கார் ஓட்ட அனுமதியும் எவரெஸ்ட் சிகரத்தை தொட்ட இஸ்லாமிய பெண்ணும்!

ஒரு வழியாக சூரா கவுன்சில் பெண்கள் கார் ஓட்டுவது சம்பந்தமான பிரச்னையை விவாதத்துக்கு எடுத்துக் கொண்டுள்ளது. சவுதிநாட்டு ஆண்கள், பெண்கள், கல்லூரி மாணவர்கள், வெளிநாட்டு முக்கியஸ்தர்கள் பலரின் எழுத்துப் பூர்வ வேண்டுகோளை ஏற்று அரசு இந்த ஆணையை பரிசீலனைக்கு எடுத்துக் கொண்டுள்ளது. இன்னும் ஓரிரு வாரத்தில் இதற்கான அறிவிப்புகள் வெளியிடப்படலாம்.

'பெண்கள் வாகனம் ஓட்டுவதற்கு இஸ்லாம் ஒரு தடை அல்ல. பல வெளிநாட்டு ஓட்டுனர்களின் எதிர்காலத்தையும், பெண்களின் பாதுகாப்பையும்தான் தான் பிரதான காரணமாக அரசு எடுத்துக் கொண்டது. நாட்டு மக்களின் பலரின் விருப்பம் பெண்களுக்கு அனுமதி வழங்க வேண்டும் என்ற ரீதியில் இருப்பதால் அரசு இதை நடைமுறைப்படுத்த உத்தேசித்துள்ளது.' என்கிறார் பத்திரிக்கையாளர் அப்துல்லா அப்துல் சத்தார்.

பிளாக்கர், பத்திரிக்கை துறை, யூட்யூப் போன்ற செய்தி ஊடகங்களின் தொடர்ந்த அழுத்தத்தினால் அரசு பெண்கள் வாகனம் ஓட்ட அனுமதிக்க முன் வந்துள்ளது. இந்த விஷயத்தில் காட்டமாக பதிவிட்ட கோவி கண்ணனும், இக்பால் செல்வனும் தற்போது சற்று நார்மலுக்கு வருவார்கள். எப்படியோ இந்த சட்டத்தினால் புதிய பிரச்னைகள் ஏதும் எழாமல் பெண்களின் முன்னேற்றம் அமைய வேண்டும் என்று பிரார்த்திப்போமாக!

எவரெஸ்ட் சிகரத்தைத் தொட்ட முதல் அராபிய பெண்மணி!

அமீரகததில் வாழ்ந்து வரும் பாலஸ்தீன பெண்மணியான சூசான் அல்ஹூபி எவரெஸ்ட் சிகரத்தைத் தொட்ட முதல் அராபியப் பெண் என்ற பெருமையை தட்டிச் சென்றார்.

'உலகின் மிக உயரமான எவரெஸ்ட் சிகரத்தை தொட்டதை எனது நாட்டு மக்களுக்கும் மொத்த அரபுல பெண்களுக்கும் அர்ப்பணிக்கிறேன். அதோடு இந்த பிராந்தியத்தியத்தில் அமைதியை கொண்டுவர பாடுபடும் இளைஞர்கள் வயோதிகர்களுக்கும் இந்த பயணம் சமர்ப்பணம்” என்கிறார் சூசான் அல் ஹூபி.

'எனது கனவு நனவானதை என் வாழ்நாளில் மறக்க முடியாது. இடது பக்கம் நேபாளின் மலைகளும், வலது பக்கம் சீனாவின் மலைப்பகுதிகளும் மேலிருந்து பார்த்தது மிகவும் பரவசத்தை ஏற்படுத்தியது. எங்கள் குழுவிலிருந்து மிக மிக தொலைவில் அத்தனை மலைகளையும் ஒருங்கே பார்தத்து எனது வாழ்நாளில் மறக்க முடியாது. நான் மலை ஏறும் போது உலகுக்கு ஒரு செய்தியை கூறினேன். அது அமைதியை நோக்கி பாலஸ்தீனம் சென்று கொண்டிருக்கிறது என்பது.' என்று சொன்னதாக பாலஸ்தீன செய்தி ஸ்தாபனமான வஃபா கோடிட்டுக் காட்டியது.

வரலாற்றில் பொறிக்கப்பட்ட இந்த பயணத்தை சவுதியில் உள்ள பாலஸ்தீன மக்களும் மகிழ்ச்சியுடன் கொண்டாடினர்.

'எங்களுக்கு இந்த செய்தி மிகுந்த சந்தோஷத்தைக் கொடுத்தது. ஆக்கிரமிப்பில் அலைக்கழிக்கப்படும் நாங்கள் சிறந்த பாடங்களை கற்றுக் கொண்டுள்ளோம். இன்றைய முக்கிய செய்தியாக எங்கள் நாட்டு பெண் சாதனை படைத்ததை தொலைக்காட்சியில் பார்த்து பரவசமடைந்தோம்' என்கிறார் யூசுப் சஹாதா. இவர் ஜெத்தாவில் வசித்து வரும் பாலஸ்தீன மக்கள் தொடர்பு அதிகாரியாவார்.

இவர் மேலும் கூறுகிறார் 'பாலஸ்தீனியர்களான நாங்கள் கஷ்டமான சூழ்நிலைகளிலிருந்து பல படிப்பினைகளைப் பெற்றுள்ளோம். ஆக்கிரமிக்கப்பட்ட எங்கள் நாட்டினால் பல சிரமங்களையும் வெல்ல பழகிக் கொண்டுள்ளோம். சிரமங்களை எதிர் கொள்ள ரொம்பவும் பழகி விட்டோம்.' என்கிறார் யூசுஃப்.

எமாத் அத்வான்- கிங்க் பஹத் யுனிவர்ஸிடியில் பெட்ரோலியத் துறை மாணவன் ' அல்ஹூபியின் சாதனையானது பாலஸ்தீனியர்களுக்கு மட்டுமல்ல எங்கள் நாட்டின் விடுதலைக்காக பாடுபடும் அனைத்து நாட்டு மக்களுக்கும் சொந்தமான சாதனை இது. என் நாடு எங்களிடம் இருந்து திருடப்பட்டுள்ளது. எனது சொந்த ஊரான ஹெப்ரானை இன்று இழந்திருக்கிறேன். இதை எல்லாம் வென்றே தீருவோம்' என்கிறார்.

அல் ஹூபி எவரெஸ்ட் சிகரத்தை எட்ட 51 நாட்கள் எடுத்துக் கொண்டிருக்கிறார். மே 21 ந் தேதி காலையில் இவரது முயற்சி பூர்த்தியானது. இந்த பயணத்தில் வெற்றி பெற சுமார் இரண்டு வருடம் இடை விடாத பயிற்ச்சியை எடுத்துக் கொண்டுள்ளார் இந்தப் பெண். இது வரை இந்த சிகரத்தை பல நாடுகளைச் சேர்ந்த 100 பெண்கள் ஏறி சாதனைப் படைத்துள்ளார்கள்.

அல் ஹீபி இதற்கு முன்னால் ஐரோப்பாவின் உயர்ந்த சிகரமான எல்பரஸையும் கடந்த முதல் அராபிய பெண் ஆவார். அடுத்து ஆப்ரிக்காவில் உள்ள கிளிமஞ்சரோ(எந்திரன் ஞாபகம் வருகிறதோ) மலையின் மிக உயரிய சிகரத்தையும் கடந்த முதல் அராபிய பெண்மணியும் இவரே ஆவார். இவர் மேலும் பல சாதனைகள் புரிய வாழ்த்துவோம்.

ஏறத்தாழ 100 ஆண்டுகளுக்கு முன்னால் யூதர்கள் தங்களுக்கு வாழ்ந்திட ஓர் இடம் வேண்டும் என வேண்டினர்.

பின்னர் பிரிட்டன், அமெரிக்கா, ஆகிய வல்லரசுகளுக்குப் பின்னால் பதுங்கினர்.

இந்த வல்லரசுகளின் உதவியோடு குள்ளநரித் தனமாக பாலஸ்தீனில் நுழைந்தனர்.

பாலஸ்தீனின் சொந்த குடி மக்களாகிய பாலஸ்தீனர்களை அங்கே இருந்து கொஞ்சம் கொஞ்சமாக விரட்டினார்கள். அத்தனை அடக்கு முறைகளையும் கட்டவிழ்த்து விட்டார்கள்.

ஆண்டுகள் நகர்ந்தன. நிலைமை தலைகீழாக மாறியது. இப்போது பாலஸ்தீனர்கள் தங்களுக்கு வாழ இடம் தாருங்கள் என கேட்க வேண்டிய நிலைக்குத் தள்ளப்பட்டனர்.

நியாய உணர்வுடையவர்களின் உணர்வுகள், முயற்சிகள் ஒன்றுபடுத்தப்பட்டாலன்றி இந்தக் கொடுமைகளை களைந்திட இயலாது.

'உங்களிடம் போருக்கு வருவோருடன் இறைவனின் பாதையில் நீங்களும் போர் செய்யுங்கள். வரம்பு மீறாதீர்கள்! இறைவன் வரம்பு மீறியோரை நேசிக்கமாட்டான்'

-குர்ஆன் 2:190