Followers

Thursday, June 22, 2017

Dr Zakir Naik having Iftaar (breaking fast) with Shaikh Sudais

Dr Zakir Naik having Iftaar (breaking fast) with Shaikh Abdur Rehman Sudais on 23rd night of Ramadhaan in Haram Makkah. Dr Zakir especially requested Shaikh Sudais to pray for the safety of the Muslims of India.


இந்துத்வாவாதிகளின் தேச பக்தி என்பது இதுதான்.

கேரளா திருச்சூரைச் சேர்ந்த ராகேஷ் மற்றும் ராஜேஸ் இருவரும் சகோதரர்கள். ராகேஷ் யுவ மோர்சாவின் முக்கிய மெம்பர். ராஜீவ் பிஜேபியில் உறுப்பினராகவும் இருந்து தீவிர பணியாற்றி வருபவர். இவர்கள் இருவரும் தங்கள் வீடுகளில் 2000 மற்றும் 500 ரூபாய் கள்ள நோட்டு அடித்து அதனை புழக்கத்தில் விடும்  போது வகையாக மாட்டிக் கொண்டு தற்போது சிறையில் உள்ளனர்.

தகவல் உதவி
டைம்ஸ் ஆஃப் இந்தியா
22-06-2017

இந்துத்வாவாதிகளின் தேச பக்தி என்பது இதுதான்.


Tuesday, June 20, 2017

வரலாறு எப்படி திரிக்கப்படுகிறது?

வரலாறு எப்படி திரிக்கப்படுகிறது?

ஆதாரம் இல்லாமல் சொல்லப்படுகிறது என்பதை உங்களுக்குக்கெல்லாம் அறிமுக மான பேராசிரியர் இர்ஃபான் ஹபிப் அவர்கள் ஒரு செய்தியைச் சொன்னார்கள். அதை சுட்டிக்காட்ட கடமைப்பட்டிருக் கின்றேன். இது ஒரு எண்டோவ்மென்ட் லெக்சர். அறக்கட்டளை சொற்பொழிவு.

Islam and Indian Culture Towards National integration
என்ற பெயராலே ஒரிசாவிலே கவர்னராக இருந்த மிகப் பெரிய மூத்த சிந்தனையாளர் சி.என். பாண்டே - அவர் இல்லை இப்பொழுது.

மூத்த சிந்தனையாளர் சி.என். பாண்டேமிகப் பெரிய வரலாற்று ஆசிரியர் சி.என். பாண்டே அவர்கள். அலகாபாத் பல்கலைக் கழகத்திலே பாட்னா பல்கலைக் கழகத்திலே அவர்கள் ஆராய்ச்சி நிகழ்த்தினார்கள்.

நீண்ட காலத்திற்கு முன்னாலே எனக்கு அறிமுகமான ஒருவர். அவர் ஒரு முற்போக்கு சிந்தனையாளர். அவருடைய நூலை எனக்கு அனுப்பினார். அந்த நூலிலே ஒரு ஆழமான செய்தியை சுட்டிக் காட்டியிருக்கின்றார். வரலாறு எப்படி திரிக்கப்படுகிறது என்பதை சொல்லி யிருக்கின்றார்கள்.
சமுதாயத்திற்கு பெரிய கேடுஅந்த ஒன்றே ஒன்றை மட்டும் எடுத்துச் சொல்லி, அது சமுதாயத்திற்கு எவ்வளவு பெரிய கேடாக ஆகியிருக்கிறது என்பதை மட்டும் உங்களுக்குச் சுட்டிக்காட்டி என்னுடைய உரையை நான் நிறைவு செய்ய விரும்புகின்றேன்.

இஸ்லாமியர்களுடைய வரலாற்றைச் சொல்லும் பொழுது பல இந்திய சரித்திர நிலைகளைச் சொல்லுகின்றார்.

திப்பு சுல்தான் பற்றி ஆராய்ச்சிபேராசிரியர் எம். ஹபீப் சொல்கிறார். திப்பு சுல்தானைப்பற்றி நான் ஆராய்ச்சி செய்தேன். அலகாபாத் பல்கலைக் கழகத்திலே ஆராய்ச்சி செய்தார். ஆய்வுபற்றி சொன்னார்கள் அல்லவா டாக்டர் ராமசாமி அவர்கள். ஆய்வுகள் எப்படி நடத்தப்படுகின்றன என்பதற்கு இது ஒரு நல்ல உதாரணம்.

1928 ஆம் ஆண்டு திப்பு சுல்தான்பற்றி ஆராய்ச்சி அலகா பாத்தில் நடத்தினேன். 3000 பார்ப்பனர்களை திப்பு சுல்தான் இஸ்லாம் மதத்திற்கு மாற்றினார் என்று டாக்டர் ஹரி பிரசாத் சாஸ்திரி என்பவர் சமஸ்கிருத துறைக்குத் தலைவர் - கல்கத்தா பல்கலைக் கழகத்திற்கு. இப்படி நீங்கள் எழுதியிருக்கின்றீர்களே இதற்கு என்ன ஆதாரம் என்று கேட்கின்றார். ஹபீப் பல நினைவூட்டல் கடிதங்களை எழுதினார்.

ஆதாரம் இல்லைமைசூர் கெசட்டில் இருக்கிறது என்று அவர் பதில் எழுதினார். மைசூர் கெசட் அலகாபாத் பல்கலைக் கழகத்திலும் கிடைக்க வில்லை. கல்கத்தா பல்கலைக் கழகத்திலும் கிடைக்கவில்லை என்றவுடன் மைசூர் யுனிவர்சிட்டி துணை வேந்தருக்குக் கடிதம் எழுதுகிறார். மைசூர் கெசட்டிற்கு புதிதாக ஒரு ஆசிரியரைப் போட்டு ஸ்ரீகண்டய்யா என்பவர் அதை எடிட் பண்ணிக் கொண்டிருக்கின்றார். துணை வேந்தர் அவர்கள் ஸ்ரீ கண்டையா அவர்களுக்கு இந்தக் கடிதத்தையும் பார்வைக்கு அனுப்புகின்றார்.

திப்பு சுல்தானின் தளபதியே ஒரு பார்ப்பனர்பேராசிரியர் ஸ்ரீகண்டையா இந்த மாதிரி ஒரு சம்பவமே கிடையாது என்று அவர் பதில் எழுதியிருக்கின்றார். திப்பு சுல்தானுடைய பிரைம்மினிஸ்டரே ஒரு பார்ப்பனர். அந்த பார்ப்பனருடைய பெயர் பூர்ணய்யா.

திப்புசுல்தானின் படைத் தளபதியும் ஒரு பார்ப்பனர். அவருடைய பெயர் கிருஷ்ணாராவ். 168 கோயில்களுக்கு ஆண்டுதோறும் திப்பு சுல்தான் மானியம் வழங்கியிருக்கின்றார்.

சிருங்கேரி மட ஜகத் குரு சங்கராச்சாரியாருக்கு கடிதங்கள் பல எழுதி இணக்கமாக இருந்திருக்கிறார் என்று இவ்வளவு ஆதாரத்தையும் கொடுத்தார்.

தகவல் வெளியே வந்திருக்காது.........

இந்த ஆதாரத்தை ஒருவர் இவ்வளவு கஷ்டப்பட்டு வழங்கி யிருக்காவிட்டால் இவ்வளவு தகவல்களும் வெளியே வந்திருக்காது. இந்த புத்தகத்தில் இருக்கின்ற தகவலும் இதுவரை சரியாக வெளியே போகவும் இல்லை. எனவே இன்னமும் என்ன சொல்லி கொடுக்கிறார்கள்?
3000 பிராமணர்கள் தற்கொலையா? திப்பு சுல்தான் நெருக்கடி கொடுத்ததினாலே மூவாயிரம் பிராமணர்கள் தற்கொலை செய்து கொண்டார்கள் என்று பிரச்சாரம் செய்கின்றான். இதைப்போய் குஜராத்தில் சொன்னால் என்ன ஆகும்? இதை உத்தரப் பிரதேசத்தில் சொன்னால் என்ன ஆகும்? இந்தப் பாடத்தை ராஜஸ்தானத்திலே படித்தால் என்ன ஆகும்? மத நல்லிணக்கம் இருக்குமா? சமூக ஒற்றுமை இருக்குமா? சமூகத்தில் மனித நேயம் இருக்குமா?

உண்மைகளை எழுதுங்கள்.  விருப்பை உண்டாக்குவதற்குப் பதிலாக மனிதர்களை ஒன்று படுத்துவதற்குப் பதிலாக, மண்ணின் ஒருமைப்பாடு பேசக் கூடியவர்கள், மக்களின் ஒருமைப்பாட்டைப் பற்றி கவலைப்பட வேண்டாமா?

எனவே பேராசிரிய பெருமக்களே..... உங்களை நாங்கள் வேண்டுவதெல்லாம் உண்மைகளை அதன் நிர்வாணத் தன்மையிலே நீங்கள் எடுத்துக் காட்டுங்கள். தேவையானால், குறைந்த பட்ச ஆடையை மட்டும் போடுங்கள். உண்மைக்கு ஒப்பனை செய்யாதீர்கள். அது வரலாறாக ஆகிவிட முடியாது. உண்மை உண்மையாக இருக்க வேண்டும்.
ஒளிப்படம் ஒளிப்படமாக இருக்கட்டும். ஊடுகதிர் - எக்ஸ்ரே எக்ஸ்ரேவாக இருக்கட்டும். ஒருபோதும் ஓவியமாக மாற்ற வேண்டாம் என்று கேட்டு, வாய்ப்பளித்த உங்களுக்கு நன்றி கூறி விடைபெறுகின்றேன்.


- சென்னைப் பல்கலைக் கழகத்தில் 14-12-2007 அன்று நடை பெற்ற நிகழ்ச்சியில் திராவிடர் கழகத் தலைவர் தமிழர் தலைவர் கி. வீரமணி

Monday, June 19, 2017

எலேய்.... ஜாதி அசிங்கம்டா...

எலேய்.... ஜாதி அசிங்கம்டா.... பேருக்கு பின்னாடி ஜாதி போடுறது பெரிய அசிங்கம்டான்னு சொன்னேன்!

இல்ல இல்ல... அதுதான் எங்க பாரம்பர்யம்... அதுதான் எங்க குலவழக்கம்... காலம் காலமாய் எங்களுக்கான அடையாளம் பெயரோட சாதி போடுரதுதான்னு உணர்ச்சி வசப்பட்டு பேசுச்சு பயபுள்ள.

அட, இம்புட்டு டென்சன் ஆவுரானே... நெசமாத்தான் இருக்கும் போலுக்கோன்னு நம்பீட்டேன்...

சரிடா தமிழ்க்காரந்தான நீயி? உன் மூதாதையர் யாருன்னு பாப்போம்னு தேடினேன்....

சங்ககாலப்பெயரில் 473 பேர் கிடைத்தது.

ஒரு பய கூட தன் பெயருக்குப் பின்னால் வன்னியர் - தேவர்- கவுண்டர் - நாடார் - ஐயர்- ஐயங்கார் என்று போட்டிருக்கவில்லை.

சங்கம் மருவிய காலப்பெயர்களையும் பார்த்தேன்.

கண்ணங்கூத்தனார்,மதுரை கார் நாற்பது
கண்ணன் சேந்தனார் திணைமொழி ஐம்பது
கணிமேதாவியார் - திணைமாலை நூற்றைம்பது
கணிமேதையார் ஏலாதி
கபிலர் இன்னா நாற்பது
காரியாசான் சிறுபஞ்சமூலம்
கூடலூர் கிழார் முதுமொழிக்காஞ்சி
சமணமுனிவர்கள் நாலடியார்
திருவள்ளுவர் திருக்குறள்
நல்லாதனார் திரிகடுகம்
புல்லங்காடனார், மாறோக்கத்து முள்ளிநாட்டுக் காவிதியார் மகனார் - கைந்நிலை
பூதஞ்சேந்தனார் இனியவை நாற்பது
பொய்கையார்களவழி நாற்பது
மாறன் பொறையனார் ஐந்திணை ஐம்பது
முள்ளியார், பெருவாயில் ஆசாரக்கோவை
முன்றுறையரையனார் பழமொழி
மூவாதியார் - ஐந்திணை எழுபது
விளம்பிநாகனார் நான்மணிக்கடிகை

ஊகூம்.... இங்கும் சாதிப் பெயரைக் காணோம்.

அட பக்தி இலக்கிய காலத்திலாவது தேடுவோம் என்று தேடிப்பார்த்தேன்...

அங்கும் பொய்கையாழ்வார், பூதத்தாழ்வார், பேயாழ்வார் என்றும், அப்பர், சம்பந்தர், சுந்தரன் என்றே பெயர்கள் இருக்கின்றனவே ஒழிய பெயரோடு ஜாதி ஒட்டினை இணைத்துக் கொண்டு திரியும் கேவல காரியத்தை யாரும் செய்ததாக எந்தச் சான்றுமே கிடைக்கவில்லை.

ஆக, நம் மூதாதையர் யாரும் செய்திராத அசிங்கத்தினை பாரம்பர்யம் என்றும், கலாச்சாரம், என்றும், குல வழக்கம் என்றும் முன்னோர்கள் மீது பொய்ப்பழி போட்டுக்கொண்டு சாதியைச் சுமந்து திரிகிறார்கள் சம கால வன்முறையாளர்கள் என்பதே தெளிவாய்த்தெரிகிறது...



காவி மன்றங்களாகும் நீதிமன்றம் !

காவி மன்றங்களாகும் நீதிமன்றம் !

கேரளாவில் இஸ்லாத்தால் ஈர்க்கபட்டு இஸ்லாத்தை தனது மார்க்கமாக ஏற்றுகொண்ட Dr.அகிலா பிறகு ஹதியாவாக மாறிய பிறகு ஒரு முஸ்லீமுடன் திருமணம் முடித்த இந்த பெண் தற்பொழுது வீட்டுக் காவலில் உள்ளார்.

இந்த பெண்ணின் தந்தை கேரளாவில் பா.ஜா.கா வின் முக்கிய நபர். அவர் கோர்ட்டில் தொடர்ந்த ஹோபீயஸ் கார்பஸ் மனுவினால் கேரளா நீதிமன்றம் இந்த பெண்ணின் திருமணம் செல்லாது என்று சொல்லி ரத்து செய்துவிட்டது. தொடர்ந்து அந்த பெண்ணை வீட்டை விட்டு வெளியில் செல்ல விடாமலும் யாரையும் அந்த பெண்ணை சந்திக்க விடாமலும் பா.ஜா.கா வின் கண்காணிப்பிலும் கேரளா போலீஸின் காவலிலும் உள்ளார். .

கேரளாவில் நீதிமன்றம் தற்பொழுது காவி மன்றமாக மாறுகிறது போல, மாடு விஷயத்திலும் மத்திய அரசின் நிலைபாடு சரிதான் என்றும் காவி மன்றம் தீர்பளித்துள்ளது. இதற்கெதிராக பிணாராயி விஜயன் அரசாங்கம் உயர்நீதி மன்றத்திக்கு செல்லபோவதாக சொல்லபடுகிறது, 

ஹாதீயாவுக்கு எதிரான அநீதியை கண்டித்து சென்றவாரம் சில அமைப்புகளால் கேரளா எற்ணாகுளத்தில் போராட்டம் நடைபெற்றது. தொடர்ந்து நடந்த காவல் துறையின் தடியடியால் பந்த் நடைபெற்றது. 


Sunday, June 18, 2017

இலங்கையை சேர்ந்த ராஜ மாணிக்கம் இன்று அப்துல்லாவாக...

இலங்கையை சேர்ந்த இந்து சகோதரர் இன்று அப்துல்லாவாக...

இலங்கையை சேர்ந்த சகோதரர் வேலை நிமித்தமாக சவுதியில் உள்ள ரியாத் நகருக்கு வருகிறார். வந்த இடத்தில் 'இஸ்லாம் ஓர் இனிய மார்க்கம்' கேஸட் கிடைக்கிறது. இது வரை அவர் இஸ்லாத்தை பற்றி வைத்திருந்த எண்ணங்கள் மாறுபடுகின்றன. அவருக்குள் பல மாற்றங்கள் ஏற்படுகின்றன. எல்லோரும் ஒரே தட்டில் அமர்ந்து சாப்பிடுவதை பார்த்து ரசிக்கிறார். அவரது இந்து மதத்தில் பல சாதிகளாக பிரிந்து ஒருவரையொருவர் தொடக் கூட அஞ்சி வாழும் அந்த சூழலையும் ஒப்பு நோக்குகிறார். இஸ்லாத்தை ஏற்பது என்ற முடிவை எடுக்கிறார். இன்று அப்துல்லாவாக சிறந்த பேச்சாளராக ஸ்ரீலங்கா தவ்ஹீத் ஜமாத்தில் ஐக்கியமாகியுள்ளார். வீடியோவை முழுமையாக பாருங்கள்.


இஸ்லாம் என்ற இந்த தூய மார்க்கமானது ஒரு மனிதனை எந்த அளவு மாற்றி விடுகிறது என்பதற்கு இந்த காணொளி ஒரு சிறந்த உதாரணம்.

சூறாவளியாய் சுழலும் தொண்டரணியினர்.

குவைத் மன்டலத்தின் கடைசி பத்து நாட்கள் ஸஹர் உணவு ஏற்பாடு.

சூறாவளியாய் சுழலும் தொண்டரணியினர்.

பகல் முழுவதும் நோன்போடு அலுவலக பணி இரவு முழுவதும் இறைவனுக்காக இயக்கப்பணி.

பம்பரமும் ஓய்ந்து விடும் சுற்றிய பின்னால் இவர்களோ ஓய்ந்த பின்னும் பம்பரமாய் சுற்றி வருகின்றனர்.

ஓய்வுக்கு ஓய்வு கொடுத்து ஓய்வில்லாமல் உழைக்கும் இம்மக்களுக்காக பிரார்த்தனை செய்யுங்கள் சகோதரர்களே.

-Mohamed Ali Jinnah





விளையாட்டை விளையாட்டாக பாருங்கள்!

விளையாட்டை விளையாட்டாக பாருங்கள்!

ஒரு தனியார் வியாபாரத்துக்காக நடத்தும் ஒரு விளையாட்டே இந்த கிரிக்கெட். இதை வைத்து பல கொடிகள் சூதாட்டமும் நடைபெறுகிறது. சில நேரங்களில் பணம் வாங்கிக் கொண்டு ஃபிக்ஸிங் பண்ணியும் விளையாடுகிறார்கள். இதை புரிந்து கொள்ளாமல் ஏதோ இந்தியாவின் மானமே கிரிக்கெட்டில் அதுவும் பாகிஸ்தானோடு ஜெயிப்பதில்தான் இருக்கிறது என்று கம்பு சுத்திக் கொண்டிருக்கும் பாரத் மாதா புத்திரர்கள் இந்துத்வாவாதிகள் இனியாவது திருந்த வேண்டும்.

விளையாட்டை விளையாட்டாக பாருங்கள்! அதனை நமது நாட்டின் இறையாண்மையோடு ஒப்பிடாதீர்கள்.

ஜெய் ஹிந்த்

பார்பனர்கள் இந்தியர்கள் அல்ல - ஆய்வு முடிவு சொல்கிறது

பார்பனர்கள் இந்தியர்கள் அல்ல - ஆய்வு முடிவு சொல்கிறது

ஒவ்வொரு பிராமணின் வயிற்றிலும் புளியை கரைத்து ஒவ்வொரு பிராமணனும் Bjp காரனும் திட்டித்தீர்க்கும் பெயர்கள் . . . 

.
ஏன் ?? எதனால் ?? வாருங்கள் பார்ப்போம்

Richard Martin மற்றும் Tony Joseph இந்தப் பெயர் உலகில் உள்ள வரலாற்று ஆய்வாளர்களும் அறிஞர்களும் தலையில் தூக்கி வைத்துக் கொண்டாடும் பெயர்கள்

.
அதேசமயத்தில் இப்போது இந்தியாவில் உள்ள ஒவ்வொரு பிராமணனும் Bjp காரனும் திட்டித்தீர்க்கும் பெயர்கள் . . . 

.
ஏன் ?? எதனால் ?? வாருங்கள் பார்ப்போம்

.
Professor Richard Martin
மற்றும் Tony Joseph உலகப்புகழ்பெற்ற Oxford பல்கலைக்கழகத்தின் வரலாறு தொல்லியல் மற்றும் மரபணுவியல் (genetical) துறையின் பேராசிரியர்கள் . .

.
இவரின் ஆராய்ச்சி முடிவுகள் மற்றும் ஆய்வுக் கட்டுரைகள் பல நாட்டவர்களின் அடிப்படை சித்தாந்தங்களை தகர்த்து எறிந்திருக்கிறது . . .
.
.
நேற்று முன்தினம் இவருடைய குழுவினர் கடந்த நான்கு ஆண்டுகளாக . .
.
.
உலகில் மனிதன் தோன்றியது எங்கே ?? 

.
ஆசியாவின் பூர்வ குடிகள் யார் ? இந்தியாவின் மற்றும் அமெரிக்காவின் ஆதி மக்கள் யார் ??

என்று இந்திய துணைக்கண்டம் மற்றும் ஈரான் ஈராக் அமெரிக்கா ஆப்கானிஸ்தான் பாகிஸ்தான் பர்மா மலேசியா நேபாளம் பங்களாதேசம் ஆகிய நாடுகளில் மக்களிடம் லட்சக்கணக்கான மரபணுக்களை ஆராய்ச்சி செய்தனர் . . இந்தியாவில் மட்டும் 16500 க்கும் மேற்பட்ட மரபணுக்கள் ஆராய்ச்சி செய்தனர் 

.
அந்த ஆராய்ச்சி முடிவுகள் நேற்று முன்தினம் வெளியிட்டனர்

.
அந்த ஆய்வறிக்கை தான் இந்தியாவில் உள்ள ஒவ்வொரு பிராமணின் வயிற்றிலும் புளியை கரைத்திருக்கிறது

.
அப்படி என்ன விஷயம் ??

.
இந்தியாவுக்குள் நாடோடிகளான ஆரியர்கள் மாடுகளோடு ஈராக் ஈரான் வழியாக ஆப்கானிஸ்தானில் நுழைந்து இந்தியாவில் பரவினர் என்றும் 

.
அப்படி சிந்துசமவெளி நாகரிகம் அழியும் தருவாயில் இருந்தது அந்த நேரத்தில் தான் ஆரியர்கள் உள்ளே வந்தார்கள் அது சரியாக ரிக் வேதம் எழுதப்பட்ட காலகட்டம்

.
அப்போது ஒரு இனம் இங்கே வீடுகள் கட்டி நகர நாகரீகத்துடன் வாழ்ந்து வந்தனர்

.
அவர்கள் திராவிடர்கள் என்று அழைக்கப்படும் தமிழர்கள் என்றும் ஆதாரப்பூர்வமாக நிரூபித்தும் இருக்கிறார்கள்

.
இப்போது நமக்கு சொல்லப்பட்ட பல வரலாறுகள் பொய்யென்றாகிறது

.
அதாவது சிந்துசமவெளி நாகரிகம் ஆரிய நாகரிகம் என்று நமக்கு சொல்லப்பட்டது பொய்

.
ஏனென்றால் அவர்கள் அப்போது தான் உள்ளேயே வருகிறார்கள் 
.
அப்போது அவர்கள் நாகரிகமடையாத நாடோடிகளாக இருந்தார்கள் அப்படி இருந்தவர்கள் எப்படி நகர நாகரிகத்துடன் வாழ முடியும் ??

.
இரண்டாவது சமஸ்கிருதம் ஆதி மொழி என்று நமக்கு சொல்லிக்கொடுத்தது பொய் . .

.
ஏனென்றால் அதுதான் உலகமொழிகளிலேயே இளைய மொழி என்று இப்போது நிரூபிக்கப்பட்டிருக்கிறது 

.
அதனால் அதற்கு கொடுக்கப்பட்ட செம்மொழி அந்தஸ்து தவறு

.
மேலும் இப்போது தான் நமக்கு புரிகிறது . . 

.
மதுரை கீழடி ஆராய்ச்சியை ஏன் தடுக்கிறார்கள் . .

ஆதிச்ச நல்லூர் அகழ்வாராய்ச்சி ஏன் மூடி மறைக்கப்பட்டுள்ளது என்றும் இப்படி பல கேள்விகளுக்கு இந்த ஆராய்ச்சி முடிவுகள் விடை சொல்கின்றன

.
மனித இனம் ஆப்பிரிக்காவில் தோன்றுகிறது அப்போது இந்திய துணைக்கண்டம் ஆப்பிரிக்காவுடன் ஒட்டியிருந்தது என்றும்

.
கடல்கோள்களால் இந்திய நிலப்பரப்பு பிரிந்தது என்றும் . . 

.
இந்த மண்ணில் திராவிடர்கள் தான் முதலில் இருந்தனர் என்றும் 

.
அவர்கள் முப்பது அல்லது நாப்பதாயிரம் ஆண்டுகளுக்கு முன்பு தோன்றியிருப்பார்கள் என்றும்

இந்த ஆராய்ச்சி திட்டவட்டமாக உரக்கச் சொல்லுகிறது

.
இனிமேல் நெஞ்சை நிமிர்த்திச் சொல்லுவோம் இது எங்கள் மண் . . . வந்தேரிகள் வாலாட்டினால் குரல் உயர்த்துவோம் . . . தமிழன் என்பதில் மட்டற்ற பெருமை கொண்டு மார் தட்டுவோம்

.
Marutha Muthu.
*********************************************************
How genetics is settling the Aryan migration debate




இன்று தந்தையர் தினமாம்.....

இன்று தந்தையர் தினமாம்.....

வீடியோவை அவசியம் பாருங்கள்.



Saturday, June 17, 2017

கோயில் கட்டிய முஸ்லிம்கள்- நோன்பு திறக்க அழைத்த இந்துக்கள்!

கோயில் கட்டிய முஸ்லிம்கள்- நோன்பு திறக்க அழைத்த இந்துக்கள்!

கேரளத்தில் மலப்புரம் மாவட்டத்தில் இஸ்லாமிய மக்கள் வசித்துவருகிறார்கள். இந்த மாவட்டத்திலிருந்து லட்சக்கணக்கானோர் வளைகுடா நாடுகளுக்குச் சென்று பணிபுரிகின்றனர்.


மலப்புரம் அருகே உள்ள புன்னதாலா என்கிற கிராமத்தில் மசூதிகளுக்கு மத்தியில் சிறிய இந்து கோயில் ஒன்று இருந்தது. 100 ஆண்டுகள் பழமையான இந்தக் கோயிலில், நரசிம்ம அவதாரத்தில் அருள்பாலிக்கிறார் விஷ்ணு பகவான்.

புன்னதாலா கிராமத்தில் வசிக்கும் இந்து மக்களுக்கு, இந்தக் கோயில்தான் ஒரே வழிபாட்டுத்தலம். கோயிலோ இடிந்து தகர்ந்துபோய் கிடந்தது. அதைச் சீரமைத்துக் கட்டவேண்டும் என்பது புன்னதாலா வாழ் இந்து மக்களின் ஆசை. அவர்களிடத்திலோ, நிதி இல்லை. நிதி திரட்ட முயன்றும் முடியாமல்போனதால், கோயில் சீரமைப்புப் பணி பல ஆண்டுகளாகத் தள்ளிப் போய்க்கொண்டே இருந்தது.

இந்து மக்களின் ஆசையையும் இயலாமையையும் அறிந்த புன்னதாலா கிராம இஸ்லாமிய மக்கள், உதவிக்கு ஓடி வந்தனர்.

'உங்கள் கோயிலை நாங்கள் கட்டித்தருகிறோம்' எனக் கூறி நிதி வசூலிக்கத் தொடங்கினர். சுமார் 20 லட்சம் ரூபாய் திரண்டது. புன்னதாலா கிராம இஸ்லாமிய மக்கள், இந்து கோயிலைச் சீரமைக்க நிதியை அள்ளி வழங்கினர்.

இந்துக்கள் கண்களிலோ ஆனந்தக்கண்ணீர்!
திரண்ட நிதியை கோயில் கமிட்டியிடம் அளித்து, நரசிம்மமூர்த்தி ஆலயத்தைக் கட்டுமாறு இஸ்லாமியர்கள் கேட்டுக்கொண்டனர். கோயில் முழுமையாகக் கட்டி எழுப்பப்பட்டது. நிதி திரட்டிக் கொடுத்ததோடு தங்கள் கடமை முடிந்துவிட்டதாக இஸ்லாமிய மக்கள் ஒதுங்கிவிடவில்லை. கோயிலின் சீரமைப்புப் பணிகளிலும் உடல் உழைப்பை நல்கினர்.

நெகிழ்ந்துபோன புன்னதாலா இந்து மக்கள், நன்றிக்கடனாக இஸ்லாமிய மக்களுக்கு கைம்மாறு செய்ய முடிவுசெய்திருந்தனர்.

இந்தச் சமயத்தில்தான் ரம்ஜான் நோன்பும் வந்தது. புன்னதாலா வாழ் இந்து மக்கள், இஸ்லாமிய மக்களுக்கு கோயில் வளாகத்தில் இஃப்தார் விருந்து வழங்க முடிவுசெய்து, அழைப்புவிடுத்தனர்.

அத்தனை இஸ்லாமிய மக்களின் வீடுகளுக்கும் நேரடியாகச் சென்று, கோயில் கமிட்டி சார்பில் அழைப்புவிடுக்கப்பட்டது.

நரசிம்மமூர்த்தி ஆலய வளாகத்தில் இஸ்லாமிய மக்களுக்கு நோன்பு விருந்து வழங்கப்பட்டது. இதில், 400 இஸ்லாமிய மக்களும் உள்ளூர் கிராம மக்களும் மகிழ்வுடன் பங்கேற்றனர். பரிமாறப்பட்ட சைவ உணவை இஸ்லாமிய மக்கள் ருசித்தனர்.

கோயில் செயலாளர் மோகனன் கூறுகையில்,

''எங்கள் கிராமத்தில் இந்து-இஸ்லாமிய மக்கள் ஒரே குடும்பமாக வாழ்ந்துவருகிறோம். நல்லது கெட்டது எதுவென்றாலும் இஸ்லாமிய மக்களுடன் கலந்து பேசி முடிவுசெய்வோம். இந்தக் கோயிலைக் கட்ட, சுமார் 20 லட்சம் ரூபாய் இஸ்லாமிய மக்கள் தந்தனர். யாரும் எந்த மதத்தையும் பின்பற்றலாம். அது அவர்களின் உரிமை. எல்லாவற்றையும் தாண்டி 'மனிதம்' என்ற ஒற்றை வரியில் நாங்கள் இணைந்து நிற்கிறோம்'' என்றார்.

மனிதநேயத்தை மிஞ்சியது எதுவுமேயில்லை
இறைவன் படைத்த உயிரை பலிகொடுத்து எந்த கடவுளையும் திருப்தி படுத்த முடியாது

மனித பிறவி மேன்மையானது அதை அனைவரும் போற்றுவோம்

.......படித்ததில் நெகிழ்ந்தது!




http://www.hindustantimes.com/india-news/kerala-temple-organises-iftar-party-for-fasting-muslims/story-NXhBU5awNkZLHUJ7MLWB3K.html

தேவதாசி முறைக்கு தள்ளப்பட்ட 10 வயது சிறுமி

தேவதாசி முறைக்கு தள்ளப்பட்ட 10 வயது சிறுமி

கர்நாடகாவின் கலபுர்கி மாவட்டத்தில் கோயில் பூசாரியால் தேவதாசி முறைக்குள் தள்ளப்பட்ட 10 வயது சிறுமி, 5 வருடங்களுக்குப் பிறகு மீட்கப்பட்டுள்ளார்.

காலாபுர்கி மாவட்ட குழந்தைகள் நலக் குழு, சைல்ட் ஹெல்ப்லைன் மற்றும் பெண்கள் மற்றும் குழந்தைகள் வளர்ச்சித் துறை அதிகாரிகள் இணைந்து அச்சிறுமியை மீட்டுள்ளனர்.

இதுகுறித்துப் பேசிய குழந்தைகள் நலக்குழு உறுப்பினரும், சமூக சேவகருமான விட்டல் சிக்கானி, ''5 வருடங்களுக்கு முன்னர் தலித் சிறுமி தேவதாசி முறைக்குள் தள்ளப்பட்டுள்ளார். ஆனால் இந்தத் தகவல் இன்றுதான் எங்களுக்குத் தெரியவந்தது. உடனே அந்தச் சிறுமியை 2 மணி நேரத்துக்குள் மீட்டுள்ளோம்.

சிறுமியின் பெற்றோரும், கோயில் பூசாரி சரணப்பாவும் குற்றத்தை ஒப்புக்கொண்டுள்ளனர். பெற்றோர்களிடம் விசாரிக்கும்போது சிறுமி நாள்பட்ட நோயால் பாதிக்கப்பட்டதாகவும், இதுகுறித்து அவர்கள் பூசாரியிடம் விவாதித்தபோது அவரே தேவதாசியாகச் சிறுமியை கோயிலுக்கு நேர்ந்துவிடுங்கள் என்று கூறியதாகவும் தெரிவிக்கின்றனர்.

தாலி கட்டிய பூசாரி
அதைத் தொடர்ந்து அனைத்து ஏற்பாடுகளும் செய்யப்பட்டதாகவும், பூசாரி சிறுமிக்கு தாலி கட்டி, மற்ற சடங்குகளைச் செய்ததாகவும் கூறினர். பல ஆண்டுகளாக சுமார் 1000 சிறுமிகளை தேவதாசிகளாக மாற்றியுள்ளதை கோயில் பூசாரி ஒப்புக்கொண்டுள்ளார்'' என்று தெரிவித்தார்.

இதுகுறித்துப் பேசிய துணை ஆணையர் உஜ்வால் குமார் கோஷ், ''இந்த சம்பவம் குறித்து கிராமத்தில் இருக்கும் இரண்டு ஆரம்பப் பள்ளி ஆசிரியர்களுக்குத் தெரிந்திருக்கிறது. ஆனால் இதுகுறித்து அவர்கள் எதுவும் கூறவில்லை.அவர்களின் கடமையைச் சரியாகச் செய்யாததால் அவர்களையும் குற்றம் சாட்டப்பட்டவர்களாகப் புகார் மனுவில் சேர்த்திருக்கிறோம்.

மீட்கப்பட்ட சிறுமி அரசு சிறார் இல்லத்தில் சேர்க்கப்படுவார். கலபுர்கியிலோ, வெளி மாவட்டத்திலோ அவரைப் பள்ளியில் சேர்க்கவும் முடிவெடுத்திருக்கிறோம்'' என்றார்.

தகவல் உதவி
தமிழ் இந்து
17-06-2017

இந்துத்வா எங்கெல்லாம் காலூன்றியுள்ளதோ அங்கெல்லாம் இது போன்ற கொடுமைகள் அரங்கேறவே செய்யும். மோடியும் யோகி ஆதித்யநாத்தும் முத்தலாக் பற்றி கவலைப்படுவதாக நீலிக் கண்ணீர் வடிப்பதை விடுத்து இந்த அபலைப் பெண்களை மீட்டெடுக்கலாம். இந்த சாமியார் சரணப்பா 1000 சிறுமிகளை இவ்வாறு சீரழித்துள்ளான். இதற்கு இந்துத்வா அரசு என்ன செய்யப் போகிறது? தமிழகத்தில் பெரியாரின் பிரசாரத்தால் இந்த முறை முற்றாக ஒழிக்கப்பட்டுள்ளது.