விஸ்வரூபம் – விவகாரம் - கமலஹாசன்!

“ரொம்பவுமதான் கஷ்டப்படறார் பாவம்! இந்த முறையாவது ஆஸ்கார் இவருக்கு கிடைக்குமா?”

----------------------------------------

அடுத்த சர்ச்சை ஆரம்பமாகி விட்டது. சினிமாவைப் பொறுத்த வரை எனக்கு நல்ல அபிப்ராயம் கிடையாது. இன்று சமூகத்தை சீரழித்து வருவதில் குறிப்பாக இந்தியாவில் அதிலும் குறிப்பாக தமிழகத்தில் முக்கிய பங்கு வகிப்பதில் இந்த கூத்தாடிகளுக்கு முக்கிய பங்குண்டு. விஜயகாந்தும் அர்ஜூனும் தங்கள் படங்களில் தொடர்ந்து வில்லன்களாகவும் தேச துரோகிகளாகவும் முஸ்லிம்களை திட்டமிட்டு காண்பித்து தங்கள் அரிப்பை தீர்த்துக் கொண்டனர். கமலஹாசனும் அவ்வப்போது முஸ்லிம்களை ஆதரித்தும் சிலபோது முஸ்லிம்களை எதிர்த்தும் கதைக் கருவை அமைப்பார். தொலைக்காட்சியில் வரும் சீரியல்களும் சினிமாவில் வரும் கதைகளும் நமது சமூகத்தை வெகுவாகவே பாதிக்கின்றன. ஒரு செய்தி சமூகத்தின் மேல் தட்டு மக்களிலிருந்து அடி தட்டு மக்கள் வரை வெகு சீக்கிரம் சென்றடைவதில் சினிமாவின் பங்கு அளப்பரியது. எனவே இந்த சினிமாவை நாம் விரும்பா விட்டாலும் நமது வாழ்வில் நமது அனுமதி இல்லாமலேயே சில நேரங்களில் வந்து அமர்ந்து கொள்கிறது.




அந்த வகையில் தற்போது கமலின் கதை, டைரக்ஷன், தயாரிப்பில் வெளி வரவிருக்கும் விஸ்வரூபத்தின் ஸ்டில்களில் அரபி மொழியை அழகாக உருவகப்படுத்தியிருக்கிறார். இதன் மூலம் இந்த படத்தில் இஸ்லாத்தைப் பற்றி முஸ்லிம்களைப் பற்றி கதையினூடாக ஏதோ சொல்லப் போகிறார் என்பது தெளிவாகிறது. ஆஸ்கார் கனவு கண்டு வரும் கமல் அதைப் பெறுவதற்காக இஸ்லாமியர்களை தீவிரவாதிகளாகவும் அமெரிக்க உளவு அதிகாரியாக வந்து அந்த தீவிரவாதத்தை முறியடிக்கும் முகமாகவும் கதை அமைக்கப்பட்டிருக்கலாம். அல்லது முஸ்லிம்களின் மேல் அநியாயத்துக்கு பொய் கூறி அவர்கள் அனைவரையும் தீவிரவாதிகளாக்கி விட்டனர் என்ற ரீதியில் முஸ்லிம்களை நல்லவர்களாகவும் காட்டலாம். படம் வந்தவுடன்தான் கதையின் போக்கு தெரியும். "விஸ்வரூபம்" படத்தை கேன்ஸ் பட விழாவுக்கு அனுப்பும் விருப்பத்தில் இருக்கிறார் கமல். படப்பிடிப்பு தற்போது இறுதிக் கட்டத்தில் உள்ளது. ஓரிரு வாரத்தில் படத்தை முடித்துவிட்டு படவிழாவுக்கு அனுப்பும் வேலையை துவங்கவிருக்கிறார்.




நான் கமலஹாசனுக்கு சொல்லிக் கொள்வது: நீங்கள் படத்தின் கதையை எப்படி வேண்டுமானாலும் கொண்டு செல்லுங்கள். ஆனால் அதில் உண்மையை சொல்லுங்கள். குண்டு வெடிப்பு நிகழ்த்தியவர்கள் யார் என்பதையும் இதனால் பயன் பெற்றவர்கள் யார் என்பதையும் ஒளிக்காமல் மக்கள் மன்றத்துக்கு முன் கொண்டு வாருங்கள். கோவாவில் மர்கோவாவில் தீபாவளியன்று குண்டு வெடிப்பில் ஈடுபட்ட சில இந்துத்வவாதிகள் தவறாக குண்டு வெடித்ததால் அவர்களிலேயே சிலர் இறக்கின்றனர். மற்றும் சிலர் தப்பியோடி தமிழகம், கேரளம், கர்நாடகாவில் பதுங்கியிருப்பதாக நம்பத்தகுந்த செய்திகள் வெளியாயின. தீபாவளியன்று வெடிக்கச் செய்தால் சிறுபான்மை மக்களின் மீது இந்துக்களின் கோபம் திரும்ப வேண்டும் என்பது அந்த கயவர்களின் நோக்கம். ஆனால் அதில் அவர்களே பலியாகி சிலர் தலைமறை வாயிருக்கின்றனர். இதை இணைய தளங்களில்தான் காண முடிந்தது.

Police in Margao, Goa, have arrested a man with alleged links to a Hindu right-wing group ''Sanatan Sanstha'' in connection with the recent blasts in the area in which two persons were killed.
The man, who is yet to be identified, was picked up from the outfit's office by sleuths of Maharashtra's Anti-Terrorism Squad (ATS) and Goa Police.

A search of the Sanstha office in Nesai near Margao town was conducted, police confirmed. They said the outfit was suspected to have links with 2008 Malegaon blast accused Sadhvi Pragya Singh Thakur.
In an attempt to crack the case quickly, the state government has formed a Special Investigating Team (SIT) to probe

http://www.indianexpress.com/news/margao-blast-goa-police-arrest-one-hindu-rightwinger/530511/

தமிழகத்தின் முன்னணி பத்திரிக்கைகளான தினமலரோ தினமணியோ குற்றவாளிகள் மறைந்துள்ள செய்தியைப் பற்றி ஒரு வரி கூட எழுதவில்லை. குற்றவாளிகள் தமிழகத்தில் மறைந்துள்ள விபரத்தை சாமர்த்தியமாக கண்டு கொள்ளாமல் விட்டுள்ளனர். நம்மவன் செய்தால் கண்டு கொள்ளாமல் இருப்போம் என்ற மனோ பாவமே பலரை தைரியமாக குற்றச் செயல்களில் ஈடுபடச் செய்கிறது. அப்பாவிகளை கொல்லவும் வழி வகை செய்கிறது. இந்த நிலை முதலில் நம்மிடமிருந்து மாற வேண்டும். தேச துரோக செயலில் ஈடுபடுபவன் நம் சொந்த சகோதரனேயானாலும் அவனை சட்டத்தின் முன் நிறுத்தும் மனோ பாவம் நம் அனைவருக்கும் வர வேண்டும். முஸ்லிம் தவறு செய்திருந்தாலும், இந்து தவறு செய்திருந்தாலும், கிறித்தவனோ அல்லது கம்யூனிஸ்டோ, ஆர்எஸ்ஸோ, இந்து முண்ணனியோ யார் குற்ற செயலில் ஈடுபட்டாலும் பாரபட்சமின்றி செய்திகளை வெளியிடுபவையாக நமது ஊடகங்கள் மாற வேண்டும. அதை இந்த படம் பூர்த்தி செய்கிறதா என்று பார்ப்போம்.

--------------------------------------

அடுத்து சுதந்திர போராட்டக் காலத்தில் சிறையில் இருந்த கமலின் தந்தைக்கும் அதே செல்லில் சிறையில் இருந்த ஹாஸன் என்ற முஸ்லிமுக்கும் நட்பு வளர்கிறது. ஹாஸனின் நற்பண்புகளால் கவரப்பட்ட கமலின் தந்தை தனது குழந்தைகளுக்கு சந்திர ஹாஸன், சாரு ஹாஸன், கமல ஹாஸன் என்ற பெயரை வைக்கிறார். இந்த பெயர்க் காரணம் பற்றி கமல் கூறுவதைக் கேட்போம்.

"அமெரிக்காவில் ஷாரூக்கானுக்கு நடந்ததைப் போன்ற அனுபவம் எனக்கும்தான் ஏற்பட்டது. அதற்காக நான் வருத்தப்படவில்லை. அந்த பிரச்சினையை நான் ரசிக்கிறேன். சொல்லப்போனால் என் பெயரையே Qamal Hassan என்று மாற்றப் போகிறேன்", என்கிறார் கமல்!

இந்தி நடிகர் ஷாருக்கானை அமெரிக்கர்கள் விமான நிலையத்தில் தடுத்து நிறுத்தி விசாரணை நடத்தினார்கள் அல்லவா. இதுபற்றி கமலிடம் கருத்து கேட்டபோது, "ஷாரூக்கானை மட்டுமா... என்னையும் கூடத்தான் சந்தேகமா பார்க்கிறார்கள் அமெரிக்கர்கள். அங்கு இது சகஜம்தான். இதுக்காக ஏன் டென்ஷனாகனும்," என்றார்.

அவர் மேலும் கூறுகையில், "எனது பெயரை உச்சரிக்கும்போது முஸ்லிம் பெயர்போல் தோன்றும். எனது தந்தை பெயர் வைக்கும் போதே இதுபோன்ற சந்தேகங்கள் வரும் என்று தெரிந்துதான் வைத்தார்.

அடிக்கடி என்னிடம் உனது பெயரை பற்றி யாரேனும் விசாரித்தார்களா? முஸ்லிம் என்று நினைத்தார்களா? என்று கேட்பார் அப்பா.

நான் அமெரிக்கா போகும்போதெல்லாம், எனது பெயரும் அமெரிக்கர்களுக்கு குழப்பத்தை ஏற்படுத்தியுள்ளது. ஷாருக்கானுக்கு விமான நிலையத்தில் நிகழ்ந்த சம்பவம் எனக்கும் ஏற்பட்டது. கனடா விமான நிலையத்தில் என்னைத் தடுத்து நிறுத்தினார்கள். அரை மணி நேரம் என்னிடம் கேள்விகள் கேட்டார்கள். இப்படியெல்லாம் குழப்பம் வரும் என்று தெரிந்தே எனக்கு இப்பெயரை என் தந்தை வைத்துள்ளார்.

எனது சகோதரர்களுக்கு சந்திரஹாசன், சாருஹாசன் என பெயர் வைத்து விட்டு எனக்கு மட்டும் குறும்புத்தனமாக இந்த பெயரை சூட்டியுள்ளார். எனது பெயரை இதுபோல் சந்தேகமாக பார்த்து குழம்புவதை ஒருவிதத்தில் நான் ரசிக்கிறேன். சந்தோஷமாகவும் இருக்கிறது.

என் பெயரே கியூ என்ற ஆங்கில எழுத்தை முதலில் வரும் வகையில் மாற்றப்போகிறேன். அப்படி பெயர் வைப்பதன் மூலம் பிரச்சினைகள் வரவேண்டும். அவற்றை கண்டு நான் ரசிக்க வேண்டும்.

அமெரிக்காவின் இரட்டை கோபுரம் தகர்க்கப்பட்ட சம்பவத்தினால் அங்குள்ளவர்கள் எச்சரிக்கையாக இருக்கின்றனர். அதனால்தான் ஷாருக்கானை தடுத்து நிறுத்தியுள்ளார்கள். அது இயல்புதானே. இன்னொன்று அதுபற்றி ஷாருக்கானே கவலைப்படவில்லை. அதற்குள் ஆயிரம் கருத்துகள்.

இதுபோன்ற விஷயங்களுக்கு இந்தியாவிலிருந்து அவசரப்பட்டு கருத்து தெரிவிப்பதை முதலில் நிறுத்த வேண்டும்.

ஆப்கானிஸ்தான் மாணவர்கள் நமது நாட்டில் எளிதாக ரூம் எடுத்து தங்கிவிட முடியுமா? இதை யாரும் யோசிக்கிறீர்களா... இதற்கு தீர்வு என்ன என்றாவது யோசிக்கிறோமா... அதனால் நம்மிடம் உள்ள மூடத்தனத்தை முதலில் அகற்றப் பார்க்க வேண்டும்," என்றார்.

-----------------------------------------

உங்களின் தந்தை ஹாஸனின் நினைவாக வைத்த அந்த பெயருக்கு களங்கம் ஏற்படுத்தும் வகையில் திருமணம் ஆகாமலேயே உறவு வைத்துக் கொள்ளலாம் என்ற கருத்தை வெளியிட்டு அதன்படி வாழ்ந்தும் வருகிறீர்கள். இது சமூகத்தில் எவ்வளவு பெரிய பாதிப்பை ஏற்படுத்தும் என்பதை அறியாதவரல்ல நீங்கள். உங்கள் ரசிகர்கள் உங்களை முன்னுதாரணமாகக் கொண்டு அவர்கள் வாழ்விலும் கடைபிடிக்கும் அபாயம் உண்டு. பிறக்கும் குழந்தைகள் தன்னுடைய தகப்பன் யார் என்பதை அறியாமல் மனநோய்க்கு ஆளாவதை எந்த பெற்றோராவது விரும்புவாரா? பண்பாடு கலாசாரம் அனைத்தும் சீரழிக்கப்படும் என்பதை நீங்கள் உணரவில்லையா? உங்கள் படங்களில் ஆண் பெண் நெருக்கமான காட்சிகளையும் புகுத்தி அதிலும் முத்தக் காட்சிகளையும் தவறாமல் இடம் பெறச் செய்கிறீர்கள். இவை எல்லாம் சமூக அக்கறை உள்ள ஒரு கலைஞன் செய்யும் செயல்கள் அல்ல என்பதை உணராதவர் அல்ல நீங்கள். அல்லது நான் இரட்டை வேடம் போடுகிறேன் என்று பொதுவில் அறிவித்து விடுங்கள்.

படிக்கும் காலங்களில் இருந்து உங்கள் படங்களை தொடர்ந்து பார்த்து வந்தவன். சில ஆண்டுகளாக சினிமா பார்ப்பதையும் விட்டு விட்டேன். முன்பு ஒரு முறை சென்னை விமான நிலையத்தில் உங்களை சந்தித்து கைகுலுக்கி பேசியுமிருக்கிறேன். நீங்கள் மறந்திருக்கலாம். :-) நான் மறக்கவில்லை :-(. முன்பு என்னுள் அந்த அளவு பாதிப்பை ஏற்படுத்திய நீங்கள் குடும்ப வாழ்விலும் சமூக அக்கறையிலும் சிறந்து விளங்க வேண்டும் என்று விருப்பப் படுகிறேன்.

-----------------------------------------

“நம்மவர் என்ற படத்தில் நான் வரலாற்று ஆசிரியராக நடித்தேன். வரலாற்றுக் குளறுபடிகளைப் பற்றி நான் செய்த விமர்சனத்தை என்ன காரணத்திற்காகவோ சென்சாரில் வெட்டி விட்டார்கள். அதைச் சேர்க்க வேண்டுமென்று நான் வாதாடிய போதும் அவர்கள் ஏற்கவில்லை. அந்தப்பகுதி இதுதான்.

முகலாயர் படையெடுப்பு என்றும், வெள்ளையர் வருகை என்றும் நாம் பாடம் சொல்லித்தருகிறோம். முகலாயர்கள் இங்கு வந்து இங்குள்ள பெண்களையே திருமணம் செய்து கொண்டு இங்கேயே அரண்மனையைக் கட்டி ஆட்சி செய்தார்கள். இந்த நாட்டை அவர்கள் வளப்படுத்தினார்களே தவிர, இங்கு சுரண்டி ஆப்கானிஸ்தானுக்கு கொண்டு போய் சேர்க்கவில்லை.


ஆனால் ஆங்கிலேயர்கள் இங்குள்ள வளங்களை சுரண்டி பிரிட்டனில் சேர்த்து வைத்தார்கள். அவர்கள் இந்த நாட்டை தம் நாடாக ஒருபோதும் கருதியதே இல்லை. ஆனால் முகலாய மன்னர் பகதூர்ஷா ''இந்த நாட்டில் என் உடலை புதைக்க ஆறுகெஜம் நிலம் கிடைக்கவில்லையே என்று கண்ணீர்க் கவிதையை பர்மா சிறையிலிருந்து எழுதினார்'' என்று கூறியிருகிறார்.

இந்த நாட்டை வளப்படுத்தியவர்களை படையெடுத்தவர்கள் என்றும், சுரண்டியவ்ர்களை வருகை தந்தவர்கள் என்றும் எப்படி சொல்லலாம் என்பது நான் வைத்த விவாதம்"

சிங்கப்பூர் ஐஃபா கலை விழாவில் கமலஹாசன்

-----------------------------------------


நாத்திகர்களுக்கு இஸ்லாத்தின் மேல் எப்போதுமே ஒரு பாசம் இருக்கும். ஊர் முழுதும் நாத்திகத்தை பரப்பிய பெரியார் இஸ்லாத்தை பொறுத்தவரை மென்மையான போக்கையே கடை பிடிப்பார். அதே போல் தன்னை நாத்திகர் என்று சொல்லிக் கொள்ளும் கமல் தனக்கு முஸ்லிம் பெயர் இருப்பதை பெருமையாகக் கூறிக் கொள்கிறார். இஸ்லாத்தின் ஆணி வேரே ஓரிறைக் கொள்கை. அது எவ்வாறு ஆரம்பமாகிறது? 'லாயிலாஹா' அதாவது 'இறைவன் இல்லை': 'இல்லல்லாஹ்' அதாவது 'ஏகஇறைவனைத் தவிர'. ஆக நாத்திகக் கருத்தின் மூலமாகவே இஸ்லாத்தின் உறுதி மொழி ஆரம்பமாகிறது. எனவேதான் நாத்திகர்களுக்கு எப்போதும் ஒரு ஈர்ப்பு இஸ்லாத்தின் மேல் உள்ளதோ!