ஒரு கழிவறை தனது சோகத்தைப் பகிர்கிறது!

'வாங்க! எல்லாரும் சௌக்கியமா? ஏன் இப்படி எல்லோரும் சேர்ந்து என்னை ஒதுக்குறீங்க.....பல நாளும் என்னை வஞசகமில்லாமல் உபயோகபடுத்தி விட்டு வெளியில் பேச மட்டும் கூச்சப்படுகிறீர்களே! இரண்டு நாள் என்னிடம் நீங்கள் வராமல் போனால் உங்களை பார்த்து மற்றவர்கள் முகம் சுழிக்கும் நிலை உண்டாகுமே! இதை ஏன் நீங்கள் உணருவதில்லை.

சில நேரங்களில் என்னை உபயோகப்படுத்தி விட்டு சரியாக தண்ணீர் கூட விடுவதில்லை. ரெண்டாம் நம்பர் போகும் போது தண்ணீர் விட்டு கழுவும் நீங்கள் ஒண்ணாம் நம்பர் போகும் போது மட்டும் தண்ணீர் விட மறுப்பது ஏன்? இரண்டும் உங்கள் உடலில் இருந்து வெளியேறும் அசுத்தம் அல்லவா? நீங்கள் தண்ணீர் விட்டு கழுவாதலால் என்னென்ன நோய்கள் வருகிறது என்பதை சற்று மருத்துவரிடம் கலந்து ஆலோசியுங்கள். தண்ணீர் விட்டு கழுவாதலால் பஸ் ஸ்டாண்டிலோ மற்றும் மக்கள் கூடும் இடங்களிலோ மூக்கைப் பிடித்து கொண்டுதான் என்னிடம் பலரும் வருகின்றனர். இதற்கு காரணம் தண்ணீர் விடாத நீங்கள்தானே!



மும்பை மாடல் கழிப்பறை

மேலும் புதருக்குப் பின்னாலும், மரத்துக்குப் பின்னாலும், ஆற்றோரங்களிலும் ரயில்வே லைனை ஒட்டியும் நீங்கள் காலைக் கடனை கழிப்பது சரியா? ஒரு சில வசதியில்லாதவர்கள் அப்படி போனாலும் போன இடத்தை மண் போட்டு மூடி விடலாமே! இதை ஏன் உங்களில் பலர் செய்வதில்லை. மண் போட்டு மூடுவதால் அசிங்கங்கள் மக்கி மண்ணாகி விடுகிறதே! பூனை கூட தான் கழித்த இடத்தை மண் போட்டு மூடுகிறதே! சிலர் இந்த பூனையின் நல்ல செயலைப் பார்த்து மயங்கி கடவுளாக பூஜிக்கக் கூட தொடங்கி விட்டனரே! விலங்குக்கு உள்ள அறிவு கூட மனிதனுக்கு இல்லாததை எங்கு சொல்லி அழுவது?



இந்த காணொளியைப் பார்த்த பிறகாவது உங்களில் வசதி படைத்தவர்கள் ஊருக்கு 5 நவீன கழிப்பிடங்களை கட்டி சுகாதாரத்தைப் பேணுவீர்களா? உதய சூரியனோ அல்லது இரட்டை இலையோ எந்த மாற்றத்தையும் கொண்டு வரப் போவதில்லை. உங்களைப் பாதுகாத்து கொள்ள உங்களிலிருந்தே சிலர் முன் வந்து என்னைப் போன்ற கழிவறைகளை தெருவுக்கு தெரு கட்ட முயற்ச்சிப்பீர்களா? உங்கள் மனித இனத்தைச் சார்ந்த ஒரு பெண் இந்த வேலை செய்யும் நிர்பந்தத்தை நீங்கள் உண்டாக்கலாமா? இந்த காணொளிபை காணும் உங்கள் முகம் இந்த போக்கு போகிறதே இதை தினமும் தனது தொழிலாக செய்யும் உங்கள் இனத்து மக்களை என்றாவது நினைத்துப் பார்த்தீர்களா? தமிழ்நாட்டின் முதல்வர் ஒரு பெண். இந் நாட்டை ஆள்வதும் ஒரு பெண். இந்த நிலையில் ஒரு பெண் இது போன்ற ஒரு இழி வாழ்வு வாழ நீங்கள் அனுமதிக்கலாமா?



ஃபரெஞ்ச் மாடல் கழிப்பறை

இன்னும் சிலர் மண்ணில் கூட போகாமல் வாழை இலையில் போவதாக எனது தோழி ஃபிரெஞச் டாய்லட் சொன்னாள். மண்ணில் போனால் மண் இழுத்து விடும். வாழை இலையில் போனால் இந்த மாற்றம் ஏற்படாதே. இது சுகாதார குறைவு அல்லவா? இதை எல்லாம் உங்கள் தோழர்களுக்கு நீங்கள் எடுத்துச் சொல்லக் கூடாதா?

மனிதர்களில் கூட சாதி வித்தியாசம் பார்க்கிறீர்களாமே! உயரந்தவன் தாழ்ந்தவன் என்ற பாகுபாடெல்லாம் உங்களிடம் உண்டாமே! ஆனால் நாங்கள் மதம் மொழி இனம் எதையும் பார்ப்பதில்லை. எல்லாம் ஒரே ரகம் என்பதால் யார் வேண்டுமானாலும் எங்களை உபயோகப்படுத்திக் கொள்ளலாம். எங்களைப்போல் மனிதர்களிடம் வேற்றுமை பார்க்காமல் உங்களால் இருக்க முடியாதா?

தலித் இளைஞரின் வாயில் மனித மலத்தை வைத்து திணித்ததாக தேவர் கிறிஸ்தவ சமுதாயத்தைச் சேர்ந்தவர்கள் மீது புகார் கூறப்பட்டுள்ளது.
திண்டுக்கல் மாவட்டம் மேலக்கோயில்பட்டி கிராமத்தைச் சேர்ந்த தலித் இளைஞர் சடையாண்டி (24) போலீசில் அளித்துள்ள புகாரில், 'கடந்த 7ம் தேதியன்று மேலக்கோயில்பட்டி கிராமத்தில் சென்றுகொண்டிருந்தேன். அப்போது சாதி கிறிஸ்தவர்கள் நான்கைந்து பேர் ஒன்றாக சேர்ந்துகொண்டு என்னை வழிமறித்தனர். இந்த தெருவில் செருப்பு போட்டுக்கொண்டு போகக்கூடாது என சொல்லியும் திமிறாக செருப்புக்காலுடன் நடக்கிறாயா எனக் கேட்டனர்.

நான் அவர்களுக்கு பதில் சொல்லாமல் சென்றதால் ஆத்திரப்பட்டு ஜாதிப்பேர் சொல்லி திட்டி என்னை மடக்கினர். அந்த கும்பலில் இருந்த ஆரோக்கியசாமி, டேவிட், செல்வேந்திரன், கென்னடி, கண்ணதாசன், பீட்டர், அன்பு ஆகியோர் என்னை அடித்தனர்.இரண்டுபேர் என்னை வலுக்கட்டாயமாக பிடித்துக்கொண்டு, வாயைத் திறந்து மனித மலத்தை திணித்தனர். என் முகத்திலும் அசிங்கப்படுத்தினர்' என்று குறிப்பிட்டுள்ளார்.

http://arunthathiyan.blogspot.com/2011/07/blog-post_921.html

இதுவும் சமீபத்தில் இணையத்தில் வந்த செய்தி. மனிதர்களுக்குள் ஏன் இப்படி சாதி வித்தியாசம் பார்க்கிறீர்கள்?




கொஞ்சம் மெலிதான தேகம் உடையவர்கள் என்மேல் உட்காரும் போது இருக்கையின் அகலத்தை பார்த்து கவனமாக உட்காரவும். கவனக்குறைவாக இருந்து விட்டால் இந்த கார்ட்டூனில் உள்ளவரின் நிலையை நீங்களும் அடையலாம். உங்களின் பாதுகாப்புக்காகவே இந்த யோசனை.


செம்மொழி மாநாட்டுக்காக 33 கோடி ரூபாயில் வாங்கப்பட்ட 60 நடமாடும் நவீனக் கழிவறைகள் குப்பைமேட்டில் கிடப்பதைப் பார்த்து அதிர்ந்து போயிருக்கிறார்கள் கோவை மக்கள்.

இதில் 8 கழிவறைகள் மிகவும் நவீனமயமான கழிவறைகள். ஒன்றின் மதிப்பு 9 லட்சத்து 19 ஆயிரத்து 800 ரூபாய். இவை அனைத்தும் மாநாட்டு வளாகத்தில் மிக முக்கிய பிரமுகர்களின் பயன்பாட்டுக்காக வைக்கப்பட்டன.



‘இதன் உண்மையான விலை இவ்வளவு அதிகமாக இருக்குமா என்பது சந்தேகமாக உள்ளது. இதில் பல கோடி ரூபாய் வரை ஊழல் நடந்திருப்பதாக சந்தேகப்படுகிறோம்.’ என்று பேரூர் எம்.எல்.ஏ வேலுமணி குறைபட்டுக் கொண்டாராம். மேலும் இந்த கழிவறைகள் அனைத்தும் எவரது உபயோகத்துக்கும் பயன் படாமல் கோவை மாநகராட்சி குப்பை தொட்டிகளில் தூங்குகிறதாம்.
-பததிரிக்கை செய்தி

இந்த செய்தியை படித்ததிலிருந்து கழிவறையான எனக்கு மனது மிகவும் கனத்தது. ஏழைகள் அதிகம் நிறைந்த தமிழகத்துக்கு எங்களுக்கு இததனை கோடிகளா? இந்த பணததில் தமிழகம் முழுவதும் எங்களை கட்டியிருந்தால் பொது மக்கள் பயன்பெற்றிருப்பார்களே! இதை எல்லாம் நீங்கள் ஆட்சியாளர்களுக்கு எடுத்து சொல்லக் கூடாதா?



புகை வண்டியில் பயணம் செய்யும் எவரும் என்னை மறந்திருக்க மாட்டார். தாலாட்டிக் கொண்டே உங்களை சுகமாக உங்கள் காரியத்தை முடித்துக் கொள்ள நான் உதவ வில்லையா? இன்னுமா என்னை இகழ்ச்சியாகப் பார்க்கிறீர்கள். இது நீதியா? இது நியாயமா?

மேலும் இணையத்தில் கூட யாராவது அடிக்கடி எங்கள் வார்த்தையை உபயோகித்தால் அதை நகைச்சுவையாக எடுத்துக் கொள்வதாக எனது மற்றொரு தோழியான மண் கழிப்பறை சொன்னாள். இது உண்மையா? உங்களுக்கு தினமும் சேவை செய்து வரும் எங்களை இளக்காரமாக பார்ப்பதை இனியேனும் நிறுத்துவீர்களா? இவ்வளவு செய்திகளையும் படித்தவுடன் இனி கழிவறைகளை மட்டமாக நினைக்க மாட்டோம் என்றும் திறந்த வெளிகளில் மலம் கழிக்க மாட்டோம் என்றும் உறுதி கொள்வீர்கள் என்று நம்புகிறோம்.

கழிவறைகளான நாங்கள் நினைத்தது சரிதான் என்பதை உங்களின் பின்னூட்டத்தின் மூலமும் ஓட்டளிப்பதின் மூலமும் நாங்கள் தெரிந்து கொள்கிறோம். இவ்வளவு தூரம் பொறுமையாக எனது கதையை கேட்ட உங்களுக்கு கோட்டான கோட்டி நன்றிகளை எங்கள் சங்கத்தின் சார்பாக தெரிவித்துக் கொள்கிறோம்.

இப்படிக்கு

தங்களை என்றும் எதிர் நோக்கியிருக்கும்

மண்கழிப்பறை, ஃபிரெஞச் மாடல் கழிப்பறை, பம்பாய் மாடல் கழிப்பறை.