கங்கை நீரால் கழுவி விட்ட மூடத்தனம் உத்தரப்பிரதேசத்தில் நடந்துள்ளது.

லக்னோ, ஜூலை 30 -

கங்கை நீரால் கழுவி விட்ட மூடத்தனம் உத்தரப்பிரதேசத்தில் நடந்துள்ளது.

உத்தரபிரதேச மாநிலம் ஹமீர்பூர் மாவட்டம், முஸ்காரா கர்ட் கிராமத்தில் உள்ள ஒரு கோவிலுக்கு, ராத் தொகுதியை சேர்ந்த பாஜக பெண் எம்எல்ஏ-வான மனிஷா அனுராகி கடந்த ஜூலை 12-ஆம் தேதி, விழா ஒன்றுக்காக வந்து சென்றுள்ளார்.

இதையடுத்து, ஊர்ப்பஞ்சாயத்தைக் கூட்டிய சுவாமி தயானந்த மகந்த் என்பவர், "பல நூற்றாண்டுகளாகவே பெண்கள் வழிபடத் தடை விதிக்கப்பட்ட கோயில் என்றும்,இது மகாபாரத காலத்தில் இருந்து இருக்கும் கோயிலென்றும் " கதைவிடத் துவங்கியுள்ளார்.

இதைத் தொடர்ந்து கங்கை நீரால் கோவில் சுத்தப்படுத்தப்பட்டது. தற்போதுள்ள சூழ்நிலையில் கங்கை நதியில் உள்ள அசுத்தங்கள் சொல்லி மாளாது. அந்த தண்ணீர் பயன்படுத்த தகுதியற்றது என்று அரசு தெரிவித்துள்ளது. அந்த தண்ணீரை கொண்டு வந்து கோவிலை சுத்தப்படுத்தினால் கோவில் சுத்தமாகும் என்கிறீர்கள்?

இதனிடையே, தலித் பாஜக பெண் எம்.எல்.ஏ. மனிஷா அனுராகி, கோவிலுக்குள் பெண்கள் செல்ல தடை விதிக்கப்பட்டது தனக்கு தெரியாது என்று அப்பாவித்தனமாக கூறி உள்ளார்.

பெண்களை தெய்வம் என்கிறார்கள் ஒரு சாரார். மற்றொரு சாரார் கோவிலுக்குள் நுழைந்தாலே தீட்டு என்கின்றனர்.