குருவியின் கூட்டை கலைக்க நினைக்கும் குரங்கு!

சிறு வயதில் நாம் பலரும் ஒரு கதையை படித்தும் சொல்லவும் கேட்டிருப்போம். ஒரு மரத்தில் ஒரு குருவி பல காலம் உழைத்து தனக்கும் தனது குஞ்சுகளுக்கும் ஒரு வீட்டைக் கட்டியதாம். சில நாட்களில் மழை காலமும் ஆரம்பமானது. அந்த வழியாக வந்த ஒரு குரங்கு மழையில் நனைவதில் இருந்து தப்பிக்க அங்கும் இங்கும் அலைந்து இலை தழைகளை தனது தலையின் மேல் வைத்துக் கொண்டு பரிதாபமாக நின்றது. இதைப் பார்த்த குருவி குரங்கின் மேல் பரிதாபப்பட்டு 'உன்னை விட சிறியவனான நான் ஓய்வுக்காக சிரமப்பட்டு ஒரு கூட்டை கட்டவில்லையா? என்னை விட பலசாலியான நீ ஒரு வீட்டைக் கட்டிக் கொள்ளக் கூடாதா?' என்று கேட்டது. வந்ததே கோபம் குரங்குக்கு! வேக வேகமாக மரத்தில் ஏறி குருவியின் கூட்டை கலைத்து சின்னாபின்னமாக்கி அதன் குஞ்சுகளையும் அங்கிருந்து விரட்டி விட்டது.

இந்த கதை யாருக்கு பொருந்துகிறதோ இல்லையோ! தற்போதய தமிழ் இணைய தளத்துக்கு இக்கதை சரியாக பொருந்தும்.

இஸ்லாம் என்ற ஒரு அழகிய வழி முறையில் எந்த சிக்கலும் இல்லாமல் தெளிந்த நீரோடையாக தங்களின் வாழ்க்கையை முஸ்லிம்கள் அமைத்துக் கொண்டுள்ளார்கள். உலகம் முழுவதும் குர்ஆனின் கட்டளைப்படி தங்களின் வாழ்க்கையை அமைத்துக் கொண்ட அனைத்து முஸ்லிம்களும் மன நிறைவான வாழ்க்கையையே வாழ்ந்து வருகின்றனர். இதை ஏதோ எழுத வேண்டும் என்பதற்காக சொல்லவில்லை. குர்ஆனின் சில கட்டளைகளை நடைமுறை படுத்தி வாழும் சாமான்யனான நானே இதை பலமுறை உணர்ந்திருக்கிறேன்.

இதைப் பார்த்து பொருக்காத சில இந்து நண்பர்களும் சில கிறித்தவ நண்பர்களும் பல நாத்திக நண்பர்களும் 'நமக்கு இப்படி ஒரு தெளிவான வாழ்வு இல்லையே! நமக்கு கிடைக்காத அந்த வாழ்வு முஸ்லிம்களுக்கும் கிடைத்து விடக் கூடாது. நம் வேதங்களைப் போலவே இஸ்லாமிய வேதங்களையும் இழிவு படுத்த வேண்டும். இஸ்லாமிய தூதர் முகமது நபியை எந்த வகையிலாவது இழிவாக்க வேண்டும்' என்று திட்டம் போட்டு வேலை செய்கின்றனர்.

இன்றைய இந்தியாவில் இந்துத்வவாதிகள் சொல்வதென்ன? 'முஸ்லிம்கள் இந்திய கலாசாரத்தை ஏற்றுக் கொண்டால் எங்களுக்கும் அவர்களுக்கும் எந்த பிரச்னையும் இல்லை.' என்பதுதான். நீங்கள் அல்லாவை வணங்கிக் கொள்ளுங்கள். அதோடு சேர்த்து ராமனையும் வணங்குங்கள். மெக்காவுக்கு போவதோடு நின்று விடாமல் காசி ராமேஸ்வரத்துக்கும் சென்று வாருங்கள். ரம்ஜான், பக்ரீத்தோடு சேர்த்து தீபாவளியையும் கிறிஸ்துமஸையும் கொண்டாடுங்கள். இதற்கு ஒத்துக் கொண்டு விட்டால் அத்வானி முஸ்லிம்களை தேசபக்தர்கள் என்று கொண்டாட ஆரம்பித்து விடுவார். இந்தியாவில் எங்கும் குண்டு வெடிக்காது. இஸ்லாம் அமைதி மார்க்கம் என்று இந்துத்வவாதிகளாலேயே பரப்பப்படும். ஆனால் இது எந்த காலத்திலும் நடை பெறபோவதில்லை. எப்படி புத்த மதத்தையும், சீக்கிய மதத்தையும், கிறித்தவ மதத்தையும் இந்துத்வா விழுங்கியதோ அதே போல் இஸ்லாத்தையும் விழுங்க நேரம் பார்த்து கொண்டிருக்கிறது. முயன்று பார்த்து முடியாமல் போய் இன்று இக்பால் செல்வன் போன்ற ஒரு சில பதிவர்கள் அந்த முயற்ச்சியில் இறங்கியுள்ளனர்.

முகமது நபி தன்னை வரைவதை தடை செய்தார். தனது காலில் யாரும் விழுவதையும் தடை செய்தார். காரணம் ஏசு கடவுளாக்கப்பட்டது போல் தனது இறப்புக்குப் பிறகு யாரும் தன்னை வணங்கி விடக் கூடாது என்பதே! உலகில் யாரும் இதுவரை முகமது நபியின் உருவத்தை வரைந்ததில்லை. ஏனெனில் நேரிடையாக பார்த்த எவரும் அந்த நேரத்தில் வரையவில்லை. எவனோ ஒரு கிறுக்கன் வரைந்த படத்தை போட்டு 'இது தான் முகமது நபி' என்று நிறுவ முயல்கிறார். இவரது எண்ணம் ஏசுவைப் போல் இந்த படத்துக்கும் முக்கியத்துவம் கொடுத்து பத்தோடு பதினொன்றாக இஸ்லாத்தையும் ஆக்க முயல்கிறார். இந்த படத்தை பார்த்து மக்கள் முகமது நபியையும் வணங்க ஆரம்பித்து விட்டால் கிறித்தவ மார்க்கத்தைப் போல் இஸ்லாத்தையும் ஆக்கி விடலாம் என்பது பலரது எண்ணம்.

இந்த விபரீதத்தை விளக்கி பல பதிவர்களும் எதிர்ப்பு காட்டவே 'என்னை பெரிய மனிதனாக்கி விட்டீர்கள். நான் கேட்ட கேள்விகளுக்கு பதில் எங்கே!' என்று சிறுபிள்ளைத்தனமாக கேட்கிறார். அவர் கேட்ட அனைத்து கேள்விகளும் பலராலும் பலமுறை கேட்கப்பட்டு தெளிவான விளக்கங்களும் கொடுத்தாகி விட்டது. இஸ்லாமிய பதிவர்களின் சில பதிவுகளை பார்வையிட்டாலே அனைத்துக்கும் விடை கிடைக்கும். புதிதாக இவர் எதையும் கேட்டு விடவும் இல்லை.

நாம் எந்த பதிலைக் கொடுத்தாலும் மழுப்பி விட்டு அடுத்த கேள்விக்கு ஓடி விடுவது இவரது வழக்கம்.

அடுத்து இவர் முக்கியமாக வைத்த ஒரு கேள்வி

// மகமதுவே இறுதித் தூதர் எனவும், மேன்மையானவர் எனவும் கருதுகின்றார்கள். ஆனால் குர்-ஆன் இயேசுவைப் புகழும் அதே சமயம், தெரிந்தோ தெரியாமலோ மகமதுவை இழிவடையச் செய்துவிட்டதோ என எண்ணத் தோன்றுகின்றது. ஒருவேளை கிறித்தவர்கள் குர்-ஆனை மாற்றி எழுதி இருப்பார்களோ ?//

இதற்கு சிரிப்பை தவிர என்ன பதில் சொல்வது? முகமது நபி காலத்திலேயே பலர் முழு குர்ஆனையும் மனனம் செய்திருந்தனர். பலர் ஓலைகளிலும், தோல்களிலும், எலும்புகளிலும் எழுதியும் வந்தனர். வசனம் இறங்கும் போது அதை குறிப்பெடுக்க அன்று தோழர்களும் தயாராகவே இருந்தனர். உஸ்மான் அவர்களின் காலத்தில் தொகுக்கப்பட்ட இரண்டு குர்ஆனின் பிரதிகள் இன்றும் துருக்கியிலம் தாஷ்கண்டிலும் பாதுகாக்கப்படுகிறது. ஓரிருவர் அல்ல பல ஆயிரக்கணக்கான நபர்களுக்கு பரிச்சயமான குர்ஆன் கிறித்தவர்களால் மாற்றப்பட்டிருக்கமோ? என்று சிந்திப்பவர் கண்டிப்பாக மனநலம் பிறழ்ந்தவராகத்தான் இருக்க முடியும்.

ஒரு நல்லவரை, ஒரு இறைத்தூதரை கண்ணியப்படுத்துதல் எப்படி முகமது நபியை குறைப்பதாகும்? முகமது நபியே இந்த குர்ஆனை தனது சொந்த முயற்சியில் இயற்றி இருந்தால் ஏசு, ஆப்ரஹாம், ஆதம் போன்ற பல தூதர்களின் சிறப்புகள் மறைக்கப்பட்டிருக்கும். தலைமையை விரும்பும் சாதாரண எந்த மனிதரும் செய்யக் கூடிய ஒன்று தான். ஆனால் முகமது நபி அவ்வாறு செய்யவில்லை. இது ஒன்றே இது முகமது நபியின் வார்த்தையல்ல. அனைவரையும் படைத்த ஏக இறைவனின் வார்த்தை என்று விளங்குகிறது.

ஒரு மனிதர் நபிகள் நாயகம் அவர்களிடம் வந்து 'இது அல்லாஹ் நினைத்ததும் நீங்கள் நினைத்தது மாகும்' என்று கூறினார். உடனே நபிகள் நாயகம் 'என்னையும் இறைவனையும் சமமாக ஆக்குகிறாயா? அவ்வாறில்லை. இறைவன் மட்டும் நினைத்ததுதான் இது' என்று கூறினார்கள்.

ஆதாரம்: அஹமத் 1742, 1863,2430

'முகம்மதே! அதிகாரத்தில் உமக்கு ஏதுமில்லை. அவன் அவர்களை மன்னிக்கலாம், அல்லது அவர்களைத் தண்டிக்காமல் விடலாம். ஏனெனில் அவர்கள் அநீதி இழைத்தவர்கள்.'
-குர்ஆன்: 3:128

'முஹம்மதே! நீர் விரும்பியோரை உம்மால் நேர் வழியில் செலுத்த முடியாது'
-குர்ஆன்: 28:56

'தன்னிடம் அந்த குருடர் வந்ததற்காக இவர்(முகமது நபி) கடுகடுத்தார். அலட்சியம் செய்தார்'
-குர்ஆன் 80:1

தனக்கு இறைத் தன்மை கொடுத்து விடக் கூடாது என்பதில் எந்த அளவு கவனமாக இருந்தார்கள் என்பதை இதிலிருந்து நாம் விளங்கலாம். தலைமையை விரும்பும் எவரும் இதை எல்லாம் தடை செய்ய மாட்டார்கள். இதை விட அதிகமாக குர்ஆனில் பல இடங்களில் முகமது நபியை கண்டித்தே பல வசனங்கள் வருகிறது. இதை எல்லாம் முகமது நபி வசதியாக மறைத்திருக்கலாம். இறை வாக்கு அனைத்தையும் உலகுக்கு சொன்னதிலிருந்து முகமது நபி இறைத் தூதர் என்பதும், குர்ஆன் இறை வேதம் என்பதும் மேலும் மேலும் நிரூபிக்கப்படுகிறது.

வேறு பல கேள்விகளுக்கும் அவ்வப்போது வந்து பதிலளிக்கிறேன்.