கோவிலா! கழிவறையா! மோடியும், ஜெயராம் ரமேஷூம்!

டில்லியில் கல்லூரி மாணவர்கள் மத்தியில் உரையாற்றிய, பா.ஜ., பிரதமர் வேட்பாளரும், குஜராத் முதல்வருமான நரேந்திர மோடி கூறியதாவது "என்னை இந்துத்துவா தலைவர் என்று கூறுகின்றனர். நான் இதை அனுமதிப்பதில்லை. என்னை பொறுத்தமட்டில், கழிப்பறைகள் கட்டுவதுதான் முதலில்; கோவில் கட்டுவது எல்லாம் இரண்டாம் பட்சம்தான். கிராமங்களில், லட்சங்களை கொட்டி கோவில் கட்டப்படுகிறது. ஆனால், அங்கு கழிப்பறைகள் இருப்பதில்லை. கழிப்பறை வசதி இல்லாததால், பெண்கள் அவதிப்படுவதை பற்றி, மகாத்மா காந்தி கவலைப்பட்டார். இது தான் சிறந்த தலைவருக்கான தகுதி. சிறந்த நிர்வாகமும், விரைவான வளர்ச்சியும் தான் இப்போது தேவை". இவ்வாறு, நரேந்திர மோடி கூறினார்.

மோடி கூறியதை போல், மத்திய ஊரகவளர்ச்சித்துறை அமைச்சர் ஜெய்ராம் ரமேஷ், "நாட்டில் இப்போது கோவில்களை விட அதிகமாக கழிப்பறைகள் தான் தேவை' என்று குறிப்பிட்டு இருந்தார். இதற்கு முன்பு கடும் எதிர்ப்பு கிளம்பியது.



இந்துத்வாவினர் அன்று இதற்கு எதிர்ப்பு தெரிவித்தனர்.



பிஜேபி தலைவர்களும் இதனை எதிர்த்தனர்.



அமைச்சர் ஜெயராம் ரமேஷின் அலுவலகம் முன்பு சிறுநீர் கழிக்கும் இந்துத்வாவினர். இனி நரேந்திர மோடியின் அலுவலகத்தின் முன்பும் இதுபோன்ற செயலை இந்துத்வாவினர் செய்வர் என்று எதிர்பார்க்கலாம். ஆட்சியில் இல்லாதபோதே இத்தனை அட்டூழியங்களை செய்து சட்டத்தை மீறும் இவர்களிடம் மோடி தலைமையில் இந்தியாவை ஒப்படைத்தால் எந்த நிலைக்கு கொண்டு செல்வார்கள் என்பதற்கு இதெல்லாம் ஒரு மாதிரிகள்.

மேலும் நேரத்துக்கு தகுந்தாற்போல் நிறம் மாறுவதில் மோடியை மிஞ்ச ஆள் இல்லை. ஆனால் மக்கள் மோடியின் கபட நாடகங்களை அறிந்தே வைத்துள்ளனர். தேர்தலுக்கு முன் இன்னும் எத்தனை நிறங்களை மாற்றப் போகிறார் என்பதையும் பார்ப்போம்.