பூமியின் எடை குறைந்து வருகிறது!

பூமியின் எடை குறைந்து வருகிறது!

'அவர்களால் பூமி எவ்வளவு குறைந்திருக்கிறது என்பதை அறிவோம்'
-குர்ஆன் 50;4

'அல்லாஹ் உங்களைப் பூமியிலிருந்தே வளர்த்துப் பெரிதாக்கினான்'
-குர்ஆன் 71;17

மேற்கண்ட இரண்டு வசனங்களின் மூலம் மனிதர்களால் பூமி குறைகிறது என்ற உண்மை சொல்லப் பட்டிருக்கிறது.இதில் மிகப் பெரிய அறிவியல் உண்மை அடங்கியிருக்கிறது.

பூமியில் எவ்வளவு உயிரினங்கள் உருவானாலும் அதற்குரிய எடை வெளியிலுருந்து கிடைப்பதில்லை. பூமியுடைய எடை குறைந்து தான் அது மனிதனாக,மிருகங்களாக,மரங்களாக, மற்ற உயிரினங்களாக உற்பத்தியாகின்றன.

இப்படியே முளைக்கின்ற,வளருகின்ற எல்லாப் பொருட்களுமே தங்களின் எடையை பூமியிலிருந்து தான் எடுத்துக் கொள்கின்றன.

எத்தனை கோடி மக்கள் பெருகினாலும் அதனால் பூமியுடைய எடை கூடாது இந்த மக்களோடு சேர்த்து பூமியை எடை போட்டால் ஆரம்பத்தில் படைத்த போது இருந்த எடை தான் இருக்கும்.இதற்கு மாற்றமாக பூமியின் எடை கூடினால் பவியீர்ப்பு விசையின் தாக்கம் குறைந்து மற்ற கோள்களோடு மோதும் அபாயமும் உண்டு. மனிதன் குரங்கு போன்ற அனைத்து உயிரினங்களுக்கும் மூலம் மண்தான் என்ற உண்மையும் வெளியாகிறது. பரிணாமத் தத்துவம்(மனிதன் குரங்கிலிருந்து பரிணாமம் அடைந்தான் -டார்வின்) பொய் என்பதும் இதிலிருந்து விளங்குகிறது.

அனைத்து உயிரினங்களும் பூமியிலிருந்து தான் தனது எடையை எடுத்துக் கொண்டு வளர்கின்றன என்ற அறிவியல் உண்மையை பதினான்கு நூற்றாண்டுகளுக்கு முன்பே விளக்கியதன் முலம் இது இறைவனின் வேதம்தான் என்பது நிரூபணம் ஆகிறது.

'மனிதர்களுக்கு தங்குமிடமும் ஒப்படைக்கப் படும் இடமும் உள்ளன. புரிந்து கொள்ளும் சமுதாயத்துக்குச் சான்றுகளை விளக்கியுள்ளோம்'

-குர்ஆன்6:98

இந்த வசனத்தில் கூறப்படும் தங்குமிடம் என்பது இந்த உலகத்தில் வாழுகின்ற பூமியைக் குறிக்கும் என்பதையும் ஒப்படைக்கப் படும் இடம் என்பது மனிதன் மண்ணுக்குள் அடக்கம் செய்யப் படக் கூடிய இடம் என்பதையும் சாதாரணமாக யாரும் புரிந்து கொள்ள முடியும்.

ஆனால் ஒப்படைக்கப் படும் இடம் என்று தேர்ந்தெடுத்து பயன் படுத்தியிருக்கின்ற வார்த்தை மிகப் பெரிய உண்மையைச் சொல்கிறது.

மனிதன் இந்த உலகில் சின்னஞ் சிறிய அளவில் பிறப்பெடுக்கிறான். அவன் பிறப்பெடுத்த போதுஇருந்த அளவை விட பலப் பல மடங்கு பெரிதாக வளர்ந்து பின்னர் மரணிக்கிறான். அவன் பிறப்பெடுக்கும் போது இருந்த அந்த எடை பல மடங்கு பெரிதாக எப்படி ஆனது என்றால் இந்த மண்ணிலிருந்து சத்துக்களை அவன் பெறுவதால் தான் ஆனது.

மண்ணிலிருந்து உற்பத்தியாகின்ற தானியங்கள்,பருப்புகள்,இன்ன பிற சத்துக்களைப் பெற்று தன்னைப் பெரிதாக்கிக் கொண்டு பூமியின் எடையை மனிதன் குறைத்தான். அய்ம்பது கிலோ எடையுள்ள ஒரு மனிதன் வாழ்கிறான் என்றால் இவன் வாழ்வதனால் மண்ணிலிருந்து அய்ம்பது கிலோ குறைந்து விட்டது என்பது பொருள். எங்கிருந்து இந்த அய்ம்பது கிலோ எடையைப் பெற்றிருக்கிறானோ அதனை அங்கே அவன் ஒப்படைக்க வேண்டும்.

ஒப்படைக்கப் படும் இடம் என்று சொன்னால் இவன் பூமிக்கு உடமையான ஒரு பொருளாக இருக்கிறான்.ஏனெனில் அங்கிருந்துதான் இவன் எடுக்கப் பட்டிருக்கிறான் என்பது கருத்து.மனிதன் பூமியிலுள்ள பொருளை நேரிடையாக ச் சாப்பிடுவதில்லை. மண் வேறு பொருளாக மாறி அதனை மனிதன் சாப்பிட்டு தன் உடலை வளர்த்துக் கொண்டான் என்ற தத்துவத்தை உள்ளடக்கி ஒப்படைக்கப் படுகின்ற இடம் என்ற சொல்லை இறைவன் மிகப் பொருத்தமாக பயன் படுத்தியிருக்கிறான். இதுவும் ஒரு அறிவியல் உண்மை என்று நாம் எடுத்துக் கொள்ளலாம்.

Thanks Mr P. Jainullabdeen.