வாரத்தின் ஏழு நாட்கள் குர்ஆனில் உள்ளதா?

வாரத்தின் ஏழு நாட்கள் குர்ஆனில் உள்ளதா?

//சிம்பிள் வாரத்துல இருக்கிற ஏழுநாட்களுக்கும் வானத்துல அடையாளம் உண்டு....

ஞாயிறு(சூரியன்)
திங்கள் (சந்திரன்)
செவ்வாய்
புதன்
வியாழன்
வெள்ளி
சனி.....

இது இஸ்லாத்துல இல்லைங்கோ.....// - Ram Nivas

'சூரியனும் சந்திரனும் கணக்கின்படி இயங்குகின்றன.'

-குர்ஆன் 55:5

'தொடர்ந்து இயங்கும் நிலையில் சூரியனையும் சந்திரனையும் உங்களுக்குப் பயன்படச் செய்தான். இரவையும் பகலையும் உங்களுக்காகப் பயன்படச் செய்தான்'

'நீங்கள் கேட்ட ஒவ்வொன்றையும் அவன் உங்களுக்கு வழங்கினான். இறைவனின் அருட்கொடையை நீங்கள் எண்ணினால் அதை உங்களால் எண்ணி முடியாது. மனிதன் அநீதி இழைப்பவன். நன்றி கெட்டவன்'

-குர்ஆன் 14:33, 34

சூரியன் சந்திரனை அடைய முடியாது. இரவு பகலை முந்தாது. ஒவ்வொன்றும் ஆகாயத்தில் நீந்துகின்றன.
-குர்ஆன் 36:40

குர்ஆனின் இந்த வசனங்களே அனைத்து கேள்விகளுக்கும் பதிலளித்து விடுகின்றது. வானவியலின் பல விந்தையான தோற்றங்களுக்கு அச்சாரமே இந்த பதில்தான். சூரியனும் சந்திரனும் இறைவன் இட்ட கணக்கின்படி இயங்கவில்லை என்றால் நேரம் கிடையாது: நாள் கிடையாது: வாரம் கிடையாது: மாதம் கிடையாது: வருடம் கிடையாது. பல ஆண்டுகளுக்குப் பிறகு வரக் கூடிய சூரிய கிரகணம் சந்திர கிரகணத்தையும் மனிதனால் துல்லியமாக எவ்வாறு கணக்கிட முடிகிறது? என்று சிந்தித்துள்ளீர்களா? அந்த இறைவன் மனிதன் வாழ பூமியை படைத்து மனிதனின் உடலுக்கு தக்கவாறு சீதோஷ்ண நிலையையும் நிர்ணயித்த அந்த ஏக இறைவனுக்கே புகழ் அனைத்தும்.

சூரியனும் அனைத்து கோள்களையும் இழுத்துக் கொண்டு ஓடுகின்றது என்ற உண்மை இந்த நூற்றாண்டில்தான் கண்டு பிடிக்கப்பட்டது. இது அறிவயலாரை ஆச்சரியப்பட வைத்தது.

படிப்பறிவற்ற சமூகமான அன்றைய நபிகள் நாயகத்தின் சமூகத்தில் இப்படி ஒரு விஷயத்தை இத்தனை இலகுவாக சொல்லிச் செல்ல ஒரு மனிதனால் முடியுமா? என்று சிந்திக்கக் கடமைபட்டுள்ளோம்.