பாவம்! தலைவர் ரொம்பவும்தான் சோகத்தில் இருக்கிறார்!

இருக்கிற நாப்பது தொகுதியை மூன்றாக பிரித்தால்தான் நாம நிம்மதியாக இருக்க முடியும். இதுல கூட்டணி கட்சிகளுக்கு வேற பிரிக்கணும். மூணு பேருமே ஒரே தொகுதிகளை கேட்டா நான் என்ன பண்ணுவேன். இதுக்கு பேசாம தேர்தலே வராம இருந்திருக்கலாம்.

-------------------------------------------------

கோவை மாவட்டம் துடியலூர் அருகே மடத்தூர் மகா சக்தி மாரியம்மன் கோவில் விழாவில் பூச்சட்டியுடன் பெண்கள் மீது பூசாரி நடந்து வந்தார். இதனை செய்தியாக போட்டு புளகாங்கிதம் அடைந்துள்ளது தினமலர். பக்தி என்பது குருட்டுத் தனமாக இருக்கக் கூடாது. கீழே கிடக்கும் அந்த பெண்களை விட எந்த வகையில் இந்த பூசாரி உயர்ந்து விட்டார்? வேறு ஒருவரின் மனைவியின் உடலில் இந்த பூசாரியின் கால்கள் படலாமா? பெண்களை இதை விடக் கேவலமாக யாரும் இழிவுபடுத்தி விட முடியாது. இவ்வாறான வேண்டுதல்களுக்கு மனமுவந்து எப்படி இந்த பெண்களின் கணவர்கள் அனுமதிக்கிறார்கள் என்று தெரியவில்லை. மிக உயர்ந்த தத்துவங்களைக் கொண்ட இந்து மதம் இடைப்பட்ட காலத்தில் இது போன்ற மூடப் பழக்கங்களை அனுமதித்ததால்தான் வெறுத்து போய் பலர் நாத்திகத்தின் கதவுகளை தட்டுகின்றனர்.

எங்கள் ஊரிலும் ஆன்மீக குரு என்ற பெயரில் ஒரு கயவன் பெண்களுக்கு கெட்ட ஆவிகளிடமிருந்து பாதுகாக்கிறேன் என்று தனி அறையில் சில சில்மிசங்களை செய்தான். பெரிய தாடி. அதை விட பெரிய தலைப்பாகை. இளைஞர்கள் ஒரு நாள் அவனின் காம விளையாட்டுகளை ஆதாரத்தோடு பிடித்தனர். பிறகென்ன. செமத்தையாக அடி கொடுத்து 'இனி எங்கும் சில்மிசம் செய்யக் கூடாது' என்று எச்சரித்து அனுப்பி வைத்தனர். புரோகிதத்துக்கு இஸ்லாத்தில் எந்த வகையிலும் ஆதரவு இல்லை. அது சாமியார்கள் ரூபத்தில் வந்தாலும் மௌலவிகள் ரூபத்தில் வந்தாலும் அல்லது ஃபாதர்கள் ரூபத்தில் வந்தாலும் அவர்களிடம் எந்த வொரு விஷேஷ தன்மையும் இல்லை என்று தெளிவாக கூறி விடுகிறது இஸ்லாம்.

மேலும் இஸ்லாத்தில் பெண்களை அதிகம் வெளியில் விடுவதில்லை. முக்காடு போட்டு மூடி வைக்கிறார்கள் என்ற குற்றச்சாட்டை வைக்கும் பலர் இது போன்ற அவலங்களை திரும்பி பார்ப்பது கூட இல்லை. முகத்தை மூடச் சொல்லி இஸ்லாம் கட்டளையிடவில்லை என்பதையும் இங்கு நோக்க வேண்டும். அடுத்து இது போன்று பெண்களை முஸ்லிம்கள் ஓரளவு வீட்டுக்குள் வைத்திருப்பதால் காதலில் வீழ்ந்து எதிர்காலத்தை பிரச்னையாக்குவது மற்ற சமூகங்கள விட மிக குறைவாகவே உள்ளது. பெண்களுக்கு கல்வி கொடுப்பதையோ தனக்கு விரும்பிய ஆடவனை தேர்வு செய்து கொள்வதையோ, பெண்கள் வேலைக்கு செல்வதையோ இஸ்லாம் தடுக்கவில்லை என்பதையும் இங்கு நாம் கவனத்தில் கொள்ள வேண்டும்.

இஸ்லாம் பெண்கள் மீது பொருளாதாரச் சுமையையும், குடும்பப் பொறுப்புகளையும் சுமத்தி வைக்காததால், வேலைக்கோ, புற தேவைகளுக்கோ பெண்கள் செல்வது குறைவு. ஆண்களே இப்பொறுப்புகளை ஏற்றுக் கொள்வதால், இஸ்லாமியப் பெண்கள் முறையற்ற தொடர்புகளில் சிக்கிக் கொள்வதற்கு வாய்ப்புகள் குறைவு.

எனவே இறை வணக்கம் என்பது உளப்பூர்வமாக மன அமைதியோடு நம்மை படைத்த இறைவனிடம் நமது தேவைகளை முறையிடுவதாக இருக்க வேண்டும். நம்மைப் போன்ற மல ஜலத்தை சுமந்து கொண்டிருக்கும் ஒரு மனிதனிடம் நமது தலையை தாழ்த்துவதும் அவரது பேச்சுக்களை தெய்வ வாக்காக நம்பி தங்களின் சுய மரியாதையை இழப்பதும் தொடர்ந்து நடந்து வருகிறது. இந்த நிலை மாறி உண்மையான இறை பக்தி நம் மக்களிடத்தில் பரவ நம்மால் ஆன முயற்சிகளை எடுக்க வேண்டும்.