இஸ்லாத்தின் மேல் அப்படி என்ன வெறுப்பு?

இஸ்லாத்தின் மேல் அப்படி என்ன வெறுப்பு?

நெடு நாட்களாக சிவா சவூதியைப் பற்றி ஒரு பதிவு போடப் போகிறேன். இஸ்லாத்தை தோலுரித்துக் காட்டப் போகிறேன் என்றெல்லாம் எழுதி வந்தார். நானும் ஏதோ இஸ்லாத்தைப் பற்றி விமர்சனங்கள் கடுமையாக வரும் என்று எதிர் பார்த்தேன். தற்போது பார்த்தால் யாரோ ஒரு சவூதி தன் வீட்டு வேலைக்காரியை உபயோகப் படுத்திக் கொள் என்று சொன்னதாவும், தான் மறுத்து விட்டதாகவும் தனக்குத் தானே சர்டிபிகேட் கொடுத்துக் கொள்ளும் சுய புராணத்தைத்தான் பார்க்கிறோம்.

நான் முன்பே 'சிறையில் வாடும் நம்மவர்கள்' என்ற என் பதிவில் சவூதியைப் பற்றி சிவாவுக்கு விளக்கி இருக்கிறேன். சவுதி நாட்டவர் ஒரு சிலர் செய்யும் தவறுக்கு இஸ்லாம் பொறுப்பாக முடியாது. குர்ஆனிலோ முகமது நபியின் போதனைகளிலோ உங்களுக்கு ஏதும் விமர்சனங்கள் இருந்தால் தெரிவியுங்கள். என்னால் முடிந்த வரை தெளிவிக்கிறேன் என்று சொன்னாலும் இவர் பழைய பல்லவியை விடுவதாக இல்லை. நேசகுமார், ஆரோக்கியம் போன்றவர்களைப் பொல் சேற்றை வாரி இறைக்க ஆரம்பித்து உள்ளார். இறைத்துக் கொண்டிருக்கட்டும். அவருக்கும் நேரம் போக வேண்டும் இல்லையா!

இதற்கு மாற்றாக நானும் ஹிந்து மதத்தைச் சார்ந்த பிரேமானந்தா, சதுர்வேதி, சிவா தெய்வமாக போற்றிடும் சங்கராச்சாரியார் மூத்தவர் இளையவர் போன்றோரின் லீலைகளை நக்கீரனில் இருந்தும் விடுதலையில் இருந்தும் எடுத்துப் போட்டால் இவர் எங்கு போய் ஒளிந்து கொள்வார். அப்படி அந்த சாமியார்களை விமர்சிப்பதும் எனக்கு அழகாக இருக்குமா? சிவா செய்து வந்தாலும் அதற்கு மாற்றமாக இது போன்ற தனி நபர் விமர்சனத்தை நான் செய்ய மாட்டேன்.

இது ஒரு புறம் இருக்க நேசகுமார்,ஆரோக்கியம், கால்கர்சிவா, ஸ்ரீநிவாஸ் போன்றோருக்கு இஸ்லாத்தின் மேல் அப்படி என்ன வெறுப்பு? உலகில் உள்ள அறிஞர்கள் பெர்னாட்ஷா முதல் நம் மகாத்மா காந்தி வரை மனித விடுதலைக்கு ஒரே வழி இஸ்லாம் தான் என்று கூறும் போது இவர்கள் மட்டும் ஏன் இவ்வாறு அவதூறுகளைப் பரப்பி வருகிறார்கள்? காரணம் இருக்கிறது.

இந்த இஸ்லாத்தினால் தற்போது அதிக பலன் பெறுவது யார? நம் நாட்டு பூர்வ குடி மக்களான தாழ்த்தப் பட்டவர்கள் மற்ற எந்த மதத்துக்கு போனாலும் பெயரும் மதமும் தான் மாறுமே யொழிய அவன் கலாச்சாரம் மாறாது. அவன் செய்து வரும் தொழிலும் மாறாது. அதே தாழ்த்தப் பட்டவன் முஸ்லிமாக மாறினால் பெயர் கலாச்சாரம் தொழில் அனைத்தும் உடன் மாறிவிடுகிறது. இழி தொழில்கள் எதுவும் செய்ய மாட்டான். சிவா போன்றவர்களும் அவன் முஸ்லிமாக மாறியவுடன் அத்தொழில்களைச் செய்வதற்கு ஏவவும் மாட்டார்கள்.

ஒரு குப்பனோ சுப்பனோ முஸ்லிமாக மாறி ரஹீம் பாயாகவும் ரஹ்மான் பாயாகவும மாறி விட்டால் நேசகுமார், கால்கரி சிவா போன்றோரின் வீட்டில் மலம் அள்ள யார் வருவார்? சுடுகாட்டில் பிணத்தை சுடுவது யார்? கிராமத்துக்குள் நுழைந்தவுடன் செருப்பைக் கையில் எடுத்துக் கொண்டு மேல் ஜாதிக் காரர்களைப் பார்த்து கூழை கும்பிடு போடுவது யார்? அவன் முஸ்லிமாக மாறிவிட்டால் மலம் தின்ன வைத்து அழகு பார்ப்பது யாரை?தேனிர்க் கடையிலசிரட்டையில் யாருக்கு டீ தந்து கந்தோஷப்படுவது? அல்லது இரட்டைக் குவளை முறையை யாருக்கு வைப்பது?இதை எல்லாம் காலம் காலமாக ஆண்டு அனுபவித்து வரும் நேசகுமார், ஆரோக்கியம், காலகரிசிவா,ஸ்ரீநிவாஸ் போன்றோருக்கு நொடிப் பொழுதில் இதெல்லாம் கை விட்டுப் போகிறதே என்ற பீதியில் கூப்பாடு போடுகிறார்கள். இதனால்தான் இதெற்கெல்லாம் காரணியான இஸ்லாத்தின் மேல் இவர்களின் கோபம் திரும்புகிறது.எனவே தான் இதை வளர விடக் கூடாது என்று வானத்துக்கும் பூமிக்கும் குதித்துக் கொண்டிருக்கிறார்கள். குதிக்கட்டும். நன்றாக குதிக்கட்டும். இவர்கள் குதிப்பதால் ஏற்படும் சப்தம் பாப்பாரப்பட்டி, கீரிப்பட்டி, கீழ்வெண்மணி இன்னும் தீண்டாமை கொடுமை தலை விரித்தாடும் அனைத்து கிராமங்களுக்கும் சென்று கேட்கட்டும்.

இதே நேசகுமார்,சிவா போன்றோர் தன் மதத்தில் உள்ள தீண்டாமை கொடுமைக்கு எதிராக ஒரு துரும்பையாவது இதுவரை எடுத்துப் போட்டதுண்டா? தேர்ந்தெடுக்கப் படட பஞ்சாயத்து தலைவர் அவர் தாழ்த்தப் பட்டவர் என்பதற்காகவே வெட்டி கொலை செய்யப் படுகிறார்.வேறொரு கிராமத்தில் தேர்ந்தெடுக்கப் பட்ட மறுநாளே ராஜினாமா செய்கிறார். குமுதம் பத்திரிக்கை அந்த கிராமத்துக்கு சென்று பேட்டி எடுத்தது. ஒரு முதியவர் சொல்கிறார் 'காலம் காலமா எங்களுக்கு கீழே இருந்தவன் இன்று தேர்தலில் ஜெயித்து எங்களுக்கு தலைவராக வர முடியுங்களா? அதனால தான் அவனிடம் எடுத்து சொல்லி ராஜினாமா பண்ண வச்சுடுறோம' என்று சர்வ சாதாரணமாக சொல்கிறாராம். இதை எல்லாம் இல்லை என்று மறுக்க முடியுமா? இதற்கு அல்லவா முதலில் குரல் கொடுத்திருக்க வேண்டும்?

பசுக்கள் இவர்களுக்கு தெய்வமாம். இதை அறுத்து சாப்பிட்டதால் 4 தாழ்த்தப்பட்டவர்களை வட நாட்டில் அடித்தே கொன்றிருக்கிறது ஒரு காட்டுமிராண்டிக் கூட்டம்.தற்போது ஒரு பெண்ணும் மாட்டை அறுத்ததினால் இதே போல் 15 வருட சிறைத் தண்டனையை விதித்து இருக்கிறார்களாம். சிவா! உங்கள் பார்வையில் மனிதனை விட மாடு உயர்ந்ததா?புராணங்களில் யாகத்துக்கு பசுவைப் பயன் னடுத்தி இருக்கிறார்களே! உங்கள் கடவுள்களும் அதை ருசித்து சாப்பிட்டு இருக்கிறார்களே! மறுக்க முடியுமா? புராணம் இப்படி இருக்க அப்பாவிகளான தாழ்த்தப் பட்டவர்களை எப்படி கொலை செய்யலாம்? என்று ஒரு பதிவை இதுவரை சிவாவும் நேசகுமாரும் ஆரோக்கியமும் போட்டிருக்க வேண்டாமோ? போட்டார்களா? இல்லையே!

. பல்வான்சிங், ஐ.ஏ. எஸ்1959ல ஐ.ஏ.எஸ்ல தேறி வேலையில சேர்ந்தார். அந்தக் கால கட்டத்துல எல்லாரையும் போல சமுதாயத்தை மாத்தனும்கற மனநிலையில இருந்தவர். 1964ல பதவி விலகினார். நடந்தது என்ன? யாரோ ஒரு தலித். முடி வெட்டிக்கப் போயிருக்காரு. கடைக்காரர் வெட்ட முடியாதுன்னார். இல்ல வெட்டணும்னு தலித் கேட்க. அப்பன்னா இத்தன ரூவா குடுன்னு கூலிய உயர்த்திக் கேட்க. சரின்னு தலித் ஒத்துக்கிட்டாலும், கடைக்கு வெளியில ஒக்கார வச்சு முடி வெட்டிவிட்ட கேஸ் ஒன்னு. இத விசாரிச்சாரு பல்வான் சிங். இந்த வன்முறையைக் கண்டிச்சு எழுதியிருக்கார். வந்தது அரசச் செயலர் ஓலை. விசாரணை. அதுவரைக்கும் நல்லா வேலை செய்றன்னு சொன்ன உயரதிகாரியெல்லாம் உன் வேலை மோசம், இது தப்பு, அது தப்பு, சாதாரண விஷயத்தையெல்லாம் பெருசாக்குற, நீ ரொம்ப உணர்ச்சி வசப் படுற, ஒத்துப் போமாட்டங்கிற அப்படின்னெல்லாம் சொல்ல ஆரம்பிக்கிறாங்க. வேலை மாத்தல் வருது. கேள்வி கேக்குறார். கடைசியில ஒன்னும் முடியாம பதவி விலகுறார். அப்புறமா ஒரு புத்தகம் எழுதியிருக்கார் - Balwan Singh’s autobiography: an untouchable in the IAS.
படித்த ஒரு கலெக்டருக்கே இந்த நிலைமை என்றால் சாதாரண படிப்றிவில்லாத தாழ்த்தப் பட்டவனின் நிலைமையை அவன் நிலைமையில் இருந்து சற்று சிந்தித்து பாருங்கள்.

இன்று தமிழகத்தில் கோடிகளை நெருங்கிக் கொண்டிருக்கும் முஸ்லிம்கள் அனைவரும் அரபு நாட்டு இறக்குமதியா? இல்லையே! உங்களைப் போன்றோரும் உங்களின் மூதாதையரும் செய்த தீண்டாமைக் கொடுமைகளைக் கண்டு பொறுக்காமல் இஸ்லாத்துக்கு ஓடியவர்கள் தானே தமிழகத்தில் வாழும் பரம்பரை முஸ்லிம்கள்.! மறுக்க முடியுமா? அவர்கள் யாரிடமாவது சென்று நீங்கள் முன்பு எந்த சாதி என்று கேளுங்கள். அவர்களுக்கே தெரியாது. அந்த அளவு அவர்களின் வாழ்க்கையே இஸ்லாமாக மாறியிருக்கிறதே! இதைத்தான் மறுக்க முடியுமா? அம்பேத்கார்,அண்ணல் காந்தி, பெரியார் போன்றோர் சாதி ஒழிப்பிற்கு எத்தனை பிரச்சாரங்களைச் செய்தனர்! ஒழிக்க முடிந்ததா? இல்லையே!

மனு கொல்கிறது 'மனிதன் நான்கு வருணமாக பிரிக்கப் பட்டவன்' என்று. 'நான் ஹிந்துவாக இருந்து மனுவையும் பின்பற்றுவேன்.ஆனால் தீண்டாமையும் ஒழிக்கப் பட வேண்டும்' என்றால் 'கூழுக்கும் ஆசை மீசைக்கும் ஆசை என்று சொல்வது போல் இல்லையா? இதற்காக வெல்லாம் இதுவரை நீங்கள் குரல் கொடுத்தது உண்டா? முதலில் உங்கள் வீட்டை சுத்தப் படுத்திக் கொண்டு பிறகு அடுத்த வீட்டுக்கு வாருங்கள். அதுதான் நியாயமும் கூட.

இந்த பதிவு காழ்ப்புணர்வோடு இஸ்லாத்தை தூற்றிக் கொண்டிருக்கும் சிவா, ஆரோக்கியம், நேச குமார், போன்றவர்களுக்கான சிறிய பதிலே! மற்றபடி ஹிந்து மதத்தை விமர்சித்து யாரையும் புண்படுத்த வேண்டும் என்ற எண்ணத்தில் அல்ல. தங்கமணி, சிறில் அலெக்ஸ் ரோசா வசந்த், டோணடு சார், மோகன்தாஸ், மதி கந்தசாமி, ஜெயஸ்ரீ போன்ற நல்ல உள்ளங்களை நான் என்றுமே மதிப்பவன். அவர்களின் பதிவுகளையும் இனனும்பலரின் ஆக்கபூர்வமான பதிவுகளையும் தொடர்ந்தும் படித்து வருபவன் என்றும் சொல்லிக் கொள்ள ஆசைப் படுகிறேன்.












்