மருதநாயகம்(முகமது யூசுப்கான்)-2

காவிரியைக் காத்த கான்சாகிபு!

மருதநாயகம் கட்டுப்பாட்டில் மதுரை திரு நெல்வேலி போன்ற பகுதிகள் ஆங்கிலேயர்களால் ஒப்பந்தத்தின் அடிப்படையில் கொடுக்கப்படுகிறது. ஆற்க்காட்டு நவாபையே எதிர்க்கும் அளவுக்கு தனது படை வலிமையை குறுகிய காலத்திலேயே பெருக்கிக் கொண்டார யூசுப்கான். திருநெல்வேலிச் சீமையில் பூலித்தேவரின் புரட்சி ஒரு பக்கம். மாபூஸ்கானின் கொள்ளை கலகங்கள் ஒரு பக்கம். நவாப் முகமது அலியின் எதிர்ப்பு ஒரு பக்கம். இடையறாத போர்கள் நடைபெற்ற இந்த நேரத்தில் பிரெஞ்சுப் படை வீரர்கள் காவிரி நதியின் கால்வாய்கள் அணைக்கட்டுகள் ஆகியவற்றை இடித்து தகர்த்து தமிழகத்து விவசாயத்தை .

கெடுக்க நினைத்தனர். தஞ்சை மாவட்டத்தின் பயிர் நிலங்களெல்லாம் காவிரிப் பாய்ச்சலை நம்பி இருப்பதால் முத்தரசநல்லூர் என்ற இடத்தில் பிரெஞ்சுப் படையை மிகுந்த படை பலத்துடன் எதிர்க்கிறார் யூசுப்கான். இவரின் எதிர்ப்பை சமாளிக்க முடியாமல் காவிரி அணைகளை உடைக்கும் முயற்ச்சியில் தோல்வியைத் தழுவுகின்றனர் பிரெஞ்சுப் படையினர்.

காவிரிக்கு கரை கட்டிய கரிகாலன் காலத்திலிருந்து கான்சாகிபின் காலம் வரை காவிரியின் கல்லணை காப்பாற்றப்பட்ட வரலாறு தமிழர் வரலாற்றிலே முக்கியத்துவம் பெற்று விட்டது.

ஆதாரம் : கான்சாகிபு கம்மந்தான்-பக்கம் 25,26.

மதுரை மீனாட்சி அம்மன் கோவிலை சீரமைத்த யூசுப்கான்!

மதுரை மாநகரம் பரகத்துல்லாஹ் என்பவரின் நிர்வாகப் பொறுப்பின் கீழ் இருந்து வந்தது. அவர் மதுரைக் கோவிலில் ஒரு முஸ்லிம் துறவிக்கு தங்கிக் கொள்ள அனுமதியை வழங்கினார்.அந்த முஸ்லிம் சந்நியாசி(பக்கீர்) கோவிலின் முன்னால் சிறிய பள்ளிவாசலைக் கட்ட முயன்றார். மதுரை மக்கள் இந்த செய்கையால் கொதிப்புற்று கிளர்ச்சி செய்தனர். இந்த வேளையில்தான் காப்டன் காலியாட்டும் யூசுப்கானும் மதுரையைக் கைப்பற்றுகின்றனர்.

மதுரை மீனாட்சி அம்மன் கோவிலின் சொத்துக்களை தவறாக பயன்படுத்திய பரக்கத்தல்லாஹ்வை அதிகாரத்திலிருந்து நீக்கினார் யூசுப்கான். கோவில் சொத்துக்களையும் கோவில் வருமானங்களையும் கோவிலின் பராமரிப்புக்கு செலவிட துரித நடவடிக்கை எடுத்தவர் கான்சாகிபு. மதுரைக் கோவிலின் முன்பு குழப்பம் விளைவித்தக் கொண்டிருந்த முஸ்லிம் பக்கிரியை கோவிலின் வாசலிலில் இருந்து அப்புறப்படுத்தி இந்து மக்களின் நியாய உணர்வுக்கு ஏற்ப செயல்பட்டார் யூசுப்கான். 'பாண்டியன் கிரானிக்கள்' என்ற தலைப்பில் 'டெய்லர்' என்பவர் இதனை தனது நூலில் குறிப்பிட்டுள்ளார்.

- w.taylor- Oriental Historical Manuscripts-1835-volume 1-page 42 and 44.

விவசாயிகளின் வேதனையை போக்கியவர்!

நாட்டில் அமைதியை ஏற்படுத்தியதோடு குழப்ப காலங்களில் காலி செய்யப்பட்ட கிராமங்களில் மக்களைக் குடியேறச் செய்ய கான் சாகிபு ஊக்கம் அளித்தார்.விவசாயத்திற்கு முன்பணம் அளித்து வாய்க்கால்களை செப்பனிட்டார்.சாக்கடைகளை கருங்கற்களால் கட்டினார்.காடுகளை அழித்து பெரும் நிலப்பகுதிகளை விவசாயத்திற்க்கு ஏற்றதாக்கினார்.

உண்மையில் மேற்கொள்ளப்பட்ட நலன் பயக்கும் நடவடிக்கைகள் பொருளாதாரத்தை விருத்தி செய்வதில் விவசாயிகளுக்கு பெரிதும் உதவியது.வணிகமும் உற்பத்தியும் ஊக்குவிக்கப்பட்டன. பாண்டியர்கள் சோழர்களைப் போன்று கான்சாகிப் வணிகர்களுக்கென்று அமைக்கப்பட்ட ஓய்வு விடுதிகளை தகுந்த முறையில் பராமரிக்க அவைகளை கிராமக் குழுக்களின் கண்காணிப்பின் கீழ் விட்டு வைத்தார்.

யூசுப்கானின் வீர மரணத்திற்குப் பிறகு அதற்கென்று ஒதுக்கப்பட்ட மானியங்களை அவரவர் தாங்களே தங்கள் சொந்தச் செலவுகளுக்கு எடுத்துக் கொண்டு பராமரிக்காமல் போனதால் காலகதியில் அவை அழிந்தன.

“As the Pandyas and the Chalas did in early times, Yousuf Khan constructed rest houses for the merchants and gave security of travel”

-k.Rajayyan, History of Madurai page 210.

தவறுகளும் தண்டனைகளும்!

நாட்டின் நிர்வாகம் எத்தகைய கொடுமைக் குற்றத்துக்கும் உள்ளாகாமல் உபரி வருவாய் பெரும் நிலைக்கு வந்தது. குற்றம் செய்தவர்கள் தண்டனையிலிருந்து தப்புவதற்க்கான வழி வகைகள் இல்லாதபடி நிதி நிர்வாகம் எத்தகைய குறைபாடுகளுமின்றி இருந்தது. பிற்கால மக்கள் அவரது நிர்வாக முறைகளை மறுபடியும் நடைமுறைபடுத்த வேண்டுமென்று கோருமளவிற்கு கான்சாகிபின் நடவடிக்கைகள் சிறப்புடன் அமைந்தது.

-கு.ராஜய்யன், தமிழக வரலாறு, பக்கம் 113,114.

மக்களை பேட்டி கண்ட மன்னர்!

மக்களின் மகிழ்ச்சியில் தனது மகிழ்ச்சி இருப்பதாக பறை சாற்றிய யூசுப்கான் தன் பாசறையை விட்டு வெளியே போய் நிலபுலன்களில் வேலை செய்து கொண்டிருந்தவர் குறைகளை கண்டறிந்து அவர்களைத் தேற்றினார்.

மன்னரைத் தரிசிக்க மக்கள் வரும் நிலையை மாற்றி மக்களை நேரில் சென்று சந்தித்து பேட்டி கண்ட மன்னர் கான்சாகிப்.

-ஜெயச்சந்திரன், புரட்சி தளபதி யூசுப்கான், பக்கம் 41

நெசவாளர் நலிவை நீக்கிய கான்சாகிப்!

மதுரையைச் சேர்ந்த நெசவாளர்கள் (சௌராஷ்டிர இன மக்கள்) தயாரிக்கும் துணிகள் உள் நாட்டிலும் கும்பெனியாரால் வெளிநாட்டுக்கும் ஏற்றுமதி செய்யப்படத்தக்க அளவில் சிறப்பாக இருந்தது. ஆனால் அந்த மக்களோ வறமையில் வாடினார்கள். நெசவுத் தொழிலுக்குப் போதிய பணமின்றி பரிதவித்தனர். இதனை அறிந்த கான்சாகிப் அவர்களுக்கு முன்பணமாக உதவிகளை வாரி வழங்கினார்.

'மதுரைச் சாலியருக்கு திரவிய சகாயம் செய்து நெசவுத் தொழிலக்கு உயிர் ஊட்டினார் கான்சாகிப்' என்று எம்.எஸ்.சுப்ரமணிய ஐயரும்தெரிவித்தள்ளார்.

-R. SATHIANATHAIER, A POLITICAL AND CULTURAL HISTORY OF INDIA, VOLUME 3, 1952 PAGE 100,113,114.

'மதுரைச் சீமைக்கு வந்து துஷ்டர்களை அடக்கி கான்சாகிப் கம்மாந்தான் நல்லரசு புரிந்தான். ஆற்றலைப்போல் அறிவும் இவருக்கு வாய்த்திருந்தது. பட்சபாதம் இன்றி, சமய வெறியும் இன்றி நீதி வழங்கியதால் பொது மக்களின் ஆதரவு இவனுக்குக் கிடைத்தது'. என்று கான்சாகிபைப் பற்றி ஸ்ரீஆச்சாரியா தெரிவிக்கிறார்.

-வீரத் தமிழகம், சென்னை, 1958, பக்கம் 123

மருதநாயகம்(முகமது யூசுப் கான்)-1

இவரைப் பற்றி இன்று வரை பல வதந்திகள் உலவுகின்றன. இவர் நல்லவரா! கெட்டவரா! இவர் வெள்ளையனை எதிர்த்ததால் சுதந்திரப் போராட்ட வீரரா? கமலஹாஸன் எப்படி இவருடைய வாழ்க்கையை படமாக எடுக்கலாம்? மதுரையைச் சுற்றி பல போர்கள் புரிந்தவரல்லவா? சில காலம் வெள்ளையர்களோடு நட்பாகக் கூட இருந்தாரே! பூலித்தேவனோடு மல்லுக்கு நின்றாரே! என்றெல்லாம் பல கேள்விகள் இவரைப் பற்றி வந்து கொண்டே இருக்கிறது.. இவருடைய வாழ்க்கையில் அப்படி என்னதான் மர்மம் இருக்கிறது என்பதை பல தளங்களில் சேகரித்த செய்தியை கோர்வையாக(பலருக்கும் தெரிந்த செய்திகள்தான்) உங்களோடு பகிர்ந்து கொள்கிறேன். தகவல்களில் ஏதேனும் தவறுகள் இருந்தால் சுட்டிக் காட்டுங்கள் திருத்திக் கொள்கிறேன்.

பாடல்களிலும் சில ஊர்களிலும் மருதநாயகம்:

மகுட முடிடால் விருதிலங்க

மதயானை வளர்த்தெடுத்த வரிவேங்கைக் குட்டி

விகடமிடுவோர்கள் குல காலன்

விசையாலீம் குலம் விளங்க வரு தீரன்

சிறந்த வெள்ளைக் காரனிடத்தில்

சீராய் மூன்றரை வருஷம் பிள்ளையாய் வளர்ந்தான்

அவனை மோசஞ் செய்ய நினைத்தான்

அப்போதே துரத்தி விட்டான் முசலாலி(பிரெஞ்சு அதிகாரி)

என்று மருதநாயகதின் புகழ்பாடும் பாடல்கள் பல காணக்கிடைக்கிறது. -நன்றி செ.திவான்

திருவில்லிப்புத்தூர் அருகே மகமதுகான்சாகிப்புரம் என்று அழைக்கப்பட்ட ஊரே தற்போது மம்சாபுரம் என்றழைக்கப்படுகிறது.-ந.ராசையா,மாமன்னன் பூலித்தேவன்,1992,பக்கம்116

தெற்கட்டான் செவ்வலுக்குத் தென்புறம் ஒரு பெரிய மேடு இருக்கிறது. இப்போது அந்த இடத்தை 'கான்சாமேடு' என்று அழைத்து வருகின்றனர்.-ந.ராசையா,இந்திய விடுதலைப் போரின் முதல் முழக்கம்,சென்னை,1985,பக்கம் 42.

முகமது யூசுப்கான் மக்களால் கான்சாகிப் என்று அழைக்கப்பட்டார். மதுரையில் சில தெருக்கள் அவரது பெயரால் அமைந்தன.- ஹுசைனி,பாண்டியர்களின் வரலாறு,காரைக்குடி, 1962,பக்கம் 178.

மதுரை தெற்கு மாசி வீதிக்கும், தெற்கு வெளி வீதிக்கும் இடையில் உள்ள கான்சா மேட்டுத்தெரு இவரின் பெயரை சொல்லிக் கொண்டிருக்கிறது. மதுரை கீழவெளி வீதிக்கும் இராமநாதபுரம் சாலைக்கும் மூன்று சாலைக்கும் இடையில் உள்ள இடம் இவர் பெயரால் 'கான்பாளையம்' என்றழைக்கப்படுகிறது. - மஹதி, மாவீரர் கான்சாகிப், சென்னை 1161,பக்கம் 77.

வீராணம் ஏரியிலிருந்து பாசனத்திற்காக வெட்டப்பட்ட இடம் இவர் பெயரால் 'கான்சாகிப் வாய்க்கால்' என்று அழைக்கப்பட்டது.- எஸ்.பாலசுப்ரமணியம்,தேவி வார இதழ்.

இப்படி பல சிறப்புகளையுடைய மருதநாயகம் தொடர் தேவி இதழிலும் முன்பு வந்தது. ஆனால் அதன் ஆசிரியர் தொடர் சுவையாக இருக்க வேண்டும் என்பதற்க்காக ஒன்றிரண்டு மிகைப்படுத்தலும் சேர்க்கப்பட்டதாக முன்பு படித்திருககிறேன்.

இனி இந்த வரலாற்று நாயகனைப் பற்றி விக்கிபீடியா என்ன சொல்கிறது என்று முதலில் பார்த்து விடுவோம்.

சிவகங்கை அருகே உள்ள பனையூர் என்ற கிராமத்தில் 1725ம் ஆண்டு மருதநாயகம் வெள்ளாளர் இனத்தில் பிறந்தார்.இளமை கல்வி அறிவு இல்லாத யாருக்கும் அடங்காத மருதநாயகம் சிறுவயதில் பாண்டிச்சேரி சென்றார். இஸ்லாமிய சமயத்தைத் தழுவியதன் காரணமாக முகமது யூசுப் கான் என்று அறியப்பட்டார். பாண்டிச்சேரியில் அவர் மாஷா என்ற போர்த்துகீசியப் பெண்ணைத் திருமணம் செய்துகொண்டார். அவர்களுக்கு ஓர் ஆண் குழந்தை பிறந்தது.

1752ல் கான் சாஹிப் ஆங்கிலக் கிழ்க்கிந்தியக் கம்பெனியில் சுபேதரராகப் பணியாற்றினார். வரலாற்றுச் சிறப்புமிக்க ராபர்ட் கிளைவின் ஆற்காடு முற்றுகையின் போது கிளைவ் பெற்ற மகத்தான வெற்றிக்கு கான் சாஹிப் முக்கிய காரணமாக இருந்தார். பிரஞ்சுக்காரர்களுடன் நடந்த பல்வேறு போர்களில் ஆங்கிலேயர்களின் வெற்றிக்கு கான் சாஹிபின் பங்கு மகத்தானது. அதனால் ஆங்கிலத் தளபதி மேஜர் லாரன்ஸ் கான் சாஹிபை சிப்பாய் படைகளுக்கு தளபதி [ கமாண்டர் ] ஆக்கி தங்கப் பதக்கம் பரிசு வழங்கினார். அது முதல் அவர் கம்மாந்தன் கான் சாஹிப் என அழைக்கப்பட்டார் கவர்னர் ஆதல் கான் சாஹிப் 1757ல் மதுரை கவர்னர் ஆக ஆங்கிலக் கிழக்கிந்தியக் கம்பெனியரால் நியமிக்கப்பட்டார்.அவர் வரிவசூலை மிகச் சிறப்பாகச் செய்ததால் திருநெல்வேலிக்கும் கவர்னராகப் பதவி உயர்வு பெற்றார்.

இது சமயம் தெற்கத்திப் பாளையக்காரர்களை அடக்கி கப்பம் பெற ஆங்கிலக் கிழக்கிந்தியக் கம்பெனியர்க்கும் ஆற்காடு நவாபுவுக்கும் பேரருதவி புரிந்தார். பொறாமை கொண்ட ஆற்காடு நவாபு முகமது அலி., கான் சாஹிப் வசூலிக்கும் கிஸ்தித்தொகையை தன்னிடமே செலுத்த வேண்டுமென கம்பெனியரிடம் வாதாடினார். அனுமதியும் பெற்றார். இதனை ஏற்றுக்கொள்ளாத கான் சாஹிப் ஆற்காடு நவாபிற்கும் கம்பெனிக்கும் எதிராகப் போர்க் கொடி தூக்கி அவர்களது பகைமையினைப் பெற்றார். கான் சாஹிப் தன்னிச்சையாக மதுரை சுல்தானாக தன்னை பிரகடனப்படுத்திக் கொண்டார். கான் சாஹிபின் இறுதி நாட்கள் 1764ம் ஆண்டில் கான் சாஹிபின் மதுரைக் கோட்டைமீது கம்பெனிப் படைகளும் நவாபின் படைகளும் முற்றுகையிட்டன. கான் சாஹிபின் நண்பர் சீனிவாச ராவ் மருத்துவர் பாபா சாஹிப் மற்றும் ராணுவ ஆலோசகர் மார்ச்சன்ட் ஆகியோரது சதிச் செயலால் கான் சாஹிப் கைது செய்யப்பட்டு மதுரையில் உள்ள கம்பெனியாரின் ராணுவ முகாம் முன்பு 15-10-1764ல் ஆற்காட்டு நவாபால் தூக்கிலிடப்பட்டார். அவரது உடல் சம்மட்டிபுரத்தில் புதைக்கப்பட்டது. இன்றும் கூட இவரின் சமாதியை அங்கு செல்பவர்கள் காணலாம்.

· Yusuf khan the rebel commander by S.Charles Hill

· ↑ எம்.எஸ்.சுப்பிரமணிய அய்யர் எழுதிய வீர விலாசம் எனும் நூல்.

-நன்றி விக்கி பீடியா

He was born a Hindu, acquired knowledge from a Christian and died as a Muslim and buried at Sammatipuram, Madurai. History has many stories about this remarkable man, popularly known as Khansa, an abbreviation of Khan Sahib. As it is said and believed that the fall of a great man is always great and tragic, so it was with this soldier-cum-warrior and a ruler who was hanged as a rebel.

Birth

Khan Sahib was born at Panaiyur in Ramanthapuram Country to a Hindu couple as Marudhanayagam. He ran away from home and took service under a European for three years. Captain Brunton, an European, helped him to gain knowledge through education following which he served the Nawabs and rose to the level of subedhar. In 1748, he embraced Islam, according to D. Devaraj, postgraduate teacher in Tamil of Pasumalai Boys Higher Secondary School, who has authored 16 books on Madurai's history.

Quoting from the `History of Tamil Nadu' authored by R. Aalalasundaram, Mr. Devaraj said Muhammed Yusuf Khan was a sepoy under Robert Clive and Lawrence and was soon promoted as the commandant by the East India Company given his loyalty.

However, there is apparently a controversy as to whether Yusuf Khan was raised to the level of Commandant in Nawab's army or in the East India Company.

In 1735, Nayak dynasty came to an end when Nawab Muhammed Ali captured Madurai with the help of Col. Heron, who later went on to become the Madurai Governor and collected taxes.

Col. Heron's work was dissatisfactory and he was soon replaced by Muhammed Yusuf Khan. In Mr. Devaraj's opinion, though Yusuf Khan ruled for a brief stint, he was one of the best rulers believing in social harmony. He provided aid to Meenakshi Amman Temple and supported the weaving trade of Sourashtra community.

Yusuf Khan's executive ability is indicated in the report from Colonel Fullarton - dated March 1785 and entitled `A view of the English interests in India' published in Madras in 1867. It says: "In Tinnevelly (now Tirunelveli) and Madura, his whole administration denoted vigour and effect. His justice was unquestioned, his word unalterable; his measures were happily combined and firmly executed, the guilty had no escape from punishment."

Yusuf Khan had the audacity to wage a war against the King of Travancore without the consent of the company. Consequently, he was asked to pay a lease amount of Rs. five lakh to the Nawab. But he refused and joined hands with the French and also hoisted the French flag on the Madura Fort.

When Governor Pigot of Chennai called Khan Sahib for a meeting, he refused evoking the wrath of the East India Company. Captains Monson and Breston waged a battle against Yusuf Khan in 1762 but failed miserably.

Captain Compell hatched a treacherous plot and captured the fort on October 13, 1764. Khan Sahib was hanged on October 16 following an order.

He was ignominiously hanged near the camp about two miles to the west of Madura and his body was buried at Samattipuram. A small square mosque was erected over the tomb that was later known as `Khan Sahib's pallivasal.'

Magic or divine

Even death did not come to him easily. When he was hanged neither the body came down nor the rope went up. He was alive and fell down two times. And finally the besiegers succeeded in the third attempt.

It was believed that Yusuf Khan had a magic golden ball under his arm that saved him from the first two attempts. Others say it was his yoga-training that saved him twice. Few others believed that some divine power was at work, Mr. Devaraj said and added that the dargah in his memory was built in 1808 by Sahiah Imam.

K. Johnny, whose family has been taking care of the dargah for seven generations, said fearing that Yusuf Khan would again come alive, the hangmen chopped his body into four pieces and buried them at various places -- his head in Tiruchi, legs in Periyakulam, hands in Palayamkottai and body in Madurai.

In remembrance of Yusuf Khan, few places are named after him. Like Khan Palayam in Tirunelveli, Kansapuram in Kadayanallur and Mamsapuram in Srivilliputhur. In Madurai, Kansa Mettu Theru was formed when British damaged the palace of Yusuf Khan.

S.S.KAVITHA – thanks the hindu daily.

-தொடரும்

ஏ.ஆர்.ரஹ்மான்-ஸ்டார் டிவி பேட்டி!

இந்தியனாகவும் இருந்து சிறந்த இஸ்லாமியனாகவும் இருக்க முடியுமா?

முடியும் என்று நமது இசைப்புயல் ஏ.ஆர்.ரஹ்மான் நிரூபித்து வருகிறார். இஸ்லாம் சொன்ன கட்டாய கடமைகள் அனைத்தையும் தன்னால் முடிந்த வரை கடைபிடித்து வருகிறார். தொழுகைக்கு இடைஞ்சல் இருக்கக் கூடாது என்பதற்காக ரிகார்டிங் அனைத்தையும் இரவிலேயே வைத்துக் கொள்கிறார். தன்னை ஈன்றெடுத்த தாய்க்காக 'மா துஜே சலாம்' தனது இனத்துக்காக 'வெள்ளைப் பூக்கள்', தனது நாட்டுக்காக 'ஜன கன மன' என்று இவர் எந்த துறைக்கு சென்றாலும் அங்கு தனது முத்திரையை பதித்து விடுகிறார். நேரம் கிடைத்தால் அவ்வப்போது இவரது பேட்டிகளை காண்பது உண்டு. அந்த வகையில் ஸ்டார் சேனலுக்கு அளித்த பேட்டியை பார்க்க நேர்ந்தது. தனது தாய்க்காக அவர் பாடிய 'மா துஜே சலாம்' என்ற பாடலை எவ்வளவு உணர்வு பூர்வமாக பாடுவதை பாருங்கள். என் கண்ணில் இருந்து ஒரு சொட்டு கண்ணீர் வந்தது. நான் பெற்ற இன்பத்தை நீங்களும் பெற பகிர்ந்து கொள்கிறேன்.

தான் கொண்டுள்ள கொள்கையில் இவர் எந்த சமரசமும் பண்ணிக் கொள்வதில்லை. அதே சமயம் இந்துக்கள், கிறித்துவர்களுக்கு மத்தியில் எந்த நேரமும் இருந்தாலும் அதே புன்சிரிப்பு. எவரிடமும் இதுவரை பகை கொண்டதில்லை. இவருடைய தொழில் தவிர்த்து இவரிடம் 'நாங்கள் பரம்பரை முஸ்லிம்கள்' என்று தவறாக விளங்கி சொல்லிக் கொண்டிருப்பவர்கள் நிறைய கற்றுக் கொள்ள வேண்டியிருக்கிறது. தனது நாட்டை நேசிக்கவும், தனது இனத்தை நேசிக்கவும், தனது குடும்பத்தை நேசிக்கவும் இஸ்லாம் ஒரு தடையே அல்ல என்பதைத்தான் அவரது வாழ்வு நமக்கு சொல்லிக் கொண்டிருக்கிறது.

மெக்காவில் பள்ளியின் உள் ஒருமுறை இவரை பார்த்திருக்கிறேன். தன்னை மறந்து தொழுகையில் ஈடுபட்டிருந்தார். தொழுகை முடிந்து அவரிடம் பேசலாம் என்று சென்றால் அதற்குள் கூட்டம் அதிகமாகவே என்னால் அவரிடம் பேச முடியவில்லை. மினாவில் நாங்கள் தங்கியிருந்த கூடாரத்துக்கு அருகில்தான் அவரும் தங்கியிருப்பதாக சொன்னார்கள். ஒரு பேட்டி எடுக்கலாமா என்று கூட அப்பொழுது யோசித்தேன். நாம் வந்தது 'ஹஜ்' செய்ய என்ற எண்ணம் வரவே ஆர்வத்தை அடக்கிக் கொண்டேன். அங்கும் அவரை சந்திக்க முடியவில்லை.

குறிப்பு;
சில நண்பர்கள் தனி மெயிலில் ரஹ்மான் தர்ஹாக்கு செல்வதையும் அவரின் சூஃபி கொள்கையையும் ஆதரிக்கிறீர்களா? என்று கேட்டிருந்தனர்.

இந்த பதிவின் நோக்கம் மார்க்க கட்டளைகளை கடை பிடிக்கும் ஒரு முஸ்லிம் நாட்டுப்பற்றுடனும், இனப்பற்றுடனும், மொழிப்பற்றுடனும் இருக்க முடியாது:மற்ற மதத்தவர்களோடு ஒருங்கினைந்து வேலை செய்ய முடியாது என்ற போக்கில் சில பின்னூட்டங்கள் வந்தது. அது தவறு. ஒரு முஸ்லிம் தனது மார்க்க கடமைகளை செய்து கொண்டே மாற்று மதத்தவரோடு சகஜமாக பழக முடியும. இதற்கு மார்க்கம் தடையில்லை என்பதை ரஹ்மான் மூலம் சொல்ல வந்தேன். அவர் தர்ஹாவுக்கு போவதும் தவறான வழிகாட்டுதல்: அதே போல்தான் சூஃபி இசமும். இவற்றில் இருந்தெல்லாம் ரஹ்மான் விலகிக் கொள்வார்: விலகிக் கொள்ள வேண்டும் என்று நாமும் பிரார்த்திப்போம்.