தொளுகை செய்தால் அது ஹலாலாக இருக்குமா ?

//”கல்லறை வணங்கிகள்” என்று முஸ்லீம்களில் ஒரு சாராரை கிண்டல் செய்து கட்டுரைகளை சுவனப்பிரியன் வெளியிட்டு மகிழும் போது ஒரு பிரமாண்டமான கல்லறையில் போய் - ஒரு காலத்தில் இந்து அரண்மனையாக இருந்தது என்ற குற்றச்சாட்டும்உள்ள இடத்தில்

தொளுகை செய்தால் அது ஹலாலாக இருக்குமா ?//

-டாக்டர் அன்பு ராஜ்

-----------------------------------------

சுவனப்பிரியனின் பதில்:

கல்லறை வணங்கிகள் என்று நாங்கள் குறிப்பிடுவது நாகூர் தர்ஹா போன்ற சமாதிகளில் தங்களின் தலையை சாய்ப்பவர்களைப் பார்த்து. அங்கு அடங்கியுள்ள மகான் தங்களுக்கு நன்மை செய்வார், இறைவனிடத்தில் பரிந்துரை செய்வார் என்ற தவறான நம்பிக்கையில் தலையை சாய்க்கிறார்கள்.

ஆனால் தாஜ்மஹாலின் கதையே வேறு. அங்கு அடங்கியுள்ள சாஜஹானோ, மும்தாஜோ மகான்கள் என்று போற்றப்படுவதில்லை. அவர்கள் அருள் பாலிப்பார்கள் என்று முஸ்லிம்கள் நம்புவதும் இல்லை. மேலும் முஸ்லிம்கள் தொழும் திசையையும் நோக்குங்கள். மெக்காவை நோக்கியே அவர்களின் தொழுகை இருக்கிறது. தொழும் நபர்களுக்கு பின்புறம்தான் தாஜ்மஹால் உள்ளது. எனவே அங்கு வணக்கம் இறைவனுக்குத்தானேயொழிய அங்கு அடங்கியுள்ளவர்களுக்கு அல்ல.

ஒரு கணவன் தனது மனைவியின் மீது எந்த அளவு அன்பு வைத்திருந்தான் என்பதை பறை சாற்றுகிறது இந்த கட்டிடம். அத்தனை அழகாகவும் வடிவமைக்கப்பட்டுள்ளது. அந்த அழகை கண்டு ரசிக்கவே உலகம் முழுவதிலும் இருந்து கோடிக்கணக்கான நபர்கள் இந்தியா நோக்கி வருகின்றனர். இதனால் இந்தியாவுக்கு அந்நிய செலாவணி கணக்கின்றி கொட்டுகின்றனது.

இறந்தும் அந்த மன்னன் இந்தியாவுக்கு பொருளாதாரத்தை சுற்றுலாத் துறை மூலம் வாரி வழங்கி வருகிறான்.

ஆனால் இஸ்லாமிய பார்வையில் தாஜ்மஹாலுக்கு செலவழித்த தொகை அதிகமே. அந்த பணத்தை கங்கையையும் காவிரியையும் இணைக்க பயன்படுத்தியிருக்கலாம். இந்தியா முழுக்க மரங்களை நட்டு குளங்களை வெட்டி தண்ணீருக்கு வழி வகை செய்திருக்கலாம். ஆனால் மற்ற இந்து மன்னர்களோடு ஒப்பிடும் போது முகலாய மன்னர்கள் இந்திய மண்ணுக்கு தங்களால் இயன்ற நன்மைகளை செய்து விட்டே சென்றுள்ளனர். இவர்களின் பூர்வீகம் ஆப்கானிஸ்தானாக இருந்தாலும் இந்திய மண்ணிலேயே பல தலைமுறைகளாக வாழ்ந்து இந்திய மண்ணிலேயே அடக்கமும் செய்யப்பட்டுள்ளனர்.

தாஜ்மஹால் முன்பு இந்து அரண்மனையாக இருந்தது என்ற வாதம் வடி கட்டிய பொய். தொல்லியல் துறை இதனை மறுத்துள்ளது. அதே நேரம் சைவர்கள் சமண கோவில்களையும் பவுத்த விஹாரைகளையும் இந்து கோவிலாக மாற்றியதை தொல்லியல் துறையும் ஒத்துக் கொண்டுள்ளது. அனைத்தையும் அவர்களிடமே திருப்பி தந்து விடலாமா? :-)