மோடியின் வெற்றியைப் பற்றி.......

நான் எதுவும் கருத்து சொல்வதை விட கார்ட்டூனிஸ்ட் பாலா நேற்று இட்ட கார்ட்டூன் பல எண்ணங்களை வெளிப்படுத்தி விடும்.



மோடி வெற்றி பெற்றார் என்பதை விட காங்கிரஸின் கையாலகாத தனத்தால் கிடைத்த வெற்றியே இந்த பவனிக்கு காரணம் என்று சொல்லலாம். மோடி வந்தாலும் ஊழல் குறையப் போவதில்லை. விலைவாசி குறையப் போவதில்லை. வேலையில்லாத் திண்டாட்டம் தீரப் போவதுமில்லை. இன்னும் ஆறு மாதத்தில் இதனை ஓட்டு போட்ட சாமான்யன் உணரும் நேரம் தன் மேல் உள்ள வழக்குகளையும் ஆர்எஸ்எஸ் மேல் உள்ள வழக்குகளை எல்லாம் அதிகார மையத்தை வைத்து சரி செய்திருப்பார் மோடி. அதற்குத்தான் இத்தனை முஸ்தீபுகளும். இந்த வேலையை செய்து முடிக்கத்தான் அத்வானியை ஓரம் கட்டி விட்டு மோடியை முன்னிறுத்தியது ஆர்எஸ்எஸ்.

மோடி வந்து விட்டதால் இனி முஸ்லிம்களின் எதிர்காலம் கேள்விக்குறியோ என்று எவரும் பயப்பட தேவையில்லை. கலவரம் செய்பவர்களே இன்று ஆட்சிக் கட்டிலில் இருப்பதால் தங்களின் ஆட்சிக்கு அவப் பெயர் வந்து விடக் கூடாது என்பதால் அடக்கியே வாசிப்பர். இவர்கள் ஆட்சியை விட்டு இறங்கும் வரை குண்டுகளும் வெடிக்காது. :-) பாகிஸ்தானிலிருந்து எல்லை தாண்டி தீவிரவாதிகளும் வர மாட்டார்கள். ஏனெனில் அவர்களின் எஜமானர்கள் தற்போது ஆட்சிக் கட்டிலில் அமர்ந்திருப்பதால் உத்தரவு வரும் வரை அடங்கியே இருப்பர். தெகோடியா போன்றவர்களின் தூண்டுதலால் நாளை மோடி இந்துத்வாவை கையில் எடுத்தால் குஜராத் முஸ்லிம்களைப் போன்று மற்ற மாநில முஸ்லிம்கள் அமைதியாக இருந்து விடப் போவதில்லை. மேலும் வட நாடுகளில் ராமரின் பெயரால் சேர்த்த ஓட்டுக்களை தென் மாநிலங்களில் பிஜேபியால் கொண்டு வர முடியவில்லை. அடுத்து எங்கெல்லாம் இஸ்லாத்துக்கு எதிர்ப்பு அதிகமாகிறதோ அந்த இடங்களில் இஸ்லாம் அதிகம் வளர்ந்ததாகத்தான் சரித்திரம்.

முக நூலில் மாணிக் வீரமணி என்ற இந்து சகோதரரின் ஸ்டேடஸ் ஒன்றே எனது கருத்தை சரியென்று பிரதிபலிக்கும்.



தன்னை நம்பி ஓட்டளித்திருக்கும் கோடான கோடி சாமான்ய மக்களின் அபிலாசைகளை இனி வரும் ஐந்து வருடங்களில் மோடி நிறைவேற்ற பாடுபட வேண்டும். அதை விடுத்து பொது சிவில் சட்டம், ராமர் கோவில், பசு வதை என்று எதற்கும் உதவாத செயல்களை மோடி கையிலெடுத்தால் முன்பு வாஜ்பாய்க்கும், கல்யாண்சிங்குக்கு உபியிலும் ஏற்பட்ட கதிதான் இவருக்கும் ஏற்படும்.

பொறுத்திருந்து பார்ப்போம்... மோடியின் ஐந்து வருட ஆட்சியை....