மோடியை வம்பில் மாட்டி விட முயற்சிக்கும் அத்வானி!

உத்தரகாண்டின் பிதோரகரில் அல்மோரா மக்களவைத் தொகுதி பாஜக வேட்பாளர் அஜர் தாம்தாவை ஆதரித்து இன்று பிரச்சாரம் மேற்கொண்டபோது அத்வானி கூறியதாவது...

"பல்வேறு அரசியல் கட்சிகள் பிரச்சாரப் பேரணிகள் நடத்துவதற்கு பதிலாக, தேர்தலில் களமிறங்கும் பிரதமர் பதவிக்கான போட்டியில் இருப்பவர்களிடையே பொதுத் தளத்தில் விவாதம் நடத்தலாம்.

இதற்கான ஏற்பாட்டை தேர்தல் ஆணையம் மேற்கொள்ள வேண்டும். இந்திய ஜனநாயகத்தை மேலும் வலுப்படுத்துவதற்கு, இதுபோன்ற நடவடிக்கைகள் அவசியமாகிறது" என்றார் அத்வானி.

அமெரிக்க தேர்தலில், அதிபர் தேர்தலில் போட்டியிடுபவர்கள் நேருக்கு நேர் விவாதத்தில் ஈடுபடுவது அந்நாட்டு அரசியல் நடைமுறையில் உள்ளது. அதன் அடிப்படையிலேயே அவ்வாறான விவாதம் இந்தியாவிலும் நடத்தப்பட வேண்டும் என்று அத்வானி குறிப்பிட்டுள்ளார்.

இதன் மூலம் எப்படியாவது மோடியை சிக்கலில் மாட்டி விட அத்வானி முயற்சிக்கிறார். விவாதம் என்று வந்தால் மோடியை எதிர் தரப்பினர் குஜராத் கலவரம், மனைவியை மறைத்த விவகாரம், பெண் உளவு பார்த்த விவகாரம், ஹேமந்த் கர்கரேயின் மனைவி மோடி தந்த பண முடிப்பை வாங்க மறுத்ததன் பிண்ணனி, குஜராத் அமைச்சர் ஹரேன் பாண்டியா கொலை விவகாரம்(இன்று வரை நீதிக்காக இவரது பெற்றோர் போராடி வருகின்றனர்), இர்ஷத் ஜஹான் என்கவுண்டர் வழக்கு, குஜராத்தின் வறுமை நிலை என்று அத்தனையையும் மக்கள் மன்றம் முன்னால் கேள்வி கேட்க ஆரம்பிப்பர். இதற்கு மோடியால் என்ன பதிலை தர முடியும்?

கரன் தாப்பர் கேட்ட ஒரு கேள்விக்கே பதிலளிக்க முடியாமல் விக்கித்து தண்ணீர் கேட்டவர் இந்த மோடி. நேரிடையாக அதனையும் பார்த்தோம். எனவே அத்வானியின் யோசனை மோடியை பின்னுக்கு தள்ளவே உதவும். எனக்கு கிடைக்காத பிரதமர் பதவி மோடியே உனக்கும் கிடைக்க விட மாட்டேன் என்று சொல்லாமல் சொல்கிறார் அத்வானி. அத்வானியின் இந்த யோசனையை தேர்தல் ஆணையம் கணக்கில் எடுத்துக் கொண்டு ஆவண செய்ய வேண்டும். தேர்தல் முடிவுக்கு பிறகு மிகப் பெரும் குடுமிபிடி சண்டை பிஜேபியில் உண்டு.