இப்படை தோற்கின் எப்படை வெல்லும் !!!

Tntj தொண்டன் அனுப்பிய அறிவுரை. படிப்பினை பெறவேண்டிய பதிவு

இப்படை தோற்கின் எப்படை வெல்லும் !!!

ஒரு படையின் உயிர்நாடி தளபதி தான் 
யுத்தத்தின் வெற்றி தோல்வி படைத்தளபதியை வைத்துத் தான் முடிவாகும்.

தளபதி செத்து கீழே விழுகிற போது அவனுடைய படையும் கீழே விழும் அவன் கையில் இருக்கும் கொடி கீழே விழும் போது அவனுடைய படையும் மண்டியிடும்.

இது தான் உலகம் கண்ட நியதி
அதனால் தான் எல்லாப் போர்களிலும் தளபதி தான் முதலில் குறி வைக்கப்படுவார்.

அந்த நியதியின் படி முஅத்தா போரில் தளபதியாக இருந்த ஜைத் (ரலி) அவர்கள் குறை வைக்கப்படுகிறார்கள், ஷஹீதாக்கப்படுகிறார்கள். ஆஹா முஸ்லிம்களின் தளபதி இறந்து விட்டார் போர் முடிந்து விட்டது முஸ்லிம்கள் இனி மண்டியிட்டு விடுவார்கள் என நினைத்துக் கொண்டிருந்த ரோமப் பேரரசின் கனவு தவிடுபொடியானது. அடுத்த தளபதியாக ஜாஃபர் (ரலி) கொடியை ஏந்துகிறார்கள்.ரோமப் பேரரசு திகைத்து நிற்கிறது. சரியென்று அவரின் கதையையும் முடிக்கிறார்கள், அதற்கடுத்த தளபதியாக அப்துல்லாஹ் (ரலி) வந்து நிற்கிறார்கள்.

என்ன ?? மூன்றாவது தளபதியா ?? !!!

தன் கண்களையே நம்ப முடியாமல் பார்த்தது ரோமப் பேரரசு சரியென்று நொந்து போய் மூன்றாவது தளபதியின் கதையை முடிக்கிறாரகள். நான்காவது தளபதியாக வந்து நிற்கிறார் அல்லாஹ்வின் வீர வாள் காலித் பின் வலீத் ரலி அவர்கள்.

எதிரிகளுக்கு ஒரு பேருண்மை விளங்கியது இங்கிருக்கிற அனைவரும் தளபதிகள் இந்த படையில் இருக்கும் கடைசி வீரன் மரணிக்கும் வரை இந்த படை பின்வாங்காது. அல்லாஹ்வைத் தவிர யாருக்கும் மண்டியிடாது. கொள்கையே தலைவன் என உறுதி கொண்ட சமுதாயம் இது என நபி ஸல் அவர்கள் உணர்த்தினார்கள்.

இன்று ஏகத்துவ எதிரிகளை நோக்கி அதே பாடத்தை சொல்கிறோம். எங்களின் கடைசி சகோதரன் உள்ள வரை இந்த படை தோற்காது. ஓயாது. பின்வாங்காது அல்லாஹ்வைத் தவிர எவனுக்கு முன்னாலும் மண்டியிடாது.

கொள்கைக்காகவும் ஜமாஅத்திற்காவும் ஊரை இழந்தோம். உறவுகளை இழந்தோம். உயிரையும் இழந்தோம். இன்று பிஜேவையும் இழக்கிறோம்
குறிப்பு (பிஜே ஒரு சாதரான மனிதனே)

இன்ஷா அல்லாஹ் எங்களின் இறுதிமூச்சு உள்ள வரை இந்த கொள்கையையும், ஜமாஅத்தையும் பாதுகாப்போம்.

இது தலை குனிய வேண்டிய தருணமல்ல
தலை நிமிர வேண்டிய தருணம்.

கடைசி ஒரு ஆள் இருக்கும் வரை இந்த பயணம் ஓயாது.