இந்தியன் முஜாஹிதீன் அமைப்பு யாருடையது? கட்ஜூ

எங்கு பாம் வெடித்தாலும் உடன் 'இந்தியன் முஜாஹிதீன்' என்ற அமைப்பிடமிருந்து தகவல் வந்ததாக நமது காவல் துறையும், புலனாய்வு அமைப்புகளும், இந்துத்வாக்களும் செய்திகளை கசிய விடுவர். 'இந்தியன் முஜாஹிதீன்' என்ற அமைப்பை உருவாக்கியது யார் என்பதை நீதிபதி கட்ஜூ மிக அழகாக விளக்குகிறார். பார்த்து தெளிவு பெறுங்கள்.

--------------------------------------------------------

மும்பை: "பாலியல் பலாத்காரத்தில் ஈடுபட்ட குற்றவாளி, 15 வயதுடையவராக இருந்தாலும், அவரை சிறாராக கருதக்கூடாது' என, மகாராஷ்டிரா மாநில அரசு நியமித்த, விசாரணை கமிட்டி பரிந்துரை செய்துள்ளது.

பெண்களுக்கு எதிரான குற்றங்களில் ஈடுபடுவோருக்கு எதிராக எடுக்க வேண்டிய நடவடிக்கைகள் குறித்து, விசாரணை நடத்தி, அறிக்கை தாக்கல் செய்ய, நீதிபதி, சந்திரசேகர் தர்மாதிகாரி கமிட்டியை, மகாராஷ்டிரா அரசு நியமித்தது. விசாரணை நடத்திய கமிட்டி, முதல் இடைக்கால அறிக்கையை, 2010ம் ஆண்டு டிசம்பரிலும், இரண்டாவது அறிக்கையை, 2011, செப்டம்பரிலும் தாக்கல் செய்தது. மூன்றாவது அறிக்கையை, இம்மாதம், 16ம் தேதி தாக்கல் செய்தது.

இந்த அறிக்கையில், பெண்களுக்கு எதிரான குற்றங்களை தடுக்க, எடுக்க வேண்டிய பல்வேறு நடவடிக்கைகளை சுட்டி காட்டியிருந்தது.இந்நிலையில், மும்பை ஐகோõர்ட்டில், பெண்களுக்கு எதிரான குற்றங்களை தடுப்பது குறித்து, தொடரப்பட்ட பொது நல மனு மீதான விசாரணையின் போது, மேற்கண்ட கமிட்டியின் பரிந்துரை அறிக்கையின் பிரதி தாக்கல் செய்யப்பட்டது. நீதிபதி சந்திரசேகர் கமிட்டி தன் பரிந்துரையில் கூறியிருப்பதாவது:

பாலியல் பலாத்காரத்தில் ஈடுபட்டவர், 15 வயதுடையவராக இருந்தாலும், அவரை சிறாராக பார்க்க கூடாது. பொதுவாக பெண்களுக்கு எதிரான குற்றங்கள் உருவாவதற்கு, இணைய தளங்களில் வலம் வரும் ஆபாச படங்களும், முறைகேடான உறவுகளை சித்தரிக்கும் காட்சிகளும் காரணம். இவை எளிதாக கிடைப்பதால், இளம் வயதினர் மத்தியில் தவறான எண்ணத்தை தோற்றுவிக்கிறது. இதுவே குற்ற செயல்களுக்கு காரணமாக அமைகிறது.இதை, உடனடியாக தடுக்க வேண்டும். பெண்களுக்கு எதிராக குற்றங்களை செய்து தண்டிக்கப் பட்டவர்கள் பற்றிய விவரங்களை பகிரங்க படுத்த வேண்டும்.

இது போன்ற குற்றங்கள் மீண்டும் நடைபெறாமல் தடுக்கவும், மக்கள் மத்தியில் விழிப்புணர்வு ஏற்படுத்தவும், இதை செய்ய வேண்டும். பெண்களுக்கு எதிரான குற்றங்களில் ஈடுபட்டு தண்டிக்கப்பட்டவர்களை , அரசியல் கட்சிகள், தேர்தலில் போட்டியிட டிக்கெட் தரக்கூடாது. பள்ளிகளில், தங்களுக்கு எதிராக நடந்த குற்றங்களை, மாணவியர் புகாராக தெரிவிக்க, குறை தீர்ப்பு மையங்களை அமைக்க வேண்டும்.இவ்வாறு, அறிக்கையில் கூறப்பட்டுள்ளது.

-தினமலர்
23-02-2013

இதைத்தானே இஸ்லாமும் அன்றே சொன்னது. 18 வயது என்பதை நாமாகவே முடிவெடுத்து கொண்டு இன்று அதனை திருத்தும் நிலைக்கு தள்ளப்பட்டுள்ளோம். ஒரு மனிதன் அவன் குழந்தை பெறும் பக்குவத்தை அவனது உடல் அடைந்து விட்டாலே அவன் மேஜராகி விடுகிறான் என்பதுதான் இஸ்லாமிய சட்டம். இஸ்லாமிய சட்டம் இந்த காலத்துக்கு ஒத்து வராது என்று ஒரு பக்கம் சொல்லிக் கொண்டே இஸ்லாமிய சட்டங்களை ஒவ்வொன்றாக நமது நாடு அமுல்படுத்தி வருவது ஒரு விந்தை அல்லவா!

மேலும் சமீபத்தில் ஆசிட் வீச்சில் இறந்த அந்த இரண்டு பெண்மணிகளுக்கு பகரமாக சம்பந்தப்பட்ட நபர்களின் முகத்திலும் அதே போல் ஆசிட் வீசி கொல்ல வேண்டும் என்ற கருத்தும் தற்போது பரவலாக வைக்கப்படுகிறது. அதாவது 'கண்ணுக்கு கண்' என்ற இஸ்லாமிய குற்றவியல் சட்டத்தை அமுல்படுத்தச் சொல்லி பலரும் கோரிக்கை வைக்கின்றனர். இதுவும் கூட விந்தையல்லவா! இஸ்லாமிய சட்டங்கள் எக்காலததுக்கும் எல்லா நாட்டு மக்களுக்கு பொருந்தக் கூடியதே என்பது நிரூபணம் ஆகிறது அல்லவா?