இறைவனையும் சட்டி பானையையும் ஒப்பிட முடியுமா?

சாரங்கன்!

//ஒரு அற்புதத்தை பார்த்தல் ஒவ்வொருவருக்கும் ஒவ்வொரு அனுபவம் வரும். கடவுள் ஒரு அற்புதம். ஒரே மாதிரி இருந்தால் அதற்கு பெயர் mechanical. சட்டி பானையை பார்த்தால் தான் அனைவருக்கும் ஒரே அனுபவம் வரும்.//

சட்டி, பானையை நீங்கள் கண்களால் பார்க்கிறீர்கள். எனவே உடன் இதுதான் சட்டி, பானை என்று எவரும் ஒரு முடிவுக்கு வந்து விட முடியும். ஆனால் இறைவனும் அவ்வாறா? இறைவனை நீங்களோ அல்லது நானோ பார்த்திருக்கிறோமா?. இல்லையே..... இப்படி இறைவன் என்பவன் யார்? அவனது உருவம் எப்படி இருக்கும்? என்ற ஒன்றுமே தெரியாமல் ஆளாளுக்கு ஒரு உருவத்தை வரைந்து வைத்துக் கொண்டு 'இதுதான் கடவுள்' என்றால் அதுதான் அறிவுள்ள வாதமா?

அந்த கடவுளை பார்க்கின்ற சக்தி நமது கண்களுக்கு கொடுக்கப்படவில்லை என்று இந்து மத வேதங்களும், பைபிளும், குர்ஆனும் கூறுகிறது. ஒரு உருவத்தைக் காட் டி இதுதான் கடவுள் என்றால் நீங்கள் இந்து மத வேதங்களின் கருத்துக்கு முரணாக செல்கிறீர்கள் என்பது உங்களுக்கு விளங்கவில்லையா?

சாரங்கன் எப்படி இருப்பார் என்று எனக்குத் தெரியாது. இருந்தாலும் அவரை விட ஒரு அவலட்சணமா ன முகத் தோற்றத்தில் ஒருவரை வரைந்து 'இதுதான் சாரங்கன்' என்றால் சாரங்கனாகிய நீங்கள் கோபித்துக் கொள்ள மாட்டீர்களா?

மல ஜலத்தை சுமந்து கொண்டிருக்கும் ஒரு சாதாரண மனிதனுக்கே இவ்வளவு கோபம் வந்தால் அகில உலகங்களையும் படைத்து பரிபாலிக்கும் அந்த ஏக இறைவனுக்கு அவனது உருவத்தை சிதைத்தால் கோபம் வராதா?

//கடவுள் என்பது வெறும் பொருள் அல்ல அறிந்து கொள்வதற்கு. ஒரு மொழியால் ஒருவரை வர்ணித்து/அறிந்து விட முடியுமென்றால் அம்மொழியை விட அவர் சக்தி குறைந்தவர் தானே. கடவுள் என்பது ஒரு மிக பெரிய தத்துவம் அதை உங்களால் எம்மொழியை கொண்டும் விளக்க முடியாமல் போக வேண்டும். அப்படி இல்லை என்றால் அவர் எப்படி எல்லாவற்றையும் கடந்து இருப்பார். எல்லாவற்றையும் கடந்து இருப்பவரை மொழியோ, பார்வையோ, கேல்திரனோ, மனதோ ஆண்ட முடியாது.//

இறைவன் எப்படிப்பட்டவன்: அவனுக்குரிய இலக்கணங்கள் யாவை என்பதை எவராலும் அருதியிட்டு கூற முடியாது. அத்தகைய அறிவு நமக்கு கொடுக்கப்படவில்லை. ஆனால் உலக வேதங்களின் மூலமாக தான் யார்? தான் மனிதர்களிடம் எதிர்பார்ப்பது என்ன? தனக்குரிய இலக்கணம் என்ன? என்பதை ஆங்காங்கே இறைவனே கோடிட்டுக் காட்டுகிறான். படைத்த அந்த இறைவனே தன்னைப் பற்றி சொல்வதை நம்புவதா? அல்லது சாரங்கன் தனது கற்பனையில் உருவாக்கி வைத்திருக்கும் ஒரு கடவுளை நம்புவதா? இறைவனை நேரிடையாக பார்த்த எவருமே இந்த உலகில் நம்மோடு இல்லை. அவ்வாறாயின் அந்த கடவுளை அறிந்து கொள்ளும் ஒரே வழி அந்த இறைவன் கொடுத்த வேதங்கள்தான்.

இறைவனை நேராக பார்க்க வேண்டும் என்று இறைதூதர் மோசே இறைவனிடமே கேட்டார். 'எனது ஒளியின் ஒரு பகுதியை அந்த மலையின் மீது பாய்ச்சுகிறேன். சக்தியிருந்தால் பார்த்துக் கொள்' என்று இறைவன் கூறி தனது ஒளியை மலையின் மீது பாய்ச்சினான் இறைவன். அந்த மலை சுக்கு நூறாக தெரித்தது. மோசேயும் அதிர்ச்சியில் மூர்ச்சித்து விழுந்ததாக குர்ஆனும் மற்ற பல வேதங்களும் கூறுகின்றன. ஒரு இறைத் தூதருக்கே இந்த நிலை என்றால் நீங்களும் நானும் எம்மாத்திரம்.

அடுத்து கடவுளை தேடி எங்கும் அலைய வேண்டாம். உனது அருகில் இருக்கும் மனதர்களில் இறைவனை பார்க்கலாம். அவர்களுக்கு உதவி செய்வதின் மூலம் எனது பொருத்தத்தை அடைந்து கொள்ளலாம் என்றும் குர்ஆன் கூறுகிறது. எனவே கடவுளை தேடி எங்கும் அலையாமல் அந்த கடவுள் கொடுத்த வேதங்களின் அடிப்படையில் அந்த இறைவனை புரிந்து கொண்டு நல்ல செயல்களை செய்து வந்தாலே போதுமானது ஒரு மனிதனுக்கு.

குர்ஆனின் தாய் என்று கூறப்படும் 'அல் ஃபாத்திஹா' அத்தியாயத்தில்

'அர்ரஹ்மானிர் ரஹீம்' தமிழில் 'அவன் அளவற்ற அருளாளன்: நிகரற்ற அன்புடையோன்'

என்று இறைவனின் பண்புகளாக கூறப்படுகிறது. இதில் நாம் ஆராயலாம். அந்த இறைவனின் அருள் எத்தகையது: அந்த இறைவனுடைய அன்பு எத்தகையது என்பதை விவரித்துக் கொண்டே செல்லலாம். முடிவே இல்லாத ஒன்று. இதை இஸ்லாம் அனுமதிக்கிறது.

மேலும் இந்த வேதங்களின் துணை இல்லாமல் நீங்கள் இறைவனை ஆராய புகுந்தால் புறப்பட்ட இடத்துக்கே திரும்பவும் வந்து சேருவீர்கள். அந்த அளவுதான் உங்களுக்கு அறிவும் கொடுக்கப்பட்டுள்ளது. ஒவ்வொரு மனிதனும் ஒவ்வொரு விதமாக கற்பனை செய்ததால்தான் தெருவுக்கு ஒரு கடவுள் நமது நாட்டில் இருக்கிறது. இது போன்று பல உருவங்களை வைத்து வணங்கும் போது கிடைக்கும் நிம்மதியை விட உருவமில்லாமல் ஒரு நாளைக்கு ஐந்து நேரம் தொழும் எங்களால் மனதை ஒருமுகப்படுத்தி இறைவனை நினைக்க முடிகிறதே!