நேற்றைய ஹைதரபாத் கலவரம் பற்றி.....

நேற்றைய ஹைதரபாத் கலவரத்தைப் பற்றி செய்திகளில் பார்த்திருப்போம். ஹைதரபாத் ராஜேந்தர் நகரில் கிஷன் பக் என்ற இடத்தில் சீக்கியர்களின் கொடி எரிந்து சாம்பலானதுதான் இந்த கலவரத்துக்கு காரணம். இதனால் கொதிப்படைந்த சீக்கிய இளைஞர்கள் இதற்கு காரணம் முஸ்லிம்கள்தான் என்று முடிவு கட்டி அப்பாவியாக அந்த வழியே சென்று கொண்டிருந்த வாஜித் அலி (வயது 38) என்ற இளைஞரை குத்தி கொன்று விடுகின்றனர். சம்பவ இடத்திலேயே பலியான வாஜித் அலியின் நிலையைப் பார்த்து கொதித்து போன முஸ்லிம்கள் ஒன்று திரண்டு வந்துள்ளனர். கல் வீச்சும் இரு தரப்பிலும் நடந்துள்ளது. கலவர இடத்துக்கு சில மணி நேரங்களில் வந்த காவல்துறை இஸ்லாமியர் தரப்பை நோக்கி சரமாரியாக சுட ஆரம்பித்துள்ளனர்.

அவ்வாறு நடத்திய துப்பாக்கி சூட்டில் பரிதாபமாக முஹம்மது சாஜூத்தீன் (வயது 42), நஜீர் (வயது 28) என்ற இரண்டு முஸ்லிம்கள் இறந்துள்ளனர். மொத்தம் இறந்தவர்கள் நான்கு என்று மற்றொரு செய்தி சொல்கிறது. 10க்கு மேற்பட்ட முஸ்லிம்கள் குண்டு காயங்களுடன் மருத்துவ மனையில் அனுமதிக்கப்பட்டுள்ளனர்.

இந்த கலவரத்துக்கு மூல காரணமான அந்த சீக்கிய கொடியை எரித்து யார்? அந்த கொடி நடப்பட்டிருந்த கடை மின்சார உபகரணங்கள் நிறைந்தது. அங்குள்ள வயர்களிலிருந்து தீப்பிழம்புகள் மின் கசிவினால் ஏற்பட்டு அது அந்த கொடியையும் எரித்துள்ளது. இது ஒரு மின் விபத்து என்று இந்தியன் எக்ஸ்பிரஸ் பத்திரிக்கையும் அங்குள்ளவர்களிடம் பேட்டி எடுத்து போட்டுள்ளது. சாதாரண ஒரு துணி கொடி மின் கசிவினால் ஏற்பட்ட விபத்தில் கருகியதற்கு எந்த சம்பந்தமும் இல்லாத 3 முஸ்லிம்களின் உயிர் பறிக்கப்பட்டுள்ளது.

பாதிக்கப்பட்ட மக்களை நோக்கியே போலீஸாரின் துப்பாக்கிகள் திரும்பியுள்ளன. மேலே பார்க்கும் படத்தில் மிகப் பெரிய கத்திகளோடு போலீஸாரின் பாதுகாப்போடு சீக்கியர்கள் நிற்பதை பார்க்கிறோம். எந்த ஆயுதங்களும் இல்லாமல் உள்ள முஸ்லிம்களை நோக்கி துப்பாக்கிச் சூடு. இதற்கு பெயர்தான் மதசார்பின்மையா?

சில நாட்களுக்கு முன்பு அஸ்ஸாமில் எதிர்த்து வாக்களித்த ஒரே காரணத்துக்காக இந்துத்வா கும்பல் 33 அப்பாவி முஸ்லிம்களை கொலை செய்ததை நாம் மறந்து விடவில்லை. ஹைதராபாத், அஸ்ஸாம், முஜாபர் நகர் என்று இதே போன்ற நிலை நாடெங்கும் நிகழ்ந்தால் இந்த நாட்டின் மீது வெறுப்புற்று ஒட்டு மொத்த முஸ்லிம்களும் தீவிரவாதிகளாக மாறினால் இந்த நாட்டில் அமைதி நிலவுமா? பெரியண்ணன் பாணியில் முஸ்லிம்களை மிரட்டியே காலத்தை ஓட்டுவோம் என்று இந்துத்வாவாதிகள் எண்ணினால் அவர்களின் எண்ணத்தை மாற்றிக் கொள்ளட்டும். ஏனெனில் இந்துத்வாவாதிகளான நீங்கள் இந்த உலகத்தை மட்டும் நேசிக்கக் கூடியவர்கள். ஆனால் முஸ்லிம்களோ மறு உலகையும் சேர்த்து நேசிப்பவர்கள். உங்களிடம் காவல் துறை இருக்கலாம்: நீதிமன்றமும் ஒரு சார்பாக செயல்படலாம்: ஆட்சியாளர்களும் உங்களுக்கு சார்பாக நிற்கலாம்: ஆனால் எங்களிடம் உண்மை இருக்கிறது: மாற்ற முடியாத இறை பக்தி இருக்கிறது. அந்த இறை பக்தியானது அநீதிக்கு எதிராக தங்களின் உயிரையும் அர்பணிக்கும் மனோ திடத்தை எங்களுக்கு கொடுத்துள்ளது. 'ஜிஹாத்', 'ஜிஹாத்' என்று கூறி வருகிறீர்களே அதனை நோக்கி உண்மையிலேயே முஸ்லிம்கள் நகர்ந்தால் இந்த நாட்டில் எந்த இனமும் அமைதியாக வாழ முடியாது. அத்தகைய நிலைக்கு முஸ்லிம்களை தள்ளிவிட வேண்டாம் என்று சூழ்ச்சி செய்து கலவரங்களை உண்டாக்கும் பிஜேபி, ஆர்எஸ்எஸ் அபிமானிகளுக்கு சொல்லிக் கொள்கிறோம்.