விந்து, சினை முட்டை கடன் பெறுவதிலும் சாதி பார்க்க வேண்டுமா?

குடும்பக் கட்டுப்பாட்டு அறுவை சிகிச்சை நிபுணர் டாக்டர் அனிருத் மல்பானி தனக்கு ஒரு உயர் குல தம்பதியிடமிருந்து கோரிக்கை வந்ததாக சொல்லுகிறார். என்ன கோரிக்கை?

மன்ஷி கோக்ஷி - ஷர்மிளா கணேசன் என்ற இந்த தம்பதியினருக்கு குழந்தை பேறு இல்லை. எனவே டாக்டரை அணுகி தங்களுக்கு விந்து அல்லது கருமுட்டை தானமாக வேண்டும் என்ற கோரிக்கையை வைத்துள்ளனர். அப்படி கோரிக்கை வைக்கும் போது தங்களின் சாதியை சேர்ந்தவர்களிடமிருந்து தானமாக பெற வேண்டும் என்ற கண்டிஷனையும் அந்த தம்பதிகள் மருத்துவரிடம் வைத்துள்ளனர். படித்த தம்பதியிடமிருந்து இப்படி ஒரு கோரிக்கை வந்தது தனக்கு ஆச்சரியத்தைத் தருவதாக டாக்டர் அனிருத் மீடியாவிடம் கூறியுள்ளார்.

பாட்னாவைச் சேர்ந்த மகப்பேறு மருத்துவர் சவ்ரங் குமார் பத்திரிக்கையாளர்களிடம் பேசும் போது 'குழந்தையில்லாத தம்பதியர் தன்னிடம் விந்து கொடையோ அல்லது கரு முட்டை கொடையோ கேட்கும் போது சம்பந்தப்பட்டவர்களின் சாதியை கேட்டுத் தெரிந்து கொண்டு பிறகு வாங்கிச் செல்கின்றனர்' என்கிறார்.

திலிப் பாட்டீல் இது பற்றிக் கூறும் போது 'மும்பையில் பிராமணர்களின் விந்தையோ கருமுட்டையையோ வாங்குவதற்கே பலரும் பிரியப்படுகின்றனர்' என்கிறார். பிறக்கும் குழந்தைகள் அறிவார்ந்த முறையில் இருக்க வேண்டும் வளர வேண்டும் என்ற நம்பிக்கை இதற்கு காரணமாக இருக்கலாம்.


ஆனால் இந்திய மருத்துவ கழகம் விந்து தானம் செய்பவர்களின் மதத்தை மட்டுமே பதிந்து கொள்கிறது. சாதியை அவர்கள் குறிப்பெடுத்துக் கொள்வதில்லை. சில முஸ்லிம்கள் கூட தானம் கொடுப்பவர் ஷியா பிரிவா சுன்னி பிரிவா என்று விசாரித்து பிறகு ஏற்றுக் கொள்வதாக திலிப் பாட்டீல் கூறுகிறார்.
http://www.siliconindia.com/news/general/Indians-Shopping-for-Brahmin-Sperm-nid-116478-cid-1.html

சாதி இரண்டொழிய வேறில்லை சாற்றுங்கால்
நீதி வழுவா நெறிமுறையின் –மேதினியில்
இட்டார் பெரியோர் இடாதார்
இழிகுலத்தோர் பட்டாங்கில் உள்ளபடி

-இது ஔவையாரின் நல்வழி என்னும் நூலில் இருந்து எடுக்கப்பட்ட ஒரு பொன்மொழி. சிறு வயதில் பள்ளியில் படித்த இந்த பழமொழி இன்றும் மனனமாக இருக்கிறது. ஆனால் நம் நாட்டில் இன்னும் நடைமுறைக்குத்தான் வரவில்லை.


------------------------------------

மாநிறமான பெண்ணின் சினைமுட்டை ரூ. 10 ஆயிரம்... சிவப்பான இளம்பெண்ணின் சினைமுட்டை ரூ. 50 ஆயிரம்... லட்சணமான, கல்லூரி மாணவியின் சினைமுட்டை ரூ. ஒரு லட்சம்... கேரளப் பெண்ணின் சினைமுட்டை ரூ. 3 லட்சம்... இப்படி சினைமுட்டை வியாபார விபரீதம் மேலை நாடுகளில் அல்ல... நமது புதுச்சேரியில்தான் ஜரூராய் நடக்கிறது.


‘‘குழந்தைப்பேறு இல்லாதவர்களுக்கு குழந்தைப்பேறு உருவாக்க வாடகைத் தாய், சினைமுட்டை தானம் போன்ற முறைகள் மருத்துவத் துறையில் பின்பற்றப்பட்டு வருகிறது. ஆனால், புதுச்சேரி அரசு மகப்பேறு மருத்துவமனை டாக்டர்கள் சிலரோ சினைமுட்டை தானத்தை தவறாக பயன்படுத்துகிறார்கள். அவர்கள் தங்கள் கரன்ஸி வேட்டைக்கு இளம் பெண்கள், கல்லூரி மாணவிகளை இரையாக்குகிறார்கள்’

இது பற்றி புதுச்சேரி அரசு மகப்பேறு மருத்துவமனையின் சீனியர் பெண் மருத்துவர் ஒருவரிடம் பேசினோம்.


‘‘வலுவில்லாத சினைமுட்டை, ஹார்மோன் குறைபாடு உள்ளிட்ட பல காரணங்களால் சிலருக்கு பிள்ளைப் பேறு கிடைப்பதில்லை. இப்படி குழந்தைக்காக ஏங்கும் மேல்தட்டு, நடுத்தர மக்கள் லட்சக்கணக்கில் செலவு செய்ய தயாராக இருப்பதை சில மருத்துவ வியாபாரிகள் பயன்படுத்திக் கொள்கிறார்கள். அவர்கள்தான் சினைமுட்டை குறைபாடுள்ளவர்களுக்கு குழந்தைப் பேற்றை உருவாக்க வேறொரு பெண்ணிடமிருந்து சினைமுட்டையை பணம் கொடுத்து தானமாக பெறுகிறார்கள்.

ஆனால், இப்போது தானம் என்ற பெயரில் இது வியாபாரமாகிவிட்டதுதான் கொடுமை. சினைமுட்டையை தானமாகப் பெறுவதற்கு இந்திய மெடிக்கல் கவுன்சில் சில சட்ட திட்டங்களை வகுத்திருக்கிறது. சினைமுட்டை கொடுக்கும் பெண்ணிற்கு ஆஸ்துமா, இதயக் கோளாறு, மஞ்சள் காமாலை, ரத்த சோகை போன்ற நோய்கள் அல்லது பரம்பரை நோய் ஏதும் இருக்கிறதா என்று பரிசோதிக்க வேண்டும். அதன்பிறகே சினைமுட்டையை எடுக்கவேண்டும். காரணம், ஆரோக்கியமான பெண்ணிடம் இருந்து சினைமுட்டை எடுத்தால்தான், அதைப் பெறும் பெண்ணுக்குப் பிறக்கக்கூடிய குழந்தையும் ஆரோக்கியமானதாக இருக்கும்.

ஆனால், பணத்தாசை பிடித்த டாக்டர்கள், சினைமுட்டை தரும் பெண்களிடம் சுகர், ரத்த அழுத்தம், எச்.ஐ.வி. மாதிரியான சில பரிசோதனைகளை மட்டும் செய்துவிட்டு, சினைமுட்டைகளை எடுத்து விற்கிறார்கள்’’ என்றார் வேதனையோடு. அதே மருத்துவமனையில் பணிபுரியும் செவிலியர்கள் சிலரோ, “இந்த ஆஸ்பத்திரியில் வேலை பார்க்கும் டாக்டர்களில் பலர் சொந்தமாக கிளினிக்குகள் நடத்தி வருகிறார்கள். இவர்கள் தங்களிடம் பணிபுரியும் நர்ஸ்கள், கம்பவுண்டர்களையே
சினைமுட்டை புரோக்கர்களாக பயன்படுத்துகிறார்கள்.

சினைமுட்டை கொடுக்கும் கிராமப்புற பெண்கள் மற்றும் இளம் விதவைகளுக்கு ரூ. 5 ஆயிரம் முதல் ரூ. 10 ஆயிரம் வரையும், சிவப்பான இளம் பெண்களுக்கு ரூ. 20 ஆயிரம் முதல் ரூ. 50 ஆயிரம் வரையும், அழகான காலேஜ் பெண்களுக்கோ ரூ. 50 ஆயிரம் முதல் ரூ. ஒரு லட்சம் வரையும், கேரளப் பெண்களுக்கு ஒரு லட்சம் ரூபாய் முதல் மூன்று
லட்சம் ரூபாய் வரையும் கொடுக்கப்படுகிறது.

சினைமுட்டையை விற்பதில் பெரும்-பாலோர் காலேஜ் பெண்கள்தான். இது-போன்ற சினைமுட்டை விற்பதால், உடம்பில் வெளிப்படை-யாக எந்த மாற்றமும் தெரியாது என்பதால் இடைவெளி விட்டு இந்த பெண்கள் சினைமுட்டைகளை தொடர்ந்து விற்றுவருகிறார்கள். சினைமுட்டையை, ஒரு பெண்ணிடமிருந்து எடுப்பதற்கு 10 நாட்கள் முன்பிருந்தே தொடர்ந்து ரூ. 600 மதிப்புள்ள ஹார்மோன் ஊசிகளைப் போடவேண்டும். அந்த ஊசிகளையும் இந்த அரசு ஆஸ்பத்திரியில் ஓசியில் போடுகிறார்கள். பிறகு தங் களுடைய கிளினிக்குக்கு வரச் சொல்லி, சினைமுட்டையை எடுத்துவிடுகிறார்கள். சினைமுட்டை கொடுப்பவர்களிடம் முதலில் பெரிய தொகையைக் கொடுப்பதாகச் சொல்கிற டாக்டர்கள், பின்பு குறைந்த தொகையைக் கொடுத்து ஏமாற்றிவிடுகிறார்கள்.

புதுச்சேரியை அடுத்துள்ள ஒரு கிராமத்துப் பெண்ணிடம் சினைமுட்டை பெறுவதில் இந்த ஆஸ்பத்திரி டாக்டர்களான ஒரு பெண் டாக்டருக்கும் ஒரு ஆண் டாக்டருக்கும் கடந்த வாரம் பிரச்னை வெடித்து, அது வடக்கு பகுதி எஸ்.பி. வரை போய், அவர் தலையிட்டு ஒரு வகையாக அமுக்கப்பட்டது. இது தொடர்பாக ஒரு டாக்டருக்கு மெமோ கொடுக்கப்பட்டிருக்கிறது’’ என்றார்கள்.

இதுபற்றி புதுவையின் பிரபல பாலியல் குறைபாடு சிறப்பு மருத்துவரான பீட்டர் பால் அல்போன்-ஸிடம் பேசினோம். “சினைமுட்டை தானம் வெளிநாடுகளில் சாத்தியம். அங்கு சினைமுட்டை தானம் பண்ணுகிற பெண்களே இன்டர்நெட்டில் தன்னோட கூந்தல், தோல் நிறம், உருவ அமைப்பு போன்றவற்றையெல்லாம் சொல்லி விளம்பரம் செய்வார்கள். அதேபோல, இங்கே அந்த வேலையைச் செய்ய புரோக்கர்கள் இருப்பது வேதனையான விஷயம்.

திருமணமாகாத பெண்கள் பணத்திற்காக சினைமுட்டை கொடுக்க, அடிக்கடி ஹார்மோன் ஊசி போட்டுக்கொள்வதால்... பிற்காலத்தில் அப்பெண்களுக்கு உடல்ரீதியாகப் பல பிரச்னைகள் ஏற்படுவதோடு, அவர்களுக்கு பிள்ளை பிறக்கிற வாய்ப்புமில்லாமல் போகலாம்...’’ என்று எச்சரித்தார்.

இந்தச் சினைமுட்டை வியாபாரம் குறித்து புதுச்சேரி சுகாதாரத்துறை இயக்குனர் திலிப்குமார் பாலிகாவின் கவனத்துக்கு கொண்டு சென்றோம். “சினைமுட்டை பிஸினஸ் பற்றி எந்த புகாரும் இதுவரை எங்களுக்கு வரவில்லை. இருந்தாலும், இனி கவனமாக செயல்படுவோம்...” என்றார்.

புதுச்சேரி சுகாதாரத்துறை அமைச்சர் வல்சராஜிடம் பேசினோம். “இது சம்பந்தமாக இயக்குனர் மற்றும் மருத்துவர்களிடம் ஆலோசனை நடத்தி, இம்முறைகேட்டைத் தடுக்க
நடவடிக்கை மேற்கொள்கிறேன்’’ என்றார்.

இளம் பெண்களின் எதிர்-காலத்தையே ‘முட்டை’யாக்கக் கூடிய இந்த சினைமுட்டை வியாபார விபரீதத்தை உடனடியாக தடுக்காமல் இருப்பது, எதிர்கால சந்ததிகளுக்கு செய்யும் துரோகம்!
நன்றி : தமிழக அரசியல்

------------------------------------------

இது பற்றிய இஸ்லாமிய பார்வை என்ன?


கணவனின் விந்தையும் மனைவியின் கருமுட்டையையும் டெஸ்ட் ட்யூபில் வளர விட்டு குழந்தை பெற்றுக் கொள்வதை இஸ்லாம் தடுக்கவில்லை. ஆனால் ஒரு பெண் தனது கருமுட்டையுடன் - கணவனல்லாத - அன்னிய ஆணின் உயிரணுவைச் சேர்க்க அனுமதிக்கலாமா? என்றால் அதை இஸ்லாம் அனுமதிக்கவில்லை!

மார்க்க சட்டதிட்டங்களை அறிந்து கொள்வதில் அன்றைய இஸ்லாமிய பெண்கள் எந்த அளவு ஆர்வமாக இருந்தனர் என்பதற்கு பின் வரும் நபி மொழிகள் சிறந்த எடுத்துக் காட்டுகளாக உள்ளது.

*உம்மு சுலைம் (ரலி) அவர்கள் நபி (ஸல்) அவர்களிடம் வந்து, ''அல்லாஹ்வின் தூதரே! சத்தியத்தைக் கூற அல்லாஹ் வெட்கப்படுவதில்லை. ஒரு பெண்ணுக்குத் தூக்கத்தில் ஸ்கலிதம் ஏற்பட்டால் அவள் மீது குளிப்புக் கடமையாகுமா?'' என்று கேட்டார். அதற்கு அல்லாஹ்வின் தூதர் (ஸல்) அவர்கள், ''ஆம்'' (விழித்தெழும்போது தன்மீது) அவள் நீரைக் கண்டால் (அவள் மீது குளிப்புக் கடமைதான்)'' என்று பதிலளித்தார்கள். உடனே நான், ''அல்லாஹ்வின் தூதரே! பெண்ணக்குத் தூக்கத்தில் ஸ்கலிதம் ஏற்படுமா?'' என்று கேட்டேன். அதற்கு அவர்கள், ''உனது கை மண்ணைக் கவ்வட்டும்! பிறகு எப்படி அவளது சாயலில் குழந்தை பிறக்கிறது?'' என்று (திருப்பிக்) கேட்டார்கள்.*

அறிவிப்பவர் உம்மு ஸலமா (ரலி) இதேக் கருத்தில் ஆயிஷா (ரலி) உம்மு சுலைம் (ரலி) அனஸ் (ரலி) ஆகியோரின் வழியாகவும் அறிவிக்கப்பட்டுள்ளன. (நூல்கள் - புகாரி,முஸ்லிம், திர்மிதீ, நஸயீ, இப்னுமாஜா, அஹ்மத், முவத்தா மாலிக்)


*''ஆணின் நீர் (விந்து) வெண்ணிறமுடையதும் பெண்ணின் (மதன) நீர் மஞ்சள் நிறமுடையதுமாகும். அவையிரண்டும் சேரும்போது, ஆணின் நீர் (விந்து உயிரணு) பெண்ணின் நீரை (சினை முட்டையை) மிகைத்து விட்டால், அல்லாஹ்வின் நியதிப்படி ஆண் குழந்தை பிறக்கும். (இதற்கு மாறாக) பெண்ணின் நீர் (சினை முட்டை) ஆணின் நீரை
(விந்து உயிரணுவை) மிகைத்து விட்டால் அல்லாஹ்வின் நியதிப்படி பெண் குழந்தை பிறக்கும்'' என்று அல்லாஹ்வின் தூதர் (ஸல்) அவர்கள் பதிலளித்தார்கள்.*(நபிமொழியின் சுருக்கம். நூல் - முஸ்லிம்)


உண்மையில் வந்த கட்டுரை ஒன்று இந்த பதிவு சம்பந்தமாக மேலதிக விபரங்களைச் சொல்கிறது.