செசன்யாவில் கார்ட்டூனுக்கு எதிராக நடந்த பேரணி!

Chechnya holds huge rally over Charlie Hebdo cartoons

இத்தனை பிரச்னைகளுக்குப் பிறகும் திரும்பவும் நபிகள் நாயகத்தின் கார்ட்டூனை வெளியிட்ட சார்லி ஹெப்டோ பத்திரிக்கைக்கு எதிர்ப்பு தெரிவித்து செசன்யாவில் ஆயிரக்கணக்கான மக்கள் அமைதி பேரணியில் கலந்து கொண்டனர். செசன்யாவின் மத்திய பகுதியான க்ரோஷ்னியில் உள்ள மிகப் பெரும் பள்ளி வாசலில் இருந்து இந்த பேரணி புறப்பட்டது.

ரஷ்ய அதிபர் விளாடிமிர் புடின் ஒரு நாள் முன்னதாக பத்திரிக்கைகளுக்கு அளித்த பேட்டியில் 'ஆயிரக்கணக்கில் மக்கள் இந்த பேரணியில் கலந்து கொள்வார்கள் என்று எதிர்பார்க்கப்படுகிறது. இந்த பேரணியின் காட்சிகளை தொலைக்காட்சிகள் நேரடியாக ஒளிபரப்பவும் ஏற்பாடு செய்யப்பட்டுள்ளது' என்றார். அமெரிக்க எதிர்ப்பு நிலையை தற்காலங்களில் ரஷ்யா மேற்கொள்வதால் இஸ்லாமியர்களை அரவணைத்து செல்ல வேண்டிய கட்டாயத்துக்கு புடின் தள்ளப்பட்டுள்ளதாக இதனை நாம் எண்ணலாம்.

தகவல் உதவி
அல்அரபியா
19-01-2015

Post by RT.

ரஷ்ய போராட்டத்தில் 20000 க்கும் அதிகமான மக்கள்!

ரஷ்யாவில் சார்லி ஹெப்டோ பத்திரிக்கையின் நபிகள் நாயகத்தின் கார்ட்டூனுக்கு எதிர்ப்பு தெரிவித்து 20000 க்கும் அதிகமான மக்கள் போராட்டத்தில் கலந்து கொண்டனர். ரஷ்யாவின் காகஸஸ் மாநிலத்தில் மாகாஸ் என்ற நகரத்தில் இந்த போராட்டம் நடைபெற்றது.

அங்கு கலந்து கொண்ட மக்கள் அனைவரும் சார்லி ஹெப்டோ பத்திரிக்கையின் அடாத செயலை கண்டித்தனர். கருத்து சுதந்திரம் என்பதற்கும் ஒரு எல்லை இருக்கிறது. அதனை சார்லி ஹெப்டோ தாண்டி விட்டதாக பலரும் அந்த பத்திரிக்கைக்கு எதிராக கோஷமிட்டனர்.

எங்கோ ஒரு மூலையில் அரேபிய கிராமத்தில் பிறந்த காய்ந்த பேரித்தம் பழங்களைத் தின்று வாழ்வு நடத்திய ஒரு மனிதரை கேலிச் சித்திரமாக்குவற்கு ரஷ்ய மக்களும் உடன்பட வில்லை. அந்த அளவு நபிகள் நாயகத்தின் வாழ்வானது கம்யூனிஸ கோட்டைகளையும் அசைத்துப் பார்க்கிறது. என்னதான் கம்யூனிஸத்தை அந்த மக்களின் மீது ஆட்சியாளர்கள் திணித்தாலும் அதனையும் மீறி இஸ்லாம் இந்த மக்களின் வாழ்வோடு பிண்ணிப் பிணைந்துள்ளதையே இந்த போராட்டம் காட்டுகிறது.

தகவல் உதவி
washingtonpost (வாஷிங்டன் போஸ்ட்)
18-01-2015