குவைத் மன்னர் இறப்புக்காக வருந்தும் இந்து மத சகோதரர்!

 குவைத் மன்னர் இறப்புக்காக வருந்தும் இந்து மத சகோதரர்!

இனத்தால், மொழியால், மதத்தால், நிறத்தால், நாட்டால் வேறுபட்டுள்ளார் குவைத் மன்னர். ஆனாலும் இந்த இந்து நண்பர் தனது வீட்டில் ஒரு துக்கம் நிகழ்ந்ததாக நினைத்து வருத்தப்படுகிறார். கொரோனா வால் மக்கள் பரிதவித்த நிலையில் அரபுகளுக்கு எப்படி இலவச வைத்தியம் செய்யப்படுகிறதோ அதே போன்று வெளி நாட்டவர்களும் இலவச மருத்துவ சேவை வலியுறுத்தி பல வெளிநாட்டு தொழிலாளர் உயிரை காப்பாற்றியுள்ளார். அவரவர் தங்கள் சொந்த நாட்டுக்குச் செல்ல விமான வசதிகளையும் ஏற்படுத்திக் கொடுத்துள்ளார். மனன்ர் இறந்த செய்தியால் இது போல் பல லட்சம் தொழிலாளர்கள் தங்கள் வீட்டு இறப்பாக நினைத்து மனம் உருகியுள்ளார்கள்.

ஆட்சியாளர் என்றால் இப்படி இருக்க வேண்டும். சாமான்ய மக்களின் அன்பை பெற வேண்டும். நம் நாட்டில் ஒரு ஆட்சியாளர் இருக்கிறார. அதானி, அம்பானிக்கு சாதகம் எதுவோ அதனை செய்து கொடுக்கவே முனைப்பு காட்டுகிறார். திடீரென்று லாக்டவுன் அறிவிப்பு செய்து பல ஆயிரம் தொழிலாளர்கள் மாநிலம் விட்டு மாநிலம் செல்ல வாகன வசதி இல்லாமல் இறந்த செய்தியை அறிந்தோம். அவரைப் பொருத்த வரை சாமான்ய மக்களின் உயிர் ஒரு பொருட்டல்ல.

பண மதிப்பிழப்பு நடவடிக்கையில் சாமான்ய மக்கள் க்யூவில் நின்று இறந்த செய்தி அறிந்திருப்போம். ஆனால் சேகர் ரெட்டியிடம் 2000 ரூபாய் நோட்டுக்கள் இத்தனை கோடி எப்படி வந்தது என்பதற்கு ஆதாரம் சிபிஐயிடம் இல்லையாம். இதனை சொல்வதற்கு வெட்கப்படவில்லை மத்திய அரசு. உண்மை வெளி வந்தால் பல அரசியல் தலைகள் உருளும் என்பதை மோடி அறியாதவல்ல. இப்படியும் கேவலப்பட்டு ஒரு ஆட்சியாளர் இருப்பாரா என்று சிந்திக்கின்றோம் நாம்.