கொலை செய்யும் அளவுக்கு ராம் குமார் ஏன் போனான்!

கொலை செய்யும் அளவுக்கு ராம் குமார் ஏன் போனான்!

ராம்குமார்(24) பொறியியல் பட்டதாரி , அப்பா பிஎஸ்என்எல் ஊழியர், தம்பி , தங்கை என அளவான குடும்பம். கூட்டு குடும்பமாக வசித்து வருகின்றனர். ராம்குமார் பேஸ்புக் சாட்டிங்கில் இருந்த போது ஏதோ ஒரு வகையில் ஸ்வாதியின் உறவு கிடைத்துள்ளது. பின்னர் ஸ்வாதியை பார்க்க சென்னை வந்த ராம்குமாரை நேரில் பார்த்த ஸ்வாதி ஒதுங்கி சென்றுள்ளதாக கூறப்படுகிறது. இதனால் ஆத்திரம் அடைந்த ராம்குமார் பின்னாலேயே தினமும் துரத்தி வாக்குவாதம் செய்துள்ளார்.

ஸ்வாதிக்கு ஏற்கனவே காதலன் இருப்பதும் தெரிந்து ராம்குமார் இன்னும் டென்ஷன் ஆகி தினமும் ஸ்வாதியை நெருக்க ஆரம்பித்துள்ளார். இதை பட்டும்படாமலும் தனது குடும்பத்தாரிடம் ஸ்வாதி கூறியுள்ளார். சூளைமேட்டிலேயே ஏ.எஸ்.என்ற மேன்ஷனில் ரூம் எடுத்து தங்கி மூன்று மாதமாக ஸ்வாதி மனதை கரைக்க முயற்சித்துள்ளதாக கூறப்படுகிறது.

தினமலர்
04-07-2016

http://www.dinamalar.com/news_detail.asp?id=1555508

தினமலரின் இந்த செய்தியின் அடிப்படையில் ராம்குமார் சென்னை வருவதற்கு முன்பே சுவாதியோடு முக நூலில் தொடர்பு கொண்டு பழக்கமாகியுள்ளான். அந்த பழக்கத்தின் அடிப்படையில் சுவாதியின் மீது காதல் உண்டாக அந்த பெண்ணை நேரில் சந்திக்க சென்னை வந்துள்ளான். அந்த பெண் தங்கியுள்ள சூளை மேட்டிலேயே இவனும் வாடகைக்கு வீடு எடுத்துள்ளான். நேரில் பார்த்த அவனை சுவாதிக்கு பிடிக்கவில்லை. பிஇ முழுவதும் முடிக்கவில்லை என்ற செய்தியும் தெரிகிறது. மேலும் சுவாதிக்கு வேறொரு காதலன் இருப்பதும் இவனுக்கு தெரியவே தன்னை ஏமாற்றி விட்டதாக எண்ணி அது வன்மமாக மாறி கொலை செய்யும் அளவுக்கு மாறியுள்ளான்.

என்னைப் பொருத்த வரை தவறு இரண்டு பக்கமும் இருப்பதாகவே உணர்கிறேன். ராம் குமாரின் வாக்கு மூலங்கள் தான் இனி பல உண்மைகளை கொண்டு வரும்.