன்முறை அவர்களையும் ஒருநாள் பதம் பார்க்கும். 

-----------------------------------

ஹாஜி அக்தர் கான்

பழை சாமானகள் வாங்கி விற்கும் ஒரு வியாபாரி. அவ்வாறு வாங்கிய பொழுது ஒரு பீரொவை மற்றொருவருக்கு விற்க சுத்தம் செய்கிறார். அப்போது அந்த பீரொவில் ஒரு சுருக்கு பை கிடைத்துள்ளது. அதனை திறந்து பார்க்கிறார் அத்தனையும் தங்க நகைகள். அனைத்தும் 100 கிராம்கள். கிட்டத்தட்ட 15 லட்ச ரூபாய் பெறுமானமுள்ளது. இவருக்கு அந்த நகை உரிமையாளரான இந்துவின் வீடு தெரியும். எனவே அவரிடம் சென்று அத்தனை நகையையும் ஒப்படைத்துள்ளார் ஹாஜி அக்தர் கான்.

மனிதாபிமானம் மற்றும் மறு உலகில் நாளை இறைவனுக்கு பதில் சொல்ல வேண்டுமே என்ற எண்ணமும்தான் இவரை உரியவரிடம் நகையை ஒப்படைக்க வைத்துள்ளது. 

இவருக்கு பாராட்டுக்கள் குவிகின்றன.

இந்திய அளவில் மட்டுமல்ல உலக அளவிலும் பிரபலமாகியுள்ளார் நமது முதல்வர் மு.க. ஸ்டாலின்

 

இந்திய அளவில் மட்டுமல்ல உலக அளவிலும் பிரபலமாகியுள்ளார் நமது முதல்வர் மு.க. ஸ்டாலின்

 

நமது முதல்வர் நபிகள் நாயகத்தைப் பற்றிய பாடங்களை தமிழக பாடநூல் நிறுவனத்தில் இடம் பெறச்செய்வதாக அறிவிப்பு ஒன்றை வெளியிட்டார்.

 

அதனை பாராட்டி ஒரு பாகிஸ்தானிய இளைஞர் பதிவு ஒன்றை வெளியிட்டுள்ளார். நம் முதல்வர் இந்திய அளவில் மட்டுமல்லாது உலக அளவிலும் பாராட்டைப் பெற்று வருகிறார்.

 

அந்த பாகிஸ்தானிய இளைஞனின் செய்தியை பார்போம்.

 

“தமிழக முதல்வர் மு.க. ஸ்டாலின், முகமது நபியின் வாழ்க்கை மற்றும் போதனைகள் குறித்த பாடங்கள் மாநில கல்விப் பாடத்திட்டத்தில் அறிமுகப்படுத்தப்படும் என்று அறிவித்துள்ளார். கருணை, நியாயம் மற்றும் அமைதியான சகவாழ்வில் வேரூன்றிய மதிப்புகளைப் புரிந்துகொள்ள மாணவர்களுக்கு உதவுவதே இந்த முயற்சியின் நோக்கமாகும்.

 

கருணை, நேர்மை மற்றும் மனிதநேயம் போன்ற உலகளாவிய கொள்கைகளில் கவனம் செலுத்தப்படும் என்று அறிவிப்பில் தெரிவிக்கப்பட்டுள்ளது. வகுப்பறைகளில் சமூக நல்லிணக்கத்தை வலுப்படுத்தும் அதே வேளையில், பல்வேறு சமூகங்களிடையே பரஸ்பர மரியாதை மற்றும் கலாச்சார புரிதலை ஊக்குவிக்கும் நோக்கில் இந்த நடவடிக்கை எடுக்கப்பட்டுள்ளது.”

 

The Chief Minister of Tamil Nadu, M. K. Stalin, has announced that lessons on the life and teachings of Muhammad will be introduced into the state’s educational curriculum. The initiative is aimed at helping students understand values rooted in compassion, fairness, and peaceful coexistence.

 

According to the announcement, the focus will be on universal principles such as kindness, integrity, and humanity. The move is intended to encourage mutual respect and cultural understanding among diverse communities while strengthening social harmony in classrooms.

பசுவின் சாணத்திலிருந்து எண்ணெய் விளக்குகள்(தியாக்கள்), பானைகள் மற்றும் பிற பொருட்கள்

 

பசுவின் சாணத்திலிருந்து எண்ணெய் விளக்குகள்(தியாக்கள்), பானைகள் மற்றும் பிற பொருட்கள்

 

பீகாருக்குப் பிறகு, உ.பி.யிலும் பெண்கள் பாஜகவை "ஒருதலைப்பட்சமாக ஆதரிக்க" தொடங்கியுள்ளார்கள்.

 

ஜான்பூரில், ஒரு "சுய உதவிக்குழு" பசுவின் சாணத்திலிருந்து எண்ணெய் விளக்குகள்(தியாக்கள்), பானைகள் மற்றும் பிற பொருட்களைத் தயாரிக்கிறது, மேலும் ஒரு ஏற்றுமதி நிறுவனம் அவர்களின் தயாரிப்புகளை வாங்கும்!

 

 150–300 பெண்களுக்கு வருமான ஆதாரமாக மாறியுள்ளது.

 

உ.பி.யில் உள்ள ஒவ்வொரு கிராமத்தின் கதையும் கிட்டத்தட்ட இதுதான்.

 

மாட்டின் சாணம் அந்த அளவுக்கு சுகாதாரமில்லை என்று ஆய்வுகள் வந்த பிறகும் அதிலிருந்து பானைகள் செய்தால் அதனை குடிப்பவர்களின் உடல் நலம் பாதிப்படையாதா?

 

ஏற்கெனவே ரோபோ விவகாரத்தில் சீன தயாரிப்பை காட்டி உலகில் தலை குனிந்துள்ளோம். அதில் தற்போது மாட்டு சாணமும் சேர்ந்துள்ளது,

 

பெண்களின் முன்னேற்றத்திற்கு எத்தனையோ வழிகள் இருக்க இவர்கள் ஏன் மாட்டு சாணத்தை பிடித்து தொங்கிக் கொண்டுள்ளார்கள் என்று தெரியவில்லை.

 

குருட்டு பக்தி என்பது இதுதான்.

ஜக்கி வாசுதேவின் பல தில்லுமுல்லுகளை துகிலுரிக்கிறார் ஆன்மீகவாதியான அமைச்சர் பழனிவேல் தியாகராஜன்

 

ஜக்கி வாசுதேவின் பல தில்லுமுல்லுகளை துகிலுரிக்கிறார் ஆன்மீகவாதியான அமைச்சர் பழனிவேல் தியாகராஜன்

 

ஜக்கி வாசுதேவின் ஈஷா மையத்தில் உள்ள பேராசிரியரின் 2 மகள்களுக்கு “மன நல சோதனை” நடத்தி அறிக்கை தர தமிழ்நாடு அரசு மன நல இயக்குனரகம் உத்தரவு.

கோயமுத்தூரைச் சேர்ந்தவர் முனைவர் காமராஜர். இவர் வேளாண் பல்கலைக் கழகத்தில் பணியாற்றி ஓய்வு பெற்றவர்.

இவரது இரண்டு மகள்களை ஜக்கி வாசுதேவ் கட்டாயமாகத் தமது சீடர்களாக்கி அவர்களை மன வசியம் செய்து பிடித்து வைத்திருப்பதாகவும் அவர்களை விடுவிக்கக் கோரியும் புகார், வழக்குகள் எனத் தொடர்ந்து போராடி வருகிறார் காமராஜ்.

இந்திலையில் இவரது மகள்கள் மன வசியம் – ஹிப்நாடிசம் – செய்யப்பட்டு சுய தன்மை இழந்து ஜக்கியின் சொல்லுக்குக் கட்டுப்பட்டு உள்ளதாகவும் அதை அறிவியல் மருத்துவப் பரிசோதனை நடத்தி உறுதி செய்து அவர்களை மீட்க வேண்டும் என்றும் தமிழ்நாடு அரசின் மன நல இயக்குநரகத்தில் The Tamil Nadu State Mental Health Authority (TNSMHA), அவர் மனு தாக்கல் செய்திருந்தார்.

தொடர்புடைய இருவரையும் கோயமுத்தூர் மையத்தில் பரிசோதனை செய்து அறிக்கை தாக்கல் செய்ய The Tamil Nadu State Mental Health Authority (TNSMHA) பணித்துள்ளது.

இதுகுறித்து கோயமுத்தூரில் செய்தியாளர்களைச் சந்தித்த திரு. காமராஜ், கருவூரார் அறக்கட்டளை நிறுவனர் சத்தியபாமா, புதிய தலைமுறை கட்சி நிறுவனர் கோபால கிருஷ்ணன், தமிழர் முன்னணி நிறுவனர் இமயம் சரவணன் ஆகியோர் இத்தகவலைத் தெரிவித்தனர்.

தொடர்ந்து பேசிய திரு.காமராஜ், ஜக்கி வாசுதேவ் தம்மை பாலியல் வன்கொடுமைக்கு ஆளாக்கியதாக அமெரிக்காவைச் சேர்ந்த நீதா எனும் பெண் புகார் கொடுத்துள்ள நிலையில் அவர் மீது ஜக்கி தொடுத்த அவதூறு வழக்கை அமெரிக்க நீதிமன்றம் தள்ளுபடி செய்திருக்கிறது.எனவே அந்த வழக்கில் அவர் தண்டிக்கப்பட வாய்ப்பு உண்டு.

அதே போல இங்கும் பல வழக்குகளில் ஜக்கி சிக்குவார். அதன் ஒரு படியாக தம் இரண்டு மகள்களைப் போலவே பல இளையோர்களை சட்டவிரோத ஹிப்நாடிசம் அல்லது போதை உள்ளிட்ட வசியம் செய்து மயக்கி வைத்த குற்றத்திலும் அவர் உறுதியாகப் பிடிபடுவார் என்றார்.

அடுத்துப் பேசிய சத்தியபாமா, சட்டவிரோதமாகவும், ஆன்மீகத்திற்கு எந்தத் தொடர்பும் இல்லாதும் வணிக ரீதியாக மதவாதத்தை பயன்படுத்தி வரும் ஜக்கி வாசுதேவின் ஈஷா யோக மையம் அரசுடைமையாக்கப்பட வேண்டும், அங்கு மனவசியம் செய்து மயக்கத்தில் ஆழ்த்தப்பட்டுள்ள சன்னியாசி இளையோர்களை மீட்க வேண்டும். அவர்களுக்கு முறையாக மனநல சிகிச்சை அளிக்கப்பட வேண்டும் என்று கோரிக்கை விடுத்தார்.

தொடர்ந்து பேசிய தமிழர் முன்னணி இமயம் சரவணன், அமெரிக்காவில் எப்ஸ்டீன் என்பவர் குழந்தைகளை தவறாக பயன்படுத்தியது போல ஜக்கி வாசுதேவன் செய்திருப்பதற்கு நிறைய வாய்ப்புகள் உள்ளன. எனவே அந்தக் குழந்தைகளை – இளையவர்களை எல்லாம் மீட்டு மனநல சிகிச்சை அளிக்க வேண்டும், ஜக்கி வாசுதேவ் நடத்தும் தகன எரி மேடைகளை தடை செய்ய வேண்டும் என்றும் கூறினார். தனி ஒரு மனிதர் இயற்கையாக இறந்தாலே தகனம் செய்ய கிராம நிர்வாக அலுவலர் தேவைப்படும் நிலையில் யாருடைய அனுமதியின் பேரில் ஈஷா யோக மையத்திற்குள் உடல்கள் எரிக்கப்படுகின்றன என்பது குறித்து அறிக்கை வெளியிட வேண்டும் என்றும் இமயம் சரவணன் கேட்டுக் கொண்டார். தமது மகளை சொகுசாக வாழவிட்டு ஊரார் மகன் – மகள்களை மொட்டையடித்து சன்னியாசிகளாக்கி தமிழர் இனவழிப்பு செய்து உலகத்தை ஏமாற்றி வருகிறார் ஜக்கி என்றும் சரவணன் குற்றம் சாட்டினார்.

 

என்ன ஒரு சுய மரியாதையை கற்றுத் தருகிறது இஸ்லாம்!

 என்ன ஒரு சுய மரியாதையை கற்றுத் தருகிறது இஸ்லாம்!

மார்க்க அறிஞரோடு கை குலுக்கும் போது ஒருவர் தனது தலையை மரியாதை நிமித்தம் சாய்க்கிறார்.

உடனே கோபமடைந்த அந்த அறிஞர் "ஏன் தலையை சாய்க்கிறாய்? இறைவனுக்கு மட்டுமே உனது தலை சாய வேண்டும்" என்று அறிவுறுத்துகிறார்...

சுய மரியாதை

நபிகள் நாயகத்துக்குப் பின் முஸ்லிம் சாம்ராஜ்யத்தின் ஐந்தாவது அதிபதியாகத் திகழ்ந்தவர் முஆவியா . அவர் வெளியே வந்த போது அவரைக் கண்டஅப்துல்லாஹ் பின் சுபைர் அவர்களும் இப்னு சஃப்வான் அவர்களும் எழுந்து நின்றனர். உடனே முஆவியா அவர்கள் "அமருங்கள்" என்றார். தனக்காக மக்கள் எழுந்து நிற்க வேண்டும் எனறு யார் விரும்புகிறாரோ அவர் தனது தங்குமிடத்தை நரகத்தில் ஏற்படுத்திக் கொள்கிறார் என்று நபிகள் நாயகம் அவர்கள் சொன்னதை நான் செவியேற்றுள்ளேன் என்று முஆவியா சொன்னார்கள்.

நூல்: அபூதாவூத் 4552

ஒரு சக்கரவர்த்திக்கே கூட மக்கள் எழக் கூடாது. அவ்வாறு எழவேண்டும் என்று எந்த முஸ்லிமும் எதிர்பார்க்கக் கூடாது என்பதை நபிகள் நாயகம் அவர்கள் தெளிவாக அறிவித்துச் சென்றுள்ளதை இந்த சரித்திரத்தில் இருந்து நாம் தெரிகிறோம்.

#மரியாதை #நபிகள்நாயகம் #சுயமரியாதை #islam #selfrespect #NABI_MUHAMMAD