'ஈ'.....மற்றுமொரு விட்டலாச்சாரியா!

நேற்று வியாழக் கிழமையாதலால் நாளை விடுமுறை தானே என்று பக்கத்தில் இருக்கும் நண்பர் அன்வரின் ரூமுக்கு சென்றேன். அங்கோ படம் 'நான் ஈ' மும்முரமாக ஓடிக் கொண்டிருந்தது. பொதுவாக திரைப்படங்கள் பார்ப்பதில்லை. அருமையான ஓய்வு நேரங்களின் மூன்று மணி நேரத்தை அநியாயமாக விழுங்கி விடுவதால்...! இதுபோல் எதேச்சையாக சூழ்நிலை அமைந்தால் என்னதான் சொல்கிறார்கள் என்று அவ்வப்போது பார்ப்பதுண்டு. மிகச் சிறந்த மக்களின் பொழுதுபோக்கு சாதனமான இந்த திரைப்படத் துறையில் இன்னும் நாம் வளர வேண்டியது அதிகம் உள்ளது என்பதையே இந்த படம் எடுத்துக் காட்டுவதாக இருந்தது. மறு ஜென்மம் என்பது நிகழ சாத்தியமே இல்லை என்ற போதும் அதை அடிப்படையாக வைத்து கொலை செய்யப்பட்ட ஹீரோ 'ஈ' யாக மறு அவதாரம் எடுத்து வில்லைன கொல்வதாக படத்தை முடித்திருக்கிறார்கள்.

இதில் கிராஃபிக்ஸ் காட்சிகள் வேறு...எந்திரன் படம் கூட கிராபிக்ஸ் கலந்து எடுக்கப்பட்டாலும் அறிவியல் முன்னேற்றத்தையும் கலந்து எடுக்கப்பட்டதால் ஓரளவு தேறியது. ஓரளவு நம்பும்படியாகவும் இருந்தது. 'அனகொண்டா' போன்ற படங்கள் நிகழ்வுகளையும் அந்த குழு சந்திக்கும் பிரச்னைகளையும் மையமாக வைத்து எடுக்கப்பட்டது. இது போன்று அறிவியலையும் உண்மை நிகழவுகளையும் கிராஃபிக்ஸ் மூலமாக தந்தால் படம் பார்க்கவும் ஓரளவு ஆர்வத்தை தூண்டும். அதை விடுத்து முன்பு வரும் விட்டலாச்சாரியா படங்களைப் போல் மனிதன் ஈயாக மாறுவதும் ஹோமம் வளர்த்து அதை அழிக்க பருந்துகளை ஏவி விடுவதும் பார்க்க தமாசாக இருக்கிறது. 10 வயது 15 வயது சிறுசர் சிறுமியர்கள் ஆர்வத்தோடு பார்கலாம். கையாண்டிருக்கும் சில கிராஃபிக்ஸ் காட்சிகளுக்கு வேண்டுமானால் பாராட்டலாம். மற்றபடி வழக்கமான ஒரு தமிழ்படம்தான்.

சிறந்த திரைப்படங்கள் என்பது சமூகத்தை புரட்டிப் போடக் கூடியதாக இருக்க வேண்டும். ஹாலிவுட் திரைப்படங்கள் எந்த அளவு தத்ரூபமாக காட்சிகளை அமைக்கிறார்கள். கதைகளை எந்த அளவு நேர்த்தியாக தேர்ந்தெடுக்கிறார்கள் என்பதை எல்லாம் கணித்து நமது தமிழ்படங்களும் தங்களது பாணியை மாற்றிக் கொள்ள வேண்டும். அதற்கு படம் பார்ப்பவர்கள் ஆபாசத்தை நாடாமல் நல்ல கருத்துள்ள படங்களை ஆதரிக்க வேண்டும்.

-----------------------------------------------------------------------

தவறு செய்தவன் திருந்த பார்க்கணும்!




திரைப்படங்களின் மூலம் பல நல்ல செய்திகளையும் கொண்டு செல்ல முடியும் என்பதற்கு இந்த காணொளிகள் சிறந்த உதாரணமாக திகழ்கிறது. ஒரு அரேபிய குடும்பத்து இஸ்லாமிய இளைஞன் எவ்வளவு ஜாலியாக தவறுகளை செய்து வருவதும் தனது தாயையும் அலட்சியம் செய்வதையும் மிக அழகாக காட்டியுள்ளனர். முடிவில் மனம் திருந்தி இறைவனிடம் தொழுது மன்னிப்பு கேட்டு தனது தாயிடமும் மன்னிப்பு கேட்டு திருந்துவதாக இந்த குறும்படம் அமைந்துள்ளது.

-----------------------------------------------------------------------



குர்பான் படத்தில் வரும் ஒரு அருமையான காட்சி. தீவிரவாதத்தை பரப்புவது யார்? தாலிபான்களை உருவாக்கியது யார்? ஈராக்கில் குண்டுகளை வீசி அப்பாவி மக்களை கொன்றது யார்? என்று பல கேள்விகளை அமெரிக்க மாணவர்களிடம் கேட்டு அவர்களின் ஐயங்களை தீர்ப்பது போல் காட்சி அமைக்கப்பட்டிருந்தது. செய்ஃப் அலிகான் ஜிகாதுக்கு அழகிய முறையில் விளக்கமும் கொடுக்கிறார். சிறந்த இந்த காட்சியை நீங்களும் பாருங்கள்.

-----------------------------------------------------------------------



அமெரிக்காவில் சில இடங்களில் முஸ்லிம்கள் நடத்தப்படும் விதத்தை ஏபிஸி நிறுவனம் குறும்படமாகவே எடுத்துள்ளது. ஒரு உணவு விடுதியில் ஒரு முஸ்லிம் பெண்மணிக்கு பொருட்கள் தர அந்த விடுதியின் பணியாளர் மறுக்கிறார். அதற்கு காரணமாக அவர் சொன்னது அந்த பெண் அணிந்திருந்த முக்காடு. 'எனது கஸ்டமர்களை பாதுகாக்க வேண்டும். நீ ஏதும் பாம் மறைத்து வைத்திருந்தால் எனக்கல்லவா பிரச்னை' எனகிறான் அந்த கிறுக்கன். அந்த பெண் மனது என்ன பாடு பட்டிருக்கும். அங்கு வந்த மற்ற அமெரிக்கர்களோ அந்த பெண்ணுக்கு ஆதரவாக குரல் கொடுத்ததையும் பார்க்கிறோம். 'தலை முக்காட்டை எடுத்து விட்டு வா.. பொருட்கள் தருகிறேன்' என்றதற்கு கடைசி வரை அந்த பெண் ஹிஜாபை நீக்காமலேயே அந்த கிறுக்கனோடு வாக்கு வாதத்தில் ஈடுபட்டதை பார்த்து ஆச்சரியப்படுகிறோம். இது போன்ற நிகழ்வுகள் இன்று அமெரிக்காவில் மிக சர்வ சாதாரணமாக ஆகி விட்டது. இந்த இடத்தில் யார் நம் கண்ணுக்கு தீவிரவாதியாக தெரிகிறார். கண்டிப்பாக அந்த பெண் அல்ல. பாசிச கருத்துகளை வெளியிடும் அந்த நிறுவனத்தின் சிப்பந்திதான் உண்மையான தீவிரவாதி.

----------------------------------------------------------------------


சென்னை,ஜூலை 12-

சென்னை விருகம்பாக்கம் பாலலோக் தனியார் பள்ளியில் ஆசிரியர் தகுதி தேர்வு எழுத முஸ்லிம் பெண் ஒருவர் பர்தா அணிந்து வந்தார். ஆனால் தேர்வு அறைக்குள் பர்தாவுடன் வரக்கூடாது என்று ஊழியர்கள் கண்டிப்புடன் தெரிவித்தனர்.

ஆனால் பர்தாவை அகற்ற அந்த பெண் மறுத்து வாக்குவாதத்தில் ஈடுபட்டார். இதனால் பரபரப்பு ஏற்பட்டது. கையில் எடுத்து வரும் பொருட்களுக்கு தடை விதிக்கலாம். உடை விஷயத்தில் தலையிடகூடாது என்று அந்த பெண் காரசாரமாக வாதம் செய்தார்.

ஆனால் தேர்வு மைய ஊழியரோ பர்தா அணிந்து தேர்வு எழுதினால் நீங்கள் பக்கத்தில் இருப்பவர்களிடம் விவாதிப்பது எப்படி தெரியும்? என்று கூறி உள்ளே அனுமதிக்க மறுத்தார். இதனால் சிறிது நேரம் பரபப்பு ஏற்பட்டது. நீண்ட வாக்குவாதத்திற்கு பின்னரே பர்தா அணிந்தபடியே அவர் தேர்வு ஏழுத அனுமதிக்கபட்டார்.

-விடுதலை
--------------------------------------------------------------------

தருமபுரி மாவட்டத்தைச் சேர்ந்த சுகன்யா; திருச்சியைச் சேர்ந்த ஜெயா; வேதாரண்யம் வட்டம், வண்டல் கிராமத்தைச் சேர்ந்த சித்ரா; பழனி அருகிலுள்ள க.கலையமுத்தூர் என்ற கிராமத்தைச் சேர்ந்த ஸ்ரீபிரியா; தஞ்சை மாவட்டம் வடசேரியைச் சேர்ந்த சதுரா; இராமநாதபுரம் மாவட்டம், பரமக்குடியைச் சேர்ந்த 17 வயதான திருச்செல்வி; திண்டுக்கல் அருகேயுள்ள புள்ளக்காடுபட்டியைச் சேர்ந்த சங்கீதா; மானாமதுரை வட்டம் கே.புதுக்குளம் கிராமத்தைச் சேர்ந்த தாழ்த்தப்பட்டவரான சிவக்குமார்; தண்டாரம்பட்டு வட்டம், ரெட்டிபாளையம் கிராமத்தைச் சேர்ந்த பழங்குடியினரான துரை; ஈரோடு பெரியார் நகரைச் சேர்ந்த தாழ்த்தப்பட்டவரான இளங்கோ; கோவை மாவட்டத்திலுள்ள சோமனூரைச் சேர்ந்த அருந்ததியினரான சிற்றரசு; திருவாரூக்கு அருகேயுள்ள அரிதுவார்மங்கலத்தைச் சேர்ந்த தாழ்த்தப்பட்டவரான சிவாஜி இவர்கள் அனைவரும் சாதி மறுப்பு கலப்புத் திருமணம் செய்து கொண்டதற்காகக் கொல்லப்பட்டவர்கள். கடந்த நான்காண்டுகளில் நடந்து பத்திரிகைகளில் அம்பலமாகியுள்ள கௌரவக் கொலைகளின் எண்ணிக்கையே இத்தனை இருக்கிறது என்றால், அம்பலத்துக்கு வராமலும், போலீசாரால் அமுக்கப்பட்டும் மறைக்கப்பட்ட கௌரவக் கொலைகளின் எண்ணிக்கை எத்துனை இருக்கக்கூடும்?

பொள்ளாச்சி நகரையடுத்துள்ள பூவலப்பருத்தி கிராமத்தில் ஆதிக்க சாதியினர் வசிக்கும் தெருக்களில் தாழ்த்தப்பட்டோர் செருப்பு அணிந்து கொண்டு செல்லக்கூடாது என்ற தீண்டாமை இன்றளவும் கடைப்பிடிக்கப்பட்டு வருவதன் சாட்சியம்

http://www.vinavu.com/2012/07/13/casteist-tn/