ஃபிரான்ஸில் 100 முதல் 150 புதிய பள்ளிவாசல்கள் !

ஃபிரான்ஸில் 100 முதல் 150 புதிய பள்ளிவாசல்கள் !

MARSEILLE, FRANCE // Between 100 and 150 new mosques are being built in France as Europe's biggest Muslim community seeks to end the controversial practice of people praying in the street because of a lack of places of worship. Mohammed Moussaoui, president of the Muslim Council of France (CFCM), said the projects were at various stages, from design to near-completion. France is estimated to have up to seven million Muslims out of a total population of 65 million.

(ஃப்ரான்சில் அமைந்துள்ள புகழ் பெற்ற மசூதிகளில் சில....)

ஐரோப்பாவின் மிகப் பெரிய முஸ்லிம் சமூகத்தைக் கொண்ட ஃபிரான்ஸில், மக்கள் வீதிகளில் தொழாமல் தடுக்க 100 முதல் 150 புதிய பள்ளிவாசல்கள் கட்டப்பட்டு வருகிறது. பள்ளிகளில் போதுமான இட வசதி இல்லாமல் வீதியில் முஸ்லிம்கள் தொழுகிறார்கள். இதைத் தடுப்பதற்காகவே இந்த நடவடிக்கையில் ஃபிரான்ஸ் அரசாங்கம் இறங்கியுள்ளது.

ஃபிரான்ஸ் முஸ்லிம் கவுன்சில் (CFCM) தலைவர், Mohammed Moussaoui இதுபற்றிக் கூறியுள்ளதாவது:

திட்டங்கள் பல்வேறு நிலைகளில் நடைப்பெற்றுக் கொண்டிருக்கிறது. சில பள்ளிகள் வடிவமைப்பிலும் சில பள்ளிகள் முடியும் நிலையிலும் உள்ளது. ஃபிரான்ஸில் மொத்த மக்கள் தொகையான 65 மில்லியன் மக்களில் ஏழு மில்லியன் முஸ்லிம்கள் என்று மதிப்பிடப்பட்டுள்ளது.

இந்த திட்டத்திற்கான பணம் ஃபிரான்ஸ் நாட்டில் வாழும் முஸ்லிம்களிடமிருந்தே அதிகமாக வருகிறது. வெளிநாட்டில் இருந்து குறைவாகவே உதவி தொகை வருகிறது என்று ரமளானை முன்னிட்டு RTL என்ற பிரெஞ்சு வானொலி நிலையத்திற்கு பேட்டி அளித்த Moussaoui தெரிவித்தார்.

பள்ளிவாசல்களில் இடப் பற்றாக்குறை காரணமாகவே வீதியில் முஸ்லிம்கள் தொழும் நிலை ஏற்படுவதாக அவர் கூறினார்.

Marseille , ஃபிரான்சின் இரண்டாவது பெரிய முஸ்லீம் சமூகத்தை கொண்டிருக்கும் நகரம். இந்த நகரத்தின் மொத்த மக்கள் தொகையில் மூன்றில் ஒரு பங்கை விட அதிகமாக முஸ்லிம் மக்கள் வசிக்கிறார்கள் அதாவது 250,000 என மதிப்பிடப்பட்டுள்ளது.இந்த நகரத்தில் ஒரு பெரிய மசூதி தேவை என பரவலான கருதப்படுகிறது.

பதினோரு ஆண்டு போராட்டத்திற்கு பிறகு ரோம் (ROME) நகரத்தில் 2000 பேர் தொழும் அளவுக்கு பிரமாண்டமான பள்ளிவாசல் ரமலானின் திறக்கப்பட்டது.இந்த பள்ளியை எழுப்புவதர்க்கும் அரசியல் ரீதியாகவும் நிதி ரீதியாகவும் நெருக்கடி ஏற்படத்தான் செய்தது.

Dalil Boubakeur, பாரிஸ் கிராண்ட் மசூதியின் இமாம் கூறுகையில் ஃபிரான்ஸில் உள்ள பள்ளிகளின் எண்ணிக்கையை 2000 த்திலிருந்து இரு மடங்காக ஆக்க வேண்டும் என்று கூறுகிறார்.மேலும் பிரெஞ்சு ஜனாதிபதியான சர்கோசியும் பள்ளிகள் அதிகரிப்பதற்கு ஆதரவு தெரிவித்துள்ளார்.

ஃபிரான்ஸ் நாட்டில் உள்ள La Croix என்ற தினசரி செய்தித்தாள் நிறுவனத்தால் நடத்தப்பட்ட ஒரு ரமலான் வாக்கெடுப்பில் ரோமன் கத்தோலிக்கர்களை விட ஃபிரஞ்சு முஸ்லிம்களின் நம்பிக்கை நடைமுறையில் மிகவும் அதிகம் என்று தெரிவித்துள்ளது.

பிரெஞ்சு மக்களில் மூன்றில் இரண்டு பங்கு மக்கள் தங்களை கத்தோலிக்கர்கள் என்று கூறிக் கொள்கின்றனர் ஆனால் அவர்களுடைய மத சடங்குகளில் 15 % மட்டுமே ஈடுபடுகிறார்கள் என்று சென்ற வருடம் எடுக்கப்பட்ட வாக்கெடுப்பு ஒன்று தெரிவிக்கிறது.

பிரெஞ்சு முஸ்லிம்களில் 1994 ஆம் ஆண்டு 60% மக்கள் மட்டுமே ரமலான் மாதத்தில் நோன்பு நோற்றார்கள் எனவும் தற்போது 71% மக்கள் நோன்பு நோர்கிரார்கள் என்பதாகவும் அந்த செய்தித்தாள் தெரிவிக்கிறது.

"ரமலான் என்ற நடைமுறை மதம் சம்பந்தமாக மட்டும் இல்லாமல் கலாசார முக்கியத்துவம் வாய்ந்தாதாக இருக்கிறது.ரமளானை அனைவராலும் கண்ணியமாக பார்க்கப்படுகிறது.இந்த நடைமுறையை நம்பாதவர்களாக இருந்தாலும் ரமளானை மதிக்கக் கூடியவர்களாக இருக்கிறார்கள் என்று Franck Fregosi, என்ற ஒரு இஸ்லாமிய முன்னணி ஃபிரஞ்சு ஆய்வாளர், செய்தித்தாளுக்கு தெரிவித்தார்.

http://www.thenational.ae/news/worldwide/europe/france-building-more-than-100-mosques

http://www.facebook.com/ekkin.saleem

நன்றி தமிழாக்கம் செய்த பதிவாக்கிய சகோ சலீமுக்கு!

தனது நாட்டு மக்கள் ரோட்டோரத்தில் தொழுகிறார்களே என்று கவலைப்பட்டு அரசு புதிய பள்ளிகளை கட்ட அனுமதியளிக்கிறது. நமது நாட்டில் பல ஆண்டுகள் கம்பீரமாக வீற்றிருந்த பாபரி மசூதியை இடித்து தரை மட்டமாக்குகிறது ஒரு கயவர் கூட்டம். அந்த கயவர் கூட்டத்தின் தலைவன் இந்த நாட்டு உள்துறை மந்திரியாகவும், துணை பிரதமராகவும் ஆக முடிகிறது. இது தான் நமது நாட்டுக்கும் ஃபிரான்சுக்கும் உள்ள வித்தியாசம்.

-----------------------------------------------------

இங்கிலாந்தைச் சார்ந்த இந்திய வம்சாவளி தாயார் தனது மகன் குரான் படிக்கவில்லை எனக் கூறி அடித்துக் கொடுமை செய்து வந்துள்ளாள். ஒரு கட்டத்தில் உடல் ரீதியாகவும், உள ரீதியாகவும் சோர்வுற்ற அந்த ஏழு வயது குழந்தையைக் கொன்று விட்டதாக இந்த செய்தி சொல்கிறது. குழந்தை இறந்ததற்கு வேறு காரணங்கள் ஏதும் உள்ளதா என்பது தீவிர விசாரணைக்குப் பிறகே தெரிய வரும். ஏனெனில் தான் பெற்ற குழந்தையை ஒரு தாய் வேத புத்தகத்தை மனனம் செய்ய வில்லை என்ற ஒரே காரணத்துக்காக கொன்றிருப்பாளா என்பது விவாதத்திற்குரிய விஷயம். ஒரு கால் அந்த தாய் மன நலம் பாதிக்கப்பட்டவளாக இருக்க வாய்ப்புண்டு.

ஏனெனில் குர்ஆனின் மீது மதிப்பும் மரியாதையும் எப்போது வரும்? அது இறைவனால் அருளப்பட்டது. அதன்படி வாழ்க்கையை அமைத்துக் கொண்டால் இறப்புக்குப் பிறகு நல்ல வாழ்வு கிட்டும் என்ற நோக்கிலேயே பலரும் குர்ஆனை மனனம் செய்வதிலோ அதனை பின் பற்றுவதிலோ ஆர்வம் செலுத்துகின்றனர். அந்த குர்ஆனை மனனம் செய்யாததால் தனது குழந்தையை ஒரு தாய் கொன்றால் அது அந்த குர்ஆனுக்கே எதிரானது. பின் வரும் வேத வசனத்தை ஆழமாக படித்துப் பாருங்கள்..

'அறிவில்லாமல் மடமையின் காரணமாக தமது குழந்தைகளைக் கொன்றவர்களும் இறைவனின் பெயரால் இட்டுக் கட்டி இறைவன் அவர்களுக்கு வழங்கியதைத் தடுக்கப்பட்டதாக ஆக்கிக் கொண்டோரும் நஷ்டம் அடைந்தனர். வழி கெட்டனர். நேர் வழி பெறவில்லை.'
குர்ஆன் 6:140

அறிவில்லாமல் மடமைத்தனமாக அந்த பெண் தனது குழந்தையை கொன்றுள்ளார். இறைவனின் வேதத்தை மனனம் செய்யவில்லை என்ற காரணத்தை இட்டுக் கட்டி சொல்லியுள்ளார். (அல்லது செய்தி சேகரிப்பவர்கள் இட்டுக் கட்டியிருக்கலாம்) குர்ஆனை மனனம் செய்தே ஆக வேண்டும் என்ற கட்டாயமும் இல்லை. பொருள் தெரியாமல் குர்ஆனை ஓதியதால் வந்த கிறுக்குத்தனமான பக்தி இது.

எனவே குறை குர்ஆனிலோ இஸ்லாத்திலோ இல்லை. இஸ்லாத்தை விளங்காத அந்த மூடப் பெண்ணிடம்தான் தவறு இருக்கிறது. (இந்த செய்தி உண்மையாக இருக்கும் பட்சத்தில்) குர்ஆனை சரியாக விளங்காமல் தனது குழந்தைக்கு பாடம் எடுக்க கிளம்பி விட்ட இந்த பேதைப் பெண்ணை என்னவென்பது? தற்போது இந்த செயலால் அந்த குழந்தை சொர்க்கத்துக்கு செல்லவும் இந்த பேதைப் பெண் நரகத்துக்கு செல்லவும் காரணமாகி விட்டது. குர்ஆன் எதற்காக அருளப்பட்டது? அது சொல்லும் செய்தி என்ன? அதற்கு மரியாதை எந்த வரையறைக்குள் செலுத்த வேண்டும் என்பதை மனித குலம் உணர வேண்டும். அந்த முயற்சியை மற்ற மக்களுக்கு முஸ்லிம்கள் முன்னெடுத்து செல்ல வேண்டும்.

http://naijagists.com/muslim-mother-killed-son-for-failing-to-learn-quran/