பலி ஆடுகளா போலீஸ் ஃபக்ருதீனும், பிலால் மாலிக்கும்!

வேலூரில் கொல்லப்பட்ட அரவிந்த ரெட்டியை கொன்றதாக சொல்லி வஜுர் ராஜா- வை பிடித்தார்கள் சிறையில் அடைத்தார்கள். இப்போது போலீஸ் பக்ருதீன், பிலால் மாலிக் ஆகியோர்கள் செய்ததாக போலிஸ் சொல்கிறது.! முன்பு குற்றவாளிகளாக போலிசாரால் சொல்லப்பட்ட வசூர் ராஜா இப்போது குற்றவாளியா? நிரபராதியா?

வேலூர் மத்திய சிறையில் இருந்தபடி, ரவுடி வசூர் ராஜா, ரெட்டியை கொலை செய்ததாக, அப்போதைய வேலூர் எஸ்.பி., ஈஸ்வரன் கூறினார். அதன் பின், வேலூர் ஓல்டு டவுனைச் சேர்ந்த தங்கராஜ், பிச்சை பெருமாள், தோட்டப்பாளையத்தை சேர்ந்த சத்யா, உதயா என்ற உதயகுமார், அரியூரை சேர்ந்த ராஜா மற்றும் திட்டம் போட்ட வசூர் ராஜா என, ஆறு பேரை நவம்பர், 22ம் தேதி கைது செய்தனர். ராஜாவை கடலூர் சிறையிலும், மற்றவர்களை சென்னை புழல் சிறையிலும் அடைத்தனர். இந்நிலையில், 'அரவிந்த் ரெட்டியை கொலை செய்தது, நாங்கள் தான்' என, பயங்கர வாதி, 'போலீஸ்' பக்ரூதீன் வாக்கு மூலம் அளித்திருப்பது, போலீசார் மத்தியில் அதிர்ச்சியை ஏற்படுத்தி உள்ளது.

வேலூர் தெற்கு போலீசார் இந்த வழக்கை விரைந்து முடித்து, நல்ல பெயர் எடுப்பதற்காக, ரவுடி வசூர் ராஜா உள்ளிட்ட, ஆறு பேரை பலி கடா ஆக்கி விட்டதாகவும், அவரை, நான்கு நாள் போலீஸ் காவலில் எடுத்து, ரெட்டியை கொலை செய்ததாக ஒப்பு கொள்ள வைத்து, வழக்கை முடித்து விட்டதாகவும் குற்றச்சாட்டு எழுந்துள்ளது. அதனால், ரெட்டி கொலை வழக்கை மீண்டும் விசாரணை நடத்த, சி.பி.சி.ஐ.டி., போலீசார் திட்ட மிட்டுள்ளனர். இதை அறிந்த வேலூர் தெற்கு போலீசார் கலக்கம் அடைந்துள்ளனர். பக்ருதீன் கூறியது உண்மை என நிரூபிக்கப்பட்டால், வசூர் ராஜாவை கொலையாளி என, அப்போது அடையாளம் காட்டிய அப்போதைய எஸ்.பி., ஈஸ்வரன், வேலூர் டி.எஸ்.பி., தட்சிணாமூர்த்தி, இன்ஸ்பெக்டர் அண்ணா துரை ஆகியோர் மீது, துறை ரீதியான விசாரணை நடத்தி, தவறு உறுதியானால், தண்டிக்க வாய்ப்பு உள்ளதாக போலீஸ் வட்டாரத்தில் கூறப்படுகிறது.

இது இன்றைய தினமலரின் செய்தி:

"இந்து இயக்க பிரமுகர்களை கொல்ல, 100 புத்தக வெடிகுண்டுகளை, பயங்கரவாதி அபுபக்கர் சித்திக், தயாரித்து, மறைத்து வைத்திருப்பதாக போலீசாருக்கு கிடைத்த தகவல், அவர்கள் மத்தியில் பெரும் பரபரப்பை ஏற்படுத்தி உள்ளது."

-தின மலர்

துப்பாக்கி குண்டுகளை மறைத்து வைக்க வேறு இடங்களே கிடையாதா? என்ன ஒரு கற்பனை...

இனி வருங் காலங்களில் தின மலரில் போலீஸ் பக்ருதீன் சொன்னதாக இப்படியும் செய்திகள் வரலாம்.:-)

செப்டம்பர் 11 அமெரிக்க தாக்குதலை நடத்தியதும் நாங்கள் தான்:

காந்தியை கொன்று கோட்சேவின் மேல் பழியைப் பொட்டதும் நாங்கள் தான்:

மாலேகான், சம்ஜோதா எக்ஸ்பிரஸ் குண்டு வெடிப்புகளை நாங்களே நிகழ்த்தி சாது பிரக்யாசிங்கை மாட்டி விட்டோம்:

--------------------------------------------------------------

வேலூரில் 23.10.2012 அன்று பா.ஜக. மாநில மருத்துவ அணி செயலாளர் டாக்டர் அரவிந்த ரெட்டி, பணம் கொடுக்கல் வாங்கலில் ஏற்பட்ட தகராறு காரணமாக கொல்லப்பட்டார். இது தொடர்பாக வசூர் ராஜா, உதயகுமார், தங்கராஜ், சந்திரன், ராஜா, பிச்சைப்பெருமாள், தரணிகுமார் ஆகிய குற்றவாளிகள் கைது செய்யப்பட்டு குற்றப்பத்திரிகை பதிவு செய்யப்பட்டுள்ளது. பரமக்குடியில் கடந்த 19.3.2013 அன்று நகர பா.ஜ.க. செயலாளர் தேங்காய் கடை முருகன், நிலத்தகராறில் கொலை செய்யப்பட்டார். இது தொடர்பாக ராஜா முகம்மது, மனோகரன், ரபீக் ராஜா, சாகுல் அமீது ஆகியோர் கைது செய்யப்பட்டனர். இவர்கள் 4 பேர் மீதும் தேசிய பாதுகாப்புச் சட்டத்தின் கீழ் நடவடிக்கை எடுக்கப்பட்டுள்ளது!

- தமிழக காவல்துறை தலைவர் ராமானுஜம் 26-07-2013 அன்று வெளியிட்ட அறிக்கை

---------------------------------------------------------------

இதை எல்லாம் இப்படி திட்டமிட்டு இந்துத்வாவினர் செய்வதற்கு பின்னணி என்ன? ஏன்? என்பதற்கு ஒரு இந்துத்வா வாதி தின மலரில் எழுதியுள்ள கமெண்டை பாருங்கள்.


rishi - varanasi,இந்தியா
09-அக்-201302:04:39

பிஜேபி வாக்கு இந்த முறை நிச்சயம் பெருகும். காரணம் விஸ்வரூபம், வெள்ளையப்பான் கொலை , ரமேஷ் கொலை , பொரிக்கி தீவிரவாதிகளின் வாக்குமூலம் , அனைத்து கட்சிகளின் மௌனம் இவை அனைத்தும் பிஜேபி வளர்சிக்கு உதவும் பிஜேபி அழிக்க வாள் ஏந்தினார்கள? இனிதான் பிஜேபி வளரபோகிறது .

-------------------------------------------------------------

பக்ருதீன் அலி அகமது என்ற போலீஸ் பக்ருதீன் சின்ன வயதில் தீவிர ரஜினி ரசிகர். ரஜினி படம் பார்ப்பதற்காக இரும்புப் பட்டறையில் வேலைபார்த்துச் சம்பாதித்த ஒரு ரூபாய், ரெண்டு ரூபாயை வைத்துக் கொண்டு டிக்கெட் வாங்க வரிசையில் நிற்பார். சிந்தாமணி தியேட்டரில், பாயும் புலி படம் ஓடியபோது ஆண்கள் டிக்கெட் விலை அதிகம் (90 பைசா, ரூ.1.10 பைசா). ஆனால் பெண்கள் டிக்கெட் 30 பைசா, 60 பைசாதான். இதனால், பெண்கள் டிக்கெட்டை 30 பைசாவுக்கு வாங்கிவிட்டு, மீதிக்காசுக்கு முட்டை போண்டா சாப்பிடலாம் என்று கணக்கு போடுவார்.

அதற்காக பெண்களிடம் டிக்கெட் எடுத்துத்தரச் சொல்லி கெஞ்சுவார். சில முறை பெண்கள் காசை வாங்கிவிட்டு, டிக்கெட் எடுத்துக் கொடுக்க மறந்துவிடுவார்கள். அவர்கள் வருவார்கள் வருவார்கள் என்று வாசலிலேயே ஏமாற்றத்தோடு காத்திருப்பார். இப்படி பலமுறை நடந்திருக்கிறது. அதெல்லாம் ஒரு குறிப்பிட்ட வயது வரைக்கும்தான். பிறகு, அவர் வயதொத்த பையன்களிடம் சேர்ந்து பாதை மாறிவிட்டார்.

http://tamil.thehindu.com/tamilnadu/%E0%AE%AA%E0%AE%95%E0%AF%8D%E0%AE%B0%E0%AF%81%E0%AE%A4%E0%AF%80%E0%AE%A9%E0%AF%81%E0%AE%95%E0%AF%8D%E0%AE%95%E0%AF%81-%E0%AE%B0%E0%AE%9C%E0%AE%BF%E0%AE%A9%E0%AE%BF-%E0%AE%AA%E0%AE%9F%E0%AE%AE%E0%AF%8D%E0%AE%A9%E0%AE%BE-%E0%AE%89%E0%AE%AF%E0%AE%BF%E0%AE%B0%E0%AF%8D/article5217764.ece?homepage=true

ஆக..கூத்தாடிகளை தனது வழிகாட்டியாக கொண்ட பக்ருதீன் இந்துத்வாவாதிகளை போட்டுத் தள்ள வேண்டிய அவசியம் என்ன? இவனுக்கும் இஸ்லாத்துக்கும் என்ன தொடர்பு?

------------------------------------------------------------

போலீஸ் காவலில் இருக்கும் பக்ருதீன் கேள்விகளுக்கு பதில் சொல்லாமல் முதலில் முரண்டு பிடித்துள்ளார். உயர் போலீஸ் அதிகாரி ஒருவர், அவர் தோளில் கை வைத்தபடி, “உன் காதல் மனைவி உன்னை உதறித்தள்ளிய பிறகு தான், இப்படி மூர்க்கத்தனமாக மாறிட்டியா?” என்று கேட்டிருக்கிறார். அடுத்த நொடியே பக்ருதீனின் கண்கள் கலங்கிவிட்டன. தன் காதல் மனைவி பற்றி அந்த அதிகாரியிடம் புலம்பியதோடு, அதுவரை மறைத்த தகவல்களையும் போலீஸில் கொட்டியிருக்கிறார்.

கல் நெஞ்சையும் கரைத்த காதல் கதையை அறிய மதுரையில் நாம் விசாரணையை துவக்கினோம். “அடிக்கடி அடிதடியில் ஈடுபட்டு, சிறைக்குச் சென்று திரும்பியபோது, பக்ருதீனுக்கு ஏரியாவுக்குள் ஹீரோ இமேஜ் உருவானது. அப்போது மும்தாஜ் (பெயர் மாற்றப்பட்டுள்ளது) என்ற பெண்ணைக் காதலித்தார். வயதில் பாதிதான் இருக்கும் அந்த பெண்ணும் விரும்பியிருக்கிறார்.

http://tamil.thehindu.com/opinion/reporter-page/%E0%AE%AA%E0%AF%8B%E0%AE%B2%E0%AF%80%E0%AE%B8%E0%AF%8D-%E0%AE%AA%E0%AE%95%E0%AF%8D%E0%AE%B0%E0%AF%81%E0%AE%A4%E0%AF%80%E0%AE%A9%E0%AE%BF%E0%AE%A9%E0%AF%8D-%E0%AE%95%E0%AE%BE%E0%AE%A4%E0%AE%B2%E0%AF%8D-%E0%AE%95%E0%AE%A4%E0%AF%88/article5217677.ece?homepage=true

-------------------------------------------------------------

எங்களை இஸ்லாமிய தீவிரவாதி என்று சொல்பவர்களுக்கு, எங்களை இஸ்லாமியர்களே ஒதுக்கித் தான் வைத்திருக்கிறார்கள் என்ற உண்மை தெரியுமா? இன்று எங்களுக்காக ஆர்ப்பாட்டம் நடத்தி வீதியில் வீராவேசமாகப் பேசுபவர்கள், என் குடும்பத்தினர் சித்ரவதை செய்யப்பட்ட போது எங்கே போனார்கள்? ...

நானும் 1993ல் சவுதி அரேபியாவுக்கு வேலைக்குப் போய்விட்டேன். இதனால் சேர்க்கை சரியில்லாமல் வம்பு, தும்பில் சிக்கி அவனை அடிக்கடி போலீஸார் பிடித்தனர். 18 வயதுக்குள் 5 வழக்குகள் பதிவாகிவிட்டது.

1995ம் ஆண்டு மதுரை மீனாட்சியம்மன் கோவிலில் வெடிகுண்டு வைத்த வழக்கில் அவனை சம்பந்தமே இல்லாமல் கைது செய்தனர். அன்று முதல் அவனைத் தீவிரவாதி என போலீஸார் கூற தொடங்கினர். இதில் உண்மைக் குற்றவாளி வெங்கடேசன் என்ற முஸ்தபாதான் என்று தெரியவந்தது. இந்த வழக்கில் பக்ருதீன் உள்ளிட்டவர்களை பொய்யாக கைது செய்ததற்காக வெடிமருந்து வாங்கிய உதவி ஆய்வாளரை சி.பி.ஐ. கைது செய்தது. அவர் சஸ்பெண்டும் செய்யப்பட்டார்.

கடந்த 1998ல், மதுரை மதிச்சியத்தில் பரமசிவம் என்பவர் கொலை வழக்கில் சிக்கி சிறைக்கு சென்றான். அங்குதான் தப்பான வழிக்கு போக காரணமாக இருந்திருக்கும் என்று நினைக்கிறேன். 2001ல் ஜாமீனில் வந்தவன், திருமங்கலம் கோர்ட்டில் போலீஸாருடன் துப்பாக்கிச் சண்டையிட்டு, இமாம் அலியை மீட்ட சம்பவத்தில் சம்பந்தப்பட்டு, எங்கள் நிம்மதிக்கு உலை வைத்தான். அந்த வழக்கில் 7 ஆண்டு சிறையில் இருந்தான்.

http://tamil.thehindu.com/opinion/reporter-page/%E0%AE%86%E0%AE%B1%E0%AF%81%E0%AE%A4%E0%AE%B2%E0%AF%8D-%E0%AE%9A%E0%AF%86%E0%AE%BE%E0%AE%B2%E0%AF%8D%E0%AE%B2-%E0%AE%8E%E0%AE%99%E0%AF%8D%E0%AE%95%E0%AE%B3%E0%AF%81%E0%AE%95%E0%AF%8D%E0%AE%95%E0%AF%81-%E0%AE%AF%E0%AE%BE%E0%AE%B0%E0%AF%81%E0%AE%AE%E0%AE%BF%E0%AE%B2%E0%AF%8D%E0%AE%B2%E0%AF%88-%E0%AE%AA%E0%AE%95%E0%AF%8D%E0%AE%B0%E0%AF%81%E0%AE%A4%E0%AF%80%E0%AE%A9%E0%AF%8D-%E0%AE%85%E0%AE%A3%E0%AF%8D%E0%AE%A3%E0%AE%A9%E0%AF%8D-%E0%AE%A4%E0%AE%B0%E0%AF%8D%E0%AE%B5%E0%AF%87%E0%AE%B8%E0%AF%8D-%E0%AE%AE%E0%AF%88%E0%AE%A4%E0%AF%80%E0%AE%A9%E0%AF%8D/article5210258.ece

திருந்தி வாழ நினைத்த பக்ருதீனை நமது காவல் துறையும் விடவில்லை.

காவல் துறை மனது வைத்தால் யாரையும் கொலைகாரனாக மாற்ற முடியும்: உண்மையான குற்றவாளிகளை தப்பிக்க வைத்து விட முடியும் என்பதற்கு இந்த வழக்கு ஒரு உதாரணம். இனி என்னவெல்லாம் பொய்கள் சபை ஏறுகிறது என்பதை பொறுத்திருந்து பார்ப்போம்.

இஷ்ரத் ஜஹான் குற்றமற்றவர் - சிபிஐ

பல கட்ட விசாரணைகளுக்குப் பிறகு என் கவுண்டரில் கொல்லப்பட்ட இஷ்ரத் ஜஹான் குற்றமற்றவர் என்ற உண்மையை சிபிஐ இத்தனை வருடங்களுக்கு பிறகு வெளியே கொண்டு வந்துள்ளது. இறந்த அந்த இளம் பெண்ணின் பெற்றோருக்கு இந்த செய்தி இன்பமாக இருக்கும். ஆனால் போன உயிரை இந்த காவல் துறையினரால் திரும்ப கொண்டு வர முடியுமா?

பாவிகளா.... நரேந்திர மோடியை கொல்வதற்கு இந்த பெண்தான் வந்தாள் என்பதற்கு என்ன ஆதாரம்? எந்த ஆதாரங்களும் இல்லாமல் நரேந்திர மோடியின் ஆணையை செயல்படுத்திய பல காவல்துறையினர் இன்று சிறையில் உள்ளனர். இதற்கு மூல காரணமான நரேந்திர மோடியை அதே போன்று சிறையில் பார்க்கும் காலம் வெகு விரைவில் வர இருக்கிறது. இதிலிருந்து தப்பிக்கவே பிரமராகுவதில் மோடி மிகுந்த முனைப்பு காட்டுகிறார்.

பிரதமராகி விட்டால் சுப்ரீம் கோர்டையும், சிபிஐயையும் தனது கட்டுக்குள் கொண்டு வந்து அனைத்து வழக்குகளையும் நீர்த்துப் பொக செய்யலாம் என்பது மோடியின் திட்டம். எத்தனை வருடங்கள் ஆனாலும் செய்த பாவங்கள் அவரை துரத்திக் கொண்டே இருக்கும். பல வருடங்களுக்கு பிறகு செய்த குற்றத்துக்கு லல்லு பிரசாத் யாதவ் இன்று கம்பி எண்ணிக் கொண்டிருக்கிறார். அதே நிலை, அதை விட இழிவான நிலையை மோடி அடைய வேண்டும். அந்த நாளுக்காக பொறுத்திருப்போமாக....

-------------------------------------------------

Suspended IPS officer G L Singhal, retired DSP J G Parmar, Mehsana DySP Tarun Barot and Police Commando Anaju Chaudhary were present with their lawyers in the court of additional chief judicial magistrate B G Joshi to get their respective copies.

The next hearing in the case is on July 23. According to CBI, Ishrat, a Mumbai-based college girl, her friend Javed Shaikh alias Pranesh Pillai and two Pakistani nationals Amjad Ali Rana and Zeeshan Johar were killed in a fake encounter, which was a joint operation between Gujarat Police and IB, near here on June 15, 2004.

Besides the four, three more police officers have been named as accused in the case. Suspended IPS officer D G Vanzara, who is unwell, was given the charge sheet copy through his lawyer V D Gajjar last Monday.

Additional Director General of Police P P Pandey has been declared proclaimed absconder by the court.

Another accused, N K Amin, also named in the Sohrabuddin Sheikh encounter case, was not present in the court today and the charge sheet copy was given to his lawyer.

At the time of encounter, Gujarat Police had claimed the four were Laskhar-e-Taiba (LeT) operatives on a mission to assassinate Gujarat chief minister Narendra Modi.

http://articles.timesofindia.indiatimes.com/2013-07-15/india/40589289_1_ishrat-jahan-encounter-case-ishrat-case

இல்லாத மதத்தின் பெயர் இந்து!

இல்லாத மதத்தின் பெயர் இந்து! - ம.செந்தமிழன்

’பொய் உரைப்பது, அதையே கொள்கையாக்குவது, அதையே தத்துவமாக்குவது, அதையே நடைமுறைப்படுத்துவது, ஏற்க மறுப்பவர்களை அச்சுறுத்துவது அல்லது அரவணைத்துக் கொள்வது’ – ’இந்து தர்மம்’ என்றால் என்னவென விளக்கம் கேட்டால், இதுவே எனக்குத் தெரிந்த இந்து தர்மம்.


இந்து மதம் என ஒன்று இப்பொழுதும் இல்லை, முற்பொழுதும் இருக்கவில்லை. ஆனால், இந்தியாவே ’இந்து தேசம்’ எனப் பொய் உரைத்து, அதையே கொள்கையாக, தத்துவமாக, நடைமுறையாக மாற்றிக் காட்டியிருக்கிறார்களே, இதுவே அவர்களது சிறப்பு.

சிந்துவெளியைக் கண்ட கிரேக்கப் பயணிகள் ’சிந்து’ எனும் தமிழ்ச் சொல்லை அவர்கள் மொழி உச்சரிப்பிற்கேற்ப ’இண்டு’ (sindhu – indu) என்றனர். திருச்சியை ஆங்கிலத்தில் trichy எனவும், தஞ்சாவூரை tanjore எனவும் உச்சரிப்பது போல.

சந்திரகுப்த மௌரியனது கிரேக்கத் தூதர் மெகஸ்தனிஸ் தமது நூலுக்கு வைத்த பெயர், ‘இண்டிகா’. சிந்துநதி நாகரிகத்தை அடிப்படையாகக் கொண்டே இவ்வாறு அழைத்தனர். இந்திய நிலப்பரப்பின் கடந்த 5000 ஆண்டுகால வரலாற்றில், சிந்துவெளி நாகரிகத்தை ஒதுக்கி விட்டு எவராலும் இந்திய அரசியலைப் புரிந்துகொள்ள இயலாது.

சிந்துவெளியில் வாழ்ந்தோர் தமிழர்களே, என்பதை அஸ்கோ பர்போலா, ஐராவதம் மகாதேவன், இரா.மதிவாணன் உள்ளிட்ட சமகால அறிஞர்கள் நிறுவியுள்ளனர். சிந்துவெளி எழுத்துகள் வாசிக்கப்பட்டு, அவை அனைத்துமே தூய தமிழ்ச் சொற்கள்தாம் என்பதும் தெள்ளத் தெளிவாக உரைக்கப்பட்டுவிட்டது.


‘குயவன், கண்ணன், தச்சன், அந்தனன், அவ்வப்பன், அவ்வன், அட்டன்’ உள்ளிட்ட சொற்கள்தான் சிந்துவெளிச் சித்திர எழுத்துகளில் உள்ளன. (Dravidian Indus valley language – prof. R.Mathivanan / thamizh chanror peravai publication)

ஆரியர்கள் பிழைப்பு தேடி சிந்துவெளிப்பகுதிக்கு வந்தவர்கள். வரலாற்றாசிரியர் ராகுல் சாங்கிருத்யாயன் வார்த்தைகளில் கூறுவதானால், ‘ஆரியர்கள் வந்தபோது அவர்களிடம் குதிரைகளைத் தவிர வேறு ஒன்றும் இருக்கவில்லை’. (ரிக்வேத கால ஆரியர்கள் / என்.சி.பி.எச்)

சிந்துவெளித் தமிழர்களோ, ஐந்தாயிரம் ஆண்டுகளுக்கு முன்பே, அடுக்குமாடிக் குடியிருப்புகள் கட்டி வாழ்ந்தனர். சிந்து ஆற்றிலிருந்து பெரும் படகுகளில் சரக்குகளை ஏற்றி, இன்றைய அரபிக் கடலில் நங்கூரமிட்டிருந்த கப்பல்ளுக்கு மாற்றி, கண்டம் விட்டு கண்டம் வணிகம் செய்தவர்கள். ரிக் வேதம் படித்தால், ஆரியர்களது காட்டுமிராண்டித்தனமான வாழ்வியலை எவராலும் புரிந்துகொள்ள இயலும்.


அவர்கள் சிந்துவெளிக்கு வந்தபோது, அவர்களுக்கென சமயமும் இல்லை, கடவுளும் இல்லை. அவர்களது வழிபாடுகள் எல்லாம், அக்னி, வாயு, வருணன் போன்ற சிறு தேவதை வழிபாடுகளே. தேவர்கள் / தேவதைகள் எல்லாரும் வானில் இருப்பதாக அவர்கள் நம்பினர். நெருப்பில் பலி பொருட்களைப் போட்டு எரித்தால், புகை வழியாக வானில் உள்ள தேவர்களுக்கு அப்பலிகள் கிடைக்கும் என்று நினைத்துக் கொண்டு வாழ்ந்தவர்களே ஆரியர்களின் முன்னோர்கள். குதிரைகளையும், அவ்வப்போது மனிதர்களையும் இவ்வாறு தீயில் போட்டு எரித்து ’வழிபட்டனர்’. இதுவே ஆதிகால ஆரியரது சமய நடைமுறை.

இப்போதும், பிராமணச் சடங்குகளில், தீ வளர்த்து துணிகளைப் போட்டு எரிப்பதைக் காணலாம். இந்தத் துணிகள் வானில் உள்ள தேவதைகளுக்கு புகையாகச் சென்று சேரும் என்பதே பொருள். அவர்களது ஆதி மந்திரங்கள், குறிப்பாக ரிக் வேத மந்திரங்கள், இதைத்தான் உரைக்கின்றன.

ஆனால், தமிழர்களது நாகரிகம், ஆதிச்சநல்லூர் ஆய்வுகளின்படி, பத்தாயிரம் ஆண்டுகளுக்கு முற்பட்டது. குமரிக்கண்ட ஆய்வுகளின் வழியே தமிழர் வரலாற்றைக் கண்டால், ஏறத்தாழ 20,000 ஆண்டுகளுக்கும் முற்பட்டது என்பதைச் சமகால ஆய்வுகள் எடுத்துரைக்கின்றன. குமரிக்கண்டத்தில் வாழ்ந்த மயன் எனும் மாமுனிவர் உரைத்தவையே, ’பிரணவ வேதங்கள்’ எனும் ஆதி நால்வேதங்கள் என்பதை, ஜெஸ்ஸி மெர்கே எனும் அமெரிக்க ஆய்வாளர் நிறுவியுள்ளார். மாமுனி மயனது வேதங்கள், பிரபஞ்சத் தோற்றம் குறித்த வியக்க வைக்கும் தகவல்களைக் கொண்டுள்ளதை, ஜெஸ்ஸியின் கட்டுரைகளை வாசிக்கும்போது உணர முடிகிறது.

இந்த மாமுனி மயனைத்தான், தேவதச்சன் மயன் என சமஸ்கிருத இதிகாசங்கள் அழைத்தன. மயன் எனும் சொல்லே தூய தமிழ்ச் சொல்தான். மயன் உரைத்த வேதங்களைப் பிற்காலத்தில் ஆரியர்கள் தமது மொழிகளில் எழுதிக் கொண்டனர். மயனது ஆதிவேதம், ஏறத்தாழ 13,500 ஆண்டுகாலப் பழமை வாய்ந்தது என்பது ஜெஸ்ஸி மெர்கேவின் கருத்து. மயன் குமரிக் கண்டத்தில் இன்றைய தமிழகத்தின் தென் பகுதியில் வாழ்ந்தவர். ஆலமரத்தடியில் தவம் செய்து, சிவனிடமிருந்து வேதங்களைக் கற்றதாக மயன் உரைக்கிறார். இதிகாசங்களிலும் ஏறத்தாழ இக்கருத்தையே ஆரியர்கள் பதிவு செய்தனர்.

ஆனால், அவர்களது வழக்கமான கற்பனைக் கோட்டைகளை மயன் மீதும் கட்டி வைத்து, அவர் ’ஆகாயத்தில் கோட்டை கட்டினார்’ என்றெல்லாம் எழுதி வைத்துவிட்டனர். இதனால், இச்செய்திகளே பொய் என்னும் எண்ணம் ஏற்பட்டுவிட்டது.

குமரிக் கண்டம், ஆதித்தநல்லூர், சிந்துவெளி, சங்ககாலம், பிற்காலச் சோழர் காலம் ஆகிய பல்லாயிரம் ஆண்டுகால தமிழர் வரலாற்றில், தமிழர்கள் தமது சமயத்தை ‘இந்து மதம்’ என ஒருபோதும் அழைத்ததே இல்லை.

பிரபஞ்சத் தோற்றத்தைப் படிப்படியான வளர்ச்சிகளுடன் தெளிவாக உரைத்த பரிபாடல் ‘மாயோன்’, ‘முருகவேள்’ ஆகியோரைத்தான் வழிபட்டது. தொல்காப்பியம் ‘நிலமும் பொழுதுமே’ (time and space) முதற்பொருள் என்றது. ஐந்திணைகளுக்கும் ஐந்து கடவுளர்களைத் தொல்காப்பியம் பதிவு செய்தது. சங்க இலக்கியத்தில் எண்ணற்ற பாடல்கள் ‘ஆலமர் செல்வன்’ என சிவ வழிபாட்டு பதிவாகியுள்ளது. சிவன், திருமால், முருகவேள், வேலன், கொற்றவை, காளி, இந்திரன் உள்ளிட்ட தெய்வங்கள் தமிழர் வரலாற்றில் தொன்று தொட்டு வணங்கப்பட்டு வருகின்றன.

பல்லவர், களப்பிரர் காலத்தில் ஆரியச் சமயங்களான சமணமும் பௌத்தமும் தமிழகத்தில் திணிக்கப்பட்டபோது, சிவனியமும், மாலியமும் பரவித் தழைத்தன.

பிற்காலச் சோழர்கள் சிவனியத்தை வளர்த்தெடுத்தனர்.

பிற்காலச் சோழர் காலம் வரைக்கும், தமிழகத்தில் எந்தக் கல்வெட்டிலும், ஓலைச் சுவடியிலும், மட்பாண்டங்களிலும், இன்னபிற சான்றுகளிலும் ‘இந்து’ எனும் சொல்லே இல்லை. தமிழர்கள் தம்மை, ஒருகாலத்திலும் இந்துக்களாக எண்ணியதே இல்லை. ஏனெனில், இந்து என்று ஒரு மதம் உண்மையில் இல்லை. அது, ஆரியர்களின், குறிப்பாக ஆரிய பிராமணர்களின் கற்பனைக் கோட்டை.

கணிதக் கணக்கீடுகளால் பிரபஞ்சத்தை விளக்கிய மெய்யியல் எண்ணியம் (சாங்கியம்) என்பதாகும். கபிலர் எனும் தமிழ் அந்தணர் வழியாக உரைக்கப்பட்ட வேதம் இது. கபிலை நிறம் என்பதே சாம்பல் வண்ணம்தான். ஆனால், கொஞ்சமும் சங்கடம் இன்றி, ’ரிஷி கபிலர் அருளிய ஸாங்க்ய தத்வம்’ என்று கபிலரின் சாங்கியத்தை நூலாக வெளியிடுகின்றன ஆரிய பிராமண அமைப்புகள்.

கீதையும் இவ்வாறே இவர்களால் திரிக்கப்பட்டது. கீதையில் கண்ணன் அர்ஜுனனிடம், ‘கபில முனிவரின் சாங்கியத்தை உனக்கு உரைக்கிறேன்’ என்கிறார். கபிலரின் சாங்கியத்தோடு, தமது ஆரிய பிராமணிய இடைச் செருகல்களை இணைத்து, கீதையின் உண்மையான வடிவத்தைச் சீரழித்துவிட்டன இவ்வமைப்புகள்.


கண்ணன் எனும் சொல் சிந்துவெளி எழுத்துகளில் பல்வேறு இடங்களில் உள்ளது. கண்ணன் கருப்புத் தமிழரே அன்றி, சிவப்பு ஆரியர் அல்ல. இராமனும் கருப்புதான். இன்றைக்கு வழக்கில் உள்ள இராமாயணமும், பாரதமும் வெகு பிற்காலத்தில்தான் சமஸ்கிருதத்தில் இயற்றப்பட்டவை என்பதை மறந்துவிடக் கூடாது. அதற்கு முன், அவை தமிழில் இருந்திருக்க வேண்டும். சான்றாக, முதற் சங்கப் புலவர்களில் ஒருவர் ‘பாரதம் பாடிய பெருந்தேவனார்’ என்பதாகும். இவரே பாரதத்தைத் தமிழில் பாடிய புலவர்.

சங்ககால சேர மன்னர்களில் ஒருவர் பெயர், ‘பெருஞ்சோற்று உதியன் சேரலாதன்’ என்பது. பாரதப் போர் நடந்தபோது, படையினர் அனைவருக்குமே இம்மன்னர் உணவு வழங்கினார் என்பதால், இப்பெயர் வந்தது.


தமிழில் பாடப்பட்ட மூல பாரத, இராமாயண நூல்கள் தற்போது கிடைக்கவில்லை. ஆகவே, ஆரிய பிராமணர்கள் தமக்கு வசதியாக மொழிமாற்றம் செய்த நூல்களை மட்டும் வைத்துக் கொண்டு வரலாற்றைத் தவறாகக் காணும் நிலையில் உள்ளது தமிழ் இனம்.

பிற்காலத்தில் தோன்றிய பிராமணிய - வைதீக மெய்யியலாளரான ஆதி சங்கரர் தமது ’சௌந்தர்ய லஹரி’யில், பாடியவை அனைத்துமே, சிவன் – சக்தி ஆகிய தமிழர் மூலக் கடவுளரைப் போற்றிய பாடல்களே. ஆதிசங்கரர் உமையம்மை மீது ஆழமான பற்று கொண்டவர். ’சௌந்தர்ய லஹரி’ சிவனைக் காட்டிலும் அம்மையின் மீது அதிக ஈடுபாட்டுடன் பாடப்பட்டது.

இப்பாடல்கள், திருமூலரது திருமந்திரத்தை ஒட்டி இயற்றப்பட்டவை என்பதை, இரு நூல்களையும் படிக்கும் எவரும் எளிதில் விளங்கிக் கொள்ள இயலும்.

இன்றைக்கும் இந்திய நிலப்பரப்பெங்கும், வழிபடப்படும் தெய்வங்கள் தமிழர் தெய்வங்களே!

சிவன், திருமால், முருகன், காளி, கண்ணன், இராமன் ஆகிய தெய்வங்களை விட்டால், ஆரியர்களுக்கு வணங்குவதற்கு கடவுளே இல்லை. விநாயகர், தெய்வானை போன்ற வடக்கிந்திய கடவுளரும் கூட, சிவன் குடும்பத்துடன் இணைந்துதான் தெய்வநிலை அடைய இயலும் நிலை உள்ளது.

ஆரியரது ஆதி தெய்வங்களான, பிரம்மன், அக்னி, வாயு ஆகியோருக்குக் கோயில்களே இல்லை. விதிவிலக்காக அங்கொன்றும் இங்கொன்றும் இருக்கலாம்.

இந்த நிலையில், ’இந்து’ எனும் சொல்லால் தமிழர்களை அழைப்பது எவ்வளவு பெரிய மோசடி என்பதைப் புரிந்துகொள்ளலாம். இன்றைக்கு இந்தியச் சட்டத்தின்படி, ‘எவரெல்லாம் கிறித்தவர் இல்லையோ, இஸ்லாமியர் இல்லையோ அவரெல்லாம் இந்து’ ஆவர். ’எதுவெல்லாம் சாம்பார் இல்லையோ, சட்னி இல்லையோ அதுவெல்லாம் கருவாட்டுக் குழம்பு’ என்பதுபோல.

புத்தம், சமணம் ஆகிய வைதீக எதிர்ப்புச் சமயங்களும் கூட இந்துசமயத்தின் பிரிவுகள்தான் என்பதே சட்டம்.


சித்தர்களும், அந்தணர்களும், நாயன்மார்களும், ஆழ்வார்களும், எண்ணற்ற மெய்யறிவாளர்களும் தவத்தால், வாழ்வியலால், ஆய்வுகளால் உணர்ந்து உரைத்த சிவனிய, மாலிய சமயங்களும் இந்து மதத்தின் பிரிவுகளே என்பது சட்டம்.

வைணவக் கோயில்களில் அர்ச்சகராவதற்கு சாதி ஒரு நிபந்தனையே இல்லை என்பதே வைணவ ஆகமத்தின் விதி. வைணவ ஆகமத்தின்படி சாதி கேட்பதே பாவம். சிவனிய ஆகம விதிகளும் பிராமணர் மட்டுமே அர்ச்சகர் ஆகலாம் என்று கூறவே இல்லை. ஆனால், ’இந்து’ என்ற போர்வையைப் போர்த்திக் கொண்டு, பிராமணர்கள் இந்த இரு கோயில்களையும் வசப்படுத்திக் கொண்டனர்.

உண்மையில், இக்கோயில்களைக் கட்டிய மன்னர்களும் இந்துக்கள் இல்லை, உள்ளே இருக்கும் கடவுளரும் இந்துக்கள் இல்லை, கோயிலை வடிவமைத்த சிற்பிகளும் இந்துக்கள் இல்லை.

தமிழர்களுக்கென பல்லாயிரம் ஆண்டுகால வரலாறு உண்டு. அவ்வராலாற்றில் பிரபஞ்சத் தோற்றம், வாழ்வியல் குறித்த தத்துவங்கள் உண்டு. பிரபஞ்சத் தோற்றத்தைப் பற்றி உரைக்காத சமயமே தமிழர்களிடம் இருந்ததில்லை. நம்மைப் பொறுத்தவரை சமயம் என்றால், அதன் மெய்யியல் அணுவையும் அண்டத்தையும் பற்றிய அறிவியல் வழிப்பட்ட விளக்கம் தருவதாக இருக்க வேண்டும்.

தலையில் பிறந்தவன் பிராமணன், தோளில் பிறந்தவன் சத்ரியன் என்ற சுய நல வெறி பிடித்த கட்டுக் கதைகள் தமிழர்களால் எழுதப்பட்டவை அல்ல. இவற்றுக்கும் தமிழர்களுக்கும் வரலாற்று வழித் தொடர்புகள் ஏதும் இல்லை.

சுருங்கச் சொன்னால், தமிழர்கள் இந்துக்கள் அல்லர்!

ஆகவே, கோவிலுக்குச் செல்வது, சித்தர்களைப் போற்றுவது, ஓக முறையில் உடலை, மனதைப் பேணுவது, தவம் இயற்றுவது ஆகிய நடைமுறைகளைக் கடைப்பிடிப்போர், இவை அனைத்தும் தமிழர் மரபுப் பங்களிப்புகளே என்பதை உணர வேண்டும். இச் செயல்கள் அனைத்தும் இந்துத்துவ நடைமுறைகள் எனக் கூறுதலும் பழித்தலும், வரலாற்றுக்குச் சற்றும் பொருத்தமற்ற, அடிப்படையற்ற அவதூறு ஆகும்.


நாத்திகராக இருக்கலாம். ஆனால், தமிழர் சமயங்களின் பெருமிதங்களையும், வழிபாட்டு உரிமைகளையும் ’இந்து’ எனும் பிராமணிய அமைப்புக்குத் தாரை வார்த்துவிட வேண்டாம். ஏனெனில், இதைத்தான் கடந்த சில நூற்றாண்டுகளாக பிராமண அமைப்புகளும் செய்து வருகின்றன.

- ம.செந்தமிழன்

நரேந்திர மோடியும் மல்லிகா ஷெராவத்தும்!

மோடிக்கு பிறந்த நாள் வாழ்த்து கூறும் மல்லிகா ஷெராவத்!



"I am hopelessly romantic girl. I like him (Narendra Modi). I am not interested in Rahul Gandhi," she added.

-http://www.dnaindia.com/entertainment/1898295/report-am-a-hopelessly-romantic-girl-i-like-narendra-modi-mallika-sherawat

மல்லிகா ஷெராவத்துக்கு ராகுல் காந்தியை பிடிக்காதாம். நரேந்திர மோடியைத்தான் பிடிக்குமாம். சதை வியாபாரம் செய்து வரும் மல்லிகா ஷெராவத்துக்கு நரேந்திர மோடியை பிடித்ததில் ஆச்சரியமில்லை. மல்லிகா ஷெராவத் தனது சதையை நம்பி படங்களில் நடிக்கிறார். நரேந்திர மோடி பல முஸ்லிம்களின் சதையை கிழித்து அதன் மீது ஆட்சி செய்கிறார். ஜாடிக்கு ஏத்த மூடிதான்.

இந்த நாட்டு விடுதலைக்காக பாடுபட்ட, பல ஏழைகளின் கண்ணீரை துடைத்த மல்லிகா ஷெராவத் நரேந்திர மோடிக்கு பிறந்த நாள் வாழ்த்து கூறியதால் மோடி ரசிகர்கள் மிகவும் மன மகிழ்ந்துள்ளார்களாம். மோடி அமைச்சரவையில் ஒருகால் ஷெராவத்துக்கு அமைச்சர் பதவி கொடுத்தாலும் கொடுக்கப்படலாம்.

வாழ்க பாரதம். இதே போல் வளர்க மோடியின் புகழ். :-)

-------------------------------------------

மோடியும் ஷெராவத்தும் சந்தித்துக் கொண்டால் இப்படி பேசிக் கொள்வார்களோ!

நரேந்திர மோடி; மல்லிகா! நீ நடித்த 'மர்டர்' படம் பார்த்தேன். நன்றாக இருந்தது'

மல்லிகா ஷெராவத்: நானும் நீங்கள் குஜராத்தில் டைரக்ட் பண்ணிய பல 'மர்டர்களை' பார்த்துள்ளேன். ரியலி சூப்பர்.

-------------------------------------------

குஜராத் ஒளிர்கிறது......

எடைகுறைவாக பிறக்கும் குழந்தைகளின் இந்திய சராரசி 27% மட்டுமே ஆனால் குஜராத்தில் எடை குறைவாக பிறக்கும் குழந்தைகள் சதவீதம் 33%.

இதே போன்று 2011 UNICEF புள்ளிவிபரப்படி குஜராத்தில் பிறக்கும் 1000 குழந்தைகளில் 50 குழந்தைகள் மரணமடைந்துவிடுகின்றன.

பிறக்கும் 1000 குழந்தைகளில் மரணமடையும் குழந்தைகளின் எண்ணிக்கை மற்ற மாநிலங்களில்

ஜார்கண்ட்டில் - 46
பஞ்சாப் - 41
டெல்லி - 35
மேற்கு வங்காளம் - 35
மகாராஷ்டிரா - 33
தமிழ்நாடு - 31
கேரளா - 12

இந்தியாவின் முன்னேறிய மாநிலங்களாக பல விதங்களிலும் இருப்பது தமிழ்நாடு, கேரளா, கர்நாடாக போன்ற தென்மாநிலங்களும் மகாராஷ்டிரா, மேற்கு வங்காளம் போன்ற வட மாநிலங்களும் தான்.

உண்மையில் குஜராத் போட்டியிடுவது பீகார், உத்திரபிரதேசம், மத்திய பிரதேசம் போன்ற பின் தங்கிய மாநிலங்களுடன் தான்.

ஹரியானா - 54
பீகார் - 56,
சட்டீஸ்கர் - 57,
அஸ்ஸாம் - 64
மத்திய பிரதேசம் - 70

மோடியிடம் மத்திய ஆட்சியைக் கொடுத்தால் முழு இந்தியாவையும் குஜராத்தாக மாற்றி விடுவார். இதற்காகத்தான் நம் நாட்டு இந்துத்வாவாதிகள் மோடியை மத்தியில் அமர்த்த அல்லும் பகலும் பாடுபட்டு வருகின்றனர்.

போலீஸ் ஃபக்ருதீனும் தின மலரும்!

தினமலருக்கு ஒரு வாரத்துக்கு சுடச்சுட பொய் செய்திகளை தருவதற்கு போலீஸ் ஃபக்ருதீன் மேட்டர் கிடைத்து விட்டது. இனி உளவுத் துறை சொன்னது, காவல் துறை சொன்னது என்று எந்த அளவு இஸ்லாமியர்களையும் இஸ்லாத்தையும் இந்த பிரச்னைகளில் சிக்க வைக்கலாம் என்று தினமலர் குழு யோசித்துக் கொண்டிருக்கும்.

போலீஸ் ஃபக்ருதீன் உண்மையான குற்றவாளியாக இருந்திருந்தால் சட்டம் அவருக்கு தூக்கு தண்டனை கொடுக்கட்டும். அப்போதுதான் இந்த தீவிரவாத செயல்கள் ஒரு முடிவுக்கு வரும். சாதி மத வித்தியாசம் பாராமல் நம் நாட்டு மக்கள் சுதந்திரமாக வெளியில் வர இது போன்ற தண்டனைகள் அவசியம். அதை நான் மறுக்கவில்லை.

ஆனால் செய்தி வெளியிட்ட ஒரு மணி நேரத்தில் தின மலரில் இந்த செய்திக்காக 100 க்கு மேற்பட்டவர்கள் பின்னூட்டம் அளித்துள்ளார்கள். எல்லா விலாசமும் வழக்கமாக தினமலரில் வாசகர் கடிதத்தில் வரும் பெயர்களே... அனைத்திலும் சொல்லி வைத்தாற்போல் 'இந்த கூட்டத்தை ஒழிக்கனும்', 'இஸ்லாம் வன்முறை மார்க்கம்', 'சவுதி அரேபியா உலகம் முழுவதும் தீவிரவாதத்தை பரப்புகிறது', 'முஸ்லிம் தீவிரவாதியை உடனே தூக்கிலிட வேண்டும்' , 'அது ஏன் எங்கு குண்டு வெடித்தாலும் முஸ்லிம்களே மாட்டுகின்றனர்' எனற ரீதியில் நுற்றுக்கு மேற்பட்ட கடிதங்கள் ஒன்றிரண்டு மணிகள் வித்தியாசத்தில். தின மலரில் வேலை செய்யும் ஆபீஸ் பாயிலிருந்து நிறுவனர் வரை அனைவருக்கும் 20 போலி ஐடிகள் இருக்கும் என்று நினைக்கிறேன். அவர்களே இது போன்ற நச்சுக் கருத்துக்களை தமிழக மக்களின் கருத்தாக பரப்ப முயற்சிக்கின்றனர். இந்த வெறுப்பை விதைத்து மோடிக்கு ஆதரவை அதிகரிக்க செய்யலாம் என்பது தினமலரின் நினைப்பு.

ஆனால் பார்பனர்களைத் தவிர இந்து பிற்படுத்தப்பட்ட மக்கள் இந்த சூழ்ச்சிகளை நன்கு அறிந்து வைத்தே உள்ளனர். நம்மோடு சகோதர பாசத்தோடு பழகி வரும் இந்த முஸ்லிம்கள் இது போன்ற ஈனச் செயல்களை செய்ய மாட்டார்கள் என்பது பெரும்பான்மை இந்து சகோதரர்களுக்கும் தெரியும். எனவே தான் தினமணி, தினமலரில் வரும் செய்திகளை படித்து விட்டு சிரித்து விட்டு சென்று விடுகின்றனர்.

அதே தின மலரில் அந்த செய்திக்கு கீழ் வந்து சில பின்னூட்டங்ளையும் பார்ப்போம்.

போலீஸ் பாக்ருதீனை நேற்று ஆந்திராவில் பிடித்ததாகவும் இன்று சென்னையில் பிடித்ததாகவும் தினமலர் செய்தி தருகின்றது. இவர்கள் நான்கு மாதங்களாக போலீஸ் பிடியில் உள்ளதாக வாசகர் ஒருவர் எழுதுகின்றார். அப்பாவி வட இந்திய வாலிபர்களை ஷூட் செய்து அனைத்து கொள்ளை வழக்கு பைல்களையும் மூடியதுபோல் இவர்களை முடித்து அனைத்து BJP யை சேர்ந்தவர்கள் கொலை பைலையும் மூடிவிடலாம் என போலீஸ் நினைக்கலாம். மேலிட பிரஷ்ஷர் அவ்வாறு இருக்கலாம். தீவிரவாதிகள் மத வேறுபாடன்றி ஒழிக்கப்படவேண்டும். முஸ்லிம் பெயரில் உள்ளதாக கூறப்படும் தீவிரவாதிகள் மதம் மாறி வந்தவர்களாகவே உள்ளனரே அது ஏன்? சமூக ஆர்வலர்கள் இதை பற்றி யோசித்தால் நல்லது.

Sound Saroja - Thangachimadam,இந்தியா
05-அக்-201313:25:26 IST Report Abuse

--------------------------------------------------------

செய்தி வெளியாகி 2 மணி நேரத்திலேயே 100 க்கும் மேற்பட்ட கருத்துக்கள் வழக்கமாக எழுதும் அதே நபர்கள் அதே காங்கிரஸ் திமுக எதிர்ப்பு அதிமுக பிஜேபி ஆதரவு வசனங்கள் இது எப்படி சாத்தியம்

-skr - - kuwait,குவைத்
05-அக்-201313:56:19 IST Report Abuse

நானும் கடந்த இருபது வருடங்களாக பார்த்து வருகிறேன். கொலை, கொள்ளையில் அதிகம் பிடிபடும் முஸ்லிம்களில் அதிகமான பேர் புதிதாக இஸ்லாத்தை ஏற்றுக் கொண்டவர்களாக இருப்பதை பார்த்து ஆச்சரியப்படுகிறேன். இமாம் அலியிலிருந்து இந்த கதை தொடர்கிறது. மதம் மாறுபவர்களை மிரட்டுவதற்காக காவல் துறை அதிகாரிகள் திட்டமிட்டு இவர்களை வழக்குகளில் சிக்க வைக்கிறார்களா? அல்லது இந்துத்வாவாதிகளே இஸ்லாத்துக்கு மாறுவதாக நடித்து இஸ்லாத்தை களங்கப்படுத்த முயற்ச்சிக்கிறார்களோ என்று நான் சந்தேகிக்கிறேன். முஸ்லிம் பெண்களை காதலித்து பிறகு அவர்களை நடுத் தெருவில் விட்டுச் சென்ற பல இந்துத்வா வாதிகளின் செயல்களை நாம் அறிவோம். இவ்வாறு செய்யச் சொல்லி முன்பு ராம கோபாலனே பகிரங்கமாக அறிவித்தது நினைவிருக்கலாம். இதனால் உண்மையை உணர்ந்து உளப்பூர்வமாக இஸ்லாத்தில் தினமும் இணைபவர்களுக்கும் இந்த நடிகர்கள் சங்கடத்தை உண்டு பண்ணுகிறார்கள். எனவே புதிதாக இஸ்லாத்தை ஏற்ற சகோதரர்களை நாம் தொடர்ந்து நமது கண்காணிப்பிலேயே வைத்திருக்க வேண்டும். கலிமா சொல்லிக் கொடுத்ததோடு நமது கடமை முடிந்து விட்டதாக எண்ணி விடாமல் அவர்களின் செயல்பாடுகளையும் சில ஆண்டுகளாவது நாம் கூர்ந்து கவனித்து வர வேண்டும். அவர்களின் நிரந்தர வருமானத்திற்கு நம்மாலான உதவிகளை செய்ய வேண்டும். இல்லை என்றால் அவர்களின் வறுமையை பயன்படுத்தி இஸ்லாத்தை களங்கப்படுத்த இஸ்லாமிய எதிரிகள் முயற்சிக்கலாம். தற்போதய கால கட்டத்தில் இது மிக அவசியமாக படுகிறது.

ஏனெனில் மோடியை பிரமராக்கி பார்க்க வேண்டும்: அழிந்து கொண்டிருக்கும் வர்ணாசிரமத்தை எப்படியாவது தடுத்து நிறுத்திவிட வேண்டும் என்று தினமலர் கும்பல் இரவும் பகலும் தீயாக வேலை செய்து கொண்டிருக்கிறது. அவர்களின் சதித் திட்டம் வெற்றியடைய நாம் காரணமாகி விடாமல் விழிப்புடன் இருக்க வேண்டும்.

ஆடிட்டர் ரமேஷ் கொலை நடந்த சில நாளிலேயே ஒரு பெண் தீயிட்டு தற்கொலை செய்து கொண்டதாக நாம் செய்திகளில் பார்த்தோம். அதன் பிறகு அதை பற்றிய செய்தியையே காணோம். அவரது மனைவி தீ குளிக்காமல் வேறொரு பெண் ஏன் தீ குளித்தார்? அவருக்கும் ஆடிட்டர் ரமேஷூக்கும் என்ன தொடர்பு? அந்த பெண் இறந்தது தற்கொலையா? அல்லது திட்டமிட்ட கொலையா? பெண் விவகாரத்தால் அவரது கொலை நடந்ததா? என்ற ரீதியில் விசாரிததிருந்தால் என்றோ கொலையாளி பிடிபட்டிருப்பான்.

ஆனால் பெரும்பாலான ஊடகங்களும், காவல்துறையின் சில கறுப்பு ஆடுகளும் எந்த வகையிலாவது இஸ்லாத்தை இதில் சம்பந்தப்படுத்த பெருத்த முயற்சி எடுத்து வருகின்றனர்.

நான் மீண்டும் சொல்கிறேன்: இது போன்ற கொலைகளை செய்தது ஃபோலீஸ் பக்ருதீனும், அவனது கூட்டாளிகளுமாக இருக்கும் பட்சத்தில் பொது மக்கள் முன்னிலையில் தூக்கிலிட வேண்டும். அதைத்தான் முஸ்லிம்களும் விரும்புகின்றனர். தமிழக முஸ்லிம்கள் என்றுமே தீவிரவாதத்தை ஆதரித்ததில்லை. ஆனால் யாரையோ காப்பாற்ற இவர்களை பகடைக்காயாக பயன்படுத்தி அப்பாவிகளுக்கு சிறை தண்டனை பெற்று தந்தால் நம் தமிழக காவல்துறையின் மீதும் நீதித் துறையின் மீதும் மக்கள் நம்பிக்கை இழப்பர். முதல்வர் இதில் சிறப்பு கவனம் செலுத்தி உண்மைக் குற்றவாளிகளை சட்டத்தின் முன் நிறுத்துவாராக....

மேலும் தினமலரும், தின மணியும் தினம் ஒரு பொய் செய்திகளாக போட்டு வருவதால்தானோ என்னவோ தற்போது 'தமிழ் தி இந்து' வின் பக்கம் பெரும்பாலோரின் பார்வை திரும்பியுள்ளது. சமீப காலமாக தினமலரின் சர்குலேஷன் குறைந்துள்ளதாக ஒரு செய்தி இணையத்தில் பார்த்தேன். இப்படியே பொய் செய்திகள் தின மலரில் தொடர்ந்தால் பார்ப்பனர்களும், இந்துத்வாவாதிகளும் மட்டுமே படிக்கும் ஒரு பத்திரிக்கையாக மதிப்பிழக்கும் அபாயம் உள்ளது. அதை நாமும் வரவேற்போம்.. :-)

-------------------------------------------------------
புதிய தலைமுறை பிடிபட்ட தீவிரவாதிகள் கைது செய்யப்பட்டு ஒருவர் மருத்துவ மனையில் அனுமதிக்கப்பட்டுள்ளதாக செய்தி தருகிறது.



ஆனால் ஒரு மாலைப் பத்திரிக்கையோ அந்த செய்தியை எப்படி கொடுத்துள்ளது பாருங்கள். இதுதான் இந்திய ஊடகத் துறை....