எதிர்ப்பில் வளர்ந்த இஸ்லாம்!

இன்று இணைய உலகில் இஸ்லாத்தை பரப்புவதற்காக முஸ்லிம்கள் நிறைய சிரத்தை எடுக்கிறார்கள் என்ற வாதம் வைக்கப்படுகிறது. இது உண்மைதானா இன்று இப்பதிவில் அலசுவோம்.

நான் இணையத்துக்கு எழுத வந்ததே பல இஸ்லாமிய எதிர் பதிவுகளைப் பார்த்துதான். தமிழ் மணத்தில் எந்த மதத்தை காட்டிலும் இஸ்லாத்தின் மேல் ஒரு அதீத வெறுப்பைக் கக்கி பல பதிவுகள் வந்த வண்ணம் இருக்கும். இந்து மதத்தை பகுத்தறிவாதிகள்தான் விமரிசிப்பார்கள். அதுவும் அந்த மதத்தை சேர்ந்தவர்களே! ஆனால் இஸ்லாத்தை பொறுத்தவரை இந்த எதிர்ப்பு மற்ற மதத்தவர்களிடமிருந்தே அதிகம் வரும்.

முக்கியமாக இஸ்லாத்தில் சிலை வழிபாட்டை கண்டிப்பதும், உலக மக்கள் அனைவரும் ஒருதாய் மக்கள் என்று கூறி வர்ணாசிரமத்தை இஸ்லாம் எதிர்ப்பதும் அவர்களின் எதிர்ப்புக்கு காரணமாக இருக்கலாம். இந்த குற்றச்சாட்டுகளை விபரமாக அலசி பல பதிவர்களும் பல பதிவுகளை எழுதி விட்டார்கள். இருந்தும் இன்னும் எதிர்ப்பு குறைந்த பாடில்லை. அவர்கள் அநியாயமாக குற்றச்சாட்டுகளை வைக்கும் போது அதற்கு பதிலளிக்கும் நிர்பந்தத்திற்கு நாமும் தள்ளப்படுகிறோம்.

அடுத்து இவர்கள் வைக்கும் குற்றச்சாட்டு 'வன்முறை மார்க்கம் இஸ்லாம்' என்பது. சில வருடங்களுக்கு முன்பு சமர்பதி எக்ஸிபிரஸ் ரயிலில் குண்டு, மாலேகானில் குண்டு வெடிப்பு, மக்கா மஸ்ஜிதில் குண்டு வெடிப்பு, கோவிலில் குண்டு வெடிப்பு என்று எங்கு பார்த்தாலும் குண்டு வெடிப்புகளும் அதைத் தொடர்ந்து முஸ்லிம்களும் கைது செய்யப்பட்டனர். இதை எல்லாம் பார்த்து 'ஏன் இப்படி முஸலிம்கள் ஆயுதங்களை கையில் எடுக்கிறார்கள்?' என்று சம்பந்தப்பட்டவர்கள் மேல் மிகுந்த கோபமும் வந்தது. ஏனெனில் இதில் இறந்தது அனைவருமே பொது மக்கள். இதை இஸ்லாம் வன்மையாக கண்டிக்கிறது. அடுத்து தனிப்பட்ட நபர்கள் யாரும் ஆயுதம் எடுப்பதையும் இஸ்லாம் தடுக்கிறது. ஏனெனில் குற்றவாளிகளை தடுப்பது எல்லாம் அரசின் வேலை.

ஆனால் ஹேமந்த் கர்கரே தலைமை ஏற்றவுடன் குண்டு வைத்தவர்கள் அனைவரும் இந்துத்வவாதிகள் என்ற உண்மை வெளி வந்து பரவலாக பலர் கைது செய்யப்படுகின்றனர். இவர்களின் கைதுக்கு பின்பு இந்தியாவில் எங்குமே குண்டுகளும் வெடிப்பதில்லை. இவை எல்லாம் நமக்கு தெரிந்த உண்மைகளே!

ஒருமுறை நான் எங்கள் ஊர் பள்ளியில் மாலை நேர தொழுகையை முடித்து விட்டு வெளியே வரும்போது ஒரு தாழ்த்தப்பட்ட நபரும் அவரது மனைவி இரண்டு குழந்தைகள் சகிதம் வெளியே காத்திருந்தனர்.. 'என்ன பிரச்னை?' என்று ஒரு பெரியவர் வினவியபோது, 'நாங்கள் இஸ்லாத்தை ஏற்க விரும்புகிறோம். எங்களுக்கு கலிமா(உறுதிமொழி) சொல்லிக் கொடுங்கள்' என்றனர். உடன் அனைவருமே பதறிபோய் 'என்னப்பா இது! நீ பிரச்னையை கிளப்பி விட்ருவே போலிருக்கே!ஏற்கெனவெ பல பிரச்னைகள் இங்கு! வெயியூரில் சென்று மாறிக் கொள்' என்றனர். அப்பொழுது எனக்கு பதினைந்து வயது இருக்கும். 'நான் ஒங்க ஊரை சேர்ந்தவன் பாய்! நான் எங்கு போவேன்? நீங்கள் தான் எனக்கு உறுதி மொழி சொல்லிக் கொடுக்க வேண்டும்' என்று அடம் பிடிக்க 'அப்படீன்னா... போலீஸிடமிருந்து ஒரு கடிதம் வாங்கி வா' என்று சொல்ல அவரும் வருத்தத்துடன் சென்று விட்டார்.

பிறகு வெளியூர் குடும்பத்தோடு சென்றவர் அங்கே இஸ்லாத்தை ஏற்று அந்த ஊரிலேயே செட்டில் ஆனார்.

இதை நான் எதற்கு சொல்கிறேன் என்று சொன்னால் முஸ்லிம்களிலேயே பலர் இது போன்ற காரியங்களை செய்வதற்கு தயங்குவர். கிறித்தவர்களைப் போல் ஒரு குரூப்பாக செயல்பட்டு இதே வேலையாக செயல்படுவதில்லை. அல்லது 'குருடன் பார்க்கிறான்' 'முடவன் நடக்கிறான்' என்று ஆங்காங்கே கூட்டம் நடத்துவதுமில்லை. பஸ்களில் வலுக்கட்டாயமாக நோட்டீஸ்களை கைகளில் திணிப்பதுமில்லை. விரும்பி ஏற்றுக் கொள்பவர்களை வரவேற்பார்கள். அவ்வளவே!

மற்றுமொரு சுவையான சம்பவம்:

சவுதிக்கு ஒரு கம்பெனிக்கு வந்த மதுரையை சேர்ந்தவர் இங்குள்ள நடவடிக்கைகளைப் பார்த்து இஸ்லாத்தை ஏற்கிறார். சில காலத்துக்கு பிறகு அவரது அக்காள் பையனையும் வீட்டு டிரைவராக வேறொரு அரபியிடம் அழைத்து வருகிறார். தேவர் சமுதாயத்தை சேர்ந்தவர். முன்னவரின் ஆலோசனைகளின் படி இவரும் இஸ்லாத்தை ஏற்கிறார். இது தெரிந்து அவரின் அரபி ' நீ எப்படி பாஸ்போர்டில் இந்து என்று போட்டு வந்தாயோ, அதன்படிதான் உன் நாட்டுக்கு செல்ல வேண்டும், ஏன் இஸ்லாத்துக்கு மாறினாய்?' என்று கோபப்பட ஆரம்பித்து விட்டார். அவரது மாமா அந்த அரபியிடம் சென்று 'இவன் முஸ்லிமாக மாறியதற்கு சந்தோஷப்படாமல், ஏன் கோபப்படுகிறாய்?' என்று கேட்டார். 'முஸ்லிமாக மாறினால் என்னிடம் இஸ்லாமிய சட்டங்களை பேச ஆரம்பித்து விடுவான். மாதாமாதம் சம்பளம் கொடுக்க வேண்டி வரும். ஒரு முஸ்லிமை வைத்து வேலை வாங்கிய அனுபவம் எனக்கு உண்டு' என்று சொன்னவுடன் இவருக்கு எதுவும் பேச முடியவில்லை. அந்த அரபிக்கு தெரியாமல் இஸ்லாத்தை கடைபிடித்து வருகிறார் அந்த நபர். அந்த அரபிக்கு பணத்தின் மீதுதான் கண் இருந்ததே தவிர அவர் இஸ்லாத்தை பின்பற்ற வேண்டும் என்ற எண்ணம் வரவில்லை.

அதே போல் பெரியார் தாசன் முன்பு ரியாத் வந்த போது 'நான் மெக்கா சென்று கஃபாவை பார்க்க வேண்டும்' என்று நண்பர்களிடம் சொன்னபோது 'அது உங்களால் முடியாது. அதற்கு முஸ்லிமாக இருக்க வேண்டும்' என்று பதிலளித்திருக்கிறார்கள். 'என்னை முஸ்லிமாக மாறு என்று அப்போது கூட யாரும் என்னை கேட்கவில்லை. இப்பொழுது கூட இந்த முடிவை நானாகத்தான் சொந்தமாக எடுத்தேன்' என்று வருத்தத்துடன் சொல்கிறார்.

நான் இதை எல்லாம் எடுத்து எழுத காரணம் முஸ்லிம்கள் திட்டம் போட்டு மத மாற்ற காரியங்களில் எங்கும் ஈடுபடுவதில்லை எனபதை சொல்வதற்காகவே.

அடுத்து இது போன்ற மதமாற்றங்களால் தமிழக கலாசாரம் மாறுபடும் என்று இக்பால் செல்வன் ஒரு வாதத்தை வைத்தார். முதலில் தமிழக கலாசாரம், இந்திய கலாசாரம் என்ன என்பதை வரையறுத்து கூறும்படி கேட்டிருந்தேன். அவர் இதுவரை பதிலும் அளிக்கவில்லை. ஒரு கலாசாரம் இன்னதென்று தெரியாமல் அது அழிந்து விடும் என்பது எத்தகைய வாதமோ தெரியவில்லை.

ஒருவர் அன்பழகன் என்ற பெயரில் இஸ்லாத்தில் வருகிறார். அந்த பெயரிலேயே அவர் இஸ்லாத்தில் தொடரலாம். ஆனால் ராமன், கிருஷ்ணன் போன்ற கடவுளின் பெயர்களை மாற்ற வேண்டும் என்று இஸ்லாம் கட்டளையிடுகிறது. அதே போன்று மொழிப் பற்றுக்கும் நாட்டுப் பற்றுக்கும் இஸ்லாத்தில் தடையே இல்லை. உலக மொழிகள் அனைத்தும் இறைவனால் அருளப்பட்டதாகத்தான் குர்ஆன் கூறுகிறது.

எனவே இஸ்லாம் வளருவதால் நமது நாட்டுக்கு பிரச்னை: நமது மொழிக்கு பிரச்னை: நமது உடைக்கு பிரச்னை என்று போட்டு குழப்பிக் கொள்ள வேண்டாம் என்று அறிவுறுத்துவதற்காகவே இந்த பதிவு.

1356. அனஸ்(ரலி) அறிவித்தார்.
நபி(ஸல்) அவர்களுக்குப் பணி விடை செய்து கொண்டிருந்த ஒரு யூதச் சிறுவன் திடீரென நோயுற்றான். எனவே, அவனை நோய் விசாரிக்க நபி(ஸல்) அவர்கள் அவனிடம் வந்து, அவனுடைய தலை மாட்டில் அமர்ந்து, 'இஸ்லாதை ஏற்றுக் கொள்!' என்றார்கள். உடனே அவன் தன்னருகிலிருந்த தந்தையைப் பார்த்தான். அப்போது அவர், 'அபுல் காஸிம் (நபி(ஸல்) அவர்களின் கூற்றுக்குக் கட்டுப்படு" என்றதும் அவன் இஸ்லாத்தை ஏற்றான். உடனே நபி(ஸல்) அவர்கள், 'இவனை நரகத்திலிருந்து பாதுகாத்த அல்லாஹ்வுக்கே சகல புகழும்" எனக் கூறியவாறு அங்கிருந்து வெளியேறினார்கள்.
Volume :2 Book :23

2678. தல்ஹா இப்னு உபைதில்லாஹ்(ரலி) கூறினார்.
ஒருவர் அல்லாஹ்வின் தூதரிடம் வந்து, இஸ்லாத்தைப் பற்றிக் கேட்கலானார். இறைத்தூதர்(ஸல்) அவர்கள், 'பகலிலும் இரவிலும் ஐந்து தொழுகைகள் (தான் இஸ்லாத்தில் கட்டாயக் கடமையான வணக்கம்)" என்று பதில் கூறினார்கள். அவர், 'இதைத் தவிர (வணக்கம்) ஏதும் என் மீது (கடமையாக்கப்பட்டு) உள்ளதா?' என்று கேட்க, 'இல்லை; நீ தானாக விரும்பிச் செய்யும் (உபரியான) வணக்கத்தைத் தவிர' என்று இறைத்தூதர்(ஸல்) அவர்கள் கூறினார்கள். மேலும், ரமளான் மாதம் நோன்பு நோற்க வேண்டும் என்றும் அவருக்குக் கூறினார்கள். அவர், 'இதைத் தவிர வேறேதும் என் மீது (கடமையாக்கப்பட்டு) உள்ளதா?' என்று கேட்க, 'இல்லை; நீ தானாக விரும்பிச் செய்யும் (உபரியான) வணக்கத்தைத் தவிர' என்று இறைத்தூதர்(ஸல்) அவர்கள் கூறினார்கள். மேலும், ரமளான் மாதம் நோன்பு நோற்க வேண்டும் என்றும் அவருக்குக் கூறினார்கள். அவர், 'இதைத் தவிர வேறெதும் என் மீது (கடமையாக்கப்பட்டு) உள்ளதா?' என்று கேட்க, 'இல்லை; நீ தானாக விரும்பி நோற்கும் (உபரியான) நோன்பைத் தவிர' என்று இறைத்தூதர்(ஸல்) அவர்கள் கூறினார்கள். மேலும், இறைத்தூதர் ஸகாத்தையும் அவருக்கு (எடுத்துக்) கூறினார்கள். அவர் 'இதைத் தவிர வேறெதும் என் மீது (கடமையாக்கப்ப்டடு) உள்ளதா?' என்று கேட்டார். 'இல்லை; நீ தானாக விரும்பிச் செலுத்தும் (உபரியான) ஸகாத்தைத் தவிர' என்று இறைத்தூதர்(ஸல்) அவர்கள் கூறினார்கள். அந்த மனிதர், 'அல்லாஹ்வின் மீதாணையாக! இதற்கு மேல் நான் அதிகமாகச் செய்யவும் மாட்டேன்; இதைக் குறைத்துச் செய்யவும் மாட்டேன்" என்று கூறியபடி திரும்பிச் சென்றார். இறைத்தூதர்(ஸல்) அவர்கள், 'அவர் உண்மையாகவே (இதைக்) கூறியிருந்தால், அவர் வெற்றியடைந்துவிட்டார்" என்றார்கள்.
Volume :3 Book :52

3865. அப்துல்லாஹ் இப்னு உமர்(ரலி) அறிவித்தார்.
உமர்(ரலி) இஸ்லாத்தைத் தழுவியபோது மக்கள் அவர்களின் வீட்டருகே ஒன்று திரண்டு, 'உமர் மதம் மாறிவிட்டார்" என்று சொலலலானார்கள். அப்போது நான் சிறுவனாக என் வீட்டுக் கூரை மீது அமர்ந்து கொண்டிருந்தேன் - அப்போது ஒருவர் பட்டு அங்கி ஒன்றை அணிந்து கொண்டு வந்து, 'உமர் மதம் மாறிவிட்டார். அதனால் என்ன? நான் அவருக்கு அபயம் அளித்திருக்கிறேன் (எனவே, அவரை யாரும் ஒன்றும் செய்ய முடியாது)" என்று கூறினார். மக்கள் (அவர் சொன்னதைக் கேட்டு) அங்கிருந்து கலைந்து சென்றுவிட்டதைப் பார்த்தேன். நான், 'யார் இவர்?' என்று கேட்டேன். மக்கள், '(இவர்தான்) ஆஸ் இப்னு வாஇல்" என்று பதிலளித்தார்கள்.
Volume :4 Book :63

4587. இப்னு அப்பாஸ்(ரலி) அறிவித்தார்
நானும் என் தாயாரும் (மக்காவில் இஸ்லாத்தை ஏற்றிருந்த) ஒடுக்கப்பட்ட பலவீனமான பிரிவினரைச் சேர்ந்தவர்களாயிருந்தோம்.
Volume :5 Book :65

5177. அபூ ஹுரைரா(ரலி) அறிவித்தார்
ஏழைகளைவிட்டுவிட்டு, செல்வந்தர்கள் மட்டுமே அழைக்கப்படும் வலீமா - மணவிருந்து உணவே உணவுகளில் மிகத் தீய தாகும். விருந்து அழைப்பை ஏற்காதவர் அல்லாஹ்வுக்கும் அவனுடைய தூதருக்கும் மாறு செய்தவராவார். 113
Volume :5 Book :67