Followers

Showing posts with label தாய்மொழி. Show all posts
Showing posts with label தாய்மொழி. Show all posts

Saturday, November 21, 2015

உருது பேசும் முஸ்லிம்கள் தமிழர்கள் இல்லை.. - சீமான்

உருது பேசும் முஸ்லிம்கள் தமிழர்கள் இல்லை.. - சீமான்

யார் தமிழர் யார் தமிழர் இல்லi என்று பிரித்துக்காட்டும் உரிமையை சீமானுக்கு வழங்கியது யார்?

சீமானுக்கு பைத்தியம் பிடித்து விட்டது என்றே நினைக்கிறேன். உருது பேசும் முஸ்லிம்கள் முன்பு பட்டாண் என்ற ஊரில் மதக் கலவரம் வெடித்த போது தமிழகத்தில் வந்து குடியேறியர்கள். எனவேதான் பட்டாணி என்று அவர்களை சொல்வது வழக்கம். மொகலாயர் ஆட்சியில் மேலும் பல உருது முஸ்லிம்கள் தொழில் காரணமாக இடம் பெயர்ந்து தமிழகத்திலேயே தங்கி விட்டனர். பல தலைமுறைகளாக தமிழகத்தில் இருந்து இந்த மண்ணின் மைந்தனாகவே மாறி விட்டவர்களை 'தமிழர்கள் அல்ல' என்று இனம் பிரிப்பது எதற்காக?

இவரது தலைவர் வேலுப்பிள்ளை பிரபாகன் மலையாளிதானே... பிரபாகரனின் தாய் தந்தை கேரள மலையாளிகள் என்பது அனைவருக்கும் தெரியுமே? ஒரு மலையாளிக்கு ஏன் இவ்வளவு அக்கறை என்று சீமான் என்றாவது கேட்டதுண்டா?

முதல்வர் ஜெயலலிதா கர்நாடகாவை சேர்ந்தவர். கர்நாடகாவை சேர்ந்த ஒருவர் தமிழகத்தை எப்படி ஆளலாம் என்று சீமான் என்றாவது கேட்டதுண்டா?

வை.கோபால்சாமியின் பூர்வீகமும் தெலுங்கு என்று சொல்கின்றனரே? அவரை பார்த்து இந்த கேள்வியைக் கேட்டாரா சீமான்?

பார்பனர்களின் தாய் மொழி சமஸ்கிரதம். பல நூற்றாண்டுகளுக்கு முன்பு பஞ்சம் பிழைக்க தமிழகத்தில் குடியேறியர்கள். இன்று தமிழையும் நன்றாக படித்து இந்த மண்ணுக்கு உரியவர்கள் ஆகி விட்டனர். பார்பனர்களை தமிழர்கள் இல்லை என்று சொல்ல சீமானுக்கு தைரியம் வருமா?

கருணாநிதி, மற்றும் விஜயகாந்த் முன்னோர்களை எடுத்துப் பார்த்தால் தெலுங்கை தாய் மொழியாக கொண்டவர்கள் என்கின்றனர். கலைஞரையும், விஜயகாந்தையும் தமிழர்கள் இல்லை என்று சொல்ல சீமானுக்கு தைரியம் வருமா?

மொழி என்பது மனிதன் இன்னொரு மனிதனோடு உரையாட உறவாட இறைவனால் ஏற்படுத்தப்பட்ட ஒரு அமைப்பு. அதனை ஆக்கபூர்வமாக சிந்தித்து தமிழ் மொழியை எவ்வாறு மேலும் சிறப்பாக்கலாம் என்று சிந்திக்க வேண்டும். உலக மக்கள் அனைவரையும் நேசிக்க வேண்டும்.

'யாதும் ஊரே யாவரும் கேளீர்' என்பது நமது முன்னோர் வாக்கல்லவா?

மொழிப் பற்று இருக்கலாம்: அதுவே மொழி வெறியாக மாறினால் சீமானைப் போல் உளருவாயன்களாக திரிய வேண்டியதுதான்.

ஒரு முறை புசைலா என்ற சஹாபி பெண்மணி நபி அவர்களிடம் வந்து "இறைத்தூதரே நான் என் சமூகத்தை நேசிப்பது இன வெறியா" என்று கேட்டார்கள். அதற்கு நபி அவர்கள் "தன் சமூகத்தை ஒருவன் நேசிப்பது இன வெறி அல்ல. மாறாக தன் சமூகத்தை சார்ந்தவன் வரம்பு மீறி அநீதியை செய்யும்போது அவன் செய்வது தவறு என்று தெரிந்தும் அவன் தன் சமூகத்தைச் சார்ந்தவன் என்பதற்காக அவனுக்கு உதவினால் அதுவே இனவெறி" என்றார்கள்.

- நூல்: அஹ்மத்

Saturday, February 21, 2015

இருளில் சேர்த்து விடும் இரு வினைகள் - திருக்குறள்



"இருள்சேர் இருவினையும் சேரா இறைவன்
பொருள்சேர் புகழ்புரிந்தார் மாட்டு"

- திருக்குறள் 5

பொருள்:

'இருளில் சேர்த்து விடும் இரு வினைகளையும் தவிர்த்து இறைவன் இட்ட கட்டளைப் படி தனது வாழ்வை அமைத்துக் கொள்வோரே புகழோடு வாழ்ந்தவராவார்'

அது என்ன இருளில் சேர்க்கும் இரு வினைகள்? நன்மை தீமையை சொல்கிறாரா வள்ளுவர்? இல்லை. ஏனெனில் இரண்டு வினைகளுமே நம்மை இருளில் சேர்த்து விடும் என்கிறார். நன்மையான காரியங்களை செய்பவரை எப்படி இருளில் கொண்டு சேர்பதாக வள்ளுவர் சொல்வார்? எனவே நன்மை தீமையை இங்கு வள்ளுவர் கூறவில்லை என்பதை அறியலாம். ஆனால் பல விளக்கவுரைகளில் நன்மை தீமை என்றே 'இருளில் நேர்க்கும் இரு வினைகளுக்கு' விளக்கம் அளித்துள்ளனர். கலைஞரும் சாலமன் பாப்பையாவும் கூட நன்மை தீமை என்றே மொழி பெயர்த்துள்ளனர்.

வள்ளுவர் சொன்ன அந்த இரு வினைகள் என்ன என்று பார்போம்.

ஒன்று ஒரு மனிதன் பிறக்கும் போதே அவனோடு சேர்ந்து வரும் இறைவன் விதித்த தீமையை அடிப்படையாக கொண்ட விதி. மற்றொன்று ஒரு மனிதன் பிறந்ததற்கு பிறகு இந்த பூமியில் அவன் இறக்கும் வரை செய்து வரும் தீய வினைகள். அதாவது தீய செயல்கள். இந்த இரண்டு தீய செயல்களையும் எவன் ஒருவன் வென்று விடுகின்றானோ அவனே பாக்கியசாலி என்கிறார் வள்ளுவர்.

இஸ்லாமும் இந்த இரு வினைகளைப் பற்றி பேசுகிறது. மனிதன் இந்த பூமியில் பிறப்பதற்கு முன்பு தாயின் வயிற்றில் ஒரு வானவர் மூலமாக அவனது அனைத்து காரியங்களும் பதியப்படுவதாக நபிகள் நாயகம் அறிவித்துள்ளார். நல்லவனா? தீயவனா? என்பது இங்கு தீர்மானிக்கப்படுகிறது. இது ஒரு வினை. தாயின் வயிற்றிலிருந்து அவன் வெளியேறியவுடன் இந்த உலகில் நன்மை தீமை இரண்டும் இறை வேதங்கள் மூலம் கொடுக்கப்படுகிறது. இந்த இறை வேதங்களை ஆராய்ந்து இறைவன் இட்ட கட்டளைப்படி நன்மை செய்து இறப்பவனுக்கு சொர்கம் தருவதாகவும், இறை கட்டளைகளை மீறுபவனுக்கு நரக வேதனை தருவதாகவும் குர்ஆன் கூறுகிறது. இது இரண்டாவது தீய வினை. இங்கும் இரண்டு தீய வினைகளைப் பார்கிறோம்.

தாயின் வயிற்றில் ஒருவனை கெட்டவனாக இறைவன் எழுதி விட்ட பிறகு அவன் எப்படி நல்லவனாக மாற முடியும்? என்று நீங்கள் கேட்கலாம். முக்காலத்தையும் உணர்ந்தவன்தான் நம்மைப்படைத்த இறைவனாக இருக்க முடியும். படைத்த தனது படைப்பினம் எவ்வாறு வாழ்ந்து மரிக்கும் என்ற புரிதல் இல்லாதவன் எவ்வாறு இறைவனாக முடியும்?

அதே நேரம் கெட்டவனாக இந்த பூமிக்கு அனுப்பப்பட்ட ஒரு மனிதன் ஆய்வு செய்து உண்மையை உணர்ந்து 'இறைவா! எனக்கு நேர் வழியைக் காட்டுவாயாக' என்று பிரார்தித்தால் அந்த பிரார்தனையை ஏற்றுக் கொண்டு எழுதிய விதியை அந்த இறைவனே மாற்றி அமைப்பதாக குர்ஆனிலே சொல்கிறான்.

'பதிவு ஏட்டில் உள்ளவைகளில் இறைவன் நாடியதை அழிப்பான். நாடியதை அழிக்காமல் விடுவான். அவனிடமே தாய் ஏடு உள்ளது'
-குர்ஆன் 13:39

ஆக.... கெட்டவனாக பூமிக்கு அனுப்பப் பட்ட தனது அடியான் தன்னிடம் நேர் வழி காட்ட பிரார்தித்தால் அதனை ஏற்று எழுதிய தாய் ஏடான பதிவு ஏட்டை திருத்தி அவனை நல்லவனாக மரணிக்க செய்கிறான். அதாவது தான் எழுதிய விதியை தானே மாற்றி எழுதுவதாக இங்கு இறைவன் கூறுகிறான். எனவே தான் மற்ற உயிரினங்களுக்கு இல்லாத பகுத்தறியும் ஆன்மாவை விசேஷமாக மனிதனுக்கு மட்டும் இறைவன் கொடுத்துள்ளான். எனவே மனிதனின் முயற்சியில்தான் ஒருவன் நல்லவனா? கெட்டவனா? என்பது தீர்மானிக்கப்படுகிறது என்பதை இதிலிருந்து விளங்குகிறோம்.

இந்து மதத்தின் ஒரு பிரிவான சைவ சமயத்திலும் இந்த இரு வினைகள் சொல்லப்பட்டுள்ளது.மனிதன் பிறக்கும் போது அவனோடு சேர்ந்து வரும் வினையாகிய ஜென்ம பாவம். அதனை சைவத்தில் 'சகச மலம்' என்று கூறுவர். அடுத்து அவன் பூமியில் பிறந்து மரிக்கும் வரை செய்த பாவ காரியங்களை கர்ம பாவம் என்று கூறுவர். இங்கும் அந்த இரண்டு தீய வினைகளும் வருவதைப் பார்கிறோம்.

இது பற்றிய செய்திகளைத் தரும் சங்க கால பாடல்களையும் பார்போம்.

“பற்றி தொடரும் இரு வினை அன்றி வேறு ஒன்றும் இல்லை பராபரமே” – தாயுமான சுவாமிகள்.

"கருவினில் கருவதாய் எடுத்தஏழு தோற்றமும்
இருவினைப் பயத்தினால் பிறந்திறந்து உழன்றிடும்..." - சிவவாக்கியர்

சங்க இலக்கியங்களும், திருக்குறளும், குர்ஆனும் ஒத்த கருத்தைப் பெற்றிருப்பதை கண்டு ஆச்சரியப்படுகிறோம். இது எப்படி சாத்தியமாகிறது? உலக மொழிகள் அனைத்துக்கும் இறைவேதத்தை அனுப்பியுள்ளதாக குர்ஆன் கூறுகிறது.

'எந்த ஒரு தூதரையும் அவர் தமது சமுதாயத்துக்கு விளக்கிக் கூறுவதற்காக அச்சமுதாயத்தின் மொழியிலேயே அனுப்பினோம்'
-குர்ஆன் 14:4


ஆதி மொழியான தமிழுக்கு வேதமும் தூதரும் வந்துள்ளனர். அந்த வேதக் கருத்துக்கள் ஒரு சில இன்றும் உயிர்ப்புடன் இருப்பதால்தான் அவை குர்ஆனோடு ஒத்து போகின்றன. இதன் மேலதிக உண்மைகளை இறைவனே அறிந்தவன்.


Tuesday, February 17, 2015

"கல் தோன்றி மண் தோன்றாக் காலத்தே" - தமிழ் பருக



'கல் தோன்றி மண் தோன்றா காலத்தே வாளோடு முன் தோன்றி மூத்த குடி தமிழினம்' என்று அண்ணாவும் கலைஞரும் பொறி தெரிக்க பேசும் போது 'ஆ....' வென்று ஆச்சரியத்தில் வாய் பிளந்திருப்போம் நாம். இந்த பாடலை நாம் விளங்கியது சரிதானா என்பதை இந்த பதிவில் பார்போம்.

'பிள்ளையாண்டான் ரீல் உட்றான். கல் தோன்றி மண் தோன்றிய பிறகுதானே மனிதன் தோன்றினான். இவாள் மாத்தி யோசிக்கிறாளே! ஏண்டா அம்பி இந்த பொய்க் கதையை கேளேன்டா' என்று வட மொழி ஆர்வலர்கள் தமிழர்களை கலாய்பதுண்டு.

இந்த பாடலை மேலோட்டமாக பார்துதான் இது வரை அர்த்தம் புரிந்து வந்துள்ளோம். இனி சற்று விரிவாக இதன் விளக்கத்தைப் பார்போம். பழந் தமிழ் பாடலை பார்போம்....

பொய் அகல, நாளும் புகழ் விளைத்தல் என் வியப்பாம்?
வையகம் போர்த்த, வயங்கு ஒலி நீர் - கையகலக்
கல் தோன்றி மண் தோன்றாக் காலத்தே, வாளோடு
முன் தோன்றி மூத்த குடி!

-புறப்பொருள் வெண்பா மாலை - கரந்தைப் படலம் 35 | குடிநிலை


கல் என்ற சொல்லுக்கு மலை என்ற பொருளும் உண்டு. மண் என்ற சொல்லுக்கு வயல் என்ற பொருளும் உண்டு. இதற்கு திருக்குறளிலும் மற்ற சங்கத் தமிழ் பாடல்களிலும் ஆதாரங்களைக் காணலாம்.

இனி இந்த பாடலின் பொருளை நேரிடையாகப் பார்போம்.

பொய் அகல, நாளும் புகழ் விளைத்தல் என் வியப்பாம்? = பொய்கள் அகன்று என்றும் புகழ் பரவுவது உலகில் ஒன்றும் ஆச்சரியமில்லை.

வையகம் போர்த்த, = பூமியைப் போர்த்தி இருந்த நீரின் ஒழுங்கு நிலை அகன்று

வயங்கு ஒலி நீர் - கையகல = மலைகள், மற்றும் இதர பூமியின் வளங்கள், ஒவ்வொன்றாய்த் தோன்றின!

கல் தோன்றி மண் தோன்றாக் காலத்தே = அவ்வாறு நீரின் ஒழுங்கு நிலை விலகி ... வளங்கள் தோன்றி, வயல் வெளி நாகரிகம் தோன்றிய காலத்துக்கு முன்பே....

வாளோடு முன் தோன்றி மூத்த குடி! = ஆயுதங்களோடு காடு மலைகளில் சுற்றித் திரிந்து வாழ்க்கை நடத்தியவன் இந்த தமிழன்.

இதுதான் இந்த பாடலின் நேரிடையான பொருள்.

இனி இந்த பாடலின் கருத்தை உரை நடையாகப் பார்போம்.

பொய்கள் அகன்று அதனால் புகழ் பரவுவது என்பது உலகில் ஆச்சரியமான ஒரு செய்தியே அல்ல. மலைகளிலிருந்து கற்கள் கீழே விழுந்து அவை சுக்கு நூறாக உடைந்து கூழாங்கற்களாகி மேலும் சிறு கற்களாக மாறி அதில் மழை நீர் கலந்து மிருதுவாகி மண்ணாக மாறுகிறது. அதன் பிறகுதான் அந்த இடம் விவசாய நிலமாக மாறுகிறது. இவ்வாறு மலைகளின் கற்கள் இடம் பெயர்ந்து விவசாய நிலமாக மாறி அங்கு பயிர்களை மனிதன் விளைவிக்கும் முன்பே தமிழன் இந்த உலகில் இருந்துள்ளான். காடுகளில் இலை தழைகளையும் மிருகங்களையும் அடித்து சாப்பிட்டு வந்த அந்த கற்காலத்திய தொன்மையான மனிதனின் நாகரிகமே தமிழனின் நாகரிகம் என்கிறது இந்த பாடல். அதாவது உலகில் முதன் முதலில் தோன்றிய பல நாகரிகங்களில் மிக தொன்மையானது தமிழனின் நாகரிகம். மிக பழமையானது தமிழ் மொழி என்ற செய்தியை இந்த பாடல் நமக்கு சொல்கிறது.

இதனையே சற்று உல்டாவாக்கி நமது அரசியல் தலைவர்கள் 'கல் தோன்றி மண் தோன்றாக் காலத்தே வாளோடு முன் தோன்றி மூத்த குடி' என்று சொல்லி வந்தனர். நாமும் இது வரை அதுதான் உண்மையான பொருள் என்று நம்பி வந்தோம். ஆனால் தற்போது இந்த பாடலின் உண்மையான அர்த்தத்தை விளங்கிக் கொண்டோம்.

இனி வட மொழி ஆர்வலர் யாரும் 'ஏண்டா அபிஷ்டு! ரீல் உட்றதே உங்க ஆளுங்களுக்கு பொழப்பாடா?' என்று நக்கலடித்தால்

'ஓய்.... யாருங்காணும் ரீல் உட்றது? பாடலை தவறாக விளங்கிக் கொண்டது உம்முடைய தவறுதானே' என்று இந்த பதிவின் விளக்கத்தை கொடுத்து விடுங்கள். தமிழன் சிந்திக்க ஆரம்பித்து விட்டான் என்று இடத்தை காலி பண்ணி விடுவார் அந்த வட மொழி ஆர்வலர். :-)






Saturday, August 09, 2014

சகோதரர் வியாசனுக்கு கொடுத்த சில மறுமொழிகள்!

திரு வியாசன்!

//உங்களின் முன்னோர்கள், இஸ்லாமியத் தாய்மார்கள், தமிழ்ப் பெண்களைப் போலவே சேலையணிந்து முக்காடிட்டுக் கொண்டனர். அப்பொழுது அவர்கள் உண்மையான, ஒழுக்கமான முஸ்லீம்கள் இல்லையா? இதில் வேடிக்கை என்னவென்றால், முஸ்லீம்கள் அனைவரும் அரபுக் கலாச்சாரத்தைத் தான் கடைப்பிடிக்க வேண்டுமென்றோ அல்லது ஒரே சீருடையைத் தான் அணியவேண்டுமென்றோ முகம்மது நபி அவரகள் எந்த இடத்திலும் முஸ்லீம்களுக்குக் கூறவில்லையாம்.//

உங்கள் கருத்தை முழுவதுமாக ஒத்துக் கொள்கிறேன். அரபு கலாசாரத்தைப் பின்பற்றுங்கள் என்று குர்ஆனோ, நபிகளோ எங்குமோ சொல்லவில்லை. குர்ஆன் இடும் கட்டளை முகம், கை மணிக்கட்டு இந்த இரண்டை தவிர மற்ற இடங்களை அந்நிய ஆடவர்கள் முன்னால் வரும் போதும் வெளியில் செல்லும் போதும் மறைத்துக் கொள்ளச் சொல்கிறது. கவர்ச்சியான பகுதிகளை துணிகள் போட்டு மறைத்துக் கொள்ளச் சொல்கிறது. இதனால் ஆண்கள் சபலப்படுவதிலிருந்து தவிர்ந்து கொள்ளலாம். பெண்ணுக்கும் பாதுகாப்பு. வன்புணர்வு நிகழ்ச்சிகள் தினமும் நடப்பது நமது நாட்டில் வழக்கமாகி விட்டது. இதற்கு முக்கிய காரணமே பெண்கள் அணியும் ஆபாச உடைகள் தான். ஒரு இஸ்லாமிய பெண் முக்காடிட்டு பஸ்ஸில் ஏறினாலே ஒரு மரியாதை தாமாக வந்து விடும். இதை நான் பல இடங்களில் கவனித்துள்ளேன்.

அடுத்து எனது குடும்பத்து பெண்கள் அனைவரும் கருப்பு அங்கியே அணிகிறார்கள். 20 வருடங்களுக்கு முன்பு துப்பட்டி என்ற ஒரு வெள்ளை உடையை சேலையை போன்று சுற்றிக் கொள்வார்கள். அது அடிக்கடி நழுவும் அபாயமும் உண்டு. ஒரு கையால் பிடித்துக் கொண்டால்தான் நழுவி விடாமல் இருக்கும். ஆனால் தற்போது அணியும் கருப்பு அங்கியில் பட்டன் சிஸ்டம் உள்ளதால் நழுவ வாய்ப்பில்லை. இந்த கருப்பு அங்கி, உடுத்தும் அந்த பெண்களுக்கு வசதியாக இருக்கிறது. இதைத்தான் உடுத்த வேண்டும் என்று எனது வீட்டு பெண்களுக்கு நான் என்றுமே சொன்னதில்லை. துப்பட்டாவை விட புர்ஹா வசதி என்பதால் அவர்களே தேர்ந்தெடுத்துக் கொண்டது. யாரும் அந்த பெண்களை கட்டாயப் படுத்தவில்லை.

//என்னைப் பொறுத்த வரையில் அவர்கள் தமிழை வெளியில் பேசினாலும், எத்தனை தலைமுறைகள் தமிழ்நாட்டில் வாழ்ந்தாலும் தமிழர்கள் அல்ல.//

இதை நானும் ஒத்துக் கொள்கிறேன். ஆனால் பல உர்து முஸ்லிம்கள் தமிழ் முஸ்லிம்களோடு திருமண உறவு வைத்து தமிழ் ரத்தத்தோடு கலந்து விட்டவர்கள் எனது பார்வையில் தமிழர்களே! அப்படி சம்பந்தம் பண்ணாதவர்களை வேண்டுமானால் தமிழர்கள் இல்லை என்று சொல்லலாம். இதே அளவு கோளை கன்னடம் பேசும், தெலுங்கு பேசும், மலையாளம் பேசும், சௌராஷ்ட்ரா பாஷை வீட்டுக்குள் பேசும் குடும்ப அங்கத்தினர்களையும் பார்க்க வேண்டுமல்லவா!

//நீங்கள் கூறுவதைப் பார்த்தால், இன்று கூடத் தமிழை நீங்கள் உங்களின் தாய்மொழியாக, உங்களின் முன்னோர்களின் மொழியாக எண்ணி நேசிக்கவில்லை, மாறாக வஹாபிய சிந்தனை வழியில் எல்லா உலகமொழிகளும் சமம் என்ற வகையில் நேசிக்கிறீர்கள். அந்த வழியில் பார்த்தால் நீங்கள் உண்மையில் தமிழனே அல்ல என்பது தான் எனது கருத்து,//

தாய் மொழிப் பற்று என்பது தானாக ஒருவரது உடலில் ஊறக் கூடிய ஒன்று. நான் தமிழன் என்பதால் அந்த தமிழ்ப் பற்று எனக்குள் முன்பே இருந்தது. இடையில் ஒரு சிலர் தமிழை இந்துக்கள் மொழி என்று விபரம் தெரியாமல் குழப்பி வந்தனர். வஹாபிய சிந்தனை வந்தவுடன் தமிழ் இந்துக்களுக்கான மொழி மட்டும் அல்ல. அது தமிழரின் மொழி என்ற உண்மை தெரிந்து அந்த இறுக்கம் இன்னும் அதிகமானது என்றுதான் சொல்கிறேன். மற்றபடி உங்களின் தனிப்பட்ட எண்ண அளவுகோள்களில் நான் தலையிட முடியாது.

//வஹாபிய சிந்தனை உண்மையில் அரபு விசுவாசத்தை அதிகரிக்கிறது, ஊக்குவிக்கிறது என்பது தான் பலரின் கருத்தாகும். உண்மையில் அது தான் அந்த மதப்பிரிவைத் தோற்றுவித்தவரின் நோக்கமும் என்று தான் நான் கேள்விப்பட்டிருக்கிறேன். ஆனால் உங்களுக்கு மட்டும் வஹாபியம் இந்தியாவிலும், தமிழிலும் பற்றை ஏற்படுத்தியது என்கிறீர்கள். ஒரே குழப்பமாக இருக்கிறது.//

“மக்களே! உங்களது இறைவன் ஒருவனே அறிந்து கொள்ளுங்கள்: எந்த ஓர் அரபிக்கும் ஓர் அரபி அல்லாதவரை விடவோ, எந்த ஓர் அரபி அல்லாதவருக்கும் ஓர் அரபியை விடவோ எந்த மேன்மையும் சிறப்பும் இல்லை. எந்த ஒரு வெள்ளையருக்கும் ஒரு கருப்பரை விடவோ, எந்த கருப்பருக்கும் ஒரு வெள்ளையரை விடவோ எந்த மேன்மையும் சிறப்பும் இல்லை. இறையச்சம் மட்டுமே ஒருவரின் மேன்மையை நிர்ணயிக்கும். நிச்சயமாக அல்லாஹ்விடத்தில் உங்களில் மிகச் சிறந்தவர் உங்களில் அதிகம் இறையச்சம் உள்ளவர்தான். “
ஆதார நூல்: (அல்பைஹகீ)

முகமது நபி அவர்களின் இறுதி பேருரையில் வரும் இந்த வாசகம் இனப் பெருமையையும் குலப் பெருமையையும் காலில் போட்டு மிதிக்கிறது.

மற்றொரு அறிவிப்பில் 'குலப் பெருமையை எனது காலில் போட்டு மிதிக்கிறேன்' என்று நேரிமையாகவே சாடுகிறார். இப்படிப்பட்ட ஒருவர் அரபு விசுவாசத்தை ஊக்குவிக்கிறார் என்று எப்படி சொல்கிறீர்கள்?

//வஹாபிஸ்டுகள் தான் குரானை முதலில் தமிழில் மொழிபெயர்த்தார்கள் என்பதையும் அதிலும் இந்துக்களின் மொழியில் குரானை மொழிபெயர்த்தல் பாவம் என்று தமிழ்நாட்டு தமிழ் முஸ்லீம்கள் நினைத்துக் கொண்டதால் மொழிபெயர்க்கவில்லை என்பதையும் என்னால் நம்ப முடியவில்லை, நீங்கள் இதற்கு ஆதாரம் காட்டுங்கள்.//

இஸ்லாம் வந்து 1400 வருடங்களுக்கு மேலாகியும் குர்ஆன் தமிழில் மொழி பெயர்க்கப்பட்டது 100 ஆண்டுகளுக்கு முன்பே. ஏகேஏ அப்துல் சமதின் தந்தையார் தான் முதன் முதலில் குர்ஆனை தமிழில் மொழி பெயர்த்தார். அதற்கு மதரஸாக்களில் இருந்து கடும் எதிர்ப்பு கிளம்பியது. அந்த எதிர்ப்பையும் பொருட்படுத்தாது அவர் குர்ஆன் மொழி பெயர்ப்பை வெளியிட்டார். இதற்கு முன்பு மொழி பெயர்க்க பலர் முயற்சித்தாலும் மதரஸா முல்லாக்களால் தடுக்கப்பட்டனர். இந்த வரலாறு தமிழக முஸ்லிம்கள் அனைவருக்கும் தெரியும். தற்போது பத்துக்கு மேற்பட்ட மொழி பெயர்ப்புகள் வந்து விட்டன.

//தமிழர்களின் பிள்ளைத் தமிழ் பாடும் மரபில், முகம்மது நபிகளுக்கே அழகு தமிழில் பிள்ளைத்தமிழும், சீறாப்புராணமும் பாடிய தமிழ் முஸ்லீம்கள், தமிழில் குரானை மொழி பெயர்த்தல் பாவம் என்று நினைத்தவர்கள் என்பது தமிழ் முஸ்லீம் சமூகத்தின் தமிழ்ப்பற்றை இழிவு படுத்துவதாகும்,//

சீறாப் புராணத்தில் உமருப் புலவர் பல கற்பனைகளை கலந்திருப்பார். முகமது நபியின் மகளின் திருமணத்தில் மெக்கா நகரமெங்கும் வாழை மரங்கள் பந்தக் கால்களில் நடப்பட்டிருந்ததாக ஒரு பாடல் வரும். பாலைவனத்தில் எங்கிருந்து விளையும் வாழை மரம். தமிழக கலசாரத்துக்கு ஏற்றவாறு அந்த திருமணத்தை மாற்றியவர் உமருப் புலவர். ஒரு இடத்தில் அலி அவர்களின் உடல் வனப்பை பார்த்து 'தாங்கள் அவருக்கு மனைவியாகியிருக்கக் கூடாதா' என்று பல பெண்களும் ஏங்கினார்களாம். மிக கண்ணியமாக வாழ்ந்த அந்த உத்தம பெண்களை இதை விட யாரும் கேவலப் படுத்தி விட முடியாது. இவை எல்லாம் அவரது கற்பனை. இந்த கற்பனை காவியத்தை இஸ்லாமியர் யாரும் ஏறெடுத்தும் பார்ப்பதில்லை. ஆனால் இஸ்லாத்தின் சட்டங்களை சொல்லும் குர்ஆன் மொழி பெயர்க்கப்பட்டது 100 ஆண்டுகளுக்கு முன்பு தான். இதனை யாரிடம் வேண்டுமானாலும் கேட்டு தெளிவு பெற்றுக் கொள்ளுங்கள்.

//பி.ஜே வின் சிந்தனை எப்படிப்பட்டது என்பது அவரது ஈழத்தமிழர் எதிர்ப்புக் காணொளிகளிலிளிருந்தும், அவரது தமிழர் எதிர்ப்பை ஐ. நா. மனிதவுரிமை ஆணையத்தின் விசாரணைக்கு ஆதரவளிக்க முடியாது என்று கூறியதிலிருந்தும் அறியலாம்.//

தமிழ் முஸ்லிம்கள் ஆரம்ப காலங்களில் பிரபாகரனோடு கை கோர்த்து கொண்டு இலங்கை அரசுக்கு எதிராகவே இருந்தனர். 'முஸ்லிம் ரெஜிமெண்ட்' என்றே தனியாக ஒரு பிரிவு இருந்ததாக கேள்விப்பட்டுள்ளேன். சிங்கள அரசு ஒரு சில முஸ்லிம் இளைஞர்களை அவர்களுக்கு ஆதரவாக செயல்பட வைத்தது. யார் தமிழருக்கு எதிராக உள்ளனரோ அவர்களை தண்டிப்பதை விட்டு விட்டு தொழுது கொண்டிருந்த அப்பாவி முஸ்லிம்களை மூதூரில் நூற்றுக்கு மேற்பட்டவர்களை ஒரே நாளில் துடிதுடிக்க கொன்றார் பிரபாகரன். 'அது ஒரு துன்ப நிகழ்வு' என்று அதனை சாதராணமாக எடுத்துக் கொண்டார். பல தொழிலதிபர்களை 500 ரூபாயை செலவுக்கு கொடுத்து மண்டபம் முகாமுக்கு அனுப்பி வைத்தார். இப்படிப்பட்ட சுயநலமியோடு முஸ்லிம்கள் எவ்வாறு இணைந்திருப்பர். எனவே பிரிந்தனர். அந்த பிரிவே தமிழர்களை பலவீனமாக்கி பல லட்சக்கணக்கான உயிர்கள் பலியாக காரணமானது.

//உங்களுக்குத் தமிழ் சரியாகத் தெரியாது போலிருக்கிறது,. இந்தப் பாட்டில் பெண்ணின் தாய்மாமன் அதாவது பெண் வீட்டார் இப்படியெல்லாம் சீதனம் கொடுப்பார் என்று தான் கண்ணதாசான் கூறுகிறார். இதற்கும் நீங்கள் கூறும் மஹருக்கும் எந்த தொடர்பும் கிடையாது.//

உங்களுக்குத்தான் தமிழ் சரியாகத் தெரியாது என்று நினைக்கிறேன். அந்த கதையில் தனது அண்ணன் மகனை தனது மகளுக்கு மண முடித்துக் கொடுக்கிறேன் என்று அந்த தங்கை உறுதி கூறுவாள். அதன் பின்னணியில் தான் இந்த பாடலே ஒலிக்கும். மாமன் தனது மருமகளுக்கு சீதனமாகத் தருவதாகத்தான் அந்த பாடல் சொல்லும்.

//திருமணத்தில் பெண்ணுக்கு முக்காடிட்டு அறைக்குள் பூட்டி வைக்காமல், தமிழ்ப்பண்பாட்டின் படி பெண்ணை எல்லோரும் பார்க்கும் வகையில் திருமணம் செய்தீர்களா? மாலை மாற்றுவது தமிழர் கலாச்சாரத்தின் முக்கிய அங்கம், ஆனால் அதை ஏன் நீங்கள் செய்யவில்லை.//

என்னோடு வாழ்க்கையை பகிர்ந்து கொள்ளும் பெண்ணை நான் பார்த்தால் போதாதா? அதை ஏன் சபையில் கூட்டி வந்து எல்லோருக்கும் காண்பிக்க வேண்டும் என்று எதிர்பார்க்கிறீர்கள்? அதே போல் ஒரு மாலைக்கே 2000 லிருந்து 3000 வரை செலவழிக்கப்படுகிறது. சில இடங்களில் இன்னும் அதிகம். இரண்ட மணி நேர நிகழ்வுக்கு ஏன் இந்த பொருளாதார அழிப்பு வேலை. அதனை ஒரு ஏழைக்கு கொடுத்துதவலாமே. மாலையிடுவதுதான் தமிழன் கலாசாரம் என்று எங்கு படித்தீர்கள்?

அடுத்து ஒரு குறிப்பிட்ட சட்ட திட்டங்கள் இல்லை என்றால் சமூகம் எந்த அளவுக்குச் செல்லும் என்பதை மணமகளே திருமணத்தில் குத்தாட்டம் போடுவதை இந்த காணொளியில் பாருங்கள். இதுவும் தமிழர் கலாசாரம் என்று சொல்வீர்களோ?

https://www.youtube.com/watch?v=f0JVeKGZ4Bg

//அந்த சகோதரத்துவத்தை ஈழத்தமிழர்கள் கொத்துக் கொத்த்தாகக் கொல்லப்படும் போது ஏன் காட்டவில்லை,//

அதற்கு காரணம் பிரபாகரனின் நடவடிக்கைகள் என்று முன்பே சொல்லியுள்ளேன். மூதூரில் கொல்லப்பட்ட முஸ்லிம்களுக்கு நீங்கள் ஏன் கண்டனம் தெரிவிக்கவில்லை என்று நானும் கேட்கலாம்.

//இது வெறும் சப்பைக்கட்டு தான். தமிழர்கள் எல்லோரும் இன்றும் சாதிப் பெயரை வைப்பதில்லை, சாதி இல்லாத தமிழ்ப் பெயர்களும் உண்டு,//

உங்கள் மனசாட்சி இதனை கண்டிப்பாக ஒத்துக் கொள்ளாது. இன்றும் பல கிராமங்களில் தலித் குழந்தைகள் உயர் சாதி கிராமங்களில் செல்லும் போது தங்களின் செருப்பை கைகளில் எடுத்துச் செல்கிறார்கள். இன்றும் தொடரும் இந்த கொடுமையைப் பற்றி விகடனும் கட்டுரை வெளியிட்டிருந்தது.

//வஹாபியம் வந்து தமிழனின் பழைய வரலாற்றைப் புதுப்பிக்கும் நிலை வரும் என ஒரு வஹாபிஸ்டு இவ்வளவு வெளிப்படையாகச் சொல்வதைப் பார்க்கத் தான் எனக்கு நெஞ்சு திக் திக்கென்று அடிக்கிறது.//

பெரியாரே முயன்றும் இந்த மண்ணில் சாதிக்க முடியாததை இறைவன் அருளால் இஸ்லாம் சாதித்து காட்டும். சில ஆண்டுகளுக்கு பிறகு இதனை நீங்களே உணரும் போது திக் திக் என்று உங்கள் மனம் கலவரப்படாமல் ஆனந்த கூத்தாடும். :-)





Thursday, June 12, 2014

தமிழில் தொழாதவர்க்கு நரகமா? - ஐயாரப்பன்!

ஹானஸ்ட் மேன்!

//“அல்லாவே மிகபெரியவன் தொழுகை நோக்கி விரைந்து வாருங்கள். அல்லாவை தவிர வணக்கத்திற்குரிய வேறு இறைவன் இல்லை. முகமது (ஸல்) அவர்கள் அல்லாவின் தூதர் என்று சான்று பகர்கிறேன்” என்று சொன்னால் தமிழ் தெரிந்த முஸ்லிம்களுக்கு புரியாதோ? முஸ்லிம்கள் தமிழ் ஆர்வலர்கள் இல்லையா? அல்லது நீங்கள் தமிழர்களே இல்லையா?//

இஸ்லாமிய மார்க்கமானது உலகலாவிய மதம். ஒரு அமெரிக்கனோ, ஒரு ஆப்ரிக்கனோ இஸ்லாத்தை ஏற்றவர்கள் தமிழகத்துக்கு வந்தால் அங்கிருந்து ஒலி பெருக்கியில் 'அல்லாஹ் அக்பர்' என்ற சப்தம் வந்தால் உடனே அந்த பள்ளியை நோக்கி யாரும் சொல்லாமலேயே தொழுகைக்கு வந்து விடுவர். எந்த மொழியை பேசுபவராக இருந்தாலும் அவர் உலகில் நடக்கும் இஸ்லாமிய தொழுகைகளில் எந்த இடைஞ்சலும் இல்லாமல் தனது வணக்கத்தை செய்து விட முடியும். இந்த உலக ஒற்றுமைக்காகத்தான் பள்ளிகளில் அரபி அழைப்பும் தொழுகையும் நடத்தப்படுகிறது. அரபி மொழி தேவ மொழி என்று குர்ஆனும் சொல்லவில்லை. உலக மூல மொழிகள் அனைத்தையும் படைத்தவன் இறைவனே என்கிறது குர்ஆன். எனவே மொழிகளுக்குள் ஏற்றத் தாழ்வு கற்பிப்பதும் இஸ்லாமிய அடிப்படையில் தவறு.

தமிழகத்தில் ஒரு குக்கிராமத்தில் பிறந்த நான் சவுதியின் தலைநகர் ரியாத்தில் மிக பிரமாண்டமான பள்ளிவாசலில் தலைவராக நின்று தொழுகை நடத்தியுள்ளேன். என்னை பின் பற்றி ஆப்ரிக்கனும், ஐரோப்பியனும், பாகிஸ்தான், பங்களாதேஷ், என்று உலக நாடுகள் அனைத்திலுமிருந்தும் வந்தவர்கள் எனது கட்டளைக்கு பணிந்து நான் குனிந்தால் அவர்களும் குனிகிறார்கள்: எனது சிரத்தை இறைவனுக்காக தரையில் வைத்தால் என்னைப் பின்பற்றி அவர்களும் தங்கள் தலைகளை வைக்கிறார்கள். யாரும் யாருக்கும் இங்கு சொல்லிக் கொடுப்பதும் இல்லை. ஒரு தமிழனைப் பின் பற்றி ஒரு ஐரோப்பியன் தொழுவதா? என்று அவர்கள் நினைக்கவில்லை. உலக மொழிகள் அனைத்தையும் சம அளவில் பாவிப்பதால்தான் இது போன்ற அழகிய சம்பவங்கள் நடக்கின்றது.

------------------------------------------------------------

திரு ஐயாரப்பன்!

//நம் தாய்மொழி தமிழில் தொழுகைக்கு அழைப்பு விடுப்பது என்பது சோற்றிலே உப்பிட்டு உண்ணுபவர்கள் மட்டுமே செய்வார்கள்.//

அப்படி பார்த்தால் தமிழகத்தில் 90 சதவீதமான நபர்கள் உப்பு போடாமல்தான் சாப்பிட வேண்டி வரும். :-) ஏனெனில் குறிப்பிட்ட சில கோவில்களை தவிர மற்ற அனைத்து கோவில்களிலும் சமஸ்கிரதம்தான் ஆட்சி செய்கிறது. சிதம்பரம் கோவிலில் தமிழில் பாட இன்று வரை அனுமதி மறுக்கப்படுவதை நீங்களும் படித்திருப்பீர்கள். அங்கு இதே வாதத்தை உங்களால் ஏன் வைக்க முடியவில்லை? இந்து மதமானது இந்தியர்கள் மட்டுமே பின்பற்றக் கூடிய ஒரு மதம். எனவே தமிழில் பாடுவதால் எந்த சிக்கலும் வரப் போவதில்லை. இருந்தாலும் உங்களால் அந்த முயற்சியை செய்ய முடியாது. இதுதான் யதார்த்தம்.

//வெளிநாடுகளில் இருந்து நம் நாட்டை கொள்ளை அடிக்க வந்துவிட்டு, இங்கேயே தங்கி விட்டவர்கள். கடவுளை வணங்க தன் தாய் மொழியை பயன்படுத்தாமல் இருப்பவர்களுக்கு இறைவன் அருள் நிச்சயம் கிடைக்காது. ஆபிரகாமியர்கள் பாணியில் சொல்வதென்றால், இத்தகைய வஞ்சகர்களுக்கு மீளா முழு நரகம் மட்டுமே கிடைக்கும்..//

இங்குள்ள முஸ்லிம்களை வெளி நாட்டு இறக்குமதி என்று சொன்னால் உங்கள் அருகில் இருக்கும் இந்து நண்பர்களே முதலில் ஒத்துக் கொள்ள மாட்டார்கள். அவர்கள் நமது தொப்புள் கொடி உறவு என்று தான் சொல்வார்கள்.

அடுத்து கூட்டு இறை வழிபாடு முடிந்து பிரார்த்தனை என்ற ஒரு சடங்கு அனைத்து முஸ்லிம்களுக்கும் இருக்கிறது. அதாவது தனது தேவைகளை இறைவனிடம் இரைந்து கேட்பது. இந்த இடத்தில் அவரவர் சொந்த மொழியிலேயேதான் கேட்பார்கள். தொழுகையின் கடைசி இருப்பில் அமர்ந்திருக்கும் போது இறைவனிடம் தனது தேவைகளை தனது தாய் மொழியில்தான் கேட்கின்றனர். ஏனெனில் இறைவனுக்கு தமிழ் மொழியும் தெரியும்: உலக மொழிகள் அனைத்தும் தெரியும்.

மேலும் மெக்காவில் கஃபாவை வலம் வரும் போது உலக மக்கள் தங்கள் தாய்மொழியில் தங்களின் தேவைகளை இறைவனிடம் மிக சத்தமாக கோரஸாக சொல்லிக் கொண்டு செல்வதை நாம் பார்க்கலாம். அரபியில் பிரார்த்தனை செய்து கொண்டுதான் வலம் வர வேண்டும் என்று எவரும் கட்டாயப்படுத்துவதில்லை. எனவே நீங்கள் சொல்வது போல் எவருக்கும் மீளா நரகம் கிடைக்க வாய்ப்பே இல்லை. சொர்க்கத்தையும் நரகத்தையும் தருவது நம்மை படைத்த இறைவன் கையில்தான் உள்ளது. நம் கையில் இல்லை நண்பரே!

தாய் மொழிப் பற்று என்பதற்கும், தாய்மொழி வெறி என்பதற்கும் சிறிய வித்தியாசம் உண்டு. அதனை விளங்காதனால் பல குழப்பங்களை நீங்கள் சந்திக்கிறீர்கள். கூடிய விரைவிலேயே தெளிவடைவீர்கள்!





Friday, May 09, 2014

டைரக்டர் அமீர் ரியாத் வருகை சம்பந்தமாக!



சென்ற வியாழன்(08-05-2014) இரவு ரியாத் தமிழ் சங்கத்தின் 9 ஆம் ஆண்டு நிறைவு விழாவுக்கு சென்றிருந்தேன். டைரக்டர் அமீரும், திரைப்பட பாடலாசிரியர் கவிஞர் சிநேகனும், அன்னை கல்லூரி தாளாளர் ஹூமாயூனும் கௌரவ விருந்தினர்களாக அழைக்கப்பட்டிருந்தனர். தமிழ்ச் சங்க நிர்வாகிகளில் ஒருவரான சகோதரர் இம்தியாஸ் தங்கள் அமைப்பு செய்து வரும் நலப்பணிகளை பட்டியலிட்டார். சமீபமாக ஒரு பட்டதாரி பெண் ஏஜண்ட்களால் ஏமாற்றப்பட்டு வீட்டு வேலைக்கு அனுப்பப்பட்டதையும், அந்த பெண் அங்கிருந்து தப்பி அதனால் பல சிரமங்களை சுமந்து ஸ்பான்சருக்கு 25000 ரியாலையும் கொடுத்து அந்த பெண்ணையும் பத்திரமாக ஊருக்கு அனுப்பியதையும் அதற்கு தமிழ் உள்ளங்கள் வாரி வழங்கியதையும் குறிப்பிட்டார். இது போன்று பல நலத்திட்டங்கள் செய்து வருவதாகவும் பாதிக்கப்படும் தமிழர்கள் எங்களிடம் தாராளமாக உதவிகளை கேட்கலாம் என்றும் விவரித்தார்.

சேவியரும், ஷேக் முஹம்மதும்(லக்கி சாஜஹான்) விழாவை தொகுத்து வழங்கி கொண்டிருந்தனர். விழாவில் வெற்றி பெற்ற குழந்தைகள், பள்ளி மாணவர்களுக்கு பரிசுகள் வழங்கப்பட்டன. கடைசியாக டைரக்கடர் அமீர் பேசியதில் இருந்து முக்கியமான சிலவற்றை பார்ப்போம்:

'நான் வந்ததில் இருந்து 'நீங்கள் ஆவலோடு எதிர்பார்த்த டைரக்டர் அமீர்' 'பல விருதுகள் குவித்த அமீர்' என்று தொகுப்பாளர் அடிக்கொருதரம் சொல்லிக் கொண்டிருந்தார். இது எப்படி இருந்தது என்றால் எங்கள் கிராமங்களில் நான் சிறுவனாக இருக்கும் போது திருவிழாக்களுக்கு செல்வதுண்டு. அங்கு கலை நிகழ்ச்சிகளும் நடக்கும். கூட்டத்தை கலையாமல் வைப்பதற்காக 'நீங்கள் ஆவலோடு எதிர்பார்த்த சொப்பன சுந்தரி இன்னும் சிறிது நேரத்தில் உங்கள் முன் தோன்றுவார்' என்று மைக்கில் அடிக்கொரு தரம் சொல்லிக் கொண்டிருப்பார் விழா ஒருங்கிணைப்பாளர். அது போல் இன்று என்னையும் தொகுப்பாளர் சொப்பன சுந்தரி ரேஞ்சுக்கு கொண்டு சென்று விட்டார்.. (பலமான சிரிப்பு கைதட்டல்)

சவுதிக்கு வருவது என்றாலே எனக்குள் ஒரு பயம். முன்பு ஒரு முறை வந்து இமிக்ரேஷனில் நான்கு மணி நேரம் நிற்க வைத்து விட்டார்கள். அதிலும் நோன்பு வேறு வைத்திருந்தேன். அது போல் இந்த தடவையும் நடந்து விடுமோ என்று சிநேகனிடம் 'எதுவும் நடக்கலாம்: எதற்கும் தயாராக இருந்து கொள்ளுங்கள்' என்று முன் கூட்டியே சொல்லி வைத்தேன். ஆனால் நல்ல வேளையாக எதுவும் நடக்கவில்லை. சிரமமில்லாமல் வெளியேறி விட்டோம். சாதி, மதம், இனம் என்ற அனைத்தையும் தாண்டி இந்த தமிழ் மொழி நம் அனைவரையும் ஒன்றாக இணைத்துள்ளது. இந்த தமிழ் சங்கம் கலை நிகழ்ச்சிகளை மட்டுமே நடத்திக் கொண்டிருக்காமல் பல உதவிகளை மனிதாபிமான அடிப்படையில் மதங்களை எல்லாம் கடந்து செய்து வருவது பாராட்டத்தக்கது. இதே தமிழ்ச் சங்கத்தில் உறுப்பினராக இருந்து இன்று கல்வி தந்தையாக உருமாறி அதே தமிழ்ச் சங்கத்துக்கு சிறப்பு விருந்தினராக வந்திருக்கும் நண்பர் ஹூமாயூனை பாராட்ட வார்த்தைகள் இல்லை.

முன்பெல்லாம் சினிமாவில் முஸ்லிம்களை சாம்பிராணி போடுபவராகவும், கறி கடை பாயாகவும், நம்பிள் வரான், நிம்பிள் போரான், என்றும் அரபு ஷேக்குகள் இங்கு வந்து சட்ட விரோத செயல்களில் ஈடுபடுபவர்களாகவுமே சித்தரித்து வந்தனர். இதை எல்லாம் பார்த்து வெறுப்புற்று இந்த நிலையை முடிந்தால் நம்மால் மாற்றிப் பார்ப்போமே என்ற உந்துதல்தான் என்னை இந்த சினிமா துறைக்குள் தள்ளியது. 'சினிமா ஹராம்' என்று ஒதுக்குபவர்கள் படம் பார்க்காமலே, டிவிக்களை, கணிணிகளை இயக்காமலேர் இருப்பதில்லை. எந்த ஒரு துறையிலும் நல்லதும் இருக்கிறது கெட்டதும் இருக்கிறது. சினிமா துறைக்கு இஸ்லாமிய சமூகத்தில் இருந்து வந்தவன் என்பதால் பல அவமானங்களை எனது சமூகத்தில் பெற்றுள்ளேன். எனது உறவினர்களில் பலர் என்னோடு முகம் கொடுத்துக் கூட சரியாக பேச மாட்டார்கள்.

எனது சிறு வயதில் சவுதியைப் பற்றி 'நம் ஊர் கிணறுகளைப் போல் சவுதியிலும் எண்ணெய் கிணறுகள் இருக்கும். அதிலிருந்து பெட்ரோலை வாளிகளில் எடுதப்பார்களாம்' என்று தமாஷாக சொல்லக் கேள்விப்பட்டுள்ளேன். ஆனால் இன்று சொர்க்கபுரியாக சவுதி மாறியுள்ளது. அந்த மாற்றத்தில் நம் தமிழர்களின் பங்கும் அளப்பரியது. நேரம் 12 ஐ நெருங்கி விட்டது. நீங்கள் அனைவரும் பசியோடு அமர்ந்திருப்பீர்கள். உங்களை அதிகம் சிரமப்படுத்த நான் விரும்பவில்லை. இத்தோடு எனது பேச்சை முடித்துக் கொள்கிறேன். பார்வையாளர்கள் யாரும் ஏதும் கேள்விகள் இருந்தால் கேட்கலாம்.

கேள்வி: சமூகத்தை மாற்றக் கூடிய வகையில் கருத்துள்ள படங்கள் வருவதில்லையே? மலையாள படங்களைப் போல் தமிழ்ப்படங்கள் வர வாய்ப்பில்லையா?

டைரக்டர் அமீர் பதில்: மலையாளிகள் நன்கு படித்தவர்கள். எனவே சினிமாவும் அது போன்று மேல்மட்ட தொனியில் இருப்பதை விரும்புகிறார்கள். ஆனால் நம் தமிழகம் படிப்பறிவில் கேரளாவோடு ஒப்பிட முடியாது. கேரள மக்களைப் போன்று படித்தவர்கள் அதிகமானால் அது போன்ற படங்களும் வர வாய்ப்புண்டு.

அடுத்து சினிமா என்பது ஒரு பொழுது போக்கு சாதனமாக நமது மக்களால் பார்க்கப்படுகிறது. அது ஒரு நிழல் உலகம். உதாரணத்துக்கு சரோஜாதேவியையோ, ஜெயலலிதாவையோ அசோகன் நம்பியார் போன்றவர்கள் கெடுக்க முயற்சிக்கும் போது எங்கிருந்தோ வரும் எம்ஜிஆர் வில்லன்களை அடித்து துவைத்து விரட்டி விடுவார். அதன் பிறகு அதே எம்ஜிஆரே அந்த கதாநாயகிகளோடு அந்த வில்லன்கள செய்ய நினைத்ததை அந்த பெண் அனுமதியோடு செய்து கொண்டிருப்பார். இது சினிமா. மேலும் நம்பியாரை அவரது வாழ்நாள் முழுக்க வில்லனாகவே பார்த்து வந்துள்ளோம். ஆனால் நிஜ வாழ்க்கையில் நம்பியார் ஒரு ஐயப்ப பக்தர். மிகவும் நேர்மையாக வாழ்ந்தவர். இதை நாம் புரிந்து கொண்டாலே பல உண்மைகளை விளங்கிக் கொள்ளலாம்.

கேள்வி: உங்களின் ஒவ்வொரு படங்களும் ஆரம்பிக்கும் போது ஒரு குர்ஆன் வசனம் வருகிறதே! அதற்கும் கதைக்கும் ஏதும் சம்பந்தம் உள்ளதா?

டைரக்டர் அமீர்: எனது தயாரிப்பில் வரும் படங்களின் ஆரம்பத்தில் இறை வசனங்களை போடுவது வழக்கம். எனது மாற்று மத நண்பர்கள் எவர் கண்ணிலாவது அது பட்டு அது என்ன சொல்ல வருகிறது என்று ஆராய மாட்டார்களா என்ற எண்ணத்தில் போடப்படுவது. அதற்கும் படத்தின் கதைக்கும் சம்பந்தம் இல்லை.

கேள்வி: திருக்குறளை அரபி மொழியில் மொழி பெயர்க்கும் முயற்சி முன்பு நடந்தது. அந்த முயற்சி மேலும் தொடர முயற்சிப்பீர்களா?

டைரக்டர் அமீர் பதில்: நீங்கள் சொல்லும் இந்த செய்தி எனக்கு புதிதாக உள்ளது. இது பற்றிய மேலதிக விபரங்களை பார்க்கிறேன்.

பார்வையாளராக வந்த ரியாத் புற்று நோய் பிரிவில் மருத்துவராக பல ஆண்டுகளாக பணி புரிந்து வரும் டாக்டர் மாசிலாமணி இதற்கான முழு செலவுகளையும் தாம் ஏற்றுக் கொள்வதாக சொன்னார். எனவே அரபியும் தமிழும் இலக்கண சுத்தமாக எழுதத் தெரிந்தவர்கள் இந்த வாய்ப்பை பயன்படுத்தி திருக்குறளை அரபு மொழியில் மொழி பெயர்க்க முயற்சிப்பார்களாக!

Sunday, May 04, 2014

நான்அதிகம் நேசிக்கும் நாடு எனது தாய்மண் தான்!

திரு அரிசோனன்!

// ஜனாப் சுவனப்பிரியன்!
அப்படிப்பட்ட, இஸ்லாமிய நாட்டிற்கு, ஷாரியாப்படி நடத்தப்படும் நாட்டிற்கு நீங்கள் செல்லத் தயாரா, அல்லது நீங்கள் குறிப்பிடுவது போன்ற, இந்துக்களால் ஆட்சி செய்யப்படும், //முஸ்லிம்கள் இரண்டாந்தர குடி மக்களாகத்தானே நடத்தப்படுகின்ற// இந்தியாவில் இருக்க விரும்புகிறீர்களா?//


எனது தாய் நாடான இந்தியாவில் இருப்பதற்கு யாருடைய அனுமதியையும் பெற தேவையில்லை நண்பரே! எனது தாய் நாடு பல வலிகளை எனக்குள் கொடுத்துள்ளது. அது மாறாத பல ரணங்களை என்னுள் ஏற்படுத்தியுள்ளது. இருந்தாலும் எனது தாய் மண்ணை நேசிப்பதிலோ இந்த மண்ணை காப்பதிலோ எள் அளவும் பின் வாங்க மாட்டேன். ஒருவன் தனது தாய் நாட்டை நேசிப்பதென்பது அவனது ரத்தத்தில் ஊறிய ஒன்று. அது ஒருவரால் சொல்லிக் கொடுத்து வருவதில்லை.

சவுதிக்கு பணி நிமித்தம் வந்ததில் பல சௌகரியங்களை நான் பெற்றுக் கொண்டாலும் தாய் நாட்டை அதுவும் தமிழக மண்ணை விமானம் மிதித்தவுடன் எனது உடம்பினுள் ஏற்படும் ஒரு புத்துணர்ச்சிகளை வார்த்தைகளால் வடிக்க இயலாது. அலுவலக அறை, சமையல் அறை, படுக்கை அறை, ஏன் கழிவறை கூட சவுதியில் அவ்வளவு சுத்தமாகவும், மணத்துடனும் இருக்கும். ஆனால் இந்த சுத்தத்திலும் மணத்திலும் ஒரு அந்நியமே தென்படும். தமிழகத்தில் விமான நிலையத்தை விட்டு வெளியேறியவுடன் பணம் பிடுங்கும் சுங்கத் துறையினரும், பிச்சைக்காரர்களும், தெருவோர குடிசைவாசிகளும், பேரூந்து நிலைய மூத்திர வாசனையும், பலரின் வியர்வையின் துர்நாற்றமும் ஒரு வித அயற்சியை தந்தாலும் இது நான் பிறந்த மண் என்று நெஞ்சை நிமிர்த்திக் கொண்டு நான் செல்கிறேன். இங்கு எனக்கு எந்த கட்டுப்பாடும் கிடையாது. ஆனாலும் நான் சவுதியில் எந்த கட்டுப்பாடுகளோடு இருந்தேனோ அதே கட்டுப்பாடுகளை எனது தாய் நாட்டிலும் பின்பற்றுகிறேன்.

பல தலைமுறைகளாக எந்த கஷ்டமும் இன்றி இறைவன் எங்களின் குடும்பத்தை நலமாகவே வைத்துள்ளான். உற்றார் உறவினர் அக்கம் பக்கத்தினர் இந்து கிறித்தவ நண்பர்கள் என்று பலரையும் நல்லவர்களே எங்களைச் சுற்றி உள்ளனர். ஆனால் நானும் எனது குடும்பமும் மட்டுமே நன்றாக இருந்து விட்டால் போதுமா?

இஸ்லாத்தை ஏற்று அரபு பெயரை வைத்த ஒரே காரணத்திற்காக 'தீவிரவாதி' என்ற பழிச் சொல்லை சுமந்து 10 வருடம் 15 வருடம் என்று வெறும் விசாரணைக் கைதிகளாகவே காலம் தள்ளும் எத்தனையோ குடும்பங்களை நான் சந்தித்துள்ளேன். 10 வருடம் அவனது இளமை எல்லாம் கழிந்தவுடன் 'நிரபராதி' என்ற பெயருடன் வெளி வரும் அவனை இந்த சமூகம் ஏற்றுக் கொள்ளுமா? முன்பு 'தீவிரவாதி' என்று கொட்டை எழுத்தில் முதல் பக்கத்தில் பிரசுரித்த நமது நாளேடுகள் இவனது விடுதலையையும் போடலாம் தானே! அப்படி போட்டதா?

இன்றில்லா விட்டாலும் இன்னும் பல ஆண்டுகள் கழித்தாவது இந்த இஸ்லாமியனை எனது தாய் நாடு புரிந்து கொண்டு அரவணைக்கும் என்ற நம்பிக்கையில் காலம் தள்ளும் பல கோடி இஸ்லாமியர்களில் நானும் ஒருவன். எனவே வெளி நாடுகள் பல சொர்க்கபுரியாகவே இருந்தாலும் எனது தாய் நாட்டுக்கு ஈடாக முடியாது என்பதை சொல்லிக் கொள்கிறேன்.

எனது மூதாதையர்கள் வாழ்ந்த பூமி: இன்று நான் வாழ்ந்து வரும் பூமி: நாளை எனது குழந்தைகள் தங்களின் வாழ்வை துவக்கப் போகும் இந்த பாரத பூமி என்றுமே எங்கள் தாய் நாடுதான் என்று சொல்லிக் கொள்கிறேன். அதற்கு ஈடு இணை வேறு நாடுகளை என்னால் கற்பனை செய்து கூட பார்க்க முடியவில்லை என்பதையும் பதிவு செய்கிறேன். ஆனால் வருங்காலமும் இதே போன்ற இன்பத்தை இந்த நாடு பெற வேண்டுமானால் அனைத்து மக்களையும் அரவணைத்துச் செல்கின்ற ஒரு தன்னலமற்ற தலைவரை ஒரு இயக்கத்தை நமது நாடு பெற வேண்டும். அதில்தான் நமது நாட்டின் வெற்றி அடங்கியுள்ளது.

Sunday, March 02, 2014

காஃபாவில் மொழி மாற்றும் வசதி அறிமுகம்!



இனி மெக்கா காஃபாவில் தொழ வருபவர்கள் வெள்ளிக் கிழமை தொழுகைக்கு முன் நடத்தப்படும் உரையை ஆங்கிலத்திலும் உருது மொழியிலும் ஒரே நேரத்தில் கேட்கலாம். ஏர் ஃபோன் (INTRA -FM SERVICE) மூலமாக மொழி பெயர்க்கப்படும் இந்த சேவையை மெக்கா பள்ளியின் இமாம் சுதைஸ் தொடங்கி வைத்தார். வெள்ளிக் கிழமை தொழுகைக்கு முன் நடத்தப்படும் உரையானது மிக முக்கியத்துவம் வாய்ந்ததாக முகமது நபி காலத்திலிருந்து இருந்து வருகிறது. அரசாங்கமே பள்ளியில் தான் பெரும்பாலும் நடத்தப்பட்டது. தொழுகைக்கு வரும் மக்களுக்கு சொற்பொழிவில் அந்த இமாம் என்ன சொல்கிறார் என்பது புரிய வெண்டும். அந்த சொற்பொழிவு தாய் மொழியில் இருந்தால்தான் அது சாத்தியப்படும். முதன் முதலாக உருதுவிலும் ஆங்கிலத்திலும் இந்த சேவை தொடங்கப்பட்டுள்ளது. மொழி மாற்றும் வசதி கொண்ட பூத்கள் நிறுவப்பட உள்ளன. இனி உலகின் பல மொழிகளிலும் மொழி மாற்றும் வசதிகள் செய்யப்படலாம் . தமிழும் மலையாளமும் கூடிய விரைவிலேயே வரலாம். இது வரவேற்கத்தக்க மாற்றம்.

உலகில் தேவ மொழி என்று எந்த மொழியையும் இஸ்லாம் காட்டவில்லை. உலகில் உள்ள மூல மொழிகள் எல்லாம் இறைவன் மனிதனுக்கு கற்றுக் கொடுத்தவையே. உலகில் உள்ள மொழிகள் எல்லாமே இறைவனால் மனிதனுக்கு அவனது அறிவை பெருக்கிக் கொள்ள வழங்கப்பட்டது.

ஆனால் நமது தமிழகத்தில் இன்றும் பல பள்ளிவாசல்களில் அரபி மொழியை தேவ மொழியாக நினைத்து வெள்ளிக்கிழமை பிரசங்கத்தை அரபியில் ஒரு சடங்காக ராகத்தோடு ஓதுவதைப் பார்க்கிறோம். புரியாத மொழி என்பதால் பலர் பிரசங்கம் முடியும் தருவாயில்தான் பள்ளிக்குள் நுழைகின்றனர். முன்பே பள்ளிக்கு வந்து விடுபவர்கள் கூட பிரசங்கம் புரியாததால் தூங்க ஆரம்பித்து விடுகின்றனர். வெள்ளிக் கிழமை பிரசங்கமானது வரக் கூடிய மக்களை தட்டி எழுப்பும் வகையில் கம்பீரமாக இருக்க வேண்டும். தாலாட்டி தூங்க வைக்கக் கூடாது. கஃபாவிலேயே உலக மொழிகள் வர ஆரம்பித்து விட்டது. எனவே நமது தமிழக பள்ளிவாசல்களிலும் பிரசங்கங்களை தாய் மொழியான தமிழிலேயே தர நிர்வாகிகள் முயற்சிக்கலாமே!

எங்கள் ஊரில் பெரிய பள்ளி, கீழப் பள்ளி என்று இரண்டு பள்ளிகள் உண்டு. பெரிய பள்ளியில் ஜூம்ஆ பிரசங்கம் அரபியில் நடைபெறும். கீழப் பள்ளியில் ஜூம்ஆ பிரசங்கம் தமிழில் நடைபெறும். 'அருகருகே இருக்கும் இரண்டு பள்ளியில் ஏன் இந்த வித்தியாசம்? இனிமேல் தமிழில் பிரசங்கம் பண்ணக் கூடாது.தமிழில் பிரசங்கம் பண்ணுவது நபி வழிக்கு மாற்றமானது' என்று ஒரு கூட்டம் 70 ஆண்டுகளுக்கு முன்பு பிரச்னை பண்ணியது. வழக்கும் தொடர்ந்தனர். அப்போது வெள்ளையரின் ஆட்சி. பெரும் பெரும் மார்க்க அறிஞர்கள் வந்து விவாதமும் நடைபெற்றது. இரு தரப்பும் தங்கள் வாதங்களில் பிடிவாதமாக இருக்கவே வெள்ளைக்கார நீதிபதி 'யாரும் யாரையும் வற்புறுத்தக் கூடாது. ஒருமித்த கருத்து ஏற்படும் வரை முன்பு எந்த வழக்கம் கடை பிடிக்கப்பட்டதோ அதுவே தொடர வேண்டும்' என்று தீர்ப்பளித்து சென்று விட்டார். இந்த வரலாற்றை எனது தாத்தா என்னிடம் சொல்லக் கேட்டுள்ளேன். அந்த காலத்திலிருந்தே இஸ்லாமிய சட்டங்களை சரிவர விளங்காத ஒரு கூட்டம் தொடர்ச்சியாக இருந்து கொண்டிருக்கிறது. தமிழில் குர்ஆனை மொழி பெயர்க்கக் கூடாது என்று ஒரு கூட்டம் பெரும் எதிர்ப்பை கொடுத்துக் கொண்டிருந்த கூத்தும் சில காலம் தமிழகத்தில் இருந்தது. முதலில் குர்ஆனை தமிழில் மொழி பெயர்த்த ஏ கே ஏ அப்துல் சமதின் தந்தையை சில மார்க்க அறிஞர்கள் 'இஸ்லாத்தை விட்டு வெளியேறி விட்டார்' என்று கூட ஃபத்வா கொடுத்தனர். :-) இது போன்றவர்களுக்கு அன்பாக உண்மையை புரிய வைக்க வேண்டியது நமது கடமை.

'எந்த ஒரு தூதரையும் அவர் தமது சமுதாயத்திற்கு விளக்கிக் கூறுவதற்காக அச்சமுதாயத்தின் மொழியிலேயே அனுப்பினோம்'
-குர்ஆன் 14:4


இந்த வசனத்தின் மூலம் தமிழ் மொழிக்கு இறைத்தூதரும் இறை வேதமும் வந்துள்ளதை அறியலாம். முகமது நபி அரபியரக இருந்ததால் குர்ஆன் அரபி மொழியில் இறங்கியது. முகமது நபி தமிழராக இருந்திருந்தால் குர்ஆன் தமிழிலேயே இறங்கியிருக்கும்.

தகவல் உதவி
சவுதி கெஜட்
03-03-2014

Thursday, January 16, 2014

அற்புத திருவந்தாதி - இறைவனை காணாமலே காதல்

காரைக்கால் அம்மையார் அருளிச் செய்த அற்புத திருவந்தாதி.

அன்றுன் திருவுருவம் காணாதே ஆட்பட்டேன்
இன்றும் திருவுருவம் காண்கிலேன் - என்றும் தான்
எவ்வுருவோ நும்பிரான் என்பார்கட்கு என்னுரைக்கேன்
எவ்வுருவோ நின்னுருவம் ஏது’


மிகவும் எளிமையாக புரிந்து கொள்ளும் வண்ணம் இந்த பாடல் இயற்றப்பட்டுள்ளது.

அன்று உன் திரு உருவம் காணாதே உனக்கு நான் ஆட் பட்டேன். உன்மேல் காதல் கொண்டேன்.

இன்றும் உன் திரு உருவம் காண்கிலேன்.

என்னிடம், "உன்னுடைய இறைவன் என்ன உருவம்" என்று கேட்பவர்களுக்கு நான் என்ன சொல்லுவேன். எது தான் உன் உருவம் என்று இறைவனிடமே கேட்கிறார் அம்மையார்.

(பிரியாதவன் என்பதன் மரூவு பிரான். எம்பிரான் என்றால் எம்மை விட்டு எப்போதும் பிரியாதவன் என்று பொருள்)

இறைவனை உளப்பூர்வமாக வணங்குவதற்கு நமக்கு முன்னால் இறைவனின் உருவம் இருக்க வேண்டும் என்ற அவசியம் இல்லை என்பதை இந்த பாடல் நமக்கு உணர்த்துகிறது. உலகில் உள்ள முஸ்லிம்கள் அனைவரும் ஐந்து வேளையும் உருவம் இல்லாமலேயே இறைவனை உளப் பூர்வமாக வழிபடுவதை தினமும் பார்க்கலாம்.

1500 ஆண்டுகளுக்கு முன் எழுதப்பட்ட ஒரு தமிழ் பாடல் இன்று எழுதியது போல் உள்ளதை நினைத்து நான் ஆச்சரியப்படுகிறேன். தமிழ் மொழியானது அந்த அளவு சிதையாதது இன்று வரை வாழ்ந்து வருகிறது.

------------------------------------------------------

'நீங்கள் இறைவனைப் பார்த்ததுண்டா?' என்று முகமது நபியிடம் கேட்கப் பட்டபோது 'அவனோ ஒளி மயமானவன்.நான் எப்படி அவனைப் பார்க்க முடியும்? என்று பதிலளித்தார்.

ஆதாரம் : முஸ்லிம் :261 - புகாரி 3234, 4855, 7380

மேற்கண்ட நபி மொழி மூலம் முகமது நபியும் இறைவனைப் பார்த்ததில்லை என்று நம்மால் விளங்க முடிகிறது.

இனி இறைவனின் உருவத்தைப் பற்றி குர்ஆன் என்ன சொல்கிறது என்று பார்ப்போம்.

அவனைக் கண்கள் பார்க்காது. அவனோ கண்களைப் பார்க்கிறான். அவன் நுட்பமானவன். நன்கறிந்தவன்.'

குர்ஆன் 6 : 103


இந்த வசனத்தின் மூலம் இறைவனை பார்க்கும் சக்தி நமது கண்களுக்கு கொடுக்கப்படவில்லை என்று அறிகிறோம். இறைவனை நான் பார்த்தேன் என்று யாராவது சொன்னால் அவர்கள் பொய் சொல்கிறார்கள் என்று உடன் சொல்லி விடலாம்.

நபி மொழியில் ஒரு இடத்தில் 'ஏழைகளுக்கு உணவளித்தால் அது இறைவனுக்கு உணவளித்தது போல் ஆகும்: ஏழைக்கு உடையளித்தால் அது இறைவனுக்கு அளித்ததாகும் அதாவது 'ஏழையின் சிரிப்பில் இறைவனை காண்போம்' என்ற தத்துவத்தை அழகாக சொல்கிறது. எனவே இஸ்லாமிய நம்பிக்கைபடி உலகிலேயே இறைவனை காண வேண்டுமானால் ஏழைகளுக்கு உதவிட விட வேண்டும் என்று இஸ்லர்ம் கட்டளையிடுகிறது. நற் கருமங்கள் செய்து நல் அடியார்களாக மரணித்தவர்களுக்கு மறு உலகில் இறைவன் தனது முகத்தை காட்டுவான். அந்த நல்ல நாளுக்காக நாம் அதிகமதிகம் நன்மைகளை செய்ய முயற்சிப்போமாக!

Tuesday, January 14, 2014

ஏக இறைவனை பறை சாற்றும் திருநாவுக்கரசரின் தேவாரம் !

திருநாவுக்கரசரின் தேவாரம் 3051.


என்றும்நாம் யாவர்க்கும் இடைவோ மல்லோம்


இருநிலத்தில் எமக்கெதிரா வாரு மில்லை


சென்றுநாம் சிறுதெய்வம் சேர்வோ மல்லோம்


சிவபெருமான் திருவடியே சேரப் பெற்றோம்


ஒன்றினாற் குறையுடையோ மல்லோ மன்றே


உறுபிணியார் செறலொழிந்திட் டோடிப் போனார்


பொன்றினார் தலைமாலை யணிந்த சென்னிப்


புண்ணியனை நண்ணியபுண் ணியத்து ளோமே.


5. பொ-ரை: சிவபெருமான் திருவடியே சேரப்பெற்றோமாய், இறந்த பிரமவிட்டுணுக்களுடைய தலைகளை மாலையாகக் கோத்து அணிந்த தலையையுடைய புண்ணியனை நண்ணிய புண்ணியத்து உள்ளோமாதலின் யாவர்க்கும் யாம் என்றும் பின்வாங்குவோம் அல்லோம். இப்பரந்த பூமியில் எமக்கு எதிராவார் யாரும் இல்லை. யாம் தேடிச்சென்று சிறு தெய்வங்களைச் சேர்ந்து தொழுவோம் அல்லோம். யாம் ஒன்றினாலும் குறையுடையேம் அல்லேம். அதனால் மிக்க பிணிகள் எம்மைத் துன்புறுத்தலை விட்டு ஓடிப்போயின.

கு-ரை: இடைதல் - பின்வாங்குதல். எதிராவார் - இணையாவார்; உம்மை, 'உயர்வாவாரும் இல்லை' என, எதிரது தழுவிற்று. இனி, 'எதிராக ஆரும்' இல்லை என்றலுமாம். 'சேர்வோம் அல்லோமாய்' என, எச்ச மாக்குக. அன்றே - அமணரை விட்டு நீங்கிய அன்றே. உறுபிணி - மிக்கநோய். செறல் - வருத்துதல். "பிணியார்" எனவும், "ஓடிப்போனார்" எனவும் உயர்திணையாக்கியருளியது, அதனது மாட்டாமையாகிய இழிபுணர்த்தற்கு. பொன்றினார் - இறந்தவர். நண்ணிய புண்ணியம் - அடைந்த புண்ணியப் பயன். "சேரப்பெற்றோம், புண்ணியத்துளோம்" என்பவற்றை முதற்கண் வைத்து, 'அதனால்' என்னும் சொல்லெச்சம் வருவிக்க.

சிவபெருமான் திருவடியே சேரப்பெற்றோமாய், இறந்த பிரமவிட்டுணுக்களுடைய தலைகளை மாலையாகக் கோத்து அணிந்த தலையையுடைய புண்ணியனை நண்ணிய புண்ணியத்து உள்ளோமாதலின் யாவர்க்கும் யாம் என்றும் பின்வாங்குவோம் அல்லோம். இப்பரந்த பூமியில் எமக்கு எதிராவார் யாரும் இல்லை. யாம் தேடிச்சென்று சிறு தெய்வங்களைச் சேர்ந்து தொழுவோம் அல்லோம். யாம் ஒன்றினாலும் குறையுடையேம் அல்லேம். அதனால் மிக்க பிணிகள் எம்மைத் துன்புறுத்தலைவிட்டு ஓடிப் போயின.

இந்த உலகத்தில் எவருக்கும் நாம் சளைத்தவரில்லை: இந்த உலகில் நமக்கு எதிரிகள் எவரும் இல்லை: சிறு தெய்வ வணக்கங்களை விட்டொழிப்போம்: பரம் பொருளாகிய சிவபெருமானின் திருவடிகளையே பூஜிப்போம்: எந்த குறையும் எம்மை அண்டாது: இவ்வாறு சிவ பெருமானை மட்டுமே வணங்கியதால் எமக்கு வந்த துன்பங்கள் எம்மை விட்டு விரண்டோடின:

ஏக தெய்வ வணக்கத்தை மிக அழகிய முறையில் இந்த பாடல் நமக்கு எடுத்துக் காட்டுகிறது. சிவ பெருமானின் உருவத்தை பின்னால் வந்தவர்கள் தங்களின் கற்பனையால் உருவாக்கிக் கொண்டனர். ஒரு சிலர் உருவமில்லாத வெறும் லிங்கதத்தை மட்டுமே வைத்து வழிபடுவர். சிறு தெய்வங்களாக கருதப்படும் முருகன், பிள்ளையார், சரஸ்வதி, நாகூர் ஆண்டவர், வெங்கடாஜலபதி, ஐயப்பன் போன்றவைகளை வணங்குவது வெற்றியைத் தராது என்று இந்த பாடல் நமக்கு உணர்த்துகிறது.


பெருமபாலான மக்கள் இது போன்ற சிறு தெய்வ வணக்கங்களில் ஈடுபடுவதை சர்வ சாதாரணமாக பார்க்கிறோம். 'நாகூர் தர்ஹாவுக்கு ஏன் போகிறீர்கள்? எந்த ஆதாரத்தில் செல்கிறீர்கள்? முருகன் கடவுள் என்று யார் சொன்னது? அந்த உருவில்தான் கடவுள் உள்ளார் என்பதை எது உனக்கு தெரிவித்தது" என்று கேட்டால் அவர்களிடம் பதில் இருக்காது. இது பற்றிய ஒரு குர்ஆன் வசனத்தை பார்ப்போம.

'பூமியில் உள்ளவர்களில் அதிகமானோருக்கு முஹம்மதே நீர் கட்டுப்பட்டால் அவர்கள் உம்மை இறைவனின் பாதையிலிருந்து வழி கெடுத்து விடுவார்கள். அவர்கள் ஊகத்தையே பின் பற்றுகின்றனர். அவர்கள் அனுமானம் செய்வோர் தவிர வேறு இல்லை.'

-குர்ஆன் 6:116


அன்றைய அரபு மக்களிடம் 'உங்களை படைத்தது யார்?' என்றால் 'அல்லாஹ்' என்று அழகாக பதில் சொல்வார்கள். ஆனால் சிலைகளை செய்து வைத்து அதை பூஜித்து சிறு தெய்வ வணக்கங்களையும் செய்து வந்தனர். ஏன் என்று அவர்களிடம் கேட்டால் 'இந்த சிறு தெய்வங்கள் இறைவனிடம் எங்களுக்காக பரிந்து பேசும்' என்ற பதிலை சொல்வார்கள். இதை கண்டிக்கும் முகமாகத்தான் முஹமது நபியைப் பார்த்து இந்த வசனத்தில் இறைவன் அழகிய கேள்வியைக் கெட்கிறான். இன்றும் கூட 'நாகூர் தர்ஹாவுக்கு ஏன் போகிறீர்கள்?' என்று நாம் கேட்டால் 'இறைவனிடம் எங்களுக்காக இங்கு அடங்கி இருப்பவர் பரிந்து பேசுவார்' என்ற பதிலை சொல்கிறார்கள். இதற்கு ஆதாரம் எதனையும் அவர்கள் சமர்ப்பிப்பதில்லை. அன்று இறங்கிய வசனம் இன்றும் நமது தமிழகத்துக்கும் பொருந்துவதைப் பார்த்து ஆச்சரியப்படுகிறோம்.

Monday, January 13, 2014

சிதம்பர ரகசியம் - ஒரு அலசல்

'அப்துல் காதருக்கும் அமாவாசைக்கும் என்ன சம்பந்தம்' என்று நீங்கள் கேட்கலாம்! இன்று நான் முஸ்லிமாக இருந்தாலும் எனது முன்னோர்கள் முன்பு இந்துக்களாகத்தானே இருந்துள்ளனர். எங்கள் ஊருக்கு அருகில் இருக்கும் சிதம்பரமும் எங்கள் முன்னோர்களின் வாழ்வில் ஒரு அங்கமாக இருந்திருக்கலாம். இனி இந்த கோவிலின் பிரச்னை பற்றி இணையத்தில் வரும் செய்திகளைப் பார்ப்போம்:

//தமிழக மன்னர்களால் கட்டப்பட்ட இந்தக் கோயில், கரையான் புற்றெடுக்கக் கருநாகம் குடிபுகுந்த கதையாகி விட்டது. தமிழ் அரசர்கள் கோயிக்காக விட்ட தானங்களை, நிலங்களை தீட்சதப் பார்ப்பனர்கள் கபளீகரம் செய்து விட்டனர்.

இந்தப் பார்ப்பனர்கள் கைலாசத்திலிருந்து நேரே இறங்கி வந்தவர்களாம். மூவாயிரம் பார்ப்பனர்களில் தலைமை எண்ணும்போது ஒரு தலை குறைந்ததாம் அந்த ஒரு ஆசாமி நான்தான் என்று சிவனே சொன்னதாகக் கதையளந்து வைத்துள்ளனர்.

தில்லைவாழ் அந்தணர் தம் அடியார்க்கும் அடியேன் என்று பரமசிவன் சுந்தரமூர்த்தி நாயனாருக்கு அடி எடுத்துக் கொடுக்க திருத்தொண்டத் தொகையை சுந்தரர் பாடினாராம். தில்லையில் வாழும் பார்ப்பனர்களின் அடியார்களுக்கும் அடியாராம் சிவபெருமான்!

வானம் முட்டும் கோபுரங்கள் கட்டியவர் யார்? அதன் உச்சிக்கெல்லாம் தங்க மூலாம் பூசியவர் யார்? தில்லை நடராசருக்குத் தங்கக்கூரை வேய்ந்து தந்தவர் யார்? சத்திரம், சாவடி கட்டியவர் யார்? அன்றாடம் ஆறுகால பூஜைக்கு உதவி வருபவர் யார்? எல்லாம் நாம் தானே? நாம் போட்டுக் கொடுத்த செல்வம் தானே இவை யாவும்? ஒரு பார்ப்பானாவது, ஒரு செல்லாக் காசாவது கோவில், குளம், தானம் தருமம் இவற்றிற்குக் கொடுத்திருப்பானா? அப்படியிருக்க இவ்வளவு செய்தும் நாம் ஏன் சூத்திரர்களாயிருக்க வேண்டும்? அவர்கள் மட்டும் ஒன்றும் செய்யாமலேயே நம்மை ஏமாற்றி உண்டு, பிராமணர்களாக வாழ வேண்டும்.

இந்தக் கோவிலே அந்த கோவில் பக்தர்களுக்குச் சொந்தமாக இருக்க வேண்டுமே தவிர, அது சில பித்தர் களுக்கு சொந்தமாக இருக்கக்கூடிய வாய்ப்புகள் இருக்காது - இருக்கக் கூடாது

தமிழ்நாட்டில் மட்டுமல்ல, உலகத் தமிழர்களின் சைவத்தில் எந்த பிரிவும் (denomination ) கிடையாது. ஆனால் தமிழ்நாடு அரசு தகுதி வாய்ந்த வழக்கறிஞரை வைத்து, அவர்களின் வாதத்தை எதிர்த்து வாதாடாததால், தமிழர்களின் முக்கியமான வரலாற்றுச் சின்னம் ஒரு குறிப்பட்ட சாதியினருக்கு தாரை மட்டும் வார்த்துக் கொடுக்கப்பட்டு விட்டது,

இதில் கவலைப்பட வேண்டிய விடயம் என்னவென்றால், பெரும்பாலான தமிழ்நாட்டுத்தமிழர்கள் எனக்கென்ன போச்சு என்றிருக்கிறார்கள். இதைப் பற்றி கருத்துத் தெரிவித்த பதிவர்களையே விரல் விட்டு எண்ணிவிடலாம். மற்றவர்கள் எம்மை முற்போக்குள்ள, மதச்சார்பற்றவர்கள் என்று எண்ண வேண்டுமென்பதற்காக, தமிழர்களின் வரலாற்றுச் சின்னங்களை மற்றவர்கள் அநீதியான முறையில் சொந்தம் கொண்டாடும் போது அமைதி காப்பது சரியான கோழைத்தனம்.

‘கோயில்’ என்று உலகமெங்கும் வாழும் தமிழர்கள் போற்றும் சிதம்பரம் தீட்சிதர்களுக்கு மட்டும் பாத்தியதையான கோயில் என்றால்,, தீட்சிதர்கள் ஏனைய தமிழ்ச்சைவர்களை விட வேறொரு Denomination என்றால், தமிழர்கள் சிதம்பரத்துக்கு எதற்காகப் போக வேண்டும். உண்மையில் சிதம்பரம் மீண்டும் தமிழக அரசின் கட்டுப்பாட்டுக்குள் வரும் வரை “தீட்சிதர்களுக்குப் பாத்தியதையான”” சிதமபரம் கோயிலை தமிழர்கள் புறக்கணிக்க வேண்டும். அப்படி அங்கு சென்றாலும் எந்தக் காணிக்கையும் செலுத்தக் கூடாது, தமிழ்நாட்டுத் தமிழர்களிடம் ஒற்றுமை இல்லை, அது தான் இதற்கெல்லாம் காரணம். அடுத்ததாக திருவரங்கம் போன்ற கோயில்களுக்கும் இப்படி நடக்காதென்று, என்ன நிச்சயம்?//


படித்து விட்டீர்களா? சைவர்களின் மெக்காவாக போற்றப்படுவது சிதம்பரம் தில்லை நடராஜர் கோவில். மெக்கா என்றவுடன் எனக்கு கஃபாவின் ஞாபகம் வந்தது. அந்த கஃபாவுக்குள் நுழைய யாரின் அனுமதியையும் பெறத் தேவையில்லை. நேற்று இஸ்லாத்தை ஏற்ற ஒரு தலித் சகோதரன் கூட உரிமையோடு அந்த கஃபாவுக்கு நெஞ்சை நிமிர்த்திக் கொண்டு செல்லலாம். உண்டியல் இல்லை. இறைவனிடம் உங்கள் கோரிக்கைகளை வைக்க எந்த மத குருமார்களும இல்லை. உலக மக்கள் யாவரும் வந்து தங்கள் தலையை தரையில் வைத்து தங்களது தாய் மொழியில் மணிக் கணக்கில் அழுது இறைவனிடம் தங்கள் குறைகளை சொல்லிக் கொண்டிருப்பர். எத்தனை நாள் வேண்டுமானாலும் நீங்கள் அங்கு இலவசமாக தங்கிக் கொள்ளலாம். தூக்கத்தை தியாகம் செய்து முதல் ஆளாக நீங்கள் போனால் முதல் வரிசையில் நீங்கள் நின்று கடமையான தொழுகைகளை தொழ முடியும். அங்கேயே இறந்து விட்டால் அரசு செலவில் உங்கள் உடலை குளிப்பாட்டி உங்களுக்கு பிரார்த்தனை தொழுகையும் உலக மக்கள் முன்னிலையில் நடைபெறும். அருகில் உள்ள மைய வாடியில் எந்த பாகுபாடும் இல்லாமல் உங்கள் உடல் அடக்கமும் செய்யப்படும்.

நாடு, இனம், நிறம் என்று எந்த பாகுபாடும் இல்லாமல் உலக மக்கள் ஒன்றாக கூடி தினம் ஐந்து வேளை தொழுகைகளை இந்த பள்ளியில் எந்த ஒரு காவலர் துணையுமின்றி நிறைவேற்றுகிறார்களே! அப்படியிருக்க.....

சைவர்களின் மெக்கா தில்லை நடராஜர் கோவில் என்ற பெயர் பெற்ற இந்த தில்லை நடராஜரை வணங்க வருபவர் அதிகம் தமிழர்களே! உலக நாடுகளிலிருந்து பக்தி மேலீட்டால் அங்கு வருபவர்களை தமிழில் பாடக் கூடாது என்றும், பணம் கொடுத்தால் மட்டுமே உள்ளே அனுமதிப்போம் இல்லை என்றால் வெளியிலேயே தரிசனம் பண்ணி விட்டு போ என்று அங்குள்ள பார்பனர்கள் சொல்வதும் தொடர்ந்து நடைபெற்று வருகிறது. கோடிக்கணக்கான சொத்துக்கள் அங்குள்ள பார்பனர்களால் களவாடப்படுகிறது. இது பற்றி அரசும் கண்டு கொள்வதில்லை. நகைகளும் சொத்துக்களும் கொள்ளை போவதாக அங்குள்ள தீட்ஷிதர்களே சொல்கிறார்கள்.

எனவே புனித கஃபா ஆலயத்தை பின் பற்றி வழிபட வரும் மக்கள் எந்த மொழியில் பாட, பிரார்த்தனை செய்ய ஆசைப்படுகிறார்களோ அந்த மொழியிலேயே பாடவும் பிரார்த்தனை செய்யவும் அனுமதிக்கப்பட வேண்டும். புரோகிதர் தேவையில்லை: இறைவனிடம் நாங்கள் நேரிடையாக எங்கள் பிரார்த்தனையை வைக்கிறோம் என்று பக்தர்கள் கேட்டால் அவர்கள் விருப்பத்துக்கு விட வேண்டும். தற்போது உள்ள தீட்ஷிதர்களே தொடரட்டும். விருப்பமுள்ளவர்கள் அவர்களை வைத்து பூஜைகள் செய்து கொள்ளட்டும். அங்குள்ள நிர்வாகத்தை கவனிக்க அந்த ஊர் மக்களைக் கொண்ட ஒரு கமிட்டி அமைத்து நிலைமையை சீராக்கலாம். அரசு மேற்பார்வையிடலாம். அந்த மேற்பார்வையும் அரசியல் கலப்பில்லாமல் இருக்க வேண்டும். பெரும்பான்மை மக்களின் விருப்பத்தை நிறைவேற்றுவது அரசின் கடமை. அதனை இந்த அரசு செய்கிறதா என்று பொறுத்திருந்து பார்ப்போம்.

Thursday, January 09, 2014

நாலடியார் - பேச்சா ? குரைப்பா?

கல்லாது நீண்ட ஒருவன் உலகத்து
நல்லறி வாள ரிடைப்புக்கு - மெல்ல
இருப்பினும் நாயிருந் தற்றே, இராஅது
உரைப்பினும் நாய்குரைத் தற்று.

பொருள்

கல்லாது நீண்ட ஒருவன் = கல்வியறிவு இல்லாது வளர்ந்த ஒருவன்

உலகத்து = இந்த உலகில்

நல்லறி வாள ரிடைப்புக்கு = நல்ல அறிவுள்ளவர்கள் மத்தியில் செல்வது

மெல்ல இருப்பினும் = சுவடு படாமல், மெல்ல போனாலும்

நாயிருந் தற்றே = அது நாய் இருப்பது போலத்தான்

இராஅது = அது சும்மா இருக்காது

உரைப்பினும் = பேசினால் கூட

நாய்குரைத் தற்று = குரைப்பது போலத்தான் இருக்கும்

கற்றறிந்தோர் சபையில் பேசாமல் இருப்பது நல்லது....

அரசியல்வாதிகள், ஆன்மீக வாதிகள் என்று பலரும் உரிய கல்வி இல்லாமலேயே முக்கிய பதவிகளை தங்களது செல்வாக்காலும் பண பலத்தாலும் பெற்று விடுகிறார்கள். அப்படி குறுக்கு வழியில் பெற்ற அந்த இடத்தை அடைந்தும் அவர்களின் கல்வியறிவு குறைவினால் தாங்கள் யார் என்பதை உலகுக்கு தங்களையறிமாலேயே காட்டி விடுவார்கள். எல்லாம் தெரிந்த மேதாவி மாதிரி பேசவும் தொடங்கி விடுவார்கள். இது எப்படி இருக்கிறது என்றால், பெரிய சபையில் நாய் நுழைந்த மாதிரி. அது நுழைந்ததே தப்பு. சரி, நுழைந்து விட்டது. பேசாமலாவது இருக்கலாம் அல்லவா ? அதால் இருக்க முடியாது. அது பேசவும் ஆரம்பித்தால், அது எப்படி இருக்கும். நாயின் குரைப்பாகத்தான் இருக்கும். அதில் ஏதாவது அர்த்தம் இருக்குமா ? இனிமை இருக்குமா ?

------------------------------------------------

''கல்வி கற்பது ஒரு வணக்கமாகும்'' (இப்னு மஸ்ஊத்). ''சிறிது நேரம் கல்வி கற்பது ஓர் இரவு நின்று வணங்குவதை விட மேலானதாகும்'' (அபூதர்தா) ''சிறிது நேரம் இருந்து எனது மார்க்கத்தைப் பற்றிய அறிவைப் பெறுவது ஓர் இரவு முழுவதும் விடியும் வரை நின்று வணங்குவதை விட எனக்கு விருப்பமானதாகும்'' (அபூஹுரைரா)

''கடமையான தொழுகை போன்ற செயல்களை அடுத்து அறிவைத் தேடுவதைவிடச் சிறந்ததோர் அமல் இல்லை'' (இமாம் அஸ்ஸெளரி) ''கடமையில்லாத தொழுகையை விட அறிவைப் பெறுவது சிறந்தது'' (இமாம் அஷ்ஷாபிஈ)

''எமது மூதாதையர் எதில் இருக்கக் கண்டோமோ அதுவே எமக்குப் போதுமானது''. ''நாம் எமது தலைவர்களையும் பெரியோர்களையும் பின்பற்றுபவர்கள்'' என்று கூறிச் செயற்படுவோரை இஸ்லாம் மூடர்கள் என்று கண்டிக்கின்றது.

மேலும், இஸ்லாம் அறிவியலுக்கு முரணான யுகங்களை மறுத்துரைக்கிறது. அனைத்து நம்பிக்கைகளும், மார்க்க நம்பிக்கைகள் உட்பட உறுதியான அறிவின் அடிப்படையில் அமையவேண்டும் என்றும் எதிர்பார்க்கின்றது. முஷ்ரிகீன்களைப் பற்றியும் அவர்களது கற்பனையான தெய்வங்களைப் பற்றியும் கூற வந்த அல்குர்ஆன் பின்வருமாறு குறிப்பிடுகின்றது.:

''இவைகளெல்லாம் நீங்களும் உங்கள் மூதாதையர்களும் வைத்துக் கொண்ட வெறும் பெயர்களேயன்றி வேறில்லை. அதற்காக இறைவன் (உங்களுக்கு) எவ்வித ஆதாரத்தையும் இறக்கிவைக்கவில்லை. அவர்கள் சந்தேகத்தையும் மனோ இச்சையையுமே பின்பற்றுகின்றனரேயன்றி வேறில்லை''. (53:23)

நம்பிக்கைகள் அனைத்தும் ஆதாரத்தின் அடிப்படையில் அமையவேண்டும் என இஸ்லாம் வலியுறுத்துகின்றது. எனவேதான் அல்குர்ஆன் பிழையான நம்பிக்கைகளைக் கொண்ட மனிதர்களை விளித்து, கீழ்வருமாறு கோரும்படி நபியை வேண்டுகின்றது.

''நீங்கள் உண்மையானவர்களாக இருந்தால் உங்களது ஆதாரத்தை கொண்டுவாருங்கள் என்று (நபியே) கூறுங்கள்''(2:111)

''எவர்களுக்குக் கல்வியறிவு கொடுக்கப்பட்டிருக்கின்றதோ, அவர்கள் நிச்சயமாக, இது உமது இறைவனிடமிருந்து வந்த உண்மை என்று உறுதியாக அறிந்து, இதை விசுவாசித்து மனப்பூர்வமாகவே அவனுக்கு வழிப்படுகின்றனர்'' (22:54)

Wednesday, January 08, 2014

தேவாரம் - கல்லைக் கட்டிக்கொண்டு கரை சேர

நமச்சிவாய பதிகத்தில் முதல் பாடல்...

சொற்றுணை வேதியன் சோதி வானவன்
பொற்றுணைத் திருந்தடி பொருந்தக்
கைதொழக் கற்றுணைப் பூட்டியோர் கடலிற்
பாய்ச்சினும் நற்றுணை யாவது நமச்சி வாயவே.

பொருள்:

சொற்றுணை = சொல் + துணை = சொல்லுக்கு துணையான

வேதியன் = வேதங்களுக்கு தலைவனான

சோதி = சோதி வடிவாய் உள்ளவன்

வானவன் = வானத்தில் உள்ளவன்

பொற்றுணைத் = பொன் போன்ற துணை உள்ள

திருந்தடி = திருவடி

பொருந்தக் கைதொழக் = மனமும், கையும் அவன் திருவடியில் பொருந்துமாறு கை தொழ

கற்றுணைப் பூட்டியோர் = கல்லைக் கட்டி

கடலிற் பாய்ச்சினும் = கடலில் தூக்கி போட்டாலும்

நற்றுணை யாவது = நல்ல துணையாவது

நமச்சி வாயவே. = நமச்சிவாய என்ற அந்த நாமமே

----------------------------------------------------

கடல் என்றால் இந்தப் பிறவி பெருங்கடல். இந்த பிறவி கடலை சும்மா நீந்தி கடப்பதே கடினம், இதில் கல்லை வேறு கட்டிக்கொண்டு எப்படி நீந்துவது?

கல்லுனா எது ? உறவுகள், பந்த பாசங்கள், ஆசைகள், கோபம், தாபம் போன்ற மன மாசுகள் ... இத்தனை கல்லை கட்டி கொண்டு இந்த பிறவிப் பெருங்கடலை எப்படி நீந்தி கரை சேருவது?

இறைவனின் திரு நாமம் இருந்தால், அந்த கற்கள் கூட தெப்பமாய் மாறி சுகமாக கரை சேர முடியும்.

திருநாவுக்கரசர் இறைவனின் உதவியைப் பற்றி இவ்வாறு பாடியிருக்க நமது தமிழகத்தில் இந்த பாடல் சம்பந்தமாக ஒரு வரலாற்று நிகழ்வையும் சொல்வர். அதனையும் பார்ப்போம்.

திரு நாவுக்கரசர் சைவ சமயத்திற்கு மாறியதால், சமணர்கள் மிகுந்த சினம் கொண்டனர். அவர்கள், அரசனிடம் சொல்லி நாவுக்கரசருக்கு தாங்கொண்ணா துன்பங்களை தந்தனர்.

அதில் ஒன்று நாவுக்கரசரை கல்லில் கட்டி கடலில் தூக்கி எரியச் செய்தது.

அப்படி கடலில் போட்டவுடன், அவர் இறைவனை நினைத்து உள்ளம் உருகி நமச்சிவாயப் பதிகம் பாடினார்.

அவரை கட்டியிருந்த கல் தெப்பமாய் மிதந்தது. அதில் ஏறி கரை சேர்ந்தார்.

இது நடந்தது கடலூருக்கு அருகில் தேவனாம் பட்டினம் என்ற கடற்கரையில்.

இன்றும் அங்கு "கரையேற விட்ட குப்பம்" என்று ஒரு இடம் உண்டு. அப்பர் கரையேறிய இடம்.

இது உண்மையான வரலாறா? அல்லது சமணர்களை மட்டம் தட்ட சைவ சமயத்தவர் செய்த கட்டுக் கதையா என்பது இன்றும் விவாதத்தில் உள்ளது. இதே கதையை மையமாக வைத்து தான் கமலஹாசனும் தசாவதாரம் படத்தின் மூலமாக இந்த கதையை எடுத்தாண்டிருப்பார்.



--------------------------------------------

'உங்களுக்காக எனக்கு கொடுத்து அனுப்பப்பட்டதை(இறை வேதத்தை) உங்களுக்கு எடுத்துச் சொல்லி விட்டேன். நீங்கள் புறக்கணித்தால் உங்களையன்றி வேறு சமுதாயத்தை அவன் உங்களுக்குப் பகரமாக ஏற்படுத்துவான். அவனுக்கு நீங்கள் எந்தத் தீங்கும் தர முடியாது. என் இறைவன் ஒவ்வொரு பொருளையும் கண்காணிப்பவன்'

-குர்ஆன் 11:57

மக்களே! உங்களது இறைவன் ஒருவனே; அறிந்து கொள்ளுங்கள்: எந்த ஒர் அரபிக்கும் ஒர் அரபி அல்லாதவரை விடவோ, எந்த ஒர் அரபி அல்லாதவருக்கும் ஒர் அரபியை விடவோ எந்த மேன்மையும் சிறப்பும் இல்லை. எந்த ஒரு வெள்ளையருக்கும் ஒரு கருப்பரை விடவோ, எந்த கருப்பருக்கும் ஒரு வெள்ளையரை விடவோ எந்த மேன்மையும் சிறப்பும் இல்லை. இறையச்சம் மட்டுமே ஒருவரின் மேன்மையை நிர்ணயிக்கும். நிச்சயமாக அல்லாஹ்விடத்தில் உங்களில் மிகச் சிறந்தவர் உங்களில் அதிகம் இறை அச்சம் உள்ளவர்தான்.

(அஸ்ஸில்ஸலதுல் ஸஹீஹா2700, அத்தர்கீப் வத்தர்ஹீப், அல்பைஹகீ, தஹாவி)

மக்களே! அல்லாஹ்வை அஞ்சிக் கொள்ளுங்கள் கருப்பு நிற (அபிசீனிய) அடிமை ஒருவர் உங்களுக்குத் தலைவராக ஆக்கப்பட்டாலும் அவர் அல்லாஹ்வின் வேதத்தைக் கொண்டு உங்களை வழி நடத்தி அதை உங்களுக்கிடையில் நிலைநிறுத்தும் காலமெல்லாம் (அவரது சொல்லைக்) கேட்டு நடங்கள். (அவருக்குக்) கீழ்ப்படியுங்கள்!

(ஸுனன் நஸாயி 4192, ஜாமிவுத் திர்மிதி1706)

Saturday, January 04, 2014

ஈரான் தலைவர் ரூஹானியின் அழகிய பேட்டி!



மிகச் சிறந்த பேட்டி. ஒரு நட்டின் தலைமைத்துவத்துவத்தில் உள்ள ஒரு நபர் எப்படி பேச வேண்டுமோ அந்த இலக்கணம் சற்றும் குறையாமல் எடுக்கப்பட்ட பேட்டி. 'நாங்கள் அறிவியலை ஆக்கபூர்வமான பணிகளுக்கு பயன் படுத்தவே விரும்புகிறோம். அதே சமயம் எங்களின் பாதுகாப்பை பலப்படுத்தி வைத்துக் கொள்வதும் எங்களுக்கு அவசியமாக படுகிறது. எட்டு வருடங்கள் ஈராக்கோடு சண்டையிட்டு அதிலிருந்து பல பாடங்களைக் கற்றுக் கொண்டுள்ளோம். இது வரை நாங்கள் எந்த நாட்டையும் ஆக்கிரமிக்கவில்லை. அது எங்களுக்கு அவசியமும் இல்லை' என்று மிக அழகாக தனது வாதங்களை வைக்கிறார் ரூஹானி.

ஆங்கிலம் ஓரளவு தெரிந்தாலும் தனது தாய் மொழியை விட்டுக் கொடுக்காமல் அவரது மொழியிலேயே பேட்டியளித்தது மற்றொரு சிறப்பு. 'கடைசிலாவது சில வார்த்தைகள் ஆங்கிலத்தில் பேசுங்களேன்' என்று பேட்டியாளர் கேட்டவுடன் சில வார்த்தைகள் பேசுகிறார்.

ஆங்கிலம் அரை குறையாக படித்த நம் தமிழர்களில் பலர் சிரமப்பட்டு ஆங்கிலத்தை கலந்து பேசி தாய் மொழியை புறந் தள்ளுவதை நாம் தொடர்ந்து பார்க்கிறோம். அவர்கள் ரூஹானியின் இந்த பேட்டியைப் பார்த்த பிறகாவது சுத்த தமிழில் பேச முயற்சிப்பார்களாக!

--------------------------------------------------



இனப் பற்று இருக்கலாம்: ஆனால் அது இன வெறியாக மாறி விடக் கூடாது என்பதனை அழகாக உணர்த்தும் ஒரு நபி மொழி!

Saturday, November 03, 2012

நம்மாழவார் பாசுரங்களையும் சற்று திரும்பிப் பார்ப்போமே!

நம்மாழவார் பாசுரங்களையும் சற்று திரும்பிப் பார்ப்போமே!

அவரவர்தமதமது அறிவறிவகைவகை
அவரவரிறையவர் எனவடியடைவர்கள்
அவரவரிறையவர் குறைவிலரிறையவர்
அவரவர்விதிவழி அடையநின்றனரே

ஆஹா...என்ன அழகிய ரிதம. வார்த்தைகளை கட்டிய விதமும் அது மிக அழகிய பொருளை தரும் விதத்தையும் கண்டு ஆச்சரியப்படுகிறேன். நமது முன்னோர்கள் உயிர்களைப் பற்றியும் அவற்றின் செயல்களைப் பற்றியும் இறைவனின் ஆற்றலைப் பற்றியும் மிக தத்ரூபமாக பாடி விட்டு சென்றுள்ளனர்.

இந்த உலகில் ஒவ்வொரு உயிரியும் தங்களுக்கு இட்ட கட்டளையை மிக கச்சிதமாக நிறைவேற்றி வருகின்றன. ஒவ்வொரு உயிரிக்கும் அவைகளின் அறிவையும் ஆற்றலையும் வகை வகையாக வகுத்தளிக்கிறான் இறைவன். ஒவ்வொரு உயிரிக்கும் எந்த அளவு அறிவை வழங்க வேண்டுமோ அந்த அளவு குறைவின்றி அறிவையும் வழங்கி அவை உலகில் என்ன பணியை செய்ய வேண்டுமோ அனைத்தையும் வகுத்து பட்டியலிட்டு கொடுத்து விடுகிறான் இறைவன். இந்த உலகில் ஆடாத ஆட்டத்தை எல்லாம் ஆடி முடித்த அந்த உயிரி முடிவில் சேர வேண்டிய இடமான இறைவனின் திருவடிகளை அவர்களின் விதிப்படி சென்றடைவதாக இந்த பாடல் முடிகிறது.

ஒரு அற்ப கொசுவை எடுத்துக் கொள்வோம். அதற்கும் வாய், உடல், கால்கள், இறக்கைகள், ஜீரண உறுப்புகள் என்று அனைத்தையுமே அளித்து அவற்றிற்கான கட்டளைகளையும் இறைவன் அளிக்கிறான். உருவத்தில் பெரிய யானைக்கும் அதே போன்ற வாய், உடல், கால்கள், ஜீரண உறுப்புகள் என்று சகலத்தையும் தந்து அதற்குரிய அறிவையும் தந்து அதற்குரிய கட்டளைகளையும் தந்து விடுகிறான். இதில் படைப்புகளிலெல்லாம் சிறந்த படைப்பான மனிதனுக்கு இந்த உலகில் அனைத்து ஜீவன்களையும் அடக்கி ஆளும் வல்லமையைக் கொடுத்து நன்மை எது தீமை எது என்ற விளக்கத்தையும் கொடுத்து குறிப்பிட்ட காலம் வரை வாழச் செய்கிறான். ஆனால் இந்த மனிதன் இறைவனிடமிருந்து பெற்றுக் கொண்ட உடல் பொருள் ஆவி உற்றார் உறவினர் என்ற அனைத்தையும் துச்சமாக மதித்து இறை நிராகரிப்பில் நிற்பதை பார்க்கிறோம்.

'முன்னர் எந்தப் பொருளாகவும் இல்லாதிருந்த நிலையில் அவனைப் படைத்தோம் என்பதை மனிதன் சிந்திக்க வேண்டாமா?'
-குர்ஆன் 19:67


இங்கு நிராகரிப்பில் நாத்திகத்தில் இருக்கும் அந்த மனிதனைப் பார்த்துக் கேட்கிறான் இறைவன். தனது தாய் தந்தையர் ஒன்று கூடுவதற்கு முன்பு அந்த மனிதன் எங்கு இருந்திருப்பான். அவனது நிலை என்ன என்பதை அவன் சிந்திக்க வேண்டாமா? என்றும் கேட்கிறான் இறைவன்.

'மனிதனை விந்திலிருந்து படைத்தோம் என்பதை அவன் பார்க்கவில்லையா? அவனோ பகிரங்கமாக எதிர்வாதம் புரிகிறான்.'
குர்ஆன் 36:77

'அவன் நமக்கு உதாரணம் கூறுகிறான். அவனை நாம் படைததிருப்பதை மறந்து விட்டான். 'எலும்புகள் மக்கிய நிலையில் அதை உயிர்ப்பிப்பவன் யார்?' என்று கேட்கிறான்.
குர்ஆன் 36:78

'முதல் தடவை இதை யார் படைத்தானோ அவன் இதை உயிர்ப்பிப்பான். அவன் ஒவ்வொரு படைப்பையும் நன்கறிந்தவன்' என்று கூறுவீராக.
குர்ஆன் 36:79


ஒன்றுமில்லாத அற்ப விந்துவிலிருந்து ஒரு மனிதனை படைப்பதுதான் கஷ்டம். அதையே படைத்த இறைவனுக்கு இறந்து மக்கிப்போன எலும்புகளை திரும்பவும் உயிர் உண்டாக்குவது சிரமமில்லை என்பதை இந்த மனித குலத்துக்கு அறிவுறுத்துகிறான் இறைவன்.

கடவுள், சொர்க்கம், நரகம், கேள்வி கணக்குகள் அனைத்தும் பொய் என்று சொல்லும் பல நாத்திகர்களைப் பார்க்கிறோம். இன்று ஆத்திகனான நான் ஒரு நாத்திகனை விட அனைத்து சந்தோஷங்களையும் அனுபவித்து வருகிறேன். எனக்கு ஏதாவது துன்பங்கள் நேர்ந்தால் நேரே இறைவனிடம் சென்று அழுது பிரார்த்தித்து எனது பாரத்தை இறக்கி மனதை இலேசாக்கி விடுகிறேன். மனைவி, மக்கள், உற்றார், உறவினர் என்று சகலமும் நிம்மதியாக வாழ்வு சென்று கொண்டிருக்கிறது. எல்லா புகழும் இறைவனுக்கே! நாததிகர்கள் சொல்வது ஒருக்கால் உணமையாகிப்போனால் அதனால் எனக்கு எந்த ஒரு நஷ்டமும் இல்லை. ஒருகால் ஆத்திகனான நான் சொல்வது உண்மையாகி விட்டால் அங்கு அந்த நாத்திகர்களின் நிலையை நாம் சற்று யோசித்து பார்க்க வேண்டும். அங்கு இறைவன் கேட்கும் கேள்விகளுக்கு என்ன பதிலை தரப் போகிறார்கள்?

எனவே உலகை நேசித்து உலக மக்களை நேசித்து உலகில் உள்ள அனைத்து ஜீவராசிகளையும் நேசித்து மனைவி மக்களை நேசித்து பிறந்த நாட்டையும் மொழியையும் நேசித்து உண்மையான ஆன்மீகத்தையும் நேசித்து இந்த பிறவிப் பலனை அடைய முயற்சிப்போம்.

------------------------------------------------------

உயிர் சம்பந்தமாக இந்தியன் எக்ஸ்பிரஸில் வந்த கட்டுரையையும் அப்படியே தருகிறேன். படித்து பலனடையுங்கள். நேரம் கிடைக்கும் போது இதனை மொழி பெயர்த்து வெளியிடுகிறேன்.

A near-death experience occurs when quantum substances which form the soul leave the nervous system and enter the universe at large, according to a ground-breaking theory proposed by two eminent scientists.

According to this idea, consciousness is a programme for a quantum computer in the brain which can persist in the universe even after death, explaining the perceptions of those who have near-death experiences.

Dr Stuart Hameroff, Professor Emeritus at the Departments of Anesthesiology and Psychology and the Director of the Centre of Consciousness Studies at the University of Arizona, has advanced the quasi-religious theory, the Daily Mail reported.
It is based on a quantum theory of consciousness he and British physicist Sir Roger Penrose have developed which holds that the essence of our soul is contained inside structures called microtubules within brain cells.

They have argued that our experience of consciousness is the result of quantum gravity effects in these microtubules, a theory which they dubbed orchestrated objective reduction (Orch-OR).

Thus it is held that our souls are more than theinteraction of neurons in the brain. They are in fact constructed from the very fabric of the universe - and may have existed since the beginning of time.

The concept is similar to the Buddhist and Hindu belief that consciousness is an integral part of the universe – and indeed that it is really all there may be, a position similar to Western philosophical idealism, the paper said.

With these beliefs, Hameroff holds that in a near-death experience the microtubules lose their quantum state, but the information within them is not destroyed. Instead it merely leaves the body and returns to the cosmos.

"Let's say the heart stops beating, the blood stops flowing, the microtubules lose their quantum state. The quantum information within the microtubules is not destroyed, it can't be destroyed, it just distributes and dissipates to the universe at large," Hameroff told the Science Channel's Through the Wormhole documentary.
"If the patient is resuscitated, revived, this quantum information can go back into the microtubules and the patient says 'I had a near death experience'," Hameroff said.

"If they're not revived, and the patient dies, it's possible that this quantum information can exist outside the body, perhaps indefinitely, as a soul," Hameroff added.

http://www.indianexpress.com/news/neardeath-experiences-occur-when-soul-leaves-nervous-system/1024701/0







Monday, September 17, 2012

திரிஷாவுக்கு பிறந்த நாள் காணும் எட்டயபுர பெரிசுகள்!

உயர்வற வுயர் நலம் உடையவன் யவனவன்
மயர்வெற மதிநலம் அருளினன் யவனவன்
அயர்வறும் மரர்கள் அதிபதி யவனவன்
துயரறு சுடரடி தொழுதெழன் மனமே!
தீடவிசும் பெரிவளி நீர்நில மிவைமிசை
படர் பொருள் முழுவதுமாய் அவையவைதொறும்
உடல்மிசை யுமரெனக் கரந்தெங்கும் பந்துளன்
சுடர்மிகு சுருதியுள் இவையுண்ட சுரனே
- (திருவாய் மொழி 1-1)

ஓ என் மனமே! இறைவன் குணங்கள் அற்றவன் என்பதை என்னால் ஒப்புக்கொள்ள முடியாது. அவன் உருவமற்றவன் என்பதையும் அருவமானவன் என்பதையும் என்னால் ஒப்புக்கொள்ள இயலாது. காலம் ஒன்று சொல்லக்கூடிய நிலைப்பாடு உள்ள மட்டும் மனத்தினாலும் வாக்கினாலும் அளந்து பார்த்து உணர முடியாத வகையில் எட்டாமல் விளங்கும் குணங்களை உடையவன்தான் இறைவன் என்று புரிந்துகொள்.
குழப்பமில்லாமல் நுட்பமான அறிவையுடையவன் இறைவன் என்பதை உணர்ந்து கொள்.
மேன்மையான என்றென்றும் அயர்ச்சி இல்லாத தேவர்களுக்கெல்லாம் அரசனாய் விளங்கக்கூடியவன் இறைவன் என்பதைப் புரிந்துகொள். இப்படி எல்லோருடைய துன்பங்களையும் நீக்கி மெய்ஞ்ஞானத்தை அருளவல்ல ஜெகஜ் ஜோதியானாவனுடைய இறைவனைத் தொழுவது ஒன்று தான் பிறவியாகிய பெருங்கடலைக் கடக்க ஏதுவாகும்.
இப்படியெல்லாம் நம்மாழ்வார் திருவாய்மொழியில் நமக்கு உணர்த்துகிறார்.

நம் முன்னோர்கள் எந்த அளவு இறைவனைப் பற்றிய ஆழ்ந்த அறிவை பெற்றிருந்தனர் என்பதை இது போன்ற பாடல்கள் நமக்கு அழகாக உணர்த்துகிறது. ஆனால் பின்னால் வந்த பல படையெடுப்புகளின் தாக்கத்தால் இது போன்ற தெளிவான இறை நம்பிக்கையை நம் முன்னோர்கள் இழந்தனர். அது இன்று வரை பெரும்பான்மையோரால் சரி செய்யப்படாமலே இருக்கிறது.

திருவாய் மொழி சொல்லக் கூடிய அதே கருத்துக்களை குர்ஆனும் சொல்வதை பார்த்து ஆச்சிரியப்படுகிறோம். இறைவனுக்கு உருவம் உண்டு. ஆனால் அந்த இறைவன் எப்படி இருப்பான்? என்பது நமது கற்பனைக்கு எட்டாத ஒன்று. அதே போல் அந்த இறைவனை பார்க்கும் திறனும் நமது கண்ணுக்கு கொடுக்கப்படவில்லை. இறைத் தூதர் மோசே அவர்கள் இறைவனை பார்க்க வேண்டும் என்று சொன்ன போது இறைவன் தனது ஒளியை ஒரு மலையில் வீசச் செய்தபோது அந்த அதிர்ச்சியில் மூர்ச்சையாகிப் போன சம்பவம் நாம் படித்ததே! எனவே இறைவன் ஒருவன் இருக்கிறான் என்ற நம்பிக்கை நமது உள்ளத்தில் ஆழமாக பதிய வேண்டும். அவன் எப்படி இருப்பான் என்ற ஆராய்ச்சி நமக்கு தேவையில்லாதது. நமது இறப்புக்கு பிறகு நியாய தீர்ப்பு நாளில் நாம் அனைவரும் பார்க்கும் வகையில் காட்சி தருவதாக இறைவன் கூறுகிறான்.

--------------------------------------------------

இது போன்ற ஆராய்ச்சிகளையெல்லாம் செய்ய வேண்டிய நம் பெரிசுகள் தடம் புரண்டு என்ன மாதிரியான ஆராய்ச்சிகளில் ஈடுபடுகிறார்கள் என்பதை இனி பார்ப்போம்.



தூத்துக்குடி மாவட்டம் எட்டயபுரம் தாலுகாவை சேர்ந்த விளாத்திகுளம் பகுதியில் 1958-ம் ஆண்டு எஸ்.எஸ்.எல்.சி.,படித்த அன்றைய மாணவர்களும்,இன்றைய ஊர் பெரியவர்களுமான சிலர் ஒன்று சேர்ந்து ஊருக்கும், தங்களுக்கும் பெருமை சேர்க்கும் அருமையான காரியத்தை செய்திருக்கின்றனர்.

அந்த காரியம் என்னவென்றால் நடிகை திரிஷாவிற்கு பிறந்த நாள் வாழ்த்து தெரிவித்து பிரம்மாண்டமாய் ‘பிளக்ஸ்’ பேனர்கள் வைத்துள்ளனர். திரிஷாவின் பெரிய படத்தை போட்டவர்கள் மறக்காமல் திரிஷாவின் படத்திற்கு கீழ் முறுக்கு மீசையுடன் கூடிய தங்களது சிறிய படங்களையும் போட்டுள்ளார்கள். மேலும் ‘திரிஷாவின் சிரிப்பு, திகட்டாத இனிப்பு’ என்று கவிதை படித்து இருக்கிறார்கள் அதுவும் போதாது என்று ‘சினிமா உலகின் சிரிப்பு ராணி’ என்று பட்டம் வேறு கொடுத்து இருக்கிறார்கள். இவர்களின் வயது கிட்டத்தட்ட 68, 70 இருக்கலாம். பேரன் பேத்திகளை எடுத்தவர்கள்.

நம் உறவினர்கள் பார்ப்பார்களே! அட...நம்ம மகனோ மகளோ இந்த போஸ்டரை பார்த்தால் எவ்வளவு சங்கடப்படுவார்கள் என்ற குற்ற உணர்வே கொஞ்சம் கூட இல்லாமல் பெருசுகளே! என்ன இது? நம் தமிழ்நாடு எங்கு சென்று கொண்டிருக்கிறது?

இனி இந்த பெரிசுகள் இப்படி வசனம் பேசி திரியலாம்....

'உடல் மண்ணுக்கு: உயிர் திரிஷாவுக்கு: இதை உரத்துச் சொல்வோம் உலகுக்கு!' :-)

-----------------------------------------------


இது அடுத்த ஒரு கூத்து. இதை எப்படி அரசு அனுமதிக்கிறது? இந்து மத பெரியவர்கள் இதற்கு ஏன் எந்த கண்டனமும் தெரிவிப்பதில்லை?

தமிழ் நாட்டுக்கு அடுத்த முதல்வரும் கூத்தாடிகள் குழுமத்திலிருந்து தானா? தமிழனான நான் எங்கு போய் முட்டிக் கொள்ள? கொஞ்சம் சொல்லுங்களேன்.



Friday, September 14, 2012

சுவனப்பிரியனுக்கும் மாத்தியோசி மணிக்கும் என்ன தகராறு?

சுவனப்பிரியனுக்கும் மாத்தியோசி மணிக்கும் என்ன தகராறு?

சில நாட்களாகவே பல பதிவுகளில் சென்று என்னைப் பற்றி ஏதாவது சொல்வதே மணிக்கு வாடிக்கையாக உள்ளது. இதை நான் பெரிதுபடுத்தவில்லை. சில நண்பர்கள் எனக்கு இதை சுட்டிக் காட்டி தனி பதிவாகவே பதில் கொடுங்கள் என்று கூறியதால் இந்த பதிவு. இதனால் மணி திருந்தி விடுவார் என்று நான் நினைக்க வில்லை. என்றாலும் பொதுவில் உள்ளவர்கள் என்ன தகராறு என்பதை தெரிந்து கொள்வதற்காக இந்த விளக்கப் பதிவு.

சில மாதங்களுக்கு முன் 'யாழ்ப்பாணத்தில் விபசார விடுதிகளை திறக்க வேண்டும்' என்ற ஒரு பதிவை மணி தனது தளத்தில் இட்டிருந்தார். வேறொரு பதிவர் தனது பதிவுகளில் கொச்சையான தலைப்புகளை வைத்து சந்தோஷப்பட்டுக் கொண்டார். அடுத்து இணையம் முழுவதும் தமிழ் பக்கங்களை கூகுளில் தேடினால் அங்கும் ஆபாச கதைகளையும் படங்களையும் சகட்டு மேனிக்கு குறிப்பிட்ட சிலர் பரப்பிக் கொண்டிருந்தார்கள். இந்த இணையம் என்பது சிறுவர் முதல் பெண்கள் மற்றும் வயோதிகர் வரை வந்து செல்லும் இடம்.

இந்த இடத்தில் ஆபாசத்தையே குறிக்கோளாக கொண்டு இவ்வாறு எழுதுவது தவறு என்று ஒரு பதிவு இட்டேன்.

http://suvanappiriyan.blogspot.com/2012/02/blog-post_08.html

'அபாசத்தை தவிருங்கள் பதிவர்களே!'

இதுதான் எனக்கும் மணிக்கும் உள்ள பிரச்னையே! இந்த கோபத்தை மனதில் வைத்துக் கொண்டுதான் என்னை அவ்வப்போது மணி சீண்டுவது. சமீப காலங்களில் என்னைப் பற்றி மணி கொடுத்த சில அர்ச்சனைகள். :-)

//அண்ணே, சவுதியில் இருக்கும் சுவனம் என்ன முஸ்லிம் அண்ணே? அவரும் சுன்னிபிரிவா? அப்படியானால் அவருக்கு மேற்கு நாடுகளைப் பிடிக்குமா? சுவனம் ஒரு இரட்டைவேடதாரி என்று எமக்குத் தெரியும்! கொஞ்சம் விளங்கப்படுத்துங்கோ அண்ணா!//

//சுவனப்பிரியன் போன்ற அறிவிஜீவுகளின் அபிமானத்துக்குரிய, சிங்கள இராணுவத்தினரின், கொத்தணிக் குண்டுகளில் உயிரிழந்த எம் அப்பாவி மக்களின் படங்களையும் போட்டமைக்கு மிக்க நன்றி!//

//நாங்கள் இப்பவும் சொல்றோம் - வலையுலகில் இருக்கும் சுவனப்பிரியன் அண்ட் கோவினால் ஒருபோதுமே இஸ்லாத்துக்கு நற்பெயர் வாங்கித் தர முடியாது! இஸ்லாத்தின் பெருமைகளை உலகறியவும் செய்ய முடியாது! :)))//

தவறான வழியில் செல்லும் ஒருவனை அந்த தவறை சுட்டிக் காட்டியது தவறா? யாழ்ப்பாண இந்து பெண்ணும் எனது சகோதரிதானே! என் மொழியை பேசக் கூடிய பெண்தானே! இவ்வாறு நாம் பிறந்த மண்ணின் பெண்மக்களை விபசார விடுதிகள் திறந்து நரக வாழ்வில் தள்ள முயற்ச்சிக்கலாமா? என்று கேட்டதற்கு இதே மணி எனக்கு அளித்த பதில் என்ன தெரியுமா?

//யாழ்ப்பாணத்தில் விபச்சார நிலையங்கள் வேண்டும் என்ற எனது கூற்றுக்கு, யாழ்ப்பாணத்தில் இருந்து எந்த எதிர்ப்பும் வரவில்லை என்பதைச் சுட்டிக்காட்டுகிறேன்! எனது கருத்தை ஏன் அங்கிருப்பவர்கள் எதிர்க்கவில்லை என்று எனக்கே புரியவில்லை! அதைத்தான் நானும் யோசித்துக்கொண்டு இருக்கிறேன்!//

இதுதான மணி எனக்களித்த பதில். அதாவது யாரும் இவர் கருத்தை எதிர்க்க வில்லையாம். எனவே இவர் கருத்தை எல்லோரும் ஒத்துக் கொண்டதாக இவராகவே நினைத்துக் கொண்டிருக்கிறார். இப்படிப்பட்ட ஒரு கீழ்த்தரமான எண்ணம் உள்ள ஒரு மனிதனிடமிருந்து நாம் எதை எதிர் பார்க்க முடியும்? அந்த பதிவில் மணிக்கு நான் மேலும் விளக்கமாக அளித்த பதில்.


விபசாரத்தை பெரும்பாலான ஆண் வர்க்கமான நாம் வெகு இலகுவாக எடுத்துக் கொள்கிறோம். ஆனால் இந்த தொழிலால் பாதிக்கப்பட்ட பெண்களை பற்றியோ அவர்களின் எதிர்காலம் பற்றியோ கொஞ்சம் கூட சிந்திப்பதில்லை. இளமை இருக்கும் வரை அந்த பெண்ணுக்கு வருமானத்தக்கு குறைவிருக்காது. அதன் பிறகு முதுமை அடையும் போது ஆட்கொல்லி நோய்களையும் சுமந்து கொள்கிறாள். சமூகத்தினால் ஒதுக்கப்படுகிறாள். வருமானமும் போய் விடுகிறது. இவளால் பெற்றெடுக்கப்படும் குழந்தைகள் வாழ்நாள் முழுவதும் இழி சொல்லை சுமந்து மன நோயாளியாகிறார்களே!! இதற்கெல்லாம் உங்களிடம் என்ன பதில் இருக்கிறது.

மனிதனுக்கு இறைவன் கொடுத்த பல உணர்வுகளில் காமமும் ஒன்று. அதனை நம் சமூகத்தை பாதிக்காமல் இதனால் எந்த ஒரு பிறப்பும் இழிவடையாமல் நமது இன்பத்தை அடைந்து கொள்ள வேண்டும். இதற்கு சமூகத்தில் அனைவராலும் ஒத்துக் கொள்ளப்பட்ட ஒரு வழியே திருமணம். இதன் மூலம் மட்டுமே எவருக்கும் தீங்கில்லாமல் நமது தேவைகளை போக்கிக் கொள்ள முடியும்.

இவ்வாறு நான் கொடுத்த பதிலால் அவரிடம் ஏதும் மாற்றம் இதுவரை வரவில்லை என்பது அவரது சமீபத்திய பதிவுகள் வரை நீள்கிறது.

மேலும் வசதியாக இருக்கும் புலம் பெயர்ந்த தமிழர்கள் வன்னி காட்டில் சிரமப் படும் மக்களுக்கு உதவலாமே என்றும் கேட்டிருந்தேன். அதற்கு சமீபத்தில் அவர் அளித்த பதில் 'அந்த மக்கள் எல்லோரும் வசதியாகவே உள்ளார்கள். வன்னி பகுதி மிகவும் வளமான பகுதி' என்ற பதிலே வந்தது. கடந்த 30 வருடங்களாக போரினால் சிதைந்து உருக்குலைந்து போயிருக்கும் வன்னி மக்கள் வசதியாக வாழ்கிறார்களாம். அந்த வன்னி மக்களின் அவல நிலையை உலகம் முழுதும் செய்திகளாக்கி தங்களின் அகதிகள் உரிமையை நீட்டிப்பதற்கு மட்டுமே பயன் படுததிக் கொள்வது போல் உள்ளது மணியின் கூற்று.

இதற்கெல்லாம் பதிலளிக்காமல் இஸ்லாத்தை தரக் குறைவாக தாக்க ஆரம்பித்து விட்டார். இவரது சுயரூபம் தெரிந்த முஸ்லிம்களும் இதனை ஒரு பொருட்டாகவே மதிக்கவில்லை. இதனால் வெகுண்டெழுந்து அவர் எழுதிய சமீபத்திய பதிவு.


//அதாவது நாம் அல்லா குறித்தும், இஸ்லாம் குறித்தும் ஏதேனும் கேள்வி கேட்டால், உடனே வலையுலகில் இருக்கும் சில இஸ்லாமிய பதிவர்கள் “அப்போ பிரபாகரன் மட்டும் பண்ணது சரியா?” அப்டீன்னு எதிர்கேள்வி கேட்கிறாங்க! நியாயப்படி பார்த்தா, அல்லாவை நாம் தாக்கும் போது, அவர்கள் சிவபெருமானையோ, முருகன், பிள்ளையாரையோ தானே தாக்கணும்! கடவுளோட, கடவுளைத்தானே பொருத்தணும்! அதென்ன சாதாரண மனிதனாகிய பிரபாகரனை ஒப்பிடுறது? :)))//

இந்த கருத்துக்கு சகோ சிராஜ் மிக அழகாக பதில் கொடுத்துள்ளார். அதாவது மணி இஸ்லாத்தை திட்டினால் பதிலுக்கு நாம் இந்து கடவுள்களை திட்டி பதிவெழுத வேண்டும் என்பது மணியின் எதிர் பார்ப்பு. இதன் மூலம் தமிழ் இணைய தளத்தில் இந்து முஸ்லிம் பிரிவினையை நிரந்தரமாக்க முயற்சிக்கிறார். இந்துத்வா வாதிகளாலேயே முடியாத ஒன்றை இந்த மணி சாதித்து விடுவாரா என்ன? தமிழகம் என்றுமே இந்து முஸ்லிம் ஒற்றுமைக்கு நமது நாட்டுக்கே எடுத்துக் காட்டாய் உள்ளது என்பதை இவர் அறியவில்லை போல் இருக்கிறது.

//அத்தோடு எம்மவர்களின் கல்வியறிவும் ஒரு காரணம்! எங்களின் கல்விக்கு முன்னால் அவர்கள் பிச்சைதான் எடுக்கோணும்! இதுவும் தாழ்வு மனப்பான்மைக்கு ஒரு காரணம்! //

அட ஞான சூன்யமே! உலகிலேயே தலை நிமிர்ந்து வாழும் சமுதாயம் இஸ்லாமிய சமுதாயம். தெருவோரத்தில் பிளாட்பாரத்தில் படுத்துறங்கும் ஒரு சராசரி முஸ்லிமை யார் காலிலாவது விழச் சொல்லிப் பார். உனக்கு உறைக்கும் படி சரியான பதிலை அவர் கொடுப்பார். வல்லரசுகளே கதி கலங்கிக் கொண்டிருக்கும் ஒரு சமுதாயத்தைப் பார்த்து 'தாழ்வு மனப்பான்மை' என்பது உம்முடைய அறிவு குறைபாட்டைத்தான் உணர்த்துகிறது.

நுனி நாக்கில் ஆங்கிலம் பேசிக் கொண்டு விஸ்கியை உள்ளே தள்ளிக் கொண்டு தினமும் ஒரு பெண்ணோடு உல்லாசமாக இருப்பதும் கை நிறைய சம்பாதிப்பதும் தான் சிறந்த கல்வி என்று நீ நினைத்துக் கொண்டிருக்கிறாய். இங்கு குர்ஆன் வேண்டாம். வள்ளுவர் என்ன சொல்கிறார் என்று பார்ப்போம்.

நுண்மான் நுழைபுலம் இல்லான் எழில்நலம்
மண்மான் புனைபாவை அற்று

ஆழமும் சிறந்த சிந்தனையும் கூர்மையும் பொருந்திய கல்வி அறிவு இல்லாத ஒருவர் வெளிப் பார்வைக்கு சிறந்து விளங்கினாலும் அவனது உள்ளம் பாழடைந்து இருப்பதால் அவன் மண்ணால் செய்யப்பட்ட பொம்மையைப் போன்றவனே ஆவான் என்கிறார் வள்ளுவர்.

கல்லா ஒருவன் தகைமை தலைப்பெய்து
சொல்லாடச் சோர்வு படும்.

சிறந்த நூல்களை கற்காத ஒருவன் தன்னை அறிவுடையவனாக நினைத்துக் கொண்டு சான்றோர்கள் சபையில் பேச முயலும் போது அனைத்தும் வெளி வந்து விடும். அஃதாவது அவனது உண்மை இயல்புகள் வெளிப்பட்டு விடும். சிறந்த நூல்களை கல்லாதவன் கல்வி குறைபாடுடையது என்கிறார் வள்ளுவர்.

நம்ம மணியைப் போன்ற அரை குறைகளுக்காகவே இந்த குறளை வள்ளுவர் இயற்றியிருக்கிறார் போலும்..

முன்பு முஸ்லிம்கள் கல்வியை புறக்கணித்தது உண்மையே! வெள்ளையனை இந்நாட்டை விட்டு வெளியேற்ற வேண்டும் என்றால் முதலில் அவனது மொழியை வெறுக்க வேண்டும். அவன் தரும் அரசு வேலைகளை உதறி எறிய வேண்டும் என்று ஒவ்வொரு வெள்ளிக் கிழமையும் பள்ளிவாசல்களில் சொற்பொழிவு செய்யப்பட்டது. இதனை செயல்படுத்தினர் முஸ்லிமகள். அதனால் வெள்ளையன் கொடுத்த அனைத்து சலுகைகளையும் புறக்கணித்தனர். ஆனால் அது தவறு என்று 50 வருடங்களுக்கு பிறகு தற்போது உணர்ந்து கொண்டனர். இன்று தங்களது சொத்தையே விற்று கூட தங்கள் பிள்ளைகளை படிக்க வைக்கின்றனர் முஸ்லிம்கள்.இன்று வீட்டுக்கு பல பட்டதாரிகள் வருடந்தோறும் வந்த வண்ணமே உள்ளனர்.

மணியும், ஆஷிக் அஹமதும் ஒத்த வயதுடையவர்கள். ஆனால் மணி எப்படி சிந்திக்கிறார். ஆஷிக் அஹமது எப்படி சிந்திக்கிறார் என்பதை பதிவுலகம் நன்றாகவே அறியும். இதுதான் மணி கற்ற கல்விக்கும் ஆஷிக் அஹமது கற்ற கல்விக்கும் உள்ள வேறுபாடு. மணி தான் கற்ற கல்வியின் பயனாய் தனது தாயகத்தில் விபசார விடுதியை திறக்க முயற்சிக்கிறார். அதே உலக கல்வியை கற்ற ஆஷிக் தனது பதிவுகளால் சமூகத்தில் உள்ள அனாசாரங்களை களைய பாடுபடுகிறார். இருவரும் கற்ற கல்வி ஒன்றானாலும் அதனால் சமூகம் அடைந்த நன்மைகள் என்ன? தீமைகள் என்ன? என்பதைத்தான் நாம் இங்கு சீர்தூக்கி பார்க்க வேண்டும்.

சென்ற இடத்தால் செலவிடாது தீதொரீஇ
நன்றின்பால் உய்ப்ப தறிவு.





Wednesday, July 11, 2012

ஐஃபா 2012ல் ஏ.ஆர்.ரஹ்மானின் தமிழ்ப் பேச்சு!

ஐஃபா 2012ல் ஏ.ஆர்.ரஹ்மானின் தமிழ்ப் பேச்சு!



ஐஃபா 2012 விருது வழங்கும் விழாவில் எல்லோரையும் ஆச்சிரியப்பட வைத்தது ரஹ்மானின் தமிழ் பேச்சு. ஒரு காலத்தில் தமிழர்கள் என்றாலே கிண்டலடித்துக் கொண்டிருந்த இந்தி திரைப்பட உலகம் இன்று ரஹ்மானின் இசைக்கு வழி மேல் விழி வைத்து காத்துக் கொண்டிருக்கிறது. இந்தி பேசும் அதிகமான ஆட்கள் அமர்ந்துள்ள சபையில் 'நான் தமிழன்டா...' என்று உரத்து கூறிய ரஹ்மானின் மொழிப் பற்று தமிழ் ஆர்வலர்களால் கண்டிப்பாக பாராட்டப்படும். ஆனால் அங்கு அமர்ந்திருந்த பெரும்பான்மையான மக்களுக்கு தமிழ் தெரியாத போது வலிந்து தமிழ் பேசியது ஏற்புடையதா என்பது விவாதத்திற்குரிய விஷயம்.

------------------------------------------------

நபி அவர்கள் கூறியதாக இப்னு மஸ்வூது (ரழி) அவர்கள் அறிவிக்கிறார்கள்: ''நீங்கள் மூவர் இருந்தால் ஒருவரைத் தவிர்த்து இருவர் மட்டும் உரையாட வேண்டாம், நீங்கள் மக்களுடன் கலக்கும்வரை. ஏனெனில் அது மூன்றாமவரைக் கவலையில் ஆழ்த்திவிடும்.'' (ஸஹீஹுல் புகாரி, ஸஹீஹ் முஸ்லிம்)

உணர்வுள்ள முஸ்லிம் மேன்மையான அணுகுமுறையும், சிறந்த அறிவுடையவராகவும் இருப்பார். சபையில் மூன்று நபர் மட்டும் இருக்கும் நிலையில் ரகசியமாகவும் கிசுகிசுப்பாகவும் பேசுவது அவருக்குத் தகுதியல்ல. அதனால் அங்கு இருக்கும் மூன்றாம் நபரின் உணர்வுகள் பாதிக்கப்பட்டு அவருக்கு மனநெருக்கடியும் வெறுப்பும் தோன்றிவிடும். ஒருவரிடம் மட்டும் பேசியே தீரவேண்டும் என்ற நிலையிருந்தால் அந்த மூன்றாம் நபரிடம் அனுமதி பெற்று, அவரிடம் தனது வருத்தத்தையும் தெரிவித்துக் கொண்டு, சுருக்கமாகப் பேசிட வேண்டும்.


இந்த நபி மொழி மூலம் மூன்று பேர் இருக்கும் சபையில் அனைவருக்கும் தெரிந்த மொழியிலேயே பொதுவான மொழியிலேயே பேசிட வேண்டும் என்று அறிகிறோம். ஏனெனில் மொழி தெரியாதவர் தன்னை பற்றி கிண்டலடிக்கிறாரோ என்று எண்ணி விடக் கூடாதல்லவா?

---------------------------------------------


தமிழ் மொழி பற்றியும் இறைத் தூதர் ஆதமைப் பற்றியும் இணையத்தில் படித்த செய்தியை பகிர்ந்து கொள்கிறேன். இது ஆதாரபூர்வமாக நபி மொழியா என்று தெரியவில்லை. தெரிந்தவர்கள் விளக்கவும்.


“ஆதம் (அலை) அவர்கள் இந்தியப் பூமியில் ‘தஹ்னா’ எனும் இடத்தில் இறக்கப் பெற்றார்கள்” என்று இப்னு அப்பாஸ் (ரலி) அவர்கள் கூறினார்கள் என்று ஸஈது இப்னு ஜுபைர் (ரலி) அவர்கள் அறிவிக்கின்றார்கள்.

وعن الحسن البصري قال : أهبط آدم بالهند ، وحواء بجدة ، وإبليس بدستميسان من البصرة على أميال ، وأهبطت الحية بأصبهان . رواه ابن أبي حاتم .

கொழும்பு நகருக்கு 45 மைல் கிழக்காக அமைந்திருக்கும் மலைத்தொடரின் சிகரம் ஒன்று ஆதம் சிகரம் எனப்படுகின்றது. இதன் உயரம் 7352 அடியாகும்.

இதன் உச்சியிலுள்ள பீடபூமியில் மனிதக் காலடிச்சுவடு ஒன்று பதிந்துள்ளது. இப்பாதச்சுவடு இஸ்லாமிய - கிறித்தவ சமயத்தவர்களால் ஆதம் நபியினுடையதென்றும் பௌத்தர்கள்
புத்த பிரானுடையதென்றும், இந்துக்கள் சிவபிரானுடையதென்றும்’ சொல்லப்படுகிறது. இலங்கையின் பழைய வரலாறு கூறும் மகாவம்சம் சமணகூடம் என்கிறது. மார்க்கோபோலோ ஆதம் சிகரத்தின் உச்சியில் ஆதிமனிதன் ஆதமின் சமாதி இருப்பதாகக்
குறிப்பிடுவது ஆய்வுக்குரியது.

மனித இனத்தோற்ற வரலாற்றை ஆய்வுசெய்த அறிஞர்கள் பலரும் மனித குலத்தோற்றம் குமரிப் பெருநாட்டிலிருந்து (உலகம் தோன்றியபோது, இன்றைய குமரிமுனைக்குத்
தென்பகுதி ஒருபுறம் தென்னாப்பிரிக்கா, மடகாஸ்கர் தீவு முதலியவற்றோடும், மறுபுறம் ஆஸ்திரேலியா, ஜாவா, சுமத்திரா, மலேயா முதலியவற்றோடும் இணைந்து பூமத்திய ரேகை வரை பரவி இருந்தது. விந்திய மலைக்கு அப்பால் சிந்து கங்கைச்
சமவெளியும், இமயமலை உள்ளிட்ட பகுதிகளும் கடலுக்குள் அமிழ்ந்திருந்தன. இத்தகைய பெருநிலப்பரப்பு குமரிக்கண்டம் எனப்பட்டது. நிலநூல் வல்லார் இதனைக் கோண்டுவானா
(Gonduvana) என்றும், உயிரியலார் லெமூரியா (Lemuria) என்றும் கூறுவர்.)

உலகம் தோன்றிய காலத்தில் குழம்பாக இருந்த மண் முதலில் குளிர்ச்சி அடைந்து அமைந்த நிலப்பரப்பு குமரி நாடு என்றும் இங்குதான் மனிதன் தோன்றி இருக்கக்கூடும் என்றும் ஸ்காட் எலியட் கருதுகின்றார். அவரது கருத்தை ஹெக்கல், தமிழறிஞர் இலக்குவனார் போன்றோர் வழிமொழிவதால் முதல் மனிதராகிய ஆதம் நபியின் தோற்றம் தென்தமிழ்நாடாகிய
குமரிநாடு எனத் தெளியலாம்.

குமரிப் பெருநாட்டில் வாழ்ந்த ஆதம்-ஹவ்வா தம்பதியர்க்கு ஆபில், காபில், சேத் (ஷீத்,சேது) என்னும் மூன்று ஆண்மக்கள் பிறந்தனர். ஷீத் மருவி காலப்போக்கில் சேது வாக மாறி விட்டதோ. அதுதான் தற்போதய சேது சமுத்திர திட்டமோ? இதற்கெல்லாம் சரியான ஆதாரம் இல்லை. இதன் உண்மை நிலையை இறைவனே அறிந்தவன்.

--------------------------------------------

புதுடில்லி, ஜூலை 11- ராமர் பாலத்தை பாதுகாக்க மத்திய அரசு தவறினால் நாடு தழுவிய அளவில் போராட்டம் நடத்தப்படும் என்று பாஜக மூத்த தலைவர் வி.கே. மல்ஹோத்ரா தெரிவித்துள்ளார்.

தமிழகத்தில் கடந்த 7 ஆண்டு களுக்கு முன்பு ராமேஸ்வரத்தில் சேது சமுத்திர திட்டப்பணிகள் துவங்கின. ஆனால் ராமர் பாலம் வழியாக சேது சமுத்திரத் திட்டத்தை நிறைவேற்றக் கூடாது என்றும், அதை மாற்றுப் பாதையில் அமைக்க வேண்டும் என் றும் உச்ச நீதிமன்றத்தில் இந்து அமைப் புகளும், ஜனதா கட்சி தலைவர் சுப்பிரமணியசாமி உள்ளிட்டோரும் மனு தாக்கல் செய்தனர்.

இதையடுத்து இதுபற்றி ஆராயுமாறு மத்திய அரசுக்கு உச்ச நீதிமன்றம் உத்தரவிட்டது. இதைத் தொடர்ந்து சேது சமுத்திர திட்டப் பணிகளை நிறுத்தி வைத்த மத்திய அரசு மாற்றுப் பாதை குறித்து ஆராய நோபல் பரிசு வென்ற சுற்றுச்சூழல் வல்லுநர் ஆர்.கே.பச்சவுரி தலைமையில் ஒரு குழுவை அமைத்தது. அண்மையில் அந்த குழு தனது அறிக்கையை சமர்ப்பித்தது. அதில், சேது சமுத்திர திட்டத்தை செயல்படுத்த மாற்றுப் பாதையை தேர்ந்தெடுப்பது பொருளாதார ரீதியாகவும், பூகோள ரீதியாகவும் சாத்தியமற்றது என்று கூறப்பட்டுள்ளது.

இந்த அறிக்கை குறித்து மத்திய அரசு இன்னும் இறுதி முடிவெடுக்க வில்லை. இன்னும் 8 வாரத்திற்குள் ஒரு முடிவு எடுத்து அறிவிக்குமாறு உச்ச நீதிமன்றம் தெரிவித்துள்ளது.
இந்நிலையில் இது குறித்து பாஜக மூத்த தலைவர் வி.கே. மல்ஹோத்ரா கூறுகையில்,
ராமர் பாலம் விலை மதிப்பற்ற தேசிய பாரம்பரிய சின்னமாகும். அதனால் அதை எந்த விலை கொடுத்தாவது பாதுகாக்க வேண்டும். ராமர் பாலத்தை தகர்க்காமல் சேது சமுத்திரத் திட்டத்தை மாற்றுப் பாதையில் நிறைவேற்றுவது சாத்தியம் இல்லை என்று கூறும் ஆர்.கே.பச்சவுரியின் அறிக்கையை பிரதமர் மன்மோகன் சிங் நிராகரிக்க வேண்டும். மத்திய அரசு ராமர் பாலத்தை காக்க தவறினால் நாடு தழுவிய அளவில் போராட்டங்கள் நடத்துவோம் என்றார்.

விடுதலை
11-07-2012






Wednesday, July 04, 2012

என் இனிய தமிழ் மொழியே!

வெளிநாடுகளுக்கு வந்தவுடன்தான் நமது தாய் மொழியின் அருமையும் அதன் வளமையும் தெரிய வரும். நான் சவுதி வந்த புதிதில் அரபியும் தெரியாது: ஹிந்தியும் தெரியாது: ஓரளவு ஆங்கிலத்தை வைத்து சமாளித்தேன். அந்த நாட்களில் யாராவது தமிழில் பேசிக் கொண்டு சென்றால் அவரிடம் வலிய சென்று நீங்கள் எந்த ஊர்? நான் இந்த ஊர். நீங்கள் எந்த கம்பெனி? என்று ஏதாவது அவர்களிடம் பேசி நமது தாய் மொழி ஆர்வத்தை தீர்த்துக் கொண்ட நாட்களும் உண்டு. இன்று போல் அன்று செயற்கைக் கோள் தொலைக்காட்சிகள் இல்லாததும் எஃப் எம் ரேடியோக்கள் இல்லாததும் மொழி ஆர்வத்தை இன்னும் அதிகமாக்கி வந்தன. இன்று இணைய தொடர்பு இருப்பதால் தமிழ் ஆர்வத்துக்கு ஓரளவு தீனி கிடைத்துக் கொண்டிருக்கிறது. பதிவுகள் எழுவதின் வாயிலாகவும் பின்னூட்டங்களின் வாயிலாகவும் தமிழ் மொழி இன்று வாழ்வில் இரண்டற கலந்து விட்டது. வெளி நாடுகளில் இருந்தாலும் தமிழ் ஆர்வத்துக்கு தீனி போட பல துறைகள் வந்தவண்ணமே உள்ளன.

அடுத்து மொழி ஆர்வம் இருக்கலாம். அது வெறியாக மாறி விடாமல் பார்த்து கொள்ள வேண்டும். நம் மொழி வளர வேண்டும் என்பதற்காக மற்ற மொழிகளை கற்காமல் தூரமாக்குவது எனப்தும் அந்த மொழி பேசுபவர்களை வெறுப்புடன் நோக்குவதும்தான் வெறியாக மாற்றப்படுகிறது. அரசியல்வாதிகள் தங்களை வளர்த்துக் கொள்ள இந்தி எதிர்ப்பு என்ற அஸ்திரத்தை எடுத்து தமிழர்களை முன்னேற விடாமல் தடுத்து விட்டனர். தங்களது பேரப் பிள்ளைகளை மிகவும் கவனமாக பல மொழிகளை கற்கவும் வைக்கின்றனர். இந்தி, ஆங்கிலம், அரபி என்று எந்த மொழிகளானாலும் அனைத்தும் இறைவன் படைத்த மொழிகளே! மூல மொழிகள் அனைத்தையையும் மனிதனுக்கு இறைவனே கற்றுக் கொடுத்தாக இறை வேதங்கள் கூறுகின்றன. எனவே தாய் மொழியை நேசிப்போம். உலக மொழிகளையும் நம் அறிவை வளர்த்துக் கொள்ள ஆர்வமுடன் கற்போம்.

பாட்டிமார்கள் ஒவ்வொரு பேச்சிலும் ஏதாவது ஒரு பழமொழியை கலந்து பேசுவதை கேட்கவே ஆசையாக இருக்கும். அந்த வகையில் நண்பர் பொறியாளர் சுல்தான் அனுப்பிய மின்னஞசலில் சில புதிய பழமொழிகளும் இருந்தது. அதனை பகிர்கிறேன். பழமொழிகளில் சில தவறுகள் வந்தாலும் சந்தத்திற்காக இந்த பழமொழிகளை சற்று அசை போடுவோம்.



கங்கையில் மூழ்கினாலும் காக்கை அன்னம் ஆகுமா?
கசடறக் கல்லார்க்கு இசை உறல் இல்லை.
கடலுக்குக் கரை போடுவார் உண்டா?
கடலைத் தாண்ட ஆசையுண்டு கால்வாயைத் தாண்டக் கால் இல்லை.
கடல் கொதித்தால் விளாவ நீர் ஏது?
கடல் திடலாகும், திடல் கடலாகும்.
கடல் மீனுக்கு நீச்சுப் பழக்க வேண்டுமா?
கடல் வற்றினால் கருவாடு தின்னலாம் என்று உடல் வற்றி செத்ததாம் கொக்கு!
கடவுளை நம்பினோர் கைவிடப் படார்.
கடன் இல்லா கஞ்சி கால் வயிறு.
கடன் வாங்கிக் கான் கொடுத்தவனும் கெட்டான்; மரம் ஏறிக் கைவிட்டனும் கெட்டான்.
கடன் வாங்கியும் பட்டினி, கல்யாணம் பண்ணியும் சந்நியாசி.
கடித்த சொல்லினும் கனிந்த சொல்லே நன்மை.
கடுகத்தனை நெருப்பானாலும் போரைக் கொளுத்திவிடும்.
கடுகு சிறுத்தாலும் காரம் போகுமா?
கடுகு போன இடம் ஆராய்வார், பூசணிக்காய் போன இடம் தெரியாது.
கடுகு களவும் களவுதான், கற்பூரம் களவும் களவு தான்.
கடுங்காற்று மழை கூட்டும் கடுஞ் சிநேகம் பகை கூட்டும்.
கடுஞ் சொல் தயவைக் கெடுக்கும்.

கடை காத்தவனும் காடு காத்தவனும் பலன் அடைவான்.

கடைத் தேங்காயை எடுத்து வழிப் பிள்ளையாருக்கு உடைப்பது போல.
கடைந்த மோரிலே குடைந்து வெண்ணெய் எடுக்கிறது.
கட்டக் கரிய இல்லாமற் போனாலும் பேர் பொன்னம்மாள்.
கட்டிக்கொடுத்த சோறும் கற்றுக்கொடுத்த சொல்லும் எத்தனை நாள் நிற்கும்.
கட்டினவனுக்கு ஒரு வீடானால் கட்டாதவனுக்கு பல வீடு.
கட்டின வீட்டுக்கு எட்டு வக்கனை.
கணக்கன் கணக்கறிவான் தன் கணக்கைத் தான் அறியான்.
கணக்கன் கணக்கைத் தின்னாவிடில், கணக்கனை கணக்கு தின்று விடும்.
கணக்கைப் பார்த்தால் பிணக்கு வரும்.
கண் உள்ள போதே காட்சி; கரும்பு உள்ள போதே ஆலை!
கண் கண்டது கை செய்யும்.
கண் குருடு ஆனாலும் நித்திரையில் குறையுமா?
கண்டதே காட்சி கொண்டதே கோலம்.
கண்டது சொன்னால் கொண்டிடும் பகை.
கண்டால் ஒரு பேச்சு, காணாவிட்டால் ஒரு பேச்சு.
கண்ணிலே குத்தின விரலைக் கண்டிப்பார் உண்டோ?
கண்ணிற் பட்டால் கரிக்குமா, புருவத்திற் பட்டால் கரிக்குமா?
கண்ணிற் புண் வந்தால் கண்ணாடி பார்த்தல் ஆகாது.
கண்ணு சிறுசு, காண்பதெல்லாம் பெரிசு.
கத்தரிக்காய் சொத்தை என்றால் அரிவாள்மணை குற்றம் என்கிறாள்.

கத்தரிக்காய் முற்றினால் கடைத் தெருவுக்கு வந்துதானே ஆக வேண்டும்.
கதிரவன் சிலரை காயேன் என்குமோ?
கந்தனுக்குப் புத்தி கவட்டுக்குள்ளே
கப்பல் ஏறிப் பட்ட கடன் கொட்டை நூற்றா விடியும்.
கப்பற்காரன் பெண்டாட்டி தொப்பைக்காரி, கப்பல் உடைந்தால் பிச்சைக்காரி.
கப்பற்காரன் வாழ்வு காற்று அடித்தால் போச்சு.
கம்பால் சாய்க்காதவனைக் கயிற்றால் சாய்த்த கதையாக.
கரணம் தப்பினால் மரணம்.
கரிவிற்ற பணம் கறுப்பாய் இருக்குமா?
கருமத்தை முடிக்கிறவன் கட்டத்தைப் பாரான்.
கரும்பு கசக்கிறது வாய்க் குற்றம்
கரும்பு விரும்ப அது வேம்பாயிற்று.
கரும்பு ருசி என்று வேரோடு பிடுங்கலாம்?
கலகம் பிறந்தால் நியாயம் பிறக்கும்.

கல் தோன்றி மண் தோன்றாக் காலத்தே முன் தோன்றிய மூத்த குடி தமிழ்க்குடி!
கல்லடிச் சித்தன் போனவழி, காடுமேடெல்லாம் தவிடுபொடி.
கல்லாடம் [ ஒரு நூல்] படித்தவனோடு மல் ஆடாதே.
கல்லாதவரே கண்ணில்லாதவர்.
கல்லாதார் செல்வத்திலும் கற்றார் வறுமை நலம்.
கல்வி அழகே அழகு.
கல்வி இல்லாச் செல்வம் கற்பில்லா அழகு.
கல்விக்கு இருவர், களவுக்கு ஒருவர்.
கவலை உடையோர்க்குக் கண்ணுறக்கம் வராது.

கழுவுகிற நீரில் நழுவுகிற மீன் போல.
களவும் கற்று மர
இது 'களவும் கத்தும் மற' என்பதன் திரிந்த பழமொழி
களவும் கத்தும் மற
களவையும் சூதாட்டத்தையும் மற
களை பிடுங்காப் பயிர் காற்பயிர்.
கள் விற்றுக் கலப்பணம் சம்பாதிப்பதைவிடக் கற்பூரம் விற்றுக் காற்பணம் சம்பாதிப்பது மேல்.
கள்ள மனம் துள்ளும்.
கள்ளனும் தோட்டக்காரனும் ஒன்று கூடினால் விடியு மட்டும் திருடலாம்.
கள்ளம் பெரிதோ? காப்பு பெரிதோ!
கள்ளிக்கு முள்வேலி இடுவானேன்!
கள்ளைக் குடித்தால் உள்ளதைச் சொல்லுவான்.
கறையான் புற்று பாம்புக்கு உதவுகிறது.
கற்றது கைம்மண்ணளவு கல்லாதது உலகளவு.
கற்றோர்க்குச் சென்ற இடமெல்லாஞ் சிறப்பு.
கன்றுக்குட்டிக்குத் தெரியுமா, கவணையுடைய உயரம்?
கனவில் கண்ட பணம் செலவிற்கு உதவுமா?
கனிந்த பழம் தானே விழும்.
கற்கையில் கல்வி கசப்பு, கற்றபின் அதுவே இனிப்பு.
கற்பில்லாத அழகு, வாசனை இல்லாத பூ.

கா

காசுக்கு ஒரு குதிரையும் வேண்டும் காற்றைப் போலப் பறக்கவும் வேண்டும்.
காடு காத்தவனும் கச்சேரி காத்தவனும் பலன் அடைவான்.
காட்டுக்கு எறித்த நிலாவும் கானலுக்குப் பெய்த மழையும்.
காட்டு வாழை வந்தால் வீட்டு வாழ்வு போகும்.
காட்டை வெட்டிச் சாய்த்தவனுக்குக் கம்பு பிடுங்கப் பயமா?
காண ஒரு தரம் கும்பிட ஒரு தரமா?
காணி ஆசை கோடி கேடு.
காணிக்குச் சோம்பல் கோடிக்கு வருத்தம்
காற்ற ஊசியும் வாராது காணுங் கடைவழிக்கே.
காப்பு சொல்லும் கை மெலிவை.
காமாலைக் கண்ணுக்குக் கண்டதெல்லாம் மஞ்சள் நிறம்.
காய்த்த மரம் கல் அடிபடும்.
காய்ந்தும் கெடுத்தது பெய்தும் கெடுத்தது.
காரண குருவே காரிய குரு!
காரியமாகும் வரையில் கழுதையையும் காலைப்பிடி.
காரியம் பெரிதோ வீரியம் பெரிதோ?
கார்த்திகை பின் மழையும் இல்லை, கர்ணனுக்குப்பின் கொடையும் இல்லை
காலம் செய்கிறது ஞாலம் செய்யாது.
காலம் போம் வார்த்தை நிற்கும், கப்பல் போம் துறை நிற்கும்
காலத்துக்கு ஏற்றபடி பெருச்சாளி காவடி எடுத்து ஆடிற்றாம்!
காலளவே ஆகுமாம் கப்பலின் ஓட்டம், நூலளவே ஆகுமாநுண்சீலை.
காலுக்குதக்க செருப்பும்,கூலிக்குத் தக்க உழைப்பும்.
காலைக் கல்; மாலைப் புல்
காவடிப் பாரம் சுமக்கிறவனுக்குத் தெரியும்
காவலுக்கு பொம்மை இருக்கேன்னு நம்பி களம் நிறைய நெல்லு காய வச்சாங்களாம்!
காற்றில்லாமல் தூசி பறக்குமா?
காற்று உள்ளபோதே தூற்றிக்கொள்.
காற்றுக்கு எதிர்லே துப்பினால் முகத்தில் விழும்.

கி, கீ
கிடந்த கிடைக்கு நடந்த நடை மேல்!
கிட்டாதாயின் வெட்டென மற
கிணற்றுக்குத் தப்பித் தீயிலே பாய்ந்தான்.
கிணற்றுத் தவளைக்கு நாட்டு வளப்பம் ஏன்?
கிரீடத்தை பிடிக்க, கிராமத்தை பிடி
கீர்த்தியால் பசி தீருமா?
கீறி ஆற்றினால் புண் ஆறும்.
கு, கூ
குங்குமம் சுமந்த கழுதை மணம் அறியுமா?
குசவனுக்கு ஆறுமாதம் தடிகாரனுக்கு அரை நாழிகை.
குடல் காய்ந்தால் குதிரையும் வைக்கோல் தின்னும்.
குடி, சூது, விபசாரம் குடியைக் கெடுக்கும்.
குடி வைத்த வீட்டிலே கொள்ளி வைக்கலாமா?
குடும்பத்தில் இளையவனும் கூத்தாடியில் கோமாளியும் ஆகாது.
குட்டுப் பட்டாலும் மோதுகிற கையால் குட்டுப்படவேண்டும்.
குணத்தை மாற்றக் குருவில்லை.
குணம் இல்லா வித்தை எல்லாம் அவித்தை.
குணம் பெரிதேயன்றிக் குலம் பெரியதன்று.
குதிரை இருப்பு அறியும், கொண்ட பெண்டாட்டி குணம் அறிவாள்.
குதிரை ஏறாமல் கெட்டது, கடன் கேளாமல் கெட்டது.
குதிரை குணமறிந்தல்லவோ தம்பிரான் கொம்பு கொடுக்கவில்லை.
குந்தி இருந்து தின்றால் குன்றும் மாளும்.
குப்பை உயரும் கோபுரம் தாழும்.
குப்பையிற் கிடந்தாலும் குன்றிமணி நிறம் போகுமா?
கும்பிடு கொடுத்துக் கும்பிடு வாங்கு.
குமரி ஒற்றையில் போனாலும் கொட்டாவி ஒற்றையில் போகாது.
குரங்கின் கைப் பூமாலை.
குரங்குக்குப் புத்திசொல்லித் தூக்கணாங்குருவி கூண்டு இழந்தது.
குரங்கிடம் மூத்திரம் கேட்டால் அது கொப்புக்கு கொப்புத் தாவுமாம்
குரு இல்லார்க்கு வித்தையுமில்லை முதல் இல்லார்க்கு ஊதியமில்லை.
குருட்டுக் கண்ணுக்குக் குறுணி மையிட்டுமென்ன?
குரு மொழி மறந்தோன் திருவழிந்து அழிவான்.
குருவிக்கேத்த ராமேஸ்வரம்
இது 'குறி வைக்க ஏற்ற ராம சரம்' என்பதன் திரிந்த வழக்கு
குரைக்கிற நாய் வேட்டை பிடிக்குமா?
குரைக்கிற நாய் கடிக்காது; கடிக்கிற நாய் குரைக்காது.
பணம் பந்தியிலே, குணம் குப்பையிலே
குலவித்தை கற்றுப் பாதி கல்லாமற் பாதி.
குல வழக்கம் இடை வழக்கும் கொஞ்சத்தில் தீராது.
குலத்தைக்கெடுக்கவந்த கோடாலிக்காம்புபோல
குழந்தையும் தெய்வமும் கொண்டாடின இடத்திலே.
குறி வைக்க ஏற்ற ராம சரம்
குறைகுடம் தளும்பும், நிறைகுடம் தளும்பாது.
குற்றமுள்ள நெஞ்சு குறுகுறு என்றும், குறும்பியுள்ள காது தினவு கொள்ளும்
குற்றம் பார்க்கின் சுற்றம் இல்லை.
கூடி வாழ்ந்தால் கோடி நன்மை
கூத்தாடி கிழக்கே பார்த்தான் , கூலிக்காரன் மேற்கே பார்த்தான்.
கூரைமேலே சோறு போட்டால் ஆயிரம் காகம்.
கூலியைக் குறைக்காதே வேலையைக் கெடுக்காதே?
கூழுக்கு மாங்காய் கொண்டாட்டம், குரங்குத் தேங்காய் கொண்டாட்டம்.
கூழுக்கும் ஆசை, மீசைக்கும் ஆசை.
கூழும் சிந்தல, கோப்பையும் உடையல
கெ
கெடுக்கினும் கல்வி கேடுபடாது
கெடுமதி கண்ணுக்குத் தோன்றாது
கெடுவான் கேடு நினைப்பான்
கெட்டாலும் செட்டி செட்டியே,
கிழிந்தாலும் பட்டு பட்டே.
கெட்டிக்காரன் புளுகு எட்டு நாளையில் தெரியும்.
கெட்டும் பட்டணம் சேர்
கெண்டையைப் போட்டு வராலை இழு.
கெரடி கற்றவன் இடறி விழுந்தால் அதுவும் ஒரு வித்தை என்பான்.
கெலிப்பும் தோற்பும் ஒருவர் பங்கல்ல.
கே
கேடு வரும் பின்னே, மதி கெட்டுவரும் முன்னே.
கேட்டதெல்லாம் நம்பாதே! நம்பியதெல்லாம் சொல்லாதே!
கேழ்வரகில் நெய் வடிகிறதென்றால் கேட்பவனுக்கு மதி வேண்டாவா?
கேளும் கிளையுங் கெட்டோர்க்கு இல்லை.
கேள்விப் பேச்சில் பாதிதான் நிசம்.
கேள்விப் பேச்சு மூளா நெருப்பு
கை
கைக்கு எட்டினது வாய்க்கு எட்டவில்லை.
கைக்கோளனுக்குக் காற்புண்ணும் நாய்க்குத் தலைப்புண்ணும் ஆறா
கைத் துப்பைக் கொண்டு காரியம் இல்லை; வாய்த் துப்பைக் கொண்டு வாழ வந்தேன்
கைப்புண்ணுக்குக் கண்ணாடி வேண்டுமா?
இது 'கைப்பூணுக்குக் கண்ணாடி வேண்டுமா?' என்பதன் திரிந்த வழக்கு
கைப்பூணுக்குக் கண்ணாடி வேண்டுமா?
கையில் உள்ள பூண் அல்லது காப்பைப் பார்க்கக் கண்ணாடி தேவையில்லை
கைப்பொருளற்றால் கட்டினவளும் பாராள்
கையாளத ஆயுதம் துருப்பிடிக்கும்
கையிலே காசு வாயிலே தோசை
கையில் உண்டானால் காத்திருப்பார் ஆயிரம் பேர்.
கையூன்றிக் கரணம் போடவேண்டும்.
கையில் பிடிப்பது துளசி மாலை, கக்கத்தில் இடுக்குவது கன்னக்கோலாம்
கொ
கொக்கென்று நினைத்தாயோ கொங்கணவா?
கொஞ்சம் கொஞ்சமாக் குடைஞ்சா குடகு மலையையும் குடைஞ்சிடலாம்
கொடிக்கு காய் கனமா?
கொடுக்கிறவனைக் கண்டால் வாங்குகிறவனுக்கு இளக்காரம்.
கொடுங்கோல் அரசு நெடுங்காலம் நில்லாது.
கொடுத்தைக் கேட்டால் அடுத்த தாம் பகை.
கொட்டினால் தேள், கொட்டாவிட்டால் பிள்ளைப் பூச்சியா?
கொண்டானும் கொடுத்தானும் ஒன்று,கலியாணத்தைக் கூட்டி வைத்தவன் வேறு.
கொலைக்கு அஞ்சாதவன் பழிக்கு அஞ்சான்.
கொல்லன் தெருவில் ஊசி விலைபோமா?
கொல்லைக் காட்டு நரி சலசலப்புக் அஞ்சுமா?
கொள்ளிக்கு எதிர்போனாலும், வெள்ளிக்கு எதிர்போகலாது.
கொள்ளும் வரைக்கும் கொண்டாட்டம் , கொண்ட பிறகு திண்டாட்டம் .
கொற்றவன் தன்னிலும் கற்றவன் மிக்கோன்.
கோ
கோள் சொல்பவைக் கொடுந்தேள் என நினை.
கோள் சொல்லும் வாய் காற்றுடன் நெருப்பு.
கோடாலிக்காம்பு குலத்துக்கு ஈனம்
கோடி வித்தையும் கூழுக்குத்தான்
கோணிகோடி கொடுப்பதிலும் கோணாமற் காணி கொடுப்பது நல்லது.
கோத்திரமறிந்து பெண்ணைக்கொடு, பாத்திரமறிந்து பிச்சையிடு.
கோபம் உள்ள இடத்தில் குணம் உண்டு.
கோபம் சண்டாளம்.
கோபுரம் தாண்டுகிற குரங்குக்கு குட்டிச் சுவர் என்ன பிரமாதம்!
கோபுர தரிசனம் கோடி புண்ணியம்
கோயிற் பூனை தேவர்க்கு அஞ்சுமா?
கோழி மிதித்துக் குஞ்சு முடம் ஆகுமா?
கோளுஞ் சொல்லி கும்பிடுவானேன்?
கோடானுகோடி கொடுப்பினும் தன்னுடைய நாக்கு கோடாமை கோடி பெறும்
கோடானுகோடி கொடுத்தாலும் நாவினால் தவறு சொல்லாதது கோடி பெறும்.
கோடி கொடுப்பினும் குடில் பிறந்தார் தம்மோடு கூடுவதே கோடி பெறும்.
கோழிக்கு வேலை கூவுறது, கொழுக்கட்டைக்கு வேலை வேகறது


மேலும் புதிய பழமொழிகள் இருந்தால் பின்னூட்டத்தில் தெரிவியுங்கள்.

அப்துல் காதருக்கும் அமாவாசைக்கும் என்ன தொடர்பு?

ஆடத் தெரியாதவள் வாசல் கோணல் என்றாளாம்

செட்டி திண்டு கெட்டான்:
பாப்பான் உடுத்தி கெட்டான்:
துலுக்கன் ரெண்டும் கெட்டான்:

யாதும் ஊரே யாவரும் கேளீர்:

ஒன்றே குலம் ஒருவனே தேவன்.

"ஒருவர் தன் சமுதாயத்தை நேசிப்பது இனவாதமாகுமா?" என்று நபியவர்களிடம் தோழர்கள் கேட்டார்கள். அதற்கு நபியவர்கள் "இல்லை, தனது சமுதாயம் புரியும் கொடுமைகளுக்குத் துணைபோவதுதான் இனவாதம் ஆகும்" என்றார்கள். (நூல்: மிஸ்காத்).

நம்பிக்கை கொண்டோரே! அல்லாஹ்வுக்குக் கட்டுப்பட்டு, நீதிக்குச் சாட்சிகளாக ஆகிவிடுங்கள்!. ஒரு சமுதாயத்தின் மீதுள்ள பகை, நீங்கள் நீதியாக நடக்காமலிருக்க, உங்களைத் தூண்ட வேண்டாம். நீதியாக நடங்கள்!. அதுவே இறையச்சத்திற்கு நெருக்கமானது. அல்லாஹ்வை அஞ்சிக் கொள்ளுங்கள்!. அல்லாஹ் நீங்கள் செய்வதை நன்கறிந்தவன். (அல்குர்ஆன் 5:8)

ஒவ்வொரு தூதரையும் அவருடைய சமூகத்தாருக்கு அவர் விளக்கிக் கூறுவதற்காக அவர்களுடைய மொழியிலேயே (போதிக்கும் படி) நாம் அனுப்பிவைத்தோம்; அல்லாஹ் தான் நாடியோரை வழிதவறச் செய்கின்றான், தான் நாடியோருக்கு நேர்வழியையும் காண்பிக்கின்றான்; அவன் மிகைத்தவனாகவும் ஞானமுடையவனாகவும் இருக்கின்றான். அல்குர்ஆன் 14:4.