ஐ.பி.எஸ் அதிகாரி சஞ்சீவ் பட் நிரந்தர பணி நீக்கம் செய்யப்பட்டுள்ளார்!

ஐ.பி.எஸ். அதிகாரி சஞ்சீவ் பட், மோடியின் குற்றத்தை நிரூபிக்க முயன்ற ஒரே காரணத்துக்காக, குஜராத் அரசினால் தற்காலிகப் பணி நீக்கம் செய்யப்பட்டு, பின்னர் பொய்வழக்கில் கைது செய்யப்பட்டுச் சிறையிலும் வைக்கப்பட்டவர். இவர் மன நலம் பாதிக்கப்பட்டவர் என்று கூசாது பொய்யுரைத்தனர். 2002 இனப்படுகொலையின்போது அவர் அகமதாபாத் நகரின் உளவுத்துறை இணை ஆணையர். குஜராத் இனப்படுகொலை தொடங்கிய நாளான பிப்.27, 2002 அன்று மோடி நடத்திய உயர்மட்ட அதிகாரிகள் கூட்டத்தில் கலந்து கொண்டவர். “”இந்துக்கள் தங்களது கோபத்தை வெளிப்படுத்துவதைத் தடுக்காதீர்கள்” என்று மோடி அந்தக் கூட்டத்தில் வெளிப்படையாகவே உத்தரவிட்டதை, உச்ச நீதிமன்றம் நியமித்த சிறப்புப் புலனாய்வுக் குழுவிடம் பட் சாட்சியமளித்தார். அந்தச் சிறப்புப் புலனாய்வுக் குழுவும் மோடிக்கு ஆதரவாகச் செயல்படவே, தனது சாட்சியத்தையே உச்ச நீதிமன்றத்தில் பிரமாண வாக்குமூலமாக அவர் தாக்கல் செய்தார்.

இன்று அவர் இறுதியாக பணி நீக்கம் செய்யப்பட்டுள்ளார் ..

சஞ்சீவ் பட் அவர்களே! இன்று நீங்கள் வஞ்சிக்கப்பட்டு இருக்கலாம். ஆனால் இறைவனின் முன்னால் உங்களுக்கு உண்மையை உரத்துச் சொன்னதற்காக சிறந்த இடம் உண்டு. இந்த உலகில் ஆட்சி அதிகாரத்தோடு இறுமாப்போடு வாழ்ந்தவர்கள் எல்லாம் ஒன்றுமில்லாமல் போனார்கள். உங்களை பழி வாங்கியவர்களுக்கும் ஒரு நாள் வரும். அவர்களுக்கு மிகப் பெரிய இழிவை இறைவன் ஏற்படுத்துவான்.

இந்த நேர்மையான அதிகாரிக்கு தகுந்த வேலை கிடைக்க நாம் பிரார்த்திப்போம்.

எனது தொழுகையில் உங்களுக்காக தினமும் பிரார்த்திக்கிறேன் சஞ்சீவ் பட் அவர்களே!. நண்பர்களே! நீங்களும் இந்த நேர்மையான அதிகாரிக்காக இறைவனிடம் இரு கரம் ஏந்தி பிரார்த்தியுங்கள்.