மலாலா யூசுஃப் குணமாகி பெற்றோருடன் உள்ளார்!

மலாலா யூசுஃப் குணமாகி பெற்றோருடன் உள்ளார்!

பாகிஸ்தானின் மலாலா யூசுஃப் தீவிரவாதிகளால் சுடப்பட்டு ஆபத்தான நிலையில் மருததுவ மனையில் அனுமதிக்கப்பட்டது நாம் அறிந்ததே! மேல் சிகிச்சைக்காக அவரை இங்கிலாந்து அனுப்பியது பாகிஸ்தான் அரசு. தீவிர சிகிச்சைக்குப் பிறகு முழு உடல் நலத்துடன் அருகில் உள்ள பெற்றோரின் இருப்பிடத்துக்கு நேற்று சென்றுள்ளார். இன்னும் மேலதிக சர்ஜரிகள் பாக்கி உள்ளதால் நான்கு வாரத்துக்கு பிறகு முழு உடல் நலத்தோடு பாகிஸ்தான் திரும்புவார் என்று எதிர் பார்க்கப்படுகிறது.

இவருக்கு சிகிச்சை அளித்த டாக்டர் டேவ் ரோஸர் சொலலும் போது 'தற்போது மலாலா யூசுஃப் மிகச் சிறந்த முன்னேற்றத்தைப் பெற்றுள்ளார். அவரது பெற்றோரோடும், சகோதரர்களோடும் சில நாட்கள் இருந்தால் நல்லது என்று நாங்கள் தீர்மானித்ததால் அவரை தற்போது மருத்துவ மனையிலிருந்து வெளியாக்கியுள்ளோம். இன்னும் சில வாரங்களில் சிறிய சிகிச்சைக்காக திரும்பவும் மருத்துவமனைக்கு கொண்டு வரப்படுவார்' என்றார்.

பாகிஸ்தான் மட்டுமல்ல உலகம் முழுவதும் இந்த சிறுமி நலம் பெற்று திரும்ப வர வேண்டும் என்று பிரார்த்தித்தோம். உலக மக்களின் பிரார்த்தனை வீணாகவில்லை. பழையபடி மலாலா யூசுஃப் தனது பணிகளை செய்ய வேண்டும். எந்த கருத்துகளாக இருந்தாலும் அது குர்ஆனுக்கு மாற்றமில்லாத வகையில் தனது கருத்து இருக்குமாறு இந்த சிறுமி பார்த்துக் கொள்ள வேண்டும். பெண் உரிமை என்று அளவு கடந்து சுதந்திரம் கொடுக்கப்பட்டதால் இந்தியாவிலும், மேற்குலக நாடுகளிலும் பெண்களின் நிலை எந்த லட்சணத்தில் இருக்கிறது என்பதை அறியாதவரல்ல மலாலா யூசுஃப். எனவே சமயோஜிதமாக நடந்து கொள்ள அவரது பெற்றோரும் அவருக்கு ஆலோசனை வழங்க வேண்டும்.

http://www.saudigazette.com.sa/index.cfm?method=home.regcon&contentid=20130105148200

தாலிபான்கள் தங்களின் நடவடிக்கைகளில் மாற்றங்களை கொண்டு வர வேண்டும். இல்லை என்றால் சமூகத்தால் ஒதுக்கப்படுவர். ஆனால் பல கொடூரங்களை தாலிபான்கள் பெயரில் நிகழ்த்துவது நேட்டோ படைகள்தான் என்று தாலிபான்கள் கூறுகின்றனர். உண்மை என்ன என்பதை நம்மால் அறிய முடியவில்லை.

-------------------------------------------------

பிலிப்பைனில் தொடர் துப்பாக்கி சூடு!

மணிலா- நேற்று வீடு வீடாக புகுந்து எட்டு பேரை கொன்றிருக்கிறான் ஒரு கயவன். இதில் பிரசவத்துக்காக காத்திருந்த ஒரு பெண்ணும் இறந்துள்ளது பெரும் சோகம்.

ரொனால்ட் பேயி என்ற இந்த கயவனை போலீசார் சுட்டுக் கொன்றுள்ளனர். முனிசிபல் தேர்தலில் தோல்வியுற்ற இவன் தனது மனைவியோடும் பிரச்னை பண்ணியுள்ளான். பிறகு வீட்டிலிருந்து வெளியேறி அளவுக்கதிகமாக மது அருந்தியுள்ளான். மது அருந்திய வெறி அவனை மிருகமாக்கியுள்ளது. தற்போது இதனால் எட்டு பேர் தங்கள் உயிரை இழந்துள்ளனர். பலத்த காயம் அடைந்த 11 பேர் மருத்துவ மனையில் அனுமதிக்கப்பட்டுள்ளனர்.

மதுவினால் வரும் கேட்டினைப் பாரீர். நமது அரசோ மது வருமானத்தைப் பெருக்க அதிகாரிகளுக்கு சுற்றறிக்கை அனுப்புகிறதாம். ஒரு சிறந்த அரசு செய்யக் கூடிய காரியமா இது?

-------------------------------------------------

பழம் பெரும் இந்தி திரைப்பட நடிகர் திலீப் குமார் (வயது 90) உம்ரா செய்வதற்காக ஜெத்தா வந்துள்ளார். திலிப்குமாரும் அவரது மனைவி சாய்ரா பானுவும், ஆசிப்பும், அவரது மருத்துவரும் மற்றும் சில உறவினர்களும் இறை கட்டளையை பூர்த்தி செய்யும் முகமாக ஜெததா வந்துள்ளனர்.

'இறைவன் கொடுதத இந்த பெரும் பாக்கியமான உம்ரா செய்யும் கடமையை இனிதே நிறைவேற்ற எனக்காகவும் எனது குடும்பத்துக்காகவும் இறைவனிடம் பிரார்த்தனை செய்யுங்கள்' என்று பத்திரிக்கையாளர்களிடம் திலீப் குமார் (யூசுஃப்) வேண்டுகோள் வைத்தார்.

திலிப் குமார் உம்ரா கடமையை நிறைவேற்ற சனிக்கிழமை (05-01-2012) மெக்கா வருவார் என்று எதிர்பார்க்கப்படுகிறது.