Followers

Monday, April 30, 2018

மயிலாடுதுறை மணிக்கூண்டு


தெரிந்துக்கொள்வோம் !

 மயிலாடுதுறை மணிக்கூண்டு

மயிலாடுதுறை கடை வீதியில் நடு மையமாக விளங்கும் மணிக்கூண்டு இன்றும் ஜனாப் அப்துல் காதரின் பெயரைச் சொல்லிக் கொண்டிருக்கிறது.

இந்த மணிக்கூண்டு அவர் நிறுவியது.  இதன் திறப்பு விழா 1943 நவம்பர் 23ந் தேதி நடந்தது.  அப்போதைய சென்னை மாநில (தமிழ்நாடு) ஆளுநர் ஹோப் என்ற வெள்ளைக்காரர் வந்து, மணிக்கூண்டை திறந்து வைத்தார்.

இந்த விழாவில் ஆளுநரை வரவேற்று மாலை சூட அப்துல் காதர் ஒருவருக்கு மட்டுமே அனுமதி அளிக்கப்பட்டது.

1943லேயே இந்த மணிக்கூண்டு கட்ட ரூ. 8 ஆயிரம் செலவு ஆயிற்று "நீடூர் மாயவரம் பாத்திரக் கடை ஹாஜி சி.ஈ. அப்துல்காதர் சாகிப் அவர்களால் துனிசியா வெற்றிக்காகக் கட்டிய மணிக்கூண்டு” என்று மணிக்கூண்டில் பொறிக்கப்பட்ட வாசகம் இன்றும் இருக்கிறது.

அது என்ன துனிசியா வெற்றி?

உலகப் போரில் இங்கிலாந்து தொடர்ந்து தோல்வி அடைந்தது.  போர் நடந்த எல்ல இடங்களிலும் ஜெர்மனி வெற்றி பெற்றது ; இங்கிலாந்துக்குத் தோல்வி முதன் முறையாக துனிசியாவில் நடந்த போரில் இங்கிலாந்து வெற்றி பெற்றது.  இந்த வெற்றியின் நினைவுச் சின்னமாக இந்த மணிக்கூண்டை அப்துல் காதர் கட்டினார்.

(வட ஆப்பிரிக்காவில் துனிசியா இருக்கிறது).

வாட்ஸ் அப் தகவல்.....



மே 1 - உழைப்பாளர் தினம்


ஒருவர் தம் கையால் உழைத்து உண்பதை விடச் சிறந்த உணவை ஒருபோதும்உண்ண முடியாது. தாவூத் நபி அவர்கள் தங்களின் கையால் உழைத்துஉண்பவர்களாகவே இருந்தனர். ”என்று இறைத்தூதர் (ஸல்) அவர்கள் கூறினார்கள் என மிக்தாம்(ரலி) அறிவித்தார்.
புகாரி: 2072, 2073.

தம் தேவைக்கு அதிகமாக மக்களிடம் யாசிப்பவன் தன் முகத்தில் சிறிதளவுகூட சதை இல்லாதவனாக மறுமை நாளில் வருவான்… ‘யார் சுயமரியாதையைப் பேணிக் கொள்கிறானோ அவனை அல்லாஹ் சுயமரியாதையோடு வாழச் செய்வான் யார் பிறரிடம் தேவையற்றவனாக இருக்கிறானோ அல்லாஹ் அவனைத் தேவையற்றவனாக ஆக்குகிறான். யார் பொறுமையை மேற்கொள்ள முயற்சி செய்கிறானோ அவனை அல்லாஹ் பொறுமையாளனாக ஆக்குவான் மேலும், பொறுமையை விடச் சிறந்த, விசாலமானஅருட்கொடை எவருக்கும் கொடுக்கப்படுவதில்லை” என்று இறைத்தூதர்(ஸல்) அவர்கள் கூறினார்கள்’.
புகாரி: 1474, 1475.

உங்களில் ஒருவன் ஒரு கயிற்றை எடுத்துக் கொண்டு தன்னுடைய முதுகில் விறகுக்கட்டைச் சுமந்து விற்று வாழ்வது மக்களிடம் யாசகம் கேட்பதை விடச் சிறந்ததாகும். இதன் மூலம் அல்லாஹ் அவனுக்கு இழிவு ஏற்படாமல் தடுத்து விடுவான். மக்கள் அவனுக்குக் கொடுக்கவும் செய்யலாம் அல்லது மறுக்கவும் செய்யலாம். ”என்று இறைத்தூதர் (ஸல்) அவர்கள் கூறினார்கள என அபூ ஹுரைரா (ரலி) அறிவித்தார்.
புகாரி: 1470, 1471.

நபித்தோழர்கள் பலர் உழைத்து உண்பவர்களாக இருந்தனர். இதனால் அவர்களிடம் (வியர்வை) வாடை வீசும். இதன் காரணமாகவே ‘நீங்கள் குளிக்கக் கூடாதா?’ என்றுஅவர்களிடம் கூறப்பட்டது. ஆயிஷா(ரலி) அறிவித்தார்.
புகாரி: 2071.





நம்மை ஆண்டி இன்டியன் என்று சொல்வார். :-)


படகு பழுதானதால் கடந்த ஒன்பது நாட்களாக கடலில் தத்தளித்துக் கொண்டிருந்த குளச்சலை சேர்ந்த மீனவர்களை பாகிஸ்தான் கடற்படை ராணுவம் பத்திமாக மீட்டு அவர்களுக்கு மருத்துவ உதவியும் செய்து நலமுடன் திருப்பி அனுப்பியுள்ளனர்.

ஹெச்.ராஜாவிடம் இதனை சொன்னால் நம்மை ஆண்டி இன்டியன் என்று சொல்வார். :-)






இந்துமதம் வேறு: இந்துத்வா வேறு:

நேற்று மதுரையில் இந்து பெருங்குடி மக்கள் லட்சக் கணக்கில் கூடி வழிபாடு நடத்திய போதும் ஒரு அசம்பாவிதம் இல்லை: போலீஸ் கெடுபிடி இல்லை: இது பக்தி

ஆனால் 60 அல்லது 70 பேர் நடத்தும் விநாயகர் ஊர்வலத்தில் பதட்டம் தொற்றிக் கொள்கிறது: ஆயிரம் போலீஸார் குவிக்கப்படுகின்றனர்: பொது மக்களுக்கும் சிரமம். ஏனெனில் இது அரசியல்.

இந்துமதம் வேறு: இந்துத்வா வேறு: இதனை அனைவரும் உணர்ந்து விட்டால் இந்தியா வல்லரசாகி விடும்.


யோகி ஆதித்யநாத் உனது முகத்தில் காறி உமிழ்கிறேன்!


யோகி ஆதித்யநாத் உனது முகத்தில் காறி உமிழ்கிறேன்!

'யோகி ஆதித்யநாத்! நீயும் உனது வசம் உள்ள காவல் துறையும் சிறுமியை பலாத்காரம் செய்தவர்களை பாதுகாக்கிறது. அந்த சிறுமியின் தந்தையை காவல்துறை அடித்து துன்புறுத்துகிறது. இதனை கண்டு கொள்ளாத உன்னை தாயாகிய நான் சபிக்கிறேன். உனது முகத்தில் காறி உமிழ்கிறேன்.

எனக்கும் ஒரு மகன் இருக்கிறான்.அவனுக்கு எப்படி வாழ வேண்டும் என்ற வாழ்வு முறையை கற்றுக் கொடுத்துள்ளேன். சகோதரியை தாயை அக்கம் பக்கத்தில் உள்ள பெண்களை எத்தனை மரியாதையோடு பார்க்க வேண்டும் என்ற படிப்பினையை கற்றுக் கொடுத்துள்ளேன். உனது கூட்டத்தினரைப் போல அவன் பலாத்காரத்தில் இறங்கியிருந்தால் அந்த நிமிடமே அவனை வெட்டி போட்டிருப்பேன்.

உனக்கும் மோடிக்கும் திருமணம் என்ற பந்தத்தை இறைவன் ஏற்படுத்தவில்லை. உங்கள் இருவருக்கும் ஒரு மகள் இருந்திருந்தால் அவர்களையும் காப்பாற்ற வக்கில்லாமல் பதவியை காப்பாற்றிக் கொள்ள குற்றவாளிகளை தப்ப விட்டிருப்பீர்கள்.

யோகி ஆதித்யநாத்! உனது முகத்தில் காறி உமிழ்கிறேன்.



Sunday, April 29, 2018

சாதிகள் ஒழியும் என்று சொல்கிறார்களே!

சாதிகள் ஒழியும் என்று சொல்கிறார்களே!

மத்திய பிரதேசம் தார் மாவட்டத்தில் போலீஸ் கான்ஸ்டபிள் பணிக்கான தேர்வுகள் நடைபெற்றன. அதில் கலந்து கொண்ட பல காவலர்களுக்கு தேர்வின் போது அவர்களது மார்பில் சாதி அடையாளம் பொறிக்கப்பட்டுள்ளது. இந்துத்வா ஆட்சி செய்யும் மாநிலங்களில் சாதி வெறி எந்த அளவு ஊட்டப்படுகிறது என்பதற்கு இந்நிகழ்வு ஒரு உதாரணம்.

எந்த காலத்தில் இவர்கள் சாதியை ஒழிக்கப் போகிறார்கள்?

தகவல் உதவி
புதிய தலைமுறை
29-04-2018


Saturday, April 28, 2018

ரியாத்தில் தமிழர்களின் இரத்ததான முகாம்!

ரியாத்தில் தமிழர்களின் இரத்ததான முகாம்!

சென்ற வெள்ளிக் கிழமை கிங் ஃபஹத் மெடிக்கல் சிட்டியுடன் இணைந்து தமிழ்நாடு தவ்ஹீத் ஜமாத்தின் இரத்ததான முகாம்சிறப்பாக நடந்தேறியது.

எல்லா புகழும் இறைவனுக்கே!





புதிய தவ்ஹீத் மார்க்கஸ்

அல்லாஹ்வின் மாபெரும் கிருபையால்

புதிய தவ்ஹீத் மார்க்கஸ்

#தமிழ்நாடு_தவ்ஹீத்_ஜமாஅத்
வடக்கு மாங்குடி
தஞ்சை வடக்கு

அல்ஹம்துலில்லாஹ்



பல குழந்தைகளை காப்பாற்றியும் இந்த நிலைமை ..

முஸ்லிமா பிறந்து டாக்டராகி இஸ்லாம் சொன்ன மனிதநேயத்தை செய்துகாட்டி பல குழந்தைகளை காப்பாற்றியும் இந்த நிலை டாக்டர் கஃபில் கானுக்கு. மனித நேயத்தை குழி தோண்டி புதைக்கும் காவிகளின் அரசை இறைவன் நாசமாக்குவானாக!

பொ றுமையாளர்களுடன் இறைவன் இருக்கிறான். கண்டிப்பாக இந்த அநியாயங்களுக்கு கூடிய விரைவில் விடை கிடைக்கும்.




கம்யூனிஷ தேசமான சீனாவில் ஜூம்ஆ தொழுகை


கம்யூனிஷ தேசமான சீனாவில் ஜூம்ஆ தொழுகையை முடித்து விட்டு சந்தோஷமாக வெளியேறும் சீன முஸ்லிம்கள். கணவனும் மனைவியும் எவ்வளவு சந்தோஷமாக வெளியாகிறார்கள்.


இன்றும் தமிழகத்தில் பெண்களை பள்ளிக்குள் அனுமதிக்க மறுக்கும் சுன்னத் ஜமாத் முத்தவல்லிகள் இனியாவது பெண்களை அனுமதிப்பார்களாக!

போட்டோ கிளிக்கியது.... Barakath Ali


அப்துல்லாஹ் பின் உமர் (ரலி) அவர்கள் கூறுகிறார்கள் :
அல்லாஹ்வின் தூதர் (ஸல்) அவர்கள் உங்கள் துணைவியர் பள்ளிவாசல்களுக்குச் செல்ல உங்களிடம் அனுமதி கோரினால் அவர்களுக்கு அனுமதி அளியுங்கள் என்று கூறியதை நான் கேட்டுள்ளேன்.
நூல் : முஸ்லிம் (754)


நபி (ஸல்) அவர்கள் கூறினார்கள்:
உங்களில் ஒருவரிடம் அவருடைய மனைவி பள்ளிவாசலுக்குச் செல்ல அனுமதி கோரினால் அவளை அவர் தடுக்க வேண்டாம்.
அறிவிப்பவர் : அப்துல்லாஹ் பின் உமர் (ரலி)
நூல் : முஸ்லிம் (751)


அல்லாஹ்வின் தூதர் (ஸல்) அவர்கள் கூறினார்கள்:
பெண்கள் பள்ளிவாசல்களுக்குச் செல்வதற்காக உங்களிடம் அனுமதி கேட்டால் பள்ளிவாசலில் அவர்களுக்குரிய உரிமையைத் தடுக்காதீர்கள்.
அறிவிப்பவர் : அப்துல்லாஹ் பின் உமர் (ரலி)
நூல் : முஸ்லிம் (757)




Thursday, April 26, 2018

டாக்டர் ஆத்மராமும் இஸ்லாமும்


உணர்வு: உங்களைக் குறித்து சிறு அறிமுகம் செய்து கொள்ளுங்களேன்!

ஆத்மராம்: நான் தஞ்சை மாவட்டம் கும்பகோணத்தில் பிராமண வைசிய குலத்தில் பிறந்து, மிகச்சிறு வயதிலேயே சென்னை வந்து கோபாலபுரத்தில் வளர்ந்தவன். எனது பள்ளிப் படிப்பு கல்லூரிப் படிப்பு எல்லாம் சென்னையில் தான். லயோலா கல்லூரியில் படித்த நான் 'ஸ்டேட் பர்ஸ்ட் அவுட் கோர்ஸ்' மாணவனாக தேர்வு பெற்றேன். அடுத்து ஐ.ஐ.டி.யில் படித்து பி.டெக் பட்டம் பெற்றேன். ஐ.ஐ.டி.யில் எனது படிப்பு முடிந்ததுமே அமெரிக்காவில் உயர்கல்வி யும், வேலை வாய்ப்பும் பெறுவதற்கான 'விசா' எனக்குக் கிடைத்தது. 19 வயதிலேயே 1965ல் அமெரிக்காவுக்கு முதன்முதலில் சென்ற நான் இன்று அமெரிக்க குடியுரிமை பெற்றவனாக உள்ளேன். அமெரிக்காவில் நான் உயர்கல்வி படித்து எம்.எஸ்.ல் தேறியதும், 3 துறைகளில் ஆய்வு செய்து பி.எச்.டி. செய்து, டாக்டர் பட்டம் பெற்றேன். மேலும் நான் உலகளாவிய அளவில் மிக உயர்ந்த அந்தஸ்துகள் பலவற்றை பெற்றுள் ளேன். அமெரிக்க விண்வெளி ஆய்வுக்கழகமான 'நாஸா'வில் கவுரவ உறுப்பினராகவும், ஐ.நா கல்விக் கழகத்தில் பேராசிரியராகவும் 25 ஆண்டுகளாக பணியாற்றியுள்ளேன். ஐ.எம்.எஃப். என்ற சர்வதே நிதி அமைப்பு மற்றும் 'உலக வங்கி' ஆகியவற்றில் தலா மூன்றரை ஆண்டுகள் சிறப்பு உறுப்பினராகவும், ஐரோப்பிய யூனியனின் பொருளாதாரக் கொள்கை அமைப்பு காரியதரிசி போன்ற பல பொறுப்புகளை வகித்துள்ளேன். இஞ்சினியரிங் துறையில் 41 புத்தகங்களை எழுதியுள்ளேன். எனது புத்தகங்கள் உலகில் பல நாடுகளிலும், பல்கலைக் கழகங்கள் பலவற்றிலும் பாடப்புத்தகங்களாக வைக்கப்பட்டுள்ளன. பாகிஸ்தானின் முன்னாள் பிரதமர் பெனாசிர் பூட்டோ உட்பட உலகப் புகழ்பெற்ற பல பிரபலங்கள் எனது மாணவர்கள்... பிர்லா கோளரங்கத்தின் சாஃப்ட்வேர் எனது ஆலோசனைப்படி அமைக்கப்பட்டது. மேலும் இந்தியாவில் இன்று கோடிக்கணக் கானோர் அன்றாடம் பயன்படுத்தும் செல்போன் சாஃப்ட்வேரை முதன் முதலில் தயாரித்து வழங்கியது நான் தான் என்றும், அதைத்தான் பரவலாக அனைவரும் பயன்படுத்தி வருகிறார்கள் எனவும் பல விபரங்களைக் கூறி நம்மை திகைக்க வைத்தார்.

உணர்வு: உங்களுக்கு இஸ்லாத்தின் மீது ஆர்வம் எப்படி ஏற்பட்டது?

 ஆத்மராம்: நான் உட்பட 16 மாணவர்கள் முதன் முதலாக அமெரிக்கா சென்ற போது அங்குள்ள விதிமுறைகள் சரிவர தெரியாத தால், சில காரணங்களால் அமெரிக்க போலிசாரால் கைது செய்யப்பட்டோம்.... அப்பொழுது அங்கு பணிபுரிந்து கொண்டிருந்த பாகிஸ்தானைச் சேர்ந்த 'நுஸ்ரத் அலி' என்பவர், நான் தமிழ் பேசுவதைப் பார்த்து என்னை அணுகி, ''நீ மதராஸ்காரனா? நானும் நாகப்பட்டிணத்தைச் சேர்ந்தவன் தான். இந்திய நாடு பிரிவினைக்குப் பிறகு பாகிஸ்தான் சென்ற நான் இப்போது அமெரிக்க பிரஜையாக உள்ளேன். கவலைப்படாதே'' என ஆறுதல் கூறி என்னையும், என்னுடன் சேர்ந்து கைதான வர்களையும் நீதிமன்றத்தின் மூலம் விடுதலை பெற உதவி செய்தார். மேலும், அவரது வீட்டிற்கு அழைத்து தங்க வைத்து பலவித உதவிகளைச் செய்தார். அவர் மூலமாக இஸ்லாம் குறித்த அறிமுகம் உண்டானது. மேலும் நான் முதன்முதலில் பி.எச்.டி. ஆய்வில் தேறியதும் எனக்கு, டாக்டர் பட்டம் தருவதற்கு பரிந்துரை செய்தவர் எனது பேராசிரியரான 'இர்ஷத் அலி' என்ற முஸ்லிமே ஆவார். அவர் அன்று செய்த உதவியால்தான் இன்று நான் பல்வேறு உயர்வுகளை அடைய முடிந்தது. இதன் வாயிலாக இஸ்லாம் பற்றி மேலும் அறிய முற்பட்டு, பல்வேறு நூல்களை படித்து தேறினேன். அடிப்படையில் நான் பிராமண வைசிய குலத்தில் பிறந்ததால் இயல்பாகவே ஏகத்துவக் கொள்கை மீது எனக்கு ஆர்வம் உண்டு. எங்களது குல தெய்வம் 'ஒப்பிலி அப்பன்' என்பதாகும். கும்பகோணத்திற்கு அருகிலுள்ள ஒப்பிலி அப்பன் கோவிலில் உள்ள சிலையில் ஏகத்துவ கொள்கையை வலியுறுத்தும் 'மா ஏகம் சரணம் வ்ரஜா' என்ற மந்திரம் பொறிக்கப்பட் டுள்ளது. அதிலிருந்தே நான் ஏகத்துவக் கொள்கையை ஆய்வு செய்யத் தொடங்கி னேன். மேலும், சகோதரர் பிஜேயின் பிரச்சாரத்தை தொலைக்காட்சி வாயிலாக பார்க்க ஆரம்பித்தது முதல் ஏகத்துவக் கொள்கையில் உறுதி ஆகிவிட்டது.

உணர்வு: இதைச் சற்று விளக்கமாக கூறுங்களேன்...

ஆத்மராம்: 2001ம் ஆண்டு என நினைக்கிறேன். நான் அமெரிக்காவில் எனது அலுவலகத்தில் சேட்டிலைட் சேனல்கள் ஒவ்வென்றையும் ஆய்வு செய்து கொண்டிருந் தேன். அமெரிக்காவில் ஃப்ரீ சேனல்கள் மட்டுமே 250க்கும் மேல் இருக்கும். மேலும் 'கட்டண சேனல்'கள் வேறு பலநூறு இருக்கும். அவற்றை நான் ஆய்வு செய்து கொண்டிருக் கும் போது திடீரென்று ஒரு தமிழ் குரல் கேட்டது. அந்தக் குரலின் வசீகரம் என்னை கவர்ந்தது. அந்தச் சேனலை டியூன் செய்தேன். அது விண் டிவி என நினைக்கிறேன். அதில், பிஜே அவர்களின் பேச்சை முதன்முதலில் கேட்டேன். அதில் இதன் தொடர்ச்சி நாளை தொடரும் என பாக்கர் அறிவிப்பார். அப்போது தான் அவர்கள் முதன்முதலில் எனக்கு அறிமுகம். அதன் பிறகு பிஜேயின் நிகழ்ச்சி களை தொடர்ந்து பார்த்து ஏகத்துவத்தையும், இஸ்லாத்தின் சிறப்புகளையும் நல்ல முறையில் உணர்ந்து கொண்டு வருகிறேன். நான் 2001 நவம்பர் மாதம் முதன்முதலில் பிஜேயுடன் தொலைபேசி வாயிலாக பேசினேன். அப்புறம் அடிக்கடி அவரிடம் இஸ்லாம் குறித்த பல்வேறு சந்தேகங்களை கேட்டு தெளிவு பெற்று வருகிறேன். நான் உலகின் பல நாடுகளுக்கும் சென்ற போதும் பிஜேயுடன் தொலைபேசி வாயிலாக உரையாடி உள்ளேன். அந்த உறவு இன்று வரை தொடர்கிறது.

 உணர்வு: பிஜேயின் கேள்வி நேரத்தின் போது உங்களுக்கு மட்டும் தொலைபேசி இணைப்பு உடனடியாக எப்படி கிடைக்கிறது?

ஆத்மராம்: அது மட்டும் ரகசியம்.... தலைவர் பி.ஜே.யும், பாக்கரும் கூட இது குறித்து என்னிடம் கேட்டார்கள். அது தொலைபேசி தொழில்நுட்ப ரகசியம் என்பதே எனது பதில். நான் தற்போது 9 மாத விடுமுறையில் எனது அலுவல் விஷயமாக இந்தியா வந்துள்ளேன். ஒரு நாள் எதேச்சையாக விண் டிவி பார்க்கும் போது பிஜேயின் கேள்வி நேரம் ஒளிபரப்பானது. அது முதல் வாராவாரம் அவருடன் உரையாடி வருகிறேன்.

உணர்வு: குடந்தை மாநாட்டில் உங்கள் அனுபவத்தைக் கூறுங்களேன்?

ஆத்மராம்: தவ்ஹீது ஜமாஅத்தின் அன்பான அழைப்பை ஏற்று குடந்தை பேரணிக்கு குடும்பத்துடன் வந்து கலந்து கொண்டேன். 10 லட்சத்துக்கும் மேற்பட்ட முஸ்லிம்கள் கலந்து கொண்ட அந்த அற்புத நிகழ்ச்சியில் பங்கேற்றது குறித்து நான் மகிழ்ச்சி அடைகிறேன். பலவிதங்களிலும் பின்தங்கியுள்ள முஸ்லிம் சமுதாயம் எங்களைப் போன்று முன்னேறிய சமூகமாக மாற இட ஒதுக்கீடு மூலமே முடியும். அது விரைவில் கிடைக்கும் என நம்புகிறேன். தமிழ்நாடு தவ்ஹீத் ஜமாஅத் மாநிலத் தலைவர் பிஜே பொதுச் செயலாளர் பாக்கர் மற்றுமுள்ள நிர்வாகிகளின் வழிகாட்டல் படி முஸ்லிம்கள் உரிமையைப் பெறுவது உறுதி!

உணர்வு: ஏகத்துவத்தை நன்கு உணர்ந்தாக கூறும் தாங்கள் இன்னும் உருவ வழிபாடு செய்கிறீர்களா. பிறப்பின் அடிப்படை யில் பிராமணர்கள் உயர்ந்தவர்கள் என்ற கொள்கையை ஒப்புக் கொள்கிறீர்களா?

 ஆத்மராம்: மனுநீதி அடிப்படையிலான சாதி அமைப்பு முறை நல்ல நோக்கத்தில் ஏற்படுத்தப்பட்டது. ஆனால் நாளடைவில் அதன் நோக்கம் தவறாக பயன்படுத்தப்பட்டுள்ளது. இன்று உலகில் பிராமணர்கள் என்று கூறிக் கொள்ளும் எவரும் மனுநீதி குறிப்பிடும் பிராமணர் ஆகமாட்டார்கள். எனவே பிராமணர் என்று யாரும் இல்லை. பிறப்பின் அடிப்படையில் ஏற்றத்தாழ்வு கூடாது. உருவ வழிபாடு ஆன்மீகத்தின் ஓர் அங்கமே! சாதாரண மக்கள் இறைவனை அடைவதற் கான ஒரு எளிய முயற்சிதான். எப்படி எல்லா நதிகளிலும் கடலில் சென்று கலக்கிறதோ அது போன்றே வழிபாட்டு முறை பலவாறாக இருந்தா லும் கடவுளை அடைவதே நோக்கமாகும். நான் உருவ வழிபாட்டை தவிர்த்து வருகிறேன். உருவமற்ற வழிபாட்டு முறை ஆன்மீகத் தின் உயர்ந்த படித்தரம் எனினும் அதனை எல்லோராலும் பின்பற்ற முடியாத நிலையே உள்ளது. ஒவ்வொருவரும் அதை உணர்ந்து திருந்தினால்தான் தடுக்க முடியும். நாளடை வில் அது குறைந்து விடும். படித்தவர்களால் மட்டுமே அது சாத்தியம். நான் படித்தவன் என்பதால், இறைவன் நாடினால் இஸ்லாத்தை முழுமையாக கடைபிடிக்கக் கூடியவனாக மாறுவேன்...

அவரது நேர்வழிக்காக நாமும் பிரார்த்திப்போமாக!


அமெரிக்காவில் நாசாவில் பணியிலிருக்கும் விஞ்ஞானி ஆத்மராம் என்ற பிராமணர் அண்ணன் பிஜேயின் சொற்பொழிவுகளை இணையத்தின் மூலமாக கேட்டு தெளிவடைகிறார். சென்னை வந்த அவர் அண்ணன் பிஜேயை அலுவலகத்தில் நேரில் சந்தித்து 25 லட்ச ரூபாய்க்கான காசோலையை தருகிறார்.

'என்ன இது?' - பிஜே


'எங்கள் வழக்கப்படி இது குரு தட்சணை. இறைவனை எவ்வாறு நெருங்குவது அதன் வழி முறைகள் என்ன என்பதை பல இடங்களில் தேடி அலைந்தேன். எங்கு சென்றாலும் எனது மனம் ஒரு நிலை கொள்ளாமல் தவித்தது. முடிவில் உங்களின் ஆன்லைன்பிஜே வெப் சைட் கிட்டியது. அதன் மூலம் பல அரிய உண்மைகளை தெரிந்து கொண்டேன். எங்கள் மதத்தில் எங்களின் வேத புத்தகத்தில் உள்ள பல செய்திகள் குர்ஆனிலும் இருப்பதை தெரிந்து கொண்டேன். குழப்பமடைந்த என் மனம் இன்று ஒரு தெளிவான நிலைக்கு வந்துள்ளதென்றால் அதற்கு நீங்களும் ஒரு காரணம். எனவே இந்த சிறிய அன்பளிப்பை ஏற்றுக் கொள்ளுங்கள்' - ஆத்மராம்.


'நான் இது போன்ற அன்பளிப்புகளை வாங்குவதில்லை. உங்களுக்கு ஏதும் கொடுக்க விருப்பமிருந்தால் அனாதை இல்லம், முதியோர் இல்லம் போன்ற இல்லங்களை தவ்ஹீத் ஜமாத் என்ற எங்கள் இயக்கம் மூலம் நடத்தி வருகிறோம். அதற்கு இந்த தொகையை கொடுத்து ரஷீது பெற்றுக் கொள்ளுங்கள்' - பிஜே


இதனை சற்றும் எதிர் பார்க்காத ஆத்மராம் பிஜே யின் மதிப்பு தன் அளவில் மேலும் உயர்ந்துள்ளதாக கூறியதைப் பார்க்கிறோம். புத்தகங்களின் மூலம் வரும் வருமானமும், சென்னை மண்ணடியில் அவர் வைத்துள்ள கடையின் வருமானமும் தான் அவரது குடும்பத்தை நடத்துகிறது. அந்த கடையின் மூல தனம் கூட தொண்டியில் உள்ள தனது பூர்வீக சொத்தை விற்று அந்த பணத்தில் உருவாக்கப்பட்டது என்று கூறியுள்ளார்.