யுவன் சங்கர் ராஜா அப்பாவாகப் போகிறார்!

யுவன் சங்கர் ராஜா அப்பாவாகப் போகிறார்!

யுவன் சங்கர் ராஜா தற்போது மிகவும் உற்சாகத்தில் உள்ளார். அவரது மனைவி தற்போது கர்பமாக இருப்பதாக தினத் தந்தி செய்தி வெளியிட்டுள்ளது. முதல் இரண்டு திருமணத்தில் கிடைக்காத குழந்தை செல்வம் மூன்றாம் திருமணத்தில் கிடைத்துள்ளது. இந்த குழந்தையானது தம்பதியருக்கிடையில் மேலும் இன்பத்தையும் நெருக்கத்தையும் ஏற்படுத்தட்டுமாக!

இரண்டு இனங்கள் கலந்து ஒரு கலப்பினம் உருவாகப் போகிறது. இவ்வாறுதான் இந்தியாவில் இஸ்லாம் பல்கிக் பெருகியது.

யுவன் சங்கர் ராஜா செல்வத்தை தேடி இங்கு வரவில்லை

அது அவரிடம் நிறையவே உள்ளது.

யுவன் சங்கர் ராஜா புகழைத் தேடி இங்கு வரவில்லை..

அதுவும் அவரிடம் நிறையவே உள்ளது...

யுவன் சங்கர் ராஜா அமைதியைத் தேடி இங்கு வந்தார்

அது அவருக்கு கண்டிப்பாக கிடைத்துள்ளது... அதோடு

மறு உலக வாழ்வுக்கான ஆயத்தங்களையும்

செய்து கொண்டிருக்கும் யுவனை நாமும் வாழ்துவோம்.

ஜூம்ஆ தொழுகையை நிறைவேற்ற வந்த யுவன்!

சிங்கப்பூரில் உள்ள சுல்தான் மசூதிக்கு இன்றைய ஜூம்ஆ தொழுகையை நிறைவேற்ற வந்த யுவன் சங்கர் ராஜா. அருகில் இருப்பவர் மஹாதிர்.

எல்லா புகழும் இறைவனுக்கே!

இளையராஜாவும் யுவனும் ஜபருன்னிஷாவும்!

சில ஆண்டுகளுக்கு முன் யுவன் இஸ்லாத்தை ஏற்ற போது அவரது குடும்பத்தில் பெரிய பிரச்னை ஏற்பட்டதாக ஊடகங்கள் திரித்துக் கூறின. இளையராஜாவுக்கும் யுவனுக்கும் இதனால் பெரும் சண்டையே மூண்டதாக கற்பனை கதைகளை அள்ளி விட்டனர். இந்து மதத்தில் ஆழ்ந்த பற்று கொண்ட இளையராஜாவால் இதனை தாங்கிக் கொள்ள முடியாதுதான். அன்றைய அரபுலகிலும் இதே போன்ற பிரச்னைகள் வெடித்தது. ஒரே குடும்பத்தில் தந்தை இஸ்லாத்திலும் மகன் சிலை வணக்கத்திலும் இருந்த வரலாறுகள் நெடுக உண்டு.

இங்கு இளையராஜா முதலில் சிறிது எதிர்ப்பை தெரிவித்தாலும் தனது மகனின் முடிவை பின்னர் அங்கீகரித்துக் கொண்டார். தனக்கு சங்கராச்சாரியாரிடம் கிடைக்காத சமத்துவம் தனது மகனுக்கு இஸ்லாத்தில் கிடைத்துள்ளதே என்று தற்போது எண்ணி இன்புறுவார். பல இரவுகள் தூக்கமின்றி தவித்த தனது மகனுக்கு இன்று இஸ்லாத்தால் புது வாழ்வு கிடைத்துள்ளதே என்று எண்ணி உவகையுறுவார். ஜபருன்னிஷா என்ற இஸ்லாமிய மருமகளை பெற்றதன் மூலம் உலக இஸ்லாமிய குழுமத்தில் இளையராஜாவும் அவரையறியாமல் புகுந்துள்ளார். அண்ணன் கார்த்திக்கையும், தங்கை பவதாரிணியையும், தந்தை இளையராஜாவையும் தனது அழகிய இஸ்லாமிய நடவடிக்கைகளால் கவர்ந்து அவர்களையும் இந்த சத்திய இஸ்லாத்தில் யுவன் இணைப்பாராக! நாமும் அந்த குடும்பம் நேரான வழியை தேர்ந்தெடுக்க வாழ்த்துவோம்.

'ஒன்றே குலம் ஒருவனே தேவன்' என்ற திருமூலரின் திருமந்த்ரத்தின்படி வாழ்வை அமைத்துக் கொள்ள இளையராஜாவுக்கும் அழைப்பு விடுப்போம்.

விகடன் பேட்டியில் மனம் திறக்கிறார் யுவன் சங்கர் ராஜா!

கேள்வி:

புகழ், பணம் என்று நிறைய பார்த்து விட்டீர்கள் அடுத்து என்ன?

பதில்:

நீங்கள் சொல்வது போல் சினிமா, இசை, புகழ் என்று நிறைய பார்த்து விட்டேன். இதற்கு அடுத்து என்ன என்ற தேடல் எனக்குள் சில நாட்களாகவே இருந்து வந்தது. அம்மாவுடைய மரணம் அந்த தேடலை இன்னும் அதிகமாக்கியது.

கேள்வி:

எல்லா மதமும் அன்பைத்தான் போதிக்குதுன்னு சொல்வாங்க. அப்படி இருக்க நீங்க இஸ்லாத்தை குறிப்பாக தேர்ந்தெடுக்கக் காரணம்?

பதில்:

காரணம் நிறைய உள்ளது. அம்மா இருந்த வரை எனக்கு எந்த குறையும் இல்லை. அவர்களுக்கு பிறகு நான் தனிமையானேன். உடைந்து போனேன். இறைவனின் அருளால் குர்ஆனை படிக்க ஆரம்பித்தேன். அந்த குர்ஆனானது எனது மனதோடு ஒன்றி விட்டது. மனக் குழப்பத்திலிருந்து இஸ்லாம் என்னை விடுவித்தது. அம்மா இறந்த துக்கத்தினால் சிகரெட் நிறைய குடித்தேன். நிறைய மது அருந்தினேன். தூக்கமின்மையால் மிகவும் சிரமப்பட்டேன். இது தொடர்ந்தால் நாம் காப்பாற்றி வைத்திருந்த பெயர் சிதைந்து விடும் என்ற பயம் எனக்குள் வந்தது. அப்படியான இக்கட்டான நிலையில்தான் எனக்கு குர்ஆன் அறிமுகமானது.

எல்லா மனிதர்களுக்குமே ஆன்மா இருக்கிறது. அந்த ஆன்மாவை நல்ல வழியில் கொண்டு செல்ல முயல வேண்டும். மனித குலத்துக்கு நம்மால் ஆன நல்ல செயல்களை செய்து வர வேண்டும்.

கேள்வி:

திருமண வாழ்வு எப்படி இருக்கு?

பதில்:

மாஷா அல்லாஹ்! இறைவன் புண்ணியத்தில் நல்லபடியாக போய்க்கிட்டுருக்கு.

கேள்வி:

காதல் கல்யாணம் என்று ஒரு தகவல் உலவுகிறதே?

பதில்:

கண்டிப்பாக இது காதல் திருமணம் அல்ல. எனது நெருங்கிய நட்பு வட்டாரத்தில் இஸ்லாமிய மதத்தில் ஒரு பெண்ணை பார்க்கச் சொல்லியிருந்தேன். அவர்கள் மூலமாக வந்த சம்மந்தம்தான் இது. பத்திரிக்கைகளில் வந்த செய்தி தவறானது.

கேள்வி:

உங்க அப்பா இளையராஜா திருமணத்துக்கு சம்மதித்தாரா?

பதில்:

ஆம்.... பெண் வீட்டாரோடும் சந்தோஷமாக பேசினார். பத்திரிக்கைகளில் 'ரகசிய திருமணம்' என்று புரளியைக் கிளப்பி விட்டு விட்டார்கள். பெண் வீட்டாரும் நிறைய வதந்திகளால் குழம்பி போனார்கள். அவர்களை பார்க்க எனக்கும் பாவமாக இருந்தது. இதனால் உடன் திருமணத்தை முடிக்கச் சொன்னார்கள். இதனை அப்பாவிடம் சொன்னேன். 'இரண்டு நாள் என்றால் என்னால் வர முடியாதே. நீ திருமணத்தை முடித்து விட்டு வந்து விடு. பிறகு சென்னையில் பார்த்துக் கொள்ளலாம்' என்றார். அதன்படி அவரது சம்மதத்தோடுதான் திருமணம் நடந்தது.

https://www.youtube.com/watch?v=jJm2BV2ItB8

சல்மான்கானை தூற்றி விட்டு யுவனை பாராட்டலாமா?

//கூத்தாடி சல்மான்கான் இஸ்லாமியன் அல்ல என்று சொல்றவங்க தான்
அந்த கூத்தாடிக்கு தாளம் போடுற யுவனை முஸ்லீம்னு சொல்றாங்க,// -ram nivas

இஸ்லாமிய தாய் தந்தையருக்கு பிறந்ததினாலோ அல்லது அரபியில் தனது பெயரை வைத்துக் கொள்வதாலோ ஒருவர் முஸ்லிமாகி விட முடியாது. இஸ்லாமிய அடிப்படையான ஏக இறைவனை ஏற்றுக் கொள்ள வேண்டும். முகமது நபியை கடைசி இறை தூதராகவும் ஒத்துக் கொள்ள வேண்டும். இதுதான் அடிப்படை. மற்ற சட்டங்களெல்லாம் பிறகுதான்.

ஆனால் சல்மான்கான் தன்னை இந்து முஸ்லிம் என்று கூறிக் கொள்கிறார். தனது மாநிலத்தில் பிள்ளையாரை வணங்குகிறார். இது போன்ற இரட்டை வேடத்தை இஸ்லாம் அங்கீகரிக்கவில்லை. ஒன்று இந்துவாக இரு. அல்லது முஸ்லிமாக இரு. இரண்டிலும் இருந்து கொண்டு இரண்டு இடத்தையும் குழப்ப வேண்டாம் என்பதுதான் இஸ்லாமியரின் நிலைப்பாடு.

யுவன் சினிமாவுக்கு தாளம் போடுவது தவறுதான். கூடிய விரைவில் தன்னைத் திருத்திக் கொள்வார். இஸ்லாமிய பார்வையில் இது சிறிய பாவம்.

ஆனால் படைத்த இறைவனை விடுத்து கல்லையும் மண்ணையும் வணங்கி வந்த யுவன் இன்று முஸ்லிமாக மாறி ஏக இறைவனை மட்டுமே இனி வணங்குவார். பெரும் பாவத்திலிருந்து தப்பித்துக் கொண்டார். தனது தந்தையையும் கூடிய விரைவில் இந்த அன்பு மார்க்கத்துக்கு அழைத்து வந்து விடுவார். கவலை வேண்டாம். தாயும் தந்தையும் இந்துவாக இருந்தாலும் குர்ஆனை விளங்கி இன்று இஸ்லாத்தை ஏற்றுள்ளார் யுவன். இதிலிருந்து பிறப்பினால் எவனும் இஸ்லாமியனாகி விட முடியாது. குர்ஆனின் கட்டளைகளை கடைபிடிப்பவரே முஸ்லிமாக முடியும் என்று விளங்கலாம்.

//இந்துக்களை இழிவு செய்பவனை தானே முஸ்லீம்னு ஏத்துக்க முடியும்,
சரி தானே நசீர் பாய்???!//// - ram nivas

யுவன் இந்துக்களை இழிவு செய்யவில்லையே! சொல்லப் போனால் ஆரியர்களால் வஞ்சிக்கப்பட்டு பல தெய்வ வணக்கத்தில் வீழ்ந்த யுவன் இன்று தமிழனின் பூர்வீக கொள்கையான 'ஒன்றே குலம் ஒருவனே தேவன்' என்ற இடத்துக்கல்லவா வந்துள்ளார். அவரை பாராட்டாமல் இப்படி தூற்றலாமோ!

ஒன்றே குலமும் ஒருவனே தேவனும்
நன்றே நினைமின் நமனில்லை நாணாமே
சென்றே புகும்கதி யில்லைநும் சித்தத்து
நின்றே நிலைபெற நீர்நினைந்து உய்மினே

- திருமந்திரம் 2104

படைக்கப்பட்ட அனைத்து உயிர்களும் ஒரே தன்மையை உடையவனாம் இவை அனைத்துக்கும் ஒருவனே இறைவன். இதை உணர்ந்து இறைவனை அன்புடன் நினைந்து அருள் பெருவதால் இவ்வுலக வாழ்வும் மறு உலக வாழ்வும் சிறப்புற்றிருக்கும்.. நாணப்படாமல் சேரும் அருள்வாழ்வு ஒன்றே ஒன்றுதான். வேறுவாழ்வெல்லாம் நாணப்படக் கூடியவையாம் எனவே உங்கள் உள்ளத்தில் இறைவனை எப்பொழுதும் நினைந்து வாழுங்கள்.

நான் என்றுமே இளையராஜாவின் மகனே - யுவன்

நேற்று பிரபல இசையமைப்பாளர் யுவன் சங்கர் ராஜாவின் முக நூல் பக்கத்தில் நான் பார்த்த ஒரு பதிவு இது. இந்த பதிவுக்காக சிலர் அவரை தூற்றியும் மற்றும் சிலர் பாராட்டியும் தங்கள் கருத்துக்களை தெரிவித்து வருகின்றனர்.

மிக அழகாக தனது கருத்தை பதிவாக்கியுள்ளார் யுவன்.

'உலக முடிவு நாளன்று நான் இளையராஜாவின் மகனாகத்தான் இருப்பேன்: இளையராஜா எனது தந்தையாகத்தான் இருப்பார். இதில் எந்த மாற்றமும் நடந்து விடப் போவதில்லை' - யுவன் சங்கர் ராஜா

ஆம்... கண்டிப்பாக..... இன்று யுவன் தனது வாழ்வியலை இஸ்லாமாக மாற்றிக் கொண்டிருக்கலாம். தனது பெயரைக் கூட 'அப்துல் ஹாலிக் யுவன்' என்று மாற்றியிருக்கலாம். ஆனால் அவர் இளையராஜாவின் மகன் என்ற அடையாளம் உலக முடிவு நாள் வரை நிலைத்திருக்கும். அவர் தமிழன் என்ற அடையாளமும் எந்த நாளும் மாறப் போவதில்லை. அவ்வாறு அடையாளப்படுத்திக் கொள்வதை இஸ்லாமும் தடை செய்யச் சொல்லவில்லை.

இன்று அவருக்கும் அவரது தந்தைக்கும் ஏற்பட்டுள்ள மாற்றம் இறை வழிபாட்டில் மட்டுமே. இந்த மாற்றம் அவர்களை நிரந்தரமாக பிரித்து விட இஸ்லாம் கட்டளையிடவில்லை. ஒரு முறை ஒரு நபித் தோழர் 'இறைவனின் தூதரே! எனது பெற்றோர் இஸ்லாத்தை ஏற்கவில்லை. வயதான அந்த பெற்றோருக்கு முஸ்லிமான நான் பணிவிடை செய்ய வெண்டுமா?' என்று கேட்டதற்கு 'ஆம்... அவர்கள் இஸ்லாத்தை எற்கா விட்டாலும் கண்டிப்பாக நீ பணிவிடை செய்ய வேண்டும்' என்று மறுமொழி பகர்ந்தார்கள்.

எனவே இளையராஜா இஸ்லாத்தை எற்கா விட்டாலும் யுவன் தனது தந்தைக்கு செலுத்த வேண்டிய மரியாதையை குறைத்து விடச் சொல்லி கட்டளையிடவில்லை இஸ்லாம். பெற்றோருக்கு செய்யும் மரியாதையில் சில மாற்றங்களை இஸ்லாம் செய்யச் சொல்கிறது. முன்பு இளையராஜாவின் காலில் விழுந்து தனது அன்பை யுவன் வெளிப்படுத்தியிருக்கலாம். ஆனால் மனிதன் மற்ற மனிதனின் காலில் விழுவதை இஸ்லாம் தடுக்கிறது. கடவுளைத் தவிர வேறு யாருக்கும் தனது தலையை ஒரு முஸ்லிம் சாய்க்க மாட்டான். எனவேதான் ஏ ஆர் ரஹ்மான் கூட இது வரை பொது மேடைகளில் தனது சீனியர்களான எம்எஸ்வி, இளையராஜா போன்றோரின் கால்களில் விழுந்ததில்லை. தாய் தந்தையருக்கு மரியாதை எந்த விதத்தில் செய்ய வேண்டும் என்று கட்டளையிடுகிறதோ அந்த இலக்கணத்திலிருந்து சற்றும் பிறழாமல் தனது வாழ்வை யுவன் அமைத்துக் கொள்வாராக! ஏகத்துவ கொள்கையிலிருந்து சிறிதும் சமரசம் செய்து கொள்ளாமல் தனது பயணத்தை தொடர்வாராக!

யுவன் சங்கர் ராஜா திருமணம் சம்பந்தமாக எழும் சர்ச்சைகள்!

யுவன் இஸ்லாத்தை ஏற்றதிலிருந்து இன்று வரை அவரை படாதபாடு படுத்தி வருகின்றனர் பலரும். அவரது பதிவுக்கு போய் அநாகரிகமான கமெண்டுகளை இடுவது. மூன்றாம் கல்யாணம் பண்ணுவதற்காக மாறி விட்டாய் என்று குதர்க்க வாதம் பேசுவது என்று இன்று வரை அவரை விடாமல் தொந்தரவு செய்கின்றனர் இந்துத்வாவாதியினர்.

'எதுக்குடா இந்த பொய் வேஷம்?" - saran

"dai poruki odi poiru..unalam role model ah vachathuku ena serupala adichikanum....i hate u...." - aniruth joy

"பூனை குட்டி வெளியே வந்து விட்டது. எதற்காக மதம் மாறினார் என்ற உண்மையும் தான்"- சுரேஷ்

இது போன்று நாள்தோறும் அவதூறுகளை பரப்புபவர்களுக்கு யுவனின் குடும்பத்திலிருந்தே பதில் வந்துள்ளது.

யுவனின் தங்கை பவதாரிணி தனது ட்விட்டர் தளத்தில் என்ன சொல்கிறார்?

'ஆம் என் அண்ணன் இஸ்லாத்தை ஏற்றுக் கொண்டுள்ளார். எங்களது குடும்பம் அவரது முடிவை பரிபூரணமாக ஆதரிக்கிறது. எங்கள் தந்தையும் அவரது முடிவை ஏற்றுக் கொண்டு விட்டார். சிறு வயதிலிருந்தே மது, சிகரெட் போன்ற எந்த கெட்ட பழக்கமும் இல்லாமல் வளர்ந்தவர் என் அண்ணன். தனது கடின உழைப்பால் 100 படங்களுக்கு மேல் இசை அமைத்து தனக்கென ஒரு தனி இடத்தை பெற்றவர் என் அண்ணன். இப்படிப் பட்ட நல்லொழுக்கம் உள்ள ஒருவரை பலரும் வார்த்தைகளால் காயப்படுத்துகின்றனர். அவரின் குடும்பத்தவரான எங்களுக்கு இது மிகுந்த வருத்தத்தைக் கொடுக்கிறது. எந்த முடிவை எடுத்தாலும் ஒரு சிறந்த மனிதனாக வாழுவதில்தான் உள்ளது. எனது அண்ணன் அதில் கண்டிப்பாக வெற்றி பெற்று பலருக்கு பாடம் புகட்டுவார்' என்று பொரிந்து தள்ளியுள்ளார்.

"Yes.. My brother yuvan converted to islam nd myself , Karthik Raja and dad have started accepting his decision.. All that matters in our family is his happiness.. And yes.. He willl get married for the third time cos his first and second marriage dint work out cos of personal reasons.. He dint have kids or he dint cheat anybody.. He dosent drink or smoke.. From the age of 15 he has been doing music and he dint follow my dad's way of music.. He created his own style and he is doing music now for more than 100 movies and still he is being successful for his hard work.. It's hard to see even his own family people teasing and criticising him.. He has proved, he will prove and he willl keep proving... All that matters is wether u r a good human being??? Nd yuvan is.." in twitter. bhavadharini sister of yuvan shankar raja

யுவனின் மூன்றாம் திருமணத்துக்குப் பிறகு அவரின் தங்கை பவதாரிணி பத்திரிக்கைக்கு அளித்த பேட்டியில்....

. "Yuvan wanted to get married to a girl from a Muslim family. He had asked his friends to find a suitable match for him. His friends in Malaysia looked for a suitable alliance and arranged this wedding. Yuvan's happiness has always been the family's first priority. He looked happy at his wedding, and that's all we want," says Bhavatharini.

'யுவன் இஸ்லாத்தை ஏற்றதற்கு பிறகு ஒரு முஸ்லிம் பெண்ணை திருமணம் முடிக்க ஆசைப்பட்டார். அவரது நண்பர்களிடம் தனக்கு தோதான ஒரு முஸ்லிம் குடும்பத்தை தேர்ந்தெடுக்க சொல்லிக் கேட்டுக் கொண்டார். இவரது நண்பர்கள் மலேசியாவில் பொருத்தமான இஸ்லாமிய பெண்ணை தேர்ந்தெடுத்து யுவனிடம் ஆலோசனையைக் கேட்டனர். அந்த பெண்ணை யுவனுக்கும் பிடித்துப் போகவே இன்று திருமணம் இனிதே நிறைவேறியுள்ளது. எப்போதுமே யுவனின் சந்தோஷத்துக்கு நாங்கள் குறுக்கே நின்றதில்லை. இந்த திருமணத்தால் அவர் மகிழ்ச்சியுடன் இருக்கிறார். அதுதான் நமக்கு வேண்டியது' என்று மிக அழகிய விளக்கத்தைக் கொடுத்துள்ளார்.

இதன் மூலம் இது காதல் திருமணம் அல்ல. இஸ்லாத்தை ஏற்றதற்கு பிறகு அவரது நண்பர்கள் மூலமாக கிடைத்த சம்பந்தம் என்பது தெளிவாகிறது. ஆனால் இணையத்திலும், பத்திரிக்கைகளிலும் அந்த பெண்ணை திருமணம் செய்து கொள்வதற்காகத்தான் இஸ்லாத்தை ஏற்றார் என்று நெஞ்சறிந்து பொய் சொல்கிறார்கள்.

இந்துத்வாவாதியினர் யுவனின் மேல் கோபப்படுவதில் அர்த்தம் உள்ளது. பார்பனர்களான தங்களுக்கு அடிமை சேவகம் புரிந்த ஒருவன் விடுதலையாகி இஸ்லாத்தில் ஐக்கியமாகி விட்டானே? இனி நமது மதிப்பு என்னாவது? என்று அவரது மத மாற்றத்துக்கு எதிர்ப்பு தெரிவிக்கின்றனர். அவர்களைப் பொருத்த வரை அது அவர்களுக்கு நியாயமாகவும் படலாம்.

ஆனால் விபரம் புரியாமல் பல பிற்படுத்தப்பட்ட மக்களும் தலித் மக்களும் இவரது மன மாற்றத்தைக் கண்டு கோபமடைவதைத்தான் என்னால் புரிந்து கொள்ள முடியவில்லை. உங்களுக்கு பல சிரமங்கள் இருக்கலாம். பல தேவைகள் இருக்கலாம். இஸ்லாத்தை ஏற்றால் பல பாதிப்புகள் உங்களுக்கு வரலாம். எனவே உண்மையை விளங்கியும் மனதுக்குள் புளுங்கிக் கொண்டு இந்து மதத்திலேயே காலம் கடத்தும் பல இந்து நண்பர்களை நான் அறிவேன்.

நீங்கள் அனைவரும் யுவனை விமரிசிப்பதற்கு முன் அதற்கான காரணம் என்ன என்று தேடி அதைக் களைய முயற்சி செய்யுங்கள். சொந்த பந்தங்களை எல்லாம் விட்டு இப்படி தனி ஆளாக திருமணம் முடிக்க வேண்டிய கட்டாயத்துக்கு அவரைத் தள்ளியது அவர் பிறந்த மதத்தில் உள்ள வர்ணாசிரம கோட்பாடுகள் அல்லவா? அதை அல்லவா முதலில் களைய நீங்கள் முயற்சித்திருக்க வேண்டும்?

இந்து மத ஆன்மீகத்தில் கரை கண்ட இவரது தந்தை இளையராஜா திருவையாறு தியாகராஜ சன்னதியில் பாட அனுமதிக்கப்படுவாரா? அதற்கு ஆகம விதிகள்தான் ஒத்துக் கொள்ளுமா? இப்படி நிறைய இருக்கிறது.

இசைக்கு இஸ்லாத்தில் இந்து மதத்தைப் போன்ற மரியாதை இல்லை: பெரும்பான்மை இந்து சமூகத்தில் மதம் மாறினால் தனது இசைத் தொழிலுக்கு பாதிப்பு: தந்தையின் கோபத்துக்கும் ஆளாக நேரிடும்: பலரும் பெண்ணுக்காக மாறியதாக கதை கட்டுவர்: என்று பல பின்னடைவுகள் இருந்தும் இன இழிவு நீங்க இஸ்லாமே சிறந்த வழி என்று தடைகளை உடைத்து வெளி வந்திருக்கும் யுவனை பாராட்டா விட்டாலும் தயவு செய்து தூற்றாமல் இருங்கள்! ஒரு மனிதனின் மனதை கீறி காயப்படுத்திப் பார்க்கும் மனோ நிலையானது மனிதத் தன்மையற்றது என்பதை விளங்கிக் கொள்ளுங்கள்.

“இன்னும் இத்தகையோர் இத்தூதர் மீது இறக்கப்பட்ட குர்ஆனை செவியேற்றால், உண்மையை அவர்கள் உணர்ந்துகொண்ட காரணத்தால் அவர்கள் கண்கள் கண்ணீர் வடிப்பதை நீர் காண்பீர். ‘எங்கள் இறைவனே! நாங்கள் இவ் வேதத்தின் மீது நம்பிக்கை கொண்டோம் எனவே, இவ்வேதம் சத்தியமானது என்று, சாட்சி சொல்வோருடன் எங்களையும் நீ பதிவு செய்து கொள்வாயாக! என்றும் அவர்கள் கூறுவார்கள்” (அல்-குர்ஆன் 5:83)

'ஆம் இந்த குர்ஆனை படித்தவுடன் எனது கண்களில் இருந்து கண்ணீர் கொட்டியது. இரவு முழுவதும் அழுது கொண்டே தூங்கிப் போனேன். காலையில் எழுந்தவுடன் எனது உள்ளம் தூய்மையானது. இஸ்லாத்தை உடன் ஏற்றுக் கொண்டேன்'

-யுவன் தனது நண்பரிடம் தனக்கு நிகழ்ந்த மாற்றம் பற்றி சொன்னது....

யுவன் சங்கர் ராஜாவின் திருமணம் இன்று நடந்தேறியது!

பிரபல இசையமைப்பாளர் இளையராஜாவின் இளைய மகன் யுவன் சங்கர் ராஜாவுக்கும் சகோதரி ஜபருன்னிஷாவுக்கும் இன்று கீழக்கரையில் திருமணம் இனிதே நடந்து முடிந்தது. கீழக்கரையில் உள்ள செங்கல் நீரோடை என்ற இடத்தில் இந்த திருமண வைபவத்தை ஏற்பாடு செய்திருந்தனர். மிக எளிமையாக திருமணம் நடைபெற்றது. நெருங்கிய உறவினர்கள் மட்டுமே அழைக்கப்பட்டிருந்தனர்.

புதிதாக இஸ்லாத்தை ஏற்று இன்று புது வருடம் முதல் தேதியன்று புது வாழ்வு தொடங்கும் யுவனை நாமும் வாழ்த்துவோம். இதற்கு முன் நடந்த இரண்டு திருமணங்களும் யுவனுக்கு தோல்வியிலேயே முடிந்தது. மூன்றாவது திருமணமானது அவரது வாழ்வை மேலும் சிறப்புக்குரியதாக ஆக்கட்டும் என்று பிரார்த்திப்போமாக!

திருமணமான மணமக்களை இஸ்லாமிய முறையில் வாழ்த்தும் முறை:

"பாரகல்லாஹூ லக வபாரக அலைக வஜமஅ பைனகுமா பீ ஹைர்"

பொருள்: "இறைவன் உங்கள் இருவருக்கும் அருள் புரிவானாக. உங்கள் இருவரின் சந்ததிகளுக்கும் அருள் பொழிவானாக. உங்களிருவரையும் நல்லறங்களில் ஒன்றிணைப்பானாக."

என்று நபிகள் நாயகம் கூறுவார்களென நபித் தோழர் அபூஹூரைரா தனது அறிவிப்பில் கூறுகிறார்.

அறிவிப்பாளர்: அபூஹுரைரா(ரலி)
ஆதாரம்: அஹ்மத்.






http://www.business-standard.com/article/pti-stories/yuvan-shankar-raja-gets-married-a-third-time-115010100979_1.html

http://www.dinakaran.com/News_Detail.asp?Nid=125376

கங்கை அமரனுக்கு சில கேள்விகள்! பதில் சொல்வாரா?

கங்கை அமரன் அவர்களே! சமீபத்தில் உங்களுக்கு ஆன்மீக பக்தி முற்றிப் போய் பிஜேபியில் சேர்ந்து விட்டதாக நான் படித்தேன். ஆன்மீகத்தில் அதிக ஈடுபாடு ஏற்பட்டால் உங்கள் இனத்து குழந்தைகளை படிப்பில் முன்னேற்ற ஒரு குழு அமைத்து உழைத்திருக்கலாம். மதுரையில் இன்றும் சாதி வித்தியாசம் பார்த்து தீண்டாமை கொடுமை நடக்கும் சேரிகளில் பிரசாரம் செய்ய சென்றிருக்கலாம். கிருபானந்த வாரியார் போல இந்து மதத்தின் பெருமைகளை உங்கள் இசையால் உலகம் அறிய செய்திருக்கலாம். குன்றக்குடி அடிகளார் போல சமூக பணிகளில் ஈடுபடுத்திக் கொண்டு இறை தொண்டாற்றி இருக்கலாம். அல்லது உங்கள் அண்ணன் பாஸ்கரைப் போல கம்யூனிஸத்தில் இணைந்து சம தர்ம சமுதாயம் உண்டாக உழைத்திருக்கலாம்.

ஆனால் இது அனைத்தையும் ஒதுக்கி விட்டு இன்று பார்பனர்களின் கூடாரமாகிய பிஜேபியில் இணைந்திருப்பது காலத்தின் கோலம் தான் என்பேன். இந்து மதத்தில் பார்பனர்களின் பிடி தளர்ந்து விடக் கூடாது என்பதற்காக அதனை சட்ட பூர்வமாக செய்வதற்காக ஏற்படுத்தப்பட்ட கட்சியே பிஜேபி. ஐந்து வருடம் காங்கிரஸ் கட்சியின் கையாலாகாத்தனத்தை பார்த்த மக்கள் வேறு வழியின்றி இன்று பிஜேபியை தேர்ந்தெடுத்துள்ளனர். எனவே மக்கள் ஆதரவினால் நான் பிஜேபியில் சேர்ந்தேன் என்றும் உங்களால் சொல்ல முடியாது. அடுத்த ஐந்து வருடத்தில் 100 இடத்தைக் கூட பிஜேபி பிடிக்காது. இதனை எழுதி வைத்துக் கொள்ளுங்கள்.

எனவே இன்று வரை பார்பனர்களின் நலனில் மட்டுமே அக்கறை கொண்ட ஒரு கட்சி பிஜேபி. தலித்களை இந்து மதம் பெரும்பான்மை மதம் என்று காட்டி மற்ற மதங்களை பயமுறுத்த கறிவேப்பிலையாகத்தான் பார்பனீயம் இன்று வரை பயன்படுத்திக் கொண்டுள்ளது. தங்கள் வேலை முடிந்தவுடன் உங்களை கறி வேப்பிலையைப் போல தூர எறிந்து விடுவார்கள். இன்னும் 100 வருடம் ஆனாலும் எந்த மாற்றத்தையும் அந்த கட்சியில் உங்களால் செய்து விட முடியாது. பார்பனியத்தின் பிடி மேலிடம் வரைக்கும் எந்த அளவு இறுகியுள்ளது என்பதற்கு ஒரு நிகழ்வை நாம் பார்போம்.

2009 யில் தனது 75-வது பிறந்த நாள் விழாவில் காஞ்சி ஜெயேந்திரர் நால்வருக்கு விருது வழங்கினார். அதில் முக்கியமானவர், இளையராஜா. அவர் உட்பட எழுத்தாளர் விக்ரமன், வேதவிற்பன்னர் கிருஷ்ண மூர்த்திகனபாடிகள், சமூகசேவகர் ராதா கிருஷ்ணன் போன்ற மூவருக்கும் சேர்த்து இந்த விருதுகள் வழங்கப்பட்டது..

இதில் என்ன இருக்கிறது? விருது தானே! இது எல்லோருக்கும் வழங்குவதுதானே என்றால்! அது தப்பில்லை, அது பொதுவான விசயம். ஆனால் இதில் பேசப்படவேண்டிய விசயம் என்னவென்றால் காஞ்சி ஜெயேந்திரர் தீட்டு பட்டு விடும் என்பதற்காக தான் தொடாமலேயே தனது உதவியாளர் கையால் அந்த விருதை வழங்கி இருக்கிறார் என்பது தான் முக்கியமான விசயம்.

மற்ற மூவரும் மேல் சாதிக்காரர்கள். ஆனால் இளையராஜா தாழ்ந்த சாதியை சேர்ந்தவர். மூன்று பேருக்கு மட்டும் தொட்டு விருது வழங்கி விட்டு இளையராஜாவை ஒதுக்கினால் அது பெரும் பிரச்னையாகி விடும் என்று யோசித்தார் ஜெயேந்திரர். உடனே தனது உதவியாளரை அழைத்து அவர் கையாலேயே நால்வருக்கும் பொதுவாக விருதை வழங்க வைத்து விட்டார். விருதும் வழங்கியாகி விட்டது. ஆச்சாரமும் காப்பாற்றப்பட்டு விட்டது. வெளி உலகின் ஏசுதலுக்கும் முற்றுப் புள்ளியும் வைத்தாகி விட்டது.
இவ்வளவுக்கும் உங்கள் அண்ணன் இளையராஜா இந்து மதத்தில் பெரிய ஆன்மீக வாதியாக அறியப்படுபவர். தமிழகம் மற்றும் உலக அளவில் பிரபலமாக பார்க்கப்படுபவர். இந்த அளவு உயரத்திற்கு சென்றவர் இவ்வளவு தூரம் அசிங்கப்பட்டு இந்த விருதை வாங்கத்தான் வேண்டுமா? 'ஜனனி...ஜனனி' பாடலை கேட்டு உருகாத இந்துக்கள் எவரும் இல்லையே! இளையராஜாவின் சங்கீதம் ஜாதி பார்ப்பது இல்லையே! ஆனால் இந்த காஞ்சி மடாதிபதி இங்கிதமாக ஜாதி பார்க்கிறாரே!

சொல்லப் போனால் காஞ்சி சங்கராச்சாரியாரை விட தனது வாழ்வை மிகப் புனிதமாக மாற்றிக் கொண்டிருப்பவர் இளையராஜா. மது, மாது என்பதை சினிமாவில் இருந்தும் தூரமாக்க முடியும் என்பதை இன்று வரை நிரூபித்து வருபவர். ஆனால் நடமாடும் தெய்வம் என்று பார்பனர்களால் போற்றப்படும் ஜெயேந்திரரிடம் இந்த தூய்மையை நாம் எதிர்பார்க்க முடியாது. பெண் ஆசை, அதைக் கண்டித்த சங்கரராமனை போட்டுத் தள்ளியது, அதிலிருந்து தப்பிக்க நீதிபதியிடம் சமரசம் பேசியது என்று பெரும் பாவங்கள் எல்லாவற்றையும் செய்து விட்டு பார்பனர்களின் தயவால் இன்று வரை மடாதிபதியாக உள்ளார். இவர் எந்த விதத்தில் இளையராஜாவை விட உயர்ந்து விட்டார்? இதற்கு பதில் சொல்வீர்களா?

உங்கள் உடன் பிறந்த அண்ணன் இளையராஜாவுக்கு நிகழ்ந்த இந்த அவமானத்தை நீங்களும் கண்டு பொருமியிருப்பீர்கள். அது மட்டும் தான் உங்களால் முடிந்தது. அதற்கு மேல் உங்களால் ஒரு அடி எடுத்து வைக்க முடியாது. இவ்வளவு தூரம் அவமானப்படுத்திய ஒரு நிகழ்வைக் கண்டும் உங்களால் தீண்டாமையை இன்றும் ஆதரிக்கும் பிஜேபியில் எவ்வாறு அங்கம் வகிக்க முடிகிறது? இது உங்கள் அண்ணனுக்கு செய்த துரோகம் அல்லவா? நன்றாக சிந்தித்து ஒரு முடிவை எடுங்கள்.

யுவன் தனது பெயரை மாற்றத்தான் வேண்டுமா?

யுவன் தனது பெயரை மாற்றத்தான் வேண்டுமா?



யுவன் சங்கர் ராஜாவின் முகநூல் பக்கத்தில் அவரது ரசிகர் எழுதிய ஒரு பின்னூட்டம்.

// Dear yuvan sir,
I'm ur diehard fan... We have initiated a plan for all ur fans to message about their opinion about ur name change...pleasemy dear yuvan..ur name is really very very very cute....i say yuvan yuvan yuvan everyday...and I cannot say Abdul anymore...i don't want these name change as ur every diehard fan...please for us don't change ur name thalaiva...neenga illana nanga illa...yuvan is youth icon of Tamil music...it should stay as it is...please don't let it to change thalaiva....i know U r not going to change ur name...but some fake news are spreading about this...so please confirm soon about ur name change...thank you in advance thalaiva...as ur sister said U r gonna get married, I wish U from my heart to have a successful life thalaiva...go ahead...u r hearts winner...millions of ur fans are here to support U for any cause...once again a request from ur follower please don't change ur name...//
- Sãñdîàr Múthù Kúmãr

'ஆமா.... காலங் கெடக்கிற கெடப்புல உலகத்துக்கு இது ரொம்ப முக்கியம்' என்று நீங்க அலுத்துக்கிறது தெரிகிறது. இருந்தாலும் இதிலும் சில விளக்கங்கள் படிப்பினைகள் நம்மால் பெற முடியும். முதலில் சண்டியர் முத்துக் குமாருடைய பின்னூட்டத்தைப் படிக்கவும். யுவனுடைய முகநூல் பக்கத்தில் அவருக்கு எழுதியது இந்த பின்னூட்டம். ஒரு அளவுக்கு மீறி போனால் இசை ஒரு மனிதனை எந்த அளவு பைத்தியம் பிடிக்க வைக்கும் என்பதற்கு இந்த பின்னூட்டம் ஒரு சிறந்த உதாரணம். 'நீங்க இல்லேன்னா நாங்க இல்ல' என்று சொல்கிறார். யுவன் ஒரு மியூசிக் டைரக்டர். ஒவ்வொரு காலத்துக்கும் ஒவ்வொருவர் தங்கள் இசையால் மக்களை மகிழ்விப்பர். முன்பு எம்எஸ்வி, நேற்று இளைய ராஜா, இன்று ஏ ஆர் ரஹ்மான் நாளை அனிருத்தோ, யுவனோ யாராவது இருந்து விட்டுப் போகட்டும். அது அவர்கள் தொழில். அதை விடுத்து அவருக்கு ஆயிரம் பேர் என்றும் இவருக்கு ஆயிரம் பேர் என்றும் வரிந்து கட்டிக் கொண்டு பின்னூட்டத்தில் வசை மாறி பொழிந்து கொண்டிருப்பவர்களை நினைத்தால் பரிதாபமாக இருக்கும்.

அடுத்து யுவனின் தங்கை பவதாரிணி காட்டமாக ஒரு அறிக்கை விட்டுள்ளார். அவர் கூறுவதாவது 'என் சகோதரன் யுவன் சிகரெட் பிடித்தது கிடையாது. மது அருந்தியது கிடையாது. வேறு எந்த கெட்ட பழக்கங்களும் கிடையாது. சிறு வயது முதலே மிக நேர்மையாக வாழ்ந்து வருபவர். ஆம். அவர் இஸ்லாத்தை தனது வாழ்வியலாக ஏற்றுக் கொண்டுள்ளார். இதில் மற்றவர்களுக்கு என்ன பிரச்னை? இந்த வருட டிசம்பரில் அவருக்கு ஒரு இஸ்லாமிய பெண்ணோடு திருமணம் நடத்தி வைக்க முயற்சி செய்துள்ளோம். அவருடைய எந்த முடிவுக்கும் குடும்பத்தார் நாங்கள் உறுதுணையாக இருப்போம். ரசிகர்கள் என்ற பெயரில் அவருக்கு தயவு செய்து யாரும் தொந்தரவு கொடுக்காதீர்கள்' என்கிறார். அந்த அளவு அவர் இஸ்லாத்தை ஏற்றுக் கொண்டது மற்றவர்களுக்கு கசப்பாக இருக்கிறது. ஏன் இந்த நிலை? ஏனென்றால் மற்ற மதங்களுக்கு மாறினால் பெயர் மட்டுமே மாறும். கலாசாரம் மாறாது. இஸ்லாத்துக்கு மாறினால் பெயர் மட்டும் அல்ல. கலாசாரமும் வணக்க வழிபாடுகளும் முற்றிலும் மாறுபடும். பார்பனியத்தின் பிடி முற்றிலுமாக உடைத்தெறியப்படும். எனவே தான் பார்பனர்கள் ஏகத்துக்கும் குதிக்கிறார்கள். பல போலி பெயர்களில் வந்து இது போன்று இஸ்லாத்தை ஏற்றவர்களின் மனதை காயப்படுத்திக் கொண்டிருக்கிறார்கள்.

இஸ்லாமிய சட்டப்படி அவர் யுவனாகவே தொடரலாம். அரபியில்தான் பெயர் இருக்க வேண்டும் என்பது கட்டாயம் கிடையாது. ஆனால் சாதி வேரூன்றிய இந்த சமூகத்தில் அதே பெயரில் அவர் தொடர்ந்தால் 'அவர் சாதி எது?' என்ற கேள்வி வரும். எனவே தான் பழகிய தங்கள் பெயரை இஸ்லாத்தை ஏற்பவர்கள் முதலில் மாற்றி விடுகின்றனர். ஏ ஆர் ரஹ்மான் முன்பு எந்த சாதி என்பது 99 சதவீதமானவருக்கு தெரிந்திருக்காது. அடுத்த தலைமுறையில் அந்த சதமும் மாறி விடும். ஆனால் யுவன் தனது சொந்த பெயரிலேயே இருந்தால் அவரது சாதி மறைய வெகு காலம் ஆகும். எனவே பெயர் மாற்றம் என்பது அவரது சொந்த விருப்பம். அதில் ரசிகர்கள் என்ற பெயரில் பலர் மூக்கை நுழைத்து அவருக்கு ஆலோசனை வழங்குவது அதிகப்பிரசங்கித் தனம் இல்லையா? இதை ஏன் இவரது ரசிகர்கள் உணர மாட்டேன் என்கின்றனர்? இஸ்லாமிய பெயரை தேர்ந்தெடுப்பதால் அவரது இசைப்பிரியர்களுக்கு இசையை ரசிக்கும் தொனியில் ஏதாவது மாற்றத்தைக் கொண்டு வந்து விடுமா? எனக்கு விளங்கவில்லை!

கோடிகளைக் கொட்டி கோபுரம் அமைத்த இளையராஜா!

கோடிகளை கொட்டி கோபுரத்தை அமைத்தார் என் தந்தை!

கோடிகளை கொட்டினாலும் கோடியில் நிற்க வைத்தது பார்பனியம்!

திருவாசகம் அமைத்து தெய்வப்பணி செய்தார் என் தந்தை!

திருவாசகமே படைத்தாலும் நீ தீண்டத்தகாதவன் என்றது பார்பனியம்!

இஸ்லாத்தை நான் ஏற்க எதிர்ப்பு சொன்ன என் தந்தையே!

சூத்திரன்! பார்பனன்! என்ற பேதமெல்லாம் இங்கில்லையே!

வாருங்கள்! உங்களையும் நமது குடும்பத்தையும் கூட்டி

கோடான கோடி மக்கள் ஐந்து வேளை குழுமி நிற்கும்

கஃபாவில் முதல் ஆளாக உங்களை உட்கார வைக்கிறேன்.!

'ஒன்றே குலம் ஒருவனே தேவன்' எனும் திருமந்திரத்தை

உரக்கச் சொல்லுங்கள்! ஒதுக்குபவர் யாருமில்லை அங்கே!

நிமிர்ந்து சொல்லுங்கள்! "இறைவனைக் கண்டேன் அங்கே!"

-கவிதை ஆக்கம்: சுவனப்பிரியன்

யுவனின் மத மாற்றத்துக்கு ஏன் இத்தனை எதிர்ப்பு!

யுவனின் மத மாற்றத்துக்கு ஏன் இத்தனை எதிர்ப்பு!



கடந்த மூன்று நாட்களாக தமிழ்ஹிந்து மற்றும் தினமலர் நாளிதழில் இந்த செய்தி முதல் பக்கத்தில் வந்தாலும் வந்தது அதற்கு வரும் பின்னூட்டங்களோ 200 ஐ தாண்டி இன்றும் தொடர்கிறது. அதில் யுவனை தரக்குறைவாக திட்டியும் பல உள் நோக்கங்கள் கற்பித்தும் பார்பனர்கள் இடும் பின்னூட்டங்கள் சொல்லி மாளாது. ஏன் பார்பனர்கள் இதில் இவ்வளவு அக்கறை எடுக்கிறார்கள் என்று என்றாவது யோசித்தோமா?

சீக்கியராகவோ, பவுத்தராகவோ, கிறித்தவராகவோ நீங்கள் மாறினால் அதனால் பார்பனர்களுக்கு எந்த சங்கடமும் இல்லை. ஏனெனில் மேலே சொன்ன மதங்களை எல்லாம் என்றோ இவர்கள் இந்து மதத்தின் பிரிவுகளாக மாற்றி விட்டனர். பரிசுத்த நாடாரிலிந்து அனைத்து சாதிகளையும் கிறித்துவத்துக்கு என்றோ கொண்டு வந்து விட்டனர்.

தங்களின் உயர் சாதி அந்தஸ்து கீழிறங்காமல் இருந்தால் இந்த எதிர்ப்பைக் காட்ட மாட்டார்கள். இஸ்லாத்தில் இந்த பந்தா பலிக்காது. இஸ்லாம் இங்கு அதிகரித்தால் கோவில்கள் பொலிவிழக்கும். காலப் போக்கில் மணி ஆட்ட நம்மையும் அனுமதிக்க மாட்டார்கள். பிராமணன் என்று கூறி தலையில் பிறந்தவனாக நம்மை இனி எவரும் மதிக்க மாட்டார்கள். உடல் உழைப்பு சார்ந்த வேலைகளை செய்ய வேண்டி வரும். உடல் உழைப்பு இல்லாமல் இத்தனை காலம் ஓட்டி விட்டோம். சொச்ச காலத்தையும் இதே போல் ஓட்ட வேண்டும் என்றால் இஸ்லாம் வளராமல் பார்த்துக் கொள்ள வேண்டும் என்பதாலேயே வானத்துக்கும் பூமிக்கும் யுவன் பிரச்னையை வைத்து தை தை என்று குதிக்கிறார்கள். காவல் துறையில் மேல் மட்டத்திலுள்ள பார்பனர்களை தூண்டி விட்டு அப்பாவி இஸ்லாமிய இளைஞர்களை கைது பண்ணி மிரட்டி வைப்பதும் இதனால்தான்.

சில பின்னூட்டங்களைப் பாருங்கள்.

Suresh
எல்லாம் சொந்த சுய நல லாப காரண காரியங்களுக்கு மதம் மாற வேண்டியது மாறி விட்டு எதாவது புளுக வேண்டியது "எனக்கு இவர் வந்தார் அவர் வந்தார் அது தந்தார் இது தந்தார் " என . இந்த காரணங்களை ஒப்பு கொண்டு வரவேற்கும் ஒரு கும்பல் எப்போதும் உடனே ஒரு கும்மாளம் இடும்

kumaresan
இவரு சீக்கிரமே ஒரு அரபு பொண்ண கல்யாணம் பண்ணிப்பாரு. அதுக்கான முன்னோட்டம் தான் இதெல்லாம்..எந்த ஒரு விசயத்த பண்ணும் போது பிளான் பண்ணி பண்ணனும்....

Chinnappan
கதை நன்றாகத்தான் இருக்கிறது; ஆனால் நம்பும்படிதான் இல்லை!

Lakshmanakumar
மதம் மாறினால் AR Rahman' i போல வரலாம் என்று நினைப்பு. மியூசிக்ஐ காபி அடிப்பதை போல. ரஹ்மான் இரவில் விழித்து மியூசிக் போடுவதை பார்த்து சில மியூசிக் டைரக்டர்கள் இரவில் மியூசிக் போட்டனர். Dont believe this.

PRABAKARA,
யுவன் பேட்டியில் தெரிவது அவருடைய பெற்றோர் அவருக்கு முழு சுதந்திரம் கொடுத்தது. ஆனால் அவர் என்றாவது கோவிலுக்கு போனாரா? இந்து மதம் பற்றி அவரு தெரியாதை காட்டுகிறது. இசை அறிவிற்கும் சுய வாழ்க்கைக்கும் நிறைய வித்தியாசம் உள்ளது என்பதை நாம் தெரிந்து கொள்ளலாம். கர்நாடக சங்கீதம் தெரிந்தவர்க்கு இந்து மதம் பற்றி தெரியாதது கேள்வி குறி தான்.

இதை விட ஆபாசமாகவும் கோபமாகவும் 250க்கு மேற்பட்ட பின்னூட்டங்கள். கண்ணியம் கருதி அதனை வெளியிடவில்லை.

இவ்வளவு கூப்பாடு போடும் இந்த பார்பனர்கள் தங்கள் மதத்தில் உள்ள தீண்டாமையை போக்க முயற்சிப்பதுதானே. ஸ்ரீரங்கம் கோவிலின் கர்ப்ப கிரஹத்தினுள் சென்று வழிபட இவர் தந்தை இளையராஜாவை அனுமதிக்கவில்லை. தலித் என்பதால் வெளியாக்கி விட்டனர். ஆகம விதிகள் என்று தனக்கு சமாதானம் கூறிக் கொண்டு இதனை சாதாரணமாக இளையராஜா எடுத்துக் கொள்ளலாம். ஆனால் இந்த கால இளைஞரான யுவனை இந்த செயல் எந்த அளவு பாதிப்பை ஏற்படுத்தியிருக்கும்? உலகம் போற்றும் ஒரு இசைக் கலைஞனான தனது தந்தைக்கே இந்த இழிவு என்றால் தான் எம்மாத்திரம் என்ற கோபம் உள்ளுக்குள் வராதா?

நாளை யுவன் மெக்காவுக்கு வரட்டும். அவரை முதல் வரிகையில் நிற்க வைத்து நாங்கள் அழகு பார்போம். சமத்துவம் எங்கு கிடைக்கிறதோ அதனை நோக்கி ஓடுவதை தடுக்க நீங்கள் யார்? அல்லது அவருக்கு ஒரு மாற்று வழியைக் கூறுங்கள்.


"ஆகம விதிகளின் படி கோவில் வழிபாடுகள் சமசுகிருததில்தான் செய்யப்படவேண்டும். தமிழை உபயோகித்தால் கோவிலின் புனிதம் அகன்றுவிடும். அகன்ற புனிதத்தை மீண்டும் கோவிலில் ஏற்படுத்த சமசுகிருதத்தில் சுத்திகரிப்பு சடங்குகளை செய்யவேண்டும்!" (use of Tamil profaned the sancttity of the temples.. To restore the sanctity purification ceremonies need to be performed) .
- ஜி.பாலசுப்ரமனிய ஐயர்

உச்ச நீதி மனறத்தில் இது குறித்து வழக்கேற்பட்டு நிலுவையில் உள்ளது,.


சமஸ்கிரதத்தை தேவ மொழியாகவும், தமிழை நீச மொழியாகவும் அதுவும் தமிழகத்திலேயே கூறிக் கொண்டு அதற்கு ஆதரவாக தடையாணையையும் பெற்று வைத்துள்ள பார்பனர்கள் இதற்கு பதில் சொல்வார்களா? தாய் மொழியான தமிழை இந்த அளவு வெறுக்கும் ஒரு மதத்தில் தமிழனான யுவன் தொடர வேண்டும் என்று எதன் அடிப்படையில் எதிர்பார்க்கிறீர்கள்? பார்பனர்களாகிய உங்களோடு தனது வாழ்நாள் முழுக்க போராடிய பெரியார் முடிவில் சோர்வடைந்து 'இன இழிவு நீங்க இஸ்லாமே சிறந்த மருந்து' என்று கூறி விட்டு செல்லவில்லையா?

இனி பெரியார் பேசுவதை கேளுங்கள்......

“ஆதி திராவிடர்களை நான் ‘இஸ்லாம் கொள்கைகையத் தழுவுங்கள்’ என்று சொன்னதற்காக அநேகம் பேர் என் மீது கோபித்துக் கொண்டார்கள். அவர்களைப் பற்றி நான் கோபித்துக் கொள்ளவில்லை. அவர்களுக்குச் சொந்த அறிவு மில்லை. சொல்வதையும் கிரகிக்க சக்தியுமில்லை. சிலருக்குத் தங்கள் மேன்மை போய்விடுமே, தங்களுக்கு அடிமைகள் இல்லாமல் போய்விடுமே என்கின்ற சுயநல எண்ணம் என்றே நான் கருதி விட்டேன். ஏனெனில், ‘மோட்சம் அடைவதற்காக’ நான் ஆதி திராவிடர்களை இஸ்லாம் கொள்கைகளைத் தழுவுங்கள் என்று சொல்ல வில்லை. அல்லது ‘ஆத்மார்த்தத்திற்கோ’ ‘கடவுளை அறிவதற்கோ’ நான் அப்படிச் சொல்லவில்லை. ஆதி திராவிடர்களின் தீண்டாமையைப் போக்குவதற்கு சட்டம் செய்வது, சத்தியாக்கிரஹம் செய்வது முதலியவை போலவே இஸ்லாம் கொள்கையைத் தழுவுவது என்பதும் ஒரு வழி என்றே சொன்னேன். இனியும் சொல்லுகின்றேன்.

சட்டம் செய்வது கஷ்டம்; செய்தாலும் அமுலில் வருவதும் கஷ்டம். சத்தியாக்கிரஹம் செய்வதும் கஷ்டம். செய்தாலும் வெற்றிப் பெறுவதும் சந்தேகம். இவற்றால் துன்பமும், தோல்வியும் கிடைத்தாலும் கிடைக்கலாம். ஆனால், ஆதி திராவிடர்களுக்கு இஸ்லாம் கொள்கையை ஏற்றுக் கொண்டேன் என்று சொல்வதில் என்ன கஷ்டம்? அதில் தோல்வியோ துன்பமோ ஏதாவது உண்டா? அல்லது அன்னியருக்கு ஏதாவது கஷ்டம் உண்டா? அவன் ஆஸ்தீகனாய் இருந்தால் என்ன? நாஸ்தீகனாய் இருந்தால் என்ன? உண்மை இஸ்லாம் ஆனால் என்ன? பொய் இஸ்லாம் ஆனாலென்ன? யாருக்கும் எவ்வித கஷ்டமும் இல்லாமல், வேண்டுமானால் எந்தவித மன மாறுதல்கூட இல்லாமல் தன்னுடைய இழிவையும் கஷ்டத்தையும் விலக்கிக் கொள்ள ஆசையும் அவசரமும்பட்ட ஒரு மனிதன் தான் மாலை 5 மணிக்கு இஸ்லாம் கொள்கையை ஏற்றுக் கொண்டதாய்ச் சொல்லி 5.30 மணிக்கு ‘தீண்டாதவன்’ என்கின்ற இழிவிலிருந்து மீண்டு தெருவில் நடக்க உரிமை பெற்று மனிதனாவதில் ஏன் மற்றவர்கள் ஆட்சேபிக்க வேண்டும்? என்பது எனக்கு விளங்கவில்லை.

கேவலம் வயிற்றுச் சோற்றுக்காக 100க்கு 90 மக்கள் என்னென்னமோ அவரவர்களாலேயே இழிவான குற்றமான காரியம் என்று சொல்லப்படுவதை எல்லாம் செய்கின்றார்கள். அப்படி இருக்க இதில் என்ன இழிவோ குற்றமோ இருக்கின்றது என்று கேட்கின்றோம். உலகில் மதங்கள் அடியோடு ஒழிக்கப்படும் போது இஸ்லாம் மதமும் ஒழியும். அதுபோது இந்த ஆதி திராவிடர்கள் ஏற்றுக் கொண்டதும் ஒழிந்து போகுமே தவிர அது மாத்திரம் நிலைத்து விடாது. அதற்காக அதிகக் கஷ்டமும் இல்லை. ஆகையால், எது எப்படி யானாலும் தீண்டாமை ஒழிய வேண்டுமென்றும் தீண்டாதார் எனப்படுபவர்கள் இஸ்லாம் கொள்கையைத் தழுவ வேண்டியது என்பது ஒரு வழியேயாகும்.

ஏன் கிறிஸ்து மதத்தைத் தழுவக் கூடாது? ஆரிய சமாஜத்தைத் தழுவக் கூடாது? என்று கேட்கலாம். கிறிஸ்துமதக் கொள்கைகள் புஸ்தகத்தில் எப்படியிருக்கின்றது என்பது பற்றி நான் சொல்ல வரவில்லை. பிரத்தியட்சத்தில் பறக் கிறிஸ்துவன், பார்ப்பாரக் கிறிஸ்துவன், வேளாளக் கிறிஸ்துவன், நாயுடு கிறிஸ்துவன், கைக்கோளக் கிறிஸ்துவன், நாடார் கிறிஸ்துவன் என்பதாகத் தமிழ்நாடு முழுவதும் இருப்பதைப் பார்த்து வருகின்றேன்.

இஸ்லாம் மார்க்கத்தில் பாப்பார முஸ்லீம், பற முஸ்லீம், நாயுடு முஸ்லீம், நாடார் முஸ்லீம் என இருக்கின்றதா? என்று கேட்கிறேன். இங்குள்ள கிறிஸ்துவ சகோதரர்கள் கோவித்துக் கெள்ளக்கூடாது. வேண்டுமானால் வெட்கப் படுங்கள் என்று வணக்கமாக தெரிவித்துக் கொள்கிறேன். ஆரிய சமாஜம் என்பதும் ஒரு வேஷமே தான். அதுவும் பயன் அளிக்கவில்லை.
உதாரணமாக வைக்கம் சத்தியாக்கிரகத்தில் ஆரிய சமாஜத் தீயர்களையும், கிறிஸ்தவப் புலையர்களையும் தெருவில் நடக்கவிடவில்லை. இஸ்லாமானவன் தாராளமாய் விடப்பட்டான். பாலக்காட்டிலும் அப்படியே நடந்தது. ஒரு நாள் பாலக்காட்டில் ஒரு செர்மன் என்கிற இழிவு படுத்தப்பட்ட ஜாதியிலிருந்த தீண்டாதவன் ஒருவன் இஸ்லாமாகி தடுக்கப்பட்டத் தெரு வழியாகப் போனான். அப்போது அவனை ஜவுளிக் கடைப் பார்ப்பனரும் வெற்றிலைக் கடை நாயரும் தெருவுக்கு வந்த நின்று பார்த்தார்கள். உடனே அங்கு இங்கிருந்த ஒரு மாப்பிள்ளை (இஸ்லா மானவன்) “எந்தடா? பன்னிக் கூத்தச்சி மகனே! அவனைப் பார்க்கிறாய்” என்று கேட்டான். செர்மனாயிருந்த இஸ்லாமியன் சிரித்துக் கொண்டே போனான். பார்ப்பனனும் நாயரும் தலைகுனிந்து கொண்டார்கள். இது பிரத்தியட்சத்தில் நடந்த சம்பவம் - சந்தேகமில்லாமல் இனியும் நடக்கக் கூடிய சம்பவம்.

(சாத்தான்குளத்தில் 28.7.1931 அன்று தந்தை பெரியார் ஆற்றிய உரை. ‘குடி அரசு'

ஆம்.... இனியும் நடக்கக் கூடியது என்று அன்று பெரியார் சொன்னார். அது உண்மைதான் என்று இன்று யுவன் இஸ்லாத்தை ஏற்று அவரது வார்த்தையை மெய்ப்படுத்தியுள்ளார்.

தினமலரில் யுவன் சங்கர் ராஜாவின் சமீபத்திய பேட்டி!

இசைஞானி இளையராஜாவின் இளைய மகன் யுவன் ஷங்கர் ராஜா. 100 படங்களுக்கு மேல் இசை அமைத்தவர். இசைஞானி இந்து மதத்தில் பக்தி பழம். தேவாரம், திருவாசகத்தை கரைத்து குடித்தவர். சரஸ்வதி தனக்குள் இருப்பதாக நினைப்பவர். அவரது மகன் முஸ்லிமாக மாறியது அதிர்ச்சி அலைகளை உண்டாக்கிறது. நான் ஏன் முஸ்லிமாக மாறினேன் என்பதற்கு யுவன் இப்போது விளக்கம் அளித்துள்ளார்.

அவர் கூறியிருப்பதாவது: எனக்கு என்னோட அம்மான்னா உயிர். என்னோட கஷ்டங்களில் கூட இருந்தவங்க. தன்னந்தனி தூணாக இருந்து எங்க குடும்பத்தை காப்பாத்தினவங்க. அவங்களோட இழப்பு என்னை மாத்திடுச்சு. ஒரு வேலையாக மும்பை போய்விட்டு திரும்பியபோது அம்மா மரணப்படுக்கையில இருந்தாங்க. நானும், தங்கையும் அவர்களை ஆம்புலன்சில் ஆஸ்பத்திரிக்கு கூட்டிட்டு போனோம். போற வழியில அம்மா என் கையை இருக்கமா பிடிச்சிருந்தாங்க. திடீர்னு கை நழுவி விழுந்தது. அம்மா எங்களை விட்டு போயிட்டாங்க. ஒரு வினாடிக்கு முன்பு அவருக்குள்ள இருந்த ஜீவன் இப்போ எங்க போச்சுன்னு எனக்குள்ள கேக்க ஆரம்பிச்சேன். அதுக்கான விடை கிடைக்கல.

அம்மாவோட பிரிவு என்னை தனிமைப்படுத்திடுச்சு. ரொம்ப கவலையில இருந்த நேரம் ஒரு முஸ்லிம் நண்பர் மெக்கா போய்விட்டு திரும்பியிருந்தார். அவர் என்னிடம் "யுவன் நீ ரொம்ப கவலையில இருக்கே, தாங்க முடியாத கவலை வரும்போது இந்த முசல்லாவில் (தொழுகைக்கு பயன்படும் தரைவிரிப்பு) கொஞ்ச நேரம் உட்காரு போதும்" என்று கொடுத்துவிட்டுச் சென்றார். எனக்கு நம்பிக்கை இல்லாம அதை மூலையில போட்டேன்.

ஒரு கட்டத்துல அம்மா கவலை ஆட்டிப்படைக்க ஆரம்பிச்சது. மன அழுத்தம் அதிகமாச்சு. அந்த முசல்லா நினைவு வந்து அதன் மீது உட்கார்ந்து "யா அல்லா... என்னோட பாவங்களை மன்னிச்சு, என்னை இந்த கவலையிலிருந்து வெளியில கொண்டு வந்து விடு"ன்னு கத்தி கதறினேன். "வா... இஸ்லாத்துக்கு வந்துவிடு"ன்னு எனக்குள்ள ஒரு உள்ளுணர்வு வந்துச்சு. அது ஒரு அற்புதமான உணர்வு. அதை வார்த்தையில் வெளிப்படுத்த முடியாது.

அன்றிலிருந்து அதாவது 2012ம் ஆண்டிலிருந்து திருக்குரான் மொழிபெயர்ப்புகளை படிக்க ஆரம்பிச்சேன். தொழுகை உள்ளிட்ட வழிபாட்டு முறைகளை கத்துக்க ஆரம்பிச்சேன். 2014 ஜனவரியில் முஸ்லிமாக மாறுவது என்று முடிவு செய்தேன். மரணத்தின் தருவாயில் எங்கம்மா "எனக்கு பிறகு நீ தனிமரமாயிடுவே இஸ்லாம்ங்ற மரத்தின் கீழ் ஒதுங்கிக்கோ"ன்னு எங்கம்மா சொன்னதாவே நான் எடுத்துக்கிட்டேன்.

நான் முஸ்லிமாக மாறியது என் அப்பாவுக்கு பிடிக்கல. என் அண்ணனும் அண்ணியும் என் பக்கம் நின்னாங்க. படங்களில் என் பெயர் யுவன் ஷங்கர் ராஜான்னு வர்றதால இன்னும் பாஸ்போர்ட் உள்ளிட்ட ரிக்கார்டுகளில் பெயரை மாற்றவில்லை. விரைவில் மாற்றுவேன். என்றார் யுவன்.

தினமலர்
12-08-2014

What made you convert to Islam?

My father is a staunch Hindu and is so superstitious that even if a glass breaks, he will call a pandit. Both my parents were ritualistic, but right from childhood, I used to always have a thought that beyond all this there is a supernatural power who is running the whole world. How can God be in any form? That search was always there in me. What triggered my conversion was my mom's sudden passing away. I had come to Mumbai for some work. When I returned to Chennai, my mom was coughing badly and me and my sister rushed her to the hospital. I was driving the car. We reached the hospital and I was sitting next to her holding her hand and the next second her hand fell and she had died. I was crying but wondered where her soul went within seconds as she was alive just a few seconds back. I was in search of the answers and I should say that I got a direct calling from Allah. It was a spiritual experience. My friend had just been to Mecca and he said to me, 'You seem to be really low. You have to move on.' He gave me the musalla (the prayer mat) and said, 'This one mat I used in Mecca and it has touched Mecca so if you are feeling really heavy, just sit on it.' I kept the mat in one corner of my room and forgot all about it. A few months later I was speaking to one of my cousins about my mother and I started feeling really heavy. I entered my room and coincidentally saw the mat which all this while I had missed even though it was kept in the same corner. I sat on it for the first time just started crying saying, 'Ya Allah please forgive my sins.' That was 2012. I started reading the Quran and the translations and it connected with me really fast. I started practising Islam and learnt how to pray and by January 2014, felt sure about converting. Since I am known as Yuvan Shankar Raja in films, I have still not changed my name officially in my passport and other records, but maybe later, I might do that too. My father was the last one I told in my house to. I told him, 'I have started reading the Quran and it gives me a lot of peace.' He said to me, 'Yuvan, I am not comfortable with you becoming Islamic.' My brother and his wife were very supportive. It's odd but in some way I used to get that spiritual feeling that it was my mom, who held my hand, and said, 'Yuvan, you are alone. I want you to stand here under the tree called Islam.'

http://timesofindia.indiatimes.com/entertainment/hindi/bollywood/news/Yuvan-Shankar-Raja-I-converted-to-Islam-in-a-way-because-of-my-mother/articleshow/40119919.cms


தினமலரில் இந்துத்வவாதிகள் பலர் தங்களின் கோபத்தை கொட்டியிருக்கிறார்கள். இப்படி ஒரு எதிர்ப்பலையை உண்டாக்கவே தினமலர் இந்த பேட்டியை பிரசுரித்துள்ளது. ஆனால் பெரும்பாலான இந்து மக்கள் 'இது அவரது சொந்த விருப்பம். இதில் நாம் தலையிட அவசியம் இல்லை' என்றே நினைக்கின்றனர்.

இத்தனை காலம் மொகலாயர்கள் வன்முறையை காட்டி இந்தியாவில் இஸ்லாத்தை வளர்த்தனர் என்று கூசாது பொய் சொல்லி வந்தனர். இது போன்ற பிரபலங்களின் மாற்றம் இந்த அவதூறுகளுக்கு ஆப்பு வைக்கிறது. தங்களின் பொய் அம்பலமாகிறதே என்ற ஆற்றாமையில் வரும் வெளிப்பாடுகளே இந்துத்துவ வாதிகள் கோபப்படுவது.

யுவன் மிக அழகாக சொல்கிறார். குர்ஆனின் வசனங்களே என்னை இந்த அளவு மாற்றியது என்று. இதுதான் உண்மையும் கூட. முகமது நபியை கொல்ல வாளோடு வந்தவர்தான் உமர். அவரது சகோதரி ஓதிய குர்ஆன் வசனம்தான் அவர் கையில் இருந்த வாளை நழுவ விட்டது. அன்றைய அரபுகள் காதுகளில் பஞ்சை வைத்துக் கொண்டு செல்வார்களாம். குர்ஆனின் வசனம் காதில் விழுந்தால் இஸ்லாத்துக்கு மாறி விடுவோமோ என்ற பயம்தான் அவர்களை பஞ்சை வைத்து அடைத்துக் கொள்ள சொன்னது.

தூதரான முஹம்மதுக்கு அருளப்பட்டதை அவர்கள் செவியுறும் போது உண்மையை அறிந்து கொண்டதால் அவர்களின் கண்களில் கண்ணீர் வடிவதை நீர் காண்பீர். ''எங்கள் இறைவா! நம்பிக்கை கொண்டோம். எனவே எங்களை சான்று கூறுவோருடன் பதிவு செய்வாயாக!'' என அவர்கள் கூறுகின்றனர்.
அல்குர்ஆன் 5 : 83


அவர்கள் ஆதமுடைய வழித் தோன்றல்களிலும், நூஹுடன் நாம் கப்ப­ல் ஏற்றியவர்களிலும், இப்ராஹீம், இஸ்ராயீல் ஆகியோரின் வழித் தோன்றல்களிலும் நாம் நேர்வழி காட்டித் தேர்ந்தெடுத்த நபிமார்களாவர். அவர்கள் மீது அல்லாஹ் அருள் புரிந்தான். அவர்களிடம் அளவற்ற அருளாளனின் வசனங்கள் கூறப்பட்டால் அழுது, சிரம் தாழ்த்தி விழுவார்கள்.
அல்குர்ஆன் 19 : 58

குர்ஆனில் வரும் இந்த வசனங்கள் எந்த அளவு சத்தியமானது என்பதற்கு ஒரு சிறந்த எடுத்துக்காட்டு யுவனின் இந்த பேட்டி. 'குர்ஆனை ஓதியவுடன் என் கண்களில் இருந்து கண்ணீர் வந்தது. கதறி அழுது இறைவனிடம் மன்னிப்பு கேட்டு சிரம் தாழ்த்தி வீழ்ந்தேன்' என்று அவரது உள்ளத்திலிருந்த வந்த அந்த வார்த்தைகளை குர்ஆனும் அப்படியே கூறுவதைக் கண்டு நாம் ஆச்சரியப்படுகிறோம்.

மேலும் இஸ்லாத்தை ஏற்றதால் இஸ்லாத்துக்கோ முஸ்லிம்களுக்கோ எந்த பெருமையும் இல்லை. மாறாக யுவன் அடிமை சங்கிலியை உடைத்தெறிந்து இறைவனைத் தவிர யாருக்கும் தலை வணங்காத ஒரு உன்னத மார்க்கத்தை பெற்றதனால் அவர் சிறப்படைகிறார். சிறந்த வாழ்க்கைத் துணையையும் பெற்று தனது தந்தையையும் குடும்பத்தினரையும் அரவணைத்து சென்று மேலும் புகழடைய நாமும் வாழ்த்துவோம்.

ஏ ஆர் ரஹ்மானுக்கு சில ஆலோசனைகள்!

உங்களின் முன்னேற்றத்தை கடந்த 20 வருடங்களாக தொடர்ந்து பார்த்து வருகிறேன். எவ்வளவு உயரத்துக்கு போனாலும் 'எல்லா புகழும் இறைவனுக்கே' என்று கூறும் அந்த தன்னடக்கத்தைக் கண்டு வியந்துள்ளேன். இளையராஜா, எம் எஸ் வி என்று பல மூத்த இசையமைப்பாளர்களை மேடையில் சந்தித்தாலும் இதுவரை அவர்களின் கால்களில் விழுந்ததில்லை. சுயமரியாதைக்காரர். இறைவனுக்கு மட்டுமே எனது தலை சாயும் என்ற கொள்கையுடையுவர். கடவுள் ஸ்தானத்திற்கு உங்களை சிலர் மேடையில் உயர்த்திய போது அதனை கடுமையாக அங்கேயே எதிர்த்தவர். காலை நேர தொழுகை தவறி விடக் கூடாது என்பதற்காக ஒலிப்பதிவை இரவு முழுக்க வைப்பவர். ஐந்து வேளை தொழுகையை தவறாமல் தொழுது இறைவனுக்கு நன்றி செலுத்துபவர். மாற்று மதத்தவர்கள் மத்தியில் அதிகம் வேலை செய்தாலும் அனைவருடனும் எந்த முறுகலும் இல்லாமல் அன்போடு அனைவரையும் அரவணைத்து செல்பவர் என்று உங்களின் நல்ல செயல்களை அடுக்கிக் கொண்டே போகலாம்.

இவ்வளவு நல்ல செயல்களுக்கு சொந்தக்காரரிடம் சில குறைகள் இருப்பதை நான் அறிவதால் அதனை ஞாபகப்படுத்தும் முகமாக இந்த பதிவிலே சில குறைகளை பதிக்கிறேன்.

மனிதர்களுக்கு தலை வணங்காத நீங்கள் இறந்து விட்ட ஒரு சில அடியார்களின் சமாதிகளில் உங்கள் தலையை சாய்க்கிறீர்கள். நாகூர் தர்ஹா, அஜ்மீர் தர்ஹா என்று அவ்வப்போது தர்ஹாக்களுக்குச் சென்று உங்களின் வணக்கத்தைச் செலுத்துகிறீர்கள். இது குர்ஆனின் கட்டளைக்கு மாற்றமான செயல். முகமது நபி கூட 'தனது அடக்கஸ்தலத்தில் யாரும் பிரார்த்தனை செய்ய வர வேண்டாம். இறைவனிடம் மட்டுமே தொழுது கேளுங்கள்' என்று கூறியுள்ளார். இந்த சமாதி வழிபாடு என்பது ஷியாக்களால் அறிமுகப்படுத்தப்பட்டது. மொகலாய மன்னர்கள் அதிகம் பேர் ஷியாக்களாக இருந்ததால் நகர் வலம் வரும் போது ஆங்காங்கு உள்ளவர்கள் ஏதேனும் ஒரு சமாதியைக் காட்டி அரசர்களிடம் இனாமாக நிலங்களை பெறுவார்கள். இது ஒரு மறைமுக வியாபாரமாக அந்த காலத்தில் நடந்தது. அடங்கியிருப்பவர் நல்லவரா கெட்டவரா என்பது கூட பலருக்கு தெரியாது.

ஒருவர் நல்லவரா கெட்டவரா என்பதை இறைவன்தான் முடிவு செய்ய முடியும். மேலும் குர்ஆனில் பல இடங்களில் தனக்கு இணையாக சிறு தெய்வ வழிபாடு செய்பவர்களை இறைவன் கடுமையாக கண்டிக்கிறான். அந்த தவறை மன்னிக்கவே மாட்டேன் என்று கண்டிப்பாக சொல்கிறான். தொன்மையான இந்து மதம் சீரழிந்து அதன் உண்மை முகத்தை இழந்ததற்கு முக்கிய காரணம் சிறு தெய்வ வழிபாடே. இந்த சிறு தெய்வ வழிபாட்டை இந்துக்கள் எதிர்க்காமல் அனுமதித்ததால்தான் ஏக தெய்வ வணக்கம் நமது தமிழர்களிடத்தில் மறைந்து போனது.

இஸ்லாமிய வேத நூலான குர்ஆனும், இறைத் தூதரான முகமது நபி இது போன்ற தர்ஹா வணக்கங்களை தடை செய்திருப்பதாலும் இனி வரும் காலங்களில் தர்ஹா வணக்கங்களை தவிர்த்து கொள்ளுமாறு அன்போடு கேட்டுக் கொள்கிறேன்.

அடுத்து நேற்று உங்கள் தளத்தில் ஒரு செய்தியை பிரசுரித்திருந்தீர்கள். அதன் வாசகமானது "Music can change the world" - Beethoven என்று வருகிறது. அதாவது 'இந்த உலகை மாற்றும் சக்தி இசைக்கு உண்டு' என்று சொல்கிறீர்கள். பீத்தோவன் என்ற இசைக் கலைஞருக்கு இந்த செய்தி உண்மையாக தோன்றியிருக்கலாம். ஆனால் ஒரு முஸ்லிம் இவ்வாறு எண்ண மாட்டான். இந்த உலகை மாற்றிப் போடும் சக்தி இறை வேதமான குர்ஆனுக்குத்தான் உண்டு. இசை என்பது நமது வாழ்வில் ஒரு அங்கம் அவ்வளவுதான். இசையே வாழ்க்கையாகி விடாது. இசைக்கு அடிமையாகி விடக் கூடாது என்பதால் அதற்கு சில கட்டுப் பாடுகளை விதிக்கிறது இஸ்லாம்.

உங்களின் நண்பர் யுவன் சங்கர் ராஜா சில நாட்களுக்கு முன்பு இஸ்லாத்தை ஏற்றதை அறிவீர்கள். இசையை உருவாக்கி அதில் பல வெற்றியும் கண்டவர் யுவன் சங்கர். 100 படங்களுக்கு மேல் சொந்த இசையால் இளைஞர்களை கட்டிப் போட்டவர். ஆனால் அந்த இசையில் அவருக்கு மன அமைதி கிடைக்கவில்லை. அவருக்கு மன அமைதியைக் கொடுத்தது குர்ஆனின் வசனங்கள் தான். அதனை அவரே பத்திரிக்கை பேட்டியில் சொன்னதை பார்த்தோம்.

'நம்பிக்கைக் கொண்டோரின் உள்ளங்கள் இறைவனின் நினைவால் அமைதியுறுகின்றன. கவனத்தில் கொள்க! இறைவனின் நினைவால்தான் உள்ளங்கள் அமைதியுறுகின்றன'

குர்ஆன் 13:28

மேற்கண்ட இறை வசனத்தின் மூலம் இறைவன் மன அமைதி பெறுவதற்கு இறைவனைப் பற்றிய நினைவை வழியாகக் காட்டுகிறான். இரு முறை அதனை அழுத்தமாக சொல்வதிலிருந்து குர்ஆனின் வார்த்தைகள்தான் ஒரு மனிதனின் மனதை அமைதிப் படுத்தும். அதற்கு சிறந்த உதாரணம் தான் யுவன் சங்கர் ராஜாவின் மன மாற்றம். எனவே நிரந்தர மன அமைதி இசையால் கிடைக்காது நம்மை படைத்த இறைவனின் வார்த்தைகளால்தான் கிடைக்கும் என்பதை இதிலிருந்து நாம் அறியலாம்.

அடுத்து உங்களின் புதிய ஹிந்தி படமான "HIGH WAY" ல் ஒரு பாடல் வருகிறது. "PATHKHA GUDDI" என்ற பாடலில் 'நாம் ரப்புகா நாம் சாயிகா அலி...அலி...அலி' என்று வருகிறது. இது பஞசாபி பாடல். நான் விளங்கிக் கொண்ட வகையில் முகமது நபியின் மருமகன் அலியை நினைத்து பாடுவதாக நினைக்கிறேன். இந்த படத்தின் டைரக்டர் இம்தியாஸ் அலி ஷியா பிரிவைச் சேர்ந்தவர் என்று நினைக்கிறேன். இதற்கு முந்தய படமான 'ராக்ஸ்டார்' லும் தர்ஹா வணக்கத்தை வலிந்து புகுத்தினார். இந்த படம் இன்னும் வெளியாகவில்லை. அதில் என்ன காட்சிகளை புகுத்தியிருக்கிறாரோ தெரியவில்லை. ஷியாக்கள் கலீபா அலியை மிக உயர்த்தி அபுபக்கர், உஸ்மான் போன்ற கலீபாக்களை மட்டம் தட்டுவர். அவர்கள் இஸ்லாத்தை விட்டு வெளியேறியவர்கள் என்று பொய்யுரைப்பர். தகவல் தொடர்பு அதிகம் இல்லாத அந்த காலங்களில் இஸ்லாமிய எதிரிகள் இடையில் புகுந்து முஸ்லிம்களுக்குள் இரண்டு பிரிவுகளை உருவாக்கி விட்டனர். குர்ஆனிலோ நபி மொழிகளிலோ ஷியா என்ற வார்த்தையே கிடையாது என்பதிலிருந்து இவர்கள் புதிதாக உருவாகிய கூட்டத்தினர் என்பதை விளங்கிக் கொள்ளலாம். இந்த படத்தின் கதையின் நாயகன் அலி என்றும் அதனை பற்றி நீங்கள் பாடுவதாக இருந்தால் நமக்கு ஒரு பிரச்னை இல்லை. ஆனால் கலீபா அலியை உயர்த்தி நீங்கள் பாடுவதாக காட்சி அமைத்திருந்தால் இது போன்ற தவறுகளிலிருந்து விலகிக் கொள்ளுங்கள்.

அடுத்து இஸ்லாத்தை சொல்ல எத்தனையோ வழிகள் இருக்க சினிமாவை தேர்ந்தெடுக்க வேண்டாம். ஒரு தொழில் என்ற முறையில் அதில் ஈடுபடுங்கள். இஸ்லாமும் சில கட்டுப்பாடுகளோடு இசையை அனுமதிக்கிறது. இஸ்லாமிய கருத்துக்களை சொல்ல சினிமா பாடல்களை பயன்படுத்த வேண்டாம் என்று அன்போடு கேட்டுக் கொள்கிறேன்.

இந்த பதிவை உங்கள் இன் பாக்ஸிலும் இட்டுள்ளேன். நேரமிருப்பின் படித்து நேர் வழி பெற பிரார்த்திக்கிறேன்.

யுவன் சங்கர் ராஜாவின் மாற்றமும் ஒரு அன்பரின் எதிர் வினையும்!

யுவன் சங்கர் ராஜாவின் மாற்றமும் ஒரு அன்பரின் எதிர் வினையும்!

யுவனின் மாற்றத்தைப் பற்றி மிகவும் வருத்தப்பட்டு ஒரு இந்து நண்பர் எனக்கு பின்னூட்டம் இட்டிருந்தார். பதில் நீண்டு விட்டதால் அதனை தனி பதிவாக இட்டுள்ளேன். பார்த்து கருத்துக்களை தெரிவியுங்கள்.

//தமிழ் கலாச்சாரத்தில் வளர்ந்து, தமிழ் கலாச்சாரத்தின் மூலம் செம்மையடைந்து இன்று அந்நிய கலாச்சாரத்தை பின்பற்றுவது என்பது இவனை போன்ற துரோகி, பரதேசி, அயோகியம், முட்டாள் வேறு யாரும் இருக்க முடியாது.....//

'ஒன்றே குலம் ஒருவனே தேவன்'

'யாதும் ஊரே யாவரும் கேளீர்'

இதன் அடிப்படையில்தானே இஸ்லாமே கட்டப்பட்டுள்ளது. இந்த பழமொழிகள் 2000 வருடங்களாக நமது தாயகத்தில் உலவி வருகின்றன. ஆனால் இதனை பின்பற்றும் தமிழ் இந்துக்கள் எத்தனை பேர்?

இதன்படி உங்கள் வாழ்க்கையை அமைத்திருந்தால் யுவனின் இந்த மாற்றம் நடந்தே இருக்காது. தமிழர்களாகிய நீங்கள் உங்கள் வேர்களை மறந்தீர்கள். யுவன் அந்த ஆணி வேரினை தேடி தனது பயணத்தைத் தொடர்ந்துள்ளார்.

அவர் இஸ்லாத்தை ஏற்ற ஒரு காரணத்திற்காக இவ்வாறு அவரை திட்டுவதுதான் உங்கள் மதத்தின் கொள்கையா? இன்றும் கூட சிரட்டையில் டீ தரும் தேநீர் கடைகளை மதுரையில் பார்க்கவில்லையா? இன்னும் கூட சில கிராமங்களில் செருப்பை கையில் பிடித்து பரிதாபமாக செல்லும் தாழ்த்தப்பட்ட மக்களை பார்த்ததில்லையா? சாதி மாறி காதலித்த குற்றத்திற்காக இளவரசனை இந்த இள வயதில் கொன்றது இந்த தமிழ் கலாசாரம் இல்லையா? சாமி கும்பிடக் கூட சாதி பார்த்து அனுமதிக்கும் கேவலம் இன்றும் நடைமுறையில் உள்ளதை மறுக்கப் போகிறீர்களா? எந்த முகத்தை வைத்துக் கொண்டு யுவனின் மன மாற்றத்தை குறை காண வந்து விட்டீர்?

//நாம் பிறப்பில் இருந்தே எம் அடையாளங்களை அழிக்க முடியாது .. அழிக்க முயன்றால் கடும் விளைவுகளை சந்திக்க நேரிடும் ..//

இந்த வெற்று மிரட்டல்கள் கதைக்கு ஆகாது நண்பரே! இதனால் மேலும் அழிவுப் பாதைக்குத்தான் உங்களை இட்டுச் செல்கிறீர்கள். யுவன் ஏன் இந்த மாற்றத்தை அடைய வேண்டும்? அதற்கான நிர்பந்தம் என்ன என்பதை சிந்தித்து பாருங்கள்.

//. புலம் பெயர்ந்தாலும் இடம் பெயர்ந்தாலும் .. எங்க குழந்தைகள் இங்கு பிறந்தாலும் அன்னிய மொழி மட்டுமே பேசக்கற்ருக்கொண்டாலும் ...அடையாளம் மாருமா??குணமும் + முகமும் +நிறமும் +முடியும் காட்டிக்கொடுக்கும். அதேபோல் பிறப்பில் இருந்தே தமிழர்கள் நாங்கள் எங்கமொழி தமிழ் எங்க கடவுள்...!!!//

இதை இஸ்லாமும் மறுக்கவில்லையே! தாய் மொழிக்கு உரிய அந்தஸ்தை கொடுக்கச் சொல்கிறது இஸ்லாம். இளையராஜா இந்துவாக இருந்தாலும் அவருக்கு உரிய மரியாதையை யுவன் செய்ய வேண்டும்: அவரை கடைசி வரை காப்பாற்ற வேண்டும் என்று இஸ்லாம் கட்டளையிடுகிறது. இந்த உலகில் தோன்றிய மூல மொழிகள் அனைத்தையும் மனிதர்களுக்கு கற்றுக் கொடுத்தது இறைவனே! இதனை குர்ஆனில் அழகாக எடுத்துக்காட்டுகிறான் இறைவன். தொன்மையான மொழியான தமிழ் இறைவனால் மனித குலத்துக்கு வழங்கப்பட்ட ஒரு மொழி என்பதில் மாற்றுக் கருத்தில்லை.

ஆனால் உங்கள் மதத்தில்தான் சமஸ்கிரதம் தேவ மொழி என்றும், தமிழ் நீச மொழி என்றும் அவமானப்படுத்தப்படுகிறது. அந்த பஞ்சாயத்துதான் இன்னும் சிதம்பரம் கோவிலில் தீர்க்கப்படாமல் இருக்கிறது. தமிழ் ஆர்வலரான நீங்கள் அதற்கு முயற்சிக்கலாமே! அப்படி தமிழை நீச மொழி என்று அவமானப் படுத்துபவர்களைத்தான் தலையில் தூக்கி வைத்து கொண்டாடுகிறீர்கள்.

//இஸ்லாம் என்பது நம்மை அண்டி பிழைக்க வந்த, பிறகு நமது பலவீனத்தை பயன்படுத்தி நம்மையே ஆண்ட, மறைமுகமாக ஆண்டு கொண்டிருக்கும் அரபியர்களின் வாழ்க்கை முறையை பிரதிபலிக்கும் ஒரு முறை தான் இஸ்லாம் என்ற மதம்..//

தவறான புரிதல் தோழரே! உலக மொழிகள் அனைத்திற்கும் தூதர்களை அனுப்பி இறை வேதத்தையும் கொடுத்துள்ளதாக குர்ஆன் கூறுகிறது. அதன்படி நமது தாய் மொழியான தமிழ் மொழிக்கும் வேதமும் தூதரும் வந்துள்ளனர்.

//இந்த மதத்திற்கு ஒரு பலமான வரலாறோ, இலக்கியமோ, கலாச்சாரமோ,கல்வி அறிவோ, பண்பாடோ, வளமையோ கிடையாது....//

இலக்கியம் என்று நீங்கள் தமிழில் காட்டும் எந்த ஒன்றும் நமது அறிவை விரிவுபடுத்துவதாக இல்லை. அதிக இலக்கியங்கள் சிலை வழிபாட்டையும், பெண் அடிமையையும், வர்ணாசிரம கோட்பாடுகளையும் தாங்கி நிற்கிறது. இந்த கணிணி யுகத்திலும் தீண்டாமை இந்த அளவு நமது தமிழகத்தில் வேரூன்றியிருக்க மூல காரணமே நீங்கள் குறிப்பிடும் தமிழ் இலக்கியங்கள்தான்.

கலை என்ற பெயரில் பெண்களை கோவில்களில் ஆட விட்டு ரசித்தீர்கள். ஆட்டம் முடிந்தவுடன் அந்த பெண்களை அந்தப்புரத்துக்கு கொண்டு சென்று அனுபவித்தீர்கள். முடிவில் அந்த பெண்களை 'தேவரடியார்கள்' என்ற பெயரையும் சூட்டினீர்கள். கடைசியில் அந்த பெண்கள் வாழ்வை இழந்து விலை மாதுகளாக மாற்றப்பட்ட கொடுமை தெரியுமா உங்களுக்கு? அவர்களையும் ஒரு சாதியாக பாவித்து இன்று வரை அந்த குடும்பத்து வாரிசுகள் கூனி குறுகி நடப்பதை பார்த்திருக்கிறீர்களா? தஞ்சையில் ராஜ ராஜ சோழனுக்கு வைப்புகளாக இருந்தவர்களின் ஒரு தெருவே இன்றும் சாட்சியாக காட்சியளித்துக் கொண்டிருக்கிறது. இன்றும் நேபாளில் இவ்வாறு கோவிலுக்கு தேவரடியாராக நேர்ந்து விட்டு பெண்களை போகப் பொருளாக்கும் கூத்து நடந்து வருகிறது. இந்த பெருமையைத்தான் தமிழனின் கலாசாரம் என்று சொல்கிறீர்களா?

//மைக்கேல் ஜாக்சன் புகழ்பெற்ற பாடகர் கோடி சொத்து ஆனால் ,, தன் இனத்த்தின் நிறத்தை அவமானமாகக்கருதி வெருத்து வெள்லைத்தோலுக்கு ஆசைப்பட்டு கடைசியில் .. தோல்புற்ருநோயால் அவதிப்பட்டு வேதனையை மறக்க போதைக்கு அடிமையாகி .. மாண்டு போனார் ..//

ஆனால் மைக்கேல் ஜாக்ஸனின் அண்ணன் ஜெராமைக் ஜாக்ஸன் 'அப்துல் அஜீஸ்' ஆக முஸ்லிமாக மாறி அழைப்புப் பணியில் ஈடுபட்டு வருகிறார். அவரது வாழ்க்கை இன்றும் சந்தோஷமாகவே சென்று கொண்டுள்ளது. இதை கடைசி காலத்தில் உணர்ந்து மைக்கேல் ஜாக்ஸனும் இஸ்லாத்தை தழுவினார். ஆனால் அதற்குள் அவரது உடல் இறப்பை எட்டியது. தவறு மைக்கேல் ஜாக்ஸனிடம் தான்.

முகமது நபி ஒரு அரேபியர். அதிலும் இங்கு பார்பனர்களைப் போல அங்கு குரைஷிகள் உயர்ந்த குலம். அந்த குலத்தில் வந்த முகமது நபி 'குலப் பெருமையை எனது காலடியில் போட்டு மிதிக்கிறேன். அரபியன் அரபி அல்லாதவனை விட சிறந்தவன் இல்லை. ஒரு கருப்பு அடிமை உங்களுக்கு தலைவராக்கப்பட்டாலும் அவரை பின்பற்றி செல்வதுதான் உண்மை முஸ்லிமுக்கு அழகு' என்று சொன்ன அந்த வார்த்தை இன்றும் உலகம் முழுவதும் நடைமுறைப்படுத்தப்படுகிறதே! கருப்புத் தோலுக்கும் வெள்ளைத் தோளுக்கும் இஸ்லாத்தில் இடமில்லை. தூய இறை பக்தி ஒன்றுதான் இறைவனிடம் உங்களை நெருக்கமாக்கும் என்று சொல்லி அதனை நடைமுறைபடுத்திக் காட்டியும் வருகிறது இஸ்லாம்.

//எம்மதமும் நல்வழியைத்தானே போதிக்கிது அப்புறம் சைவத்தில் இல்லாது இஷ்லாத்தில் என்ன இருக்கிது?? ஒன்றுக்கு மேற்பட்ட பெண்களைத் திருமணம் செய்யலாம் .//

இஸ்லாத்துக்கும் சைவத்துக்கும் என்ன வித்தியாசம் என்பதை மேலே பட்டியலிட்டுள்ளேன். அதை பார்த்து தெரிந்து கொள்ளுங்கள்.

அடுத்து உங்கள் கடவுள் முருகனுக்கு இரண்டு மனைவிகள். கிருஷ்ணனுக்கு இரண்டு மனைவிகள். ராமனின் தந்தை தசரதனுக்கு 60000 மனைவிகள் இருந்ததாக ராமாயணம் சொல்கிறது. நமது முன்னால் முதலமைச்சர் எம் ஜி ஆர் பலதார மணம் செய்தவர். அதே போல் தற்போது வாழ்ந்து வரும் கலைஞர் பல திருமணம் செய்து அனைத்து மனைவிகளோடும் சந்தோஷமாகவே வாழ்ந்து வருகிறார். எனவே பலதார மணம் செய்ய இஸ்லாத்தை ஏற்க வேண்டும் என்ற கட்டாயம் இல்லை. அதற்கு இந்து மதத்திலேயே இருந்திருக்கலாம். தான் ஏன் இஸ்லாத்தை ஏற்றேன் என்பதை யுவனே தனது பேட்டியில் கூறியுள்ளார். நானும் அதனை பதிவாக்கியுள்ளேன். படித்து தெளிவு பெறுங்கள்.

http://suvanappiriyan.blogspot.com/2014/02/blog-post_10.html

//இஸ்லாத்தில் சொல்லப்படும் அணைத்தும் அரேபியர்களை குறித்ததுதான், இதில் இந்தியாவையோ குறிப்பாக தமிழகத்தையோ, இந்திய முஸ்லிம்களை பற்றியோ அல்லது தமிழக முஸ்லிம்களை பற்றியோ எங்கும் ஒரு சிறு குறிப்பும் கிடையாது.//


'இந்த குர்ஆன் மனிதர்களுக்கு நேர் வழி காட்டும். நேர் வழியைத் தெளிவாகக் கூறும். பொய்யை விட்டு உண்மையைப் பிரித்துக் காட்டும்'

-குர்ஆன் 2:185

இங்கு மனிதர்கள் என்று உலக மக்களைப் பார்த்து குர்ஆன் பேசுகிறது. இது போன்று அனேக இடங்களில் 'மனிதர்களே!' என்று இந்த மனித குலத்தில் உள்ள தமிழர்களாகிய நம்மையும் பார்த்துதான் பேசுகிறது. எனவே தான் தமிழனாகிய யுவனின் மனதை இந்த குர்ஆன் மாற்றியது. கடவுள் மறுப்பை வாழ்நாள் முழுக்க சொன்ன தந்தை பெரியாரும் 'இன இழிவு நீங்க இஸ்லாமே சிறந்த வழி' என்றார். நாத்திகனின் மனதையும் புரட்டிப் போடும் சக்தி இந்த குர்ஆனுக்கு உண்டு.

பார்பனியத்தை நமது நாட்டிலிருந்து விரட்ட பெரியார் எவ்வளவு முயன்றும் தோல்வியையே கண்டார். அவரது தம்பிகளும் கடைசியில் பார்பனியத்தின் கால்களிலேயே வீழ்ந்து விட்டனர். சுய மரியாதையை கொடுத்து உலக அரங்கில் தமிழனை தலை நிமிரச் செய்யும் ஆற்றல் இஸ்லாத்துக்கு உண்டு. அதனை சரியாக தேர்வு செய்த முஹம்மது ஹாலிக் யுவனை வாழ்த்தா விட்டாலும் தூற்றாமலாவது இருப்போம்.

யுவன் சங்கரின் மாற்றத்துக்கு ஏன் இவ்வளவு எதிர்ப்பு!

இரண்டு நாட்களாக ஊடகத் துறையில் மிக அதிகமாக விவாதிக்கப்பட்டது யுவன் சங்கர் ராஜாவின் மன மாற்றத்தைப் பற்றியே! இவர் ஒரு பவுத்தராகவோ அல்லது கிறித்தவராகவோ மாறியிருந்தால் இந்த அளவு எதிர்ப்புகளை சம்பாதித்திருக்க மாட்டார். ஆனால் அவர் இஸ்லாத்தை தேர்ந்தெடுத்தது இந்துத்வாவாதிகளை ரொம்பவுமே கொதிப்படைய வைத்துள்ளது. தினமலரும் தனது பங்குக்கு இதை ஊதி பெரிதாக்க அந்த செய்தியை முதல் பக்கத்தில் போட்டது. ஆனால் நினைத்ததற்கு மாற்றமாக இந்துக்களின் பிறபடுத்தப்பட்ட மக்களில் பெரும்பாலோர் அவரது மாற்றத்தை வரவேற்றுள்ளது தினமலருக்கு திகைப்பை ஏற்படுத்தியிருக்க வெண்டும்.

உடனே மறு செய்தியாக சில நண்பர்கள் மூலம் கிடைத்ததாக ஒரு செய்தியை வெளியிட்டது. அதில் மலேசியாவில் ஒரு பெண்ணை மணந்து கொள்வதற்காக இஸ்லாத்துக்கு மாறியுள்ளதாகவும், கொலு வைப்பது சம்பந்தமாக தந்தை இளையராஜாவோடு தகறாரு வந்ததாகவும் எந்த ஆதாரமும் இல்லாமல் ஒரு செய்தியை வெளியிட்டு தனது அரிப்பை தீர்த்துக் கொண்டது தின மலர்.

தமிழகத்தின் பிரபல பத்திரிக்கையான தினமலர் சம்பந்தப்பட்ட யுவனே வதந்திகள் என்று மறுத்தும் சில நண்பர்கள் கூறினார்கள் என்ற பெயரில் பொய்களை பிரசுரித்து தான் 'தினமலம்' தான் என்பதை நிரூபித்துள்ளது.

ஏன் இப்படி ஒரு எதிர்ப்பு? காலகாலமாக பிற்படுத்தப்பட்ட பெரும்பான்மையினரை சிறுபான்மையான பார்பனர்கள் ஆண்டு அனுபவித்து வருகின்றனர். கோவிலுக்குள் அனுமதி இல்லை: சூத்திரன் என்று அவர்களை கேவலப்படுத்துவது: சாதி மாறி கல்யாணம் செய்தால் கொலை செய்வது: ஊர் விலக்கம் செய்வது: அக்ரஹாரத்துக்குள் தலித்களை அனுமதிப்பது இல்லை: என்னதான் படித்து அரசு வேலையில் இருந்தாலும் அவனது சாதியை காட்டி மட்டம் தட்டுவது: இன்னும் வரிசையாக சொல்லலாம். இது போன்ற அவலங்கள் அனைத்தும் தொடர வேண்டும் என்று மேட்டுக்குடி நினைக்கிறது.ஆனால் ஒருவன் இஸ்லாத்தை ஏற்றவுடன் இந்த வர்ணாசிரமம் என்ற கட்டிடம் பொல பொல வென்று உதிர்ந்து மண்ணோடு மண்ணாவதை நாம் யதார்த்தத்தில் பார்க்கிறோம். தங்களின் ஆளுமை தங்கள் கையை விட்டுப் பொகிறதே என்பதால்தான் இஸ்லாத்தையும் தீவிரவாதத்தையும் முடிச்சுப் போட்டு தங்கள் ஊடகங்களின் மூலம் இதுவரை பொய்களை பரப்பி வந்தனர். ஆனால் இணையம் என்ற ஒரு சக்தி இன்று ஒவ்வொரு வீட்டுக் கதவுகளையும் அனாயசமாக தட்டுகிறது. மன நிம்மதி இழந்து தவிக்கும் பல ஆயிரம் இளைஞர்களின் மனதை இந்த குர்ஆன் உலுக்கி எடுக்கிறது. இன்று தமிழகத்தில் நாம் பார்க்கும் நிலைதான் அன்றைய அரபுலகத்திலும் நடந்தேறியது.

அன்றைய அரபுலகை சற்று நோட்டமிடுவாம்....

பல்லாண்டு ஊற வைத்த மதுக்குடங்கள் இருப்பது கொண்டு அன்றைய அரபுகள் பெருமை பேசினர். குடம் குடமாக குடித்த பின்னரும் நிதானமாக இருப்பதாக பெருமை பேசினர். தங்களுடைய வாட்களால் எத்தனை பேருடைய தலைகளைச் சீவியுள்ளோம் என்று பெருமை பேசினர். தந்தைக்கு நூறு மனைவிகள் என்றால் அந்தத் தந்தை இறந்தவுடன் அவனது பிள்ளைகள் அந்தத் தந்தையின் மனைவிகளை பங்கு போட்டு தங்களின் மனைவிகளாக ஆக்கிக் கொண்டு பெருமை பேசினர். வறுமைக்கு பயந்து பெண் குழந்தைகளை உயிரோடு புதைத்தனர்.உயர் சாதி கீழ் சாதி என்று மனிதனை பாகுபடுத்தி அதனை கடவுளின் பெயரால் அங்கீகரித்தனர். இப்படி ஆகாத செயல்கள் அத்தனைகளிலும் பெருமை பேசினர்.

இந்த முஹம்மது ஷைத்தானிடமிருந்து சில மந்திரங்களை அறிந்து கொண்டு அவற்றை மக்களிடம் ஓதிக்காட்டி மக்களை மயக்குகிறார்; வழிகெடுக்கிறார். அவர் ஒரு சூன்யக்காரர், கவிஞர், பொய்யர், சந்ததியற்றவர், பைத்தியக்காரர், மோசடிக்காரர் என்றெல்லாம் தொடர்ந்து துர்ப்பிரச்சாரம் செய்து மக்கள் இறுதி நபியையும், அல்குர்ஆனையும் நெருங்க விடாமல் செய்தனர். தப்பித்தவறி கூட குர்ஆன் ஓதுவதை கேட்டுவிடக்கூடாது என்பதற்காக மக்களை காதுகளில் பஞ்சை வைத்து அடைத்துக்கொள்ள தூண்டினார்கள். அல்குர்ஆனை நெருங்க விடாமல் இருக்க அத்தனை முயற்சிகளையும் தாருந்நத்வா புரோகிதரர்கள் செய்தனர். அதே காரியத்தைத்தான் நமது நாட்டில் இன்றைய மேட்டுக்குடிகளும் பத்திரிக்கைகள் வாயிலாகவும், காவல்துறையினர், நீதித் துறையினர் வாயிலாகவும் முஸ்லிம்களின் மேல் அபாண்டங்களை சுமத்துகின்றனர்.

மக்காவில் இஸ்லாம் பரவிக்கொண்டிருந்த ஆரம்பக் காலக் கட்டம். மக்காவுக்கு ஒரு வியாபாரி வந்தார். மக்கத்து குரைஷிகள் அவரைத் தடுத்து சொன்னார்கள்: "நீங்கள் மக்காவுக்குள்ளே செல்லவேண்டாம். காரணம், அங்கே முஹம்மது என்பவர் புதிய மார்க்கத்தைப் பரப்புகிறார். அவர் ஓதுகிற குர்ஆனிய வசனங்களை நீங்கள் கேட்டால் உடனே மதம் மாறிவிடுவீர்களோ என்று நாங்கள் அஞ்சுகிறோம்’’ என்றனர்.
அவர் மக்காவுக்குள் செல்லவில்லை. ஆனாலும் ஊருக்குத் திரும்புகிறபோது ஒருமுறையாவது கஃபாவை வலம் வந்து விட்டு செல்லலாமே என்று நினைத்தார். அதனாலே அவர் உள்ளே செல்லும்போது குர்ஆனின் வசனங்கள் காதுக்குள் விழுந்துவிடக்கூடாது என்று காதுகளில் பஞ்சை வைத்து அடைத்துக்கொண்டு மக்காவிற்குள் சென்றார். அப்படி இருந்தும் சில வசனங்களை கேட்டு விடுகிறார். சில வினாடிகள் நபியவர்கள் ஓதிய குர்ஆனின் வசனங்கள் அவர் காதுகளில் விழ அந்த வினாடியே உள்ளம் நடுங்கி ''சத்தியமாக இது இறைவனின் வார்த்தைகளே'' என்று கூறி இஸ்லாமைத் தழுவுகிறார்.

முஹம்மதின் தலையை தரையில் வீழ்த்தாதவரை என் வாள் உரையில் போகாது'' என்று வீரமுழக்கம் செய்து புறப்படுகிறார்கள் உமர். ஒரு மந்திர மாற்றம் நடக்கிறது. அவர்களின் சகோதரி ஓதிய ஒரு வசனத்தைக் கேட்டதின் விளைவால் அந்த மாற்றம் ஏற்பட்டு நபியிடம் சென்று கலிமா சொல்லி நபியின் பெரும் ஆதரவாளராக திரும்புகிறார்கள்.

அது போன்ற ஒரு மாற்றம் தான் இன்று இளையராஜாவின் மகன் யுவன் சங்கர் ராஜாவின் மனதிலும் ஏற்பட்டுள்ளது. 'குர்ஆன் வசனங்கள் தான் என்னை மாற்றியது' என்று அவர் கூறுவது முற்றிலும் உண்மை. அத்தகைய சக்தி இந்த இறை வேதத்துக்கு உண்டு.

ஒரு தினமலர் வாசகரான இந்து நண்பரின் பின்னூட்டத்தை படித்துப் பாருங்கள்....

இளையராஜாவின் பாவலர் குடும்பம் தனிப்பட்ட முறையில் கிட்டத்தட்ட 50 வருடங்களுக்கு முன்னால் பல பிராமண குடும்பங்களை தங்களது கம்யூனிஸ்ட் போராட்டங்கள் மூலம் காப்பாற்றி இருக்கிறது. அந்த குடும்பத்தில் ஒருவர் வெளியேறுவது மன கஷ்டம் கொடுக்கத்தான் செய்யும். தனி மனித விருப்பம் என்பது வேறு. பொது வாழ்க்கை என்பது வேறு. இடையில் சிறிது காலம் பிராமண பெண்ணைத்தான் கல்யாணம் செய்ய வேண்டும் என்ற எண்ணம் அதன்படி கல்யாணம் செய்து விவாகரத்து ...பின் பெரியார். ...கடவுள் மறுப்பு கொள்கையில் ஈடுபாடு ...இப்போது புது மார்க்கம். ஆனால் ஒன்று குரான் படிப்பவர்கள், அரபி மொழி மற்றும் இசை கேட்பவர்கள் படிப்பவர்கள் அதற்கு அடிமை யாகி விடுவார்கள் என்பது திண்ணம். அவைகளுக்கு அப்பேற்பட்ட சக்தி இருப்பது உண்மை. படித்து விட்டால் மீள்வது மிக கடினம். எங்கிருந்தாலும் வாழ்க

பஞ்சு மணி

தினமலர் வாசகர் கடிதம்

மாற்று மதத்தை சேர்ந்தவராக இருந்தாலும் குர்ஆனின் ஆளுமையை மிக அழகாக வர்ணித்துள்ளார். இதுதான் உண்மை. தினமலர் சொல்வது போல் பெண்ணுக்காக என்றால் அவரிடம் உள்ள சொத்துகளுக்கு எத்தனையோ அழகிய பெண்கள் உலகம் முழுக்க கிடைப்பார்கள். எனவே தினமலர் இனியாவது இது போன்ற பொய் செய்திகளை பரப்புவதை நிறுத்திக் கொள்ள வேண்டும்.

தினமலரின் பல வாசகர்கள் இன்று ஹிந்து பத்திரிக்கையை படிக்க ஆரம்பித்து விட்டார்கள். இது தொடர்ந்தால் கூடிய சீக்கிரம் தினமலர் தனது சர்குலேசனை மிக அதிகமாக இழக்கும் என்றும் சொல்லிக் கொள்கிறோம்.
-----------------------------------------------------------

ஃபேஸ் புக்கில் நான் ரசித்த ஒரு கவிதை!

என் முப்பாட்டனை சூத்திரன்
என்றாய்

என்னை தீவிரவாதி என்றாய்

இன்னும் மூன்று தலை முறை
இந்த பூமியில்
இருந்து பார்த்து விட்டு வா

உன் பூணூல் எங்கள் வீட்டு பிள்ளைகள் கையில்
வெறும் பட்டம் விடும் நூலாக
மாறி இருப்பதை

-bharatha suriyan

யுவன் சங்கர் ராஜாவின் பிரத்யேக பேட்டி!

யுவன் சங்கர் ராஜாவின் பிரத்யேக பேட்டி!

தனது மன மாற்றம் சம்பந்தமாக டெக்கான் க்ரோனிக்கல் என்ற ஆங்கில பத்திரிக்கைக்கு யுவன் சங்கர் ராஜா கொடுத்த பேட்டியை இந்த பதிவில் பார்ப்போம்:

அனுபமா சுப்ரமணியன்: இஸ்லாத்துக்கு செல்வதென்ற முடிவு திடீரென்று ஏன் உங்களுக்கு ஏற்பட்டது?

யுவன் சங்கர்: திடீரென்று எடுத்த முடிவாக இதனை நான் சொல்ல மாட்டேன். கடந்த ஒரு வருடமாக இஸ்லாம் சம்பந்தமான புத்தகங்களை அதிகம் படித்து இஸ்லாம் என்றால் என்ன என்பதை உளப்பூர்வமாக புரிந்து கொண்டேன். இதன் பின் பல சிறந்த கனவுகள் எனக்கு வர ஆரம்பித்தது. இதற்கு முன் எனக்கு அவ்வாறு நிகழ்ந்ததில்லை. பலமுறை இது எனக்குள் நிகழ ஆரம்பித்தது. எனக்குள் என்ன நிகழ்கிறது என்பதை என்னால் விவரித்து சொல்ல இயலாது. ஏதோ ஒரு இறை சக்தி என்னை ஆட்கொள்கிறது என்பதை மட்டும் விளங்கிக் கொண்டேன். ஆனால் அது என்னவென்று சரியாக விளங்காமல் இருந்தது. அதன் பிறகு புனித குர்ஆனை படிக்க ஆரம்பித்தேன். எனக்குள் இருந்த சந்தேகங்கள், கனவுகளுக்கான விடைகளை குர்ஆனில் நான் கண்டு கொண்டேன். வாழ்க்கை என்றால் என்ன என்பதையும் விளங்கிக் கொண்டேன். இதுதான் நான் இஸ்லாத்தை ஏற்க முழு காரணமாக இருந்தது. இறைவன் என்னை தேர்ந்தெடுத்துக் கொண்டான் என்றே நினைக்கிறேன்.

அனுபமா சுப்ரமணியன்: ஒரு வதந்தி நிலவுகிறதே! டைரக்டர் அமீர் தான் உங்களின் மனமாற்றத்துக்கு காரணம் என்றும் அவர்தான் உங்களை பாண்டிச்சேரிக்கு அழைத்துச் சென்று இஸ்லாத்துக்கு மாற்றியதாக ஒரு செய்தி உலவுகிறதே!

யுவன் சங்கர்: (பலமாக சிரிக்கிறார்) நீங்கள் சொல்லும் அனைத்தும் தவறான தகவல்கள். என்னை யாரும் இஸ்லாத்தை ஏற்கச் சொல்லி வற்புறுத்தவில்லை. இது அவரவர்களின் மனம் சம்பந்தப்பட்ட விஷயம். உங்களின் உள் மனதில் இறை நம்பிக்கையில் ஏற்படும் சில மாற்றங்களே தற்போது என்னுள் நடந்துள்ளது. இது தான் உண்மையும் கூட.

அனுபமா சுப்ரமணியம்: உங்கள் தந்தை இந்து மத நம்பிக்கைகளில் மிகவும் ஈடுபாடு கொண்டவர். உங்களின் இந்த மன மாற்றத்தை எவ்வாறு எடுத்துக் கொண்டார்?

யுவன் சங்கர்: ஒரு மகனாக, எனது இந்த மன மாற்றத்தை முதலில் எனது அப்பாவிடம் தான் சொன்னேன். ஆம். சொன்னவுடன் அவர் முதலில் அதிர்ச்சியடைந்தார். அதன் பிறகு எனது முடிவை ஒத்துக் கொண்டு என்னையும் ஏற்றுக் கொண்டார். தனது மகன் மகிழ்ச்சியாக இருப்பதையே அவர் விரும்பினார். எனது தங்கை பாவனாவிடமும், எனது அண்ணன் கார்த்திக்கிடமும் இதைப் பற்றி கூறினேன். அவர்கள் இருவரும் கூட என்னை நன்கு புரிந்து கொண்டு எனது முடிவை ஏற்றுக் கொண்டார்கள். எனக்கும் எனது தந்தைக்குமிடையே இந்த மன மாற்றம் சம்பந்தமாக பெரிய பிரச்னை ஏற்பட்டுள்ளது என்ற வதந்தி சில காலமாக மீடியாவில் உலவுகிறது. அனைத்து செய்திகளும் தவறானவை. நானும் எனது குடும்ப அங்கத்தினர்களும் எப்போதும் போலவே சந்தோஷமாக இருக்கிறோம்.

அனுபமா சுப்ரமணியம்: ஏ ஆர் ரஹ்மானை நீங்கள் பின்பற்றுவதாக சிலர் கூறுகின்றனரே!

யுவன் சங்கர்: அவரை நான் ஏன் பின்பற்ற வேண்டும்? என்னுள் ஏற்பட்ட சில மாற்றங்கள் இந்த முடிவை எடுக்க என்னைத் தூண்டியது. அவ்வளவுதான்.

அனுபமா சுப்ரமணியம்: நீங்கள் மூன்றாம் முறையாக ஒரு திருமணம் செய்து கொண்டுள்ளதாகவும், அதுவும் ஒரு முஸ்லிம் பெண்ணை திருமணம் முடித்திருப்பதாகவும் ஒரு செய்தி உலவுகிறதே?

யுவன் சங்கர்: இந்த செய்தியை நானும் படித்தேன். இது பற்றி நான் தெளிவுபடுத்தி விடுகின்றேன். எனது நண்பர் கிருஷ்ணாவின் திருமணத்துக்காக கோவை சென்றிருந்த போது மீடியாக்களால் இந்த செய்தி பரப்பப்பட்டது. எனது இஸ்லாமிய நண்பரும் அவரது மனைவியும் நானும் அந்த போட்டோவில் ஒன்றாக இருப்பதை பார்த்து இந்த வதந்தி பரப்பப்பட்டது. உடனே சிலர் அந்த போட்டோவை பத்திரிக்கையில் போட்டு நான் மூன்றாம் திருமணம் செய்து கொண்டதாக பொய்களை பரப்பி வந்தனர். இதனை பலமுறை மறுத்தும் உள்ளேன். தற்போதும் அதே மறுப்பை பதிய செய்கிறேன்.

அனுபமா சுப்ரமணியம்: 'யுவன் சங்கர் ராஜா' என்ற உங்களின் இந்த பெயரும் மாறும் என்று நாங்கள் எதிர்பார்க்கலாமா?

யுவன் சங்கர்: இது பற்றிய செய்தியை விரைவிலேயே வெளியிடுவேன்.



அவர்கள் இஸ்லாத்தை ஏற்றதால், நபியே உமக்கு உதவி செய்து விட்டதாகக் கருதுகிறார்கள்; "நீங்கள் இஸ்லாத்தை ஏற்றதை எனக்கு செய்த உபகாரமாகக் கருதாதீர்கள். நீங்கள் உண்மையாளர்களாக இருந்தால் அல்லாஹ்வே நம்பிக்கைக் கொள்ள உங்களுக்கு வழிகாட்டி உங்களுக்கு உபகாரம் புரிந்துள்ளான்" என்று கூறுவீராக!

குர்ஆன் : 49:17


ஆம். இதைத்தான் யுவன் சங்கர் ராஜாவும் 'இறைவன் என்னை தேர்ந்தெடுத்துக் கொண்டான்' என்று அழகாக தனது பேட்டியில் சொல்லியுள்ளார். இந்த குர்ஆன் வசனத்தின்படி ஏ ஆர் ரஹ்மானோ, யுவன் சங்கர் ராஜாவோ, மைக்கேல் ஜாக்ஸனோ யார் இஸ்லாத்திற்குள் வந்தாலும் அதனால் இஸ்லாம் எந்த வகையிலும் நன்மையை அடையப் போவதில்லை. மாறாக மாறிய அந்த நபர்கள் சிறந்த வாழ்வு முறையை பெற்றுக் கொள்கிறார்கள்.

வாளால் இஸ்லாம் உலகமெங்கும் பரப்பப்பட்டது. குறிப்பாக இந்தியாவில் ஒரு கையில் வாளையும் மறு கையில் குர்ஆனையும் பிடித்துக் கொண்டு 'எது வேண்டும?' என்று ஒளரங்கஜேப் கேட்டதாக நமது வரலாற்று புத்தகங்களில் ஏகத்துக்கும் கதை அளந்திருப்பார்கள். அந்த கதைகள் அனைத்தும் கற்பனைளே என்பதற்கு இந்த பேட்டி மிகச் சிறந்த உதாரணமாக உள்ளது.

--------------------------------------------------------

ஹூஸைனீ எனும் அன்ஸாரீ ஒருவருக்கு கிறிஸ்தவர்களான இரு புதல்வர்கள் இருந்தனர். அவர்கள் இருவரையும் இஸ்லாத்தைத் தழுவும்படி அவர் அழைப்பு விடுத்தார். ஆனால், அவர்கள் கிறிஸ்தவ மதத்தில் தொடர்ந்தும் இருக்கப் போவதாக பிடிவாதமாக இருந்தனர். எனவே, அவ்விருவரையும் இஸ்லாத்தைத் தழுவ நிர்ப்பந்திக் கட்டுமா என நபி அவர்களிடம் அவர் வினவியபோது நபியவர்கள் அவரைத் தடுத்தார்கள்.அப்போது இந்த வசனம் இறக்கப்பட்டது.

“மார்க்கத்தில் பலவந்தமில்லை. வழிகேட்டிலிருந்து நேர்வழியானது தெளிவாகிவிட்டது”
குர்ஆன்: (2:256)

எனவே எவரையும் அவரின் வறுமையையும், சிரமத்தையும், இயலாமையையும் காரணமாக்கி அதன் மூலம் வலுக்கட்டாயமாக இஸ்லாத்தில் இணைக்க முற்படுவது குர்ஆனின் கட்டளைக்கே மாற்றமானது என்பதை விளங்குகிறோம். இதன்படி மொகலாயர்கள் தங்களின் ஆட்சியைத் தக்க வைத்துக் கொள்வதற்காக தினம் போரிட்டுக் கொண்டிருந்தவர்களுக்கு மத மாற்றம் செய்வதற்கெல்லாம் நேரமில்லை அதை அவர்கள் விரும்பவும் இல்லை என்பதை விளங்குகிறோம்.

மனம் மாறிய யுவன் சங்கர் ராஜா!

மனம் மாறிய யுவன் சங்கர் ராஜா!



தனது இரண்டு திருமணங்களும் தோல்வியில் முடியவே மிகுந்த மன உளைச்சலுக்கு ஆளானார் யுவன். அதன் பிறகு ஒரே ஆறுதலாக இருந்த அவரது தாயாரின் மறைவு அவரை இன்னும் சோகத்திலும் தூக்கமின்மையிலும் ஆழ்த்தியது. இவரது சிரமங்களை கேள்வியுற்ற இவரது நெருங்கிய இஸ்லாமிய நண்பர் அவரிடம் குர்ஆனின் மொழி பெயர்ப்பை கொடுத்து 'இதனை ஆழ்ந்து படியுங்கள்! உங்கள் மன உளைச்சல் இதில் மாறலாம்' என்று சொல்லியுள்ளார். இரவில் குர்ஆனின் மொழி பெயர்ப்பை வாசிக்க ஆரம்பித்துள்ளார் யுவன். படிக்க படிக்க அவரையும் அறியாமல் கண்களில் இருந்து கண்ணீர் வழிந்தோடியது. அவரது மனம் இலேசாவதை உணர்ந்தார். நிம்மதியான தூக்கமும் அவரை ஆட்கொண்டது. அன்றிலிருந்து இஸ்லாமியனாக மாறி விடுவது என்று முடிவெடுத்து நண்பர்களின் உதவியால் இஸ்லாத்தில் தன்னை இணைத்துக் கொண்டுள்ளார்.

தனது பெயரை அப்துல்லாவாக மாற்றியுள்ளதாக கேள்விப்படுகிறேன். 'யுவன் சங்கர் ராஜா' என்ற பெயரிலேயே அவர் இஸ்லாத்தில் தொடரலாம். அதற்கு தடை ஏதும் இல்லை. ஆனால் அவர் எந்த சாதி என்று அடுத்த கேள்வி தொக்கி நிற்கும். ஆனால் அரபு பெயராக இருந்தால் இந்த கேள்வி எழாது. இதை அனுபவத்தில் பலமுறை நாம் பார்த்திருப்போம். 'அப்துல்லாஹ்' என்ற பெயருக்கு 'இறைவனின் அடிமை' என்று பொருள் வரும். மிக அழகிய பெயர். இறைவனுக்கு பிடித்த இரண்டு பெயர்கள் அப்துல்லா, அப்துல் ரஹ்மான். அந்த இரண்டு பெயர்களில் ஒன்றை தேர்ந்தெடுத்த யுவனை வாழ்த்தி வரவேற்போம்.

தனது டிவிட்டர் தளத்தில் யுவன் கொடுத்துள்ள சில செய்திகள் கீழே!

My family supports my decision and there is no misunderstanding between me and my dad.

I'm not married for the third time. That news is fake and yes I follow Islam and I'm proud about it. Alhamdhulillah!

Without you,I'm nothing. I love you all for supporting me all though my life. Nandri endra oru varthai pathadhu. May god bless you all.

I don't hate nobody,after all we are humans n we breathe the same air.

I know God is with me.

I don't believe in awards and rewards.I believe in being righteous and doing my work properly,rest is up to GOD.

எல்லா புகழும் இறைவனுக்கே!

குர்ஆன் ஒரு மனிதனை எந்த அளவு பக்குவப்படுத்தும் என்பதற்கு மேலே உள்ள யுவனின் ட்விட்டர் செய்திகளே சாட்சி!



இசையை பொருத்த வரையில் இஸ்லாத்தில் கூடுமா? கூடாதா? என்று அறிஞர்களிடத்தில் இரு மாறுபட்ட கருத்துகள் உள்ளன. சவுதியிலும் அறிஞர்களிடையே 'இசை நம்மை அடிமையாக்கி விடாமல் பார்த்துக் கொள்ள வேண்டும்' என்ற கட்டுப்பாட்டோடு அனுமதிக்கும் அறிஞர்களும் உண்டு.

குடி, சூது, வட்டி, விபசாரம், திருட்டு, புறம் பேசுதல், கொலை, பொய் என்று பல தவறுகளை பட்டியலிடும் குர்ஆன் இசையைப் பற்றி எங்குமே குறிப்பிடவில்லை. முகமது நபியின் சில ஹதீதுகள் இசையை தடுக்கச் சொல்லி வருகின்றன. மற்றும் சில ஹதீதுகள் இசையை அங்கீகரித்து வந்துள்ளன. இரண்டையும் சீர்தூக்கிப் பார்த்த வகையில் இசையே கதி என்று கிடக்காமல் அதற்கு அடிமையாகி விடாமல் நமது சந்தோஷமான நாட்களில் பாடல்களை கேட்பது ஆகுமாக்கப்பட்டதாகவே எண்ணுகிறேன். இறைவனே உண்மையை அறிந்தவன்.

புதிதாக இஸ்லாத்தில் நுழைந்த யுவன் வழமை போலவே எல்லா மதத்தவரையும், இனத்தவரையும் அதே அன்போடு அணுக வேண்டும். உலக மக்கள் யாவருமே ஆதமுடைய மக்களே! எல்லோரையும் படைத்தது அந்த ஏக இறைவன் ஒருவனே!வெறுப்பை நீக்கி அன்புக்கு முக்கியத்துவம் கொடுங்கள். இந்த செய்தியைத்தான் இஸ்லாமும் உங்களுக்கு சொல்கிறது. வருங்காலங்களில் இசையில் ஆபாசம் இல்லாமல் மக்களை தவறுகளிலிருந்து விலக்கி விடும் சக்தியாக உங்கள் இசை இருக்க வேண்டும். ஏ ஆர் ரஹ்மானைப் போல் உலக புகழ் பெற வேண்டும். தமிழனுக்கும், இந்தியனுக்கும், உலக மக்களுக்கும் மேலும் பெருமை சேர்க்க வேண்டும்.

'இறைவனின் வெற்றியும் உதவியும் வரும்போது!

முஹம்மதே! இறைவனின் மார்க்கத்தில் மக்கள் கூட்டம் கூட்டமாக நுழைவதை நீர் காணும் போது!

உமது இறைவனை புகழ்ந்து போற்றுவீராக! அவனிடம் மன்னிப்புத் தேடுவீராக! அவன் மன்னிப்பை ஏற்பவனாக இருக்கிறான்!'

-குர்ஆன் 110: 1,2,3

உலகம் முழுக்க இஸ்லாம் வாளால் பரவவில்லை. அதன் அழகிய நடைமுறையினாலும் குர்ஆனின் ஆளுமையினாலும்தான் என்பதற்கு யுவனின் இந்த மன மாற்றம் சிறந்த உதாரணமாக உள்ளது.

அவர்கள் இஸ்லாத்தை ஏற்றதால், நபியே உமக்கு உதவி செய்து விட்டதாகக் கருதுகிறார்கள்; "நீங்கள் இஸ்லாத்தை ஏற்றதை எனக்கு செய்த உபகாரமாகக் கருதாதீர்கள். நீங்கள் உண்மையாளர்களாக இருந்தால் அல்லாஹ்வே நம்பிக்கைக் கொள்ள உங்களுக்கு வழிகாட்டி உங்களுக்கு உபகாரம் புரிந்துள்ளான்" என்று கூறுவீராக!

குர்ஆன் : 49:17