தாய்லாந்தில் இன்றும் உயிருடன் புதைக்கப்படும் கொடூரம்!

தாய்லாந்தில் இன்றும் உயிருடன் புதைக்கப்படும் கொடூரம்!

தாய்லாந்தில் குறிப்பிட்ட சில சமூகங்களில் கணவன் இறந்து விட்டால் அவனோடு மனைவியை உயிரோடு அதே புதை குழியில் புதைக்கும் பழக்கம் இன்றும் நடைமுறையில் உள்ளது. றமது நாட்டில் இந்து மக்களிடையே சதி என்ற பெயரில் கணவன் இறந்தவுடன் மனைவியை உயிரோடு அதே சிதையில் தூக்கி வீசும் பழக்கம் இருந்தது. இன்றும் சில இடங்களில் மறைமுகமாக நடக்கிறது. ஒளரங்கசீப் ஆட்சியில் இதற்கு தடை விதித்து இந்த கொடூரத்துக்கு ஒரு முற்றுப் புள்ளி வைக்கப்பட்டது. இஸ்லாம் வருவதற்கு முன் அந்த கால அரபுகளிடத்தில் பெண் குழந்தையை உயிரோடு புதைக்கும் பழக்கம் இருந்ததாம். நபிகள் நாயகம் வந்தவுடன்தான் அங்கும் இந்த பழக்கத்தை விட்டொழித்தனர் அரபுகள். 

மத்திய பிரதேசத்தில் பெண் குழந்தைகள் கொல்லப்படுவது சர்வ சாதாரணமாகி விட்டது தற்போது. பெண் குழந்தை பிறந்தவுடன் தாய்க்கு தெரிவிக்காமலேயே குடும்பத்தவரே கழுத்தை நெறித்து கொல்வது, சாக்கு துணியால் முகத்தை மூடி கொல்வது, புகையிலையை பிறந்த குழந்தையின் வாயில் திணிப்பது (நமது ஊர் சேலத்தில், உசிலம்பட்டியில் அரிசியை திணிப்பது, கள்ளிப்பால் ஊற்றுவது) என்று பல வழிகளை கையாள்கின்றனர்.

பெண் குழந்தை பிறந்தால் அதை வளர்ப்பது, அதை படிக்க வைப்பது, அடுத்து அந்த பெண்ணை பல லட்சம் வரதட்சணை கொடுத்து திருமணம் முடித்து கொடுக்க வேண்டும். அந்த பெண்ணும் மருமகளாக வேறொரு குடும்பத்துக்கு சென்று விடுவாள். இதனால் எங்களுக்கு என்ன லாபம் என்று நான்கு பெண் பிள்ளைகளை பெற்ற ஒரு ஆண் தைரியமாக கேமராவுக்கு முன்னால் சொல்வதைப் பார்த்து ஆச்சரியப்படுகிறோம்.

“அவர்களில் ஒருவனுக்கு பெண் குழந்தை பிறந்துள்ளது என்று நன்மாராயங் கூறப்பட்டால் அவன் முகம் கறுத்து விடுகிறது – அவன் கோபமுடையவனாகிறான். எதைக் கொண்டு நன்மாராயங் கூறப்பட்டானோ, அதைத் தீயதாகக் கருதி அந்தக் கெடுதிக்காகத் தம் சமூகத்தாரை விட்டும் ஒளிந்து கொள்கிறான் – அதை இழிவோடு வைத்துக் கொள்வதா? அல்லது அதை உயிரோடு மண்ணில் புதைத்து விடுவதா? என்று குழம்புகிறான்; அவர்கள் இவ்வாறெல்லாம் தீர்மானிப்பது மிகவும் கெட்டதல்லவா?” 

குர்ஆன் 16:58-59

"எந்தக் குற்றத்திற்காக அது கொல்லப்பட்டது?" என்று- உயிருடன் புதைக்கப்பட்ட பெண் குழந்தை வினவப்படும் போது"

குர்ஆன் 81:8-9

அன்றைய மெக்கா சிலை வணங்கிகள் தங்கள் பெண் குழந்தைகளை கொல்வதை இந்த குர்ஆன் வசனம் எடுத்துக் காட்டுகிறது. அன்றைய நிலை இன்று அரங்கேறுவது நமக்கு கேவலம் அல்லவா?