அமெரிக்க தேர்தலும் நமது எதிர்பார்ப்பும்!

அமெரிக்க அதிபர் தேர்தல் வாக்குப்பதிவு நடந்து கொண்டிருக்கும் நிலையில் பிரதான கட்சிகளின் இரு வேட்பாளர்களான, பராக் ஒபாமாவும், மிட் ரோம்னியும், கடைசி கட்ட பிரசாரங்களை முடித்திருக்கின்றனர். சாண்டி புயல் இடையில் கொஞ்சம் தொய்வை கொடுத்தாலும் தற்போது தேர்தல் ஜூரம் வழக்கம்போல் களை கட்டத் தொடங்கியுள்ளது.

சனிக்கிழமை அதிபர் ஒபாமாவும், முன்னாள் அதிபர் பில் கிளின்டனும் கூட்டாக முதன் முறையாக, கடும் மோதல் நடக்கும் வர்ஜீனியா மாநிலத்தில், தேர்தல் பிரச்சாரக் கூட்டம் ஒன்றில் உரையாற்றினர்.

போட்டி மிகப் பலமானதாக இருப்பதாகக் கருதப்படும் இந்த மாநிலத்தில், பிரிஸ்டோ என்ற நகரில் நடந்த இந்தக் கூட்டத்தில், ஏறக்குறைய 25,000க்கும் மேற்பட்ட மக்கள் கலந்துகொண்டனர். இந்த அளவு கூட்டம் கூடுகிறது என்றால் அந்த அளவு வேலையில்லாத மக்கள் அங்கும் உள்ளனர் என்று அர்த்தம். :-) டேவ் மேத்யூஸ் என்ற பிரபல இசைக்கலைஞரின் கச்சேரியுடன் தொடங்கிய இந்தக் கூட்டத்திற்கு வந்திருந்த கூட்டம் ஜனநாயகக் கட்சியினருக்கு உற்சாகத்தைக் கொடுத்திருக்கும் எனலாம்.
கூட்டத்தின் பிரதான பேச்சாளர், வேட்பாளர் பராக் ஒபாமாதான் என்றாலும், அதிகக் கைதட்டலும் ஆரவாரமும் என்னவோ முன்னாள் அதிபர் பில் கிளின்டன் உரையாற்றிய போதுதான் இருந்தது.

ஒபாமாவுக்கு ஆதரவாக கடுமையாகப் பிரச்சாரத்தை மேற்கொண்டிருக்கும் கிளின்டன் தொண்டை கட்டியிருந்த கரகரத்த குரலில் பேசினார். " என்னுடைய குரலை அதிபர் ஒபாமாவிற்கு சேவை செய்ய அர்ப்பணித்துவிட்டேன் " என்றார் நகைச்சுவையாக. பின்னே இருக்காதா? இவரது மனைவியின் எதிர்காலமும் ஒபாமாவின் வெற்றியில்தானே அடங்கியிருக்கிறது!

2008ல் பராக் ஒபாமா ஆட்சிக்கு வந்தபோடு சரிந்திருந்த அமெரிக்கப் பொருளாதாரத்தை தூக்கி நிறுத்த ஒபாமா எடுத்த முயற்சிகள் குறித்து கிளின்டன் விவரித்தார்.
இந்தக் கூட்டத்தில் பின்னர் பராக் ஒபாமா பேசும்போது, தான் சொன்னதைச் செய்பவர் என்ற கருத்தை வலியுறுத்தினார். இந்த டயலாக் நம்ம ஊர் அரசியல்வாதிகளிடமிருந்து காப்பி அடித்திருக்கிறார். எனவே இது சம்பந்தமாக யாரும் கோர்ட்டில் வழக்கு தொடரலாம். :-)

இராக்கில் போரை நிறுத்துவேன் அமெரிக்கப் படைகளை திரும்பக் கொண்டுவருவேன் என்ற உறுதிமொழியை நிறைவேற்றியது, போன்ற நிறைவேற்றப்பட்ட உறுதிமொழிகளை அவர் சுட்டிக்காட்டினார். ஒரு இடத்தில் வாபஸ் வாங்கினால் மற்றொரு இடத்தில் பிரச்னையை உண்டு பண்ணி அங்கு கொண்டு செல்லும் தந்திரம் நமக்கு தெரியாதா என்ன?

போட்டி கடுமையாகத்தான் இருக்கும் போல் இருக்கிறது. இருந்தாலும் கடைசி நேரத்தில் ஒபாமாவின் செல்வாக்கு அதிகரித்து அவரே வருவதற்கு அதிக வாய்ப்புள்ளதாக நினைக்கிறேன். ரோம்னி வந்தாலும் ஒபாமா வந்தாலும் அமெரிக்காவின் கொள்கைகளில் இம்மியளவு மாற்றமும் வந்து விடப் போவதில்லை. வேலையில்லா திண்டாட்டம் அதிகரித்தால் வளைகுடாவிலோ அல்லது மற்ற இளிச்சவாய நாடுகளிலோ ஏதாவது பிரச்னையை சிஐஏ, அல்லது மொசாதின் உதவியோடு உண்டு பண்ணி பாதுகாப்பு தருகிறேன் என்ற பெயரில் 4 வருடம் ஐந்து வருடம் ஆட்டையை போடும் இந்த தந்திரம் மாறப் போவதில்லை. எந்த ஜனாதிபதியானாலும் இந்த விஷயத்தில் ஒற்றுமையாக உள்ளனர்.

இவர்கள் இவ்வாறு ஆப்ரிக்கா ஆசியா கண்டங்களில் நடத்தும் ராணுவ நடவடிக்கைகளால் அப்பாவி பொது மக்களே பலியாகின்றனர். இதனாலதானோ என்னவோ அமெரிக்காவுக்கு ஏதாவது இயற்கை பேரிடர் வந்தால் பலர் மகிழ்ச்சியடைகின்றனர. இது போன்ற எண்ணங்கள் தவறுதான் என்றாலும் அமெரிக்கா அந்த அளவு உலக மக்களின் எதிர்ப்பை சம்பாதித்துள்ளது.

வரும் புதிய அரசாவது அந்நிய நாடுகளில் ஆக்கிரமிப்புகளை செய்யாமல் தனது சொந்த நாட்டு பொருளாதாரத்தை சொந்த மண்ணிலேயே சீராக்க முயற்சிக்க வேண்டும். பல பேருடைய வயிற்றெரிச்சலில் அமெரிக்க மக்களை சுகமாக எந்த நாளும் வைத்திருக்க முடியாது. இதை வரும் புதிய ஆட்சியாளர்கள் கவனத்தில் கொண்டால் அவர்களுக்கும் நல்லது நமக்கும் நல்லது.

-----------------------------------------------

கடைசி நேரத்தில் ஒபாமா முன்னுக்கு வந்து வெற்றி பெற்றதாய் செய்திகள் வந்துள்ளன. அவருக்கு வாழ்த்துக்கள். இந்த முறையாவது மற்ற நாடடு உள் விவகாரங்களில் தலையிடாமல் தனது நாட்டை முன்னேற்ற பாதையில் கொண்டு செல்ல வழி வகைகளை தேட வேண்டும். தேடுவாரா...அல்லது பழைய குருடி கதவை திறடியா.....
------------------------------------------------

டெங்கு ஜூரம் தமிழகத்தை விடுவதாக இல்லை. தொடர்ந்து குழந்தைகளின் மரணங்கள் பீதியடையச் செய்கின்றன. இன்று திருப்பூரில் குப்பை கூளங்களால் எழுந்த துர் நாற்றத்தால் பள்ளிக்கு விடுமுறையே அளித்துள்ளது நிர்வாகம். சுத்தத்திற்கு அந்த அளவு முக்கியத்துவம் கொடுக்கிறோம் நாம். இந்நோய்க்கு நாட்டு வைத்தியமாக இன்று மெயிலில் வந்த செய்தியை தருகிறேன். யாருக்காவது உபயோகப்படும் அல்லவா

டெங்குவுக்கு சூப்பர் மருந்து கிடைச்சாச்சே!!!

தற்போது டெங்கு காய்ச்சலால் பாதிப்பட்டவர்களின் எண்ணிக்கை அதிகமாக உள்ளது. பொதுவாக இந்த டெங்கு காய்ச்சல் கொசுக்களின் மூலமாக பரவுகிறது. இந்த நோய் வந்தால், கடுமையான காய்ச்சலுடன், உடலில் உள்ள இரத்த தட்டுக்களின் அளவு குறைவதோடு, தசை வலி, மூட்டு வலி போன்றவை ஏற்படும். சிலசமயங்களில் இந்த நோயால் மரணம் கூட ஏற்படும் வாய்ப்பு உள்ளது. இத்தகைய நோய்க்கு இதுவரை எந்த ஒரு சிறப்பான மருத்துவமும் இல்லை.

ஆனால் தற்போது பப்பாளி இலைகள் கிடைப்பதே கடினமாக உள்ளது. பப்பாளி இலையின் சாறு, உடலில் உள்ள இரத்த தட்டுக்களின் எண்ணிக்கையை அதிகரிக்கிறது என்று தற்போதைய ஆய்வில் கண்டுபிடிக்கப்பட்டுள்ளது.

அதிலும் அந்த ஆய்வை வன இந்திய மேலாண்மை கல்வி நிறுவனம், டெங்கு காய்ச்சலால் பாதிக்கப்பட்டவர்கள் ஐந்து பேரைக் கொண்டு சோதனையை நடத்தியது. இதில் அவர்களுக்கு பப்பாளி இலையின் சாறு கொடுக்கப்பட்டது. இதனால் பப்பாளி இலையின் சாற்றில் உள்ள சத்துக்கள், அவர்களுக்கு இருந்த டெங்கு காய்ச்சலை முற்றிலும் சரிசெய்துவிட்டது.

எப்படியெனில் பப்பாளி இலையின் சாற்றை பருகினால், காய்ச்சல் உள்ளவர்களின் உடலில் உள்ள இரத்த வெள்ளை அணுக்கள் மற்றும் இரத்த தட்டுக்களின் எண்ணிக்கை 24 மணிநேரத்திற்குள் போதிய அளவு அதிகரித்துள்ளது. மேலும் டெங்குவால் பாதிக்கப்படும் கல்லீரல் பிரச்சனை நீங்கி, கல்லீரல் நன்கு செயல்படும் என்றும் அந்த ஆய்வில் கூறப்பட்டுள்ளது.

அதுமட்டுமல்லாமல், பப்பாளியின் இலையில் ஆன்டி-மலேரியல் மற்றும் ஆன்டி-கேன்சர் பொருட்கள் உள்ளன என்றும் கண்டுபிடிக்கப்பட்டுள்ளது. ஆகவே இந்த இலையின் சாற்றை மலேரியா மற்றும் புற்றுநோயால் பாதிக்கப்பட்டவர்கள் சாப்பிட்டால், உடலில் இருக்கும் நோயை தடுக்கலாம் என்றும் கூறுகிறது.

மேலும் இந்த பப்பாளி இலையில் போதுமான ஊட்டச்சத்துக்களான வைட்டமின் ஏ, பி, ஈ போன்றவை இருப்பதால், உடலில் உள்ள நோய் எதிர்ப்பு சக்தி அதிகரித்து, எந்த ஒரு நோயும் ஏற்படாமல் தடுக்கிறது.

பப்பாளி இலையின் சாற்றை எப்படி சாப்பிடலாம்?

* முதலில் பப்பாளியின் இலையை நன்கு சுத்தமான நீரால் அலசிட வேண்டும். பின் அதனை கைகளால் நசுக்கி, அதிலிருந்து சாற்றை எடுக்க வேண்டும்.

* ஒரு பப்பாளி இலையின் சாற்றில் ஒரு டேபிள் ஸ்பூன் சாறு வரும்.

* இந்த சாற்றை ஒரு நாளைக்கு மூன்று முறை பருக வேண்டும். அதிலும் ஆறு மணிநேரத்திற்கு ஒரு முறை ஒரு டேபிள் ஸ்பூன் பருக வேண்டும்.


மருத்துவக் குறிப்புக்கு நன்றி : தட்ஸ்தமிழ்