டார்வினிடம் நான் கேட்கும் ஒரு முக்கியமான கேள்வி :-)

பரிணாமத்தைப் பற்றி பல பதிவுகள் வந்து விட்டன. டார்வினின் பரிணாமக் கொள்கைகளை ஆதரித்து நாத்திகர்களும், அதனை மறுத்து ஆத்திகர்களும் உலகமெங்கும் பல விவாதங்களை நடத்துகின்றனர். ஆத்திகர்கள் வைக்கும் பல கேள்விகளுக்கும் அறிவியல் பூர்வமாக டார்வினிஷ்டுகளால இன்று வரை பதிலளிக்க முடியவில்லை. இதில் இவருக்கு 200 வது ஆண்டை விழாவாகவும் கொண்டாடி மகிழ்கின்றனர் அவரது ஆதரவாளர்கள்.

உயிரினங்கள் தங்களின் வாழ்வில் ஏற்படும் பிரச்னைகளை சமாளிக்க ஆரம்பித்து கால சூழலுக்கு ஏற்ப பல பரிணாமங்கள் நடந்துள்ளதாக டார்வின் கூறுகிறார். இதற்கு பல லட்ச வருடங்கள் தேவைப்படும் என்றும் கூறுகிறார்.

இதற்கு அறிவியல் ஆதாரங்கள் எதனையும் அவரோ அவரது சிஷ்யர்களோ சமர்ப்பிக்கவில்லை.

உதாரணத்திற்கு ஒட்டகை சிவிங்கி எட்டாத உயரத்தில் இருக்கும் இலை தழைகளை சாப்பிட எத்தனித்து தனது கழுத்தை நீட்ட முயற்ச்சித்தது. இந்த முயற்ச்சியின் பலனாக பல பரிணாமங்கள் எடுத்து பல ஆண்டுகளுக்கு பிறகு தற்போது நாம் பார்க்கும் இந்த நிலையை அடைந்தது என்கிறார். அதே காடுகளில் வசிக்கும் மானுக்கு ஏன் இத்தகைய மாற்றம் ஏற்படவில்லை? மானும் ஒட்டகை சிவிங்கியைப் போல் இலை தழைகளை சாப்பிடக் கூடியதே! யானைக்கு தும்பிக்கை ஏன் வந்தது? கங்காருக்கு வயிற்றில் ஏன் பை வந்தது? அதற்கான காரணம் என்ன? இதற்கு அடுத்த பரிணாமத்தை வரலாறு எழுதப்படத் தொடங்கிய காலத்திலிருந்து ஒரு மாற்றத்தைக் கூட பதிவு செய்ய முடியவில்லையே ஏன்? என்று வரிசையாக கேள்விகளை அடுக்கிக் கொண்டே செல்லலாம்.

யானை, குதிரை என்று உலகில் உள்ள உயிரினங்கள் எல்லாம் இனப் பெருக்கத்திற்காகவும் உடல் சுகத்திற்க்காகவும் மற்றொரு துணையைத் தேடுகிறது. அது போன்ற உணர்வு மேலிடும் போது அனைத்து உயிரினங்களுக்கும் அதன் ஆண் உறுப்பு பழைய நிலையிலிருந்து மாற்றம் அடைந்து ஏற்கெனவே இருந்த நிலையை விட பெரிதாகிறது. 'பேகுலம்' (Baculam) என்ற சுருங்கி விரியும் தன்மை கொண்ட எலும்பு விசேஷமாக இந்த இடத்தில் இறைவனால் பொறுத்தப்பட்டுள்ளது. உடலில் உள்ள எந்த உறுப்பும் ஒரு முறை வளர்ந்தால் பிறகு பழைய நிலையை அடைவதில்லை. நகம் முடி போன்றவை வளர்ந்தால் வெட்டி அப்புறப்படுத்துகிறோம். ஆனால் மர்ம உறுப்புக்கு மட்டும் இறைவன் இத்தகைய விசேஷமான தன்மையை கொடுத்திருக்கிறான்.

யானை குதிரை போன்ற உயிரினங்களுக்கு தேவையின்பால் வெளியாகும் அந்த மர்ம உறுப்பு தனது தேவையை முடித்தவுடன் பழைய நிலையை அடைந்து உடலினுள் மறைந்து கொள்வதையும் பார்க்கிறோம். டார்வினின் கோட்பாட்டின் படி தேவையின் பால் ஒரு முறை வளர்ந்த அந்த உறுப்பு திரும்பவும் பழைய நிலையை அடைய தேவையில்லை. ஒவ்வொரு உயிரினமும் குறிப்பிட்ட இந்த உறுப்பை பல நூறு அல்லது பல ஆயிரம் தடவை தேவையின்பால் உபயோகப்படுத்தியும் மாறிய அதே நிலையில் இருப்பதில்லை. திரும்பவும் பழையபடியே தனது பழைய நிலையை அடைந்து விடுகிறது. ஒட்டக சிவிங்கிக்கு தேவையின்பால் கழுத்து நீண்டது போல் உயிரினங்களுக்கு குறிப்பிட்ட அந்த உறுப்பு நிரந்தர தன்மையை ஏன் அடையவில்லை?

இதற்கு டார்வின் என்ன பதிலைக் கொடுக்கிறார்? அல்லது அறிவியல் அறிஞர்கள் இதற்கு என்ன பதில் தருகிறார்கள்? எனக்கு விளங்கிக் கொள்வதற்காகவே இந்த கேள்வி. தெரிந்தவர்கள் கொஞ்சம் சொல்லுங்களேன். ஒருக்கால பரிணாமவியலை நான் சரியாக விளங்கிக் கொள்ளாமல் கூட இருக்கலாம்.

2:164. நிச்சயமாக வானங்களையும், பூமியையும் (அல்லாஹ்) படைத்திருப்பதிலும்; இரவும், பகலும் மாறி, மாறி வந்து கொண்டிருப்பதிலும்; மனிதர்களுக்குப் பயன் தருவதைக் கொண்டு கடலில் செல்லும் கப்பல்களிலும்; வானத்திலிருந்து அல்லாஹ் தண்ணீரை இறக்கி அதன் மூலமாக பூமியை இறந்த பின் அதை உயிர்ப்பிப்பதிலும்; அதன் மூலம் எல்லா விதமான பிராணிகளையும் பரவ விட்டிருப்பதிலும், காற்றுகளை மாறி, மாறி வீசச் செய்வதிலும்; வானத்திற்கும், பூமிக்குமிடையே கட்டுப்பட்டிருக்கும் மேகங்களிலும் - சிந்தித்துணரும் மக்களுக்கு (அல்லாஹ்வுடைய வல்லமையையும், கருணையையும் எடுத்துக் காட்டும்) சான்றுகள் உள்ளன.

4:1. மனிதர்களே! உங்கள் இறைவனுக்குப் பயந்து நடந்து கொள்ளுங்கள், அவன் உங்கள் யாவரையும் ஒரே ஆத்மாவிலிருந்துபடைத்தான், அவரிலிருந்தே அவர் மனைவியையும் படைத்தான்; பின்னர் இவ்விருவரிலிருந்து, அநேக ஆண்களையும் பெண்களையும் (வெளிப்படுத்தி உலகில்) பரவச் செய்தான்; ஆகவே, அல்லாஹ்வுக்கே பயந்து கொள்ளுங்கள்; அவனைக்கொண்டே நீங்கள் ஒருவருக்கொருவர் (தமக்குரிய உரிமைகளைக்) கேட்டுக் கொள்கிறீர்கள்; மேலும் (உங்கள்) இரத்தக் கலப்புடைய உறவினர்களையும் (ஆதரியுங்கள்) - நிச்சயமாக அல்லாஹ் உங்கள் மீது கண்காணிப்பவனாகவே இருக்கின்றான்.

19:67. யாதொரு பொருளுமாக இல்லாதிருந்த அவனை நிச்சயமாக நாம் முன்னர் படைத்தோம் என்பதை மனிதன் நினைத்துப் பார்க்க வேண்டாமா?

22:5. மனிதர்களே! (இறுதித் தீர்ப்புக்காக நீங்கள்) மீண்டும் எழுப்பப்படுவது பற்றி சந்தேகத்தில் இருந்தீர்களானால், (அறிந்து கொள்ளுங்கள்;) நாம் நிச்சயமாக உங்களை (முதலில்) மண்ணிலிருந்தும் பின்னர் இந்திரியத்திலிருந்தும், பின்பு அலக்கிலிருந்தும்; பின்பு உருவாக்கப்பட்டதும், உருவாக்கப்படாததுமான தசைக் கட்டியிலிருந்தும் படைத்தோம்; உங்களுக்கு விளக்குவதற்காகவே (இதனை விவரிக்கிறோம்): மேலும், நாம் நாடியவற்றை ஒரு குறிப்பிட்ட காலம் வரை கருப்பப்பையில் தங்கச் செய்கிறோம்; பின்பு உங்களை குழந்தையாக வெளிப்படுத்துகிறோம். பின்பு நீங்கள் உங்கள் வாலிபத்தை அடையும்படிச் செய்கிறோம். அன்றியும், (இதனிடையில்) உங்களில் சிலர் மரிப்பவர்களும் இருக்கிறார்கள்; (ஜீவித்து) அறிவு பெற்ற பின்னர் ஒன்றுமே அறியாதவர்களைப் போல் ஆகிவிடக்கூடிய தளர்ந்த வயது வரை விட்டுவைக்கப்படுபவர்களும் இருக்கிறார்கள்; இன்னும், நீங்கள (தரிசாய்க் கிடக்கும்) வரண்ட பூமியைப் பார்க்கின்றீர்கள்; அதன் மீது நாம் (மழை) நீரைப் பெய்யச் செய்வோமானால் அது பசுமையாகி, வளர்ந்து, அழகான (ஜோடி ஜோடியாகப்) பல்வகைப் புற்பூண்டுகளை முளைப்பிக்கிறது.

7:172. உம் இறைவன் ஆதமுடைய மக்களின் முதுகுகளிலிருந்து அவர்களுடைய சந்ததிகளை வெளியாக்கி, அவர்களைத் தங்களுக்கே சாட்சியாக வைத்து: “நான் உங்களுடைய இறைவன் அல்லவா?” என்று கேட்டதற்கு, அவர்கள் “மெய் தான். நாங்கள் சாட்சி கூறுகிறோம்” என்று கூறியதை (அவர்களுக்கு) நினைவூட்டுவீராக;(ஏனெனில் இது நினைவூட்டப்படாததனால்) நிச்சயமாக இதனை (மறந்து) விட்டுப் பராமுகமாக இருந்து விட்டோம் என்று மறுமை நாளில் நீங்கள் (யாருமே) சொல்லாதிருக்கவும்.

இந்த வசனத்தையும் மேலே அறிவியலார் வெளியிட்டிருக்கும் படத்தையும் ஒப்பிட்டால் நமக்கு பல உண்மைகள் விளங்கும்.

"ஓரு செல் உயிரினம் தானாக உருவாகி பிறகு பல லட்சம் வருடங்கள் பரிணாமம் ஏற்ப்பட்டு படிப்படியாக குரங்கு வரை வந்து பிறகு மனிதனாக உருவெடுத்தான்" –டார்வின்

பல காலமாக பலருக்கும் ஓரு சந்தேகம் உள்ளது. "கோழியிலிருந்து முட்டை வந்ததா, அல்லது முட்டையிலிருந்து கோழி வந்ததா"

இங்கிலாந்தின் ஷெப்பீல்டு மற்றும் வார்விக் பல்கலைக் கழக விஞ்ஞானிகள் கோழி முட்டையை சமீபத்தில் ஆய்வுக்கு உட்படுத்தினர்.

முட்டையின் ஓட்டுப்பகுதியை உருவாக்க OVOCLEIDIN (OC-17) என்ற புரோட்டீன் மிகவும் அவசியம் என்பதை அந்த விஞ்ஞானிகள் கண்டு பிடித்தனர். இந்த புரோட்டீன் கருவுற்ற கோழியின் சினைப்பையில் உற்பத்தியாகிறது என்பதையும் விஞ்ஞானிகள் கண்டறிந்தனர்.

இவர்கள் தொழில் நுட்பம் வாய்ந்த HECTOR என்ற கம்யூட்டரை ஆய்வுக்கு பயன்படுத்தினர். முட்டை ஓட்டின் அணுக்களின் கட்டமைப்பை ஆய்வு செய்தனர்.

புரோட்டீன் OC-17 இங்கு கிரியா ஊக்கியாக செயல்படுகிறது. கோழியின் உடம்பில் உள்ள கால்சியம் கார்பனேட் என்ற ரசாயன பொருளை கால்சைட் என்ற படிமங்களாக மாற்ற OC-17 உதவுகிறது. இந்த கால்சைட் தான் கடினமான முட்டை ஓடாக மாறுகிறது. கோழிக்குஞ்சு உருவாவதற்க்கு தேவையான கரு மற்றும் அதனைப் பாதுகாக்கும் திரவம் ஆகியவற்றை முட்டை ஓடு தன்னுள் வைத்துள்ளது என்று விஞ்ஞானிகள் அறிவித்துள்ளனர்.

இந்த ஆய்வுக்குழுவுக்கு செப்பீல்டு பல்கலைக் கழகத்தின் விஞ்ஞானி டாக்டர் காலின் ப்ரீமேன் தலைமை வகித்தார்.

இந்த ஆய்வின் மூலம் ஓவ்வொரு படைப்புக்கும் படைப்பாளன் இருந்தே ஆக வேண்டும் என்பது உறுதியாகிறது.

"மனிதனே! மரியாதைக்குரிய உனது இறைவன் விஷயத்தில் உன்னை ஏமாற்றியது எது? அவனே உன்னைப் படைத்து, உன்னை சீராக்கி, உன்னைச் செம்மைப் படுத்தினான். அவன் விரும்பிய வடிவில் உன்னை அமைத்தான்."