உடலுக்கு ஒன்பது வாசல் - ஆரோக்கியம்.

'நர்ஸ் கொடுத்த மருந்தை மட்டும் சாப்பிடாம ஸ்பூனையும் சேர்த்து ஏன்யா முழுங்குனே! கொஞ்சம் இருய்யா! எடுத்துர்ரேன்'

'ஐயோ டாக்டர்'

---------------------------------------------------------------------

நம் உடலை ஆரோக்கியமாக வைத்துக் கொள்வது நம் கையில்தான் இருக்கிறது. சிறிய தலைவலி, சிறிய தும்மல், சிறிய காய்ச்சல் என்று எது நம்மை தாக்கினாலும் உடன் ஒரு சாரிடானையோ, கால்பாலையோ போட்டு அந்த நேரத்துக்கு சுகமாகிக் கொள்கிறோம். எனது பாட்டி 'எந்த வியாதியுமே மூன்று நாட்கள் தான். பிறகு அதுவே நம் உடலை விட்டு சென்று விடும்' என்று சொல்லி கடைசி வரை மருத்துவ மனையை நாடாமலேயே இருந்து விட்டார். அவர் சிறு வயதில் சொன்ன ஆலோசனையை இன்று வரை கடைபிடித்து வருகிறேன். சவுதி வந்து இருபது வருடம் ஆகிறது. மூன்று அல்லது நான்கு முறைதான் மருத்துவமனைக்கே சென்றுள்ளேன். ஒரு முறை எலியை அடிக்க ஆக்ரோஷமாக ஓடி மேலிருந்து தவறி விழுந்து கையை முறித்துக் கொண்டேன். ஒரு மாதம் கையில் கட்டுடனே! ஒரு சாதாரண எலி என்னை அந்த சிரமத்துக்கு ஆளாக்கி விட்டது. :-) மற்றபடி ரத்த தானம் கொடுப்பதற்காக இரண்டு முறை மருத்துவமனை சென்றுள்ளேன். இவ்வளவு நாளும் ஆரோக்கியமாக எனது உடலை கொண்டு செல்ல சக்தி தரும் அந்த இறைவனுக்கே புகழ் அனைத்தும்.

எனக்கும் அவ்வப்போது சிறு சிறு தொந்தரவுகள் வருவதுண்டு. தலைவலி தொடர்ந்து இருந்தால் வலுக்கட்டாயமாக வாந்தி எடுத்து சில நிமிடங்களில் சகஜ நிலைக்கு வந்து விடுவேன். தும்மல் தொடராக வந்தால் ஐஸ் தண்ணி குடிப்பதை நிறுத்தி விடுவேன். எக்காரணத்தை முன்னிட்டும் தும்மலை நிறுத்த மருந்தோ மாத்திரைகளோ உட் கொள்ள மாட்டேன். தும்மல் வந்து சில நிமிடங்களில் உடல் புத்துணர்ச்சி ஏற்படுவதை நான் உணர்ந்துள்ளேன். எனவே தும்மல் நம் உடலில் நமக்கு நாமே பார்த்துக் கொள்ளும் மருத்துவம். அதனை தடுக்காமல் தொடர்ந்து தும்மி உடலை சகஜ நிலைக்கு கொண்டு வாருங்க்ள.

ஆனால் பன்றிக் காய்ச்சல் இது போன்று தொற்று வியாதிகள் பரவி வரும் நேரங்களில் நமக்கு தும்மலோ இருமலோ வந்தால் உடன் மருத்துவரை அணுக வேண்டும். குறைந்த பட்சம் துணிகளை கொண்டு தும்மும் போது அழுத்தி காற்றில் கிருமிகள் பரவாமல் தடுக்க முயற்ச்சிக்க வேண்டும். நமக்கு வரும் தும்மல் எந்த மாதிரியான தும்மல் என்பதை நாமே அறிவோம்.

அதே போல் காய்ச்சலும் மூன்று நாட்கள் முடிந்தும் தொடர்ந்தால் உடன் மருத்தவரை அணுக வேண்டும். எனவே நான் சொல்லும் காய்ச்சலும் தும்மலும் சாதாரண நாட்களில் நம்மைத் தாக்கும் போது அது போக்குக்கே விட்டு விடுவதே சரியானதாகும். மேலும் வயிற்றுப் போக்கு எப்போதாவது ஏற்பட்டால் வயிறு காலியாகும் வரை எதையும் சாப்பிட மாட்டேன். வெறும் தண்ணீர் அல்லது மோர்தான்: ஓரளவு வயிற்றுப் போக்கு நின்றவுடன் பழங்கள் தயிர்சாதம்தான் எனது மூன்று வேளை உணவாக இருக்கும். இரண்டு நாளில் அனைத்தும் சரியாகி விடும்.

மேலும் பசித்தால் சாப்பிடுங்கள். அதையும் அளவோடு சாப்பிடுங்கள். உப்பு, புளிப்பு, எரிப்பு, இனிப்பு இந்த நான்கையும் அளவுக்கதிமாக அதிகரிப்பது தப்பு. எனவே குறைத்துக் கொள்ளுங்கள். அடுத்து சாப்பிட்டவுடன் குறட்டை விட ஆரம்பித்து விடுகின்றனர். மதியம் சாப்பிட்டு உடன் படுக்கைக்கு செல்பவர்களை பார்த்துள்ளேன். இது தவறு. ஒரு மணி நேரம் நன்றாக தூங்கி விட்டு ஒரு குளியலை போட்டு விட்டு பிறகு சாப்பிடுங்கள். நன்கு பசியும் எடுக்கும். உடன் வேலைக்கும் சென்று விடுங்கள். சாப்பாடும் உடன் செரித்து விடும். தொப்பையும் வராது.

சமீபத்தில் ஒரு நண்பர் எனக்கு அனுப்பிய மெயிலில் திரு பாஸ்கரின் மருத்துவ குறிப்புகள் அடங்கிய ஒரு காணொளியை அனுப்பியிருந்தார். கிட்டத் தட்ட இன்று வரை நான் எவ்வாறு எனது உடலை பராமரிக்கிறேனோ அவை அனைத்தையும் உள்ளடக்கிய ஒரு பொக்கிஷமாக இந்த விளக்கவுரை அமைந்திருந்தது. நீங்களும் பார்த்து பயன் பெறுங்கள்.




தும்மலில் பல வகைகள். எவ்வளவு சுகமாக தும்முகிறார்கள். :-)




-----------------------------------------------------------------

உடல் ஆரோக்கியத்தைப் பற்றி இஸ்லாம் என்ன சொல்கிறது என்பதையும் பார்ப்போம்:


இறைவன் தும்மலை விரும்புகிறான்.கொட்டாவியை வெறுக்கிறான். (உங்களில்ஓருவர்) தும்பி அல்ஹம்துலில்லாஹ் (எல்லாப்புகழும் இறைவனுக்கே! ) என்று கூறினால்அவருக்கு எர்ஹமுக்கல்லாஹ் (இறைவன் உங்களுக்கு அருள்புரிவானாக)என்று கூறுவது அதை கேட்ட ஓவ்வொரு முஸ்லிமின் மீதும் கடமையாகும்.கொட்டாவி ஷைத்தானிடமிருந்த தான் ஏற்படுகிறது. முடிந்த அளவு அதை அவர்அடக்கிக்கொள்ளட்டும். ஏனெனில் கொட்டாவியால் ஹா என்று அவர் சப்தமிடும்போது அவரைக் கண்டு ஷைத்தான் சிரிக்கின்றான்.
அறிவிப்பாளர் : அபூஹுரைரா (ரலி), நூல் : புகாரி 6223

உங்களில் ஒருவர் தும்பினால் அல்ஹம்துலில்லாஹ் (எல்லாப்புகழும்அல்லாஹ்வுக்கு) என்று கூறட்டும். அவருடைய சகோதரர் அல்லது அவரதுநண்பர் அவருக்கு எர்ஹமுக்கல்லாஹ் (இறைவன் உங்களுக்குஅருள்புரிவானாக) என்று கூறட்டும். எர்ஹமுக்கல்லாஹ் என்று அவர் கூறினால்(தும்பியவர்) அவருக்கு யஹ்தீகுமுல்லாஹு வயுஸ்லிஹு பாலகும் (இறைவன் உங்களுக்கு நேர்வழி காட்டுவானாக. உங்கள் நிலையை சீர்செய்வானாக.) என்றுகூறட்டும்.
அறிவிப்பாளர் : அபூஹுரைரா (ரலி), நூல் : புகாரி 6224

ஒரு முஸ்லிம் (இன்னொரு முஸ்லிமுக்கு செய்ய வேண்டிய கடமைகள் ஐந்து.
1. சலாமிற்கு பதில் சொல்லுதல்.
2. நோயாளியை நலம் விசாரித்தல்.
3. இறந்த உடலை பின்தொடர்ந்து செல்லுதல்.
4. விருந்தின் அழைப்பை ஏற்றுக்கொள்ளுதல்.
5. தும்பியவருக்கு எர்ஹமுக்கல்லாஹ்(இறைவன் உங்களுக்கு அருள் புரிவானாக) என்று கூறுதல்.
அறிவிப்பாளர் : அபூஹுரைரா (ரலி), நூல் : புகாரி (1240)

இறைவனின் தூதர் சொன்னார்கள்:"மனிதன் தன் வயிற்றைவிட மோசமான எப்பாத்திரத்தையும் நிரப்புவதில்லை. ஆதமின் மகன் தன் முதுகை நிமிர்த்தி வைத்துக்கொள்ள சில கவளங்களே போதுமானவை. இதைவிட அதிகமாக உண்ண வேண்டியிருந்தால் மூன்றிலொரு பாகம் உணவும், மூன்றிலொரு பாகம் தண்ணீரும் உட்கொண்டு மீதி மூன்றிலொரு பாகத்தைக் காற்றாக (காலியாக) விட்டு விடட்டும். (நூல்: மஸ்னத்)

"வருமுன்னர்க் காவாதான் வாழ்க்கை எரிமுன்னர்
வைத்தூறு போலக் கெடும்" (குறள்)
நோய் வந்த பின் சிகிச்சைக்காக போவதை விட வராமல் வழிமுறைகளை முதலில் தெரிந்து கொள்ள வேண்டும்.